1713170557
ბრენდის წარმატებული ლოკალიზაცია ახალ ბაზრებზე: ავიასეილსის გამოცდილება
ახალი ქვეყნის ბაზარზე შესვლა ნებისმიერი ბიზნესისთვის გამოწვევაა. აუცილებელია კულტურული თავისებურებების გათვალისწინება, მენეჯმენტის დაქირავება, ახალი საკომუნიკაციო არხების შექმნა და ადგილობრივი კანონმდებლობის გათვალისწინება.
არ არსებობს ბრენდის ლოკალიზაციის უნივერსალური სტრატეგია, რომელიც ნებისმიერ ქვეყანაში იმუშავებს, თუმცა შესაძლებელია ზოგადი პრინციპებით ხელმძღვანელობა, რაც ნებისმიერი ბიზნესის წარმატებით გაფართოებაში დაგეხმარებათ. მათ შორის, მთავარია ადგილობრივი ექსპერტების გამოცდილების გაზიარება და ქვეყნის ტრადიციების პატივისცემა. ასევე, მნიშვნელოვანია კულტურულ კონტექსტში ჩაღრმავება - ადგილობრივი მაცხოვრებლების საზრუნავის, პრობლემების, იუმორისა და სხვა ნიუანსების გათვალისწინება.
როგორ დაიწყო ყველაფერი?
სერვისი თავდაპირველად 2007 წელს გამოჩნდა. მაშინ ის წარმოადგენდა ბლოგს, სადაც შეხვდებოდით ინფორმაციას და რეკომენდაციებს ავიაბილეთებზე საუკეთესო ფასების მოსაძიებლად. ვინაიდან მის მიმართ ინტერესი მომხმარებლების რაოდენობასთან ერთად გაიზარდა, ავიასეილსი მეტასაძიებო პლატფორმად გარდაიქმნა. მალე, სერვისის საშუალებით დაჯავშნეს პირველი ავიაბილეთი, რამაც მის მფლობელს პარიზში ჩაფრენის საშუალება მისცა.
ოთხი წლის შემდეგ, 2011 წელს პლატფორმა საერთაშორისო ბაზარზე გავიდა, როგორც ჰონკ-კონგში არსებული კომპანია Go Travel Un Limited-ის აქტივი. ხოლო უკვე 2012 წელს, ავიასეილსის აქტიური მომხმარებლების რაოდენობამ 2 მილიონ ადამიანს გადააჭარბა. სწრაფი ზრდა მოითხოვდა ახალი, უფრო მოსახერხებელი პროდუქტების დანერგვას. ამიტომ, 2013 წელს სერვისმა ინტერაქტიური რუკა წარადგინა, რომელიც გეხმარებათ, უფრო სწრაფად იპოვოთ ხელსაყრელი შეთავაზებები.
ახალ ბაზრებზე აქტიური შესვლა - ასე შეიძლება ავიასეილსის უახლესი ისტორიის მოკლედ აღწერა. 2018-2019 წლებში სერვისი გამოჩნდა ყირგიზეთში, უზბეკეთში, აზერბაიჯანში, ბელარუსში, ყაზახეთსა და უკრაინაში. ამის შემდეგ, ახალ რეგიონებში ჯავშნების რაოდენობა 11-ჯერ გაიზარდა, მოგებამ კი 40%-ით მოიმატა.
თუმცა, ავიასეილსი ამაზე არ გაჩერებულა და უკვე 2023 წელს, სერვისი ოფიციალურად ხელმისაწვდომი გახდა მოგზაურებისთვის საქართველოდან.
ახალ ბაზარზე შესვლა და ადგილობრივი აუდიტორიის ლოიალობა
Aviasales მოგზაურებისთვის განკუთვნილი პლატფორმაა, ამიტომ ბრენდის პოპულარიზაცია ორიენტირებულია შესაბამის ადგილობრივ კონტენტზე. ძალიან მნიშვნელოვანია რეაგირების სისწრაფე - კომპანიის სპეციალისტები პოპულარულ მიმებსა და სიტუაციებზე დაუყოვნებლივ რეაგირებენ და არა 2-3 დღის შემდეგ.
