News Makers-ის Youtube არხზე გადაცემა "ყვითელი ბარათის" სტუმარი საქართველოს ნაკრების ფეხბურთელი გიორგი გველესიანი იყო, რომელმაც ბევრ თემაზე და მათ შორის, საქართველოს ეროვნულ ჩემპიონატზე ისაუბრა."თბილისის "დინამოსთან" ჩემი სენტიმენტები და მიზიდულობა გამაჩნია. თუ რაიმე მიზიდულობა გამაჩნია რომელიმე გუნდთან, ეს სწორედ "დინამოა". რა თქმა უნდა, მათ წარმატებებს ვუსურვებ და ჩემზე ბედნიერი არავინ იქნება, თუ ისინი ჩემპიონთა ლიგის ჯგუფურ ეტაპზე მოხვდებიან. დარწმუნებული ვარ, ეს დღეც აუცილებლად დადგება.მინდა, განვავრცო რატომ არის ეს ნაკლებად სავარაუდო და რატომ განიცდის ქართული ფეხბურთი სტაგნაციას. ამ სტაგნაციის თანამონაწილე ვიყო, არანაირი მოტივაცია არ გამაჩნია. მირჩევნია, ვიკითხო წიგნები და მერე ამ წიგნების ანალიზს ვუსმინო, ვიდრე რაღაცა უმიზნო საქმე ვაკეთო და ამაში ფული ავიღო.რა არის ქართულ ფეხბურთში გამოსასწორებელი? - აუცილებლად უნდა დავიწყოთ საუბარი ზოგადად ეკონომიკური მოწყობიდან. გარკვეულწილად ქვეყანაში გვაქვს ნეოლიბერალური ველური კაპიტალიზმი, მაგრამ ფეხბურთში სოციალიზმი გვაქვს.ვგულისხმობ იმას, რომ სახელმწიფოსგან მიღებული დაფინანსების სახით, მომაკვდავი პაციენტი აპარატზე გვყავს შეერთებული. 2016 წლიდან, ეს ფინანსები რეალურად მიკუთვნილი იყო იმისკენ, რომ ფეხბურთი განვითარებულიყო, მაგრამ რეალურად სტაგნაციას ვაფინანსებთ.ვინც მისმენს, დასვამს კითხვას: "მაშინ ფეხბურთი მოვკლათ?!"... თუ რეალურად შევხედავთ, ისე, რომ ფეხბურთი არის ბიზნესი, თუ ნებისმიერ სხვა ბიზნესში ადამ სმიტის უხილავი ხელი არეგულირებს ყველაფერს, ფეხბურთში ჩვენ ამ კუთხით სოციალიზმი გვაქვს.გასაგებია, რომ ეს ბიზნესისთვის არამომგებიანი თემაა. ვერავინ დაასწრებდა იმ მონოპოლისტებს პირობითად "ჯორჯიან კაპიტალსს" ეყიდა თბილისის "დინამო" და ნებისმიერი სხვა კლუბი.გვაქვს გამონაკლისები "ტორპედოს" სახით. დიდი მადლობა ბატონ დავით კერესელიძეს, მაგრამ არ ვიცი მას რა მოგება აქვს ამ საქმეში. ასევე მადლობა ეკუთვნის რომან ფიფიასაც და არ მინდა სხვა ვინმე გამომრჩეს და ბოდიში თუ ასე მოხდა.ესენი საქართველოს ჩემპიონატისთვის კარგ საქმეს აკეთებენ, მაგრამ მაინც სტაგნაცია გვაქვს და ეს უკვე დროში გაირკვა. თუ ფეხბურთის განვითარების ფონდის შექმნიდან 2016 წლიდან ვინმეს სჯეროდა, რომ ფეხბურთი განვითარდებოდა, ეს ასე არ მოხდა.ჩვენ ვერ გავავსებთ ტრიბუნებს და ბილეთების ფულიდან კლუბმა ხეირი ნახოს, ასე ვერ მოხდება. ძალიან რთულია ტელევიზიებს გადავახდევინოთ ის ფული, რომლითაც კლუბებს შევინახავთ.ავუკრძალეთ სათამაშო ბიზნესს ტელევიზიით რეკლამა, მაგრამ გარკვეული თანხის სანაცვლოდ, ეროვნული ჩემპიონატს თუ სტადიონებს ვუწოდეთ ამ კომპანიების სახელი. მაისურებზეც გუნდებს მათი სახელი აქვთ და ლანგარზე მივართვით.