საქართველოდან ხილისა და ბოსტნეულის წვენების ექსპორტი მზარდ ტრენდზეა. როგორც საქსტატის საიტზე განთავსებული ინფორმაციიდან ირკვევა, 2026 წლის იანვარ-მაისის პერიოდში საქართველომ საექსპორტო ბაზრებზე 14 212.8 ათასი დოლარის ღირებულების 9 011.5 ტონა ხილისა და ბოსტნეულის წვენები გაყიდა. რაც შეეხება 2025 წლის სტატისტიკას, 5 თვეში ექსპორტზე 11 687.1 ათასი დოლარის 6 880.5 ტონა ხილისა და ბოსტნეულის წვენები გავიდა. რაც ღირებულებით ნაწილში 21.61%-ით, ხოლო მოცულობის კუთხით 30.97%-ით არის გაზრდილი.საქართველოდან ნატურალური წვენების ექსპორტისთვის მთავარი საექსპორტო ბაზარი აშშ-ია.TOP 5 საექსპორტო ბაზარი, სადაც საქართველო ყველაზე მეტი ღირებულების ნატურალურ წვენებს ყიდის: აშშ - 3 236.2 ათასი დოლარი; ავსტრალია - 2 212.3 ათასი დოლარი; გერმანია - 2 113.2 ათასი დოლარი; რუსეთი - 1 853.0 ათასი დოლარი; იაპონია - 1 040.9 ათასი დოლარი;

ბინები ესპანეთსა და რუსეთში, საბანკო ანგარიშები უკრაინაში და ძვირადღირებული ფერწერული ტილოები, - ეს არის მცირე ჩამონათვალი საქართველოს პარლამენტის ყოფილი წევრის კობა ნაყოფიას ქონებრივი დეკლარაციიდან.ცნობისთვის, „ერთიანობა-ნაციონალური მოძრაობის“ წევრს კობა ნაყოფიას სადეპუტატო უფლებამოსილება 2025 წლის თებერვალში შეუწყდა.ბოლო ქონებრივი დეკლარაცია ყოფილ დეპუტატს 2026 წლის 22 აპრილს აქვს წარდგენილი.დოკუმენტის თანახმად, კობა ნაყოფია ფლობს ორ ბინას თბილისში, რომლებიც 2007 და 2013 წლებში აქვს შეძენილი, შესაბამისად, 150 ათას და 500 ათას დოლარად. ამავე მისამართზე მის სახელზეა რეგისტრირებული ასევე ორი ავტოფარეხი.გარდა დედაქალაქისა, კობა ნაყოფიას საკუთრებაშია ასევე საქართველოში, გალის რაიონში მდებარე საცხოვრებელი სახლი და მიწის ნაკვეთი, რომლებიც მემკვიდრეობით აქვს მიღებული.პარლამენტის ყოფილი წევრი უძრავ ქონებას ფლობს ასევე საზღვარგარეთაც. კერძოდ, მის საკუთრებაშია ბინა მოსკოვში, რომელიც მან 1995 წელს 56 000 დოლარად აქვს შეძენილი. ნაყოფიას ეკუთვნის ესპანეთში, კანარის კუნძულებზე მდებარე ბინის 50%-იანი წილიც. როგორც დოკუმენტშია აღნიშნული, უძრავი ქონება 1995 წელს 50 000 დოლარად არის შეძენილი და მისი თანამფლობელია - ელგა სოფია.რაც შეეხება არაუძრავ ქონებას, კობა ნაყოფია ფლობს ორ მსუბუქ ავტომობილს. ესენია: Toyota LC300, რომელიც 2021 წელს 289 713 ლარად აქვს შეძენილი და MERCEDES BENZ S45, რომელიც 2024 წელს 130 000 ევროდ იყიდა.პარლამენტის ყოფილი წევრი ასევე ფლობს ლადო გუდიაშვილის ორ ფერწერულ ტილოს, რომლებიც მან 2006 წელს, ჯამში, 50 000 დოლარად შეიძინა.