თბილისის მეტროს მომდევნო 5 წელში დაემატება 25 ახალი მატარებელი - კახა კალაძე
საზოგადოება • 1761911027
რა ქონებას ფლობს ინფრასტრუქტურის მინისტრის ყოფილი მოადგილე, რომელიც დააკავეს
საზოგადოება • 1761890113
საზოგადოება
როდის დასრულდება მეტრო "ვარკეთილის" რეაბილიტაცია - კახა კალაძის განმარტება
მეტროსადგურ „ვარკეთილის“ რეაბილიტაცია წლის ბოლოსთვის დასრულდება - კომპანია ვერ ვნახეთ, ვინც აღნიშნულ სამუშაოებს შეასრულებდა. ერთი კომპანია იყო, ვალდებულებები ვერ შეასრულა - გავაგდეთ, მეორე კომპანია იყო ვერ შეასრულა- გავაგდეთ. უდიდესი პრობლემების წინაშე ვდგავართ, - ამის შესახებ თბილისის მერმა კახა კალაძემ საკრებულოს სხდომაზე დასმული კითხვის საპასუხოდ განაცხადა.კალაძის თქმით, ბევრი კომპანია თავს იკავებდა მონაწილეობისა და შესაბამისი სამუშაოების ჩატარებისგან.„არასდროს დავმალულვართ, ყველაფერზე პირდაპირ ვსაუბრობდით, მათ შორის, იმ გამოწვევებსა და სირთულეებზე, რაც მეტროსადგურ „ვარკეთილის“ რეაბილიტაციას უკავშირდებოდა. კომპანია ვერ ვნახეთ, ვინც აღნიშნულ სამუშაოებს შეასრულებდა. ერთი კომპანია იყო, ვალდებულებები ვერ შეასრულა - გავაგდეთ, მეორე კომპანია იყო -ვერ შეასრულა - გავაგდეთ. უდიდესი პრობლემების წინაშე ვდგავართ, რადგან არ გვყავს ექსპერტები ამ მიმართულებით, არ გვყავს შესაბამისი კომპანიები აღნიშნული გამოცდილებით, რომელთაც შეუძლიათ ამ ტიპის სამუშაოების წარმოება.დავიწყებდით რაღაცის გაკეთებას და მერე გამოჩნდებოდა, რომ გვირაბის თაღში პრობლემები იყო. დავიქირავეთ უცხოელი ექსპერტები, ჩამოვიყვანეთ, მოხდა პროექტის თავიდან გადაკეთება, შესწავლა. ჩვენთვის ხომ მთავარი ის არის, რომ ყველაფერს, რასაც ვაკეთებთ, გავაკეთოთ უსაფრთხოდ, მით უმეტეს, გვახსოვს, თუ რა მოხდა ვარკეთილის მეტროში. ბევრი კომპანია თავს იკავებს - ეშინია, ერიდება შემოვიდეს და შესაბამისი სამუშაოები აწარმოოს, თუმცა დღეს უკვე ყველა კვლევა ჩატარებულია და საჭირო სამუშაოებისთვის დროებით დაკეტილიც იყო მეტროსადგური, მგზავრებს ვერ იღებდა, აგვისტოს ბოლოს გაიხსნა. ახალი წლისთვის სამუშაოები მთლიანად დასრულებული იქნება აღნიშნული მიმართულებით“, - განაცხადა კახა კალაძემ.bpn.ge
1761913451
1761890113
რა ქონებას ფლობს ინფრასტრუქტურის მინისტრის ყოფილი მოადგილე, რომელიც დააკავესინფრასტრუქტურის მინისტრის ყოფილი მოადგილე კობა გაბუნია დააკავეს. როგორც ფინანსთა სამინისტროს საგამოძიებო სამსახურში გამართული ბრიფინგიდან გახდა ცნობილი, გაბუნია საბავშვო ბაღების რეაბილიტაციისთვის გამოყოფილი 9 365 801 ლარის თაღლითურად დაუფლებისა და 1 211 000 ლარის უკანონო შემოსავლის ლეგალიზაციის საქმის ფარგლებში დააკავეს.შეგახსენებთ, რომ ამავე საქმის ფარგლებში უკვე დაკავებულია შპს „ლაგი კაპიტალის“ ხელმძღვანელი პირები. ამასთანავე, დაკავებულები იყვნენ, მუნიციპალური განვითარების ფონდის ყოფილი აღმასრულებელი დირექტორი დავით ტაბიძე, ფონდის პროგრამის მენეჯერი და ამავე სამსახურის პროექტის მენეჯერი, რომლებმაც აღკვეთის ღონისძიების სახით გირაო შეეფარდათ.„გამოძიების მასალების მიხედვით, „ლაგი კაპიტალის“ მიერ 2023 წლის ივლისიდან 2024 წლის მაისამდე პერიოდში, ფონდში წარდგენილი ავანსის მოთხოვნები იყო დაუსაბუთებელი და მხოლოდ ნაწილობრივ უზრუნველყოფილი. დასახელებულმა პირებმა, საქართველოს რეგიონული განვითარებისა და ინფრასტრუქტურის მინისტრის ყოფილი მოადგილის კობა გაბუნიას დავალებით სამსახურებრივი უფლებამოსილება ბოროტად გამოიყენეს და უპირატესობის მინიჭების მიზნით, მიუხედავად იმისა, რომ კომპანიის მიერ 2023 წლის ივლისის თვეში მიღებული ავანსი არ იყო დახარჯული მიზნობრივად, 2023-2024 წლებში „ლაგი კაპიტალზე“ საბავშვო ბაღების რეაბილიტაციისთვის მაინც გასცეს 11 218 380 ლარის დაუსაბუთებელი ავანსი, საიდანაც შპს „ლაგი კაპიტალის“ ხელმძღვანელი პირები თაღლითურად დაეუფლნენ 9 365 801 ლარს“, - განაცხადეს ფინანსთა სამინისტროს საგამოძიებო სამსახურში.„ბიზნესპრესნიუსი“ დაინტერესდა, რა ქონება ფლობს დაკავებული კობა გაბუნია. აღსანიშნავია, რომ გაბუნიამ ქონებრივი დეკლარაცია მიმდინარე წლის ივნისში შეავსო.ამავე დეკლარაციის თანახმად, კობა გაბუნიას საკუთრებაშია თბილისში 2022 წელს 2 000 დოლარად შეძენილი ავტოფარეხი. ამავე წელს გაბუნიამ თბილისში 69 კვ.მ ბინა 60 000 დოლარად შეიძინა. გარდა ამისა, მისივე საკუთრებაშია 2011 წელს 30 000 დოლარად შეძენილი 40.71 კვ.მ ბინა დედაქალაქში. ამასთანავე, მისი მეუღლის სახელზეა რეგისტრირებული ქუთაისში ჩუქებით მიღებული ბინის 50%.ქონებრივი დეკლარაციის მიხედვით, კობა გაბუნიასა და მის ოჯახს არ ჰყავთ რეგისტრირებული ავტოსატრანსპორტო საშუალებები.რაც შეეხება ფინანსურ მდგომარეობას, დეკლარაციის შევსების მომენტში გაბუნიას ერთ-ერთი ბანკის ანგარიშზე უფიქსირდებოდა 1 105 ლარი. მისი მეუღლეს კი სხვადასხვა ბანკის ანგარიშზე ჯამში 1 299 ლარი ჰქონდა.ამასთანავე, 2024 წელს გაბუნიამ მინისტრის მოადგილის პოსტზე მუშაობისთვის ხელფასის სახით 93 031 ლარი აიღო. ამავე პერიოდში მისი მეუღლე საქართველოს ენერგეტიკისა და წყალმომარაგების მარეგულირებელ ეროვნულ კომისიაში მომხმარებელთა ინტერესების საზოგადოებრივი დამცველის უფროსი თანაშემწედ იყო დასაქმებული, სადაც 14 403 ლარი აიღო, ამავე კომისიაში გაბუნიას მეუღლე მუშაობდა საზოგადოებრივი დამცველის პოსტზე, რაშიც 48 833 ლარი მიიღო.აღსანიშნავია, რომ კობა გაბუნიას უფიქსირდება 20-წლიანი იპოთეკური სესხი 200 ათასი ლარის ოდენობით, რაშიც გასავალი 2024 წელს 25 303 ლარი ჰქონდა.bpn.ge
