მინერალური და მტკნარი წლების, ასევე წვენების მწარმოებელი კომპანია „წყალი მარგებელში“ აცხადებენ, რომ პლასტიკის შეფუთვაში სასმელების გაყიდვის აკრძალვა ადგილობრივ წარმოებას მნიშვნელოვან რისკებს უქმნის.როგორც BM.GE-ს კომპანიაში განუცხადეს, აღნიშნულ საკითხთან დაკავშირებით ინტენსიური შიდა კონსულტაციები მიმდინარეობს და ბიზნესი სასმელების პლასტიკის ბოთლებით გაყიდვის აკრძალვის საკითხზე კონსულტაციებისთვის მზად არის.მათივე პოზიციით, პლასტიკის მართვის ერთიანი პოლიტიკა მნიშვნელოვანია, რადგან ეს მაქსიმალურად შეამცირებს გარემოზე ზემოქმედებას."მიმდინარეობს ინტენსიური შიდა კონსულტაციები აღნიშნულ საკითხთან დაკავშირებით. მნიშვნელოვანია აღინიშნოს, რომ მსოფლიოს არც ერთ ქვეყანაში მსგავსი ტიპის აკრძალვა არ არსებობს. ამავდროულად, ინდუსტრიაში განხორციელებულია მრავალმილიონიანი, გრძელვადიანი ინვესტიციები, რის ფონზეც აღნიშნული გადაწყვეტილება მნიშვნელოვან რისკებს უქმნის ადგილობრივ წარმოებას.აღსანიშნავია ისიც, რომ უალკოჰოლო სასმელების PET შეფუთვა ნარჩენების საერთო ნაკადში 10%-საც არ აღწევს. შესაბამისად, მხოლოდ ამ სექტორზე მსგავსი ტიპის შეზღუდვის გავრცელება სისტემურ შედეგს ვერ მოიტანს. ჩვენი მხრიდან არსებობს სრული მზადყოფნა კონსტრუქციული კონსულტაციებისთვის, რათა წარვადგინოთ ჩვენი არგუმენტები და შევიმუშაოთ ისეთი გადაწყვეტილებები, რომლებიც იქნება დაბალანსებული და პრაქტიკულად განხორციელებადი. ასევე ვიცით, რომ სახელმწიფოს მხრიდანაც არსებობს სიგნალები დიალოგისა და კონსულტაციების მზაობაზე, რაც მნიშვნელოვანი ნაბიჯია.ამ რეგულაციის არსებული ფორმით ამოქმედება ჩვენი დარგისთვის ნიშნავს მნიშვნელოვან ფინანსურ ზარალს და შექმნის თანამშრომლების სერიოზული ოპტიმიზაციის საჭიროებას. არსებობს რეალური რისკი, რომ ზოგიერთმა კომპანიამ სრულად შეწყვიტოს საქმიანობა ან მნიშვნელოვნად შეამციროს წარმოება.ცხადია, ჩვენთვის მნიშვნელოვანია პლასტიკის მართვის ერთიანი პოლიტიკა, რომელიც მაქსიმალურად შეამცირებს გარემოზე ზემოქმედებას. ამ მიმართულებით ვადასტურებთ მზადყოფნას განვიხილოთ ნარჩენების მართვის სფეროში არსებული გლობალური პრაქტიკები და აქტიურად ჩავერთოთ ეფექტური გადაწყვეტილებების შემუშავებაში.ამასთანავე, აუცილებელია გათვალისწინებული იყოს ტექნოლოგიური რეალობაც. მაგალითად, გაზიანი სასმელების დიდ ფორმატებში ან ტეტრაპაკის შეფუთვაში ჩამოსხმა ტექნოლოგიურად შეუძლებელია, ხოლო მსგავსი ფორმატები მომხმარებლისთვისაც არ წარმოადგენს რეალისტურ ალტერნატივას", - ნათქვამია კომპანიის მიერ BM.GE-სთვის გამოგზავნილ პასუხში.ცნობისთვის, 2027 წლის 1 თებერვლიდან საქართველოს ბაზარზე გაზიანი, გამაგრილებელი სასმელების, ალკოჰოლის დამტკნარი წყლის პლასტიკის ბოთლებით რეალიზაციის აკრძალვა იგეგმება. გამონაკლისი ეხება წყლის შემთხვევაში 3 ლიტრზედიდ ბოთლებს, ხოლო გაზიანი გამაგრილებელი სასმელების მიმართულებით 20 ლიტრზე დიდ ბოთლებს. შესაბამისად, რეგულაციის ამოქმედების შემთხვევაში ბაზრიდან გაქრება ფაქტობრივად ყველა დასახელების ადგილობრივი წარმოების თუიმპორტირებული სასმელი, რომელიც დღეს პლასტიკის ბოთლებით იყიდება.bm.ge

