• Ƀ/$

ოფიციალური ერევნის პოზიცია: „მოქალაქეებს ვერ ავუკრძალავთ ყირიმში შესვლას“

13 ნოემბერი 17:05 | მედია ბიზნესისთვის - M2B

სომხეთი მის მიერ ნაკისრი საერთაშორისო ვალდებულებების ერთგულია და არასდროს ზღუდავს საკუთარი მოქალაქეების გადაადგილებას, რაც ადამიანის ფუნდამენტური უფლებაა.

აღნიშნულის შესახებ სომხეთის საგარეო საქმეთა სამინისტროს პრესმდივანმა ანა ნაგდალიანმა განაცხადა.


„საჭიროების შემთხვევაში სომხეთის საგარეო უწყება იძლევა რეკომენდაციებს მოგზაურობის უსაფრთხოების საკითხებთან დაკავშირებით“ - აღნიშნა ნაგდალიანმა.


ზემოხსენებული კომენტარი იყო პასუხი სომხეთში უკრაინის საელჩოს განცხადების საპასუხოდ.


11 ნოემბერს, ოფიციალური კიევის წარმომადგენლობამ პირადი ფეისბუქ-გვერდის საშუალებით განაცხადა: „სომხეთის მოქალაქეების ჯგუფმა მორიგი უკანონო ვიზიტი განახორციელა რუსეთის მიერ ანექსირებული ყირიმის ავტონომიური რესპუბლიკის ტერიტორიაზე. აღნიშნულთან დაკავშირებით საჭიროა იმის შეხსენება, რომ უკრაინის კანონმდებლობით ოკუპირებულ ტერიტორიაზე შესვლის წესის დარღვევისთვის გათვალისწინებულია არამხოლოდ ადმინისტრაციული, არამედ სისხლისსამართლებრივი პასუხისმგებლობა“.


სხვა სიახლეები