საქართველოს ბანკი PLUS ბარათის მომხმარებლებს ქულების დაგროვებისა და ქეშბექის მიღების შესაძლებლობას სხვადასხვა შეთავაზებით რეგულარულად აძლევს. PLUS-ების დასაგროვებლად მომხმარებლებს შეუძლიათ ყოველდღიური, მათ შორის, ყავის, საწვავის, აფთიაქისა თუ მარკეტის ხარჯები PLUS ბარათით დაფარონ.მეტი PLUS-ის დაგროვებისა და დამატებითი სარგებლის მისაღებად, მომხმარებლებს შეუძლიათ მობილბანკის შეთავაზებების სივრცე პერიოდულად შეამოწმონ. აღნიშნულ სივრცეში მომხმარებლები გაეცნობიან როგორც PLUS-ის დაგროვების, ისე ქეშბექის შეთავაზებები.ამჟამად საქართველოს ბანკის მომხმარებლებს ბათუმში სხვადასხვა ობიექტში რამდენიმე შეთავაზებით სარგებლობა შეუძლიათ:სუფთა სახლი — 20% ქეშბექი, მაქსიმუმ 100 ლარი25 სექტემბერს, სუფთა სახლის ონლაინ ან ფიზიკურ მაღაზიებში მინიმუმ 80 ლარის შენაძენისას, საქართველოს ბანკის ფიზიკური პირის ნებისმიერი ბარათის მფლობელები 20%-იან ქეშბექს მიიღებენ, მაქსიმუმ 100 ლარის ოდენობით. ამასთან, სუფთა სახლში მომხმარებლებს შიდა 50%-მდე ფასდაკლებებიც დახვდებათ.შეთავაზებით სარგებლობისთვის აუცილებელია საქართველოს ბანკის ტერმინალზე გადახდა, ქეშბექი კი თანხის გადახდისთანავე აისახება ანგარიშზე. შეთავაზება მოქმედებს „სუფთა სახლის“ ყველა ფილიალსა და ონლაინ მაღაზიაში.iPlus — 150 ლარის ქეშბექი30 სექტემბრის ჩათვლით, iPlus-ის ფიზიკურ ფილიალებში მინიმუმ 1,000 ლარის შენაძენისას, საქართველოს ბანკის ფიზიკური პირის ნებისმიერი ბარათის მფლობელები 150 ლარს დაიბრუნებენ ანგარიშზე.შეთავაზებით სარგებლობისთვის აუცილებელია საქართველოს ბანკის ტერმინალზე გადახდა. iPlus Apple-ის ოფიციალური პარტნიორია საქართველოში.Wishlist — 30% ქეშბექი, მაქსიმუმ 100 ლარი26 სექტემბერს Wishlist-ის ფიზიკურ ფილიალებში ან ონლაინ გადახდისას PLUS ბარათის მფლობელები 30%-იან ქეშბექს მიიღებენ, მაქსიმუმ 100 ლარის ოდენობით.შეთავაზებით სარგებლობისთვის აუცილებელია საქართველოს ბანკის ტერმინალზე გადახდა, ქეშბექი კი მომენტალურად აისახება ანგარიშზე. Wishlist ბავშვებისთვის განკუთვნილი სათამაშოებისა და აქსესუარების ქსელია.Technomart — 20% ქეშბექი, მაქსიმუმ 300 ლარი26-27 სექტემბერს Technomart-ში PLUS ბარათით გადახდისას მომხმარებლები 20%-იან ქეშბექს მიიღებენ, მაქსიმუმ 300 ლარის ოდენობით.გაეცანი ამ და ბათუმის სხვა შეთავაზებებს მობილბანკში.