1761889804
რა ტიპის ქონების ღირებულება არ შედის შემოსავლების დეკლარირებისასიურიდიული კომპანია Tax & Legal Solutions-ის დამფუძნებელი, ზურაბ ძნელაშვილი ფიზიკური პირის ქონების გადასახადთან დაკავშირებით განმარტებას აკეთებს.„ბიზნესპრესნიუსი“ სოციალურ ქსელში იურისტის მიერ გამოქვეყნებულ ინფორმაციას უცვლელად გთავაზობთ:„მინდა დამატებითი ინფორმაცია მოგაწოდოთ ფიზიკური პირის ქონების გადასახადთან დაკავშირებით:1. ქონების გადასახადით იბეგრება მხოლოდ საქართველოს ტერიტორიაზე არსებული ქონება/მიწა (ეს პირდაპირ არ წერია საგადასახადო კოდექსში, მაგრამ, ეს დასკვნა ნორმათა სისტემური განმარტებიდან გამომდინარეობს).2. ქონების გადასახადის გადამხდელია ზემოაღნიშნული ქონების/მიწის მესაკუთრე ფიზიკური პირი, მიუხედავად მისი მოქალაქეობისა და მიუხედავად მისი რეზიდენტობისა. ანუ თუ ფიზიკური პირი საქართველოში ქონების მესაკუთრეა, იგი უკვე ითვლება ქონების გადასახადის გადამხდელად ამ ქონებაზე (მათ შორის, არამოქალაქეც და არარეზიდენტიც).3. ოჯახად ითვლება პირი დაა) ამ პირის მეუღლე, ასევე არასრულწლოვანი შვილი, მიუხედავად იმისა ერთად ცხოვრობენ თუ ცალ-ცალკე;ბ) ამ პირთან მუდმივად მცხოვრები მშობელი, სრულწლოვანი შვილი, და, ძმა, ბებია, პაპა, შვილიშვილი. ანუ თუ ეს ადამიანები მუდმივად არ ცხოვრობენ ამ პირთან, მისი ოჯახის წევრად არ ითვლებიან.4. ოჯახის შემოსავალში შეიტანება როგორც საქართველოში არსებული წყაროდან მიღებული შემოსავალი, ასევე ის შემოსავალი, რომელიც არ განეკუთვნება საქართველოში არსებული წყაროდან მიღებულ შემოსავალს (ანუ საზღვარგარეთიდან/საზღვარგარეთ მიღებული შემოსავალიც), გარდა ერთი გამონაკლისისა:- საქართველოს მოქალაქე არარეზიდენტ ფიზიკურ პირთან მიმართებით შემოსავლები განისაზღვრება საქართველოში არსებული წყაროდან მიღებული შემოსავლების მიხედვით. ყველა დანარჩენ პირთან ვითვლით ორივე წყაროდან მიღებულ შემოსავლებს.5. შემოსავლებში არ შეიტანება ოჯახის წევრებისაგან ჩუქებით, მემკვიდრეობით ან განქორწინების საფუძველზე მიღებული ქონების ღირებულება. აქ მნიშვნელოვანია, ვიცოდეთ ვინ ითვლება ოჯახის წევრად (კოდექსი განმარტავს მხოლოდ ოჯახს, ოჯახის წევრების განმარტებას კოდექსი არ იძლევა)”, - წერს ზურაბ ძნელაშვილი სოციალურ ქსელში.
1761834005
საქართველოს ბანკის მხარდაჭერით, 31 ოქტომბერს eCommerce Day Georgia 2025 გაიმართება31 ოქტომბერს თბილისი ელექტრონული კომერციის სექტორის ერთ-ერთ ყველაზე მნიშვნელოვან ღონისძიებას — eCommerce Day Georgia 2025-ს უმასპინძლებს. კონფერენცია Sheraton Grand Metechi Palace-ში გაიმართება. ღონისძიება მესამე წელია, ხორციელდება და იგი საერთაშორისო და ადგილობრივ კომპანიებს ელექტრონული კომერციის სფეროში მიმდინარე ცვლილებებსა და ტენდენციებზე სასაუბროდ აერთიანებს. კონფერენციის მონაწილეები გაეცნობიან მსოფლიოს წამყვანი კომპანიების ექსპერტების ხედვებს ისეთ თემებზე, როგორებიცაა: ხელოვნური ინტელექტის როლი ონლაინ-ვაჭრობის ტრანსფორმაციაში, სოციალური და ლაივ კომერციის სწრაფი ზრდა, მომხმარებელთა ქცევის ცვლილება და ციფრული პლატფორმების განვითარება.სპიკერებს შორის იქნებიან: Amazon Web Services, Google Cloud, VISA, Glovo, Avianca და სხვა წამყვანი ორგანიზაციების წარმომადგენლები. ასევე, ქართული ბაზრის ისეთი წარმატებული მოთამაშეები, როგორებიც არიან: საქართველოს ბანკი, თეგეტა ჰოლდინგი, Storera, Web Features, MELO Delivery, CityPay.io და სხვები. კონფერენციაზე სცენა დაეთმობა ორ პანელურ დისკუსიას: ელ. კომერცია ქმედებაში: როგორ აყალიბებენ ადგილობრივი ბრენდები ციფრულ მომავალს; რეალური წარმატების ისტორიები: ხელოვნური ინტელექტის გავლენა საცალო ვაჭრობასა და ელექტრონულ კომერციაზე. გარდა ამისა, მონაწილეებს ექნებათ შესაძლებლობა, Amazon Web Services-ის, Storera-ს და CityPay.io-ს დემო ლაივ სესიებს დაესწრონ და პრაქტიკული გამოცდილება მათთვის საინტერესო მიმართულებით მიიღონ.ღონისძიების მთავარი პარტნიორი: საქართველოს ბანკი ბიზნესიინოვაციების პარტნიორი: Visaპარტნიორები: AWS, Aversi, Delivo, Google Cloud; Glovo, BDO Digital, Tech School / IE, Web Features, Elite, Acer, Cellfie, MELO Delivery, Dasta Records Management, Tegeta Holding, CityPay.io Georgia, Tether, Johnnie Walker, Wolt, Creatio, TASS vision, Quissly, Mazeg, Roaspig, Storera, Coincasa, Horsetours, Hamo Concept, Azintelecomბილეთების შესაძენად და დამატებითი ინფორმაციისთვის იხილეთ Biletebi.ge-ის ვებგვერდი.
