თუ საერთაშორისო განათლების მიღებაზე ფიქრობ, აშშ და დიდი ბრიტანეთი გამორჩეული უნივერსიტეტებითა და სწავლების ხარისხით, ალბათ, შენი სიის სათავეშია. საქართველოს ბანკი კი გაძლევს შესაძლებლობას, ფულბრაიტისა და ჩივნინგის სტიპენდიებით ამ ორი ქვეყნიდან ერთ-ერთში სრული დაფინანსებით ისწავლო. სანამ აპლიკაციის შევსებას დაიწყებ, უნდა იცოდე, რით განსხვავდება ეს ორი სტიპენდია ერთმანეთისგან, რომ არჩევნის გაკეთება გაგიმარტივდეს.პროგრამების ხანგრძლივობა ყველაზე თვალსაჩინო სხვაობა დროსა და ადგილშია. ფულბრაიტი გაძლევს შესაძლებლობას, 2-წლიანი სამაგისტრო პროგრამა აშშ-ში გაიარო. ჩივნინგი კი დიდ ბრიტანეთში 1-წლიან, საკმაოდ ინტენსიურ და დინამიკურ სამაგისტრო კურსს გთავაზობს. შესაბამისად, უნდა გადაწყვიტო, გირჩევნია აკადემიურ პროცესს ორი წელი დაუთმო, თუ ბრიტანული მოდელით ერთ წელში დაასრულო სწავლა.ვინ შეიძლება გახდეს სტიპენდიატი?ორივე პროგრამა ითხოვს ბაკალავრის დიპლომს და არც ერთს არ აქვს ასაკობრივი შეზღუდვა, თუმცა სამუშაო გამოცდილების კუთხით მიდგომები განსხვავებულია. ჩივნინგის აპლიკაციის შესავსებად აუცილებელია, უკვე გქონდეს 2800-საათიანი (დაახლოებით 2 წელი) სამუშაო გამოცდილება, სტაჟირებასა ან მოხალისეობაც გამოცდილებაში გეთვლება. ფულბრაიტს კი მსგავსი მკაცრი მოთხოვნა არ აქვს და კონკურსში მონაწილეობა უნივერსიტეტის ცნობის საფუძველზე მაშინაც შეგიძლია, თუ მე-4 კურსზე ხარ. რას ფარავს სტიპენდია?ფინანსური უზრუნველყოფის კუთხით არჩევნის გაკეთება არ მოგიწევს, ორივე პროგრამა მაქსიმალურ კომფორტს გთავაზობს და შენგან მხოლოდ განვითარებასა და სწავლაზე ფოკუსირებას ითხოვს. საქართველოს ბანკის სტიპენდიატებისთვის როგორც ფულბრაიტის, ისე ჩივნინგის შემთხვევაში, სრულად ფინანსდება ყველა ძირითადი ტიპის ხარჯი. დაფინანსება ითვალისწინებს სწავლის საფასურს, ყოველთვიურ სტიპენდიას საცხოვრებელი ხარჯებისთვის, ვიზის, მგზავრობის და ყველა სხვა თანმდევ, აუცილებელ ხარჯს.როგორ უნდა აირჩიო უნივერსიტეტი? ფულბრაიტის შემთხვევაში აპლიკაციაში სასურველ უნივერსიტეტებს უთითებ და ასაბუთებ შენს არჩევანს, თუმცა გამარჯვების შემდეგ პროცესს უკვე ფულბრაიტის გუნდი იბარებს. სწორედ ისინი ეკონტაქტებიან სასწავლებლებს და საჭიროების შესაბამისად ალტერნატიულ ვარიანტებსაც გთავაზობენ.ჩივნინგის კონკურსში მონაწილეობისას კი ჩარიცხვის პროცესს თავად მართავ: აპლიკაციაში 3 სასურველ კურსს უთითებ, სტიპენდიის მისაღებად კი აუცილებელია, რომ მინიმუმ 1 უნივერსიტეტიდან უპირობო შეთავაზება (Unconditional Offer) დამოუკიდებლად მიიღო.აპლიკაციის ფოკუსი და ესეებითუ ფულბრაიტის აპლიკაცია უფრო აკადემიურ მიზნებზეა ორიენტირებული, ჩივნინგი პრაქტიკულ უნარებს ეძებს. ფულბრაიტის შემთხვევაში მთავარია დაასაბუთო, კონკრეტულად რის სწავლას აპირებ და რა არის შენი აკადემიური მიზანი. ჩივნინგის ესეებში (მაქსიმუმ 500 სიტყვა) კი მკაფიოდ უნდა გამოავლინო შენი ლიდერული პოტენციალი, ნეთვორქინგის უნარები და უკვე არსებული კარიერული მიღწევები.