• Ƀ/$

საქართველოში Ytong-ის ენერგოეფექტური ბლოკის ქარხანა აშენდება

26 ნოემბერი 12:19, 2018 წელი | ეკონომიკა

თბილისის მერი კახა კალაძე ლილოში „იტონგის“ (Ytong) ენერგოეფექტური ბლოკის ქარხნის სამშენებლო სამუშაოებს გაეცნო.

„დედაქალაქში კიდევ ერთი მნიშვნელოვანი პროექტის განხორციელება დაიწყო - ბლოკის ქარხნის მშენებლობა. ეს არის მსოფლიოში ერთ-ერთი ყველაზე ძლიერი და ყველასთვის ცნობილი გერმანული ბრენდი - „იტონგი“, რომელიც სამშენებლო სექტორში საქმიანობს. აღნიშნული პროექტის განხორციელება მნიშვნელოვანია იმ თვალსაზრისით, რომ ამ პროდუქტის შექმნა მთლიანად ქართული მასალებით, საქართველოში მოპოვებული წიაღისეულით მოხდება. დაახლოებით 200-მდე სამუშაო ადგილი შეიქმნება და 2019 წლის ივნის-ივლისში დასრულდება. სამუშაოები „საპარტნიორო ფონდთან“ ერთად მიმდინარეობს და მასში დაახლოებით 50 მილიონი ლარის ინვესტიცია ჩაიდება. როგორც ქალაქის მერი, ასეთი პროექტების განხორციელებას მივესალმები, რადგან დამატებითი სამუშაო ადგილები იქმნება, რაც ჩვენი მოსახლეობისთვის ყველაზე მნიშვნელოვანიანია“, - განაცხადა კახა კალაძემ.



აღნიშნული პროექტი „საპარტნიორო ფონდის“, ქართული კომპანია „არქი ჯგუფისა“ და გერმანული კომპანია „ქსელა გრუპის“ ერთობლივი თანამშრომლობით ხორციელდება და საქართველოში ენერგოეფექტური სამშენებლო გაზობლოკების წარმოებას გულისხმობს.


ენერგოეფექტური ბლოკით აგებულ შენობაში გათბობა-კონდიცირების ხარჯი საშუალოდ 30%-ით მცირდება.


მსგავს თემაზე:

ახალ შენობებში ენერგოეფექტურობის სტანდარტების დაცვა 2020 წლიდან სავალდებულო ხდება


ენერგოეფექტურობის შესახებ კანონს პარლამენტი წლის ბოლომდე მიიღებს



სხვა სიახლეები

ექსკლუზივი