მაგალითად, როდესაც ალმათის აეროპორტში შიშველი კაცი შეიჭრა, ავიასეილსმა სწრაფად გააკეთა მიმი, რომელიც ვირუსულად გავრცელდა სოციალურ ქსელებში. წინსვლის კიდევ ერთი კარგი მაგალითია Aygen-ის ფუთები, რომლებიც ალბათ, ყაზახეთში თითქმის ყველას სახლში მოიპოვება. ავიასეილსმა მისი გავლენით, საკუთარი მერჩი და საყიდლების ჩანთა გამოუშვა, რამაც საზოგადოების დიდი აღფრთოვანება გამოიწვია.
View this post on Instagram
ადგილობრივ ინფლუენსერებთან თანამშრომლობა
მაგრამ ჩვენ მხოლოდ მიმებზე ორიენტირებული მარკეტინგით არ ვართ დაკავებული (თუმცა, მათ გვერდს ვერ აუვლი) - პოპულარიზაციის კიდევ ერთი მნიშვნელოვანი კომპონენტია ბლოგერებთან თანამშრომლობა. ადგილობრივმა ინფლუენსერებმა ყველაზე უკეთ იციან, როგორ იმუშაონ აუდიტორიასთან: რა ტიპის მასალები შეეფერებათ მათ, სად რაზე შეიძლება ხუმრობა და რა თემაზე სჯობს თავის შეკავება. ავიასეილსის გუნდი არასდროს ერევა იმ კონტენტში, რომელსაც პარტნიორი ბლოგერები ქმნიან. ამგვარად ინფლუენსერებსა და მათ გამომწერებს შორის ნდობაზე დაფუძნებული ურთიერთობები ყალიბდება.
ასეთი პარტნიორობის ეფექტიანობის შესანიშნავი მაგალითი აჩვენეს უზბეკმა ბლოგერებმა. ავიასეილსთან ერთად, მათ მოგზაურობისას ძალიან კარგი საახალწლო კამპანია წამოიწყეს - ისინი უბრალო მუყაოზე სახალისო ფრაზებს წერდნენ, რომლებიც შემდეგ მათ ინსტაგრამ გვერდებზე გამოჩნდა. ამან მათი აუდიტორია გაამხიარულა და დადებითმა გამოხმაურებებმაც არ დააყოვნა.
ამ კამპანიის ნაწილი 5 ბლოგერი გახდა, რომლებიც განსხვავებულ თემატიკასა და აუდიტორიაზე მუშაობდნენ. მაგალითად, TROLL.UZ, რომლის ბლოგიც სოციალურ თემებს ეძღვნება, რეკომენდაციას გასცემდა, პომპეზური საქორწილო წვეულების ნაცვლად, თანხა რომანტიკულ მოგზაურობაში ჩაედოთ. ხოლო ცხოვრების სტილზე ორიენტირებულმა ინფლუენსერმა leo_17s მიმების კამპანია წამოიწყო მდიდარი ქმრის შესახებ.
View this post on Instagram
ადგილობრივი ენა კომუნიკაციის ცენტრში
იმისთვის, რომ ახალი ბაზრის აუდიტორიასთან ნამდვილად მჭიდრო კავშირი დამყარდეს, აუცილებელია იმავე ენაზე საუბარი, რომელსაც მოსახლეობის უმეტესობა იყენებს. ამიტომ, ავიასეილსი ყაზახეთში პოსტებს ყაზახურ ან რუსულ ენებზე აქვეყნებს, ხოლო აზერბაიჯანში მხოლოდ აზერბაიჯანულად.
ასეთი მიდგომა კორპორატიულ მესიჯბოქსს არა მხოლოდ უფრო გასაგებს ხდის პოტენციური კლიენტებისთვის, არამედ ბრენდის მხრიდან ადგილობრივი კულტურის პატივისცემასაც მოწმობს.
