სავაჭრო ობიექტებში ნებისმიერი საბანკო ბარათით გადახდა ერთი ტერმინალიდან იქნება შესაძლებელი. ამის შესახებ საფინანსო-საბიუჯეტო კომიტეტის თავმჯდომარემ პაატა კვიჟინაძემ „საგადახდო სისტემისა და საგადახდო მომსახურების შესახებ“ კანონში შესატან ცვლილებებზე საუბრისას განაცხადა.მისი თქმით, ეს იქნება ე.წ. ჭკვიანი მარშრუტიზაციის სისტემა, რომელიც ყველა საბანკო ბარათს ამოიცნობს და გადახდის ყველაზე იაფ, სწრაფ და ოპტიმალურ გზას თავადვე აირჩევს.რაც შეეხება აღნიშნული ინიციატივის ვადებს, პაატა კვიჟინაძის თქმით, 2026 წლის აპრილიდან არის დაგეგმილი, თუმცა საკითხზე მსჯელობა გაიმართება და თარიღი შემდეგ გახდება ცნობილი.„ეს არის ე.წ. ჭკვიანი მარშრუტიზაცია. ეს გულისხმობს გადახდების ისეთ სისტემას, რომელიც ტრანზაქციის განხორციელებისას ირჩევს ყველაზე სწრაფ, იაფ და ოპტიმალურ გზას. ანუ „ჭკვიანი მარშრუტიზაცია“ შეამოწმებს მაგალითად, საკომისიოს ოდენობას, ოპერაციის სიჩქარეს და ტრანზაქციას განახორციელებს საუკეთესო გზით.გასაგებ ენაზე რომ ვთქვათ, დღეს მაღაზიაში დგას რამდენიმე ბანკის ტერმინალი და ყველა საფინანსო ოპერაცია ამ [კონკრეტული] ბანკით ხდება, ახლა ეს იქნება ტერმინალი, რომელიც ამოიცნობს ამ ბარათებს და კონკრეტულ ბანკთან კონტაქტი აღარ ექნება, პირდაპირ ამ მაღაზიაში გადაირიცხება თანხები.როდესაც მაგალითად, ბარათს დაადებს მცირე ბანკი, ვისაც ახლა გადახდის სისტემა არ აქვს, თავად ტერმინალი მიხვდება, რომელია ყველაზე სწრაფი, იაფი გზა, რომ ეს [გადახდა] გაკეთდეს. როდესაც დღეს მაღაზიაში შედიხარ, ყველა გვეკითხება, რომელი ბანკით გინდა გადახდა. უცხოეთში ალბათ, გინახავთ, ასეთი რამ არ არის - გაძლევს ერთ ტერმინალს და გადახდა ყველა ბარათიდან ხდება.რაც შეეხება საგადასახადო მომსახურების პროვაიდერისვადებს, რომ მოირგონ ჭკვიანი სისტემა, ეროვნულ ბანკს ექნება ვალდებულება, შეიმუშაოს ყველა ის მექანიზმი, რომელიც საჭიროა.. კანონპროექტით დადგენილი ვადა აპრილამდეა, თუმცა, ეს არ არის დოგმა, ჩვენ მზად ვართ, ამ საკითხზე ვისაუბროთ”, - აღნიშნა პაატა კვიჟინაძემ.ცნობისთვის, პარლამენტში საკომიტეტო განხილვები მიმდინარეობს „საგადახდო სისტემისა და საგადახდო მომსახურების შესახებ“ კანონში შესატან ცვლილებებზე, რომელთა ნაწილი გადავადდა. მაგალითად, მუხლები, რომელიც საბარათე გადახდებზე ბანკებისთვის ზედა ზღვრის დაწესებას გულისხმობდა, დროებით ამოღებულია პროექტიდან.

