მიგვაჩნია, რომ ორი უნივერსიტეტის გაერთიანების პროცესი ამ ფორმით უნდა შეწყდეს და გაგრძელდეს მხარეებთან აქტიური კომუნიკაცია, - ამის შესახებ თბილისის სახელმწიფო უნივერსიტეტის წარმომადგენლობითი საბჭოს 4 თებერვლის ოქმშია საუბარი.თსუ-ის სენატის 4 ოქტომბრის სხდომის ოქმში ნათქვამია, რომ გაერთიანება გამოიწვევს მმართველობით სირთულეებს საკმაოდ გრძელვადიან პირობებში, რაც პირდაპირ გავლენას მოახდენს განათლების ხარისხზე.„ივანე ჯავახიშვილის სახელობის თბილისის სახელმწიფო უნივერსიტეტის წარმომადგენლობითი საბჭო (სენატი) ეხმიანება თსუ-სა და საქართველოს ტექნიკური უნივერსიტეტის შესაძლო გაერთიანების საკითხს. მიგვაჩნია, უმაღლესი განათლების რეფორმა მნიშვნელოვანია სახელმწიფოსთვის, თუმცა ცალკეული დაუგეგმავი ინიციატივით გამოწვეული ვნებათაღელვა და მიმდინარე პროცესები ნათლად ასახავს საკითხის მნიშვნელობას, მის სენსიტიურობას და გამჭვირვალობის აუცილებლობას.სამწუხაროდ, დღემდე არცერთ ინსტიტუციას არ მიუღია კონკრეტული კვლევის შედეგები ან ნებისმიერი სხვა სახის დასაბუთება ამ ორი უნივერსიტეტის გაერთიანებით განათლების/კვლევის ხარისხის ამაღლების ან/და სხვა შესაძლო პოზიტიური გავლენის შესახებ.სენატი განსაკუთრებით ხაზს უსვამს უნივერსიტეტების ავტონომიის პრინციპს, რომელიც წარმოადგენს თანამედროვე უმაღლესი განათლების სისტემის ფუნდამენტურ საფუძველს. მათ შორის, საქართველოს კონსტიტუციით გარანტირებული ავტონომია უზრუნველყოფს უნივერსიტეტების დამოუკიდებლობას მმართველობის პროცესებში. გაერთიანების საკითხი, გამჭვირვალობის, შესაბამისი აკადემიური თანამონაწილეობის, შიდა კონსულტაციებისა და უნივერსიტეტების მართვის ორგანოების რეალური ჩართულობის გარეშე, ქმნის რისკს ავტონომიის შეზღუდვის და ეწინააღმდეგება ევროპულ უმაღლესი განათლების სივრცეში დამკვიდრებულ მმართველობით სტანდარტებს.გარდა ამისა, სენატი მიიჩნევს, რომ მსგავს მასშტაბურ ინსტიტუციურ რეორგანიზაციას თან ახლავს ადმინისტრაციული და აკადემიური რისკები, როგორიცაა: მართვის სისტემების არათავსებადობა, აკადემიური და ადმინისტრაციული პერსონალის სტატუსის გაურკვევლობა, ხარისხის შიდა უზრუნველყოფის მექანიზმებისა და სასწავლო-საგანმანათლებლო პროცესების მართვის სისტემების შეუთავსებლობა და ორგანიზაციული არასტაბილურობა.გაერთიანება გამოიწვევს მმართველობით სირთულეებს საკმაოდ გრძელვადიან პირობებში, რაც პირდაპირ გავლენას მოახდენს განათლების ხარისხზე. გარდა ამისა, ორი უნივერსიტეტის გაერთიანება გარდაუვალად გამოიწვევს, როგორც აკადემიური, ასევე ადმინისტრაციული პერსონალის სამუშაო ადგილების შემცირებას.ყოველივე ზემოაღნიშნულიდან გამომდინარე, თსუ-ის წარმომადგენლობითი საბჭო (სენატი) მიიჩნევს, რომ ივანე ჯავახიშვილის სახელობის თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანების ინიციატივა არ არ დასაბუთებული და ამდენად, მიზანშეწონილი. სენატი მოითხოვს, პროცესის აკადემიურ სივრცეში დაბრუნებას, დიალოგს, უნივერსიტეტის წარმომადგენელთა ჩართულობას საკითხის შესწავლისას და ავტონომიურობის პრინციპის პატივისცემით გადაწყვეტილების მიღებას.ყოველივე ზემოთქმულის გათვალისწინებით, მიგვაჩნია, რომ ორი უნივერსიტეტის გაერთიანების პროცესი ამ ფორმით უნდა შეწყდეს და გაგრძელდეს მხარეებთან აქტიური კომუნიკაცია“, - ნათქვამია თსუ-ის სენატის 4 თებერვლის სხდომის ოქმში.