მას შემდეგ, რაც 28 თებერვალს აშშ-მა და ისრაელმა ირანზე იერიში მიიტანეს, გლობალურ ბაზრებზე გამოწვევები არ წყდება. იმის გათვალისწინებით, რომ ჰორმუზის სრუტეში კომერციული გემების გადაადგილება შეუძლებელი გახდა, ნავთობის ფასი მყისიერად გაიზარდა. ამასთან, გაურკვეველი დროით გადაიდო სპარსეთის ყურის ქვეყნებთან სავაჭრო თუ სხვა ეკონომიური ურთიერთობების ბედიც.როგორც საქართველოს დისტრიბუტორთა ასოციაციის პრეზიდენტმა „პალიტრანიუსისა“ და რადიო „პალიტრას“ გადაცემაში „საქმე“ აღნიშნა, ირანიდან საქართველოში საკვები პროდუქტები, განსაკუთრებით სოფლის მეურნეობის მიმართულებით, საკმაოდ დიდი რაოდენობით შემოდის. შესაბამისად, ლაშა რიჟამაძე ვარაუდობს, რომ თუ ვითარება არ დასტაბილურდა, საქართველოს იმპორტის ჩანაცვლება სხვა ქვეყნებიდან მოუწევს, თუმცა არა ისეთ დაბალ ფასად, როგორც ირანი გვთავაზობდა. ყველა სხვა პრობლემის, მათ შორის, გადაზიდვების შეფერხებისა და ნავთობის ფასის ზრდის გათვალისწინებით კი, ლაშა რიჟამაძე ამბობს, რომ ეს იმ პროდუქტების ფასზე აისახება, რომელთა ფორმირებაში ლოჯისტიკის და საწვავის ხარჯს მნიშვნელოვანი წილი უკავია.„ბიზნესპრესნუსი“ დაინტერესდა, რა პროდუქტები შემოგვაქვს ირანიდან. მეტი თვალსაჩინოებისთვის კი სტატისტიკის ეროვნული სამსახურის მიერ გამოქვეყნებულ წლიურ მონაცემებს წარმოგიდგენთ.გასულ წელს საკვები და სასმელი პროდუქტების იმპორტიორებს შორის საქართველოსთვის ირანი 15 ქვეყანას შორის იყო. საქსტატის მონაცემებით, 2025 წელს ჯამში ქვეყანამ 2.165 მლრდ აშშ დოლარის პროდუქტი შეიძინა, აქედან 40.988 მლნ აშშ დოლარის საკვები და სასმელი ირანზე მოდიოდა.კვების პროდუქტები, რასაც საქართველო ირანში ყიდულობსკერძოდ, საქსტატის მიხედვით ტოპ-10 პროდუქტს შორის არის: რძე და ნაღები, შესქელებული ან შაქრის დამატებით - 14.795 მლნ აშშ დოლარი ნაღების კარაქი და რძის სხვა ცხიმები; რძის პასტები - 6.306 მლნ აშშ დოლარი ციტრუსების ნაყოფი ახალი ან გამხმარი - 2.913 მლნ აშშ დოლარი მარილი - 1.779 მლნ აშშ დოლარი სალათა და ვარდკაჭაჭა - 1.748 მლნ აშშ დოლარი ნესვი, საზამთრო და პაპაია, ახალი - 1.257 მლნ აშშ დოლარი ფინიკი, ლეღვი, ანანასი, ავოკადო, გუაიავა, მანგო და მანგოსტანი - 1.229 მლნ აშშ დოლარი ბოსტნეული სხვა, ახალი ან შეყინული - 1.101 მლნ აშშ დოლარი ხილისა და ბოსტნეულის წვენები - 955.2 ათასი აშშ დოლარი სტაფილო, თალგამი, ჭარხალი და სხვა ანალოგიური საკვებად ვარგისი ძირნაყოფები - 880 ათასი აშშ დოლარი რაც შეეხება კონკრეტულად