სხვათა შორის, ავიასეილსი ადგილობრივი მიმების, სიტუაციებისა და ხუმრობების ჩართვით, აზერბაიჯანში წარმატებით მიიწევს წინ. მაგალითად, სერვისს დეპუტატობის საკუთარი კანდიდატი ჰყავდა, რომლისთვის ხმის მიცემაც დალაიქებით შეიძლებოდა. ან სახალისოდ იქნა ათვისებული ადგილობრივი ახალგაზრდების სატკივარი ქორწილების სეზონზე, რაშიც დიდი ფული იხარჯება. მოკლე რილსებში Aviasales იმის შესახებ ხუმრობს, რომ ამ ქორწილების გამო, მოგზაურობისთვის ფულის გადანახვა შეუძლებელია. ასევე, აუდიტორიამ პოსტი მიიღო გვიანი საბჭოთა პრიმადონასგან, ილჰამა გულიევასგან. ამ ვიდეოში არტისტი ამტკიცებს, რომ ყველა მეგობარი, რომელიც თავისთვის მოგზაურობს და არა მასთან ერთად, მისთვის მკვდარია.
View this post on Instagram
ადგილობრივ ბიზნესთან თანამშრომლობა
აუცილებელი არ არის, ახალ ბაზარზე ნულიდან მოიპოვოთ აუდიტორიის ნდობა - შეგიძლიათ იმ ადამიანთან ითანამშრომლოთ, რომელმაც ეს უკვე გააკეთა. წარმატებული პარტნიორობა მნიშვნელოვანი „აგურია“ ლოიალობის გზების შენების პროცესში: ეფექტური მარკეტინგული კამპანია ასოციაციურ კავშირს შექმნის პოპულარულ პროდუქტსა და ადგილობრივ ბრენდს შორის.
მაგალითად, 2022 წელს, ყირგიზეთში, ნაყინის პოპულარულ ადგილობრივ ბრენდ Fresco-სთან კოლაბორაციის შედეგად, გაჩნდა განსაკუთრებული ხაზი - „Aviasales-იდან მოგზაურობის“ გემოთი. თუმცა, მაშინაც კი, თუ ყველა მოგზაურს არ უყვარს ნაყინი, ყოველ მათგანს სჭირდება პასპორტი საზღვრის კვეთისთვის. ამიტომ, ყირგიზეთის ყველა მოქალაქე, რომელიც გაზაფხული-ზაფხულის სეზონზე digital.gov.kg-ის საშუალებით აფორმებდა ახალ დოკუმენტებს, მათ ავიასეილსის ბრენდირებული კონვერტებით იღებდა მოწოდებით „მოგზაურობა მთელს მსოფლიოში“.
შეჯამება
ადგილობრივ ბაზრებზე ავიასეილსის პოპულარიზაციის სტრატეგია იმიტომაა წარმატებული, რომ ის მთელ ნაციონალურ პოტენციალს იყენებს. ადგილობრივ ბლოგერებთან თანამშრომლობა გვეხმარება კულტურული კოდის უკეთ გაგებაში, აუდიტორიის ნდობის მოპოვებასა და კულტურული მითვისების თავიდან აცილებაში. ლოკალურ ენაზე კომუნიკაცია გვეხმარება, პოტენციურ კლიენტებამდე უკეთ მივიტანოთ „მესიჯი“, ხოლო ადგილობრივ ბიზნესთან თანამშრომლობა ბრენდის ლოიალობის ამაღლებისა და გაყიდვების გაზრდის საშუალებას გვაძლევს.
ამ ხერხთა ერთობლიობა ახალ ბაზარზე განვითარებისა და პოპულარიზაციის საფუძველი და, ასევე, წარმატებული კონკურენციისა და დასამახსოვრებელი მედია კამპანიების შექმნის ინსტრუმენტია.