გლობალური ლიდერი პრობიოტიკების სფეროში OMNi-BiOTiC, რომელიც გერმანულენოვან ქვეყნებში N1 პოზიციას იკავებს, უკვე ხელმისაწვდომია PSP-ს სააფთიაქო ქსელში. ბრენდი მომხმარებლებს სთავაზობს თანამედროვე მეცნიერებაზე დაფუძნებულ, უსაფრთხო და ეფექტურ პრობიოტიკულ ფორმულებს, რომლებიც სხვადასხვა საჭიროებაზეა მორგებული.OMNi-BiOTiC-ის პროდუქტები შექმნილია მიკრობიომული მედიცინის უახლესი კვლევების საფუძველზე და მიზნად ისახავს ნაწლავური ბალანსის, იმუნური სისტემის, სტრესის მართვისა და მეტაბოლიზმის მხარდაჭერას. სწორედ ეს კომპლექსური მიდგომა განაპირობებს ბრენდის მაღალ ნდობას საერთაშორისო მასშტაბით.ბრენდი აწარმოებს მომხმარებელზე ორიენტირებული ფორმულებს, მათ შორის:ნაწლავური კომფორტისა და სტრესის შესამცირებლად – OMNi-BiOTiC 6, OMNi-BiOTiC 10 AAD, Stress Repair;წონის კონტროლისა და ენერგიის ბალანსისთვის – OMNi-BiOTiC Metabolic, Apple Pectin, OMNi-BiOTiC Hetox;ქალებისა და ბავშვების ყოველდღიური მხარდაჭერისთვის – OMNi-BiOTiC Panda, Flora Plus;მოგზაურობისას ორგანიზმის დაცვისთვის – OMNi-BiOTiC Travel.OMNi-BiOTiC-ის მწარმოებელი, ავსტრიული კომპანია Institut AllergoSan, უკვე 30 წელზე მეტია მიკრობიომის კვლევის ერთ-ერთ წამყვან საერთაშორისო ცენტრს წარმოადგენს. ბრენდის სანდოობა გამყარებულია 150-ზე მეტი დასრულებული და 50-მდე მიმდინარე კლინიკური კვლევით.OMNi-BiOTiC-ის ყველა პროდუქტი აკმაყოფილებს WHO, FDA და WGO-ს ხარისხის სტანდარტებს, არის ჰიპოალერგიული, მაღალტოლერანტული და უსაფრთხო ხანგრძლივი გამოყენებისთვის.„ადამიანის მიკრობიომს ქმნის ყველა ის მიკროორგანიზმი,  რომლებიც ჩვენს სხეულში და ზედაპირზე ცხოვრობენ, განსაკუთრებით ნაწლავებში, კანზე, პირში და სასუნთქ გზებში. მათი სახით ადამიანს მილიარდობით პატარა “მოკავშირე” ყავს, რომლებიც ჩვენს ჯანმრთელობაზე ყოველდღიურად ზრუნავენ. მიკრობიომზე ზრუნვა, ნიშნავს საკუთარ თავზე ზრუნვას, იმუნიტეტის გაძლიერებას, მავნე ბაქტერიებისგან დაცვისა და საჭმლის მომნელებელი სისტემის დახმარებას და ა.შ. თანამედროვე მსოფლიო პრემიუმ ხარისხის პრობიოტიკულ პროდუქტებს  აქტიურად იყენებს ორგანიზმის ჯანმრთელობისა და დაავადებების პრევენციისთვის.სწორედ ამიტომ, PSP-მ მომხმარებლებისთვის ხელმისაწვდომი გახადა გლობალური ლიდერი პრობიოტიკების სფეროში OMNi-BiOTiC მრავალფეროვანი ასორტიმენტი, რომელიც ჯანმრთელობასა და სიჯანსაღეზე ზრუნვას მეტად მარტივს, უსაფრთხოსა და ხელმისაწვდომს ხდის”, - აცხადებენ PSP-ში. პრემიუმ პრობიოტიკული ბრენდი OMNi-BiOTiC უკვე PSP-ში — მეცნიერებაზე დაფუძნებული არჩევანი ჯანმრთელი მიკრობიომისთვის

