ვენეციის ხელისუფლება ქალაქის დატვირთვის შესამსუბუქებლად ტურისტული გადასახადის გაზრდას განიხილავს. ინფორმაციას BILD ავრცელებს.გადასახადი გარკვეულ დღეებში, მაგალითად, შაბათ-კვირას და დღესასწაულებზე მნიშვნელოვნად გაიზრდება. კერძოდ, ასეთ დღეებში ტურისტებს 5 ან 10 ევროს ნაცვლად 30 ევროს გადახდა მოუწევთ. გადასახადი შესაძლოა, 2027 წლიდან გაიზარდოს.ტურისტული გადასახადი ქალაქისთვის მეტად მომგებიანი აღმოჩნდა, რომლის შემოსავალიც წელს 5 მლნ ევროთი გაიზარდა. ამის მიუხედავად, ვენეციის ხელისუფლება მიიჩნევს, რომ გადასახადი მეტად დაბალია, გადატვირთულობას ვერ ერევა და ვიზიტორების ნაკადს ვერ ზღუდავს.ხელისუფლება იმედოვნებს, რომ მაღალი გადასახადი ხალხს ნაკლებად პოპულარულ, მაგრამ უფრო მშვიდ დღეებში ვიზიტისკენ წაახალისებს, რადგან ამ დღეებზე გადასახადი არ იმოქმედებს.ამასთან, ვენეციაში რამდენიმე დღით დარჩენილი ტურისტებისთვის ფასები შესაძლოა, მოიმატოს. ქალაქის ადმინისტრაცია ტურისტული გადასახადის გაზრდას სასტუმროებსა და აპარტამენტებზეც განიხილავს.ცნობისთვის: 5 ან 10 ევროს გადასახადი სატესტო მოდელი იყო და 27 ივლისამდე მხოლოდ დღესასწაულებსა და შაბათ-კვირას მოქმედებდა. ამჟამად ტურისტებს ქალაქის მონახულება უფასოდ შეუძლიათ. გადასახადი შესაძლოა, 2027 წლის გაზაფხულზე აღდგეს. თუმცა ამისთვის ქალაქს იტალიის მთავრობის თანხმობა სჭირდება.

2027 წლის ბიუჯეტის პროექტით პირველადი ვერსიის მიხედვით, გასტრონომიის ეროვნული სააგენტოს ბიუჯეტი 5 740.0 მლნ იქნება.როგორც მომავალი წლის მთავარი ფინანსური დოკუმენტიდან ირკვევა, სააგენტოს 65 თანამშრომელი ეყოლება, ხოლო მათი ხელფასებისთვის მთელი წლის განმავლობაში, 3 მლნ ლარია გათვალისწინებული.ამასთან, საბიუჯეტო პროექტში ჩადებულია ახალი პროგრამა სახელწოდებით „გასტრონომიის სფეროში სახელმწიფო პოლიტიკის მართვა და კოორდინაცია”, რომლის ფუნქციად განსაზღვრულია: გასტრონომიის სფეროში სახელმწიფო პოლიტიკის ფორმირება და განხორციელება; სხვადასხვა უწყებებსა და დაინტერესებულ მხარეებს შორის ეფექტიანი კოორდინაციის უზრუნველყოფა და გასტრონომიული მემკვიდრეობის კვლევისა და პოპულარიზაციის, ასევე მისი დაცვის სამართლებრივი მექანიზმების სრულყოფა.ბიუჯეტის პროექტის მიხედვით, გასტრონომიის სააგენტოს მთლიანი ბიუჯეტიდან 5 020.0 მლნ ლარი ხარჯვით ნაწილს წარმოადგენს.ცნობისთვის, გასტრონომიის ეროვნული სააგენტოს შექმნის გადაწყვეტილება პრემიერ-მინისტრმა, ირაკლი კობახიძემ მიიღო. დადგენილება 20 ივლისიდან ამოქმედდა. 3 აგვისტოს კი გარემოს დაცვისა და სოფლის მეურნეობის სამინისტროს სისტემაში შექმნილი საჯარო სამართლის იურიდიული პირის - „გასტრონომიის ეროვნული სააგენტოს“ თავმჯდომარედ ლევან ქარუმიძე დაინიშნა.