ჩემი მხრიდან, მსჯელობა და კრიტიკა ადვილია, მაგრამ ეს მოდელი შესაძლოა, უხეშად ვმსჯელობ, მაგრამ აპარატზე შეერთებული პაციენტია და რეალობას თვალი უნდა გავუსწოროთ. თუ ნებისმიერ სხვა ბიზნესს ადამ სმიტის უხილავი ხელის თეორიით ვარეგულირებთ, ეს ფეხბურთზეც უნდა განვახორციელოთ.მე ეკონომისტი არ ვარ, რომ ეს ყოველივე განვსაზღვრო, მაგრამ როდესაც ქვეყანაში შემოდის გარე ინვესტიციები მაგალითად, "იგლ ჰილზი" და დებს რაღაც ინვესტიციას, ბიზნესს ვერ დაავალდებულებ, რომ მიდი და კლუბი შეინახე, როგორც ეს ირანში ხდება, არასწორია და ბიზნესის თავისუფლებას უგულებელყოფს, თუმცა თუ მოგების გადასახადიდან დაუქვითავ, გარკვეულწილად შეგვიძლია დავავალდებულოთ ისინი რაღაცის სანაცვლოდ. ეს შეიძლება ეკონომისტებისთვის სასაცილო იყოს, მაგრამ არც ისე სასაცილო ჩანს.ჩვენი დოტაციით ფეხბურთს ვერც ვშველით და არც ვკლავთ. შესაძლოა, გავაკეთოთ ინკუბატორი ნიჭიერი ტალანტებისა. თუ დავკარგეთ მწერლების, მუსიკოსების და კინო ინდუსტრიის ტალანტები, საბჭოთა კავშირის დროს კინოში გვქონდა ძალიან ბევრი შედევრები, რა საკვირველიც არ უნდა იყოს, ფეხბურთში კოლექტიური ხვიჩა კვარაცხელიები კიდევ იბადებიან, თუმცა ეს ხვიჩა კვარაცხელია არა 10 000-ში 1, არამედ 1000-ში ერთი უნდა ამოვიდეს და პირობითად, 1000-დან 5 ზურიკო დავითაშვილი, რომ მივიღოთ და კლუბმა გაყიდოს და თანხა მიიღოს, ეს პოლიტიკა უკეთესი იქნებოდა.ეს ყოველივე სახელმწიფოსთვისაც ხომ დამატებითი ტვირთია? არ გვაქვს მდიდარი სახელმწიფო, როგორიც კატარი და სხვაა. ეს ფეხბურთში გადახდილი მილიონები, რომლებიც გადასახადების გადამხდელი ხალხის ფულია, რამდენად სწორია ფეხბურთში იდებოდეს?პირობითად, მე მინდა ფეხბურთი დავაფინანსო, მაგრამ თქვენ არა და რამდენად სწორია, თქვენგან ამოღებული ფულიდან ფეხბურთი დავაფინანსო, როდესაც ეს ფული შემიძლია სხვა სოციალური პროგრამებისკენ მივმართო, პენსია გავზარდო... კიდევ ერთხელ ვიმეორებ, ჩვენ სტაგნაციას ვაფინანსებთ", - თქვა გველესიანმა.ვრცლად: sportall.ge

ილია თოფურიას ფიზიკური მომზადების მწვრთნელმა, ხესუს გალომ ქართველი მებრძოლის ჯანმრთელობის მდგომარეობის შესახებ ისაუბრა.„ფიზიკურად ილია უკვე სულ სხვა ადამიანია. ცხადია, გარკვეული დისკომფორტი აქვს, თუმცა ისე გამოიყურება, თითქოს არც უბრძოლია.ბრძოლიდან სულ რაღაც კვირა და ორი დღეა გასული და ილიას სახეზე შეშუპება და ჩალურჯებები უკვე სრულად გაუქრა. მართალია, ტკივილსა და დისკომფორტს კვლავაც გრძნობს, მაგრამ ვიზუალურად ის ძალიან კარგ მდგომარეობაშია. ექიმების თქმით, რადგან თვალბუდის მოტეხილობისას ძვალი არ გადაადგილებულა, დამატებითი ჩარევა საჭირო არ არის და ის თავისით, დაახლოებით 6-8 კვირაში შეხორცდება.