ივანე ჯავახიშვილის სახელობის თბილისის სახელმწიფო უნივერსიტეტის წარმომადგენლობითი საბჭო (სენატი) კატეგორიულად ეწინააღმდეგება უნივერსიტეტის მედიცინის ფაკულტეტის გატანას, გაუქმებას ან მილევად რეჟიმში გადასვლას.„მედიცინის ფაკულტეტის გატანა უნივერსიტეტიდან გამოიწვევს არაერთ აკადემიურ, ორგანიზაციულ, ფინანსურ და მორალურ პრობლემას და შესაბამისად, მედიცინის ფაკულტეტის საბჭო კატეგორიულად ეწინააღმდეგება აღნიშნულს”, - ამის შესახებ თსუ-ს წარმომადგენლობითი საბჭოს 4 თებერვლის სხდომის ოქმშია აღნიშნული.ცნობისთვის, სენატის გუშინდელ სხდომაზე თსუ-ს და ტექნიკური უნივერსიტეტის გაერთიანების გეგმის გარდა, მედიცინის ფაკულტეტის მოსალოდნელი გაუქმების (მილევად რეჟიმში გადაყვანის) საკითხიც განიხილეს. როგორც ოქმშია აღნიშნულიო, საკითხთან დაკავშირებით ვრცლად ისაუბრა თსუ მედიცინის ფაკულტეტის დეკანმა - მაია ბიწკინაშვილმა.მომხსენებლის განმარტებით, სამედიცინო განათლება საქართველოში დაიწყო სწორედ ივანე ჯავახიშვილის სახელობის თბილისის სახელმწიფო უნივერსიტეტში 1918 წელს.„1930 წელს ცალკე ინსტიტუციად გატანილი სამედიცინო განათლება კვლავ აღდგა თსუ-ში 1994 წელს და უკვე 31 წელია თსუ-ის მედიცინის ფაკულტეტს აქტიური წვლილი შეაქვს ექიმების ახალი თაობების აღზრდაში, სამედიცინო მეცნიერების განვითარებაში, უნივერსიტეტის საერთაშორისო ცნობადობის გაზრდაში და, ამასთანავე, წარმოადგენს უნივერსიტეტის ფინანსური მდგრადობის ერთ-ერთ მნიშვნელოვან წყაროს. აღნიშნა, რომ დღეს თსუ-ის მედიცინის ფაკულტეტი ფუნქციონირებს როგორც მაღალკვალიფიციური აკადემიური პერსონალით, მკვლევარებით და კლინიცისტებით დაკომპლექტებული ინსტიტუცია, რომელსაც ჰყავს 3000-ზე მეტი კურსდამთავრებული მედიკოსი, 2600-ზე მეტი აქტიური სტუდენტი, რეზიდენტი, მაგისტრანტი, თუ დოქტორანტი.შესაბამისად, მიაჩნია, რომ ფაკულტეტის გაუქმება არის დაუსაბუთებელი გადაწყვეტილება, რითაც შესაძლოა მნიშვნელოვნად დაზიანდეს როგორც ფაკულტეტის სტუდენტები და აკადემიურ-ადმინისტრაციული შემადგენლობა, ისე მთლიანად ქვეყნის პირველი უნივერსიტეტი. მომხსენებელმა აღინიშნა, რომ მიმდინარე წლის 2 თებერვალს, მედიცინის ფაკულტეტის საბჭო შეიკრიბა და იმსჯელა როგორც უნივერსიტეტების გაერთიანების საკითხზე, აგრეთვე მედიცინის ფაკულტეტის გაურკვეველი ბედის თაობაზე. ფაკულტეტის შესაძლო დახურვის საკითხი ასევე განხილულ იქნა მედიცინის ფაკულტეტის N10 საბჭოს სხდომაზე. საბჭომ შეიმუშავა (არგუმენტირებული პოზიცია) დოკუმენტი”, - აღნიშნულია თსუ-ს სენატის ოქმში.ცნობისთვის, თბილისის სახელმწიფო უნივერსიტეტის სენატი თსუ-ს და ტექნიკური უნივერსიტეტის გაერთიანების ინიციატივას დაუსაბუთებლად მიიჩნევს და სამინისტროს მოუწოდებს, პროცესი შეწყვიტოს.bm.ge