წიგნები მხოლოდ ცოდნისა და ისტორიის საცავები არ არის, იშვიათი ხელნაწერები და ისტორიული გამოცემები მსოფლიოში ერთ-ერთ ყველაზე ძვირადღირებულ საინვესტიციო აქტივებადაც მიიჩნევა.აუქციონებზე მათში კოლოსალურ თანხებს იხდიან, ხოლო მათი მფლობელები ხშირად მსოფლიოს უმდიდრესი ადამიანები ხდებიან.წარმოგიდგენთ 5 ყველაზე ძვირადღირებულ წიგნს, რომელთა ღირებულებაც ათეულობით მილიონ დოლარს აღწევს.1. აშშ-ის კონსტიტუცია (პირველი გამოცემა) - 43.2 მილიონი დოლარიავტორი / ავტორები: აშშ-ის დამფუძნებელი მამები (ჯეიმს მედისონი, ბენჯამინ ფრანკლინი, ჯორჯ ვაშინგტონი და სხვები)შექმნის წელი: 1787 წელისად გაიყიდა და ვინ არის მფლობელი: გაიყიდა Sotheby's-ის აუქციონზე. მყიდველია მილიარდერი ჰეჯ-ფონდის მმართველი კენ გრიფინი (Ken Griffin).ეს არის აშშ-ის ოფიციალური კონსტიტუციის იმ იშვიათი, პირველი ნაბეჭდი ეგზემპლარებიდან (Official Printing) ერთ-ერთი, რომელიც 1787 წელს ფილადელფიის კონვენტზე დელეგატებისთვის დაიბეჭდა. მსოფლიოში ამ ტიპის მხოლოდ 13 ეგზემპლარია შემორჩენილი და ეს ერთადერთია, რომელიც კერძო კოლექციონერის ხელშია. კენ გრიფინმა წიგნი დროებით არკანზასის „Crystal Bridges“-ის ამერიკული ხელოვნების მუზეუმს გადასცა საზოგადოებისთვის საჩვენებლად.2. ლესტერის კოდექსი (Codex Leicester) - 30.8 მილიონი დოლარი (60 მილიონ დოლარზე მეტი დღევანდელი კურსით)ავტორი: ლეონარდო და ვინჩიშექმნის წელი: 1506–1510 წლებისად გაიყიდა და ვინ არის მფლობელი: გაიყიდა Christie's-ის აუქციონზე. მყიდველია ბილ გეითსი (Bill Gates).72-გვერდიანი ხელნაწერი წარმოადგენს ლეონარდო და ვინჩის სამეცნიერო ჩანაწერების, ესკიზებისა და დაკვირვებების კრებულს. მასში განხილულია წყლის მოძრაობა, ასტრონომია, წიაღისეულები და ციური სხეულების ნათება. ხელნაწერი შესრულებულია და ვინჩისათვის დამახასიათებელი „სარკისებური დამწერლობით“ (ტექსტი მარჯვნიდან მარცხნივ იკითხება). ბილ გეითსმა ხელნაწერი გააციფრულა და მისი გვერდები Windows 95-ის ეკრანის Screensaver-ად გამოიყენა.3. მორმონის წიგნის ხელნაწერი - 35 მილიონი დოლარიავტორი: ოლივერ ქაუდერი (ჯოზეფ სმითის კარნახით)შექმნის წელი: 1829 წელისად გაიყიდა და ვინ არის მფლობელი: გაიყიდა კერძო გარიგებით. მყიდველია „უკანასკნელი დღეების წმინდანთა იესო ქრისტეს ეკლესია“ (მორმონთა ეკლესია).ეს არის „მორმონის წიგნის“ ის ხელნაწერი ეგზემპლარი, რომელიც უშუალოდ სტამბაში გადაგზავნამდე მომზადდა. წიგნი მორმონული სარწმუნოების ერთ-ერთი მთავარი წმინდა ტექსტია. ეკლესიამ ის „ქრისტეს საზოგადოებისგან“ (Community of Christ) შეიძინა და დღეს მას იუტას შტატში, სოლტ-ლეიკ-სიტიში, ეკლესიის არქივში ინახავენ.4. შერბორნის სახარება - 21.5 მილიონი დოლარიავტორი: დომინიკელი ბერი ჯონ სიფერვასტი და ოსტატი ჯონ ვეილიშექმნის წელი: 1396–1407 წლებისად გაიყიდა და ვინ არის მფლობელი: გაიყიდა კერძო გარიგებით. მყიდველია ბრიტანეთის ბიბლიოთეკა (British Library).ეს არის შუა საუკუნეების ინგლისური ილუსტრირებული ხელნაწერის ერთ-ერთი ყველაზე შთამბეჭდავი ნიმუში. წიგნი შეიცავს უნიკალურ, დეტალურ ილუსტრაციებს, ოქროსფოლიოგრაფირებულ ასოებსა და ბრიტანული ფრინველების უზუსტეს გამოსახულებებს. იგი ნორთუმბერლენდის ჰერცოგის კოლექციაში ინახებოდა, სანამ ბრიტანეთის ბიბლიოთეკამ არ შეიძინა.5. სტენფორდის / ფსალმუნების წიგნი - 14.2 მილიონი დოლარიავტორი: პურიტანი სასულიერო პირები (მასაჩუსეტსის ყურის კოლონია)შექმნის წელი: 1640 წელისად გაიყიდა და ვინ არის მფლობელი: გაიყიდა Sotheby's-ის აუქციონზე. მყიდველია ამერიკელი ბიზნესმენი და ფილანტროპი დევიდ რუბენშტაინი (David Rubenstein).„Bay Psalm Book“ არის პირველი ბეჭდური წიგნი, რომელიც დღევანდელი აშშ-ის ტერიტორიაზე (კემბრიჯში, მასაჩუსეტსი) დაიბეჭდა. სულ დაიბეჭდა 1700 ეგზემპლარი, რომელთაგან დღემდე მხოლოდ 11-მა მოაღწია. დევიდ რუბენშტაინმა წიგნი შეიძინა იმ პირობით, რომ ის აშშ-ის სხვადასხვა ბიბლიოთეკებსა და მუზეუმებში გამოიფინებოდა.

