ByteDance-ის დამფუძნებელი ჟანგ იმინგი პირველად გახდა აზიის უმდიდრესი ადამიანი. როგორც Bloomberg-ი წერს, მან ინდოელი მეწარმე გაუტამ ადანი უკან მოიტოვა.Bloomberg-ის მილიარდერების ინდექსის მიხედვით, 43 წლის ჟანგის წმინდა ქონებამ 105 მილიარდ დოლარს გადააჭარბა. მისი ზრდა ასახავს ხელოვნურ ინტელექტთან დაკავშირებული სიმდიდრის ბოლოდროინდელ დომინირებას ტრადიციულ ინდუსტრიებთან შედარებით.სააგენტო აღნიშნავს, რომ ეს რეკორდი ჟანგისთვის მნიშვნელოვანი ნაბიჯი იყო მას შემდეგ, რაც მის მიერ შემუშავებული აპლიკაცია, TikTok, აშშ-ში თითქმის აიკრძალა. გამოცემა განმარტავს, რომ 2019 წლის მარტიდან ბიზნესმენის წმინდა ქონება 13 მილიარდი დოლარიდან რვაჯერ გაიზარდა.ჟანგ იმინგი 1983 წელს ჩინეთის ფუჯიანის პროვინციაში, საჯარო მოხელეების ოჯახში დაიბადა. 2001 წელს ის ტიანძინში, ნანკაის უნივერსიტეტში ჩაირიცხა, სადაც მიკროელექტრონიკის შესწავლა დაიწყო, თუმცა მოგვიანებით პროგრამული უზრუნველყოფის ინჟინერიაზე გადაერთო და 2005 წელს ბაკალავრის ხარისხი მიიღო.2012 წელს ჟანგმა ByteDance პეკინში, პატარა ბინაში დააარსა. მისი მთავარი იდეა კონტენტის რეკომენდაციისთვის ხელოვნური ინტელექტის გამოყენება იყო. კომპანიის პირველი პროდუქტი იყო ახალი ამბების სააგენტო Toutiao, ხოლო 2016 წელს ByteDance-მა გამოუშვა აპლიკაცია Douyin, რომელიც საერთაშორისოდ TikTok-ის სახელით არის ცნობილი.BPN

სრული პასუხისმგებლობით ვაცხადებ, ევროპარლამენტი ქრთამის ამღებთა ბუდეა, – ამის შესახებ აზერბაიჯანის პრეზიდენტმა, ილჰამ ალიევმა განაცხადა.ალიევის თქმით, ვიცე-პრეზიდენტის სახლიდან ჩემოდნებით მილიონობით დოლარი გაიტანეს და ეს ყველაფერი მიჩქმალეს, თითქოს არ მომხდარა.„მისი ვინაობა ცნობილია - ის საბერძნეთიდან არჩეული ქალი დეპუტატია. რამდენი წელი გავიდა მას შემდეგ, რაც ის დააკავეს? განხორციელდა თუ არა რაიმე ქმედება მის წინააღმდეგ? - არა. მოეთხოვა თუ არა მას პასუხი? - არა. ის გაათავისუფლეს. შეხედეთ ევროპარლამენტს: ის ისლამოფობებისგან შედგება და ეს საკითხი მუდმივად ყურადღების ცენტრში უნდა იყოს“, – აღნიშნა ილჰამ ალიევმა.აზერბაიჯანის პრეზიდენტის განცხადებით, „ევროპარლამენტი ყოველთვის მხარს უჭერდა სომხეთის მიერ განხორციელებულ ოკუპაციას და ეს დღესაც ასეა“.

მეტასკოლის მიტოვებიდან მილიარდერობამდე-25 წლის სტარტაპერის ისტორია ჯეიმს დეიკომბი, რომელიც 13 წლიდან პროგრამირებით იყო დაკავებული, ევროპის ყველაზე ახალგაზრდა self-made- მილიარდერი გახდა. 25 წლის ბრიტანელმა სკოლა ჯერ კიდევ უფროს კლასებში მიატოვა, რათა საკუთარი სტარტაპი დაეფუძნებინა. დღეს მისი ხელოვნური ინტელექტის ჩიპების მწარმოებელი კომპანია OLIX-ი 3.3 მილიარდ დოლარად არის შეფასებული.სკოლის მიტოვებიდან მილიარდერობამდე2017 წელს დეიკომბმა სკოლა იმისთვის მიატოვა, რომ დაეფუძნებინა სტარტაპი CoMind-ი, რომელიც ადამიანის ტვინის აქტივობას შეისწავლის. ოთხი წლის შემდეგ მან ტილის სტიპენდია მიიღო. ამან მას საშუალება მისცა, კოლეჯში ჩაბარებაზე უარი ეთქვა და თავისი საწარმო ახალ დონეზე გადაეყვანა.დღეს 25 წლის ბიზნესმენი ევროპაში ყველაზე ახალგაზრდა self-made-მილიარდერია. ეს სტატუსი მან ორი წლის წინ ლონდონში დაფუძნებული კომპანია OLIX-ის წყალობითა და CoMind-ის წილის ფლობით მოიპოვა, რომელსაც ის დღემდე ხელმძღვანელობს.3.3-მილიარდიანი შეფასება და გიგანტი ინვესტორებიდეიკომბმა OLIX-ი ლონდონში 2024 წელს დააფუძნა და სულ რაღაც ნახევარ წელიწადში მისი შეფასება სამჯერ გაიზარდა - 2026 წლის აგვისტოს დასაწყისში მან 3.3 მილიარდ დოლარს მიაღწია. სტარტაპმა საწყის ეტაპზე 312 მილიონი დოლარის ინვესტიცია მოიზიდა.