რაც შეეხება მის ოქტაგონზე დაბრუნებას, ძვლის შეხორცების შემდეგ ილიას სრულად აღსადგენად და სავარჯიშოდ დაბრუნებისთვის კიდევ დასჭირდება დრო – ჯამში, ეს პროცესი მინიმუმ 2-3 თვეს წაიღებს. შესაბამისად, მისი მომდევნო ბრძოლა, იქნება ეს რევანში თუ სხვა დაპირისპირება, შესაძლოა, წლის ბოლოსკენ, დეკემბერში, ვიხილოთ“, – აღნიშნავს გალო.29 წლის თოფურია 15 ივნისს, თეთრ სახლში ჯასტინ გეიჯისთან დამარცხდა და მსუბუქი წონის საჩემპიონო ქამარი დათმო.წყარო: პირველი არხი

2026 წლის FIFA-ს მსოფლიო ჩემპიონატზე მონაწილე ყველაზე მაღალანაზღაურებადმა 11-მა ფეხბურთელმა ბოლო 12 თვის განმავლობაში ჯამში დაახლოებით 950 მლნ დოლარი გამოიმუშავა - ამის შესახებ აღნიშნულია Forbes-ის მიერ გამოქვეყნებულ რეიტინგში.აღსანიშნავია, რომ რეიტინგში კვლავ კრიშტიანუ რონალდუ ლიდერობს, რომლის წლიურმა შემოსავალმაც 300 მლნ დოლარს მიაღწია. Forbes-ი ფეხბურთელის წმინდა ქონებას 1.2 მილიარდ დოლარად აფასებს.მსოფლიო ჩემპიონატის ყველაზე მაღალანაზღაურებადი ფეხბურთელებიამავე რეიტინგში მეორე ადგილზე შეხვდებით ლიონელ მესის, რომლის წლიური შემოსავალიც 140 მილიონ დოლარად არის შეფასებული. გამოცემა წერს, რომ მესი მსოფლიოს მილიარდერთა სიას ახლახან შეუერთდა, კერძოდ, მისი წმინდა ქონება 1.1 მილიარდ დოლარად არის შეფასებული.უფრო კონკრეტულად, 11 ყველაზე მაღალანაზღაურებადი ფეხბურთელი წლევანდელ მსოფლიო ჩემპიონატზე ასეთია: კრიშტიანუ რონალდუ - 300 მლნ დოლარი; ლიონელ მესი - 140 მლნ დოლარი; კილიან მბაპე - 95 მლნ დოლარი; ერლინგ ჰაალანდი - 80 მლნ დოლარი; ვინისიუს ჯუნიორი - 60 მლნ დოლარი; მოჰამედ სალაჰი - 55 მლნ დოლარი; სადიო მანე - 54 მლნ დოლარი; ჯუდ ბელინგემი - 44 მლნ დოლარი; ლამინ იამალი - 43 მლნ დოლარი; ჰარი კეინი - 41 მლნ დოლარი; ნეიმარი - 38 მლნ დოლარი. შეგახსენებთ, 2026 წლის მსოფლიო ჩემპიონატს სამი ქვეყანა - აშშ, კანადა და მექსიკა მასპინძლობს. ტურნირი ისტორიაში პირველი მსოფლიო ჩემპიონატია, რომელშიც 48 ნაკრები მონაწილეობს.

ილია თოფურიამ თეთრ სახლში ჯასტინ გეიჯისთან გამართული საჩემპიონო ბრძოლის შესახებ განცხადება გაავრცელა.„ჯასტინ, გილოცავ. თქვი, შენს სახეზე კვალს დავტოვებო და დატოვე კიდეც.პირველ რაუნდში მარჯვენა თვალში მხედველობა დამიკარგე, მეორე რაუნდის ბოლოს კი – მარცხენაშიც.გასამართლებელ საბუთებს არ ვეძებ.ჩემს ცხოვრებაში ერთ-ერთი საუკეთესო მოსამზადებელი ეტაპი მქონდა. ოქტაგონზე ბასრი და მომზადებული გამოვედი. ეს შენი ღამე იყო.ასეთია ამ თამაშის ბუნება. დიდება და ტკივილი ერთად დადიან. გამოვჯანმრთელდები, დავისვენებ და დავბრუნდები უფრო ძლიერი, უფრო ბრძენი და უფრო სახიფათო.და მერწმუნე, ჩვენი ისტორია ამით არ დასრულებულა, ჩვენი რევანში აუცილებლად შედგება“, – წერს თოფურია.