სხვა სიახლეები
დაიბრუნეთ G&T Trader-ზე ვაჭრობის საკომისიოს 50% წლის ბოლომდე
გალტ & თაგარტმა საფონდო ბირჟაზე ვაჭრობით დაინტერესებულ პირებს ახალი შეთავაზება მოუმზადა. 20 ოქტომბრიდან 2025 წლის ბოლომდე G&T Trader-ზე ვაჭრობისას მომხმარებლებს შესაძლებლობა აქვთ, ვაჭრობის საკომისიოს 50% დაიბრუნონ.G&T Trader პირველი მულტიპროდუქტიული და მულტისავალუტო პლატფორმაა საქართველოში, რომელიც გალტ ენდ თაგარტმა ბაზარს 10 წლის წინ გააცნო. მისი დახმარებით მომხმარებლებს მსოფლიოს ძირითად საფონდო ბირჟებზე აქვთ წვდომა, სხვადასხვა ტიპის ფასიანი ქაღალდით ვაჭრობენ და საკუთარი ინვესტიციების დინამიკას ადევნებენ თვალს.“გალტ & თაგარტი მუდმივად იკვლევს მომხმარებელთა ინტერესებს, ვისმენთ მათ უკუკავშირს და ამ ინფორმაციაზე დაყრდნობით, პლატფორმის ფუნქციონალებსა და შეთავაზებებს კიდევ უფრო ვხვეწთ. გვიხარია, რომ ბოლო განახლების შედეგად, ჩვენს მომხმარებლებს კიდევ უფრო მეტ ბაზარზე აქვთ წვდომა, შეუძლიათ ამერიკულ საფონდო ბირჟებზე გახანგრძლივებული დროით, 24-საათიანი ივაჭრონ, მიიღონ დეტალური ანალიტიკური ინფორმაცია და სხვა“, - აღნიშნავს დავით ნიშნიანიძე, გალტ & თაგარტის საბროკერო დეპარტამენტის დირექტორი.გაიგეთ მეტი გალტ & თაგარტის საბროკერო მომსახურების შესახებ ვებგვერდიდან: www.galtandtaggart.com
ბიზნესი • 1761913569
როდის დასრულდება მეტრო "ვარკეთილის" რეაბილიტაცია - კახა კალაძის განმარტება
მეტროსადგურ „ვარკეთილის“ რეაბილიტაცია წლის ბოლოსთვის დასრულდება - კომპანია ვერ ვნახეთ, ვინც აღნიშნულ სამუშაოებს შეასრულებდა. ერთი კომპანია იყო, ვალდებულებები ვერ შეასრულა - გავაგდეთ, მეორე კომპანია იყო ვერ შეასრულა- გავაგდეთ. უდიდესი პრობლემების წინაშე ვდგავართ, - ამის შესახებ თბილისის მერმა კახა კალაძემ საკრებულოს სხდომაზე დასმული კითხვის საპასუხოდ განაცხადა.კალაძის თქმით, ბევრი კომპანია თავს იკავებდა მონაწილეობისა და შესაბამისი სამუშაოების ჩატარებისგან.„არასდროს დავმალულვართ, ყველაფერზე პირდაპირ ვსაუბრობდით, მათ შორის, იმ გამოწვევებსა და სირთულეებზე, რაც მეტროსადგურ „ვარკეთილის“ რეაბილიტაციას უკავშირდებოდა. კომპანია ვერ ვნახეთ, ვინც აღნიშნულ სამუშაოებს შეასრულებდა. ერთი კომპანია იყო, ვალდებულებები ვერ შეასრულა - გავაგდეთ, მეორე კომპანია იყო -ვერ შეასრულა - გავაგდეთ. უდიდესი პრობლემების წინაშე ვდგავართ, რადგან არ გვყავს ექსპერტები ამ მიმართულებით, არ გვყავს შესაბამისი კომპანიები აღნიშნული გამოცდილებით, რომელთაც შეუძლიათ ამ ტიპის სამუშაოების წარმოება.დავიწყებდით რაღაცის გაკეთებას და მერე გამოჩნდებოდა, რომ გვირაბის თაღში პრობლემები იყო. დავიქირავეთ უცხოელი ექსპერტები, ჩამოვიყვანეთ, მოხდა პროექტის თავიდან გადაკეთება, შესწავლა. ჩვენთვის ხომ მთავარი ის არის, რომ ყველაფერს, რასაც ვაკეთებთ, გავაკეთოთ უსაფრთხოდ, მით უმეტეს, გვახსოვს, თუ რა მოხდა ვარკეთილის მეტროში. ბევრი კომპანია თავს იკავებს - ეშინია, ერიდება შემოვიდეს და შესაბამისი სამუშაოები აწარმოოს, თუმცა დღეს უკვე ყველა კვლევა ჩატარებულია და საჭირო სამუშაოებისთვის დროებით დაკეტილიც იყო მეტროსადგური, მგზავრებს ვერ იღებდა, აგვისტოს ბოლოს გაიხსნა. ახალი წლისთვის სამუშაოები მთლიანად დასრულებული იქნება აღნიშნული მიმართულებით“, - განაცხადა კახა კალაძემ.bpn.ge
საზოგადოება • 1761913451
თბილისის მეტროს მომდევნო 5 წელში დაემატება 25 ახალი მატარებელი - კახა კალაძე
უკვე მესამედ მაქვს პატივი, ვატარებდე თბილისელების დიდი ნაწილის მიერ არჩეული მერის სტატუსს, რაც ნიშნავს იმას, რომ დედაქალაქის განვითარების ის პოლიტიკა, რასაც წლებია ვახორციელებთ, არის სწორი და უალტერნატივო - გპირდებით, თვალისჩინივით გავუფრთხილდებით თქვენ მიერ მიცემულ თითოეულ ხმას და მას კონკრეტულ საქმეებად ვაქცევთ,- ამის შესახებ თბილისის მერმა კახა კალაძემ ახლად არჩეული საკრებულოს სხდომაზე სიტყვით გამოსვლისას განაცხადა.კალაძემ საკრებულოს წევრებს დედაქალაქში მიმდინარე პროექტების განვითარების ტემპებთან და პროცესთან დაკავშირებით კონკრეტული ინფორმაცია გააცნო.„გამარჯვება, რომელიც ადგილობრივ თვითმმართველობის არჩევნებში მოვიპოვეთ, მხოლოდ ჩვენი გუნდის არ არის — ეს არის თქვენი გამარჯვება, თბილისელების გამარჯვება, ადამიანების, რომელთაც გჯერათ თბილისის შესაძლებლობების და მისი მომავლის. არ დავიღლები მადლიერების გამოხატვით გამოცხადებული ნდობისთვის, არ დაგზარდებით ვიყო თქვენს სამსახურში, რათა ყველა დაპირება, რაც საარჩევნო პროგრამის სახით გაგაცანით, ვაქციოთ რეალობად და წინ გადადგმულ ნაბიჯად ჩვენი დედაქალაქისთვის. შესაბამისად, დღეს თქვენ წინაშე მხოლოდ ერთი დაპირებით წარვდგები - გპირდებით, თვალისჩინივით გავუფრთხილდებით თქვენ მიერ მიცემულ თითოეულ ხმას და მას კონკრეტულ საქმეებად ვაქცევთ.