ინვესტორებს შორის აღმოჩნდნენ ამერიკული საინვესტიციო ფირმა Fundomo, ჩიპების დეველოპერი Arm, ფონდი Hudson River Trading და Netflix-ის თანადამფუძნებელი რედ ჰასტინგსი. გარდა ამისა, კომპანიამ მხარდაჭერა დიდი ბრიტანეთის სუვერენული AI-ის განვითარების სახელმწიფო ფონდისგანაც მიიღო.ახალი რაუნდის შედეგად დეიკომბი, რომელიც OLIX-ის 30%-ს ფლობს, „ცხრა ნულის კლუბში“ (მილიარდერებში) შევიდა. იგი ასევე ფლობს CoMind-ის 12%-იან წილს, რომელმაც 2025 წლის აგვისტოში 102.5 მილიონი დოლარის დაფინანსება მოიზიდა.„ახალგაზრდა მილიარდერების ბუმი“დეიკომბი მსოფლიოში არსებული იმ 11 self-made-მილიარდერიდან ერთ-ერთია, რომელთა ასაკიც 30 წელზე ნაკლებია. ამ სიიდან მხოლოდ ოთხი ადამიანი არ არის აშშ-ის მოქალაქე.მათ შორის არის 26 წლის შვედი არვიდ ლუნემარკი, AI-კოდის რედაქტორის Cursor-ის თანადამფუძნებელი. მან სამ კოლეჯის მეგობართან ერთად კომპანია 2022 წელს დააფუძნა, ხოლო 2026 წლის 14 აგვისტოს მისი ქონება თითქმის გაორმაგდა და 2.4 მილიარდ დოლარს მიაღწია მას შემდეგ, რაც SpaceX-მა Cursor-ი 60 მილიარდ დოლარად შეიძინა.კიდევ ერთი 26 წლის შვედი მილიარდერია ფაბიან ჰედინი, Lovable-ის თანადამფუძნებელი. მისი სტარტაპის შეფასებამ 13.3 მილიარდ დოლარს მიაღწია, რამაც ჰედინის ქონება 3.1 მილიარდ დოლარამდე გაზარდა.დღესდღეობით მსოფლიოში ყველაზე ახალგაზრდა self-made-მილიარდერი 22 წლის ამერიკელი სურია მიდჰაა, რომლის AI-რეკრუტინგის სტარტაპმა Mercor-მა 10 მილიარდი დოლარის შეფასება მიიღო, ხოლო თავად მიდჰას ქონება 2.2 მილიარდ დოლარამდე გაიზარდა.როგორ გეგმავს ბრიტანელი Nvidia-სთვის გვერდის ავლას?დეიკომბმა ფსონი დადო იმაზე, რომ Nvidia-ს მძლავრი AI-ჩიპების სხვადასხვა ამოცანისთვის გამოყენება არაციონალურია. ამის სანაცვლოდ, მან წამოაყენა იდეა, შეიქმნას სპეციალიზებული ჩიპები ინფერენსის სხვადასხვა ეტაპისთვის - იმ პერიოდისთვის, როდესაც ხელოვნური ინტელექტი მოთხოვნას ამუშავებს და შედეგს იძლევა.გარდა ამისა, დეიკომბი ფოტონიკურ ჩიპებზე მუშაობს, სადაც მონაცემები ელექტრული სიგნალების სანაცვლოდ სინათლის სახით გადაიცემა, რაც ენერგომოხმარებასა და დაყოვნებას მკვეთრად ამცირებს. კომპანიამ ასევე უარი თქვა ძვირადღირებულ მაღალი გამტარობის მეხსიერების მოწყობილობებზე, რომლებიც ამჟამად დეფიციტშია. OLIX-ი გეგმავს, რომ თავისი ჩიპები კლიენტებს 2027 წლის მეორე ნახევარში მიაწოდოს.ამ სფეროში კონკურენცია საკმაოდ მწვავეა - კალიფორნიული d-Matrix-ი Microsoft-ის მხარდაჭერით უკვე ყიდის თავის ჩიპებს Corsair-ს, ხოლო სტარტაპებმა MatX, Etched და ლონდონურმა Fractile-მა მასშტაბური ინვესტიციები მოიზიდეს. ინდუსტრიის ლიდერმა Nvidia-მ კი 20 მილიარდი დოლარის ლიცენზიის ხელშეკრულება გააფორმა Groq-თან.მიუხედავად იმისა, რომ დეიკომბს ნახევარგამტარებთან ადრე არ უმუშავია, მას სჯერა, რომ CoMind-ში ფოტონიკასთან მუშაობის გამოცდილებით სხვა გიგანტების გადასწრებას შეძლებს.„დღეს, როდესაც სასწორზე უზარმაზარი ჯილდო დგას, ღირს ამოცანების დიფერენცირება და სპეციალიზებული ჩიპების შექმნა“, - განუცხადა მან გამოცემა Financial Times-ს.წყარო: forbes

აშშ-ს პრეზიდენტი, დონალდ ტრამპი უკრაინის პრეზიდენტს, ვოლოდიმირ ზელენსკის მოუწოდებს, რომ რუსეთში დიზელის საწვავის ობიექტებზე დარტყმები შეწყვიტოს. ტრამპი ამბობს, რომ ეს საწვავის დეფიციტს ქმნის."ბატონმა ზელენსკიმ ერთი რამ უნდა გააკეთოს - მან რუსეთში დიზელის საწვავის განადგურება უნდა შეწყვიტოს. მას სამიზნეებზე დარტყმა შეუძლია, მაგრამ არა დიზელის საწვავზე, რადგან ეს დიზელის საწვავზე დეფიციტს იწვევს". - თქვა ტრამპმა.