რაც შეეხება მის ფინანსურ მდგომარეობას, ქონებრივი დეკლარაციის შევსების მომენტში ნაყოფიას საქართველოში საბანკო ანგარიშზე 12 198 ლარი, ხოლო უკრაინის ბანკში 2 253 უკრაინული გრივნა და 1 264 დოლარი ჰქონდა. ასევე დეკლარაციაში დაფიქსირებული აქვს, რომ დოკუმენტის შევსების მომენტში ჰქონდა 10 000 ლარის ოდენობის დანაზოგი ნაღდი ფულადი თანხის სახით.რაც შეეხება სამეწარმეო საქმიანობას, კობა ნაყოფია ფლობს 100%-იან წილებს: შპს Bioneli Limited LTD -ში და შპს „გოლდინვესტში“. თუმცა, არცერთი საწარმოს საქმიანობის შედეგად არ უფიქსირდება შემოსავალი. ასევე ქონებრივ დეკლარაციაში მითითებულია, რომ ორივე კომპანია წილი სხვა პირისთვის აქვს სამართავად გადაცემული.ღირებული ფერწერული ტილოები, - ეს არის მცირე ჩამონათვალი საქართველოს პარლამენტის ყოფილი წევრის კობა ნაყოფიას ქონებრივი დეკლარაციიდან.ცნობისთვის, „ერთიანობა-ნაციონალური მოძრაობის“ წევრს კობა ნაყოფიას სადეპუტატო უფლებამოსილება 2025 წლის თებერვალში შეუწყდა.ბოლო ქონებრივი დეკლარაცია ყოფილ დეპუტატს 2026 წლის 22 აპრილს აქვს წარდგენილი.BPN

ეროვნული ბანკის მიერ 24 ივნისით დადგენილი კურსით, დღეს 1 აშშ დოლარის ღირებულება 2.6473 ლარი, ხოლო ევროს კურსი 3.0026 ლარია.„ბიზნესპრესნიუსი“ გთავაზობთ თბილისის სხვადასხვა უბნებში მოქმედ სავალუტო ჯიხურებში ლარის გაცვლით კურსს ევროსა და დოლარის მიმართ.ვალუტის კურსი ჯიხურებში დღეს, 09:30 საათის მდგომარეობით:ამ მომენტისთვის, (09:30 საათისთვის) საბურთალოზე მდებარე სავალუტო ჯიხურებში ერთი დოლარის ყიდვას მოქალაქეები 2.6470 ლარად შეძლებენ, სავალუტო ჯიხურები კი - 2.6440 ლარად ყიდულობენ. ერთი ევროს შეძენა მოქალაქეებს 3.0150 ლარად, გაყიდვა კი 3.0000 ლარად შეუძლიათ.ჩუღურეთში დოლარის ყიდვას მოქალაქეები 2.6470 ლარად, ხოლო გაყიდვას 2.6430 ლარად შეძლებენ. რაც შეეხება ევროს, მისი ყიდვა მოქალაქეებს - 3.0120 ლარად, ხოლო გაყიდვა - 2.9900 ლარად შეუძლიათ.სადგურის მოედნის მიმდებარე ტერიტორიაზე ვალუტის გადამცვლელ პუნქტებში ერთი დოლარის ყიდვა მოქალაქეებს - 2.6480 ლარად, გაყიდვა კი - 2.6440 ლარად შეუძლიათ. რაც შეეხება ევროს, ერთ ევროს ყიდვას მოქალაქეები 3.0150 ლარად, გაყიდვას კი - 3.0000 ლარად შეძლებენ.თავისუფლების მოედნის მიმდებარე ტერიტორიაზე, სავალუტო ჯიხურებში 1 აშშ დოლარის ყიდვას მოქალაქეები 2.6500 ლარად, ხოლო გაყიდვას 2.6200 ლარად შეძლებენ, რაც შეეხება ევროს, მისი ყიდვა მოქალაქეებს 3.0200 ლარად, გაყიდვა კი 2.9700 ლარად შეუძლიათ.ცნობისთვის, ეროვნული ბანკი ახალ კურსს დღეს 17:00 საათზე გამოაქვეყნებს.BPN