საქართველოს ბანკი, როგორც განათლების მთავარი მხარდამჭერი, ახალგაზრდებისთვის შესაძლებლობების შექმნას განაგრძობს. სწორედ ამ მიზნით, მათთვის, ვისაც საზღვარგარეთ სწავლის გაგრძელება და საერთაშორისო უნივერსიტეტებში განათლების მიღება სურთ, ბანკის მხარდაჭერით, LEAF-ის განათლების საერთაშორისო გამოფენა 10 და 11 ოქტომბერს თბილისში და ბათუმში გაიმართება.ღონისძიების ფარგლებში, დამსწრეებს შესაძლებლობა ექნებათ, პირადად შეხვდნენ საერთაშორისო უნივერსიტეტების წარმომადგენლებს, გაეცნონ სხვადასხვა საგანმანათლებლო პროგრამას და მიიღონ ინფორმაცია სწავლისა და დაფინანსების შესაძლებლობების შესახებ შემდეგი მიმართულებებით: საბაკალავრო პროგრამები; სამაგისტრო პროგრამები; სადოქტორო პროგრამები; ონლაინ პროგრამები; კურსები; საგანმანათლებლო ბანაკები. გამოფენის ფარგლებში წარმოდგენილი იქნება საკონსულტაციო სივრცე იმ ადამიანებისთვის, რომლებიც საერთაშორისო სასტიპენდიო პროგრამებით არიან დაინტერესებული. მათ შესაძლებლობა ექნებათ, მიიღონ ინფორმაცია Fulbright-ის, Chevening-ისა და Hungaricum-ის პროგრამების შესახებ.LEAF-ის განათლების საერთაშორისო გამოფენა გაიმართება: 10 ოქტომბერს, თბილისში, 12:00-დან 17:00 საათამდე , The Biltmore Tbilisi Hotel-ში; 11 ოქტომბერს, ბათუმში, 13:00-დან 17:00 საათამდე, Radisson Blu Hotel Batumi-ში. ღონისძიებაზე დასწრება უფასოა. მონაწილეობის მისაღებად აუცილებელია წინასწარი რეგისტრაცია  ბმულზე.დეტალური ინფორმაციის მისაღებად ეწვიეთ ბმულს:  განათლების საერთაშორისო გამოფენა თბილისში განათლების საერთაშორისო გამოფენა ბათუმში საქართველოს ბანკი - განათლების მთავარი მხარდამჭერი ბანკი. 