ყველასთან მზად ვარ, რომ დავჯდე და გავმართო დებატები ნებისმიერ თემასთან, მათ შორის, განათლების საკითხთან დაკავშირებით, - ამის შესახებ საქართველოს პრემიერ-მინისტრმა ირაკლი კობახიძემ „იმედის კვირის“ ეთერში განაცხადა.მთავრობის მეთაურის თქმით, სწორედ ასეთი ფორმით წარმოუდგენია დებატები, რომლებიც შეიძლება დაიწყოს მედია სივრცეში.კობახიძის განცხადებით, ის მზად არის დებატებისთვის იმ ადამიანებთან, რომლებიც "მწვავედ აკრიტიკებენ რეფორმას, თუნდაც უსაგნოდ".„განათლების რეფორმა რომ ავიღოთ, სიამოვნებით, მიზანმიმართულად დავჯდებოდი ზუსტად იმ ადამიანებთან, რომლებიც საკუთარ თავს ექსპერტებად მოიხსენიებენ, ზოგი შეიძლება ჩემი გადმოსახედიდან იყოს რეალური ექსპერტი, ზოგი არა, მაგრამ ყველასთან მზად ვარ, რომ დავჯდე და გავმართო დებატები ნებისმიერ თემასთან, მათ შორის, განათლების საკითხთან დაკავშირებით. მოვიდნენ ის ადამიანები, რომლებიც, მაგალითად სოცმედიაში თუ მედიაში ან ნებისმიერ სივრცეში მწვავედ აკრიტიკებენ ამ რეფორმას, თუნდაც უსაგნოდ. მოვიდნენ, მზად ვარ დისკუსიისთვის ასეთ ადამიანებთან. ზუსტად ასეთი ფორმით წარმომიდგენია მე ის დებატები, რომლებიც შეიძლება დაიწყოს მედია სივრცეში.იმ პირობებში, როდესაც, მითუმეტეს, გრძელდება რადიკალების დასუსტების პროცესი, ჩვენ უნდა ვიზრუნოთ საზოგადოებაში ჯანსაღი დისკუსიის გაშლისთვის და სწორედ ამას ეძღვნებოდა ის ინიციატივა, რომლითაც გამოვედით“, - განაცხადა პრემიერ-მინისტრმა.

დღეისათვის, საქართველოში 63 უმაღლესი საგანმანათლებლო დაწესებულებაა რეგისტრირებული. ამის შესახებ სტატისტიკის ეროვნული სამსახურის მონაცემებიდან ირკვევა.2024-2025 სასწავლო წლის მდგომარეობით, ქვეყანაში არსებული კერძო უმაღლესი სასწავლებლების რაოდენობა, სახელმწიფო დაწესებულებების რაოდენობას 2.3-ჯერ აჭარბებს. უფრო კონკრეტულად, ბოლო მონაცემებით, საქართველოში 19 სახელმწიფო და 44 კერძო უნივერსიტეტია რეგისტრირებული.თუ სტატისტიკას რეგიონულ ჭრილში შევხედავთ, რეგიონების მიხედვით, უმაღლესი საგანმანათლებლო დაწესებულებების (როგორც კერძო, ისე სახელმწიფო) რაოდენობა, ასე გამოიყურება: თბილისი - 40; აჭარის ავტონომიური რესპუბლიკა - 8; იმერეთი - 4; კახეთი - 3; მცხეთა-მთიანეთი - 1; შიდა ქართლი - 2; სამცხე-ჯავახეთი - 2; სამეგრელო-ზემო სვანეთი - 2. რაც შეეხება სტუდენტთა რაოდენობას, მიუხედავად იმისა, რომ საქართველოში ბევრად მეტი კერძო უმაღლესი სასწავლებელია, ვიდრე საჯარო, სტუდენტების უფრო დიდი ნაწილი სახელმწიფო უმაღლეს სასწავლებლებშია გადანაწილებული.კერძოდ, სტატისტიკის ეროვნული სამსახურის ბოლო, 2024-2025 სასწავლო წლის მონაცემებით, საქართველოში, ჯამში, 187.8 ათასი სტუდენტია რეგისტრირებული. აქედან 108.3 ათასი სახელმწიფო, ხოლო 79.4 ათასი სტუდენტი კერძო უნივერსიტეტში სწავლობს.