ფრანგული LVMH-ის დამფუძნებელი ბერნარ არნო მსოფლიოს უმდიდრესი ადამიანების ათეულიდან გავიდა. Bloomberg-ის განახლებული Billionaires Index-ის მიხედვით, მის ადგილს ამერიკელი ინვესტორი უორენ ბაფეტი იკავებს.ამ ცვლილების შედეგად, რეიტინგის ისტორიაში პირველად, მისი 2012 წელს ამოქმედებიდან მოყოლებული, მსოფლიოს უმდიდრესი ადამიანების TOP-10-ში მხოლოდ ამერიკელი მეწარმეები და ინვესტორები არიან.10 სექტემბრის მდგომარეობით, 77 წლის ბერნარ არნოს ქონება $143 მილიარდად იყო შეფასებული. წლის დასაწყისიდან მისი კაპიტალი დაახლოებით $65 მილიარდით შემცირდა, რაც Bloomberg-ის მიერ შეფასებულ მსოფლიოს 500 უმდიდრეს ადამიანს შორის ყველაზე დიდი კლებაა.არნოს ქონების შემცირების მთავარი მიზეზი LVMH-ის აქციების ღირებულების ვარდნაა. 2026 წლის დასაწყისიდან ფრანგული ჯგუფის საბაზრო კაპიტალიზაცია დაახლოებით 36%-ით შემცირდა. კომპანიას პრობლემები შეექმნა მნიშვნელოვან ბაზრებზეც — გაყიდვები შემცირდა მდიდარ მომხმარებლებში პოპულარულ ახლო აღმოსავლეთის მიმართულებებზე, მათ შორის დუბაიში, ამასთან, მდგომარეობა გაუარესდა ჩინეთის ბაზარზეც.LVMH-ის შედეგებზე გავლენა მოახდინა სირთულეებმა ჯგუფის რამდენიმე მნიშვნელოვან სეგმენტში, მათ შორის Louis Vuitton-ის, Dior-ისა და Tiffany-ის ბრენდებში, ასევე პრემიუმ ალკოჰოლური სასმელების მწარმოებლებში, მათ შორის Dom Pérignon-სა და Hennessy-ში.ამავდროულად, აქციების გაიაფებით არნოს ოჯახმა LVMH-ში საკუთარი წილი 50%-ზე მეტად გაზარდა. ანალიტიკოსების უმრავლესობა კომპანიის აქციების პერსპექტივას კვლავ დადებითად აფასებს. LVMH-ს 26 ექსპერტი აკვირდება, მათგან 17 აქციების ყიდვას, ხოლო ცხრა შენარჩუნებას ურჩევს. გაყიდვის რეკომენდაცია არც ერთ ანალიტიკოსს არ აქვს. საშუალო სამიზნე ფასი დაახლოებით €564-ს შეადგენს, რაც ბოლო დახურვის ფასთან შედარებით დაახლოებით 38%-იან ზრდის პოტენციალს გულისხმობს.Bloomberg-ის რეიტინგში პირველ ადგილს დიდი უპირატესობით Tesla-სა და SpaceX-ის დამფუძნებელი ილონ მასკი იკავებს, რომლის ქონებაც დაახლოებით $918.8 მილიარდია. მეორე ადგილზეა Google-ის თანადამფუძნებელი ლარი პეიჯი — $286 მილიარდით, ხოლო მესამე პოზიციაზე Amazon-ის დამფუძნებელი ჯეფ ბეზოსია — $274 მილიარდით.ათეულში შემდეგ მოდიან Google-ის თანადამფუძნებელი სერგეი ბრინი $266 მილიარდით, Dell-ის დამფუძნებელი მაიკლ დელი — $245 მილიარდით, Meta-ს თანადამფუძნებელი მარკ ცუკერბერგი — $229 მილიარდით, Oracle-ის თანადამფუძნებელი ლარი ელისონი — $208 მილიარდით, Nvidia-ს ხელმძღვანელი ჯენსენ ჰუანგი — $181 მილიარდით, Microsoft-ის ყოფილი აღმასრულებელი დირექტორი სტივ ბალმერი — $172 მილიარდით და უორენ ბაფეტი — $144 მილიარდით.ბერნარ არნო რამდენიმე წლის განმავლობაში მსოფლიოს უმდიდრესი ადამიანების TOP-10-ში ერთადერთი არაამერიკელი იყო. ის რეიტინგის ათეულში უწყვეტად 2017 წლის მარტიდან შედიოდა, ხოლო 2022-2023 წლებში რამდენჯერმე მცირე ხნით მსოფლიოს უმდიდრესი ადამიანის პოზიციაზეც გადავიდა.ფრანგი მილიარდერის ქონებამ პიკს ფუფუნების საქონლის ბაზრის სწრაფი ზრდის პერიოდში მიაღწია. პანდემიის შემდეგ ჩინელი მომხმარებლების გაზრდილმა მოთხოვნამ და გადავადებულმა შესყიდვებმა ძვირადღირებული ბრენდების გაყიდვები მნიშვნელოვნად გაზარდა. თუმცა, ამჟამად ინდუსტრია საკვანძო ბაზრებზე ზრდის შენელებას და მოთხოვნის შემცირებას ეჯახება, რაც LVMH-ის უმსხვილესი აქციონერის ქონებაზეც აისახა.