ენერგეტიკა
საზოგადოება
1713530924
ფინანსთა მინისტრი საერთაშორისო საფინანსო კორპორაციის ვიცე-პრეზიდენტს შეხვდასაერთაშორისო სავალუტო ფონდისა და მსოფლიო ბანკის წლიური შეხვედრის ფარგლებში, ფინანსთა მინისტრი ლაშა ხუციშვილი და ეროვნული ბანკის პრეზიდენტის მოვალეობის შემსრულებელი ნათია თურნავა საერთაშორისო საფინანსო კორპორაციის (მსოფლიო ბანკის ჯგუფი) ვიცე-პრეზიდენტს ევროპის, ლათინური ამერიკისა და კარიბის ზღვის აუზის ქვეყნებში ალფონსო გარსია მორას შეხვდნენ. ამის შესახებ ინფორმაციას ფინანსთა სამინისტრო ავრცელებს.უწყების ცნობით, მხარეებმა ორმხრივი თანამშრომლობის საკითხები განიხილეს. „საუბარი შეეხო საერთაშორისო საფინანსო კორპორაციის (IFC) მიერ საქართველოში მხარდაჭერილი პროექტების მიმდინარეობას. ასევე, კაპიტალის ბაზრის განვითარების საკითხებს, მცირე და საშუალო ბიზნესისათვის დაკრედიტებისა და აღნიშნულ სექტორში საინვესტიციო პოტენციალის ზრდის შესაძლებლობებს.შეხვედრას დაესწრნენ მსოფლიო ბანკის რეგიონული დირექტორი სამხრეთ კავკასიაში როლანდ პრაისი, ფინანსთა მინისტრის პირველი მოადგილე გიორგი კაკაურიძე, მინისტრის მოადგილეები ეკატერინე გუნცაძე და მირზა გელაშვილი, ეროვნული ბანკის ვიცე-პრეზიდენტები: ეკატერინე მიქაბაძე და ეკატერინე გალდავა, ეკონომიკისა და მდგრადი განვითარების მინისტრის მოადგილე ვახტანგ ცინცაძე“, - წერია გავრცელებულ განცხადებაში.
1713528546
„ბიჭვინთის აგარაკის გადაცემას რუსეთისთვის პრინციპული მნიშვნელობა ჰქონდა“ - სუს-ისახელმწიფო უსაფრთხოების სამსახური 2023 წლის ანგარიშში წერს, რომ ბიჭვინთის აგარაკის გადაცემას რუსეთისთვის პრინციპული მნიშვნელობა ჰქონდა. ამის შესახებ ანგარიშის იმ ნაწილში წერია, რომელშიც რუსეთის მიერ ოკუპირებული ტერიტორიების ანექსიისკენ მიმართულ პროცესებზეა საუბარი.უწყებაში განმარტავენ, რომ 2022 წელს დაწყებულ პროცესს თავიდან საზოგადოების ნაწილი ეწინააღმდეგებოდა, თუმცა 2023 წლის ბოლოს მას „ოპოზიციის ლიდერების“ დიდმა ნაწილმა მხარი დაუჭირა.„ბიჭვინთის აგარაკის გადაცემას რუსეთისთვის პრინციპული მნიშვნელობა ჰქონდა. აღნიშნული პროცესი რუსეთის სასარგებლოდ დასრულებით მოსკოვმა დემონსტრირება მოახდინა, რომ მისი ინტერესების წინააღმდეგ ნებისმიერი პროტესტი უშედეგოა.მოსახლეობაში გაჩენილი უკმაყოფილების მინიმიზებისთვის საოკუპაციო ძალა მუდმივად ცდილობდა წარმოჩენას, თითქოს ე.წ. სახელმწიფო აგარაკის გასხვისების შესახებ ე.წ. შეთანხმებაზე უარის თქმა პირდაპირ უკავშირდებოდა საქართველოს ცენტრალური ხელისუფლების ინტერესებს და რუსეთთან ოკუპირებული აფხაზეთის „ურთიერთობას“ დააზიანებდა“, - ნათქვამია სუს-ის ანგარიშში.ცნობისთვის, 2023 წლის ბოლოს ოკუპირებული აფხაზეთის ე.წ. პარლამენტმა დაჩქარებული წესით დაამტკიცა „რუსულ-აფხაზური შეთანხმება” ბიჭვინთის აგარაკების რუსეთისთვის გადაცემის შესახებ. აფხაზური მედიის ინფორმაციით, დოკუმენტს მხარი 28 დეპუტატიდან 25-მა დაუჭირა. ოკუპირებულ აფხაზეთში რუსეთის ე.წ. ელჩმა, მიხეილ შურგალინმა განაცხადა, რომ მოსახლეობის უმრავლესობისთვის ბიჭვინთის აგარაკები ვლადიმერ პუტინთან ასოცირდება, რადგან სამთავრობო შეხვედრები მას იქ არაერთხელ გაუმართავს. გადაწყვეტილებას ადგილობრივი მოსახლეობის ნაწილის მხრიდან პროტესტი მოჰყვა.საქართველოს საგარეო საქმეთა სამინისტროში კი მაშინ განაცხადეს, რომ აფხაზეთის რეგიონის ოკუპაციის პირობებში ტერიტორიის გადაცემაზე გაფორმებულ ე.წ. შეთანხმებას ვერ ექნება რაიმე სახის სამართლებრივი შედეგი, რადგან საერთაშორისო სამართლებრივი თვალსაზრისით, ნებისმიერი მსგავსი სახის ე.წ. შეთანხმება იურიდიული ძალის არმქონე და ბათილია. ბიჭვინთის აგარაკების რუსეთისთვის იჯარით გადაცემის საკითხი მკაცრად დაგმო საქართველოს პრეზიდენტმა სალომე ზურაბიშვილმა, რომელმაც განაცხადა, რომ ეს ნაბიჯი წარმოადგენს საქართველოს ტერიტორიის მცოცავი ანექსირების პოლიტიკის გაგრძელებას და საერთაშორისო საზოგადოებას მკაცრი რეაქციის გამოვლენისკენ მოუწოდა.