გარემოს ეროვნული სააგენტოს ცნობით, 2 თებერვალს საქართველოში მოსალოდნელია:დასავლეთ საქართველოში - დროგამოშვებით ღრუბლიანობის მომატება. ღამით ზოგიერთ, დღის მეორე ნახევრიდან უმეტეს რაიონში წვიმა, მაღალმთაში თოვლი. აღმოსავლეთის ქარი 10-15მ/წმ, დღისით ზოგან ძლიერი 17-22მ/წმ. ჰაერის ტემპერატურა: დაბლობში ღამით +5, +10°, დღისით +12, +17°; მთაში ღამით -3, +2°, დღისით +8, +13°; მაღალმთაში ღამით -6, -1°, დღისით +1, +6°.აღმოსავლეთ საქართველოში - დროგამოშვებით ღრუბლიანობის მომატება. ღამით ზოგიერთ, დღის მეორე ნახევრიდან უმეტეს რაიონში წვიმა, მაღალმთაში თოვლი, ზოგან შესაძლებელია ნისლი. აღმოსავლეთის ქარი 10-15მ/წმ. ჰაერის ტემპერატურა: ბარში ღამით -1, +4°, დღისით +7, +12°; მთაში ღამით -7, -2°, დღისით +2, +7°; მაღალმთაში ღამით -7, -2°, დღისით 0, +5°.თბილისში - დროგამოშვებით ღრუბლიანობის მომატება. მცირე წვიმა, დილით შესაძლებელია ნისლი. სამხრეთ- აღმოსავლეთის ქარი 6-11მ/წმ. ჰაერის ტემპერატურა: ღამით +4°, დღისით +11°.სოხუმი - დროგამოშვებით ღრუბლიანობის მომატება. წვიმა. აღმოსავლეთის ქარი 10-15მ/წმ. ჰაერის ტემპერატურა: დღისით +16°, ღამით +8°;გაგრა - დროგამოშვებით ღრუბლიანობის მომატება. წვიმა. აღმოსავლეთის ქარი 10-15მ/წმ. ჰაერის ტემპერატურა: დღისით +17°, ღამით +9°;ოჩამჩირე - დროგამოშვებით ღრუბლიანობის მომატება. წვიმა. აღმოსავლეთის ქარი 10-15მ/წმ. ჰაერის ტემპერატურა: დღისით +17°, ღამით +9°;ბათუმი - დროგამოშვებით ღრუბლიანობის მომატება. წვიმა. სამხ/აღმოსავლეთის ქარი 10-15მ/წმ. ჰაერის ტემპერატურა: დღისით +16°, ღამით +9°;ქობულეთი- დროგამოშვებით ღრუბლიანობის მომატება. წვიმა. სამხ/აღმოსავლეთის ქარი 10-15მ/წმ. ჰაერის ტემპერატურა: დღისით +15°, ღამით +8°;ფოთი - დროგამოშვებით ღრუბლიანობის მომატება. წვიმა. აღმოსავლეთის ქარი 10-15მ/წმ, დროგამ. 17-22მ/წმ. ჰაერის ტემპერატურა: დღისით +17°, ღამით +10°;ხულო - დროგამოშვებით ღრუბლიანობის მომატება. წვიმა. აღმოსავლეთის ქარი 6-11მ/წმ. ჰაერის ტემპერატურა: დღისით +9°, ღამით 0°;ქუთაისი - დროგამოშვებით ღრუბლიანობის მომატება. წვიმა. აღმოსავლეთის ქარი 10-15მ/წმ, დროგამ. 