1714460305
„ირანულ და უზბეკურ მწვანილს კონკურენციას ვერ ვუწევთ“ - ვახტანგ ბეჟიტაშვილი
ხილ-ბოსტნეულის ექსპორტიორთა ასოციაციის პრეზიდენტი ვახტანგ ბეჟიტაშვილი აცხადებს, რომ ბოლო წლების განმავლობაში საქართველოდან მწვანილის ექსპორტის კლების ტენდენცია ფიქსირდება. მისი თქმით, ყოველწლიურად კლება 10-20%-ის ფარგლებშია. როგორც Bm.ge-სთან ინტერვიუში ბეჟიტაშვილმა აღნიშნა, ამის მთავარი მიზეზი რუსეთის ბაზარზე ქართული მწვანილზე მოთხოვნის კლებაა.
„ათი წლის წინ რა მოცულობაც იყო, ახლა იმის 40-50%-ია. ეს გამოწვეულია იმით, რომ ამ მიმართულებით ჩვენი ძირითადი ბაზარი წლების განმავლობაში მხოლოდ რუსეთი იყო. რუსულ ბაზარზე კი ირანული და უზბეკური მწვანილი დაბალ ფასად შევიდა. შედეგად, მათ ქართული პროდუქცია ჩაანაცვლეს ფასის გამო, თუმცა ხარისხი ჩვენი უკეთესია. მიუხედავად ამისა, ჩვენ პოზიციები დავთმეთ. აქ ენერგომატარებლები და შესაფუთი მასალები უფრო ძვირია, მეწარმეებს აღარ უღირთ და ცდილობენ, ნაკლები აწარმოონ საექსპორტოდ“, - განმარტა ვახტანგ ბეჟიტაშვილმა.
მისივე თქმით, ქართველი მეწარმეები რუსეთის ბაზრების დივერსიფიცირებას ცდილობენ, თუმცა როგორც ჩანს, ჯერჯერობით ეს პროცესი მხოლოდ საწყის ეტაპზეა.
„წელს, საკმაოდ დიდი მოცულობა წავიდა უკრაინაში. ევროპის მიმართულებითაც დაახლოებით 100 ტონამდე მწვანილი გავიდა. მათ შორის რუმინეთში, ბულგარეთსა და მოლდოვაში“, - აღნიშნა მან და იმ ფაქტორებზეც გაამახვილა ყურადღება, რაც მისი მოსაზრებით, საქართველოდან მწვანილის ექსპორტს გაზრდის:
„ადგილობრივი წარმოების დონე უნდა ამაღლდეს და გაძლიერდეს, რათა კილოგრამის ფასი იყოს უფრო დაბალი. ასევე, მეურნეობების გამსხვილებას უნდა შეეწყოს ხელი, ვინაიდან, რაც უფრო მსხვილი იქნება მეურნეობა, მით უფრო მეტი წვდომა ექნება მწარმოებელს ფინანსებზე, რათა უფრო მეტად შეძლოს საექსპორტო ბაზრების დივერსიფიცირება. მხოლოდ ამის შემდეგ შეგვეძლება, რომ კონკურენცია გავუწიოთ ისეთ ქვეყნებს, როგორიცაა ირანი და უზბეკეთი“, - მიიჩნევს ხილ-ბოსტნეულის ექსპორტიორთა ასოციაციის ხელმძღვანელი.
ამასთან, როგორც ის აღნიშნავს, ირანელი მეწარმეებისთვის ამ კუთხით კონკურენციის გაწევა რთულია, ვინაიდან იქ ენერგომატარებლები გაცილებით იაფია, ამიტომაც წარმოების ხარჯიც დაბალია.
თუმცა, ვახტანგ ბეჟიტაშვილის თქმით, საქართველოსაც აქვს თავისი უპირატესობები: „ჩვენ ვართ როგორც ევროპის, ასევე დსთ-ის რეგიონის მიმართულებით თავისუფალი ვაჭრობის რეჟიმზე. დასავლეთის ქვეყნებზე იქნება სამუშაო და იქაური სპეციფიკა იქნება დასამუშავებელი, რათა ჩვენმა ფერმერებმა ამ მიმართულებითაც გაუშვან მწვანილი. ამასთან, შეფუთვის ხარისხი უნდა ამაღლდეს, სერტიფიცირებაც საჭიროა, მხოლოდ ამის შემდეგ იქნება შესაძლებელი, რომ დასავლეთის მიმართულებით ექსპორტი გაძლიერდეს“.