თეთრი სახლის ტერიტორიაზე გასამართი UFC Freedom 250-ი, რომელიც ორგანიზაციის ისტორიაში ერთ-ერთ ყველაზე მასშტაბურ საბრძოლო ღონისძიებად მიიჩნევა, მსოფლიო ყურადღების ცენტრში არა მხოლოდ სპორტული, არამედ ფინანსური თვალსაზრისითაც ექცევა.ამერიკის დამოუკიდებლობის 250 წლის იუბილესთან დაკავშირებულ გრანდიოზულ ზეიმს, რომლისთვისაც UFC და პირადად პრეზიდენტი დონალდ ტრამპი ემზადებიან, საერთაშორისო მედიაც განსაკუთრებულ ყურადღებას უთმობს.გავლენიანი გამოცემა The Sporting News-ი დეტალურად მიმოიხილავს როგორც ტურნირის სარეკორდო ბიუჯეტს, ისე მონაწილე ვარსკვლავების, მათ შორის ქართველი ჩემპიონის, ილია თოფურიას ინდივიდუალური ანაზღაურების საკითხსაც.თეთრი სახლის სამხრეთ გაზონზე გასამართი უპრეცედენტო ღონისძიების მთავარ ბრძოლაში ილია თოფურია ჯასტინ გეიჯის დაუპირისპირდება. მოქმედი ქართველი ჩემპიონი ამჯერად ტიტულის დასაცავად ამერიკელის წინააღმდეგ იბრძოლებს.ანალიტიკოსების შეფასებით, 29 წლის თოფურია, რომელის ანგარიშზეც 17 დაუმარცხებელი ბრძოლაა, ტურნირის ყველაზე მაღალანაზღაურებად ვარსკვლავებს შორის იქნება. ვინაიდან, UFC ოფიციალურად აღარ აქვეყნებს მებრძოლების ზუსტ ჰონორარებს, გავრცელებული თანხები შეფასებით ხასიათს ატარებს, რასაც უცხოური მედია სავარაუდო ანაზღაურებად მოიხსენიებს.რამდენს გამოიმუშავებს ილია თოფურია UFC Freedom 250-ზე?The Sporting News-ის მიერ მოყვანილი ამერიკული სპორტული პლატფორმების მონაცემებით, მაგალითად, როდესაც ილია თოფურიამ ალექსანდრ ვოლკანოვსკი დაამარცხა და საჩემპიონო ქამარი მოიპოვა, მისი საბაზისო ანაზღაურება 350 000 აშშ დოლარი იყო, რასაც მოგვიანებით PPV- დან მიღებილი წილები და სხვადასხვა ბონუსიც დაემატა.როგორც გამოცემა წერს, ეს არის თოფურიას მიერ დაფიქსირებული ერთ-ერთი ყველაზე მინიმალური ნიშნული, რის შემდეგაც სხვა მნიშვნელოვან ბრძოლებში "მატადორის" საბაზისო ანაზღაურება კიდევ უფრო სოლიდური გახდა. The Sporting News-ის ინფორმაციით, ქართველი სპორტსმენის ჯამური შემოსავალი (საბაზისო თანხის, PPV-ის წილების, სპონსორებიდან მიღებული შემოსავლებისა და ბონუსების გათვალისწინებით) ამ დროისთვის უკვე 2.5-დან 3.5 მილიონ დოლარამდე მერყეობს.გავლენიანი სპორტული გამოცემა აღნიშნავს, რომ მსგავსი მასშტაბის ღონისძიება, რომელიც თეთრი სახლის ტერიტორიაზე გაიმართება, დიდი ალბათობით, მებრძოლებისთვის ჩვეულებრივზე უფრო მაღალი შემოსავლის მიღების შესაძლებლობაც გახდება.სავარაუდო ჰონორარებზე არანაკლები ყურადღება მიიპყრო UFC-ის პრეზიდენტის, დეინა უაითის განცხადებამ, რომელმაც Freedom 250-ისთვის უპრეცედენტო ბონუსები დააანონსა. მისი ინფორმაციით, საღამოს საუკეთესო ბრძოლის ორივე მონაწილე ბონუსის სახით 400 ათას აშშ დოლარს გამოიმუშავებს, ხოლო საღამოს საუკეთესო გამოსვლისთვის პრიზი 425 ათასი აშშ დოლარი იქნება.შესაბამისად, ილია თოფურიასთვის თეთრი სახლის ტურნირი მხოლოდ ისტორიულ არენაზე ახალი ტიტულის მოპოვება არაა - არსებობს დიდი ალბათობა იმისა, რომ ეს მისი სპორტული კარიერის სარეკორდო საღამოდ იქცეს, რომელიც მას რამდენიმე მილიონი აშშ დოლარის შემოსავალსაც მოუტანს.ინფორმაციისთვის, "თეთრი სახლის" ღონისძიება 15 ივნისს, თბილისის დროით 04:00 საათიდან იწყება. სავარაუდოდ, თოფურიას ჩხუბი 07:00 საათის შემდეგ გაიმართება.BPN