1713523453
იმპორტირებულ ფარმაცევტულ პროდუქციაზე ერთ წელიწადში ფასები 3,3%-ით გაიზარდამიმდინარე წლის მარტის მონაცემებით, ძირითად იმპორტირებულ ფარმაცევტულ პროდუქტებსა და პრეპარატებზე, წინა წლის იგივე თვესთან შედარებით ფასები 3,3 პროცენტით გაიზარდა. წინა თვესთან შედარებით კი ზრდამ 0,8% შეადგინა. მონაცემებს საქსტატი ავრცელებს. მისი ინფორმაციით, მთელი 2022 წლის განმავლობაში, აღნიშნულ ჯგუფში ფასები, წინა წლის იგივე თვესთან შედარებით მცირდებოდა, 2002 წლის მარტში 15%-იანი შემცირებაც კი დაფიქსირდა. შემცირების ტენდენცია გრძელდებოდა 2023 წლის განმავლობაში, თუმცა შედარებით მცირე მასშტაბით.რაც შეეხება ფასების ცვლილებას წინა თვესთან შედარებით, როგორც აღინიშნა, აქ ზრდა 0,8%-იანი იყო, თებერვალში დაახლოებით 5%-იანი კლება დაფიქსირდა, იანვარში კი 5%-იანი ზრდა.შეგახსენებთ, რომ 2022 წლის იანვარში საქართველოსთვის თურქეთის ფარმაცევტული ბაზარი გაიხსნა. შედეგად, მედიკამენტების ფასები ამ სეგმენტში 70-80%-ით შემცირდა.წყარო: jandava.ge
1713518154
საქართველოში ჰაერის ტემპერატურა +35 გრადუსამდე მოიმატებსგარემოს ეროვნული სააგენტოს ცნობით, 20-22 აპრილს საქართველოს ზოგიერთ რაიონში სითბოს ფონზე მოსალოდნელია ხანმოკლე წვიმა ელჭექით. 20 აპრილს დასავლეთ საქართველოში ჰაერის ტემპერატურა ისევ +30, +35 გრადუსამდე მოიმატებს, შემდეგ დღეებში კი შედარებით დაიკლებს.თბილისში სითბოს ფონზე შესაძლოა ხანმოკლე წვიმა ელჭექით აღინიშნოს. ჰაერის ტემპერატურა დღისით +26, +28 გრადუსი დაფიქსირდება.სანაპირო რაიონებში (ბათუმი, ქობულეთი, ანაკლია, ფოთი): მოსალოდნელია თბილი და უმეტესად უნალექო ამინდი. 20 აპრილს ჰაერის ტემპერატურა დღისით +31, +33 გრადუსამდე მოიმატებს, ხოლო შემდეგ დღეებში შედარებით დაიკლებს.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 20 და 22 აპრილს მოსალოდნელია თბილი და უნალექო ამინდი. 21 აპრილს ზოგან იწვიმებს. 20 აპრილს ჰაერის ტემპერატურა დღისით +33, +35 გრადუსამდე მოიმატებს, ხოლო შემდეგ დღეებში შედარებით დაიკლებს.დასავლეთ საქართველოს მთიან რეგიონებში (ამბროლაური, ონი, ცაგერი. შოვი, ჭიათურა, საჩხერე, ხულო): 20 და 22 აპრილს მოსალოდნელია თბილი და უნალექო ამინდი. 21 აპრილს ზოგან იწვიმებს. 20 აპრილს ჰაერის ტემპერატურა დღისით +30, +32 გრადუსამდე მოიმატებს, ხოლო შემდეგ დღეებში შედარებით დაიკლებს.დასავლეთ საქართველოს მაღალმთიან რეგიონებში (მესტია, ბახმარო): 20 და 22 აპრილს მოსალოდნელია თბილი და უნალექო ამინდი. 21 აპრილს ზოგან იწვიმებს. ჰაერის ტემპერატურა დღისით +21, +23 გრადუსი იქნება.