1768300180
200 მლრდ დოლარის ფინანსური იმპერია - რა ქონებას ფლობს აიათოლა ხამენეი
ირანის უზენაესი ლიდერი და ცნობილი შიიტი სასულიერო პირი, ალი ხამენეი სამ ათწლეულზე მეტი ხნის განმავლობაში ისლამურ რესპუბლიკაზე უპრეცედენტო ავტორიტეტს ფლობს.
BBN TIMES მისი პირადი ქონების შესახებ წერს, რაც საჯაროდ არ დასტურდება, თუმცა ინფორმაცია ამის შესახებ ფართოდ ვრცელდება.
კერძოდ, ალი ხამენეი უზარმაზარ ფინანსურ იმპერიას მართავს, რომლის სავარაუდო ღირებულება 95-დან 200 მლრდ დოლარამდე შეადგენს. ის ამას ისეთი ორგანიზაციის მეშვეობით აკეთებს, როგორიც იმამის ბრძანებების აღსრულების შტაბი Setad-ია და რომელიც ჩამორთმეულ ქონებაზე, ინვესტიციებსა და სახელმწიფოსთან დაკავშირებულ აქტივებზე არის დაფუძნებული.
კერძოდ, Reuters-ის 2013 წლის საგამოძიებო რეპორტაჟის თანახმად, ხამენეის ზედამხედველობის ქვეშ მყოფი Setad-ის ფონდი უზარმაზარ უძრავ ქონებას, ფინანსურ აქტივებსა და შაჰის ეპოქისა თუ სხვა დროის ჩამორთმეულ ქონებას განკარგავს, რომლის ღირებულებაც მაშინ, მინიმუმ, 95 მლრდ დოლარს შეადგენდა. თუმცა აშშ-ის ოფიციალური პირები ვარაუდობენ, რომ ეს თანხა ამჟამად 200 მლრდ დოლარს მიუახლოვდა.
შედარებისთვის: 1979 წელს, შაჰის თანამდებობიდან მოჰამედ რეზა ფეჰლევის გადყენების დროს შაჰის მნიშვნელოვანი პირადი აქტივი სააქციო საკონტროლო წილებს შემდეგ კომპანიებში მოიცავდა:
- 17 ბანკი
- ირანის უმსხვილესი სადაზღვევო კომპანიის 80%
- ლითონის მწარმოებელი 25 კომპანია
- სამთომომპოვებელი 8 საწარმო
- ირანული ცემენტის უმსხვილესი კომპანიის 25%
- 45 სამშენებლო კომპანია
- საკვები პროდუქტების მწარმოებელი 43 კომპანია
- საკუთრების წილი ირანის ყველა მსხვილ სასტუმროში, რომლებშიც ქვეყნის სასტუმრო ნომრების 70% შაჰს პირადად ეკუთვნოდა
- General Motors Iran-ის 10%
ამდენად, 1989 წლის აპრილში, მაშინდელ აიათოლა რუჰოლა ხომეინის მიერ დაფუძნებულ კორპორატიულ ერთეულ Setad-ს მიეცა უფლებამოსილება, შაჰისთვის ჩამორთმეულ ყველა აქტივზე საბოლოო გადაწყვეტილება მიეღო. Setad-ის შექმნიდან ორი თვის შემდეგ, 1989 წლის 3 ივნისს, 86 წლის ასაკში რუჰოლა ხომეინი გარდაიცვალა და ის მალევე მისმა ყოფილმა სტუდენტმა, ალი ხამენეიმ შეცვალა.
2018 წელს, აშშ-ის მაშინდელმა სახელმწიფო მდივან მაიკ პომპეომ Setad ხამენეის “პირად არაოფიციალურ ჰეჯ-ფონდად“ მოიხსენია.
Setad-ის “იმპერია” რეჟიმის პრიორიტეტებს, მათ შორის, ინფრასტრუქტურასა და სესხებს პარლამენტისგან დამოუკიდებლად აფინანსებს და პოლიტიკურ კონტროლს, ასევე, ელიტის გამდიდრებას ემსახურება.