უეფა-მ 2025/26 წლების სეზონის სეზონის საუკეთესო გოლების რეიტინგი გამოაქვეყნა.ათი ყველაზე სანახაობრივი გოლის სია ორგანიზაციის ტექნიკური დამკვირვებლების ჯგუფმა შეადგინა. პირველობა „რეალის“ ნახევარმცველმა, ფედერიკო ვალვერდემ მოიპოვა, რომელმაც მერვედფინალის პირველ მატჩში „მანჩესტერ სიტის“ ულამაზესი გოლი გაუტანა.პრესტიჟულ რეიტინგში საქართველოს ნაკრების კაპიტანიც მოხვდა. ხვიჩა კვარაცხელია „ატალანტას“ რამდენიმე მცველს დრიბლინგით გასცდა და არანაკლებ ეფექტური დარტყმით კარი აიღო. პსჟ-ის ქართველი ვარსკვლავი რეიტინგში მე-4 ადგილზეა.2025/26 წლების ჩემპიონთა ლიგის 10 საუკეთესო გოლი უეფას მიხედვით: 1. ფედერიკო ვალვერდე (რეალი – მანჩესტერ სიტი 3:0) 2. მიკი ვან დე ვენი (ტოტენჰემი – კოპენჰაგენი 4:0) 3. ლუის დიასი (პსჟ – ბაიერნი 5:4) 4. ხვიჩა კვარაცხელია (პსჟ – ატალანტა 4:0) 5. ჰარი კეინი (ბაიერნი – ატალანტა 4:1) 6. ლამინ იამალი (ბრიუგე – ბარსელონა 3:3) 7. ვიტინია (პსჟ – ტოტენჰემი 5:3) 8. ანატოლი ტრუბინი (ბენფიკა – რეალი – 4:2) 9. ვლად დრაგომირი (პაფოსი – პრაღა სლავია 4:1) 10. ნონი მადუეკე (ბრიუგე – არსენალი 0:3) პირველი არხი

დანიელი ფეხბურთელი კრისტიან ერიქსენი, უკრაინის წინააღმდეგ გამართული ამხანაგური მატჩის დროს მოედანზე დაეცა და გონება დაკარგა. ​ოდენსეში მიმდინარე თამაში 65-ე წუთზე შეწყდა, როდესაც ის მოედანზე დაეცა, მალევე კი მატჩი საბოლოოდ ჩაიშალა. 34 წლის ფეხბურთელმა მოედნის დატოვება ფეხით შეძლო.„მანჩესტერ იუნაიტედისა“ და „ტოტენჰემის“ ყოფილ ნახევარმცველს კარდიოსტიმულატორი ჩაუდგეს, მას შემდეგ, რაც 5 წლის წინ, ევროპის ჩემპიონატის მატჩის დროს გული გაუჩერდა.მოგვიანებით ფეხბურთელის ჯანმრთელობის მდგომარეობის შესახებ ცნობები დანიის ნაკრების ექიმმა, მორტენ ბოესენმა გაავრცელა.„კრისტიანი თავს კარგად გრძნობს და მოედანი დამოუკიდებლად დატოვა. კარდიოსტიმულატორმა ზუსტად ისე იმუშავა, როგორც უნდა ემუშავა. ის მცირე ხნით უგონოდ იყო, მაგრამ გონება ძალიან სწრაფად დაუბრუნდა და მასთან კონტაქტზე მალევე გავედით. ახლა ის საავადმყოფოში დამატებით გამოკვლევებს ჩაიტარებს, რათა დადგინდეს, რამ გამოიწვია ეს ინციდენტი. თუმცა ახლა გონზეა, აცხადებს დანიის ფეხბურთის ასოციაცია. „ჩვენ მუდმივ კონტაქტზე ვართ მასთან და საავადმყოფოს ექიმებთან“, - განაცხადა ბოესენმა.„ევრო 2020“-ის რიგით მე-3 მატჩში დანია ფინეთს მასპინძლობდა, როცა პირველი ტაიმის მიწურულს კრისტიან ერიქსენი მიწაზე დაეცა. მას სამედიცინო დახმარებას მოედანზე 15 წუთის განმავლობაში უწევდნენ. მოგვიანებით გაირკვა, რომ ფეხბურთელს გული გაუჩერდა. ერიქსენმა ვარჯიში იმავე წლის დეკემბერში დაიწყო და ფეხბურთსაც დაუბრუნდა.