სინგაპურის პრემიერ-მინისტრის, მსოფლიოში ყველაზე მაღალანაზღაურებადი პოლიტიკოსის, ლოურენს ვონგის წლიური ხელფასი 64%-ით გაიზრდება. მისი ხელფასი 1 მილიონ დოლარზე მეტით გაიზრდება, წერს Reuters.ვონგის ამჟამად წლიური შემოსავალი 1.7 მილიონი აშშ დოლარია (2.2 მილიონი სინგაპურული დოლარი). ზრდის შემდეგ ის 2.8 მილიონს (3.6 მილიონს) მიაღწევს. სინგაპურში ყველა მაღალი რანგის საჯარო მოხელე მაღალ ხელფასს იღებს - ამან კორუფციასთან ბრძოლას უნდა შეუწყოს ხელი.8 სექტემბერს პარლამენტში გამოსვლისას ვონგმა განაცხადა, რომ მთავრობის ხელფასების მდგომარეობის შესასწავლად შექმნილმა დამოუკიდებელმა კომისიამ დაასკვნა, რომ მინისტრების ხელფასების გაზრდაა საჭირო. ადრე ერთი ხელფასი დაახლოებით 870 ათასი დოლარი (1.1 მილიონი სინგაპურის დოლარი) იყო, ახლა კი 1.74 მილიონი (2.2 მილიონი) გახდა. პრემიერ-მინისტრი მინისტრის ხელფასის ორმაგს იღებს.თანამდებობის პირებისთვის ხელფასების ზრდა 15 ოქტომბრიდან დაიწყება. მინისტრები თანდათან მიიღებენ დანამატს, რადგან ეს დამოკიდებული იქნება „კონკრეტულ გარემოებებზე“.წყარო snob.ru

აშშ-ის პრეზიდენტმა დონალდ ტრამპმა რუსეთის პრეზიდენტ ვლადიმერ პუტინს უკრაინაში ომის სწრაფად დასრულების შემთხვევაში ორ ქვეყანას შორის ეკონომიკური და სავაჭრო ურთიერთობების სრულად აღდგენა შესთავაზა,- ინფორმაციას ამის შესახებ CNBC ავრცელებს.ტრამპსა და პუტინს შორის სატელეფონო საუბარი დაახლოებით ერთი საათის განმავლობაში გაგრძელდა. მხარეებმა უკრაინაში სამშვიდობო მოლაპარაკებების განახლებისა და ომის დასრულების გზებზე ისაუბრეს.საუბრისას ლიდერებმა ასევე განიხილეს აშშ-ის სპეციალური წარმომადგენლის, სტივ უიტკოფისა და დონალდ ტრამპის სიძის, ჯარედ კუშნერის მოსკოვსა და კიევში ვიზიტების შედეგები.კრემლის წარმომადგენლის, იური უშაკოვის განცხადებით, ტრამპმა კიდევ ერთხელ დააფიქსირა უკრაინაში სამხედრო მოქმედებების უმოკლეს ვადაში დასრულების სურვილი. თავის მხრივ, პუტინმა ამერიკის პრეზიდენტს ფრონტზე არსებული ვითარების შესახებ რუსეთის შეფასებები და ინფორმაცია მიაწოდა.ტრამპის შეთავაზება აშშ-სა და რუსეთს შორის სავაჭრო და ეკონომიკური ურთიერთობების აღდგენას უკავშირდება და მისი განხორციელება უკრაინის ომის დროულ დასრულებაზეა დამოკიდებული.