2026 წლის იანვარში საქართველოში გაძვირდა როგორც ძროხის ხორცი, ისე ფარში. სტატისტიკის ეროვნული სამსახურის მონაცემებით, ძროხის ხორცის ფასის წლიურმა ზრდამ 13.47% შეადგინა, ხოლო ფარშის ფასმა 10.83%-ით მოიმატა.ფასების ზრდის ფონზე „ბიზნესპრესნიუსი“ დაინტერესდა, სად ყიდულობს საქართველო ძროხის ხორცს და როგორია მისი საიმპორტო ფასი.ძროხის ხორცი გაძვირდა - როგორია იმპორტის მაჩვენებლები?საქსტატის მონაცემებით, ქვეყანაში ხორციელდება როგორც გაყინული, ასევე ახალი ხორცის იმპორტი. მონაცემები აჩვენებს, რომ 2025 წელს წლიურად შემცირდა გაყინული ხორცის იმპორტი, ხოლო ახალი ხორცის იმპორტი გაიზარდა.უფრო დეტალურად, 2025 წელს საქართველოში საქონლის გაყინული ხორცის იმპორტი ღირებულებაში წლიურად 2.1%-ით შემცირდა. უფრო კონკრეტულად, 2025 წელს ქვეყანაში იმპორტირებულია 25.052 მილიონი დოლარის ღირებულების 5 093 ტონა გაყინული ხორცი, ხოლო 2024 წელს 25.611 მილიონი დოლარის ღირებულების 7 116 ტონა.აღსანიშნავია, რომ ქვეყანას ხორცის იმპორტი 36%-ით გაუძვირდა. კერძოდ, თუ 2024 წელს 1 კგ-ის საშუალო საიმპორტო ფასი გადასახადების გარეშე 3.6 დოლარი იყო, 2025 წელს ღირებულება 4.9 დოლარს გაუტოლდა.რაც შეეხება სავაჭრო ბაზრებს, 2025 წელს ხუთი ძირითადი ქვეყანა საქონლის გაყინული ხორცის იმპორტში ასე გამოიყურებოდა: ბრაზილია - 10.072 მლნ დოლარის ღირებულების 2 892 ტონა; ლიეტუვა - 9.773 მლნ დოლარის ღირებულების 1 105 ტონა; უკრაინა - 3.721 მლნ დოლარის ღირებულების 840 ტონა; არგენტინა - 314 ათასი დოლარის ღირებულების 67 ტონა; რუსეთი - 278 ათასი დოლარის ღირებულების 20 ტონა. გარდა ამისა, 2025 წელს ქვეყანაში საქონლის ახალი ხორცის იმპორტიც განხორციელდა. აღსანიშნავია, რომ გასულ წელს საქონლის ახალი ხორცის იმპორტი 38%-ით გაიზარდა. ასე მაგალითად, 2025 წელს იმპორტირებულია 9.548 მლნ დოლარის ღირებულების 1 686 ტონა ხორცი, ხოლო 2024 წელს 6.929 მლნ დოლარის ღირებულების 1 411 ტონა.ამასთანავე, მონაცემები აჩვენებს, რომ გაძვირებულია ახალი ხორცის იმპორტიც - ამ შემთხვევაში ზრდამ 16% შეადგინა. უფრო დეტალურად, 2025 წელს 1 კგ. ახალი ხორცის საშუალო საიმპორტო ფასი გადასახადების გარეშე 5.7 დოლარი იყო, ხოლო 2024 წელს 4.9 დოლარი.5 ძირითადი ქვეყანა, საიდანაც 2025 წელს საქონლის ახალი ხორცის იმპორტი განხორციელდა, ასეთია: ბელარუსი - 5.218 მლნ დოლარის ღირებულების 972 ტონა; რუსეთი - 2.039 მლნ დოლარის ღირებულების 406 ტონა; უკრაინა - 1.495 მლნ დოლარის ღირებულების 290 ტონა; აშშ - 398 ათასი დოლარის ღირებულების 9.9 ტონა; არაბთა გაერთიანებული საემიროები - 227 ათასი დოლარის ღირებულების 5.7 ტონა.