ორშაბათიდან თბილისის საბავშვო ბაღების მენიუში რძე და რძის შემცველი პროდუქტი დაბრუნდება,- ამის შესახებ კახა კალაძის მოადგილემ, კახა აბულაძემ საზოგადოებრივი მაუწყებლის ეთერში  განაცხადა.მისი თქმით, სამედიცინო პროტოკოლით,  ნოროვირუსის მიმდინარეობის დროს რძის პროდუქტისა და  შემწვარი საკვების მიღება რეკომენდებული არ არის, თბილისის მერიამ კი სწორედ ამ მითითებით იმოქმედა.,,ცვლილებები მხოლოდ კვების მიმართულებით არ ყოფილა. საგანგებო რეჟიმი გულისხმობს, მათ შორის, სანიტარული და ჰიგიენური მიმართულების სხვა რეჟიმს, რომელიდ ადაპტირებულია ბაღებში ვირუსული პერიოდისას.რაც შეეხება კონკრეტულად რძის პროდუქტს, იქ მხოლოდ რძის პროდუქტზე არ არის საუბარი, დაავადებათა კონტროლის ეროვნულმა ცენტრმა გაავრცელა ეს თავის განცხადებაშიც და ჩვენ ამ რეკომენდაციებს დავეყრდენით - დაავადების მიმდინარეობისას მნიშვნელოვანია, რომ დაავადებულის მხრიდან არ მოხდეს რძის პროდუქტის მიღება, ცხიმის შემცველი პროდუქტის მიღება, ასევე, შემწვარი და სხვა ტიპის პროდუქტების მიღება.ეს დაავადებას კიდევ უფრო ამწვავებს. ეს რეკომენდაცია 3-4 დღით მოგვეცა. ეს პერიოდი უკვე გადის და ორშაბათიდან ჩვეული მენიუ დაუბრუნდება საბავშვო ბაღებს, თავისი კალორაჟით",- აღნიშნა აბულაძემ.

სკოლების მშენებლობისა და რეაბილიტაციის პროცესთან დაკავშირებით უწყებათაშორისი კომისიის მორიგი სხდომა გაიმართა, რომელსაც საქართველოს განათლების, მეცნიერებისა და ახალგაზრდობის მინისტრი გივი მიქანაძე და რეგიონული განვითარებისა და ინფრასტრუქტურის მინისტრი რევაზ სოხაძე ხელმძღვანელობდნენ.ამის შესახებ ინფორმაციას განათლების სამინისტრო ავრცელებს.„კომისიის წევრებმა განიხილეს იმ სკოლების საკითხი, რომელთა შენობების მდგომარეობის შესახებ დასკვნები სსიპ ლევან სამხარაულის სახელობის სასამართლო ექსპერტიზის ეროვნულმა ბიურომ მიმდინარე წლის სექტემბერში მიიღო. აღინიშნა, რომ სამინისტრო თითოეულ ასეთ სკოლასთან მიმართებით, შენობის მდგომარეობის დამაზუსტებელი შეფასების მოთხოვნით, მიმართავს ექსპერტიზას და მიღებული რეკომენდაციების საფუძველზე მიიღებს გადაწყვეტილებებს.განსაკუთრებული ყურადღება გამახვილდა თბილისის 21-ე და მისაქციელის საჯარო სკოლებზე.21-ე სკოლასთან დაკავშირებით, ექსპერტიზის დასკვნის დამაზუსტებელი შეფასების მიხედვით, შენობაში აუცილებელია კონკრეტული სარეაბილიტაციო სამუშაოების ჩატარება. რამდენიმეკვირიანი სამუშაოების შესრულების შემდეგ, შესაძლებელი იქნება 2026-2027 სასწავლო წლის დასრულება იმავე შენობაში. სასწავლო პროცესის გაგრძელების პარალელურად, სკოლაში განხორციელდება არსებული მდგომარეობის მუდმივი მონიტორინგი.რეგიონული განვითარებისა და ინფრასტრუქტურის სამინისტრო და მუნიციპალური განვითარების ფონდი უახლოეს დღეებში დაიწყებენ აღნიშნულ სამუშაოებს, რომლებიც ექსპერტების ზედამხედველობით განხორციელდება“,- ნათქვამია ინფორმაციაში.