რაც შეეხება საქმეს, არჩევნებიდან მეორე დღესვე ჩვენ მუშაობა დავიწყეთ ყველა მიმართულებით და უკვე გადავდგით კონკრეტული ნაბიჯები. როგორც იცით, გამოცხადებულია ტენდერი დიდი დიღმისა და დიდუბის დამაკავშირებელი ტრამვაის ხაზის მშენებლობისთვის აუცილებელი საპროექტო სახარჯთაღრიცხვო დოკუმენტაციის შედგენასა და სამშენებლო/სამონტაჟო სამუშაოების წარმოებაზე. იმედი მაქვს, დეკემბრის ბოლოს გვეყოლება გამარჯვებული კომპანია. ასევე, მთის კურორტების განვითარების კომპანიასთან ერთად, დაწყებულია მუშაობა ბეთანიის სათხილამურო კურორტის კონცეფციაზე. თბილისთან ახლოს მსგავსი მასშტაბის დასასვენებელი ინფრასტრუქტურის შექმნა უმნიშვნელოვანესია ჩვენი დედაქალაქისთვის. როგორც წინასაარჩევნოდ დავაანონსეთ, მომდევნო 5 წლის განმავლობაში, თბილისის მეტროს დაემატება 111 ახალი, თანამედროვე სტანდარტის ვაგონი, რაც გულისხმობს 25 მატარებელს, მათ შორის 14 ერთეული იქნება 4-ვაგონიანი და 11 ერთეული 5-ვაგონიანი. თბილისის მერიის, ცენტრალური ხელისუფლებისა და აზიის ინფრასტრუქტურის საინვესტიციო ბანკის (AIIB) მჭიდრო თანამშრომლობით, უკვე დასრულდა ტენდერი ახალი, თანამედროვე ვაგონების შესყიდვაზე და გამოვლენილია გამარჯვებული კომპანია შპს „ჯი-თი გრუპი“. დაწყებულია მეტროსადგურების- „მარჯანიშვილი“ და „ახმეტელის თეატრის“ მეორე ამოსასვლელების პროექტირება. სასიამოვნო სიახლეა საბაგირო გზების განვითარების პროექტიც. კერძოდ, როგორც უკვე დავაანონსეთ, მოეწყობა მეტროსადგურ „სარაჯიშვილისა“ და ზღვის უბნის, ასევე, მეტროსადგურ „ისნისა“ და ვაზისუბნის დამაკავშირებელი საბაგირო გზა“, - განაცხადა კალაძემ.bpn.ge
საზოგადოება • 1761911027
საქართველოს ბანკი საუკეთესო AI ბანკია ცენტრალურ და აღმოსავლეთ ევროპაში ბიზნესის მიმართულებით - Global Finance
Global Finance-ის პირველ დაჯილდოებაზე AI In Finance Awards, რომელიც ფინანსურ სექტორში ხელოვნური ინტელექტის როლს აღიარებს, საქართველოს ბანკმა ოთხ ნომინაციაში გაიმარჯვა, მათ შორის – ცენტრალურ და აღმოსავლეთ ევროპაში ბიზნესის მიმართულებით საუკეთესო AI ბანკის ტიტული მოიპოვა.დაჯილდოება მსოფლიოს მასშტაბით აღიარებს იმ ფინანსურ ინსტიტუტებს, რომლებიც ხელოვნურ ინტელექტს საბანკო საქმიანობის ტრანსფორმაციისა და მომხმარებელთა გამოცდილების გაუმჯობესების მიზნით წარმატებით იყენებენ.საქართველოს ბანკმა კიდევ სამ ნომინაციაში გაიმარჯვა, ესენია: საუკეთესო პრემიუმ საბანკო მომსახურება ბიზნესისთვის; საუკეთესო პრემიუმ საბანკო მომსახურება სამომხმარებლო მიმართულებით; ცენტრალურ და აღმოსავლეთ ევროპაში სამომხმარებლო მიმართულებით საუკეთესო AI ბანკი. “Global Finance სიამაყით აცხადებს AI In Finance-ის პირველი დაჯილდოების გამარჯვებულებს. ხელოვნური ინტელექტი ფინანსურ სფეროში ჯერ კიდევ საწყის ეტაპზეა, თუმცა მისი როლი გარდამტეხია და მომავალში ინდუსტრიას ძირეულად შეცვლის” – განაცხადა ჯოზეფ დ. ჯიარაპუტომ, Global Finance-ის დამფუძნებელმა და რედაქტორმა.„ეს აღიარება ადასტურებს, რომ საქართველოს ბანკი წარმატებით იყენებს ხელოვნურ ინტელექტს ბიზნესისა გამოცდილების გასაუმჯობესებლად. ჩვენთვის ეს ტექნოლოგია მხოლოდ ინსტრუმენტი არაა, არამედ გზა, რომლითაც თითოეულ მომხმარებელს უფრო სწრაფ და პერსონალიზებულ სერვისს ვთავაზობთ,“ – აცხადებენ საქართველოს ბანკში.აღსანიშნავია, რომ დაჯილდოების გამარჯვებულები შეირჩნენ CGI-ის ექსპერტთა ჟიურის მიერ, ხოლო საბოლოო გადაწყვეტილება Global Finance-ის რედაქციამ მიიღო. ამასთანავე, Global Finance-მა მსოფლიოს საუკეთესო ციფრული ბანკების 26-ე დაჯილდოებაზე საქართველოს ბანკი მსოფლიოში საუკეთესო ციფრულ ბანკად, ჯამში კი 6 ნომინაციაში გამარჯვებულად დაასახელა.
ბიზნესი • 1761907705
საქართველოს მთავრობა უკრაინას გენერატორებს უგზავნის
საქართველოს მთავრობა უკრაინას გენერატორებს გაუგზავნის. ამის შესახებ ინფორმაციას საქართველოს მთავრობის ადმინისტრაცია ავრცელებს.ადმინისტრაციის ცნობით, განკარგულება, რომელსაც ხელს პრემიერ-მინისტრი ირაკლი კობახიძე აწერს, მთავრობამ დღევანდელ სხდომაზე დაამტკიცა.„განკარგულების თანახმად, 1 500 000 ლარის ღირებულების სხვადასხვა ტიპის გენერატორებს უკრაინისთვის გადასაცემად საქართველოს ენერგეტიკის განვითარების ფონდი შეისყიდის“, – აღნიშნულია ინფორმაციაში.
საზოგადოება • 1761898860
„დაახლოებით, 4000 ლარია საჭირო, როგორც წესი 10-გრამიანს ყიდულობენ“ - რა ღირს საქორწინო ბეჭედი ოქროს ბირჟაზე?
