ავსტრიის ქალაქ კარინტიაში ძროხამ, საკუთარი თავის მოსავლელად არსებული ნივთების მიზანმიმართულად გამოყენების უნარი აჩვენა. ამან ცხოველთა ქცევის სპეციალისტები აიძულა, ხელახლა შეეფასებინათ შინაური ცხოველების კოგნიტიური შესაძლებლობები, წერს The Guardian.ცხოველის პატრონმა, ფერმერმა ვიტგარ ვიგელემ, შენიშნა თავისი შინაური ცხოველის, ვერონიკას, უჩვეულო ქმედებები. მან შენიშნა, რომ ძროხა ხანდახან ჩხირებს იღებდა და სხეულის ძნელად მისადგომ ადგილებში მოსაფხანად იყენებდა.ვიგელემ აღნიშნა, რომ ცხოველი ოჯახის წევრების ხმებს იცნობს და ძახილზე რეაგირებს. ამ უნარების ვიდეოჩანაწერები ვენის ვეტერინარული მედიცინის უნივერსიტეტის ბიოლოგებთან მოხვდა. მეცნიერები ქალაქ Nötsch im Gailtal–ს ეწვივნენ, რათა ამ უნიკალური ქცევის უშუალოდ დაკვირვება მოეხდინათ.დოქტორმა ანტონიო ოსუნია მასკარომ ტერიტორია აღწერა, როგორც იდილიური ადგილი მთებით, ტყეებითა და ტბებით. ექსპერიმენტების სერიის დროს, მკვლევრებმა ვერონიკას ჩვეულებრივი იატაკის ცოცხი შესთავაზეს. ყავისფერმა შვეიცარიულმა ძროხამ არა მხოლოდ აიღო ინსტრუმენტი, არამედ ჭკვიანურადაც გამოიყენა. მან ჯაგრისიანი მხარე აირჩია ზურგზე მაგარი კანის მოსაფხანად და უფრო მგრძნობიარე ადგილებისთვის, როგორიცაა ცური და მუცელი, გლუვ სახელურზე გადაერთო. თუ ცოცხი უხერხულად იქნებოდა განთავსებული, ცხოველი ენით ამოძრავებდა მას და შემდეგ კბილებით ასწევდა.შვიდი დაკვირვების სესიის განმავლობაში მეცნიერებმა ინსტრუმენტის გამოყენების 76 შემთხვევა დააფიქსირეს. ფუნჯის ორივე ბოლოს სხვადასხვა მიზნით გამოყენების უნარი მრავალფუნქციურ ხელსაწყოდ ითვლება, რაც აქამდე მხოლოდ შიმპანზეებმა და ადამიანებმა აჩვენეს.ვრცლად snob.ru – ზე

2025 წლის დეკემბერში მომხმარებელთა უნაღდო დანახარჯები და ტრანზაქციების რაოდენობა წლიურ ზრდას განაგრძობს, - ამის შესახებ აღნიშნულია „თიბისი კაპიტალის“ ბაზრის მიმოხილვაში.ამავე პერიოდში, რეზიდენტებმა „თიბისი ბანკის“ არხებით გაწეული ჯამური უნაღდო დანახარჯების 87%, ხოლო არარეზიდენტებმა 13% დაიკავეს.„2025 წლის დეკემბერში, „თიბისი ბანკის“ არხებით, ჯამურ უნაღდო დანახარჯებში სურსათზე გაწეული ხარჯების წილი 27%-ს, ხოლო რესტორნებში დანახარჯების წილი 13%-ს გაუტოლდა.ამავე თვეში, სურსათზე უნაღდო დანახარჯები წლიურად 20%-ით გაიზარდა, ხოლო საშუალო დანახარჯი ერთ ტრანზაქციაზე 19 ლარი დაფიქსირდა. სურსათსა და უალკოჰოლო სასმელებზე ინფლაციამ 9% შეადგინა“, - აღნიშნულია კვლევაში.

