აშშ დოლარის ოფიციალური ღირებულება 2.6893 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6893 ლარი გახდა. კურსი, რომელიც დღეს მოქმედებდა, 2.6902 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0009 ლარი შეადგინა.რაც შეეხება ევროს, მისი კურსი 3.1701 ლარია. მაშინ, როცა დღეს მოქმედი კურსი 3.1903 ლარს შეადგენდა. შესაბამისად, ევროს ცვლილება 0.0202 ლარი შეადგინა.

Eagle Hills-ის თავმჯდომარე და დამფუძნებელი მუჰამედ ალაბარი: „გამოხმაურება, რომელიც Tbilisi Waterfront-მა მიიღო გამორჩეულია და ნათლად ასახავს საქართველოს ბაზრის სიძლიერესა და საზოგადოების ნდობას ჩვენი პროექტისადმი. თბილისი უნიკალური ქალაქია. ეს პროექტი კი გამოხატავს ჩვენს ხედვას და ვალდებულებას - განვავითაროთ მაღალი ხარისხის პროექტები, რომელიც საზოგადოებისთვის ფასეულ ღირებულებას შექმნის.“თბილისი, საქართველო - Eagle Hills Georgia-მ მნიშვნელოვანი ეტაპი დაიწყო: „Tbilisi Waterfront“ საცხოვრებელი კომპლექსის გაყიდვების პირველი ფაზით გათვალისწინებული ერთეულები პირველივე დღეს სრულად გაიყიდა. გაყიდვების დინამიკა, რომელსაც მაღალი მოთხოვნა და მყიდველთა ინტერესი განაპირობებდა, გაყიდვების მეორე დღესაც გაგრძელდა და დამატებით გამოშვებული ერთეულებიც მთლიანად გაიყიდა. გაყიდვების დასაწყისმა ნათლად აჩვენა ბაზარზე არსებული მოთხოვნა და საქართველოს ეკონომიკური ზრდის პერსპექტივისადმი ნდობა.პროექტის პირველი ფაზა 300-ზე მეტ საცხოვრებელ ერთეულს მოიცავდა და აერთიანებდა პრემიუმ კლასის აპარტამენტებს, თაუნჰაუსებსა და ვილებს მდინარის ხედებით. საცხოვრებლებთან ერთად, პირველი ფაზა ასევე მოიცავს უმაღლესი კლასის Bristol Hotel-ს, ლუქს ბრენდირებულ რეზიდენციებს, რაც ამ პროექტს კიდევ უფრო განსაკუთრებულს ხდის და მის პრემიუმ ხარისხს ამყარებს. გასაყიდად გამოტანილი ერთეულების თითქმის 60% ქართველმა მყიდველებმა შეიძინეს. ეს ფაქტი ადასტურებს როგორც ადგილობრივი მომხმარებლის ინტერესს და რწმენას „Tbilisi Waterfront“-ის, როგორც გამორჩეული საცხოვრებელი პროექტის მიმართ, ასევე თბილისის უძრავი ქონების ბაზრის მდგრადობას. ადგილობრივ მოთხოვნასთან ერთად, პროექტმა საერთაშორისო მყიდველთა ინტერესიც დაიმსახურა, რაც საქართველოსდამი ინვესტორების ნდობასა და პოტენციალზე მიანიშნებს.საცხოვრებელი სივრცის მიღმა, „Tbilisi Waterfront“ წარმოადგენს მნიშვნელოვან ეკონომიკურ კატალიზატორს როგორც ქალაქისთვის, ისე ქვეყნის ეკონომიკისთვის. დაახლოებით 3.5 მილიარდი აშშ დოლარის საერთო ინვესტიციით, პროექტი გრძელვადიანი პირდაპირი უცხოური ინვესტიციების მნიშვნელოვანი წყაროა და მოსალოდნელია, რომ არსებით წვლილს შეიტანს ეროვნული მშპ-ს ზრდაში, სამშენებლო საქმიანობის, სტუმარმასპინძლობის, საცალო ვაჭრობისა და ქონების მართვის სფეროებში გრძელვადიანი ოპერაციების, ასევე ირიბი ეკონომიკური ეფექტების გზით.წარმატებული დასაწყისი კიდევ ერთხელ უსვამს ხაზს Eagle Hills-ის პროექტების მნიშვნელობას საქართველოში. „Tbilisi Waterfront“-ის პარალელურად, Eagle Hills Group აგრძელებს პროექტის Gonio Yachts & Marina განვითარებას. 260 ჰექტარზე გაშლილი პროექტი მოიცავს ბრენდირებულ რეზიდენციებს, უმაღლესი კლასის სასტუმროებს, პარკებსა და მწვანე სივრცეებს. გონიოს პროექტი ოფიციალურად უახლოეს პერიოდში დაიწყება. ორივე პროექტის ჯამური ინვესტიცია 6.7 მილიარდ აშშ დოლარს აღემატება და მიუთითებს Eagle Hills-ის გრძელვადიან ვალდებულებას საქართველოში მაღალი ხარისხის თანამედროვე საცხოვრებელი კომპლექსების და სანაპიროს განვითარებაზე.