ტესტები და დოკუმენტაციაორივე პროგრამის სააპლიკაციო მოთხოვნები საკმაოდ ვრცელია: გამოცდები: ფულბრაიტის ფინალისტებს ოქტომბერში სავალდებულო ტესტების ჩაბარება უწევთ (TOEFL ყველასთვის, პლუს GRE ან GMAT მიმართულების მიხედვით). ჩივნინგმა პროგრამის დონეზე ინგლისური ენის ტესტი გააუქმა, თუმცა ენის დამადასტურებელი სერტიფიკატი მაინც დაგჭირდება უშუალოდ უნივერსიტეტისგან მოწვევის მისაღებად. საბუთები: ჩივნინგისთვის მთავარია 3 კურსის ზუსტი შერჩევა. ფულბრაიტი კი ითხოვს 3 სარეკომენდაციო წერილს გაცვლითი პროგრამების ნიშნების ფურცლებს და ზოგიერთ სპეციალობაზე ინგლისურენოვან აკადემიურ ნაშრომს. რა შეცდომებს უნდა ავარიდოთ თავიიმისათვის, რომ შენი აპლიკაცია ტექნიკური ხარვეზების გამო არ დაიწუნონ, აუცილებლად გაითვალისწინე შემდეგი რჩევები:ჩივნინგის აპლიკაციის შევსებისას: ყურადღება მიაქციე, რომ ერთი და იგივე კურსი რამდენჯერმე არ მიუთითო, რადგან ამის გამო კონკურსიდან ავტომატურად მოიხსნები. მოერიდე ერთი და იმავე სამუშაო გამოცდილების დუბლირებასა და საათების ხელოვნურად გაორმაგებას. გახსოვდეს, რომ ესეების წერისას ხელოვნური ინტელექტის გამოყენება კატეგორიულად იკრძალება. ფულბრაიტის აპლიკაციის შევსებისას: ყურადღება მიაქციე პლაგიატს, განსაკუთრებით მაშინ, როცა აკადემიური ნაშრომის ნიმუშს ტვირთავ. გაგზავნამდე ორჯერ გადაამოწმე, რომ ყველა საჭირო დოკუმენტი სისტემაში ნამდვილად ატვირთულია. აპლიკაცია გაგზავნამდე აუცილებლად გადაიკითხე რამდენჯერმე, რათა სრულად აირიდო თავიდან გრამატიკული თუ მართლწერის შეცდომები. მიუხედავად განსხვავებებისა, ორივე პროგრამა ეძებს ადამიანებს, რომლებიც მიღებულ ცოდნასა და განვითარებას საკუთარი ქვეყნის უკეთესობისკენ შეცვლისთვის გამოიყენებენ. ამიტომ შერჩევის ეტაპზე აუცილებელია, გქონდეს მკაფიო ხედვა, რას გააკეთებ, როცა სამშობლოში დაბრუნდები.საერთაშორისო განათლების შესაძლებლობები უსაზღვროა. აუცილებლად სცადე ბედი, შეავსე აპლიკაცია და არასოდეს გაჩერდე განათლების გზაზე.➔ აღმოაჩინე საქართველოს ბანკის ყველა საერთაშორისო სტიპენდია 

დიდი ბრიტანეთის ჯანდაცვის ეროვნული სამსახური (NHS) ლონდონის 100-ზე მეტ საოპერაციოში ხელოვნურ ინტელექტს (AI) დანერგავს. The Telegraph-ის ცნობით, აღნიშნული ინიციატივა სამედიცინო სექტორში ტექნოლოგიის დანერგვის ყველაზე მასშტაბური საპილოტე პროექტი იქნება.ხელოვნური ინტელექტი სპეციალური კამერების მეშვეობით თვალყურს ადევნებს საოპერაციოებში მიმდინარე პროცესებს და ეხმარება პერსონალს შეფერხებების, დროში აცდენებისა და იმ ხარვეზების გამოვლენაში, რაც საავადმყოფოებს საოპერაციო ბლოკების სრული დატვირთვით გამოყენებაში ხელს უშლის.NHS-ის მონაცემებით, სისტემას შეუძლია პროცედურის ხანგრძლივობა 6 კვირით ადრე იწინასწარმეტყველოს, გამოავლინოს აუთვისებელი ან გადატვირთული განრიგი და შესთავაზოს ოპტიმალური ცვლილებები. გარდა ამისა, სისტემა პერსონალს აფრთხილებს, შეიყვანონ შემდეგი პაციენტი საოპერაციოს დასუფთავებისა და მომზადებისთანავე.