საქართველოს სტატისტიკის ეროვნული სამსახურის მონაცემებით, სექტემბერში გასულ წელთან შედარებით, საქართველოში საქორწინო ბეჭედი 35%-ით გაძვირდა.როგორც თბილისის „ოქროს ბირჟაზე“ „ბიზნესპრესნიუსს“ განუცხადეს, ამ ეტაპზე, სტანდარტული გრამაჟობის საქორწინო რგოლის შესაძენად, დაახლოებით, 4 000 ლარია საჭირო.„დაახლოებით 1 წლის წინ, 270 ლარი ღირდა გრამი ე.წ. ბაჯაღლო ოქრო. 250-240 ლარიც იყო ცოტა ხანი, აიწევდა, მერე ისევ დაიწევდა, მაგრამ ეხლა ძალიან შეიცვალა სიტუაცია. ამ ეტაპზე, 370 ლარი ღირს გრამი ე.წ. ბაჯაღლო და დაახლოებით 1 კვირის წინ, 400 ლარიც იყო“, - აცხადებენ ოქროს ბირჟაზე.როგორც დასაქმებულები ამბობენ, ფასის ზრდა, გავლენას არ ახდენს მოთხოვნაზე. საქორწინო ბეჭედი წლის შესაბამის სეზონებზე მუდმივად მოთხოვნად ნივთად რჩება.„გაზაფხულზე მცირდება ხოლმე შედარებით მოთხოვნა, მაგრამ ახლა შემოდგომაა, ქორწილების პერიოდია, აქედან გამომდინარე, ფასის მიუხედავად, მოთხოვნა მაინც საკმაოდ მაღალია.სტანდარტულად, ყიდულობენ 10-გრამიან საქორწინო ბეჭედს და ამის შესაძენად, დაახლოებით 4000 ლარა საჭირო, რაც 1500 დოლარის ექვივალენტია“, - აცხადებენ ოქროს ბირჟაზე.
ეკონომიკა • 1761895291
მსოფლიო
სხვადასხვა
1761728092
Forbes-ის რეიტინგით, მოჰამედ ალაბარი, რომელიც საქართველოში $6.5 მილიარდიან ინვესტიციას ახორციელებს მსოფლიოს უმდიდრეს არაბთა შორისააForbes-ის რეიტინგში, Emaar ჯგუფის და Eagle Hills-ის დამფუძნებელი მოჰამედ ალაბარი, რომელიც საქართველოში $6.5 მილიარდიან ინვესტიციას ახორციელებს მსოფლიოს უმდიდრეს არაბ ადამიანებს შორისაა.სწორედ მოჰამედ ალაბარის მიერ დაფუძნებულმა კომპანიამ Emaar Properties-მ, მსოფლიოში ყველაზე მაღალი შენობა ბურჯ ხალიფა ააშენა. მან კომპანია 1997 წელს დააფუძნა, ხოლო 2000 წელს დუბაის საფონდო ბირჟაზე მისი აქციების საჯარო განთავსება განახორციელა. მიუხედავად იმისა, რომ მან 2020 წელს თავმჯდომარის პოსტი დატოვა, მისი მთავარი სიმდიდრის წყარო რჩება Americana Restaurants-ში მისი 33%-იანი წილი, რომელიც ახლო აღმოსავლეთში ცნობილი სწრაფი კვების ფრენჩაიზების მფლობელია.ალაბარის ბიზნეს ინტერესები აქ არ სრულდება. 2014 წელს მან აბუ-დაბიში დააარსა კომპანია Eagle Hills, რომელიც უკვე სამ კონტინენტზე, ათ ქვეყანაში ახორციელებს მაღალი კლასის საცხოვრებელი კომპლექსების, სასტუმროებისა და სავაჭრო ობიექტების მშენებლობას.გარდა ამისა, ბიზნესმენი ფლობს მნიშვნელოვან წილებს ელექტრონულ ვაჭრობის პლატფორმა Noon.com-ში და დუბაიში დაფუძნებულ ციფრულ ბანკში Zand Bank-ში.ალაბარის საქმიანობა მრავალფეროვან ინდუსტრიებს აერთიანებს, რაც მას გლობალურ ბიზნეს არენაზე დივერსიფიცირებულ და გავლენიან ინვესტორად აქცევს.ცნობისთვის, 2025 წლის Forbes-ის მსოფლიო მილიარდერების რეიტინგის მიხედვით, მსოფლიოს მასშტაბით მილიარდერების რაოდენობამ პირველად გადააჭარბა 3,000-ს სიაში მოხვდა 3,028 ადამიანი, რაც 247-ით მეტია 2024 წელთან შედარებით. გაიზარდა არა მხოლოდ მილიარდერების რაოდენობა, არამედ მათი საერთო ქონებაც, რომელიც ისტორიულ მაქსიმუმს მიაღწია — ჯამში 16.1 ტრილიონი დოლარი, რაც თითქმის 2 ტრილიონით მეტია 2024 წელს დაფიქსირებულ მაჩვენებელზე.მილიარდელების რაოდენობის მიხედვით აშშ ლიდერობს 902 მილიარდერი, შემდეგ მოდის ჩინეთი (516, ჰონგ-კონგის ჩათვლით) და ინდოეთი (205). რეიტინგის შედგენისას Forbes-მა იხელმძღვანელა 2025 წლის 7 მარტის საფონდო ფასებითა და ვალუტის კურსებით.MENA რეგიონის რვა ქვეყანაში საერთო ჯამში ცხოვრობს 38 არაბი მილიარდერი, რომელთა ქონება შეადგენს 128.4 მილიარდ აშშ დოლარს. ეს მნიშვნელოვნად აღემატება 2024 წლის მაჩვენებელს, როცა სიაში მხოლოდ 20 არაბი მილიარდერი იყო საერთო 53.7 მილიარდი დოლარით.საუდის არაბეთმა შვიდწლიანი პაუზის შემდეგ წელს Forbes-ის გლობალურ მილიარდერთა სიაში დაბრუნება შეძლო | სიაში მოხვდა 15 საუდელი მილიარდერი, რომელთაგან 14 ახალია. მათი სიმდიდრე ძირითადად იმ კომპანიებში წილზე მოდის, რომლებიც საუდის ბირჟაზეა ჩამოთვლილი. IPO-ების ზრდამ COVID-ის შემდეგ მნიშვნელოვნად გაზარდა მათი ქონება.პრინცი ალვალიდ ბინ ტალალ ალ საუდი მსოფლიოში ყველაზე მდიდარი არაბია.ეს ინფორმაცია წარმოადგენს Forbes-ის 39-ე ყოველწლიური მსოფლიო მილიარდერთა ნაწილს, სადაც არაბთა სია მოიცავს არაბული წარმოშობის მილიარდერებს, რომლებიც ცხოვრობენ არაბულენოვან ახლო აღმოსავლეთსა და ჩრდილოეთ აფრიკის ქვეყნებში.
