• Ƀ/$

დეპოზიტების მოცულობა 20.3%-ით გაიზარდა

16 აგვისტო 13:56, 2018 წელი | ფინანსები

კომერციული ბანკებში განთავსებული დეპოზიტების მოცულობამ 2018 წლის 1 ივლისის მდგომარეობით 20.3 მილიარდი ლარი შეადგინა, რაც 4.5 მლრდ-ით 20.3%-ით აღემატება გასული წლის ანალოგიური პერიოდის მაჩვენებელს. 

გაცვლითი კურსის ეფექტის გამორიცხვით დეპოზიტების მოცულობის წლიურმა ზრდამ 19% შეადგინა.


ფიზიკური პირების მიერ განთავსებული დეპოზიტების მოცულობა 1 წელიწადში 16.1%-ით გაიზარდა. ლარში განთავსებული დეპოზიტების წლიურმა ზრდამ 29.5% შეადგინა, უცხოურ ვალუტაში კი 12.2%-ით. დეპოზიტების ტიპების მიხედვით ყველაზე მაღალი ზრდა -21.6% მოთხოვნამდე ანაბრებში დაფიქსირდა, 14.1%-ით მას ვადიანი ანაბრები მოსდევს, მიმდინარე ანგარიშის ზრდამ კი 9.9% შეადგინა.


იურიდიული პირების დეპოზიტების მოცულობა უფრო მეტით 22.4%-ით გაიზარდა, ლარში განთავსებული დეპოზიტების წილი 55.2%-ით გაიზარდა, უცხოურ ვალუტაში გათავსებული დეპოზიტების წილი კი პირიქით 3.4%-ით შემცირდა. მიმდინარე ანგარიშების წილი 4.8 პროცენტითაა შემცირებული, სამაგიეროდ მკვეთრად 72.2%-ით გაიზარდა მოთხოვნამდე ანაბრები და კიდევ უფრო მეტით 90.3%-ით გაიზარდა ვადიანი ანაბრების მოცულობა.


 


მსგავს თემაზე:


სესხების ჯამურმა მოცულობამ 23 მილიარდს გადააჭარბა


დეპოზიტებში ლარიზაციის მაჩვენებელმა 39.2%-ს მიაღწია


სხვა სიახლეები