დეველოპერების ინფორმაციით, ორ NHS-ის ტრასტში ჩატარებულმა წინასწარმა ტესტირებამ ჩატარებული ოპერაციების რაოდენობის 8.2%-იანი ზრდა აჩვენა, რაც თითო საოპერაციოზე თვეში საშუალოდ 7 დამატებით პროცედურას ნიშნავს. 13 საოპერაციოს მქონე ჰოსპიტლის მასშტაბით ეს წლიურად დაახლოებით 1,000 დამატებით ოპერაციას უთანაბრდება.„ჩვენ ტექნოლოგიური რევოლუციის ზღვარზე ვართ. უნდა გამოვიყენოთ ხელოვნური ინტელექტის შესაძლებლობები, რათა დავეხმაროთ NHS-ს პაციენტთა მოვლის პროცესების გარდაქმნაში, ხოლო ადგილობრივ საავადმყოფოებს - პროდუქტიულობის ამაღლებაში“, - განუცხადა The Telegraph-ს NHS England-ის თავმჯდომარემ, დოქტორმა პენი დაშმა.ტექნოლოგია ბრიტანულმა კომპანია Proximie-მ შეიმუშავა. პროექტის ფარგლებში cloud-ინფრასტრუქტურას Amazon Web Services (AWS) უზრუნველყოფს, ხოლო საკონსულტაციო გიგანტი Deloitte საავადმყოფოებს მიღებული მონაცემების ყოველდღიურ მართვაში ინტეგრირებაში დაეხმარება.პაციენტთა პერსონალური მონაცემების დასაცავად, სისტემა ვიზუალურ მასალას უშუალოდ საოპერაციოშივე გარდაქმნის: გამოსახულებაზე სახეები იბურება, რის შემდეგაც AI მხოლოდ ანონიმიზებულ მონაცემებს (აღჭურვილობა, პერსონალის მოძრაობა და ოპერაციის ეტაპები) ამუშავებს.დღეისათვის ინგლისში NHS-ის მოლოდინის სია 7 მილიონ პაციენტს აჭარბებს. ჯანდაცვის სექტორის ლიდერები ვარაუდობენ, რომ AI ტექნოლოგიების დანერგვით შესაძლებელი გახდება არსებული რესურსების მაქსიმალური ოპტიმიზაცია და პაციენტთა ნაკადის მომსახურება დამატებითი ფინანსური თუ ინფრასტრუქტურული დანახარჯების გარეშე.gbc.ge

Apple-მ ყოველწლიურ რეზენტაციაზე iphone 18 pro iphone 18 pro max წარადგინა.როგორც ცნობილი იყო, აღნიშნული მოდელები 4 ფერში - შავ, თეთრ, ცისფერ და ბურგუნდისფერ ფერებში იქნება ხელმისაწვდომი.როგორც პრეზენტაციის შემდეგ გაირკვა, ახალი სმარტფონების ოფიციალური გაყიდვები სექტემბრის შუა რიცხვებში 18 სექტემბრიდან დაიწყება.რაც შეეხება ღირებულებას, iphone 18 pro-ს ფასი 1 199 დოლარიდან; ხოლო iphone 18 pro max-ს 1 299 დოლარიდან დაიწყება.რაც შეეხება გაყიდვებს, ახალი აიფონების წინასწარი შეკვეთები მოქალაქეებს 12 სექტემბრიდან შეეძლებათ, ოფიციალური გაყიდვები კი 18 სექტემბრიდან დაიწყება.პრეზენტაციის მთავარი სიახლე დასაკეცი აიფონის iphone duo-ს წარდგენა იყო. 1-ლი დასაკეცი აიფონი ორ: შავ და თეთრ ფერებშია ხელმისაწვდომი.კომპანიის ცნობით, მისი ფასი 1999 დოლარიდან დაიწყება, ხოლო ოფიციალური გაყიდვები 23 ოქტომბრიდან არის დაანონსებული.

კვარაცხელიას ჩემპიონთა ლიგის სეზონის საუკეთესო ფეხბურთელის ჯილდო გადასცეს. ქართველმა ვარსკვლავმა საპატიო პრიზი ლუიშ ფიგუსგან ჩაიბარა.ჩემპიონთა ლიგის ძირითადი ეტაპის პირველ ტურში "პარი სენ-ჟერმენი" სლოვაკეთის ჩემპიონს, ბრატისლავის "სლოვანს" უპირისპირდება. საქართველოს ნაკრების კაპიტანი ძირითად შემადგენლობაში არ იქნება, ის თამაშს სათადარიგოთა სკამიდან დაიწყებს.