საქართველოს ბანკი მასწავლებლებისთვის სხვადასხვა შესაძლებლობის შექმნას აგრძელებს. მათ შორისაა სპეციალურად მასწავლებლებისთვის შექმნილი მასწავლებლის ბარათი, რომელიც მფლობელებს სხვადასხვა ბენეფიტით სარგებლობის შესაძლებლობას აძლევს. 5 ოქტომბერი მასწავლებლის საერთაშორისო დღეა. სწორედ ამიტომ, ბანკმა პარტნიორ კომპანიებთან ერთად, ბარათის მფლობელებისთვის დამატებითი შეთავაზებები მოამზადა: Voulez Vous - 30% ქეშბექი, მაქსიმუმ 100 ლარი. შეთავაზებით სარგებლობისთვის საჭიროა მისი წინასწარ გააქტიურება მობილბანკიდან. შეთავაზება არ ვრცელდება Chanel, Dior, Essential Parfums-ის ბრენდებსა და სასაჩუქრე ვაუჩერებზე; ბიბლუსი - 30% ქეშბექი, მაქსიმუმ 50 ლარი. შეთავაზება ვრცელდება ბიბლუსის ყველა ფიზიკურ მაღაზიასა და ონლაინ; კარპიზა - 30% ქეშბექი, მაქსიმუმ 100 ლარი;შეთავაზებით სარგებლობისთვის აუცილებელია საქართველოს ბანკის ტერმინალზე გადახდა, ქეშბექი ანგარიშზე მომენტალურად აისახება; გორგია - 30% ქეშბექი, მაქსიმუმ 50 ლარი;შეთავაზება ვრცელდება როგორც ფიზიკურ, ისე ონლაინ მაღაზიებში. ქეშბექის მისაღებად აუცილებელია საქართველოს ბანკის ტერმინალზე გადახდა; ტანსაცმლის გალერეა - 30% ქეშბექი, მაქსიმუმ 300 ლარი;შეთავაზება არ ვრცელდება NOCTURNE-ის კოლექციაზე. ქეშბექის მისაღებად საჭიროა საქართველოს ბანკის ტერმინალზე გადახდა; სათვალის გალერეა - 30% ქეშბექი, მაქსიმუმ 300 ლარი.შეთავაზება არ ვრცელდება სათვალის მინებზე. ქეშბექის მისაღებად აუცილებელია საქართველოს ბანკის ტერმინალზე გადახდა. ამასთან ერთად,  5-11 ოქტომბერს, მასწავლებლის ბარათის მფლობელებს ნაწილ-ნაწილით გადახდის მეთოდით სარგებლობისას, 2,000-ზე მეტ პარტნიორ ობიექტში 30%-იანი ქეშბექის მიღება შეუძლიათ (მაქსიმუმ 100 ლარის). შეთავაზებების შესახებ მეტი ინფორმაციისთვის ეწვიეთ ბმულს.თუ ჯერ არ გაქვთ მასწავლებლის ბარათი, მისი შეკვეთა შესაძლებელია სწრაფად და მარტივად. იმ შემთხვევაში, თუ ხელფასი საქართველოს ბანკში გერიცხებათ მასწავლებლის ბარათის შეკვეთა შესაძლებელია მობილბანკიდან ან ინტერნეტბანკიდან. სურვილის შემთხვევაში, შესაძლებლობა გაქვთ აირჩიოთ, როგორც პლასტიკური, ასევე ციფრული ბარათი. ასევე, ისარგებლოთ საკურიერო მომსახურებით ან ბარათი სასურველი ფილიალიდან თავად გაიტანოთ.ხოლო, თუ ხელფასი საქართველოს ბანკში არ გერიცხებათ, ბარათის შეკვეთა შესაძლებელია ფილიალში.მეტი ინფორმაციისთვის და ბარათის შესაკვეთად ეწვიეთ ბმულს.    

საქართველოს ბანკის მხარდაჭერით, მეწარმე ქალთა განვითარების პროგრამის 21-ე ნაკადი გაიმართა. პროგრამა ქალ ლიდერებსა და მეწარმეებს საკუთარი ბიზნესიდეების განვითარებასა და რეალიზებაში 360°-იან მხარდაჭერას სთავაზობს - იდეიდან ბიზნესის განვითარებამდე.ინიციატივა გაეროს განვითარების პროგრამის (UNDP) და შვედეთის მთავრობის ხელშეწყობით ხორციელდება.სექტემბერში გამართული ინტენსიური ვორკშოპების ფარგლებში, 18-მა მეწარმე ქალმა ბიზნესის მართვისთვის საჭირო თეორიული ცოდნა და პრაქტიკული გამოცდილება მიიღო. მათ შესაძლებლობა ჰქონდათ, ექსპერტების დახმარებით ემუშავათ საკუთარ ბიზნესიდეებზე და განევითარებინათ სამეწარმეო საქმიანობისთვის საჭირო უნარები.საქართველოს ბანკისთვის მეწარმე ქალთა განვითარების პროგრამის მხარდაჭერა ქალთა ეკონომიკური გაძლიერებისა და ბიზნესის განვითარების ხელშეწყობის მიზნით განხორციელებული ინიციატივების ნაწილია. მეწარმე ქალთა განვითარების პროგრამის შესახებ დამატებითი ინფორმაცია ხელმისაწვდომია პროგრამის ვებგვერდზე.