გარემოს ეროვნული სააგენტო 24-26 იანვარს საქართველოში მოსალოდნელი ამინდის შესახებ ინფორმაციას ავრცელებს.სააგენტოს ცნობით, 24-25 იანვარს საქართველოს ცალკეულ რაიონში მოსალოდნელია ნალექიანი ამინდი, ხოლო 26 იანვარს უმეტესად უნალექო ამინდი იქნება.ქ. თბილისში უმეტესად უნალექოდ. ჰაერის ტემპერატურა ღამით -2, 0, დღისით +7, +9 გრადუსი დაფიქსირდება.სანაპირო რაიონებში (ბათუმი, ქობულეთი, ანაკლია, ფოთი): 24 - 25 იანვარს მოსალოდნელია წვიმა, ხოლო 26 იანვარს უნალექო ამინდი იქნება. ჰაერის ტემპერატურა ღამით +6, +8, დღისით +14 +16 გრადუსი დაფიქსირდება.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 24 - 25 იანვარს მოსალოდნელია წვიმა, ხოლო 26 იანვარს უნალექო ამინდი იქნება. ჰაერის ტემპერატურა ღამით +4, +6, დღისით +13, +15 გრადუსი დაფიქსირდება.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 24 - 25 იანვარს მოსალოდნელია ნალექი, ხოლო 26 იანვარს უნალექო ამინდი იქნება. ჰაერის ტემპერატურა ღამით -2, +2, დღისით +10, +12 გრადუსი დაფიქსირდება.დასავლეთ საქართველოს მაღალმთიან რაიონებში (მესტია, ბახმარო): 24 - 25 იანვარს მოსალოდნელია თოვლი, ხოლო 26 იანვარს უნალექო ამინდი იქნება. ჰაერის ტემპერატურა ღამით -4, -6, დღისით +5, +7 გრადუსი დაფიქსირდება.ქართლში (რუსთავი, ბოლნისი, მარნეული, გარდაბანი, გორი, ცხინვალი): 24 - 25 იანვარს ზოგან მოსალოდნელია ნალექი, უმეტესად თოვლის სახით, ხოლო 26 იანვარს უნალექო ამინდი იქნება. ჰაერის ტემპერატურა ღამით -4 -6, დღისით +7, +9 გრადუსი დაფიქსირდება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 24 - 25 იანვარს ზოგან მოსალოდნელია ნალექი, უმეტესად თოვლის სახით, ხოლო 26 იანვარს უნალექო ამინდი იქნება. ჰაერის ტემპერატურა ღამით -3, -5, დღისით +8, +10 გრადუსი დაფიქსირდება.აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 24 - 25 იანვარს ზოგან მოსალოდნელია თოვლი, ხოლო 26 იანვარს უნალექო ამინდი იქნება. ჰაერის ტემპერატურა ღამით -5 -7, დღისით +4, +6 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 24 - 25 იანვარს ზოგან მოსალოდნელია თოვლი, ხოლო 26 იანვარს უნალექო ამინდი იქნება. ჰაერის ტემპერატურა ღამით -8, -10, დღისით -2, +2 გრადუსი დაფიქსირდება.

1971 წელს სამხრეთ აფრიკაში დაბადებული პატარა ბიჭის მშობლები ვერც კი წარმოიდგენდნენ, რომ მომავალში მათი შვილი სამყაროს შეცვლას დაისახავდა მიზნად, გახდებოდა არაერთი ტექნოლოგიური სიახლის ფუძემდებელი და ამასთან, მსოფლიოში ყველაზე მდიდარი ადამიანი. ილონ მასკი დღეს თითქმის 800 მლრდ დოლარის ქონების მფლობელია, მეტიც, არის ვარაუდი, რომ სწორედ ის გახდება მსოფლიოში პირველი ადამიანი, ვინც ტრილიონერის სტატუსს მიიღებს.ტექნოლოგიური რევოლუციების ავტორი დღეს არა მხოლოდ ერთ-ერთ ყველაზე გავლენიან, არამედ საკამათო ფიგურადაც ითვლება.კაცი, რომელმაც კოსმოსი, ელექტრომობილები და ხელოვნური ინტელექტი ერთ რეალობაში გააერთიანა, ხშირად ხდება განხილვის საგანი. ის ერთდროულად აინტერესებს როგორც ბიზნესს, ისე სამეცნიერი წრეებსა და ფართო საზოგადოებასაც. აზრები და დამოკიდებულებები კი მის მიმართ სხვადასხვაგვარია.