17-22მ/წმ. ჰაერის ტემპერატურა: დღისით +17°, ღამით +8°;ჭიათურა - დროგამოშვებით ღრუბლიანობის მომატება. წვიმა. აღმოსავლეთის ქარი 10-15მ/წმ, დროგამ. 17-22მ/წმ. ჰაერის ტემპერატურა: დღისით +13°, ღამით +5°;ამბროლაური- დროგამოშვებით ღრუბლიანობის მომატება. წვიმა. აღმოსავლეთის ქარი 10-15მ/წმ. ჰაერის ტემპერატურა: დღისით +10°, ღამით +3°.ცაგერი- დროგამოშვებით ღრუბლიანობის მომატება. წვიმა. აღმოსავლეთის ქარი 9-14მ/წმ. ჰაერის ტემპერატურა: დღისით +11, ღამით +3°ონი - დროგამოშვებით ღრუბლიანობის მომატება. წვიმა. აღმოსავლეთის ქარი 9-14მ/წმ. ჰაერის ტემპერატურა: დღისით +10°, ღამით +2°;მესტია - დროგამოშვებით ღრუბლიანობის მომატება. თოვლჭყაპი. აღმოსავლეთის ქარი 5-10მ/წმ. ჰაერის ტემპერატურა: დღისით +4°, ღამით -1°;გორი - დროგამოშვებით ღრუბლიანობის მომატება. წვიმა. აღმოსავლეთის ქარი 10-15მ/წმ. ჰაერის ტემპერატურა: დღისით +12°, ღამით +3°;ახალგორი - დროგამოშვებით ღრუბლიანობის მომატება. წვიმა. აღმოსავლეთის ქარი 10-15მ/წმ. ჰაერის ტემპერატურა: დღისით +11°, ღამით +2;ჯავა - დროგამოშვებით ღრუბლიანობის მომატება. წვიმა. აღმოსავლეთის ქარი 6-11მ/წმ. ჰაერის ტემპერატურა: დღისით +7°, ღამით +1°;ცხინვალი - დროგამოშვებით ღრუბლიანობის მომატება. წვიმა. აღმოსავლეთის ქარი 10-15მ/წმ. ჰაერის ტემპერატურა: დღისით +11°, ღამით +1°;სტეფანწმინდა- დროგამოშვებით ღრუბლიანობის მომატება. თოვლი. აღმოსავლეთის ქარი 10-15მ/წმ. ჰაერის ტემპერატურა: დღისით +2°, ღამით -1°;გუდაური- დროგამოშვებით ღრუბლიანობის მომატება. თოვლი. აღმოსავლეთის ქარი 6-11მ/წმ. ჰაერის ტემპერატურა: დღისით +1°, ღამით -4°;თიანეთი - დროგამოშვებით ღრუბლიანობის მომატება. წვიმა. აღმოსავლეთის ქარი 5-10მ/წმ. ჰაერის ტემპერატურა: დღისით +4°, ღამით -1°;ახალციხე - დროგამოშვებით ღრუბლიანობის მომატება. წვიმა. აღმოსავლეთის ქარი 8-13მ/წმ. ჰაერის ტემპერატურა: დღისით +8, ღამით 0;ბორჯომი - დროგამოშვებით ღრუბლიანობის მომატება. წვიმა. აღმოსავლეთის ქარი 6-11მ/წმ. ჰაერის ტემპერატურა: დღისით +8, ღამით +2°;ბაკურიანი - დროგამოშვებით ღრუბლიანობის მომატება. თოვლჭყაპი. აღმოსავლეთის ქარი 10-15მ/წმ. ჰაერის ტემპერატურა: დღისით +7°, ღამით -2°;თელავი - დროგამოშვებით ღრუბლიანობის მომატება. წვიმა. აღმოსავლეთის ქარი 5-10მ/წმ. ჰაერის ტემპერატურა: დღისით +10°, ღამით +4°.