საქართველოს ნაკრების მთავარმა მწვრთნელმა, ვილი სანიოლმა მიხეილ მესხის სახელობის სტადიონზე პრესკონფერენცია გამართა და ბაჰრეინთან მოახლოებულ ამხანაგურ მატჩზე ისაუბრა.„წინა თამაშთან შედარებით, შემადგენლობაში რამდენიმე ცვლილება იქნება. ბაჰრეინს რაც შეეხება, ბოლო წლებში აზიის ტურნირებში კარგი შედეგები აქვს, საერთოდ ახალ გუნდებთან თამაში საქართველოს ნაკრების განვითარებისთვის კარგი იქნება.ჩაკვეტაძის ტრავმა სერიოზული არ არის, მაგრამ ფეხი დასიებული აქვს და ვერ ითამაშებს. ხვიჩა კვარაცხელიას რაც შეეხება, მას თავიდანვე სურდა, გუნდს შემოერთებოდა და ხვალ პირველივე წუთებიდან მოედანზე იქნება. გიორგი მამარდაშვილს რთული სეზონი ჰქონდა. ძნელია, გიორგი ურჩიო „ლივერპულიდან“ წასვლა, მაგრამ ხომ არ აჯობებს, რომ გუნდი შეიცვალოს? ზოგადად, ეს ტრანსფერი გაგვიხარდა, მაგრამ მის ასაკში, ჩემი აზრით, აჯობებს სხვა გუნდში გადავიდეს. სასურველია, რომ ყველა პოზიციაზე იყოს კონკურენცია და 2-3 კანდიდატი გვყავდეს. ამიტომ ხვალ შანსი ლუკა გუგეშაშვილს მიეცემა. რუმინეთთან საკმაოდ ბევრი მომენტი შევქმენით, მაგრამ ბოლო ფაზაში გვიჭირდა დაგვირგვინება. იმედია, ბაჰრეინთან უკეთესი შედეგი იქნება და შეკრებას მოგებით დავასრულებთ.ბართიშვილის თამაშს ვუყურე და ნიჭიერი მოთამაშეა, მაგრამ უფრო მაღალ დონეზე სათამაშოდ მხოლოდ ტექნიკა არ არის საკმარისი, აზროვნებაც საჭიროა. ამის მაგალითია ხვიჩა კვარაცხელია. იმედია,  ბართიშვილი შრომას გააგრძელებს და განვითარებას“.საქართველოსა და ბაჰრეინის ნაკრებების ამხანაგური მატჩი მიხეილ მესხის სახელობის სტადიონზე 5 ივნისს, 20:00 საათზე დაიწყება – პირდაპირ რეპორტაჟს საქართველოს პირველი არხი შემოგთავაზებთ.პირველი არხი

ქართველი ფეხბურთელის ხვიჩა კვარაცხელიას სატრანსფერო ღირებულება 50 მლნ ევროთი გაიზარდა და 140 მლნ ევროს მიაღწია. მანამდე მისი ღირებულება 90 ევროს შეადგენდა.შეგახსენებთ, რომ 30 მაისს, ბუდაპეშტში გამართული ჩემპიონთა ლიგის ფინალის შემდეგ, ხვიჩა კვარაცხელიას „პარი სენ-ჟერმენმა“ ლონდონური „არსენალი“ პენალტების სერიაში დაამარცხა და ზედიზედ მეორედ, ევროპის უმთავრეს საკლუბო ტიტულს დაეუფლა.31 მაისს კი უეფამ „პარი სენ-ჟერმენის“ ქართველი ფეხბურთელი ხვიჩა კვარაცხელია ჩემპიონთა ლიგის სეზონის საუკეთესო მოთამაშედ დაასახელა.ცნობისთვის, კვარაცხელიამ ამ სეზონში 16 მატჩში 10 გოლი გაიტანა და 6 საგოლე გადაცემა გააკეთა.უცხოური გამოცემების დათვლებით, ჩემპიონი პსჟ-ს ჯამურმა შემოსავალმა სეზონზე საშუალოდ, 146 მლნ ევროს მიაღწია.