თუმცა, რამდენად განსხვავებულიც არ უნდა იყოს მის მიმართ დამოკიდებულებები, ფაქტი ერთია, ვსაუბრობთ კაცზე, რომელმაც უკვე შეცვალა მსოფლიო და დიდი ალბათობით, ის ამას მომავალშიც გააგრძელებს.სტატიაში გიზიარებთ საინტერესო ფაქტებს ილონ მასკზე, ადამიანზე, რომელიც ინოვაციებთან, პროგრესთან და სკანდალებთან ერთდროულად ასოცირდება.500 დოლარიდან 800 მილიარდამდეილონ მასკმა პირველი კომპიუტერული თამაში, რომლის სახელიც “Blastar” იყო, 12 წლის ასაკში შექმნა და გაყიდა. თამაშის გაყიდვიდან მიღებული თანხა დაახლოებით 500 დოლარი იყო. სწორედ ეს გახდა მისი პირველი ნაბიჯი ტექნოლოგიურ სამყაროში. დღეს კი მისი ქონება 800 მლრდ დოლარს აღწევს.სამხრეთ აფრიკიდან მსოფლიო ელიტამდეილონ მასკი 1971 წლის 28 ივნისს, პრეტორიაში, სამხრეთ აფრიკის რესპუბლიკის დედაქალაქში დაიბადა. მოგვიანებით კანადაში გადავიდა საცხოვრებლად, შემდეგ კი - ამერიკის შეერთებულ შტატებში. მას სამი ქვეყნის − სამხრეთ აფრიკის, კანადისა და აშშ-ის მოქალაქეობა აქვს. უცხოურ მედიაში ხშირად იწერება იმის შესახებ, რომ ახალგაზრდობაში დაბალანაზღაურებად სამუშაოებზე უწევდა დასაქმება, მათ შორის უმუშავია ქარხნებსა და ფერმებში.ილონ მასკმა სტენფორდში მხოლოდ 2 დღე ისწავლაპენსილვანიის უნივერსიტეტში ბაკალავრის ხარისხისა და ორი დიპლომის მიღების შემდეგ, მასკი სტენფორდში ფიზიკის შესასწავლად, კალიფორნიაში გადასახლდა. სამწუხაროდ, მან სწავლა ზუსტად 2 დღეში მიატოვა და გადაწყვიტა, მთელი თავისი დრო საკუთარ კომპანია Zip2 Corporation-ისთვის დაეთმო.PayPal-ის შექმნა - პირველი დიდი წარმატებამასკი იყო ერთ-ერთი თანადამფუძნებელი კომპანია X.com-ის, რომელიც მოგვიანებით PayPal-ად გადაიქცა. კომპანიის გაყიდვამ eBay-ზე მას ათეულ მილიონ დოლარზე მეტი მოუტანა. ეს იყო მისი პირველი დიდი ნაბიჯი კარიერაში, რომელმაც გზა გაუხსნა უფრო ამბიციური პროექტებისკენ.SpaceX - კოსმოსი კერძო სექტორის ხელში2002 წელს მასკმა დააფუძნა SpaceX. კომპანია, რომელმაც ისტორიაში პირველად შეძლო კერძო რაკეტის ორბიტაზე გაყვანა და მისი უკან დაბრუნება. დღეს SpaceX თანამშრომლობს NASA-სთან და მუშაობს ისტორიაში ყველაზე ამბიციურ გეგმაზე, მარსზე ადამიანის გაგზავნასთან დაკავშირებით.Tesla და ელექტრომობილების რევოლუციაTesla მასკის ერთ-ერთ ყველაზე ცნობილ კომპანიად იქცა. თუმცა, შესაძლოა, ბევრმა არ იცოდეს, რომ კომპანიის მიზანი მხოლოდ მანქანების გაყიდვა არ არის. მასკს სურს, მსოფლიო ფოსილურ (წიაღისეულ) საწვავზე დამოკიდებულებას ჩამოაშოროს.ექსტრემალური სამუშაო რეჟიმიმასკი ცნობილია უკიდურესად დატვირთული სამუშაო გრაფიკით. უცხოურ მედიაში გავრცელებული ცნობებით, ის კვირაში 80–100 საათამდე მუშაობს. თავადაც ამბობს, რომ კრიზისულ პერიოდებში ქარხნებში ეძინა და შხაპს სამუშაო ადგილზე იღებდა. რაც ზოგისთვის შრომისმოყვარეობის სიმბოლოა, ზოგი კი ამას არაჯანსაღ სამუშაო კულტურას უწოდებს.სკანდალი და სოციალური ქსელებიმასკი ერთ-ერთი ყველაზე აქტიური მილიარდერია სოციალურ ქსელებში. გამორჩეულია მისი აქტივობების შინაარსიც. მასკის პოსტებს, მისი სითამამიდან გამომდინარე, შეუძლია ერთდროულად როგორც დიდი აღფრთოვანება, ისე კრიტიკა გამოიწვიოს საზოგადოებასა და ბიზნეს წრეებში. თუმცა, ჩვენ ხომ არ ვსაუბრობთ რიგითი ადამიანის რიგით პოსტზე. ის გარდა რეაქციებისა, მისი ტვიტებით, ბაზრის მერყეობას, აქციების ფასების ცვლილებებსა და პოლიტიკურ დებატებსაც ხშირად იწვევს.