დისტრიბუტორთა ბიზნეს ასოციაციის თავმჯდომარის, ლაშა რიჟამაძის შეფასებით, საკანონმდებლო ინიციატივა, რომელიც ღამის საათებში სადისტრიბუციო ტრანსპორტისთვის ავტობუსის ზოლების გახსნას ითვალისწინებს, ვერ უპასუხებს სექტორის წინაშე არსებულ გამოწვევებს, რადგან ის ბიზნესის ყოველდღიურობას აცდენილია - ამის შესახებ რიჟამაძემ bm.ge-სთან ისაუბრა.პარლამენტში წარდგენილი კანონპროექტის მიხედვით, ღამის საათებში იცვლება ავტობუსის ზოლებით (BUS LANE) სარგებლობის წესი: კერძოდ, 01:00 საათიდან 06:00 საათამდე სადისტრიბუციო ავტომანქანებს ბასლაინში დგომისა და ტვირთის გადმოზიდვის უფლება ექნებათ.აღსანიშნავია, რომ 2025 წლის 1-ელი იანვრიდან თბილისში სადისტრიბუციო ავტომობილებს პიკის საათებში (08:00-დან 11:00 საათამდე და 17:00-დან 20:00 საათამდე) გადაადგილება უკვე შეეზღუდათ.ლაშა რიჟამაძის განმარტებით, დროის იმ მონაკვეთში, რომელსაც კანონპროექტი ითვალისწინებს, დედაქალაქში გადაადგილების შეფერხება ისედაც არ არსებობს, ხოლო სავაჭრო ობიექტების აბსოლუტური უმრავლესობა ამ დროს პროდუქციას არ იღებს."ღამის საათებში დედაქალაქის მასშტაბით გადაადგილების პრობლემა სადისტრიბუციო კომპანიებისთვის ისედაც არ არსებობს. უმთავრესი ფაქტორია, რომ აღნიშნულ დროის ინტერვალში შემთხვევათა 99%-ში საერთოდ არ ხდება პროდუქციის მიწოდება - იქნება ეს საცალო ვაჭრობის ქსელური ობიექტი თუ ნებისმიერი სხვა მაღაზია, სადაც სურსათის მიწოდება ხორციელდება. ჩვენთვის გაუგებარია ამ რეგულაციის საჭიროება, რადგან ფიზიკურად ამ საათებში ქალაქში გადაადგილების პრობლემა არ დგას", - აცხადებს ლაშა რიჟამაძე.მისივე თქმით, ბასლაინში გაჩერებისა და ტვირთის ჩამოტვირთვის უფლებაც ვერ მოიტანს მნიშვნელოვან შეღავათს, რადგან ღამის საათებში მომარაგება თითქმის არ წარმოებს."შესაძლოა, რამდენიმე ქსელი ღამის საათებში ახდენდეს გარკვეული ობიექტების მომარაგებას, მაგრამ ეს მოცულობა იმდენად უმნიშვნელოა, რომ ამ მიმართულებით დაშვება თავისთავად ვერ ჩაითვლება სისტემურ შეღავათად".ასოციაციის თავმჯდომარე ასევე არ იზიარებს პროგნოზს, რომლის თანახმადაც აღნიშნული შეღავათი პროდუქციაზე ფასების შემცირებას გამოიწვევს და განმარტავს, რომ ხარჯების რეალური შემცირების გარეშე სურსათის ღირებულებაზე გავლენა ვერ მოხდება."აღნიშნული დათქმა დადებით ზეგავლენას მოახდენს ფასზე მხოლოდ იმ შემთხვევაში, თუ რეალურად მოხდება კომპანიების ხარჯების შემცირება. თუ ვითვალისწინებთ, რომ ღამით გადაადგილების პრობლემა ისედაც არ დგას და ობიექტების მომარაგებაც თითქმის არ ხდება, მაშინ ამ გადაწყვეტილებას ფასზე დადებითი ზეგავლენა ფიზიკურად ვერ ექნება.