ყვარელი - დროგამოშვებით ღრუბლიანობის მომატება. წვიმა. აღმოსავლეთის ქარი 5-10მ/წმ. ჰაერის ტემპერატურა: დღისით +11°, ღამით +5°;საგარეჯო - დროგამოშვებით ღრუბლიანობის მომატება. წვიმა. აღმოსავლეთის ქარი 6-11მ/წმ. ჰაერის ტემპერატურა: დღისით +10°, ღამით +3°;სიღნაღი - დროგამოშვებით ღრუბლიანობის მომატება. წვიმა. აღმოსავლეთის ქარი 4-9მ/წმ. ჰაერის ტემპერატურა: დღისით +10°, ღამით +4°;დედოფლისწყარო - დროგამოშვებით ღრუბლიანობის მომატება. წვიმა. აღმოსავლეთის ქარი 6-11მ/წმ. ჰაერის ტემპერატურა: დღისით +9°, ღამით +3°;ლაგოდეხი - დროგამოშვებით ღრუბლიანობის მომატება. წვიმა. აღმოსავლეთის ქარი 4-9მ/წმ. ჰაერის ტემპერატურა: დღისით +11°, ღამით +6°.ამინდიამინდის პროგნოზიმსგავსი სიახლეები

ეროვნული ბანკის მიერ 30 იანვრის დადგენილი კურსით, დღეს 1 აშშ დოლარის ღირებულება 2.6908 ლარი, ხოლო ევროს კურსი 3.2088 ლარია. გთავაზობთ თბილისის სხვადასხვა უბნებში მოქმედ სავალუტო ჯიხურებში ლარის გაცვლით კურსს ევროსა და დოლარის მიმართ.ვალუტის კურსი ჯიხურებში დღეს, 09:30 საათის მდგომარეობით:ამ მომენტისთვის, (09:30 საათისთვის) საბურთალოზე მდებარე სავალუტო ჯიხურებში ერთი დოლარის ყიდვას მოქალაქეები 2.6900 ლარად შეძლებენ, სავალუტო ჯიხურები კი - 2.6880 ლარად ყიდულობენ. ერთი ევროს შეძენა მოქალაქეებს 3.2100 ლარად, გაყიდვა კი 3.1800 ლარად შეუძლიათ.ჩუღურეთში დოლარის ყიდვას მოქალაქეები 2.6910 ლარად, ხოლო გაყიდვას 2.6860 ლარად შეძლებენ. რაც შეეხება ევროს, მისი ყიდვა მოქალაქეებს - 3.1950 ლარად, ხოლო გაყიდვა - 3.1750 ლარად შეუძლიათ.სადგურის მოედნის მიმდებარე ტერიტორიაზე ვალუტის გადამცვლელ პუნქტებში ერთი დოლარის ყიდვა მოქალაქეებს - 2.6900 ლარად, გაყიდვა კი - 2.6850 ლარად შეუძლიათ. რაც შეეხება ევროს, ერთ ევროს ყიდვას მოქალაქეები 3.1980 ლარად, გაყიდვას კი - 3.1800 ლარად შეძლებენ.თავისუფლების მოედნის მიმდებარე ტერიტორიაზე, სავალუტო ჯიხურებში 1 აშშ დოლარის ყიდვას მოქალაქეები 2.6900 ლარად, ხოლო გაყიდვას 2.6600 ლარად შეძლებენ, რაც შეეხება ევროს, მისი ყიდვა მოქალაქეებს 3.1900 ლარად, გაყიდვა კი 3.1500 ლარად შეუძლიათ.