თანამშრომლებისა მიმართ დამოკიდებულებამასკის კომპანიები, განსაკუთრებით Tesla და SpaceX, პერიოდულად ხვდებიან კრიტიკის ქვეშ თანამშრომელთა გადაღლილობის, შრომითი უფლებებისა და მენეჯმენტის მკაცრი სტილის გამო. ამასთანავე, აქტიური იყო ცნობები იმის შესახებაც, რომ მასკმა სოციალური ქსელ Twitter-ის (ახლანდელი X) შეძენის შემდეგ არაერთი საკამათო გადაწყვეტილება მიიღო. მათ შორის, თანამშრომლების მასობრივი გათავისუფლება, კონტენტის მოდერაციის პოლიტიკის შეცვლა და მომხმარებლების ნაწილის უკმაყოფილება.ქმნის AI კომპანიებს და თან საუბრობს ხელოვნური ინტელექტის საფრთხეებზემუხედავად იმისა, რომ მასკი თავად ქმნის ხელოვნური ინტელექტის კომპანიებს, ის ხშირად აფრთხილებს საზოგადოებას AI-ის უკონტროლო განვითარების საფრთხეებზე და ამბობს, რომ უკონტროლო ხელოვნური ინტელექტი, კაცობრიობისთვის საფრთხეს წარმოადგენს. კრიტიკოსების ნაწილი ამ ყველაფერს ორმაგ სტანდარტებს უწოდებს.ოჯახი და პირადი ცხოვრებაილონ მასკის მამობის გზამ მას ბოლო ორნახევარი ათწლეულის განმავლობაში ჯამში 14 შვილი (და ეს რიცხვი შესაძლოა კიდევ გაიზარდოს) შესძინა: ნევადა, ვივიანი, გრიფინი, კაი, საქსონი, დამიანი, X Æ A-Xii, ექსა, სტრაიდერი, აზიური, ტექნო, არკადია, სელდონ ლიკურგუსი და რომულუსი. პირველ შვილი 2002 წელს შეეძინა, ხოლო ყველაზე უმცროსი შვილი, სავარაუდოდ, 2024 წლის ბოლოს ან 2025 წლის დასაწყისში (ოფიციალური ცნობები არ იძებნება). მასკის პირველი შვილი, ვაჟი, 10 კვირის ასაკში ტრაგიკულად გარდაიცვალა განუკურნებელი სინდრომის შედეგად. უცხოური მედიის ცნობებით, ილონ მასკს შვილები რამდენიმე სხვადასხვა პარტნიორისგან ჰყავს.„რეალური აირონ მენი“ალბათ, ამ შედარებაზე აქამდეც ხშირად გსმენიათ. Marvel-ის ფილმების შემქმნელებმა აღიარეს, რომ ტონი სტარკის (Iron Man) პერსონაჟის შექმნის შთაგონება ნაწილობრივ ილონ მასკი იყო. მსგავსება აღებულია როგორც ვიზუალურ ჭღილში, ასევე პიროვნული მახასიათებლებითაც.

საქართველოს ბანკმა ქართული YouTube ეკოსისტემისა და კრეატორების გაძლიერების მიზნით, პირველი მასშტაბური ქართული რეალითი შოუ “Creator” შექმნა. პროექტის მერვე ეპიზოდში უკვე გამოვლინდნენ პროექტის ფინალისტები, რომლებიც ერთმანეთს საბოლოო დავალების შესრულებაში შეეჯიბრებიან. ეპიზოდის სანახავად გადადით ბმულზე.Creator-ის ფინალისტები გახდნენ: Veriko Bazali WildDoc მთელი პროექტის განმავლობაში დამწყებ იუთუბერებს აფასებენ, გამოცდილებას უზიარებენ და ახალ დავალებებს აძლევენ უკვე კარგად გამოცდილი და ცნობილი კრეატორები: დათო ალავიძე (ჰიტა), გიორგი მახარაშვილი (საეჭვო კაცი) და ნიკა კაკოიშვილი (კაკო). ამასთან, მუდმივ ჟიურისთან ერთად ყოველ ეპიზოდს ჰყავს მოწვეული სტუმარი, იუთუბერი მენტორი, რომელიც დამწყებ კრეატორებს საკუთარ გამოცდილებასა და რჩევებს უზიარებს და ეხმარება დავალების შესრულებაში.