1761469020
ჩეხეთში ოჯახებს, რომლებიც საკუთარ მოხუცს სახლში მოუვლიან, სახელმწიფო ხელფასს გადაუხდისმსოფლიოს ქვეყნების უმეტესობა მოსახლეობის დაბერების პრობლემას აწყდება - ხანდაზმული ადამიანების წილი მუდმივად იზრდება. მათგან ბევრს კვალიფიციური მოვლა სჭირდებათ, რის გამოც მოხუცები მოხუცთა თავშესაფრებში ხვდებიან. იმის გამო, რომ მსოფლიოში ხანდაზმულთა რაოდენობა იზრდება, ასეთ დაწესებულებებს სამედიცინო პერსონალი აღარ ჰყოფნით.როგორც „ევროპულსი“ წერს, ჩეხეთმა ამ პრობლემის გადაჭრის საკუთარი გზა იპოვა - ამიერიდან, თუ ხანდაზმულ ახლობელზე ოჯახის წევრი იზრუნებს, არ მოხვდება ეს ადამიანი მოხუცთა სახლში, სახელმწიფო მას ფიქსირებულ ხელფასს გადაუხდის. მსგავსი კომპენსაციები უკვე ენიჭებათ ნაშვილები ბავშვების მშობლებსაც.გარდა ამისა, შეიქმნება ამბულატორიული მოვლის სამსახური, რომელიც ავადმყოფ მოხუცებთან სახლში მივა.იმის გამო, რომ ზრუნვის საჭიროების მქონე ადამიანთა რიცხვი იზრდება, ჩეხეთის ხარჯები ამ მიმართულებით ბოლო ათწლეულში ორჯერ და მეტად არის გაზრდილი.
1761378600
მუზეუმების 8 ყველაზე ძვირადღირებული და გახმაურებული ძარცვარამდენიმე დღის წინ, პარიზის ლუვრი გაქურდეს. სამმა ადამიანმა რვა ძვირფასი ნივთის მოპარვას 7 წუთი მოანდომა. ზარალის ზუსტი ღირებულება უცნობია, თუმცა, როგორც ოფიციალურმა პირებმა განაცხადეს, ნივთები „შეუფასებელია“. მოპარულ ნივთებს შორისაა: იმპერატრიცა ეუხენიას დიადემა, დეკორატიული ბაფთა და ბროში, ნაპოლეონის ზურმუხტისფერი საქორწინო საჩუქრების ნაკრების ნაწილები, ასევე საფირონის დიადემა, ყელსაბამი და საყურე.ქურდობა ლუვრში თანამედროვეობის ერთ-ერთი ყველაზე გახმაურებული დანაშაულია, თუმცა ისტორიას ახსოვს მრავალი მსგავსი ფაქტიც, რომელთა ნაწილიც არც ისე შორეულ წარსულში მომხდარა.გთავაზობთ რამდენიმე მათგანს: ბრილიანტების ქურდობა „მწვანე საცავიდან“ 2019 წელს, დრეზდენის სასახლის „მწვანე საცავიდან“ დაახლოებით 1 მილიარდი ევროს ღირებულების ხელოვნების ნიმუშები და სამკაულები მოიპარეს. სხვა ნივთებთან ერთად, ქურდებმა ბრილიანტების კომპლექტები წაიღეს. სამკაულების უმეტესობა 2022 წელს იპოვეს, თუმცა ნაწილი უკვალოდ დაიკარგა. დამნაშავეები 2023 წელს გაასამართლეს. ბროში დოჟების სასახლიდან დოჟების სასახლის მუზეუმის დაცვამ ვერ შეძლო რამდენიმე მილიონი ევროს ღირებულების საყურეებისა და ბროშის ქურდობის თავიდან აცილება. ქურდებმა სიგნალიზაციის დროებით გამორთვა და ქურდობის ჩადენა სულ რაღაც 60 წამში მოახერხეს. დანაშაული გამოიძიეს, თუმცა ხელოვნების ზოგიერთი ნიმუში ვერ იპოვეს. „ინდოეთის ვარსკვლავი“ მე-17 საუკუნეში ცეილონში აღმოჩენილი 563.35-კარატიანი საფირონი „ინდოეთის ვარსკვლავი“ ამჟამად ნიუ-იორკში, ამერიკის ბუნების ისტორიის მუზეუმში ინახება. თუმცა, 1964 წელს, ფასდაუდებელი ქვა და სხვა ექსპონატები საგამოფენო დარბაზიდან მოიპარეს. ქურდები შენობაში ღია ფანჯრიდან სახანძრო კიბეებით შევიდნენ. მათ ვიტრინები შუშის საჭრელით გახსნეს და ქვები ჩანთაში ჩაყარეს. ქურდები ორი დღის შემდეგ დააკავეს, მოპარული სამკაულების უმეტესი ნაწილი კი მაიამის ავტობუსების ტერმინალის კარადებში იპოვეს. ჰერცოგინია ჰილდას დიადემა 2017 წელს, გერმანიის ქალაქ კარლსრუეს ეროვნული მუზეუმიდან 367 ბრილიანტით მორთული და 1.31 მილიონ დოლარად შეფასებული დიადემა მოიპარეს. ის მუზეუმის სატახტო ოთახში ჩაკეტილი ვიტრინიდან გაქრა. ნივთი, რომელიც ბადენის უკანასკნელ დიდ ჰერცოგინიას, პრინცესა ჰილდა ფონ ბადენს ეკუთვნოდა, მე-20 საუკუნის დასაწყისით თარიღდება. დიადემა არასოდეს უპოვიათ. ათასწლეულების სამკაულები eBay-ზე 2023 წელს ბრიტანეთის მუზეუმმა განაცხადა, რომ უსაფრთხოების დარღვევის გამო საწყობიდან ფასდაუდებელი არტეფაქტები მოიპარეს. მოპარულ ნივთებს შორის იყო ძვ. წ. XV საუკუნიდან ახ. წ. XIX საუკუნემდე მინისა და ძვირფასი ქვების ოქროს სამკაულები.მედიის ცნობით, ქურდი იყო პიტერ ჯონ ჰიგსი, ბრიტანეთის მუზეუმის 30-წლიანი ვეტერანი, რომელიც სიძველეთა დეპარტამენტის ხელმძღვანელის თანამდებობიდან გაათავისუფლეს. მოპარული ნივთების ნაწილი შემდგომში eBay-ზე ძალიან დაბალ ფასებში განთავსდა. მაგალითად, მოჩუქურთმებული ორნამენტის ფრაგმენტი 40 ფუნტ სტერლინგად (50 დოლარი) გაიყიდა, თუმცა მისი რეალური ღირებულება 50 000 ფუნტ სტერლინგამდე (65 000 დოლარი) მერყეობდა. მოპარული ნივთების საერთო ღირებულება მილიონობით ფუნტს შეადგენს, რომელთაგან ზოგიერთი არასდროს უპოვიათ. ფარაონის სამაჯური\ მიმდინარე წლის სექტემბერში, კაიროში, ეგვიპტის ეროვნული მუზეუმის რესტავრაციის განყოფილებიდან გაუჩინარდა ოქროს სამაჯური, რომელიც ფარაონ ამენემოპეტს ეკუთვნოდა. ნივთი დაახლოებით 3000 წლისაა. მოგვიანებით გაირკვა, რომ ქურდობაში კულტურული დაწესებულების ერთ-ერთი თანამშრომელი მონაწილეობდა, რომელმაც ნივთი 9 სექტემბერს მოიპარა. მან 600-გრამიანი სამაჯური საიუველირო მაღაზიის მფლობელს 180 000 ფუნტ სტერლინგად მიჰყიდა, ამ უკანასკნელმა კი ნივთი გადაადნო. ბრინჯაოს ხანის სამკაულები უელსიდან ქურდობის ერთ-ერთი უახლესი ფაქტი ოქტომბრის დასაწყისში უელსის შტატის ქალაქ კარდიფში, წმინდა ფაგანსის ეროვნულ ისტორიულ მუზეუმში მოხდა. ორმა ქურდმა ბრინჯაოს ხანით დათარიღებული ოქროს ნივთები მოიპარა. ქურდები დააკავეს. ვიკინგების ეპოქის 400 ნივთი 2017 წელს, ნორვეგიის ქალაქ ბერგენში, უნივერსიტეტის მუზეუმიდან ვიკინგების ეპოქის 400 არტეფაქტი გაქრა. მუზეუმის დირექტორმა ინციდენტს „მისი 200-წლიანი ისტორიის ყველაზე საშინელი მოვლენა“ უწოდა. მოპარული ნივთების უმეტესობა პატარა ლითონის ნივთები და სამკაულები იყო. ქურდები მუზეუმის მეშვიდე სართულზე მდებარე შენობაში ფასადზე არსებული ხარაჩოების გამოყენებით შევიდნენ. დანაშაული დღემდე გაუხსნელია.