იმ კომპანიებსაც კი, რომლებიც შიდა ლოგისტიკას ღამით ახორციელებენ, გადაადგილების პრობლემა არ აქვთ, რადგან 01:00-დან 06:00 საათამდე ქუჩები ცარიელია. შესაბამისად, ჩნდება კითხვა: თუკი შეფერხება არ არსებობს, რა გავლენა უნდა მოახდინოს ამ ინიციატივამ ფასზე?" - ამბობს რიჟამაძე BM.GE-სთან.დისტრიბუტორთა ასოციაციის ხელმძღვანელი ყურადღებას იმ ფაქტზე ამახვილებს, რომ დღის საათებში დაწესებულმა შეზღუდვებმა სექტორს სამუშაო დრო მნიშვნელოვნად შეუმცირა, რამაც კომპანიებს სერიოზული ფინანსური ტვირთი დააკისრა."გაბარიტული ტრანსპორტით მომარაგება 11:00 საათამდე ვერ ხერხდება. შესაბამისად, მძღოლები მუშაობას იწყებენ 11:00 საათზე და 17:00 საათისთვის უკვე უკან უნდა ბრუნდებოდნენ, რომ აიცილონ ჯარიმები. სამუშაო დრო მკვეთრად შემცირდა.რაც შეეხება მუშაობის მეორე ცვლაში (20:00 საათის შემდეგ) გადატანას, ესეც ძალიან იშვიათად ხდება, რადგან პროდუქციის მიმღები მხარე ფიზიკურად არ გვხვდება ადგილზე. არც ქსელურ მარკეტებს და არც სხვა ობიექტებს - კაფეებს, ბარებს, რესტორნებსა თუ სასტუმროებს - არ ჰყავთ პერსონალი, რომელიც გვიან ღამით ტვირთს მიიღებს, რადგან ეს მათთვის დამატებით ღამის სამუშაო ხარჯებთან არის დაკავშირებული", - ამბობს ასოციაციის თავმჯდომარე.სადისტრიბუციო სექტორი გამოსავალს დღის საათებში გარკვეული გამონაკლისების დაშვებასა და სპეციალური რეესტრის შექმნაში ხედავს. რიჟამაძის თქმით, ასოციაციამ თბილისის მერიას კონკრეტული მოდელი უკვე შესთავაზა."თუ გადაადგილების უფლება აქვთ ბეტონმზიდებსა და საწვავისმზიდებს, რატომ არ უნდა ჰქონდეს პირველადი მოხმარების სურსათს? ევროპის არაერთ ქვეყანაში, სადაც ვიწრო ქუჩებია და საწყობის მისაღები სივრცეები არ არსებობს, სურსათის მიმწოდებელ ტრანსპორტს განსაკუთრებული სტატუსი აქვს. მანქანები სპეციალურად არის დასტიკერებული, მძღოლები აყენებენ საინფორმაციო ნიშნებს და მოკლე დროით აჩერებენ ტრანსპორტს პროდუქციის ჩამოსატვირთად ისე, რომ არ ჯარიმდებიან. იქ ყველას ესმის, რომ სურსათის მიწოდების ჯაჭვის გამართული მუშაობა თითოეული მოქალაქისთვის სასიცოცხლოდ მნიშვნელოვანია. ჩვენთან კი, პარკირების ადგილების სიმცირის ფონზე, დაჯარიმების ინტენსივობა ძალიან მაღალია, რაც პირდაპირ აწვება ბიზნესს ტვირთად", - აცხადებს ლაშა რიჟამაძე.როგორც ასოციაციაში აღნიშნავენ, პარლამენტში მიმდინარე საკანონმდებლო ინიციატივა მათთან წინასწარი კონსულტაციების გარეშე მომზადდა. სექტორის წარმომადგენლები იმედოვნებენ, რომ გადაწყვეტილების მიმღები პირები ყურადღებას გაამახვილებენ რეალურ გამოწვევებზე - დღის საათებში გადაადგილების შესაძლებლობასა და პარკირების მოწესრიგებაზე, რაც, მათი შეფასებით, პოზიტიურ გავლენას მოახდენს როგორც ბიზნესზე, ისე სამომხმარებლო ფასებზე.წყარო: bm.ge

