ეკონომისტი ნიკოლოზ ალავიძე მიიჩნევს, რომ ქსელური სუპერმარკეტების ფასებთან დაკავშირებული დაწყებული კამპანია იაფფასიანი პროპაგანდის ნაწილია, რომელიც ზიანის მეტს არაფერს მოიტანს.როგორც რადიო „კომერსანტის“ ეთერში ნიკოლოზ ალავიძემ განაცხადა, სოციალურ ქსელებში უკვე გაჩნდა სრულიად აპოლიტიკური და სანდო ადამიანების პოსტები, რომ ქსელურმა მარკეტებმა უკვე დაიწყეს ისედაც არაადამიანურად დაბალი ხელფასის მქონე თანამშრომლების სამსახურებიდან გაშვება, რათა რეალურად ხარჯები შეიმცირონ, რომ ეს მოკლევადიანი, მყისიერი, წამიერი ვითომ ფასების შემცირების ეფექტი ასახონ.„ეს არის იაფფასიანი კომიკური შეტევა, რომელიც არაკომპეტენტური, მოძალადე, სახელმწიფოს ინსტიტუტების მიმტაცებელი განგსტერული გუნდის მიერ არის ინიციირებული, რაზეც საზოგადოებამ უკვე დროც აღარ უნდა დაკარგოს. დიდ და წვრილ ბიზნესებს მოვუწოდებდი, შეხვედრებზე მოითხოვონ ჯანსაღ, კონკურენტულ გარემოში მუშაობა და არა რაღაც დაჟინებული მზერით ფასების ვითომ რეგულირება.ბიზნესს აქვს წესები და თავისი უწესობიდან გამომდინარე წესები, რასაც აკონტროლებს და არეგულირებს კონკრეტული სუბიექტური ადამიანების მორალი. რა თქმა უნდა, რაც უფრო მაღალეთიკური და მაღალმორალურია ბიზნესი, უფრო მეტი დაფასება და ღირებულება აქვს და ვიცით, რომ დასავლური წარმატებული კომპანიები ძალიან დიდ ყურადღებას აქცევენ ადამიანების ფასეულობებს, ფილოსოფიას, რომელთაც სურთ, მათი აქციონერები გახდნენ.იმედი მაქვს, რაღაცას მართლა შეისწავლიან და აპრილიც შორს არ არის, მოგვცემენ შესაბამის დასკვნებს. აპრილამდე კი კარგი იქნებოდა, რომ საჯარო სპეკულაციური განხილვებისგან ყველამ თავი შეიკავოს, რადგან მცდარი მოლოდინები ქმნის მხოლოდ და მხოლოდ ნეგატიურ მომენტებს, ამ ნეგატიური მომენტების პირველი შეტევა არის ის, რომ ფასები კიდევ უფრო გაიზრდება და კიდევ უფრო შემცირდება იმ ადამიანების რაოდენობა, ვინც ისედაც ძალიან მწირ და სიმბოლურ ანაზღაურებას იღებს“, - აცხადებს ნიკოლოზ ალავიძე.