თუ რუსეთი სამხედრო ბაზის სომხეთიდან გაყვანას გადაწყვეტს, ჩვენ წინააღმდეგი არ ვიქნებით, - ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა.ფაშინიანის განცხადებით, რუსეთის 102-ე სამხედრო ბაზას სომხეთისთვის „სასიცოცხლო მნიშვნელობა არ აქვს“.„ჩვენ წინააღმდეგი არ ვიქნებით, მაგრამ თუ დარჩენის სურვილს გამოთქვამენ, ასევე, მზად ვართ ეს საკითხიც განვიხილოთ. თუმცა, მთელი ამ დროის განმავლობაში ჩვენ ეს საკითხი დღის წესრიგში არასდროს დაგვიყენებია“, - განაცხადა ფაშინიანმა.ცნობისთვის, გუშინ, რუსეთის პრეზიდენტმა ვლადიმერ პუტინმა განაცხადა, რომ რუსეთი მზად არის სომხეთიდან სამხედრო ბაზა გაიყვანოს, თუ ამას სომხეთი გადაწყვეტს.„თუ სომხეთი მიიჩნევს, რომ რუსული სამხედრო ბაზა სომხეთში საჭირო აღარაა, ჩვენ ხვალვე გავალთ. მაგრამ, სომხეთი მზად არის ამისთვის? ჩვენ არავის არაფერს ვახვევთ თავს", - აღნიშნა პუტინმა.ipn.ge

აგვისტოში SpaceX-ისა და Tesla-ს აქციების ფასის, შესაბამისად, 33%-ითა და 18%-ით მატებამ ილონ მასკის ქონება ერთ თვეში $202 მილიარდით გაზარდა. შედეგად, ამერიკული Forbes-ის შეფასებით, ამჟამად მასკი $892 მილიარდს ფლობს და ისტორიულ, $1-ტრილიონიან ნიშნულთან დასაბრუნებლად შედარებით მცირე თანხა აშორებს.გასული თვის მკვეთრი ზრდის მიუხედავად, მსოფლიოს უმდიდრესი ადამიანის ქონება ჯერ კიდევ მნიშვნელოვნად ჩამორჩება რეკორდულ მაჩვენებელს, $1.33 ტრილიონს, რომელსაც მან SpaceX-ის აქციების ფასის პიკის პერიოდში, ივნისის შუა რიცხვებში მიაღწია.აღსანიშნავია, რომ მასკი მსოფლიოს მეორე უმდიდრეს ადამიანზე, Google-ის თანადამფუძნებელ ლარი პეიჯზე, სამჯერ მეტ ქონებას ფლობს. ამჟამად პეიჯის ქონება $277 მილიარდს უტოლდება. აგვისტოში მისი ქონება $15 მილიარდით შემცირდა, რაც თვის განმავლობაში მილიარდერებს შორის ყველაზე დიდი კლებაა.გასულ თვეში $10 მილიარდით შემცირდა Amazon-ის დამფუძნებლის, ჯეფ ბეზოსის, ქონება, ხოლო Google-ის მეორე თანადამფუძნებლმა, სერგეი ბრინმა, ამავე პერიოდში $13 მილიარდი დაკარგა. მიუხედავად ამისა, Forbes-ის მსოფლიოს უმდიდრესი ადამიანების რეიტინგში პოზიციების შენარჩუნება ორივემ შეძლო და ისინი, შესაბამისად, მესამე და მეოთხე ადგილებზე დარჩნენ.Oracle-ის აქციების ფასის 15%-იანი ზრდის შედეგად, ლარი ელისონის ქონება $25 მილიარდით გაიზარდა და $193 მილიარდს მიაღწია. შედეგად, ის მეშვიდე ადგილზე გადავიდა – ერთი პოზიციით მაღლა, ვიდრე ივლისში იყო. ელისონი აგვისტოში ქონების ზრდის მხრივ მასკის შემდეგ მეორე ყველაზე წარმატებული მილიარდერი გახდა.Nvidia-ს თანადამფუძნებლისა და აღმასრულებელი დირექტორის, ჯენსენ ჰუანგის, ქონება კი $17 მილიარდით გაიზარდა. მიუხედავად ამისა, მან ელისონთან პოზიციები გაცვალა და რეიტინგში მერვე ადგილი დაიკავა.ათეულს მიღმა აღმოჩნდნენ ბერნარ არნო და უორენ ბაფეტი, რომლებიც თავიანთი კარიერის განმავლობაში სხვადასხვა პერიოდში მსოფლიოს უმდიდრესი ადამიანის სტატუსს ფლობდნენ. არნოს პოზიციაზე გავლენა LVMH-ის აქციების ფასის ვარდნამ იქონია, რაც ჩინელი მომხმარებლების მიერ ფუფუნების საგნებზე ხარჯების შემცირებას უკავშირდება. ბაფეტის Berkshire Hathaway-ის აქციები კი მას შემდეგ გაუფასურდა, რაც კომპანიამ ბოლო 12 თვის მაქსიმუმი დააფიქსირა.მათი ადგილები რეიტინგში Microsoft-ის ყოფილმა აღმასრულებელმა დირექტორმა, სტივ ბალმერმა, და Zara-ს მშობელი კომპანიის, Inditex-ის, ყოფილმა ხელმძღვანელმა ამანსიო ორტეგამ დაიკავეს.აგვისტოში ბალმერის ქონება $10 მილიარდით გაიზარდა, რის შედეგადაც ის მე-11 ადგილიდან მეცხრე ადგილზე გადავიდა. ორტეგას ქონება კი $5 მილიარდით გაიზარდა, რამაც მას მე-12 ადგილიდან მე-10 პოზიციაზე გადასვლის საშუალება მისცა.Forbes-ის შეფასებით, 2026 წლის 1-ელი სექტემბრის მდგომარეობით, მსოფლიოს 10 უმდიდრესი ადამიანის ქონება $2.8 ტრილიონს შეადგენს. ერთი თვის წინ ეს მაჩვენებელი $2.6 ტრილიონი იყო.ვრცლად forbes.ge - ზე

