• Ƀ/$

გაიხსნა პარკები, რესტორნები, კინოთეატრები - როგორია ახალი რეალობა?

29 მაისი 14:53 | INTERNET დაიჯესტი

კორონავირუსის შემდეგ მსოფლიო ნელ-ნელა გონზე მოდის, ხალხი კი ქუჩაში გამოდის და მისთვის უჩვეულო რეალობაში ხვდება. 

უამრავ ქვეყანაში ეპიდემიის პიკი დაღმასვლისკენ წავიდა, რაც იმას ნიშნავს, რომ შეზღუდვების შემსუბუქება დაიწყო. ამასთან, ყველა ხვდება, რომ ინფექცია უბრალოდ არ გამქრალა და რომ ნებისმიერ შეცდომას შეუძლია სიტუცია თავიდან გაამწვავოს. ასეთ პირობებში რესტორნები, კინოთეატრები, პარკები და სკოლები უწინდებურად ვეღარ იმუშავებენ. მათ უკვე მოუწიათ, ახალ რეალობაზე გადაწყობამ. იტალია, აშშ, ჰოლანდია, ტაილანდი და იაპონია როიტერის ფოტოგრაფებმა თავიანთ ფოტოობიექტივში გააერთიანეს.


ნიუ-იორკის პარკში თანამშრომლებმა ოთხ საათში მონიშნეს ბალახზე წრეები სოციალური დისტანციისთვის. 30 2.4-მეტრის დიამეტრიანი წრე 1.8 მეტრის დაშორებითაა დახაზული ერთმანეთისგან. ასე ადამიანებს შეუძლიათ, გაისეირნონ და იპიკნიკონ პარკში უსაფრთხოდ.



ბანგკოკის რესტორან Penguin Eat Shabu-ში მაგიდები პლასტიკური ბარიერებით გადატიხრეს ერთ მაგიდაზეც კი.



ისევ ბანგკოკი, სავაჭრო ცენტრი Icon Siam-ის პისუარებზე და იატაკზე გარკვევითაა მინიშნებები, თუ რომელი პისუარი მუშაობს და რომელი - არა, რათა ვიზიტორებმა დისტანციის დაცვა შეძლონ.



კარანტინის გამო სან-ფრანცისკოს ხელისუფლებამ საბჭოს წინ უსახლკაროებისთვის კარვების ქალაქი გაშალა. 80 კარავში 1300 უსახლკარო ცხოვრობდა ეპიდემიის პირობებში. ქალაქი კი მათ კვებას და ჰიგიენას თავისი ხარჯებით უზრუნველყოფდა. თუმცაღა სან-ფრანცისკოში კიდევ 8000-ზე მეტი უსახლკარო ცხოვრობს.



 ინდოელმა ინჟინერმა პარტხა სახამ უსაფრთხო ელექტროველოსიპედი-ტანდემი გამოიგონა, რომლითაც ორი ადამიანის გადაადგილება უსაფრთხოდ და დისტანციის დაცვითაა შესაძლებელი. თუკი ინდოეთში ველორიქშების პოპულარობასაც გავითვალისწინებთ, შესაძლოა, ინჟინერმა ამ პერიოდში სერიოზული ბიზნესიც დაიწყოს.



დაცვა ლიფტებშიც საჭიროა. კონექტიკუტის ერთ-ერთ კაზინოში ლიფტებში დისტანციის დაცვა სწორედ ასეა შესაძლებელი.



ნიუ-იორკის სანაპიროზე ჩარიგებული სკამები ბადითაა გამოყოფილი იმისთვის, რომ ადამიანები ერთმანეთის გვერდით უსაფრთხო დისტანციაზე მოთავსდნენ.



ამსტერდამის ერთ-ერთ რესტორანში თავდაცვის საკუთარ ხერხს მიაგნეს: მაგიდები ღია სივრცეში, ტერასებზე განათავსეს და მაგიდები შუშისა და რკინის კოსტრუქციისგან დამზადებული დამცავი, გამჭვირვალე ბარიერით გადახურეს. გამჭვირვალე ნიღბებს ატარებენ მომსახურე პერსონალიც - მათ კერძები გრძელი ხის დაფებით მოაქვთ, რათა მაქსიმალურად აირიდონ სტუმრებთან კონტაქტი.



სილამაზის სალონი ჰიუსტონში, ტექსასის შტატში - ვიზიტორებსა და სტილისტებს შორის დამცავი, შუშის ბარიერია აღმართული.



მილანში მაღაზიებსა და რესტორნებში მომხმარებელთა თერმოსკრინინგი მიმდინარეობს.



ბრიუსელის ერთ-ერთი სკოლაც დაფარულია მონიშვნებით და ყველა მონაკვეთი ახსენებს მოსწავლეებს, რომ დისტანცია დაიცვან. გარდა ამისა, კლასების ყველა შესასვლელში დაყენებულია სანიტაიზერები, მასწავლებლები კი ნიღბებით ატარებენ გაკვეთილებს. სტუდენტები გაკვეთილების წინ სიცხეს იზომავენ.



იაპონიაში კინოთეატრები გაიხსნა. თუმცა აქაც დისტანციის დაცვით: სკამები სპეციალური ლენტებითაა დამაგრებული, რომ ადამიანებმა გვერდიგვერდ დაჯდომა ვერ შეძლონ. თუმცა არც ისე ეყოლებოდა კინოთეატრებს ბევრი მაყურებელი: უამრავმა კინოსტუდიამ დიდი პრემიერები გაყიდვებიდან მოხსნა.



სხვა სიახლეები