• Ƀ/$

2035 წლისთვის მსოფლიოს 10 უდიდეს ქალაქში 324 მლნ ადამიანი იცხოვრებს

30 ოქტომბერი 16:15, 2019 წელი | მედია ბიზნესისთვის - M2B

მსოფლიო ურბანიზაციის მაჩვენებელი 1960-2017 წლებში 33%-დან 54%-მდე გაიზარდა. განვითარებულ მსოფლიოში კი ამ მაჩვენებელმა უკვე დიდი ხანია 80%-საც გადააჭარბა.

ძველი ბაბილონისა და ძველი რომის შემდეგ მილიონიანი ქალაქების ახალი ისტორია XIX საუკუნეში იწყება და პირველად ამ მაჩვენებელს ლონდონმა მიაღწია. დღეს კი უკვე ასეთი 370-ზე მეტი ქალაქია.


დიდ ქალაქებთან ერთად არსებობს მეგა ქალაქები, რომელთა მოსახლეობაც 10 მლნ-ს აღემატება. ასეთი უკვე 33-ა და 2035 წლამდე კიდევ 10-ით 43-მდე გაიზრდება.


ამავე პერიოდისთვის ტოკიო ლიდერის სტატუსს დაკარგავს და მეორე ადგილზე გადაინაცვლებს. პირველ ადგილს 43 მლნ-ით კი ინდოეთის დედაქალაქი დელი დაიკავებს, რომელშიც ამჟამად 28 მლნ ადამიანი ცხოვრობს. 2035 წლისთვის ინდოეთის პირველ ადგილზე იქნება მოსახლეობით, რომელიც ჩინეთს 2025 წლამდე გადაუსწრებს. თუ დღეს მოსახლეობა 30 მლნ-ს მხოლოდ ტოკიოში აჭარბებს 2035 წლისთვის ასეთი 4 ქალაქი იარსებებს: დელი, ტოკიო, შანხაი და დაკა (ბანგლადეშის დედაქალაქი). 5-დან 14-მდე გაიზრდება 20 მლნ-იან ქალაქთა რიცხვიც. მილიონიანი ქალაქების რაოდენობა კი 500-ს გადააჭარბებს.



დღეს 10 უდიდეს ქალაქში 228 მლნ ადამიანი ცხოვრობს, 2035 წელს ეს მაჩვენებელი 96 მლნ-ით 324 მლნ-მდე გაიზრდება. ქალაქებში კი ამ დროისთვის უკვე 6.2 მლრდ-ს მიაღწევს, რაც ამჟამინდელ მაჩვენებელზე 2 მლრდ-ით მეტია.


მსგავს თემაზე:

2050 წელს ქალაქებში დღევანდელზე 3 მილიარდით მეტი ადამიანი იცხოვრებს


ნორვეგია მომავლის ქალაქს აშენებს


ჩინეთის 35 ქალაქში მეტროპოლიტენი ფუქნციონირებს, კიდევ 11-ში 2023 წლამდე გაიხსნება


2050 წლისათვის სიცოცხლის საშუალო ხანგძლივობა ზოგიერთ ქვეყანაში 90 წელს გადააჭარბებს



სხვა სიახლეები