მერილენდის შტატის ფედერალურმა რაიონულმა სასამართლომ გადაწყვიტა, შეაჩეროს ტრამპის ადმინისტრაციის მცდელობა, ე.წ. „სამშობიარო ტურიზმის“ აკრძალვასთან დაკავშირებით. ამის შესახებ CBS News-ი წერს.2 სექტემბერს, აშშ-ის რაიონული სასამართლოს მოსამართლე დებორა ბორდმანმა დროებით დაბლოკა ტრამპის ადმინისტრაციის მცდელობა, მიეღო ახალი კანონი. მოსამართლემ განაცხადა, რომ მოსარჩელეები შეძლებენ დაამტკიცონ, რომ კანონი არღვევს ადამიანთა უფლებებს აშშ-ის კონსტიტუციის მე-14 შესწორებით, რომელიც შეერთებულ შტატებში დაბადებული ყველა პირისთვის მოქალაქეობის მიღებას უზრუნველყოფს.აღსანიშნავია, რომ სასამართლოს გადაწყვეტილება საბოლოო არ არის და საქმე განხილვის პროცესშია.ცნობისთვის, 2025 წლის იანვარში, თანამდებობის დაკავების შემდეგ, ტრამპი არაერთგზის ცდილობდა, აღნიშნული კანონის ცვლილებას. მას შემდეგ, რაც უზენაესმა სასამართლომ ივნისში უარყო მისი პირველი მცდელობა დაბადების უფლების მქონე მოქალაქეობის გაუქმების შესახებ, ტრამპმა აგვისტოში ხელი მოაწერა კიდევ ერთ, უფრო შემზღუდავ ბრძანებას, რომლითაც აშშ-ის მოქალაქეობა არ უნდა მიენიჭებინათ „მტრულად განწყობილ უცხოელთა“, უცხო ქვეყნების მთავრობების თანამშრომლებისა და ე.წ. „სამშობიარო ტურიზმში“ ეჭვმიტანილი პირების შვილებისთვის.BPN

Microsoft-ის თანადამფუძნებელი ბილ გეიტსი ხელოვნური ინტელექტის განვითარებაზე მკაცრი შეზღუდვების დაწესების მომხრეა. ამერიკელი მილიარდერი ბიზნესმენის შეფასებით, წინააღმდეგ შემთხვევაში, ადამიანებისადმი AI-ის მიერ მიყენებული ზიანი მის სარგებელს გადააჭარბებს.„AI ან ყველაზე ძლიერი გამათანაბრებელი ძალა იქნება, რომელიც ოდესმე შექმნილა, ან უსამართლობის ყველაზე დიდი წყარო“, — წერს გეიტსი მის მიერ გამოქვეყნებულ 6 000-სიტყვიან წერილში, სახელწოდებით: „ტურბულენტური AI-ის ეპოქა უკვე დადგა. გადაწყვეტილებები, რომელთაც ახლა ვიღებთ, გადამწყვეტია“.გეიტსი არც პირველია ტექნოლოგიური სფეროს იმ წამყვან ლიდერებს შორის, რომლებიც AI-ის სწრაფ განვითარებასთან დაკავშირებულ საფრთხეებზე ღიად საუბრობენ. თუმცა მისი მოსაზრებები კიდევ უფრო აძლიერებს შეშფოთებას ტექნოლოგიის გავრცელებით გამოწვეული სამუშაო ადგილების შესაძლო დაკარგვის შესახებ, განსაკუთრებით იმ ფონზე, რომ AI-კომპანიები და Wall Street-ი ამ მიმართულებით ინვესტიციებს აძლიერებენ.გეიტსი, რომელიც გასულ საუკუნეში პერსონალური კომპიუტერების რევოლუციის ერთ-ერთი მთავარი შემოქმედი იყო, მიიჩნევს, რომ შემდეგი ტექნოლოგიური რევოლუცია — შესაბამისად, ხელოვნური ინტელექტი — საზოგადოებაზე გაცილებით უფრო დიდ გავლენას იქონიებს.„საუკეთესო სცენარის შემთხვევაშიც კი, AI-ის ახალ ეპოქაზე გადასვლა კაცობრიობის ისტორიაში ერთ-ერთი ყველაზე ტურბულენტური პერიოდი იქნება“, — წერს გეიტსი და აღნიშნავს, რომ ხელმძღვანელები, ექსპერტები და საზოგადოება ამ გამოწვევებისთვის სათანადოდ არ ემზადებიან. „არანაირი გეგმა არ არსებობს, რომელიც AI-ეპოქაზე გადასვლას გაამარტივებს“, — აცხადებს Microsoft-ის თანადამფუძნებელი.გეიტსის თქმით, AI-ს სხვადასხვა სფეროსთვის, მათ შორის სოფლის მეურნეობისა და მედიცინისთვის, მნიშვნელოვანი სარგებლის მოტანაც შეუძლია, თუნდაც დაავადებების პრევენციისა და მკურნალობისთვის შესაბამისი გზების მოსაძებნად. თუმცა გეიტსი AI-ის განვითარების სერიოზულ რისკებსაც არ უგულებელყოფს,  როგორიცაა, მაგალითად, უმუშევრობა, ბავშვების საგანმანათლებლო და სოციალური განვითარების შეფერხება, ასევე არალეგალური საქმიანობებისთვის პროცესის გამარტივება.