რაც შეეხება მისაქციელის საჯარო სკოლას, ექსპერტიზის მიერ შენობის მდგომარეობის დამაზუსტებელი შეფასების თანახმად, კომისიამ მიიღო გადაწყვეტილება, რომლის თანახმად, არსებული დაზიანებების პირობებში სასწავლო პროცესი ვერ გაგრძელდება. შესაბამისად, მისაქციელში მუნიციპალური განვითარების ფონდი ახალი სკოლის მშენებლობას დაიწყებს.„შენობის მდგომარეობის დამაზუსტებელმა შეფასებამ აჩვენა, რომ 21-ე საჯარო სკოლაში, უსაფრთხოების დაცვის თვალსაზრისით, კონკრეტული სარეაბილიტაციო სამუშაოები აუცილებლად არის ჩასატარებელი, რასაც რამდენიმე კვირა დასჭირდება. ამის შემდეგ მოსწავლეები სკოლაში დაბრუნდებიან, სადაც სწავლა-სწავლების პროცესი მიმდინარე სასწავლო წლის ბოლომდე, შენობის მდგომარეობის უწყვეტი მონიტორინგის პირობებში, გაგრძელდება. ზაფხულიდან კი სკოლაში სრულმასშტაბიანი სარეკონსტრუქციო სამუშაოები განხორციელდება, რა დროსაც სასწავლო პროცესი ალტერნატიულ შენობაში გაგრძელდება.რაც შეეხება მისაქციელის საჯარო სკოლას, შენობის დაზიანების კატეგორიიდან გამომდინარე, არსებულ შენობაში სასწავლო პროცესის გაგრძელება შეუძლებელია. განათლების სამინისტრომ მოსწავლეებს სწავლის ალტერნატიულ სკოლაში გაგრძელება შესთავაზა. პარალელურად, მუნიციპალური განვითარების ფონდი მისაქციელში ახალი სკოლის მშენებლობას განახორციელებს,“ - განაცხადა გივი მიქანაძემ.შეგახსენებთ, რამდენიმე დღის განმავლობაში 21-ეს სკოლასთან აქცია იმართებოდა.ამ დრომდე, როგორც განათლების სამინისტროს წარმომადგენლები აცხადებდნენ, ჩატარებულმა ექსპერტიზამ აჩვენა, რომ 21-ე საჯარო სკოლის ისტორიული შენობა ავარიულ მდგომარეობაშია და რეაბილიტაციას არ ექვემდებარება, რის გამოც მიიღეს მისი დემონტაჟისა და იმავე ადგილზე ახალი სკოლის აშენების გადაწყვეტილება.სასკოლო საზოგადოებას თავიდანვე მიაჩნდა, რომ ექსპერტიზის დასკვნა ზედაპირული იყო და შენობის გამაგრება შესაძლებელია. მათ ასევე აწუხებდათ ის გარემოება, რომ დემონტაჟისა და მშენებლობის პროცესი წლები გაგრძელდება, რაც სასწავლო პროცესსა და გერმანული ენის გაძლიერებულ პროგრამას საფრთხეს შეუქმნის. ასევე მოსწავლეების სხვადასხვა სკოლაში გადანაწილების გეგმამ მშობლების უკმაყოფილება გამოიწვია ინფრასტრუქტურული გაუმართაობის, ტრანსპორტირებისა და ინკლუზიური სწავლების პირობების არარსებობის გამო.აღსანიშნავია კიდევ ერთი საკითხი, რომ დასკვნა ექსპერტიზის ბიუროს მიერ გაცემულია 10 სექტემბერს. 15 სექტემბერს კი, სკოლაში სწავლა საზეიმოდ დაიწყო და მხოლოდ 17 სექტემბერს საღამოს შეატყობინეს მოსწავლეებს რომ სასწავლო პროცესი 18 სექტემბრიდან აღარ განახლდებოდა. რატომ არ იცოდნენ შენობის ავარიულობის შესახებ ორი დღის ადრე, როცა სწავლა დაიწყო და რატომ არ მოხდა შესაბამისი რეაგირება მთელი ზაფხულის განმავლობაში? ამ კითხვის პასუხად, განათლების მინისტრმა გივი მიქანაძემ აღნიშნა, რომ დოკუმენტი სამინისტროში მხოლოდ 17 სექტემბერს, დღის მეორე ნახევარში მიიღეს და მყისიერი რეაგირება მოახდინეს.

