• Ƀ/$

ტურიზმის ეროვნული ადმინისტრაცია CNN-თან და BBC-თან თანამშრომლობას აგრძელებს

11 მარტი 10:49 | ეკონომიკა

საქართველოს ტურისტული ცნობადობის ამაღლების მიზნით ტურიზმის ეროვნული ადმინისტრაცია მსოფლიოში წამყვან მედიასაშუალებებთან და ონალ ტურისტულ პლათმორმებთან თანამშრომლობას იწყებს.

ბერლინში გამართული საერთაშორისო ტურისტული გამოფენის ფარგლებში ტურიზმის ადმინისტრაციის ხელმძღვანელი მარიამ ქვრივიშვილი CNN-ის, BBC-ის, National Geographic-ის,  Expedia-ს და სხვას გავლენიანი მედიასაშულებების და ონლაინ პლათფორმების წარმომადგენელს შეხვდა. საუბარი შეეხო თუ რა ფორმით მოხდება  სტრატეგიულ ტურისტულ ბაზრებზე საქართველოს პოპულარიზაცია. 


„დღეს ძალიან პროდუქტიული შეხვედრები გავმართეთ ისეთი კომპანიების წარმომადგენლებთან როგორებიც არიან: CNN, BBC, Expedia და ა.შ.  ჩვენ განვიხილავთ თუ როგორ შეიძლება სტრატეგიულ სამიზნე ბაზრებზე საქართველოს ტურისტული ცნობადობის  კიდევ უფრო გაზრდა. ასევე დღეს ჩვენ შევხვდით საერთაშორისო ორგანიზაციის წევრებს, რომელიც მუშაობს ახალგაზრდული ტურიზმის განვითარებაზე. ძალიან გვინდა საქართველოში ახალგაზრდული ტურიზმის დანერგვა. ჩვენ ვისაუბრეთ თანამშრომლობის შესახებ, მაგალითად საქართველოში გაიმართოს სემინარი, რაც კერძო სექტორს მისცემს საშუალებას ზუსტად გაერკვიოს, თუ რა პროდუქტია საჭირო იმისათვის, რომ საქართველოში მოვიზიდოთ ახალგაზრდული ტურისტული ჯგუფები და არა მხოლოდ ახალგაზრდული.“-განაცხადა მარიამ ქვრივიშვილმა.   


მსგავს თემაზე:

ტურიზმიდან შემოსავალი იანვარში 5%-ით გაიზარდა


ტურიზმის ინფრასტრუქტურაზე 183 მლნ დაიხარჯება


ტურიზმისადმინისტრაციის ხელმძღვანელმა ამერიკის სავაჭრო პალატის წევრებს 2025 წლის სტრატეგია გააცნო



სხვა სიახლეები