“საქართველოში კრეატორობის კულტურა ჯერ კიდევ ბავშვობის ასაკშია. ბევრი ტალანტია, მაგრამ ეკოსისტემა სუსტია - ბრენდები ჯერ კიდევ ტრადიციულ მედია მოდელებზე ორიენტირდებიან, შესაბამისად  არ არის სტაბილური მონეტიზაციის პლატფორმები. Creator-ის მეშვეობით პირველად გაჩნდა სივრცე, სადაც დამწყებებს აქვთ შესაძლებლობა, საკუთარ იდეას მისცენ ფორმა, მოისმინონ პროფესიონალების რეალური კრიტიკა და მიიღონ წვდომა განვითარებისთვის საჭირო რესურსებზე”, - აღნიშნავს ნიკა კაკოიშვილი (კაკო).“ხარისხი არ არის აპარატურა/ტექნიკა. ხარისხი ხარ შენ - კრეატორობის კულტურა საქართველოში გეომეტრიული პროგრესიით იზრდება. ყოველ წელს გაცილებით მეტი  წარმატებული კრეატორია ვიდრე გასულ წელს. ახალბედა კრეატორისთვის ყველაზე დიდი პრობლემა, ალბათ, გამოცდილების არქონაა. ასეთი პროექტები კი შესაძლებლობაა მონაწილეებისთვის - გახდნენ წარმატებულები. ამ პროექტის ერთ-ერთ მთავარ ღირებულებად სწორედ გამოცდილების გაზიარებას ვხედავ, საწყისი ნაბიჯების საჯაროობას უკუკავშირთან ერთად... ეს ყველაფერი ძალიან მნიშვნელოვანია. თუმცა, როგორ უნდა გახდე იუთუბერი ეგ თავისთავად საინტერესო მოგზაურობაა”, - აღნიშნავს დათო ალავიძე (ჰიტა). “იმ ადამიანებისთვის, რომლებსაც სურდათ YouTube სივრცეში შემოსვლა, მაგრამ შიში ჰქონდათ და ვერ იწყებდნენ, ვერ დგამდნენ ამ ნაბიჯს, რადგან არ იცოდნენ, რა ხდება ყოველი ვიდეოს უკან - ეს პროექტი მნიშვნელოვანი გამოცდილება აღმოჩნდა, რადგან მისი  მეშვეობით ჰქონდათ შესაძლებლობა, გასცნობოდნენ შიდა სამზარეულოს, ენახათ როგორ უნდა განვითარდნენ და რომ ეს არც თუ ისე რთულია. 8 ადამიანი, რომელიც პროექტის პირველ ეტაპებზე შეირჩა, გახდა ნათელი მაგალითი და ინსპირაცია ამ ხალხისთვის და შეხსენება, რომ ტელეფონით გადაღებული ვიდეოებითაც რომ დაიწყო, გაქვს შესაძლებლობა, მიაღწიო ძალიან დიდ მწვერვალს”, - აღნიშნავს მახარა (საეჭვო კაცი).“საქართველოს ბანკის YouTube გადაცემა Creator-ი, უკვე მერვე ეპიზოდია მაყურებელს საინტერესო გამოწვევებსა და დავალებებს სთავაზობს. მიზანი უცვლელია - ერთი მხრივ, ხელი შევუწყოთ დამწყები კრეატორების განვითარებასა და გაძლიერებას, მეორე მხრივ კი გამოცდილ კრეატორებს მივცეთ შესაძლებლობა, შექმნან კიდევ უფრო მეტად საინტერესო კონტენტი. შედეგად, Creator-ი იქცა სივრცედ, სადაც, გამოცდილი იუთუბერები დამწყებ კრეატორებს უზიარებენ საკუთარ ცოდნასა და გამოცდილებას, აუდიტორიის ზრდისთვის საჭირო რჩევებს, დამკვეთებთან ურთიერთობის სპეციფიკას და სხვა. სულ მალე, გადაცემის ფინალისტები გამოვლინდებიან. თუმცა, ჩვენ არ ვჩერდებით და ვაგრძელებთ კიდევ უფრო მეტი საინტერესო პროექტის განხორციელებას და ქართული YouTube ეკოსისტემის განვითარების ხელშეწყობას”, - აღნიშნავს მარიამ ცანავა, საქართველოს ბანკის ბრენდის მიმართულების ხელმძღვანელი.თვალი ადევნეთ საქართველოს ბანკის YouTube არხს: https://www.youtube.com/@argacherde

აშშ დოლარის ოფიციალური ღირებულება 2.6941 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6941 ლარი გახდა. კურსი, რომელიც დღეს მოქმედებდა, 2.6946 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0005 ლარი შეადგინა.რაც შეეხება ევროს, მისი კურსი 3.1607 ლარია. მაშინ, როცა დღეს მოქმედი კურსი 3.1497 ლარს შეადგენდა. შესაბამისად, ევროს ცვლილება 0.0110 ლარი შეადგინა.