2025 წელს, დედაქალაქის მერიის სამსახურების მიერ ყველაზე მეტ ჯარიმა, „თბილისი პარკინგის“ თანამშრომლებმა დაწერეს. როგორც ფინანსთა სამინისტროს საქართველოს ნაერთი ბიუჯეტის შემოსულობების (კონსოლიდაციის გარეშე) ანგარიშიდან ჩანს, მათზე მთლიანი ჯარიმების თითქმის 63% მოდის.რაც შეეხება, ზოგადად, თბილისის მერიის სამსახურების მიერ გამოწერილი ჯარიმებით, ბიუჯეტში გადახდილი თანხის მოცულობას, გასულ წელს 27.890 მლნ ლარი (27 890 270 ლარი) შეადგინა.უფრო კონკრეტულად, გთავაზობთ როგორ ნაწილდება დედაქალაქის ტერიტორიაზე, სხვადასხვა სამსახურების მიერ გამოწერილი ჯარიმების მოცულობა: დედაქალაქის ტერიტორიაზე ავტოტრანსპორტის პარკირების წესების დარღვევის გამო - 17 527 091 ლარი; შემოსავალი სანქციებიდან (ჯარიმები და საურავები) დედაქალაქის ადმინისტრაციულ საზღვრებში საერთო სარგებლობის საავტომობილო გზებზე ეკონომიკური საქმიანობის განხორციელების მიზნით სატვირთო ავტომობილის (N1, N2 და N3 კატეგორიების) მოძრაობა ან ეკონომიკური საქმიანობის განმახორციელებელი პირისთვის სამეწარმეო საქმიანობისთვის საქონლის სატრანსპორტო საშუალებით მიწოდება/ტრანსპორტირება დედაქალაქის თვითმმართველობის წარმომადგენლობითი ორგანოს მიერ განსაზღვრული ადგილის ან/და დროის დარღვევისათვის - 2 972 751 ლარი; შემოსავალი სანქციებიდან (ჯარიმები და საურავები) დედაქალაქის ადმინისტრაციულ საზღვრებში დედაქალაქის თვითმმართველობის მიერ განსაზღვრულ გზებზე დადგენილი ავტობუსების გაჩერების ადგილების გარდა სხვა ადგილებზე გაჩერება ან ავტობუსების გაჩერების ადგილებზე სხვა სახის სატრანსპორტო საშუალების გაჩერება ან დგომისათვის - 104 666 ლარი; შემოსავალი სანქციებიდან (ჯარიმები და საურავები) საქართველოს დედაქალაქში მსუბუქი ავტომობილით − ტაქსით (M1 კატეგორია) გადაყვანის სანებართვო პირობების დარღვევით ან შესაბამისი ნებართვის გარეშე განხორციელებისათვის - 3 153 188 ლარი; შემოსავალი სანქციებიდან (ჯარიმები და საურავები) დედაქალაქის ადმინისტრაციულ საზღვრებში სამარშრუტო სატრანსპორტო საშუალებების მოძრაობისთვის განკუთვნილ სპეციალურ ზოლში (BUS LINE) სამარშრუტო სატრანსპორტო საშუალებების გარდა სხვა სახის სატრანსპორტო საშუალებების მოძრაობის, გაჩერების ან დგომისათვის - 509 462 ლარი; შემოსავალი სანქციებიდან (ჯარიმები და საურავები) დედაქალაქის ადმინისტრაციულ საზღვრებში ველობილიკზე ან ველოსიპედის მოძრაობის ზოლზე ველოსიპედის გარდა სხვა სახის სატრანსპორტო საშუალების (გარდა საქართველოს კანონმდებლობით დაშვებული გამონაკლისებისა) მოძრაობის, გაჩერების ან დგომისათვის ან წინასწარი შეცნობით სატრანსპორტო