ბუდაპეშტში გამართული ჩემპიონთა ლიგის ფინალის შემდეგ, სადაც ხვიჩა კვარაცხელიას „პარი სენ-ჟერმენმა“ ლონდონური „არსენალი“ პენალტების სერიაში დაამარცხა და ზედიზედ მეორედ დაეუფლა ევროპის უმთავრეს საკლუბო ტიტულს, მსოფლიო მედიის ყურადღების ცენტრში, სპორტულ შედეგებთან ერთად, ტურნირის რეკორდული ფინანსებიც მოექცა.როგორც წესი, ჩემპიონთა ლიგის ფინალი მხოლოდ სპორტული დაპირისპირება არასდროსაა, ეს არის ძალიან დიდი ფინანსური ბრძოლაც, რადგან ჩემპიონთა ლიგა ყველაზე შემოსავლიანი საკლუბო ტურნირია ევროპაში.გავლენიანი საერთაშორისო ბიზნეს-გამოცემების, მათ შორის Financial Times-ის, Business Standard-ისა და Hindustan Times-ის ანალიზი აჩვენებს, რომ უეფას (UEFA) განახლებული ფორმატი და გაზრდილი, 2.4-მილიარდიანი საპრიზო ფონდი, კლუბებისთვის სოლიდური შემოსავლის წინაპირობად იქცა.ავტორიტეტული გამოცემების გათვლებით, მხოლოდ ფინალურ მატჩში გამარჯვებისთვის პსჟ-მ უეფასგან პირდაპირი საპრიზო თანხის სახით 25 მლნ ევრო (დაახლოებით 26.8 მლნ დოლარი) მიიღო, ხოლო ვიცე-ჩემპიონმა „არსენალმა“ - 18.5 მილიონი ევრო.წესების თანახმად, 18.5 მლნ ევრო სწორედ ფინალში მოხვედრისთვის დაწესებული ჯილდოა, გამარჯვებულს (პსჟ) კი ბონუსის სახით უეფა-სგან 6.5 მლნ ევროს ბონუსი დაემატა. თუმცა, როგორც სპორტული ფინანსების ექსპერტები Financial Times-თან საუბრისას აღნიშნავენ, ეს მხოლოდ აისბერგის მწვერვალია.უცხოური გამოცემები განმარტავენ, რომ ჩემპიონთა ლიგის ტურნირიდან მიღებული შემოსავლები გუნდებისთვის რამდენიმე ნაწილად იყოდა, მათ შორისაა მონაწილეობისთვის ფიქსირებული თანხა, მატჩების მოგების ან ფრედ დასრულების შემთხვევაში ბონუსები, ეტაპებზე გასვლის ჯილდოები (მერვედფინალი, მეოდხედფინალი, ნახევარფინალი) და რაც ძალიან მნიშვნელოვანი ნაწილია, უეფას ე.წ. „Value Pillar“-ის (სატელევიზიო ბაზრის წილი და კლუბის რეიტინგი) წყალობით მიღებული შემოსავლები. სწორედ აღნიშნულ დათვლებზე დაყრდნობით, უცხოური მედია წერს, რომ ჩემპიონი პსჟ-ს ჯამურმა შემოსავალმა ამ სეზონიდან საშუალოდ, 146 მილიონ ევროს მიაღწია.რა თანხას გამოიმუშავებს ხვიჩა კვარაცხელია ჩემპიონთა ლიგის მოგებისთვის?ბიზნეს-ანალიტიკაში ერთ-ერთი ყველაზე საინტერესო კითხვაა, რა ხვდებათ თავად მოედანზე მყოფ ვარსკვლავებს ამ მილიონებიდან? ეს კითხვა საინტერესოა ქართველი გულშემატკივრისთვისაც, რადგან მოედანზე მყოფ ვარსკვლავთა შორის ერთ-ერთი სწორედ ქართველი ფეხბურთელი, ხვიჩა კვარაცხელია იყო, რომელიც პსჟ-სთან ერთად ჩემპიონთა ლიგის გამარჯვებული ზედიზედ მეორედ გახდა.ოფიციალურად, წესების თანახმად, უეფა ფეხბურთელებს ინდივიდუალურად არ აჯილდოებს და მთელი თანხა კლუბის ანგარიშზე შედის. მოთამაშეების ანაზღაურება კი, სრულად შიდა საკლუბო კონტრაქტების პირობებსა და პრემიებზეა დამოკიდებული.თუკი აქამდე ტოპ-კლუბებში ჩემპიონთა ლიგის მოგებისთვის ფეხბურთელების სტანდარტული ბონუსი 400 000-დან 600 000 ევრომდე მერყეობდა, პარიზულმა გრანდმა წელს ახალი რეკორდი დაამყარა.