საქართველოს ბანკის სტუდენტური დასაქმების პროგრამა „ლიდერატორი“ უკვე მეათე წელია მე-3, მე-4 კურსის სტუდენტებსა და ახალ კურსდამთავრებულებს რეალურ სამუშაო გარემოში პროფესიული განვითარების შესაძლებლობას აძლევს.რეგისტრაცია დღეს, 3 თებერვალს სრულდება. დაინტერესებულ პირებს შეუძლიათ განაცხადის გაგზავნა ვებგვერდზე: leaderator.bog.ge„ლიდერატორი“ 8-თვიანი, ანაზღაურებადი პროგრამაა, რომელიც აერთიანებს ტრენინგებს, მენტორობას, რეალურ პროექტებზე მუშაობას და როტაციულ გამოცდილებას სხვადასხვა დეპარტამენტში.პროგრამაში მონაწილეობა შეუძლიათ III–IV კურსის სტუდენტებსა და ახალ კურსდამთავრებულებს.2026 წლისთვის მიღება გამოცხადებულია შემდეგ მიმართულებებზე: კორპორაციული და საინვესტიციო ბანკინგი; პრემიუმ ბანკინგი და საბროკერო საქმე; სტრატეგიული ფინანსები და ბიზნეს ეფექტურობა; საოპერაციო რისკები, აუდიტი და შიდა კონტროლი; მომხმარებლებთან ურთიერთობის, გამოცდილებისა და ლოიალურობის მართვა; საბანკო სამართალი; ბიზნესის ანალიტიკა და რეპორტინგი; მონაცემთა მეცნიერება; iOS დეველოპმენტი; მარკეტინგი; ტალანტების მოზიდვა და განვითარება; ოპერაციების ანალიზი და პორტფელური რისკების მართვა. ინფორმაციისთვის, 2017 წლიდან „ლიდერატორის“ პროგრამაში მონაწილეობა 500-მდე ახალგაზრდამ მიიღო, რომელთა 78%-მა კარიერული განვითარება საქართველოს ბანკში გააგრძელა.პროგრამის შესახებ დეტალური ინფორმაცია შეგიძლიათ ნახოთ აქ: leaderator.bog.ge