„რაც უფრო მეტად ძლიერდება მოდელები, მით უფრო დიდი შანსია, მათ ჩვენი ინტერესების წინააღმდეგ დაიწყონ მოქმედება და კონტროლი დავკარგოთ“, — ამბობს გეიტსი. მისივე განცხადებით, ეს რისკები სწრაფად უნდა გაკონტროლდეს და AI-ის განვითარების გლობალურად შენელებისთვის სანდო გეგმის არსებობის შემთხვევაში, მილიარდერი ამ გეგმის მხარდაჭერასაც არ გამორიცხავს.„თუმცა არ ვფიქრობ, რომ ეს [გეგმა] იარსებებს. გეოპოლიტიკური და ეკონომიკური ინტერესები იმდენად ძლიერია, რომ ისინი AI-ის სწრაფი განვითარებისკენ გვიბიძგებს“, — წერს გეიტსი.AI-დან მომდინარე საფრთხეებზე გეიტსმა CNN-თან ინტერვიუში ისაუბრა. ამერიკელი ბიზნესმენის თქმით, AI-მოდელები იმაზე სწრაფად და მნიშვნელოვნად გაძლიერდა, ვიდრე თავად ელოდა. მათ შორის, თანამედროვე მოდელებს უკვე შეუძლიათ კიბერშეტევების, ბიოტერორიზმისა და ფსიქოსოციალური ზიანის რისკების შექმნა.გეიტსი AI-სა და რობოტების გამოყენების დაბეგვრის ინიციატივითაც გამოდის, ზუსტად ისე, როგორც ეს ადამიანების შრომის ანაზღაურებასთან დაკავშირებით ხდება. მილიარდერი მიიჩნევს, რომ მსგავსი მიდგომა ადამიანური შრომიდან ავტომატიზაციაზე გადასვლის პროცესს შეანელებს. ამასთან ერთად კი, გეიტსი მიიჩნევს, რომ გარკვეული ტიპის სამუშაოები მხოლოდ ადამიანებისთვის უნდა იყოს განკუთვნილი.„ჩემი გზავნილი ლიდერებისთვის ასეთია: ახლა თქვენ შესაძლებლობა გაქვთ, იმოქმედოთ — მანამ, სანამ უმუშევრობა მკვეთრად გაიზრდება, საზოგადოება მნიშვნელოვნად დაზარალდება და ადამიანების ნდობა შეირყევა. თქვენ შეგიძლიათ უზრუნველყოთ, რომ ხელოვნურმა ინტელექტმა ყველას სარგებელი მოუტანოს“, — განაცხადა გეიტსმა.წყარო: forbes.ge

„ტანკერს, რომელიც სანქციადადებული გემების სიაშია, თურქეთიდან - ნატოს წევრი სახელმწიფოდან - ბენზინი რუსეთის ბალტიის ზღვის ნავსადგურში გადააქვს; ხელმოწერილია შეთანხმება ყაზახეთთან, რუსული ნავთობის გადასამუშავებლად და ბენზინის იმპორტზე. ბენზინით დატვირთული ტანკერები, ეგვიპტის სუეცის არხის გავლით, ინდოეთიდან რუსეთისაკენ მიცურავენ...კრემლი თავის მიმართ ლოიალურად განწყობილ ქვეყნებს სთხოვს, რომ რუსეთს ჰაერივით საჭირო საწვავი მიჰყიდონ. შეიძლება კიდევ სხვა მაგალითები დავასახელოთ, მაგრამ ესეც საკმარისია, რომ დასკვნამდე მივიდეთ: რუსეთის ნავთობგადამამუშავებელი მრეწველობა უმწვავეს კრიზისშია“, - წერს ბრიტანული გაზეთი „გარდიანი“ (The Guardian) სტატიაში სათაურით: „უკრაინული დრონების შეტევებმა რუსეთი აიძულა, საწვავის იმპორტი დაეწყო: მსოფლიოში ერთ-ერთი უდიდესი ნავთობის მომპოვებელი ქვეყანა ბენზინის მათხოვრად გადაიქცა“ (ავტორი - პიტერ ბომონტი, ანალიტიკოსი, საერთაშორისო მიმომხილველი).პუბლიკაციაში გაანალიზებულია რუსეთში შექმნილი კრიზისული სიტუაცია, რომელიც საავტომობილო ბენზინის მწვავე დეფიციტით არის გამოწვეული.გთავაზობთ სტატიას მცირე შემოკლებით:მხოლოდ ერთი ზაფხულის განმავლობაში რუსეთი, რომელიც ოდესღაც მსოფლიოში მეორე ადგილზე იყო ნედლი ნავთობის მოპოვებით, დღეს იძულებულია, ბენზინის (და დიზელის) წყაროები ეძებოს, რომ როგორმე „ამოქოლოს“ უკრაინული დრონების დაბომბვებით გაჩენილი ხვრელები, საწვავით უზრუნველყოფის საქმეში: შეიძლება ერთმნიშვნელოვნად ითქვას, რომ რუსეთის ნავთობგადამამუშავებელი მრეწველობა უმწვავეს კრიზისშია.ბოლო კვირების განმავლობაში კრემლი გამალებით ცდილობს ენერგეტიკული კრიზისის მოგვარებას, რომელსაც უკვე ვერაფრით ვეღარ ნიღბავს - ყველგან, თვით მოსკოვშიც კი, ბენზინგასამართ სადგურებთან ავტომობილების უსასრულო რიგებია. ქვეყნის ევროპულ (და აზიურშიც) ნაწილში განლაგებული ნავთობის გადამამუშავებელი ქარხნებიდან თითქმის ყველა პარალიზებულია.