საშუალების გზაზე გაჩერების ან დგომისათვის სატრანსპორტო საშუალების რეგისტრაციის ნომრის (სახელმწიფო სანომრე ნიშნის ან ნიშნების), შიდა ტრანზიტის, ტრანზიტული ნომრის ან „TEST“ ნომრის გარეშე - 970 971 ლარი; შემოსავალი სანქციებიდან (ჯარიმები და საურავები) საქართველოს დედაქალაქის ადმინისტრაციულ საზღვრებში ტაქსის პარკირებისთვის განკუთვნილ ადგილზე იმ სატრანსპორტო საშუალების პარკირებისათვის, რომელზედაც ტაქსით გადაყვანის ნებართვა გაცემული არ არის და რომლის ტაქსის პარკირებისათვის განკუთვნილ ადგილზე პარკირება მუნიციპალიტეტის შესაბამისი ორგანოს მიერ დაშვებული არ არის - 191 562 ლარი; შემოსავალი სანქციებიდან (ჯარიმები და საურავები) საქართველოს დედაქალაქის ადმინისტრაციულ საზღვრებში სატრანსპორტო საშუალების გზაზე მიტოვებისათვის - 1 300 ლარი; უბილეთო მგზავრობის გამო - 2 459 279 ლარი. შეგახსენებთ, რომ თბილისში მერიის სამსახურების მიერ გამოწერილ ჯარიმებზე აღსრულების წესი იცვლება. კერძოდ, თუ პირი ადმინისტრაციული საჩივრის ფარგლებში მიღებულ გადაწყვეტილებას არ ჩაიბარებს დადგენილი წესით, ეს გადაწყვეტილება გამოქვეყნდება მუნიციპალიტეტის ოფიციალურ ვებგვერდზე და მისი გამოქვეყნებიდან 30-ე დღეს ჩაბარებულად ჩაითვლება.bpn.ge

ეროვნული ბანკის მიერ 4 თებერვლის დადგენილი კურსით, დღეს 1 აშშ დოლარის ღირებულება 2.6883 ლარი, ხოლო ევროს კურსი 3.1749 ლარია.გთავაზობთ თბილისის სხვადასხვა უბნებში მოქმედ სავალუტო ჯიხურებში ლარის გაცვლით კურსს ევროსა და დოლარის მიმართ.ვალუტის კურსი ჯიხურებში დღეს, 09:30 საათის მდგომარეობით:ამ მომენტისთვის, (09:30 საათისთვის) საბურთალოზე მდებარე სავალუტო ჯიხურებში ერთი დოლარის ყიდვას მოქალაქეები 2.6880 ლარად შეძლებენ, სავალუტო ჯიხურები კი - 2.6850 ლარად ყიდულობენ. ერთი ევროს შეძენა მოქალაქეებს 3.1770 ლარად, გაყიდვა კი 3.1650 ლარად შეუძლიათ.ჩუღურეთში დოლარის ყიდვას მოქალაქეები 2.6900 ლარად, ხოლო გაყიდვას 2.6860 ლარად შეძლებენ. რაც შეეხება ევროს, მისი ყიდვა მოქალაქეებს - 3.1730 ლარად, ხოლო გაყიდვა - 3.1560 ლარად შეუძლიათ.სადგურის მოედნის მიმდებარე ტერიტორიაზე ვალუტის გადამცვლელ პუნქტებში ერთი დოლარის ყიდვა მოქალაქეებს - 2.6900 ლარად, გაყიდვა კი - 2.6850 ლარად შეუძლიათ. რაც შეეხება ევროს, ერთ ევროს ყიდვას მოქალაქეები 3.1800 ლარად, გაყიდვას კი - 3.1650 ლარად შეძლებენ.თავისუფლების მოედნის მიმდებარე ტერიტორიაზე, სავალუტო ჯიხურებში 1 აშშ დოლარის ყიდვას მოქალაქეები 2.6900 ლარად, ხოლო გაყიდვას 2.6600 ლარად შეძლებენ, რაც შეეხება ევროს, მისი ყიდვა მოქალაქეებს 3.1750 ლარად, გაყიდვა კი 3.1400 ლარად შეუძლიათ.