უკრაინის პრეზიდენტმა ვოლოდიმირ ზელენსკიმ განაცხადა, რომ დონალდ ტრამპის მოთხოვნის მიუხედავად, უკრაინა რუსეთის ნავთობგადასამუშავებელ ობიექტებზე დარტყმების შეწყვეტას არ გეგმავს,- ამის შესახებ ზელენსკიმ The Wall Street Journal-თან ინტერვიუში ისაუბრა.მისი თქმით, ერთი კვირის წინ სატელეფონო საუბრისას ტრამპმა რუსეთის ნავთობგადასამუშავებელ ქარხნებზე თავდასხმების შეჩერების საკითხი დააყენა. აშშ-ის პრეზიდენტი უკრაინულ დარტყმებს დიზელის გლობალური დეფიციტისა და შეერთებულ შტატებში საწვავის გაძვირების ერთ-ერთ მიზეზად ასახელებს.ზელენსკის განცხადებით, საწვავის ფასებზე გავლენას რუსეთის ობიექტებზე თავდასხმებთან ერთად სხვა ფაქტორებიც ახდენს და ამ კონტექსტში განსაკუთრებით ჰორმუზის სრუტეში ნავთობისა და საწვავის გადაზიდვებთან დაკავშირებული ვითარება მნიშვნელოვანია.Bloomberg-ის ინფორმაციითაც, გლობალურ დიზელის ბაზარზე არსებული წნეხის ერთ-ერთი მთავარი ფაქტორი ახლო აღმოსავლეთში მიმდინარე ომთან დაკავშირებული მიწოდების შეფერხებებია. ამასთან, გამოცემა აღნიშნავს, რომ რუსული ნავთობგადასამუშავებელი ქარხნების წინააღმდეგ უკრაინის დარტყმებმა რუსეთში საწვავის წარმოებაზეც იმოქმედა.აშშ-ში დიზელის ფასი ამჟამად რეკორდულ ნიშნულზეა. WSJ-ის ცნობით, სექტემბერში ფასი გალონზე $6.5-ს გადასცდა, მაშინ როცა გლობალურ ბაზარზე მიწოდების პრობლემებს როგორც ახლო აღმოსავლეთში არსებული ვითარება, ისე რუსულ ენერგეტიკულ ინფრასტრუქტურაზე თავდასხმები და სხვა ფაქტორები აძლიერებს.ტრამპმა უკრაინას რუსეთის ნავთობგადასამუშავებელ ქარხნებზე დარტყმების შეჩერებისკენ საჯაროდაც მოუწოდა. პარალელურად, უკრაინა აგრძელებს რუსეთის ენერგეტიკულ ინფრასტრუქტურაზე თავდასხმებს.

24 სექტემბერს, დასავლეთ საქართველოს უმეტეს ტერიტორიაზე მოსალოდნელია ნალექი, აღმოსავლეთ საქართველოში კი - უმეტესად მზიანი დღე.ამინდის პროგნოზი ქალაქების მიხედვით:გაგრა +22 - წვიმასოხუმი +22 - წვიმაზუგდიდი +22 - წვიმამესტია +16 - წვიმაფოთი +23 - წვიმაბათუმი +22 - წვიმაოზურგეთი +22 - წვიმაქუთაისი +22 - წვიმაამბროლაური +23 - წვიმაახალციხე +24 - წვიმაბორჯომი +22 - წვიმაბაკურიანი +19 - წვიმაგორი +25 - უმეტესად მზიანიცხინვალი +24 - უმეტესად ღრუბლიანისტეფანწმინდა +20 - უმეტესად მზიანიგუდაური +16 - უმეტესად მზიანითელავი +31 - უმეტესად მზიანირუსთავი +32 - მზიანითბილისი +30 - უმეტესად მზიანი.

საქართველოში პირველი ამერიკული სტილის ცოცხალი ავტოაუქციონი, Lion Auctions, უკვე ერთი წელია, რაც ხარისხის სტანდარტს ქმნის ავტოინდუსტრიაში. ამ მნიშვნელოვანი თარიღის აღსანიშნავად 11 სექტემბერს ბათუმში, ანბანის კოშკთან გაიმართა მასშტაბური პირდაპირი ავტოაუქციონი, რომელმაც საზოგადოებისა და განსაკუთრებით ავტომოყვარულების ყურადღება მიიპყრო. ღონისძიებას დაახლოებით 500 სტუმარი დაესწრო. მათ შესაძლებლობა ჰქონდათ, აუქციონში მონაწილეობა მიეღოთ სასურველი ავტომობილის დასასაკუთრებლად ან მხოლოდ სტუმრის სტატუსით დაეთვალიერებინათ გამოფენილი მანქანები და შეეგრძნოთ ლაივაუქციონის ემოცია.