ქართლში (რუსთავი, ბოლნისი, მარნეული, გარდაბანი, გორი, ცხინვალი): თბილი და უნალექო ამინდია მოსალოდნელი. სითბოს ფონზე ზოგან გაწვიმდება, შესაძლებელია ელჭექიც. ჰაერის ტემპერატურა დღისით +27, +29 გრადუსი დაფიქსირდება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან გაწვიმდება, შესაძლებელია ელჭექი და სეტყვა. ჰაერის ტემპერატურა დღისით +27, +29 გრადუსი დაფიქსირდება. აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური, დედოფლისწყარო,): ზოგან გაწვიმდება, შესაძლებელია ელჭექი და სეტყვა. ჰაერის ტემპერატურა დღისით +24, +26 გრადუსი დაფიქსირდება.აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): ზოგან გაწვიმდება, შესაძლებელია ელჭექი და სეტყვა. ჰაერის ტემპერატურა დღისით +19, +21 გრადუსი დაფიქსირდება.
1713517806
რა ფასად შემოდის ჩინეთიდან ავტომობილები - იმპორტი რეკორდულიაჩინეთიდან ავტომობილების იმპორტი რეკორდულ მაჩვენებელზეა. სტატისტიკის ეროვნული სამსახურის მონაცემებით, წელს 3 თვეში საქართველოში 547 000 ერთეული (7,824 მლნ აშშ დოლარი) ჩინური ავტომობილი შემოვიდა, რაც გასულ წლებთან შედარებით, ყველაზე მაღალი მაჩვენებელია.შედარებისთვის, 2023 წლის იანვარ-მარტში, საქართველოში ჩინეთიდან 511 000 ერთეული მანქანა შემოვიდა, 2022 წლის 3 თვეში - 148 00 000 ერთეული, 2021 წლის იგივე საანგარიშო პერიოდში 514 000 ერთეული, 2020 წლის იანვარ-მარტში - 115 000 ერთეული, 2019 წლის 3 თვეში - 17 000 ერთეული და ა.შ.ამასთან, სტატისტიკის ეროვნული სამსახურის მონაცემებით, წელს ჩინეთიდან იმპორტირებული ავტომობილების საშუალო ღირებულება დაახლოებით, 14,3 ათასი აშშ დოლარია. შენიშვნა, ფასი გამოანგარიშებულია საშუალო მაჩვენებლით, შესაბამისად, ჩინური ავტომობილის იმპორტი შესაძლოა, 14 ათას აშშ დოლარზე ნაკლები, ან მეტი დაჯდეს მარკისა და მოდელის შესაბამისად.ცნობისთვის, 2024 წელია იანვარ-მარტში საქართველოში მსუბუქი ავტომობილების იმპორტი 31.3%-ით შემცირდა, ექსპორტი კი 7.8%-ით გაიზარდა. სტატისტიკის ეროვნული სამსახურის მონაცემებით, საანგარიშო პერიოდში ქვეყანაში 486.575 მლნ დოლარის ღირებულების (32 204 ერთეული) მსუბუქი ავტომობილი შემოვიდა, წინა წლის ანალოგიურ პერიოდში კი 707.485 მლნ დოლარს შეადგენდა (47 095 ერთეული).რაც შეეხება ექსპორტს, საქსტატის მონაცემებით, თუ 2023 წლის იანვარ-მარტში ქვეყანამ უცხოეთში 411.771 მლნ დოლარის (22 391 ერთეული) მანქანა გაყიდა, წელს ამ მაჩვენებელმა 443.815 მლნ დოლარი (20 640 ერთეული) შეადგინა.