ალი ხამენეის კორუფციაში, ფულის გათეთრებასა და უკანონო საქმიანობაში მონაწილეობაში სდებენ ბრალს, თუმცა დადასტურებული მტკიცებულება, რომელიც მის პირდაპირ პირად ფუფუნებას აჩვენებს, ჯერ არ არსებობს. ხამენეი თეირანის უბრალო რეზიდენციაში სპარტანული, ანუ მკაცრი წესით ცხოვრებით მოკრძალებას ავლენს. მისი ოჯახის წევრებს, მათ შორის, ვაჟ მოჯტაბუს სიმდიდრის შესახებ, ასევე, ცალკეულ ბრალდებებს უყენებენ, რაც, ძირითადად, სახელმწიფოსთან დაკავშირებულ ორგანიზაციებს უკავშირდება. ირანის ეკონომიკური პრობლემების ფონზე Setad-ის გაუმჭვირვალობასა და მის საქმიანობაზე ქვეყანაში და საზღვარგარეთაც სერიოზული დისკუსიაა.
COVID-19-ის პანდემიის დროს Setad-ის გავლენა ჯანდაცვაზეც გავრცელდა და ირანში პირველი ადგილობრივი ვაქცინა, COVIran Barekat გამოუშვა. მაშინ ხამენეიმ, ჯანდაცვის მხარდაჭერისა და ირანის ცხოვრებაში Setad-ის როლის დემონსტრირების მიზნით, ირანული ვაქცინა სიმბოლურად პირდაპირ ეთერში გაიკეთა.
ცნობისთვის: ალი ხამენეის, როგორც ირანის უზენაეს ლიდერს, სამხედრო, სასამართლო, მედია და საგარეო პოლიტიკაზე აბსოლუტური ძალაუფლება აქვს. ის ნიშნავს ძირითად ფიგურებს და კონტროლის შესანარჩუნებლად ინსტიტუტებში ერევა.
ცნობისათვის, უკვე მესამე კვირაა ირანში მასშტაბური ანტისამთავრობო საპროტესტო აქციები იმართება. ქვეყანაში სულ უფრო და უფრო მძიმდება მდგომარეობა, პროტესტი გრძელდება, ირანის ისლამისტური რეჟიმის რეპრესიები კი სულ უფრო სისხლიანი ხდება. სხვადასხვა მონაცემებით, აქციების დროს გარდაცვლილთა რაოდენობა რამდენიმე ასეულს აჭარბებს.
მსოფლიო
სხვადასხვა
1768195864
12 იანვრის ამინდის პროგნოზი12 იანვარს, საქართველოს უმეტეს ქალაქში მოღრუბლული ამინდი იქნება. ზოგან ნალექი წვიმის სახით, თოვას სინოპტიკოსები მხოლოდ მაღალ მთაში ვარაუდობენ.ამინდის პროგნოზი ქალაქების მიხედვით:გაგრა +11 - წვიმასოხუმი +12 - წვიმაზუგდიდი +13 - წვიმამესტია +2 - თოვლიფოთი +13 - უმეტესად ღრუბლიანიბათუმი +14 - წვიმაოზურგეთი +13 - მოღრუბლულიქუთაისი +13 - მოღრუბლულიამბროლაური +9 - მოღრუბლულიახალციხე +7 - მოღრუბლულიბორჯომი +6 - მოღრუბლულიბაკურიანი +3 - მოღრუბლულიგორი +9 - მოღრუბლულიცხინვალი +8 - მოღრუბლულისტეფანწმინდა +1 - თოვლიგუდაური -3 - თოვლითელავი +13 - მოღრუბლულირუსთავი +12 - მოღრუბლულითბილისი +11 - უმეტესად ღრუბლიანი
1767938727
„ქარის გაძლიერება, ძლიერი წვიმა, თოვლი, ზვავსაშიშროება“ - გარემოს სააგენტოს გაფრთხილება მოსალოდნელი ამინდის შესახებგარემოს ეროვნული სააგენტო უახლოეს დღეებში საქართველოში მოსალოდნელი ამინდის შესახებ მოსახლეობას აფრთხილებს.სინოპტიკოსების პროგნოზით, 9 იანვრიდან 10 იანვრის დილამდე დასავლეთ საქართველოში მოსალოდნელია წვიმა, ზოგან ძლიერი ელჭექთან ერთად, შესაძლებელია ქარის გაძლიერება და ზღვაზე 3-4 ბალიანი შტორმული ღელვა.„ქვეყნის მაღალმთიან რაიონებში მოსალოდნელია თოვა, ზოგან ძლიერი, ნისლი, ქარბუქი და ზვავსაშიშროება. დიდთოვლობის, ქარბუქის, ხილვადობის გაუარესების, ლიპყინულის და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა. მოსალოდნელმა ნალექმა შესაძლებელია დასავლეთ საქართველოს მდინარეებზე წყლის დონეების მნიშვნელოვანი მატება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო)“, – აღნიშნულია გარემოს ეროვნული სააგენტოს ინფორმაციაში.
