1726470899
32 წლის სელენა გომესი მილიარდერთა კლუბის წევრი გახდა
32 წლის მომღერალი სელენა გომესი მილიარდერთა კლუბს შეუერთდა. ვარსკვლავის ქონება ამჟამად 1.4 მლრდ დოლარს შეადგენს. ამ გზით ის Bloomberg-ის მილიარდერთა ინდექსის ერთ-ერთი საპატიო წევრი გახდა.
როგორც უცხოური წყაროები წერენ, გომესმა ქონების დიდი ნაწილი თავისი კოსმეტიკური ხაზის, Rare Beauty-დან დააგროვა, რომელიც მან 5 წლის წინ დააარსა. Bloomberg-ი წერს, რომ ბრენდის ღირებულება ამჟამად 1 მლრდ-ზე მეტია.
ამასთან, სელენა გომესმა მილიონობით დოლარი გამოიმუშავა Louis Vuitton-თან, Coach-თან და Puma-სთან თანამშრომლობით.
გასულ წელს გომესი Instagram-ის ყველაზე პოპულარული ქალიც გახდა, გამომწერების სიმრავლით. ამჟამად მისი ფოლოვერების რაოდენობა 424 მილიონს შეადგენს, რაც ტეილორ სვიფტისა და კაილი ჯენერის გამომწერთა რაოდენობაზე მეტია.