წამყვანი ფრანგული გამოცემის, L'Équipe-ის ექსკლუზიურ ინფორმაციაზე დაყრდნობით (რომელიც წამყვანმა სპორტულმა პლატფორმებმა, მათ შორის Goal.com-მაც გაავრცელეს), პსჟ-ს თითოეული ფეხბურთელი ჩემპიონთა ლიგის მოგებისთვის ბონუსის სახით 1 მილიონ ევროს მიიღებს.ევროპული პრესა ხაზს უსვამს, რომ ეს პუნქტი სეზონის დაწყებამდე კლუბის მენეჯმენტსა და გუნდის „ლიდერთა საბჭოს“ (მარკინიოსი, აშრაფ ჰაკიმი, უსმან დემბელე და ვიტინია) შორის ხანგრძლივი მოლაპარაკებების შედეგად შეთანხმდა.პუბლიკაციაში საუბარია იმაზეც, რომ კლუბის სპორტულმა დირექტორმა, ლუის კამპოსმა, ძველი მიდგომები შეცვალა, რომელიც ადრე ისეთ სუპერვარსკვლავებზე იყო მორგებული, როგორიცაა მაგალითად, კილიან მბაპე. ახალი სისტემით, კლუბმა პრიორიტეტი კოლექტიურ ბონუსს მიანიჭა, რაც ნიშნავს იმას, რომ გუნდურობის წასახალისებლად, ფიქსირებულ 1 მილიონ ევროს მიიღებს აბსოლუტურად ყველა ძირითადი მოთამაშე, განურჩევლად მათი ვარსკვლავური სტატუსისა და იმ სათამაშო დროისა, რაც მოედანზე გაატარეს.უცხოური გამოცემები ასევე წერენ, რომ გუნდის მთავარმა მწვრთნელმა, ლუის ენრიკემ, მედიასთან ფინანსური სტიმულირება მეორეხარისხოვნ საკითხად წარმოაჩინა და განაცხადა, რომ ჩემპიონთა ლიგის მოგებაზე დიდი მოტივაცია და ჯილდო არაფერია.bpn.ge

მსოფლიოს ყველაზე ძვირად ღირებული საფეხბურთო კლუბების 2026 წლის რეიტინგს მადრიდის „რეალი“ ლიდერობს. ამის შესახებ ამერიკული Forbes-ი წერს. კლუბის ამჟამინდელი ღირებულება 9.5 მლრდ დოლარია.მეორე ადგილზე იმყოფება „ბარსელონა“, რომელიც „რეალს“ 2 მლრდ-ით ჩამორჩება. რეიტინგში მესამე ადგილზე „მანჩესტერ იუნაიტედია“ 7.2 მლრდ დოლარით.Forbes -ის ვერსიით, ყველაზე ძვირად ღირებული საფეხბურთო კლუბების 10-ეული ასე გამოიყურება: „რეალი“ – 9.5 მლრდ; „ბარსელონა“ – 7.5 მლრდ; „მანჩესტერ იუნაიტედი“ – 7.2 მლრდ; „ლივერპული“ – 6.2 მლრდ; „პარი სენ-ჟარმენი“ – 5.8 მლრდ; „ბაიერნი“ – 5.7 მლრდ; „მანჩესტერ სითი“ – 5.5 მლრდ; „არსენალი“ – 5.4 მლრდ; „ჩელსი“ – 4.2 მლრდ; „ტოტენჰემი“ – 3 მლრდ.

ტურინის „იუვენტუსს“ „ლივერპულიდან“ ალისონ ბეკერის დამატება სურდა, თუმცა, შესაძლოა, ალტერნატიულ ვარიანტად გიორგი მამარდაშვილი განიხილოს, – ინფორმაციას იტალიური გამოცემა La Gazzetta dello Sport-ი ავრცელებს.„მნიშვნელოვანი ამბავი – „იუვენტუსის“ ალტერნატიული გეგმა, შესაძლოა, გიორგი მამარდაშვილის იჯარით დამატებას გულისხმობდეს. ტურინული კლუბი 2027 წლამდე მოიცდის, სანამ ალისონი „ლივერპულს“ თავისუფალი აგენტის სტატუსით დატოვებს და მასთან ხელშეკრულების გაფორმებას ამის შემდეგ შეეცდება“, – წერს La Gazzetta dello Sport-ი.მანამდე გავრცელებული ინფორმაციით, ალისონ ბეკერი „ლივერპულს“ სეზონის დასრულების შემდეგ დატოვებდა, ხოლო მის ადგილს სწორედ გიორგი მამარდაშვილი დაიკავებდა, თუმცა, როგორც ჩანს, ბრაზილიელი მეკარის მომავალთან დაკავშირებით საბოლოო გადაწყვეტილება ჯერ კიდევ არ არის მიღებული.პირველი არხი