1767857115
„ნესტლემ“ ჩვილ ბავშვთა ხელოვნური საკვების პარტიები გაიწვია - რომელ პროდუქტებს შეეხო აკრძალვაკომპანია „ნესტლემ“ ჩვილის ხელოვნური საკვების შეზღუდული პარტიები გაიწვია. საქმე ეხება მშრალი ხსნადი რძისა და ფერმენტირებული რძის შემცველი ფორმულების შერჩეულ პარტიებს, ასევე ამინომჟავებზე დაფუძნებულ გარკვეულ პროდუქტებს, რომლებიც სპეციალიზებული სამედიცინო დიეტის მქონე ჩვილებისთვის არის განკუთვნილი. პროდუქტებს შორისაა NAN 1 OPTIPRO, NAN 2 OPTIPRO, NAN Kislomolochniy (12 თვემდე ჩვილებისთვის), NAN Supreme (იგივე ასაკობრივი ჯგუფი) და ALFARÉ Amino.თავდაპირველად გავრცელებული ინფორმაციით, „ნესტლემ“ პროდუქცია უზბეკეთიდან და ყაზახეთიდან გაიწვია, თუმცა მოგვიანებით ცნობილი გახდა, რომ თავისი პროდუქცია - SMA, BEBA და NAN კომპანიამ ევროპის რამდნეიმე ქვეყნიდანაც ამოიღო.საქმე ეხება არაქიდონის მჟავაში ცერეულიდის ტოქსინს, რომელიც მიუხედავად იმისა, რომ მინიმალური ოდენობით დადასტურდა, „ნესტლემ“ ნებისმიერი შესაძლო რისკის შესამცირებლად ნებაყოფლობითი გამოწვევის მეთოდი აირჩია. გაწვევის პროცესი უზბეკეთში 2026 წლის 5 იანვარს დაიწყო.კომპანიაში განმარტავენ, რომ ამოღებას დაექვემდებარა მხოლოდ მითითებული პარტიები და ჩვილ ბავშვთა სხვა კვების პროდუქტები ჩვეულებრივ კვლავ რჩება გაყიდვაში. „ნესტლემ“ ხაზგასმით აღნიშნა, რომ მომხმარებელთა ჯანმრთელობა და უსაფრთხოება მისი უმთავრესი პრიორიტეტია. კომპანიაში განაცხადეს, რომ გაწვევა წარმოადგენს სიფრთხილის ზომას, რომელიც შეესაბამება მის გლობალურ ხარისხისა და უსაფრთხოების სტანდარტებს. მათი მტკიცებით, დღემდე არ დაფიქსირებულა ზიანის არცერთი დადასტურებული შემთხვევა.