მსოფლიოს უდიდესი კუნძული გრენლანდია შესაძლოა, უფრო ძვირფასი იყოს, ვიდრე Tesla და Amazon ერთად.ყინულის დნობასთან ერთად ამ რეგიონში იხსნება იშვიათი მიწის ელემენტები, ენერგორესურსები და ახალი საზღვაო მარშრუტები. მისი სტრატეგიული მდებარეობა დანიის ავტონომიაში მყოფ ტერიტორიას გეოპოლიტიკურად მნიშვნელოვან ადგილად აქცევს.გრენლანდია დღეს: შორეული და მოუვლელიგრენლანდიაში მხოლოდ 57 000 ადამიანი ცხოვრობს. ეკონომიკა მცირეა - მთლიანი შიდა პროდუქტი 3.2 მილიარდ დოლარს შეადგენს, რაც ბელიზის ან ბურუნდის მაჩვენებელს უტოლდება.ეკონომიკა ძირითადად თევზჭერაზე, კრევეტების ექსპორტსა და დანიის სუბსიდიებზეა დამოკიდებული. კუნძულის დიდი ნაწილი კვლავ ყინულითაა დაფარული. დღეს ეს შორეული კუნძული შეიძლება მიუწვდომელ ადგილად მოგეჩვენოთ, თუმცა მისი პოტენციალი უზარმაზარია.გლობალური დათბობა ხსნის რესურსებსარქტიკა პლანეტის სხვა რეგიონებზე სწრაფად თბება. გრენლანდიის ყინულის საფარი სწრაფად იკლებს, პირველად იქ იხსნება იშვიათი მიწიერი ელემენტები, სპილენძი, ნიკელი, ურანი, ნავთობი და ბუნებრივი აირი.ყინულის დნობა ასევე ახალ საზღვაო გზებს აღადგენს, რაც ევროპის, აზიის და ჩრდილოეთ ამერიკის სავაჭრო გადაზიდვებს მნიშვნელოვნად აჩქარებს.დიდი სახელმწიფოების ინტერესიჩინეთი და რუსეთი უკვე აქტიურად ინტერესდებიან კუნძულით. პეკინი არქტიკულ გადაზიდვებსა და სამთო პროექტებში ინვესტიციებს ახორციელებს, მოსკოვი კი კუნძულზე სამხედრო და კომერციულ ინტერესებს ზრდის.აშშ-ს უკვე აქვს სამხედრო ბაზა გრენლანდიაზე. ხოლო კუნძულის კონტროლი სტრატეგიულ უპირატესობას უზრუნველყოფს და რესურსებზე წვდომას იძლევა.ისტორიული შეთავაზებები აშშ-ის მხრიდან1946 წელს აშშ-მ დანიას გრენლანდიის სანაცვლოდ 100 მილიონი დოლარის ღირებულების ოქრო შესთავაზა. დღევანდელი ღირებულებით ეს დაახლოებით 1.7 მილიარდ დოლარია. თუმცა, მაშინ გარიგება არ შედგა.მას შემდეგ, რაც დონალდ ტრამპი აშშ-ის პრეზიდენტის პოსტზე მეორე ვადით აირჩიეს, მის ინტერესებს შორის გრენლანდიის დასაკუთრება გამოიკვეთა. სამხედრო ინტერვენციის გარდა, ტრამპის ადმინისტრაცია განიხილავს თითოეული ადგილობრივი მცხოვრებისთვის 100 000 დოლარის (ზოგი ვერსიით 1 მლნ) გადახდას, მხარდაჭერის სანაცვლოდ.საერთო ჯამში ეს დაახლოებით 5.7 მილიარდი დოლარია - ბევრად ნაკლები, ვიდრე გრენლანდიის რეალური სიმდიდრე.ბუნებრივი სიმდიდრეგრენლანდია მდიდარია მინერალებით და ენერგორესურსებით. ცნობილი რესურსებია იშვიათი მიწიერი ელემენტები, სპილენძი, ნიკელი, ურანი, ნავთობი და ბუნებრივი აირი.ჯამურად მათი ღირებულება 4.4 ტრილიონ დოლარს აჭარბებს, ნავთობისა და ბუნებრივი აირის გარეშე კი მაინც 2.7 ტრილიონ დოლარს აღწევს.ეკონომიკურად ხელმისაწვდომი ნაწილი მხოლოდ მცირეა, მაგრამ უკვე მნიშვნელოვან შესაძლებლობებს ქმნის.სტრატეგიული მნიშვნელობაგრენლანდიის მდებარეობა მას არქტიკის მთავარ სატრანსპორტო და სამხედრო ჰაბად აქცევს.ექსპერტების შეფასებით, მხოლოდ სტრატეგიულ მდებარეობას შესაძლოა, 2.8 ტრილიონ დოლარამდე ღირებულება ჰქონდეს.წყარო: lovemoney.com