• Ƀ/$

ევროკავშირთან სატრანსპორტო სფეროში თანამშრომლობა გაღრმავდება

29 იანვარი 15:38 | ეკონომიკა

ევროკომისიის ტრანსპორტისა და მობილობის გენერალური დირექტორმა ჰენრიკ ჰოლოლეიმ კონფერენციაზე „საქართველო და მსოფლიო 2019 წელს“ სიტყვით გამოსვლისას საქართველო-ევროკავშირის თანამშრომლობის მნიშვნელობას გაუსვა ხაზი. 

კონფერენცია თბილისის ტექნოპარკში ბრიტანული ჟურნალის THE ECONOMIST-ის წლიური გამოცემის „მსოფლიო 2019“- ის ეგიდით იმართება, ის საქართველოს პრემიერ-მინისტრმა მამუკა ბახტაძემ გახსნა.


ევროკომისიის ტრანსპორტისა და მობილობის გენერალური დირექტორმა მისასალმებელ სიტყვაში ხაზი გაუსვა საქართველო-ევროკავშირის თანამშრომლობის მნიშვნელობას. როგორც მან აღნიშნა, ამგვარი ურთიერთობების საწინდარი ასოცირების ხელშეკრულება და შესაბამისად,  ღრმა და ყოვლისმომცველი თავისუფალი ვაჭრობის ხელშეკრულება. „ამის მიზანი იყო როგორც პოლიტიკური დაახლოება, ასევე ეკონომიკური ინტეგრაცია. ევროკავშირი საქართველოს უმსხვილესი სავაჭრო პარტნიორია საერთო ვაჭრობაში 30%-იანი წილით. ჩვენ ყოველწლიურად 120 მილიონი ევროს ოდენობის დახმარებას ვუწევთ ქვეყანას და ჩვენი ბანკი - ევროპის საინვესტიციო ბანკი, ინფრასტრუქტურული პროექტების მთავარი მხარდამჭერია, უმთავრესად სატრანსპორტო ინფრასტრუქტურის განვითარების კუთხით“, - განაცხადა ჰენრიკ ჰოლოლეიმ.


ჰოლოლეის ინფორმაციით, ის საქართველოს ეკონომიკის მინისტრთან იწყებს დიალოგს საქართველოსა და ევროკავშირს შორის სატრანსპორტო გზების განვითარების კუთხით. „ძალიან მოხარული ვარ, რომ ამ მისასალმებელი სიტყვების დასრულებისთანავე, მე და ჩემი კოლეგა, გიორგი ქობულია დავიწყებთ დიალოგს საქართველოსა და ევროკავშირს შორის სატრანსპორტო გზების განვითარების კუთხით. ასეთ დიალოგს ევროკავშირი იმ ქვეყნებთან აწარმოებს, სადაც აშკარაა ორმხრივი სტრატეგიული და ურთიერთობების შემდგომი გაღრმავების ინტერესი“, - განაცხადა ჰენრიკ ჰოლოლეიმ. მან ხაზი გაუსვა საქართველოს საავიაციო და ტურისტული სექტორების განვითარების ტემპს და მნიშვნელობას, თუმცა, აღნიშნა, რომ რომ სწრაფი ზრდა ასევე ახალ გამოწვევებს წარმოშობს. ამიტომ, აუცილებელია ინფრასტრუქტურის შემდგომი ინვესტირება, რათა შესაძლებელი იყოს მოთხოვნის სათანადოდ დაკმაყოფილება.


„სასიხარულო ამბავია, რომ სულ რამდენიმე კვირის წინ, 9 იანვარს, ევროკავშირმა ფორმალურად გააფართოვა ევროკავშირის ტრანსევროპული ქსელი და მის ფარგლებში აღმოსავლეთ პარტნიორობის ქვეყნებიც მოაქცია. ეს ძალიან მნიშვნელოვანი


გადაწყვეტილებაა, ვინაიდან ახალ გეგმებს უსახავს საქართველოს პრიორიტეტული კავშირების განვითარების თვალსაზრისით როგორც რეგიონის შიგნით, ასევე ევროკავშირის ქვეყნებთან. ამით ასევე უზრუნველყოფილია სტაბილურობის განცდა ინვესტორებისათვის. გარდა ამისა, ვმუშაობთ იმ კავშირების დადგენაზე, რომლებიც მომავალში უზრუნველყოფს უკეთეს კავშირს ევროკავშირსა და საქართველოს შორის“, - განაცხადა  ევროკომისიის ტრანსპორტისა და მობილობის გენერალური დირექტორმა.


მსგავს თემაზე:

გერამანია სატრანსპორტო რევოლუციას ამზადებს


პროექტების ჩამონათვალი, რომლებსაც ევროკავშირი საქართველოში €3.4 მლრდ-ით დააფინანსებს


ნატოსა და ევროკავშირში გაწევრიანების მომხრეთა რიცხვი გაიზარდა



სხვა სიახლეები