1767676249
როგორი ამინდი იქნება 6 იანვარს საქართველოში6 იანვარს, საქართველოს უმეტეს ქალაქში ღრუბლიანი ამინდია. დედაქალაქში +12 გრადუსი და უმეტესად მზიანი დღეა მოსალოდნელი.ამინდის პროგნოზი ქალაქების მიხედვით:გაგრა +16 - ღრუბლიანისოხუმი +14 - ღრუბლიანიზუგდიდი +14 - ღრუბლიანიმესტია 8 - ღრუბლიანიფოთი +14 - ღრუბლიანიბათუმი +14 - ღრუბლიანიოზურგეთი +15 - ღრუბლიანიქუთაისი +15 - ღრუბლიანიამბროლაური +13 - ღრუბლიანიახალციხე +11 - ღრუბლიანიბორჯომი +6 - ღრუბლიანიბაკურიანი +4 - ღრუბლიანიგორი +7 - ღრუბლიანიცხინვალი +8 - ღრუბლიანისტეფანწმინდა +3 - ღრუბლიანიგუდაური +0 - ღრუბლიანითელავი +12 - ღრუბლიანირუსთავი +11 - უმეტესად ღრუბლიანითბილისი +12 - უმეტესად ღრუბლიანი
1767602744
რა ქონებას ფლობს ნიკოლას მადურო, რომელიც ოდესღაც ავტობუსის მძღოლი იყონიკოლას მადურომ, რომელიც თითქმის 12 წელია ვენესუელას პრეზიდენტია, მმართველობა მოულოდნელად დაასრულა.შეგახსენებთ, მადურო და მისი მეუღლე, სილია ფლორესი, ვენესუელაში ჩატარებული ამერიკული სამხედრო ოპერაციის დროს დააკავეს და ნიუ-იორკის ციხეში გადაიყვანეს.რაც შეეხება მის ქონებას, 63 წლის მადუროსა და მისი მეუღლის, სილია ფლორესის, წმინდა ქონების შეფასება შეზღუდული ინფორმაციის გამო ბუნდოვანია. „ცნობილი ადამიანების წმინდა ქონების“ მიხედვით, მადუროს წმინდა ქონება დაახლოებით 2 მილიონ დოლარად არის შეფასებული, ხოლო ფლორესის წმინდა ქონება 2-დან 5 მილიონ დოლარამდე მერყეობს. ეს შეფასებები საჯარო სამსახურში დასაქმებულთა ხელფასებსა და აღრიცხულ აქტივებს ეფუძნება.ცნობისთვის, წლების წინ მადურომ კარაკასის მეტროპოლიტენის სისტემაში ავტობუსის მძღოლად დაიწყო მუშაობა. თანდათან ის პროფკავშირებში ჩაერთო. ამან ის პოლიტიკაში გაიყვანა და ვენესუელას ყოფილი პრეზიდენტის, უგო ჩავესის, ახლო მოკავშირე გახდა.2013 წელს ის დაქორწინდა ქვეყნის წამყვან იურისტსა და პოლიტიკოსზე, სილია ფლორესზე, რომელიც ვენესუელას ეროვნული ასამბლეის წევრი იყო, ხოლო 2006 წელს მისი პრეზიდენტი გახდა. 2006 წლიდან 2013 წლამდე მადურო ვენესუელას საგარეო საქმეთა მინისტრის თანამდებობას იკავებდა, შემდეგ კი ვიცე-პრეზიდენტი გახდა. 2013 წელს ჩავესის გარდაცვალების შემდეგ, ის სამხრეთ ამერიკული ქვეყნის პრეზიდენტი გახდა.2024 წელს ის მესამედ აირჩიეს პრეზიდენტად.შეგახსენებთ, მადუროს მთავრობას არაერთხელ დასდეს ბრალი ფართოდ გავრცელებულ კორუფციაში, მათ შორის ბრალდებებში, რომ მაღალი თანამდებობის პირები ნავთობიდან მიღებული შემოსავლის მილიარდობით დოლარს კრიმინალური ქსელების მეშვეობით ითვისებდნენ. მის ადმინისტრაციას აშშ-მა და სხვა ერებმა მკაცრი სანქციები დაუწესეს. 2020 წელს ვაშინგტონმა მას კორუფციასა და სხვა დანაშაულებში ბრალი წაუყენა.მადუროს მომავალ კვირას მანჰეტენის ფედერალურ სასამართლოში ნარკოტიკებთან და იარაღთან დაკავშირებულ ბრალდებებს წაუყენებენ.