ენერგეტიკა
საზოგადოება
1714562802
საქართველოში წვიმა, ელჭექი და სეტყვაა მოსალოდნელი - გარემოს ეროვნული სააგენტოს გაფრთხილებაგარემოს ეროვნული სააგენტო ამინდის გაუარესების შესახებ მოსახლეობას აფრთხილებს. „2 მაისის დღის მეორე ნახევრიდან 6 მაისამდე საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, სეტყვა, ელჭექის დროს ქარის ხანმოკლე გაძლიერება.მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, - აღნიშნულია სააგენტოს მიერ გავრცელებულ ინფორმაციაში.
1714559846
ბიტკოინის, ეთერიუმის და სხვა კრიპტოაქტივების ფასები მკვეთრად დაეცარეკორდული შედეგის დაფიქსირების შემდეგ, ბიტკოინის, ეთერიუმის და სხვა კრიპტოაქტივების ფასები მკვეთრად დაეცა.ამჟამად ინდუსტრიის საერთო კაპიტალიზაცია 2 ტრილიონ 120 მილიარდ დოლარს შეადგენს, რაც ერთ დღეში 9%-ით შემცირებული მაჩვენებელია.თითქმის 15%-ით დაეცა ბიტკოინის ღირებულება ის ამჟამად 56,800 დოლარად ივაჭრება, მისი საბაზრო კაპიტალიზაცია კი $1.1 ტრილიონის ფარგლებშია.რაც შეეხება ეთერიუმს, რიგით მეორე უმსხვილესი კრიპტოაქტივის ფასი 2,800 დოლარს შეადგენს, რაც 13%-ით შემცირებული მაჩვენებელია, მისი კაპიტალიზაცია კი $345 მილიარდს შეადგენს.კრიპტოაქტივების ფასების შემცირება პირდაპირ კავშირშია ახლო აღმოსავლეთის რეგიონში კონფლიქტის ესკალაციასთან და ისრაელის წინააღმდეგ ირანის მიერ განხორციელებულ თავდასხმასთან, რაც რეგიონში გეოპოლიტიკური დაპირისპირების რისკებს მნიშვნელოვნად ზრდის.ასევე გასათვალისწინებელია FED-ისა და ECB-ის მხრიდან მკაცრი მონეტარული პოლიტიკის გახანგრძლივების რისკი, რასაც ინვესტორები განსაკუთრებით ნეგატიურად იღებენ.
1714558542
დღეიდან უცხოურ ვალუტაში დაკრედიტების ზღვარი 400 000 ლარამდე გაიზარდა1-ელი მაისიდან საქართველოში იმ მომხმარებლებისთვის, რომლებსაც ლარში აქვთ შემოსავალი სავალუტო კრედიტის გაცემის ქვედა ზღვარი 400,000 ლარამდე იზრდება, ამის შესახებ გადაწყვეტილება ეროვნული ბანკის ფინანსური სტაბილურობის კომიტეტმა მიიღო. ეროვნული ბანკის შეფასებით ამ ზღვრის აწევა ქვეყანაში ეროვნული ვალუტით დაკრედიტების წახალისებისთვის და შესაბამისად, მსესხებლებისთვის სავალუტო რისკების შემცირებას შეუწყო ხელი.როგორც სებ-ის ფინანსური სტაბილურობის კომიტეტის გადაწყვეტილებაშია აღნიშნული, მიმდინარე მაკროეკონომიკური და მაკროფინანსური გარემო ხელსაყრელ პირობებს ქმნის დედოლარიზაციის გრძელვადიანი გეგმის შემდეგი ნაბიჯების გადასადგმელად. შემცირებული ინფლაციის კვალდაკვალ რეფინანსირების განაკვეთის ეტაპობრივი შემცირება ლარის სესხებს კიდევ უფრო მიმზიდველს ხდის მოსახლეობისა და ბიზნესისთვის, რაც თავის მხრივ პოზიტიურად აისახება საკრედიტო აქტივობაზე. სტაბილურია ლარის ფონდირების ზრდა და ბანკებს აქვთ საკმარისი ლიკვიდობა, რომ შეუფერხებლად დააკრედიტონ ადგილობრივ ვალუტაში. ამასთან გლობალურად გამკაცრებული ფინანსური პირობების ფონზე, შემცირებულია მოთხოვნა უცხოური ვალუტის სესხებზე. აღნიშნული გარემოებები სასურველ წინაპირობას ქმნის უცხოური ვალუტის სესხების ლიმიტის გასაზრდელად ეკონომიკაზე მინიმალური გავლენით.გავრცელებული ინფორმაციით, ფინანსური სტაბილურობის კომიტეტის მორიგი სხდომა 2024 წლის 29 მაისს გაიმართება