მცენარეული წარმოშობის პროდუქტებს, გასულ წელს ირანიდან საქართველოში 14.537 მლნ აშშ დოლარის იმპორტი განხორციელდა. აღნიშნულ პროდუქტებს შორის კი არის: ციტრუსების ნაყოფი ახალი ან გამხმარი - 2.913 მლნ აშშ დოლარი სალათა და ვარდკაჭაჭა - 1.748 მლნ აშშ დოლარი ნესვი, საზამთრო და პაპაია, ახალი - 1.257 მლნ აშშ დოლარი ფინიკი, ლეღვი, ანანასი, ავოკადო, გუაიავა, მანგო და მანგოსტანი - 1.229 მლნ აშშ დოლარი სტაფილო, თალგამი, ჭარხალი და სხვა ანალოგიური საკვებად ვარგისი ძირნაყოფები - 880 ათასი აშშ დოლარი ყურძენი, ახალი ან გამხმარი - 781.5 ათასი აშშ დოლარი თხილი და სხვა კაკალი - 713.5 ათასი აშშ დოლარი კიტრი და კორნიშონი, ახალი და შეყინული - 626.2 ათასი აშშ დოლარი კომბოსტო თავიანი, კოლრაბი, ბროკოლი და საკვებად ვარგისი ანალოგიური ბოსტნეული - 600.9 ათასი აშშ დოლარი ხახვი თავიანი, ხახვი-შალოტი, პრასი, ნიორი და სხვა ხახვისმაგვარი ბოსტნეული - 317 ათასი აშშ დოლარი.

ქონების ეროვნულმა სააგენტომ Rolex -ის ბრენდის 3 მაჯის საათი აუქციონზე გასაყიდად გამოიტანა. აუქციონი 25 მარტს სრულდება.კერძოდ, სახელმწიფო ყიდის Rolex Oyster Perpetual Deepsea-ს საათს (MODEL 136660, SERIAL 641N9337). მისი საწყისი ღირებულება 48 900 ლარია. სააგენტოს ინფორმაციით, საათზე დატანილია შემდეგი გრავირება - ROLEX, GENEVA, SWISS MADE. STEELINOX, 287, ROLEXSA.45 800 ლარი იქნება საწყისი ღირებულება Rolex-ის კიდევ ერთი საათისთვის (სერიული ნომერი G504P034). სააგენტო უთითებს, რომ აღნიშნული საათის სამაჯური დამზადებულია უჟანგავი ფოლადისგან და მოპირკეთებულია 18K ოქროსგან.გასაყიდად გამოტანილი Rolex-ის მესამე მოდელის (126715CHNR, SERIAL 664177K8) საწყისი ფასი 149 600 ლარი იქნება. სააგენტოს ცნობით, აღნიშნული საათი არის ვარდისფერი ოქრო, სამაჯურზე კი დატანილია გრავირება: ROLEX, GENEVA, SWISS MADE, Au750, 8GY, ROLEXSA.

„მზად ვართ, ლუდის ინდუსტრიაში მთლიანად ამოვიღოთ პლასტმასის შეფუთვა“ - ასე ეხმიანება მთავრობის ახალ ინიციატივას „ეფეს საქართველოს“ კორპორაციულ საქმეთა დირექტორი ნიკოლოზ ხუნძაკიშვილი. როგორც მან „ბიზნესპრესნიუსთან“ აღნიშნა, ჩანაცვლების შემთხვევაში დაახლოებით ნახევარი მილიონი ტონა შუშის გამოყენება მოუწევთ, რაც მთელ რიგ პრობლემებს გამოიწვევს.ინფორმაციისთვის, მთავრობის დადგენილებით 2027 წლის 1-ელი თებერვლიდან 3-ლიტრამდე სასმელი წყლისა და 20-ლიტრამდე ალკოჰოლური, არაალკოჰოლური და გამაგრილებელი სასმელების წყლის ბოთლებში წარმოება, იმპორტი და რეალიზაცია (გარდა ექსპორტისა) აიკრძალება."არ არსებობს ქვეყანა, სადაც აკრძალულია პლასტმასის შეფუთვა წყლებსა და არაალკოჰოლურ სასმელებში“ - "ნატახტარი"„ციფრებზე რომ ვისაუბროთ, ზოგადად სასმელების ბაზარი არის დაახლოებით 1 მლრდ ლიტრი. მათ შორის, 140 მლნ ლიტრი არის ლუდი და დანარჩენი - სხვა სასმელი. აქედან 80% არის პლასტმასის ბოთლში, ანუ დაახლოებით 800 მლნ ლიტრი იყიდება პლასტმასის ბოთლში, როგორც გაზიანი გამაგრილებელი სასმელი, ასევე მტკნარი წყალი, გაზიანი წყალი და ლუდი.