საქართველო რუსი ბიზნესმენების საქმიანი მოგზაურობების პოპულარული საერთაშორისო მიმართულებების 2025 წლის ტოპ 10-ეულშია. ამის შესახებ რუსული ბიზნეს-ტურიზმის ბაზრის ლიდერისა და ინდუსტრიისთვის IT-გადაწყვეტილებების მიმწოდებელი კომპანია Aeroclub-ის კვლევაში წერია, რასაც TASS ავრცელებს.კერძოდ, გასულ წელს რუსმა ბიზნესმენებმა საქართველოში, 2024 წლეთან შედარებით, 3%-ით მეტჯერ იმოგზაურეს, ხოლო მთლიან საქმიან ავიარეისებში ქვეყნის წილი 2%-ს შეადგენს. ამ მაჩვენებლით საქართველო ტოპ 10-ეულში მეცხრე ადგილზეა და მხოლოდ ინდოეთს უსწრებს, რომელიც ათეულს ხურავს.მეზობლებიდან ტოპ 10-ეულში სომხეთიცაა და მასთან ერთად საქართველოს და სერბეთი თანაბარი 2%-იანი წილით მე-7, მე-8 და მე-9 ადგილებს ინაწილებენ. თუმცა, საქართველოში მოთხოვნის ზრდისგან განსხვავებით, სომხეთში რუსი ბიზნესმენების ვიზიტები ერთ წელიწადში 21%-ით შემცირდა. თურქეთი წამყვან სამეულს ხურავს.რუსების საქმიანი საერთაშორისო ვიზიტების რაოდენობით ლიდერი კვლავ ჩინეთია. ქვეყნის წილი მთლიან ბიზნესრეისებში 18%-ია, თუმცა 2024 წელს 16%-ს შეადგენდა.რუსი ბიზნესმენების 10 ყველაზე პოპულარულ საერთაშორისო მიმართულებაა: ჩინეთი - მთლიან საქმიან ავიარეისებში 18%-იანი წილი ყაზახეთი - 16% თურქეთი - 6% უზბეკეთი - 5% ბელარუსი - 5% არაბთა გაერთიანებული საემიროები - 3% სომხეთი - 2% სერბეთი - 2% საქართველო - 2% ინდოეთი - 1% აღსანიშნავია, რომ ათეულის ქვეყნებს შორის ერთ წელწადში რუს ბიზნესმენთა ვიზიტების რაოდენობა, ანუ მოთხოვნა მხოლოდ საქართველოსა (+3%) და უზბეკეთში (+20%) გაიზარდა, ხოლო დანარჩენ ქვეყნებში შემცირდა, ჩინეთში კი გასული წის ანალოგიურ დონეზე დარჩა. მაგალითად, თურქეთში - 21%-ით, ყაზახეთში - 16%-ით, ბელარუსში - 1%-ით, საემიროებში - 31%-ით, სომხეთში - 21%-ით, სერბეთში - 59%-ით, ხოლო ინდოეთში 14%-ით შემცირდა.გასულ წელს საერთაშორისო საქმიანი ვიზიტებით რუსეთიდან ყველაზე ხშირად კვლავ IT-ის და ტელეკომუნიკაციების სფეროს თანამშრომლები მოგზაურობდნენ. თუმცა საქმიანი ვიზიტების საერთო რაოდენობაში მათი წილი 2024 წლის 28%-დან 18%-მდე შემცირდა. ასევე, 6%-ით შემცირდა საერთაშორისო მოგზაურობების რაოდენობა ნავთობის, გაზისა და ენერგეტიკის ინდუსტრიებში.რუსი ბიზნესის წარმომადგენლებს შორის საერთაშორისო საქმიან ვიზიტებზე მოთხოვნა 2025 წელს 2023 წლის დონეს დაუბრუნდა, ხოლო საერთაშორისო ფრენების წილი საქმიანი ვიზიტების საერთო რაოდენობაში 17%-დან 16%-მდე შემცირდა. ამასთან, საქმიანი საერთაშორისო ვიზიტის საშუალო ხანგრძლივობა 6%-ით, ანუ შვიდ დღემდე გაიზარდა.bpn.ge

მსოფლიოში ოქროსა და ვერცხლის ფასებში კვლავ მატება ფიქსირდება. GoldPrice-ის მონაცემებით, თბილისის დროით 12:30 საათზე, 1 უნცია ძვირფასი ლითონის ღირებულება 4 939 დოლარია, რაც ერთ დღეში ფასის 6.59%-ით მატებაზე მიუთითებს. რაც შეეხება ვერცხლს, ამ მომენტისთვის 1 უნცია 87.31 დოლარი ღირს, რაც ერთ -დღიან ჭრილში 13.15%-ით მომატებული ფასია.რაც შეეხება საქართველოს, ოქროსა და ვერცხლის ღირებულება სტაბილურ მაჩვენებელზეა. უფრო კონკრეტულად, 1 გრამი 999 სინჯის ოქროს ფასი 432 ლარია, 750-სინჯიანი - 324 ლარი ღირს, ხოლო 585-სინჯიანი ოქროს ფასი 252 ლარს შეადგენს.რაც შეეხება ვერცხლის ღირებულებას, 999-სინჯიანი 1 გრამის ფასი 8.86 ლარია, ხოლო 800-სინჯიანი 1 გრამი ვერცხლის შეძენა 7.09 ლარად არის შესაძლებელი.

საკომუნიკაციო საშუალებების, მათ შორის, მობილური ტელეფონების, პლანშეტების გამოყენება, საჯარო სკოლების მსგავსად, კერძო სკოლებშიც აიკრძალება.საკომუნიკაციო საშუალებების კერძო სკოლებში აკრძალვასთან დაკავშირებით ინიციატივა, განათლების კომიტეტზე, „ქართული ოცნების“ დეპუტატმა, რიმა ბერაძემ დააყენა, რაზეც მინისტრის მოადგილეებმა აღნიშნეს, რომ შეზღუდვა, კერძო სკოლებზეც გავრცელდება.„დიახ, რა თქმა უნდა, კერძო სკოლების სეგმენტშიც უნდა იყოს. საკომუნიკაციო საშუალებებზე ვსაუბრობთ. აქ საუბარი არაა მხოლოდ მობილურ ტელეფონზე. აქ შეიძლება იყოს პლანშეტი, საათი და ა.შ“, - აღნიშნა განათლების მინისტრის მოადგილემ, თამარ მახარაშვილმა.