მუნიციპალური განვითარების ფონდმა გურჯაანის მუნიციპალიტეტის სოფელ ველისციხის რეაბილიტაციის დასასრულებლად ახალი ტენდერი გამოაცხადა. შესყიდვის სავარაუდო ღირებულება 28 582 736 ლარს შეადგენს. სატენდერო წინადადებების მიღება 16 ოქტომბერს დაიწყება და 20 ოქტომბერს დასრულდება.ტექნიკური დავალების მიხედვით, პროექტი ველისციხის ცენტრალურ ისტორიულ ნაწილში მდებარე საცხოვრებელი სახლებისა და ინფრასტრუქტურის სრულ რეაბილიტაციას ითვალისწინებს. კერძოდ, იგეგმება: ცენტრალური ქუჩისა და მის მიმდებარედ არსებული სახლების რეაბილიტაცია (ჯამში 55 ობიექტი); არსებული თეატრის ფასადებისა და პირველი სართულის რეკონსტრუქცია; თეატრის მოედნის, ავტოსადგურისა და ველისციხის 3.4 ჰექტარი პარკის კეთილმოწყობა. ამასთან, პროექტის ფარგლებში, დაგეგმილია ცენტრალური ქუჩებისა და საფეხმავლო ინფრასტრუქტურის რეაბილიტაცია, გზის საფარისა და მიწისქვეშა კომუნიკაციების მოწესრიგება, ტროტუარების განახლება, მიერთების კვანძების მოწყობა და თანამედროვე გარე განათების სისტემების განთავსება.სამუშაოების დასრულების ვადად ხელშეკრულების გაფორმებიდან 15 თვეა განსაზღვრული.პროექტს საქართველოს მთავრობა აზიის განვითარების ბანკის (ADB) ფინანსური მხარდაჭერით, პროგრამის - „საცხოვრებლად ვარგისი ქალაქების საინვესტიციო პროგრამა თანაბარი განვითარებისთვის“ ფარგლებში ახორციელებს.შეგახსენებთ, მუნიციპალური განვითარების ფონდმა ისტორიული სოფლის რეაბილიტაცია 2022 წელს დაიწყო, თუმცა კონტრაქტორი კომპანიების მიერ ნაკისრი ვალდებულებების შეუსრულებლობის გამო, 2026 წლის თებერვალში მათთან 30 მილიონი ლარის ღირებულების ხელშეკრულება შეწყდა. ამჟამად ობიექტზე ახალი შემსრულებლის შერჩევის პროცესი მიმდინარეობს.

აშშ-ის პრეზიდენტმა დონალდ ტრამპმა რუსეთის პრეზიდენტ ვლადიმერ პუტინს უკრაინაში ომის სწრაფად დასრულების შემთხვევაში ორ ქვეყანას შორის ეკონომიკური და სავაჭრო ურთიერთობების სრულად აღდგენა შესთავაზა,- ინფორმაციას ამის შესახებ CNBC ავრცელებს.ტრამპსა და პუტინს შორის სატელეფონო საუბარი დაახლოებით ერთი საათის განმავლობაში გაგრძელდა. მხარეებმა უკრაინაში სამშვიდობო მოლაპარაკებების განახლებისა და ომის დასრულების გზებზე ისაუბრეს.საუბრისას ლიდერებმა ასევე განიხილეს აშშ-ის სპეციალური წარმომადგენლის, სტივ უიტკოფისა და დონალდ ტრამპის სიძის, ჯარედ კუშნერის მოსკოვსა და კიევში ვიზიტების შედეგები.კრემლის წარმომადგენლის, იური უშაკოვის განცხადებით, ტრამპმა კიდევ ერთხელ დააფიქსირა უკრაინაში სამხედრო მოქმედებების უმოკლეს ვადაში დასრულების სურვილი. თავის მხრივ, პუტინმა ამერიკის პრეზიდენტს ფრონტზე არსებული ვითარების შესახებ რუსეთის შეფასებები და ინფორმაცია მიაწოდა.ტრამპის შეთავაზება აშშ-სა და რუსეთს შორის სავაჭრო და ეკონომიკური ურთიერთობების აღდგენას უკავშირდება და მისი განხორციელება უკრაინის ომის დროულ დასრულებაზეა დამოკიდებული.