თუ ჩანაცვლება მოხდება შუშით, მოგვიწევს დაახლოებით ნახევარი მილიონი ტონა შუშის გამოყენება, როდესაც დღევანდელი მდგომარეობით, ამ 800 მლნ ლიტრს ემსახურება 20 000 ტონა პლასტმასის ბოთლი. წარმოიდგინეთ, 20 000 ტონა და ნახევარი მლნ ტონა - 25-ჯერ მეტი რაოდენობის და ეს ყველაფერი თუ გადაითარგმნება ლოგისტიკაში, გამონაბოლქვში, საცობებში და ა.შ. ამ ტიპის პრობლემით დაწყებული, დამთავრებული იმით, რომ ამ რაოდენობის დაკმაყოფილება პრაქტიკულად, შეუძლებელია, ეს გამოიწვევს ბაზრის შემცირებას. მაგალითად, იმისათვის, რომ ჩვენ ახალი ხაზები შევიძინოთ, მინიმუმ 1,5-2 წელი არის საჭირო. წარმოიდგინეთ, 2 წლის განმავლობაში ჩვენ დეფიციტი გვექნება ბაზარზე დაახლოებით 400 მლნ ლიტრი - მოთხოვნა იგივე რაოდენობაზეა შენარჩუნებული, მიწოდება ნაკლებია, რაც ამავე დროს იწვევს ფასის ზრდას.ეს ყველაფერი ჯამში გამოიწვევს იმას, რომ ინდუსტრიას ასევე მოუწევს კადრების ოპტიმიზაცია. ეს არის ის შედეგები, რასაც მივიღებთ ამ რეგულაციის ამოქმედებით. ეს არის მისი ფასი“, - განაცხადა ნიკოლოზ ხუნძაკიშვილმა.მისივე თქმით, თავდაპირველად აუცილებელია, რომ ჩანაცვლება ეტაპობრივად მოხდეს.„მზად ვართ, ლუდის ინდუსტრიაში მთლიანად ამოვიღოთ პლასტმასის შეფუთვა და ამაზე უამრავი პროექტი გვქონდა - ეს უნდა მოხდეს ეტაპობრივად და არა ერთი ხელის მოსმით. ეს შესაძლებელია 3-4 წლის განმავლობაში. მაგალითად, 2027 წელს რომ შეიზღუდოს მხოლოდ 2,5 ლიტრამდე ლუდის შეფუთვა, 2028 წელს - 2 ლიტრამდე და 2030 წელს მთლიანად ამოვიღოთ. მაგრამ ნაკლებად სავარაუდოა, რომ ეს მიდგომა იყოს გამართლებული არაალკოჰოლური სასმელების და მტკნარი წყლისა და გაზიანი წყლების მიმართულებით, ეს წარმოუდგენელია და მსოფლიოში არცერთი ქვეყანა არ არსებობს, რომელსაც აქვს ტოტალურად აკრძალული პლასტმასის შეფუთვა წყლებსა და მინერალურ წყლებში, ასევე არაალკოჰოლურ გამაგრილებელ სასმელებში. ეს არის ძირითადი თემა, რომელიც როგორც შედეგი, აუცილებლად დადგება იმ შემთხვევაში, თუ ამ ფორმით შედგება ეს გადაწყვეტილება“ - აღნიშნა ნიკოლოზ ხუნძაკიშვილმა.მისი თქმით, კომპანიები გეგმავენ, ხელისუფლებას მიმართონ და იმედოვნებს, რომ ეს ინიციატივა შედეგს გამოიღებს.„როგორც წესი, ეს ხდება შემდეგნაირად: კომპანიები ცალკე არ ურთიერთობენ მთავრობასთან. ჩვენ გვაქვს შესაბამისი ბიზნესასოციაციები, დარგობრივი გაერთიანებები და ა.შ. ანუ არსებობს საკმარისი პლატფორმები, სადაც ხდება ხოლმე შეხვედრა და საკითხების განხილვა. იმედს ვიტოვებთ, რომ ეს ინდუსტრია ხელისუფლებასთან ერთად ალტერნატიულ გზებს მონახავს“, - განაცხადა ნიკოლოზ ხუნძაკიშვილმა.