1714556167
თბილისის მერია სკოლის ავტობუსების BUS LANE-ებში მოძრაობის დასაშვებად საკრებულოს მიმართავსთბილისის ტრანსპორტისა და ურბანული განვითარების სააგენტოს ჩართულობით, რამდენიმე სკოლის მოსწავლეთა გადაყვანის მარშრუტები დასამტკიცებლად საკრებულოს გადაეგზავნება, რათა მათ საავტობუსო ზოლებში მოძრაობა შეძლონ, - ამის შესახებ თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისივე განმარტებით, საუბარია მოსწავლეების რეგულარული ტრანსპორტირების მიზნით, M2 და M3 კატეგორიის ავტოსატრანსპორტო საშუალებებზე.„თბილისის მერიის ინიციატივითა და დედაქალაქის საკრებულოს შესაბამისი დადგენილებით, მიმდინარე წლის პირველი იანვრიდან ამოქმედდა წესი, რომლითაც სკოლის ავტობუსებს - M2 და M3 კატეგორიის ავტოსატრანსპორტო საშუალებებს ექნებათ შესაძლებლობა, საავტობუსო ზოლში გადაადგილდნენ. ჩვენ უკვე მოვუწოდეთ სკოლებს, რომელთაც აქვთ სურვილი, აღნიშნულ პროგრამაში ჩაერთონ. შემოსულია რამდენიმე სკოლიდან წერილი. ტრანსპორტისა და ურბანული განვითარების სააგენტოს ჩართულობით, ამ ყველაფერს საკრებულოში გადავაგზავნით, შემდეგ კი ამ სასკოლო ავტობუსებზე კონკრეტული მითითებები გაიცემა“, - განაცხადა კახა კალაძემ.თბილისის მერის თქმით, დადგენილია კონკრეტული მოთხოვნები, რაც სკოლებმა საავტობუსო ზოლში გადაადგილებისთვის უნდა გაითვალისწინონ.„აღნიშნული მარშრუტები მოიცავს საზოგადოებრივი ტრანსპორტისთვის განკუთვნილ ზოლებს, სადაც, დამტკიცების შემდეგ, სასკოლო ავტობუსები გადაადგილდებიან ყოველდღიურად, გარდა უქმე დღეებისა და შაბათ-კვირისა. სასკოლო ტრანსპორტი უნდა გაჩერდეს მხოლოდ ავტობუსების გაჩერების ადგილებზე. ამასთან, გაჩერების დრო არ უნდა აღემატებოდეს ერთ წუთს. მოსწავლეების ტრანსპორტირებისთვის განსაზღვრული დროა 06:00-დან 09:00 საათამდე და 14:00-დან 18:00 საათამდე“, - აღნიშნა კახა კალაძემ.
1714553234
გმირთა მოედანზე „ვისოლის“, „გალფისა“ და „ლუკოილის“ ბენზინგასამართი სადგურების დემონტაჟი 2-თვეში დასრულდებათბილისის მერიამ ლაგუნა ვერეს მიმდებარედ განთავსებული „ვისოლის“, „გალფისა“ და „ლუკოილის“ ბენზინგასამართი სადგურების მფლობელებთან მოლაპარაკებები დაასრულა.შეთანხმების თანახმად, 2 თვეში განხორციელდება ბენზინგასამართი სადგურების დემონტაჟი და დაიწყება იმ პროექტზე მუშაობა, რომელიც გმირთა მოედნის საავტომობილო გზის გაფართოებას გულისხმობს.„დავასრულეთ მოლაპარაკებები ბენზოგასამართი სადგურების მფლობელებთან, არის სამი კომპანია ეს არის „ლუკოილ ჯორჯია“, „ვისოლ პეტროლიუმ ჯორჯია“ და „სან პეტროლიუმ ჯორჯია“, რომელთა ბენზინგასამართები გმირთა მოედანზე, ლაგუნას ტერიტორიაზეა განთავსებული. შევთანხმდით უკვე ხელშეკრულებები გაფორმებულია მოხდება ადგილმონაცვლეობები. ხელშეკრულებები ჩაბარებულია საჯარო რეესტრში. 2 თვის განმავლობაში უნდა მოხდეს ბენზინგასამართების დემონტაჟი. პარალელურად ვიწყებთ მუშაობას, როგორ უნდა დაიგეგმოს გმირთა მოედანზე გზის გაფართოება“, - განაცხადა კახა კალაძემ.