25 ივნისს ქუთაისში მცირე ნალექი იქნება, დღისით +29 და ღამით +19 გრადუსი დაფიქსირდება. მზიანი დღე იქნება ოზურგეთში. დღისით +28 გრადუსი დაფიქსირდება, ღამით კი +18 გრადუსი იქნება.ბათუმშიც მზეა მოსალოდნელი, დღისით ჰაერი +26 გრადუსამდე გათბება, ხოლო ღამით +18 გრადუსი დაფიქსირდება.მცირე ნალექია ფოთში. დღისით +27 გრადუსი დაფიქსირდება, ღამით კი +20 გრადუსია მოსალოდნელი. ზუგდიდში იწვიმებს, ჰაერის ტემპერატურა დღისით +27, ღამით კი +17 გრადუსი იქნება.სოხუმშიც ნალექიანი დღეა, +25 გრადუსია მოსალოდნელი დღისით, ღამით +18 გრადუსი დაფიქსირდება.მესტიაშიც იწვიმებს, დღისით +22 გრადუსი იქნება, ღამით კი +20 გრადუსი დაფიქსირდება. ამბროლაურშიც წვიმას ელოდებიან. ჰაერი +27 გრადუსამდე გათბება, ღამით კი +17 გრადუსი დაფიქსირდება.ჭიათურაშიც წვიმაა დღეა, დღისით +28 გრადუსი, ღამით კი +17 გრადუსი დაფიქსირდება.ახალციხეში წვიმიანი დღეა, დღისით +29 გრადუსი, ღამით კი +10 გრადუსი იქნება.ახალქალაქშიც წვიმს, დღისით +26 გრადუსი, ღამით კი +10 იქნება.ბორჯომშიც მცირე ნალექია მოსალოდნელი, +27 იქნება დღისით, ღამით კი +13 გრადუსი დაფიქსირდება.წვიმიანი დღეა მოსალოდნელი ბაკურიანში, დღისით +22 გრადუსია მოსალოდნელი, ღამით +7 გრადუსი დაფიქსირდება.ნალექს ელოდებიან გორშიც, დღისით +29 გრადუსი, ღამის განმავლობაში კი +15 გრადუსი დაფიქსირდება.ცხინვალშიც ნალექია მოსალოდნელი, ჰაერის ტემპერატურა +28 გრადუსი იქნება, ღამით კი +14 გრადუსი დაფიქსირდება.გუდაურში ნალექიანი ამინდია მოსალოდნელი, დღის განმავლობაში +18 გრადუსი დაფიქსირდება, ღამით კი ჰაერის ტემპერატურა +6 გრადუსი იქნება.ომალოშიც იწვიმებს. დღისით +23 ღამით კი +8 გრადუსი დაფიქსირდება.ლაგოდეხშიც წვიმა იქნება, ჰაერის ტემპერატურა დღის განმავლობაში +31 გრადუსი იქნება, ღამით კი +18 გრადუსი დაფიქსირდება.თელავში ნალექიანი დღეა. დღისით +28 გრადუსი დაფიქსირდება, ღამით კი +17 გრადუსია ნავარაუდევი.იწვიმებს გურჯაანში, დღისით +29 გრადუსი, ღამით კი +18 გრადუსი დაფიქსირდება. სიღნაღშიც წვიმა იქნება, დღისით +29 გრადუსია მოსალოდნელი, ღამით +18 გრადუსი დაფიქსირდება.რუსთავში მოსალოდნელია ხანმოკლე წვიმა. დღისით +32 გრადუსია მოსალოდნელი, ღამით კი +18 გრადუსი დაფიქსირდება.თბილისშიც ხანმოკლე წვიმას პროგნოზირებენ. ჰაერის ტემპერატურა დღისით +31 გრადუსს მიაღწევს, ღამით კი +18 გრადუსი იქნება.

