• Ƀ/$

ბიზნესომბუდსმენი რეგულაციებს მთავარ გამოწვევად ასახელებს

15 აპრილი 11:01 | მედია ბიზნესისთვის - M2B

ბიზნესომბუდსმენის, ირაკლი ლექვინაძის განცხადებით მიუხედავად იმისა, რომ მისი რეკომენცაციების 80% შესრულდა, რეგულაციები კვლავ დიდ პრობლემად რჩება.

„კრიტიკულ საკითხად რჩება სხვადასხვა ბიზნეს სექტორებზე, მათ შორის სამშენებლო და საცალო ვაჭრობის სფეროებში დასაქმებული კომპანიებისთვის, საბანკო რეგულაციების გავლენა. ბიზნესომბუდსმენის აპარატი აქტიურ კომუნიკაციაშია რეგულაციის გავლენის ქვეშ მყოფ კომპანიებთან და მიაჩნია რომ მნიშვნელოვანია მათი შერბილება, რადგან ამან დრამატული გავლენა არ მოახდინოს მათ ბიზნეს აქტივობაზე.“- განაცხადა ბიზნესომბუდსმენმა.


მისივე თქმით, კრიტიკულ საკითხებს შორისაა თბილისის ახალი  გენერალური გეგმით განსაზღვრული ზონირების ფარგლებში მიწის მესაკუთრეების  უფლებების შეზღუდვის შემთხვევები.


„მიგვაჩნია, რომ ქალაქ თბილისის მუნიციპალიტეტის მერიის მიერ მიწის მესაკუთრეებისათვის განხილული და შეთავაზებული იქნას პრობლემის გადაჭრის სხვადასხვა ალტერნატივა, მათ შორის მიწის ნაკვეთების მონაცვლეობის გამოყენებით, რათა არ შეილახოს მათი სამეწარმეო ინტერესები და შეუფერხებლად მოახერხონ ბიზნეს საქმიანობის გაგრძელება.“- ამბობს ირაკლი ლექვინაძე.


ბიზნესომბუდსმენის თქმითვე ასევე, პრობლემად რჩება ადმინისტრაციული ორგანოების მხრიდან პასუხგაუცემელი და დაგვიანებული პასუხები სხვადასხვა მიმდინარე საკითხებზე.


მსგავს თემაზე:

საბანკო რეგულაციები შესაძლოა შერბილდეს


საბანკო რეგულაციების კორექტირება სტატისტიკურ მონაცემებზეა დამოკიდებული


ბიზნესომბუდსმენის რეკომენდაციების 80% სრულად ან ნაწილობრივ დაკმაყოფილდა



სხვა სიახლეები