1761374880
როგორ ვიმოგზაუროთ ბიუჯეტურად: 4 მთავარი რჩევაქართველი ტურისტების უმრავლესობისთვის ახალი ადგილების მონახულების სურვილი ხშირად ფინანსურ დაბრკოლებებს უკავშირდება. სოციალურ მედიაში გავრცელებული ფოტოები ოცნებისკენ გვიბიძგებს, თუმცა ფართოდ გავრცელებული შეხედულება, რომ უცხოეთში მოგზაურობა აუცილებლად დიდ დანახარჯს ნიშნავს, ამ სურვილს ხშირად განუხორციელებელს ტოვებს.რეალურად, მოგზაურობა გაცილებით უფრო ხელმისაწვდომი ხდება, როდესაც მას სტრატეგიულად ვუდგებით. ამ პროცესში მთავარია ფრენების ნახვა ონლაინდა შესაბამისი მეთოდოლოგიის გამოყენება. წინამდებარე სტატია გაგაცნობთ პრაქტიკულ გზებს, რომლებიც იაფი ავიაბილეთების მოძიებაში დაგეხმარებათ და თქვენს სამოგზაურო გეგმებს რეალობად აქცევს.რჩევა #1: გამოიჩინეთ მოქნილობა დანიშნულების ადგილის არჩევისასბიუჯეტური მოგზაურობის ფუნდამენტური პრინციპი ხედვის შეცვლაა. იმის მაგივრად, რომ ბილეთი ეძებოთ კონკრეტულ, წინასწარ შერჩეულ ქალაქში (ვთქვათ, ბარსელონაში), გაცილებით უკეთესია გაარკვიოთ, თუ სად შეგიძლიათ გაფრენა ყველაზე დაბალ ფასად. ხშირ შემთხვევაში, ჩვენი ჩაფიქრებული მიმართულებები იმ მომენტში არსებულ საუკეთესო შეთავაზებებს არ ემთხვევა.გამოიყენეთ შებრუნებული მიდგომა: დაადგინეთ თქვენი ბიუჯეტის ზღვარი და ნახეთ, რომელი მიმართულებები ჯდება ამ ფინანსურ ჩარჩოში. შესაძლოა, ბარსელონაში გამგზავრება გსურდათ, მაგრამ აღმოაჩენთ, რომ საოცრად იაფად შეგიძლიათ ესტუმროთ კრაკოვს, ვილნიუსს ან ათენს, რომლებიც არანაკლებ საინტერესოა. ასეთი მიდგომა არა მხოლოდ ფინანსებს დაგიზოგავთ, არამედ მოულოდნელი და საინტერესო აღმოჩენების შესაძლებლობას მოგცემთ.რჩევა #2: იყავით მოქნილები თარიღებთან მიმართებაშიავიაბილეთების ფასი მუდმივად ცვალებადია. გამგზავრების თარიღის თუნდაც ერთი ან ორი დღით გადაწევას შეუძლია ღირებულება მნიშვნელოვნად დააკლოს. როგორც წესი, ფრენა სამუშაო დღეებში (სამშაბათი, ოთხშაბათი, ხუთშაბათი) უფრო იაფია, ვიდრე დასვენების დღეებში (პარასკევი, შაბათი, კვირა) ან სადღესასწაულო პერიოდებში.თუ გაქვთ იმის შესაძლებლობა, რომ თარიღებში არ იყოთ შეზღუდული, გამოიყენეთ ფასების კალენდარი. ეს ფუნქცია საშუალებას მოგცემთ, ერთიანად ნახოთ მთელი თვის ფასები და ადვილად შეარჩიოთ ყველაზე ხელმისაწვდომი პერიოდი. დამატებით, გახსოვდეთ, რომ ხანდახან არაკომფორტული დროის რეისები (მაგალითად, გვიან ღამით ან განთიადისას) ასევე უფრო იაფი ჯდება.რჩევა #3: ყურადღება გაამახვილეთ დაბალბიუჯეტიან ავიაკომპანიებზესაქართველოდან, მით უმეტეს ქუთაისის აეროპორტიდან, რეისებს ასრულებს რამდენიმე დაბალტარიფიანი (Low-Cost) ავიაკომპანია (Wizz Air, Ryanair, Pegasus და ა.შ.). ისინი ეკონომიური მოგზაურობის მთავარი დამხმარეები არიან. როდესაც საკითხი ეხება ხელმისაწვდომ ფრენები-ს, სწორედ ეს კომპანიები გვთავაზობენ საუკეთესო შეთავაზებებს.მათი ბიზნეს მოდელი მარტივია: თქვენ იხდით მხოლოდ გადაფრენის საფასურს, ხოლო ყველა დამატებითი სერვისი, როგორიც არის რეგისტრირებული ბარგი ან ადგილის მითითება, ფასიანია. შესაბამისად, როდესაც ქუთაისიდან ფრენების ნახვა ონლაინ პროცედურას გადიხართ, უპირველესად სწორედ მათი შეთავაზებები უნდა განიხილოთ.რჩევა #4: იმგზავრეთ მსუბუქადეს რეკომენდაცია პირდაპირ კავშირშია წინასთან. დაბალტარიფიანი ავიაკომპანიები ჩასაბარებელ ბარგზე საკმაოდ მაღალ ფასს აწესებენ. თანხის დაზოგვის საუკეთესო გზაა, მიეჩვიოთ მხოლოდ ერთი ზურგჩანთით მგზავრობას, რომლის პარამეტრებიც ავიაკომპანიის უფასო ხელბარგის ნორმას შეესაბამება. დასაწყისში ეს შესაძლოა რთულად მოგეჩვენოთ, თუმცა სწორად ჩალაგების შემთხვევაში, მცირე ჩანთაშიც თავისუფლად ეტევა რამდენიმე დღის სამყოფი ნივთები. ეს არა მხოლოდ ფინანსებს დაგიზოგავთ, არამედ მგზავრობასაც გაგიმარტივებთ – ზედმეტი ბარგის ტარება აღარ მოგიწევთ.როგორ გავხადოთ ეს პროცესი მარტივი?ყველა ამ რეკომენდაციის ხელით შესრულება და სხვადასხვა საიტზე ფასების მუდმივი შედარება საკმაოდ დამღლელი და დროში გაწელილი პროცესია. საბედნიეროდ, არსებობს ინსტრუმენტი, რომელიც ამ ყველაფერს თქვენს მაგივრად, რამდენიმე წამში აკეთებს.