მასწავლებლის ეროვნული ჯილდოს მე-10 კონკურსზე 120-ზე მეტმა მასწავლებელმა შეავსო განაცხადი. ინიციატივის მთავარი მხარდამჭერია საქართველოს ბანკი.პროექტი მიზნად ისახავს მასწავლებლების პროფესიის დაფასებასა და პოპულარიზაციას. საუკეთესო მასწავლებლის გამოსავლენად კი ნებისმიერ დაინტერესებულ პირს აქვს შესაძლებლობა, ნომინირება გაუწიოს მასწავლებლებს ან თავად წარადგინოს აპლიკაცია. ნომინირება შეუძლიათ როგორც ფიზიკურ პირებს, ასევე ორგანიზაციებსა და საზოგადოებრივ ჯგუფებს.მასწავლებლის ეროვნული ჯილდოს კონკურსი სამ ეტაპად ტარდება: პირველ ეტაპზე აპლიკაციები ტექნიკურ შემოწმებას გადიან, რის შემდეგაც საუკეთესო ათეული ირჩევა. შემდგომ ეტაპზე ხდება ხუთი ფინალისტის გამოვლენა, ხოლო გამარჯვებული 5 ოქტომბერს, მასწავლებლის მსოფლიო დღეს დასახელდება.მასწავლებლის ეროვნული ჯილდო საქართველოში 2017 წელს დაწესდა და გლობალური ინიციატივის - „The Global Teacher Prize“-ის ნაწილია. პროექტის მხარდამჭერები არიან: გენერალური სპონსორი - გუდავაძე-პატარკაციშვილის ფონდი; მთავარი მხარდამჭერი - საქართველოს ბანკი; ოქროს სპონსორი - ილიას სახელმწიფო უნივერსიტეტი; მხარდამჭერი და სპონსორი - კონსულტაციისა და ტრენინგის ცენტრი (CTC); მხარდამჭერი - ალტე უნივერსიტეტი.ინფორმაციისთვის, მოსწავლეების, სტუდენტების, ახალგაზრდა პროფესიონალებისა და მასწავლებლების მხარდაჭერის მიზნით, საქართველოს ბანკისთვის განათლება უკვე ექვს წელზე მეტია CSR მიმართულების ერთ-ერთი მთავარი პრიორიტეტია. ბანკი 40-ზე მეტ საგანმანათლებლო პროექტს ახორციელებს და მხარს უჭერს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას.საქართველოს ბანკის საგანმანათლებლო პროექტებს შორისაა: საქართველოს ბანკის სტიპენდიები, გიორგი ჩახავას სახელობის სტიპენდია, დიდ ბრიტანეთში, აშშ-სა და გერმანიაში სწავლის სრული დაფინანსება, იდეათეკები - საქართველოს ბანკის ბიბლიოთეკების პროექტი, STEM სკოლა, STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი, საჯარო მეტყველების კონკურსი და სხვა ინიციატივები.საქართველოს ბანკის საგანმანათლებლო პროექტების შესახებ დეტალური ინფორმაციის მიღება შესაძლებელია ვებგვერდზე ganatleba.bog.ge