წლის შემაჯამებელ ღონისძიებაზე ავტომობილები Lion Auctions-მა საგულდაგულოდ შეარჩია. აუქციონამდე ერთი კვირით ადრე, 4-იდან 10 სექტემბრის ჩათვლით, „რადისონის“ პარკინგი ავტომობილების საგამოფენო სივრცედ იქცა. მსურველებს შესაძლებლობა მიეცათ, ადგილზე ენახათ და შეეფასებინათ 10 სხვადასხვა კატეგორიის პრემიუმ, სპორტული და კლასიკური მოდელი.ქვემოთ მოცემულია ღონისძიებაზე წარმოდგენილი მოდელების მოკლე ჩამონათვალი და საწყისი და საბოლოო ფასები: Toyota Camry 2025 — საწყისი ფასი $15 000 — საბოლოო ფასი $20 600 Lexus RX500h 2023 — საწყისი ფასი $30 000 — საბოლოო ფასი $42 600 Mercedes-Benz GLE 53 AMG 2021 — საწყისი ფასი $25 000 — საბოლოო ფასი $36 200 BMW 540 1995 — საწყისი ფასი $9 000 — საბოლოო ფასი $13 600 Audi Q8 2023 — საწყისი ფასი $25 000 — საბოლოო ფასი $29 000 ღია ცის ქვეშ ზღვისპირას გამართულ ღონისძიებაზე სტუმრებმა ნამდვილი პირდაპირი აუქციონის აზარტი შეიგრძნეს. საუკეთესო შეთავაზებებმა, ხალისიანმა დინამიკამ და წარმატებულმა შენაძენებმა კიდევ ერთხელ დაამტკიცა, რომ Lion Auctions-მა ბაზარზე ახალი სტანდარტი დაამკვიდრა. ავტომოყვარულებმა გონივრული თამაშის შედეგად სასურველი ავტომობილები დაისაკუთრეს. საღამოს კი სტუმრებმა STEPHANE-ს ენერგიული ცოცხალი შესრულებითაც ისიამოვნეს.ბათუმში გამართული მასშტაბური აუქციონი Lion Auctions-ისთვის კიდევ ერთი მნიშვნელოვანი ეტაპი იყო, თუმცა კომპანიის გეგმები მხოლოდ ბათუმით არ შემოიფარგლება. სამომავლოდ Lion Auctions ახალი პროექტების განხორციელებას გეგმავს, რათა ავტოაუქციონის გამოცდილება კიდევ უფრო მეტი ადამიანისთვის გახდეს ხელმისაწვდომი.კომპანია მომხმარებლებს არაერთ სიახლესა და ახალ შესაძლებლობას ჰპირდება.Lion Auctions-ის შესახებLion Auctions საქართველოში პირველი ამერიკული სტილის ცოცხალი ავტოაუქციონია, სადაც ავტომოყვარულები ავტომობილებს ადგილზე ათვალიერებენ და ღია ბიდინგის პროცესში მონაწილეობენ.Lion Auctions Lion Group-ის ნაწილია, კომპანიის, რომელიც თითქმის ორი ათწლეულია ბაზარზეა. ამ ჰოლდინგმა ახალი გზები გაკვალა, შექმნა საერთაშორისო სტანდარტების შესაბამისი ეკოსისტემა, დაიმსახურა პარტნიორთა სანდოობა მსოფლიო მასშტაბით და დღეს უკვე 11 ქვეყანაშია წარმოდგენილი. 19 წლის განმავლობაში მისი გუნდი ზრუნავს ახალ-ახალი, უნიკალური, მრავალფეროვანი და გონივრული სერვისების შემუშავებასა და დანერგვაზე პროგრესული ადამიანებისა და ბიზნესისთვის.Lion Auctions-ის დახმარებით ავტომოყვარულებს შეუძლიათ, შეარჩიონ და შეიძინონ მათთვის სასურველი ავტომობილი ლაივაუქციონით. კომპანია ამერიკის აუქციონებიდან ყოველკვირეულად წეროვნის ავტოსადგომზე საქართველოს ბაზარზე ყველაზე მოთხოვნადი ავტომობილების განთავსებას უზრუნველყოფს. ამერიკელი და ქართველი ექსპერტები დეტალურად აფასებენ მანქანის ტექნიკურ მდგომარეობას, ისტორიასა და ხარისხს, რათა მომხმარებლებს მაქსიმალურად სანდო და გამართული შენაძენი ჩააბარონ.Lion Auctions-ის კიდევ ერთი უპირატესობაა კონკურენტული ფასები, რაც მომხმარებელს საშუალებას აძლევს, მიიღოს საუკეთესო შეთავაზება ნებისმიერი ბიუჯეტის ფარგლებში და შეიძინოს მაღალი ხარისხის ავტომობილი ხელმისაწვდომ ფასად.Lion Auctions მტკიცე, სტაბილური და პასუხისმგებლობიანი პარტნიორია ყველა იმ ადამიანისა და ბიზნესისთვის, რომელსაც სურს ავტომობილის დასაკუთრება.