ქართული პლატფორმა Frenebi ზუსტად ეკონომიური მოგზაურების მოთხოვნებზეა მორგებული და ყველა ზემოხსენებულ პრინციპს ერთ პლატფორმაზე აერთიანებს.პლატფორმის ძირითადი ღირსება "ნებისმიერი მიმართულების" ფუნქციაა: თქვენ ირჩევთ გამგზავრების ქალაქს (მაგალითად, ქუთაისს), თქვენს ბიუჯეტს და პლატფორმა წამიერად გამოგიტანთ ყველა შესაძლო მიმართულებას, რომელიც თქვენს ფინანსურ ჩარჩოში ჯდება (რჩევა #1). ამავდროულად, თუ კონკრეტული დანიშნულების ადგილი გაინტერესებთ, ფასების კალენდარი გაძლევთ შესაძლებლობას, ნახოთ ფასები თვეების ჭრილში და იოლად იპოვოთ ყველაზე იაფი დღეები (რჩევა #2). სისტემა ფოკუსირებულია სწორედ იმ დაბალტარიფიან ავიაკომპანიებზე, რომლებიც ქართველ მომხმარებლებს ყველაზე ხელსაყრელ ფასებს სთავაზობენ (რჩევა #3).მაგალითად, წარმოიდგინეთ, რომ გაქვთ 200-250 ლარი. იმის მაგივრად, რომ ხელით დაიწყოთ ბილეთების ძებნა, თქვენ უბრალოდ შეგყავთ ეს მონაცემები პლატფორმაზე. შედეგად იღებთ ჩამონათვალს: შესაძლოა, ეს იყოს რომი, ვენა ან პრაღა... ყველა მათგანი თქვენს ბიუჯეტს შეესაბამება. როდესაც აღმოაჩენთ, რომ ორმხრივი ბილეთის ფასი სულ რაღაც 180 ლარია, გამგზავრების იდეა ოცნებიდან რეალობად იქცევა.ბიუჯეტური მგზავრობა სავსებით რეალურია. უმთავრესია, შეცვალოთ ძებნის მიდგომა და გამოიყენოთ სწორი ინსტრუმენტები. იყავით მოქნილები და მიეცით უფლება თქვენს ბიუჯეტს, თვითონ შემოგთავაზოთ შემდეგი თავგადასავალი. პლატფორმები, როგორიცაა Frenebi.com, ამ პროცესს მნიშვნელოვნად ამარტივებს და ამტკიცებს, რომ სამყაროს სანახავად სულაც არ არის საჭირო ათასობით ლარის დახარჯვა.
1761195114
როგორი ამინდია მოსალოდნელი 23 ოქტომბერს საქართველოში23 ოქტომბერს, ქუთაისში მცირე წვიმა და მზეა ნავარაუდევი, დღისით +24 და ღამით +13 გრადუსია მოსალოდნელი.ასევე მცირე წვიმას ელოდებიან ოზურგეთში, დღისით +23 გრადუსი დაფიქსირდება, ღამით კი +12. ბათუმში უნალექო დღე იქნება, დღისით ჰაერი +24 გრადუსამდე გათბება, ხოლო ღამით +15 გრადუსი დაფიქსირდება.მცირე ნალექი და მზე არის მოსალოდნელი ფოთში. დღისით +24 გრადუსი დაფიქსირდება, ღამით კი +16 გრადუსია მოსალოდნელი. იწვიმებს ზუგდიდში, დღისით ტემპერატურა +22, ღამით კი +12 გრადუსია ნავარაუდევი.წვიმიანი დღეა სოხუმშიც. +22 გრადუსია მოსალოდნელი დღისით, ღამით +14 გრადუსი დაფიქსირდება.მესტიაშიც წვიმაა ნავარაუდევი, დღისით +10 გრადუსი იქნება, ღამით კი -1 გრადუსი დაფიქსირდება. ამბროლაურში მცირე წვიმა იქნება და მზეც გამოანათებს. ჰაერი +20 გრადუსამდე გათბება, ღამით კი +8 გრადუსი დაფიქსირდება.უნალექო ამინდია ჭიათურაში, დღისით +20 გრადუსი, ღამით კი +8 გრადუსი დაფიქსირდება. ახალციხეში წვიმიან დღეს ვარაუდობენ, იქნება მცირე ქარიც. დღისით ჰაერი +20 გრადუსამდე გათბება, ღამით კი ტემპერატურა +4 გრადუსი იქნება.ბორჯომში წვიმიანი დღეა, +19 იქნება დღისით, ღამით კი +6 გრადუსი დაფიქსირდება. მცირე ნაქექი და მზეა მოსალოდნელი ბაკურიანში, დღისით +14 გრადუსია მოსალოდნელი, ღამით +2 გრადუსი დაფიქსირდება.ასეთივე ამინდს ელოდებიან გორში, დღისით +22 გრადუსი, ღამის განმავლობაში კი +6 გრადუსი დაფიქსირდება. წვიმა იქნება ცხინვალში, ჰაერის ტემპერატურა +21 გრადუსი იქნება, ღამით კი +5 გრადუსი დაფიქსირდება.გუდაურში მცირე წვიმა და მზე იქნება, დღის განმავლობაში +10 გრადუსი დაფიქსირდება, ღამით კი ჰაერის ტემპერატურა +1 გრადუსი იქნება. ომალოშიც წვიმიანი ამინდი იქნება, დღისით +12, ღამით კი +2 გრადუსი დაფიქსირდება.ლაგოდეხში უნალექო დღეს ელოდებიან. ჰაერის ტემპერატურა დღის განმავლობაში +23 გრადუსი იქნება, ღამით კი +11 გრადუსი დაფიქსირდება. მზიანი დღე იქნება თელავშიც, +20 გრადუსი დაფიქსირდება, ღამით კი +10 გრადუსია ნავარაუდევი.უნალექო ამინდს ვარაუდობენ გურჯაანშიც. დღისით +22 გრადუსი, ღამით კი +11 გრადუსი დაფიქსირდება. სიღნაღში მზიან ამინდს ელოდებიან, დღისით +18 გრადუსია მოსალოდნელი, ღამით +10 გრადუსი დაფიქსირდება.უნალექო დღეა რუსთავში, დღისით +24 გრადუსია მოსალოდნელი, ღამით კი +10 გრადუსი დაფიქსირდება.თბილისში ხანმოკლე წვიმას ვარაუდობენ. ჰაერის ტემპერატურა დღისით +23 გრადუსს მიაღწევს, ღამით კი +10 გრადუსი იქნება.