მიმდინარე კვირაში რუსეთმა პირველად იყიდა თურქეთისაგან ბენზინის დიდი პარტია, 200 ათასი ბარელის მოცულობით. ტანკერი მერსინის ნავსადგურიდან ბალტიისპირა პორტში - პრიმორსკში უნდა ჩავიდეს, ინდოეთიდან კი, ვადინარის ქარხნიდან, რუსეთისაკენ უკვე მეხუთე ტანკერი მიცურავს: კრემლმა მთლიანობაში ერთი მილიონი ბარელი ბენზინი შეისყიდა.ახლახან რუსეთმა შეთანხმება გააფორმა ყაზახეთთან - კომპანია „კონდენსატთან“, რომლის ქარხნები ქვეყნის დასავლეთ ნაწილში მდებარეობენ. დოკუმენტის პირობის თანახმად, რუსეთი კომპანიას თავის ნავთობს მიაწვდის, რომლის 70% ბენზინის სახით დაუბრუნდება. რადგან ქარხანა რუსეთთან მილსადენით არ არის დაკავშირებული, ნავთობის მიწოდება და ბენზინის დაბრუნება რკინიგზით მოხდება.ამ ზაფხულს რუსეთმა მნიშვნელოვნად გააფართოვა ბენზინის იმპორტი ბელარუსიდან - თავისი მოკავშირიდან უკრაინის წინააღმდეგ ომში. მიმდინარე წლის ივნის-ივლისში, წინა წლის ანალოგიურ პერიოდთან შედარებით, ბელარუსიდან ბენზინის იმპორტი 141-ჯერ გაიზარდა.თავდაპირველად კრემლის ჩინოვნიკები იმედოვნებდნენ, რომ რუსეთი როგორმე საკუთარი რესურსებით გადალახავდა საწვავის კრიზისს, იყო ამის ნიშნები, მაგრამ აგვისტოში სიტუაცია ისევ გამწვავდა - მთლიანად გაჩერდა ორსკის ნავთობგადამამუშავებელი ქარხანა - ერთ-ერთი უდიდესი ქვეყანაში. ამჟამად რუსეთის სულ მცირე ექვს რეგიონში საწვავის გაცემა მკაცრად ლიმიტირებულია.მიუხედავად იმისა, რომ რუსეთის პრემიერ-მინისტრის მოადგილე ალექსანდრე ნოვაკი აცხადებს, რომ ბოლო ხანებში სიტუაცია სტაბილიზდება, ფედერალური შტაბი ნაყოფიერად მუშაობსო, მდგომარეობას გაუმჯობესება მაინცდამაინც არ ეტყობა.უკრაინის მიზანი ნათელია: მიიტანოს რუსეთის მოსახლეობამდე ის აზრი, რომ უკრაინის მოსახლეობის მსგავსად, ისინი იძულებულნი იქნებიან მწარე რეალობა გააცნობიერონ - ომის ფასს ისინიც გადაიხდიან.საერთაშორისო სანქციური რეჟიმის პირობებში, რომელმაც უკვე მიაყენა დიდი ზიანი რუსეთის ეკონომიკას, ნავთობის გადამამუშავებელი ქარხნების გაჩერება არა მარტო ძირს უთხრის ვლადიმერ პუტინის შემოსავლებს ომის გასაგრძელებლად, არამედ იწვევს საწვავის შიდაკრიზისსაც, რომელიც იმდენად მძიმეა, რომ მთავრობის მიერ რადიკალური ზომების მიღება (უცხოური ბენზინის იმპორტი პირველად!) სიტუაციას ვერ შველის.აგვისტოში უკრაინამ 18 თავდასხმა განახორციელა, რუსეთის ნავთობგადამამუშავებელ ქარხნებზე, რაც რეკორდულია თავისი რაოდენობით. დარგობრივ ანალიტიკოსთა მონაცემებით, ჯერ კიდევ მაშინ, როცა უკრაინამ თავისი კამპანია გააფართოვა, რუსული ქარხნების წინააღმდეგ, ბენზინის წარმოება 28%-ით იყო შემცირებული.ივნისში ავსტრალიელმა გადამდგარმა გენერალმა მიკ რაიანმა განაცხადა, რომ უკრაინა არ გაჩერდება და თავის ძალისხმევას გააგრელებს იმ მიზნით, რომ რუსეთის ნავთობმოპოვება და ნავთობგადამუშავება მნიშვნელოვნად შემცირდეს. „ვლადიმერ პუტინს არასოდეს საჯაროდ უკან არ დაუხევია თავისი მაქსიმალისტური ამბიციებისაგან, რომ უკრაინა დაიმორჩილოს. კიევის დარტყმები მიმართულია არა იქითკენ, რომ მან თავისი რიტორიკა შეცვალოს, არამედ იმისკენ, რომ მისი გათვლები ჩაიშალოს“, - აღნიშნა მან.„ამჟამინდელი სტრატეგია, საბოლოო ჯამში, არის შეჯიბრი სხვადასხვა კონკურირებად გათვლებს შორის. უკრაინა ფსონს დებს იმაზე, რომ რუსეთის ეკონომიკა მუდმივი ზეწოლის ქვეშ იყოს. დადგება დრო, როცა კრემლი ბრძოლის ველზე თავის ჯარებს ვეღარ მოამარაგებს. შეიძლება ეს სწრაფად არ მოხდეს, მაგრამ ვლადიმერ პუტინი გააცნობიერებს, რომ დრო მის სასარგებლოდ არ მუშაობს“, - განაცხადა მიკ რაიანმა.წყარო: კვირის პალიტრა