მსოფლიოში უდიდეს ნავთობკომპანიას უკრაინული დრონების შეძენა სურს. ამის შესახებ ინფორმაციას გამოცემა The Wall Street Journal წყაროებზე დაყრდნობით ავრცელებს.წყაროების ინფორმაციით, მსოფლიოში უდიდესი ნავთობკომპანია Saudi Aramco როგორც მინიმუმ ორ უკრაინულ კომპანიასთან აწარმოებს მოლაპარაკებებს გამანადგურებელი დრონების შეძენაზე, რომლებიც მათ ნავთობის საბადოებზე ირანული თავდასხმებისგან დაცვაში დაეხმარება.გამოცემის ცნობით, საუდის არაბეთის მფლობელობაში მყოფი კომპანია რაც შეიძლება სწრაფად ცდილობს დრონების შეძენას - საკუთარი წარმოების დაწყებამდე და რეგიონულ კონკურენტებამდე, კერძოდ კატარამდე.აღინიშნება, რომ Aramco უკრაინულ კომპანიებთან SkyFall და Wild Hornets აწარმოებს მოლაპარაკებებს. აღნიშნული კომპანიები გამანადგურებელ დრონებს აწარმოებენ, რომლებიც სხვა დრონებს ეჯახებიან ან მათ გვერდით ფეთქდებიან.

მთავრობამ „სურსათთან შეხებისთვის განკუთვნილი, პლასტმასისგან დამზადებული გარკვეული პროდუქციის წარმოების, იმპორტისა და ბაზარზე განთავსების აკრძალვის შესახებ“ დადგენილება მიიღო.გარემოს დაცვისა და სოფლის მეურნეობის სამინისტროს განცხადებით, დადგენილება პლასტმასის ბოთლებით სასმელების წარმოების (გარდა ექსპორტის მიზნით), იმპორტისა და ბაზარზე განთავსების ეტაპობრივ აკრძალვას ითვალისწინებს.უფრო კონკრეტულად, მთავრობის გადაწყვეტილებით, 2026 წლის 1-ელი ივლისიდან საზოგადოებრივი კვების ობიექტების მიერ მომხმარებლისთვის პლასტმასის ბოთლებით სასმლის მიწოდება აიკრძალება, ხოლო 2027 წლის 1-ელი თებერვლიდან აიკრძალება პლასტმასის ბოთლებში სასმელების წარმოება (გარდა ექსპორტის მიზნით), იმპორტი და ბაზარზე განთავსება.დადგენილებით გათვალისწინებულია გამონაკლისებიც. კერძოდ, აკრძალვა არ გავრცელდება 3 ლიტრი და მეტი მოცულობის სასმელ წყალზე, ასევე 20 ლიტრი და მეტი მოცულობის სასმელებზე (არაალკოჰოლური და ალკოჰოლური, გამაგრილებელი და სხვა).გამონაკლისი ასევე ვრცელდება საქართველოს შინაგან საქმეთა სამინისტროსა და საქართველოს თავდაცვის ძალებისა და სამხედრო მოსამსახურეების საჭიროებებისათვის სასმელი წყლის წარმოებასა და მიწოდებაზე.„მიღებული დადგენილების მომზადება განაპირობა შემდეგმა გარემოებებმა: პლასტმასის ნაკეთობები, მათ შორის სურსათთან შეხებისთვის განკუთვნილი პლასტმასის პროდუქცია, მნიშვნელოვან ზეგავლენას ახდენს გარემოსა და ბუნებრივ ეკოსისტემებზე. მათი დაშლის პროცესი ასეულობით წლის განმავლობაში გრძელდება, რის შედეგადაც პლასტმასი გროვდება ნიადაგში, წყალსატევებსა და ზღვებში, აზიანებს სანიტარულ სისტემებს და ამცირებს ნიადაგის ნაყოფიერებას, რაც საბოლოოდ იწვევს ბიომრავალფეროვნების შემცირებასა და ეკოლოგიური ბალანსის დარღვევას.ქვეყნის მასშტაბით პლასტმასით დაბინძურების დიაგნოსტირების რამდენიმე კვლევა განხორციელდა, რომლის შედეგების მიხედვით დადგინდა, რომ მდინარეებში აღმოჩენილი ნარჩენების დაახლოებით 88 % პლასტმასს წარმოადგენს, მათი უდიდესი ნაწილი ერთჯერადი გამოყენების პლასტმასის პროდუქტებზე მოდის. მათ შორის, პლასტმასის ბოთლების წილი დაახლოებით 41 %-ს შეადგენს“, - აღნიშნულია სამინისტროს მიერ გავრცელებულ ინფორმაციაში.