თბილისის 2026 წლის ბიუჯეტის მოცულობა იზრდება და საბოლოო ჯამში 2 506 978 300 ლარს შეადგენს, - ამის შესახებ მუნიციპალიტეტის მთავრობის სხდომაზე თბილისის მერმა კახა კალაძემ განაცხადა.მისივე თქმით, შესაბამისი ცვლილება „ქალაქ თბილისის მუნიციპალიტეტის 2026 წლის ბიუჯეტის დამტკიცების შესახებ” საკრებულოს 2025 წლის 23 დეკემბრის დადგენილებაში შედის, რომლის თანახმადაც, დედაქალაქის დამტკიცებულ ბიუჯეტს კიდევ 296 420 100 ლარი ემატება.„წელს დედაქალაქს აქვს უპრეცედენტო მოცულობის ბიუჯეტი, რომლითაც არაერთი მნიშვნელოვანი პროექტის განხორციელება გვაქვს დაგეგმილი, თუმცა თავიდანვე ვთქვით, რომ ბიუჯეტის მოცულობა კვლავ გაიზრდებოდა.  მიმდინარე თვეს უკვე განხორციელდა ცვლილება თბილისის საკრებულოს შესაბამის დადგენილებაში და დედაქალაქის 2026 წლის დამტკიცებულ ბიუჯეტს დაემატა გასული წლის ნაშთი - 17 მლნ ლარი. ამჯერად, კიდევ ერთი ცვლილება შედის „ქალაქ თბილისის მუნიციპალიტეტის 2026 წლის ბიუჯეტის დამტკიცების შესახებ“ საკრებულოს 2025 წლის 23 დეკემბრის დადგენილებაში. კერძოდ, 2026 წლის 1-ელი იანვრისთვის მუნიციპალიტეტის ბიუჯეტის ანგარიშებზე არსებული გარდამავალი ნაშთისა და 2025 წელს შემოსულობებების გადაჭარბებით მიღებული შემოსავლების - 273 860 100 ლარის გამოყენებისა და მიმდინარე წელს მოსალოდნელი პროგნოზების გათვალისწინებით. აღნიშნული ცვლილების თანახმად, გრანტების ნაწილში, სხვა კაპიტალური გრანტები სახელმწიფო ბიუჯეტიდან იზრდება 22 560 000 ლარით. შესაბამისად, წარმოდგენილი პროექტით, ბიუჯეტის მოცულობა იზრდება 296 420 100 ლარით და სულ შეადგენს 2 506 978 300 ლარს“, - განაცხადა კახა კალაძემ.მისივე ინფორმაციით, აღნიშნული ცვლილების გათვალისწინებით, ასიგნებები გადანაწილდა შემდეგ პრიორიტეტებზე: სატრანსპორტო ინფრასტრუქტურის მშენებლობა-აღდგენა - 68 292 800 ლარი; ინფრასტრუქტურული ობიექტების მშენებლობა, ექსპლუატაცია და ავარიული შენობების გამაგრება/ჩანაცვლება - 123 719 200 ლარი; ეკოლოგიური მდგომარეობის შენარჩუნება და გაუმჯობესება - 15 742 500 ლარი; ეკონომიკის განვითარების ხელშეწყობა - 349 000 ლარი; ბინათმესაკუთრეთა ამხანაგობების განვითარება - 6 411 300 ლარი; ჯანმრთელობის დაცვა და სოციალური უზრუნველყოფა - 7 847 700 ლარი; განათლება - 51 209 800 ლარი; კულტურა, სპორტი და ახალგაზრდობა - 18 182 400 ლარი; საზოგადოებრივი წესრიგი და უსაფრთხოება - 3 361 500 ლარი; თბილისის წარმომადგენლობითი და აღმასრულებელი ორგანოები - 1 303 900 ლარი.დედაქალაქის მერის თქმით, გაგრძელდება დაწყებული პროექტები, მათ შორის ისტორიულ არეალებში - სულხან საბასა და ინგოროყვას ქუჩების სრული რეაბილიტაცია და იქ არსებული შენობა-ნაგებობის განახლება.„წარმოდგენილ პროექტში გათვალისწინებულია მეტროს 14 ვაგონის მოდერნიზაცია - 18 მლნ ლარი; დაიწყება ნაძალადევის დეპოს რეაბილიტაცია - 5 მლნ ლარი; 4 საბავშვო ბაგა-ბაღის მშენებლობ/რეაბილიტაცია - 11,4 მლნ ლარი; კულტურული მემკვიდრეობის დამცავ ზონაში მდებარე ავარიული სახლების გამოსყიდვა - 10 მლნ ლარი; მთაწმინდის რაიონში ძმები კაკაბაძეების ქუჩის რეაბილიტაცია - 4 მლნ ლარი; ფილტვის სკრინინგი - 3 მლნ ლარი. ძალიან მნიშვნელოვანი პროექტები გვაქვს დაგეგმილი და თითოეული თბილისელის თანადგომა ამჯერადაც დაგვჭირდება. მსხვილ ინფრასტრუქტურულ პროექტებს თან სდევს გარკვეული დისკომფორტი, თუმცა ეს ყველაფერი ქალაქისთვის და აქ მცხოვრებლებისთვის კეთდება. ჩვენი გუნდი 24-საათიან რეჟიმში მუშაობასა და ქალაქისთვის საუკეთესო პროექტების განხორციელებას განაგრძობს“, - აღნიშნა კახა კალაძემ.ინფორმაციას თბილისის მერია ავრცელებს.

საქართველოს განათლების, მეცნიერებისა და ახალგაზრდობის მინისტრის, გივი მიქანაძის განცხადებით, თბილისის სახელმწიფო უნივერსიტეტისა და საქართველოს ტექნიკური უნივერსიტეტი გაერთიანდება.მისი თქმით, უნივერსიტეტების გაერთიანების მიზნით, მინისტრის ბრძანებით, შეიქმნება მართვის დროებითი ორგანო - საბჭო და დაინიშნება რექტორისა და რექტორის მოადგილეების მოვალეობის შემსრულებლები, რომლებიც წარმართავენ რეორგანიზაციის პროცესს.„უმაღლესი განათლების სისტემაში მნიშვნელოვანი რეფორმის დაწყება ეფუძნება სიღრმისეულ ანალიზს, საერთაშორისო პრაქტიკას და ქვეყნის განვითარების გრძელვადიან ინტერესებს. ბოლო პერიოდში განხორციელდა სახელმწიფო უნივერსიტეტების აკადემიური პროგრამების კვლევით მიმართულებებისა და ინფრასტრუქტურის შედარებით ანალიზი. ამ პროცესისა და რექტორებთან წინასწარი კონსულტაციის საფუძველზე, მივიღეთ გადაწყვეტილება, რომ თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანების შესახებ. ეს იქნება საწინდარი, რომ ივანე ჯავახიშვილის სახელობის თბილისის სახელმწიფო უნივერსიტეტი გახდეს რეგიონში აკადემიური და სამეცნიერო განვითარების წამყვანი ცენტრი და მნიშვნელოვნად გაიუმჯობესოს საერთაშორისო რეიტინგები. საკანონმდებლო ცვლილებათა პროექტის თანახმად, უნივერსიტეტების გაერთიანების მიზნით, მინისტრის ბრძანებით, შეიქმნება მართვის დროებითი ორგანო - საბჭო და დაინიშნება რექტორისა და რექტორის მოადგილეების მოვალეობის შემსრულებლები, რომლებიც წარმართავენ რეორგანიზაციის პროცესს“, - განაცხადა მიქანაძემ.

ოკაცეს კანიონის მიმდებარედ ახალი ვიზიტორთა ცენტრი აშენდება, - ამის შესახებ ინფორმაციას დაცული ტერიტორიების სააგენტო ავრცელებს.მათივე ცნობით, პროექტის ფარგლებში დაგეგმილია თანამედროვე სტანდარტების შესაბამისი ვიზიტორთა ცენტრის მშენებლობა, რომელიც მოიცავს საინფორმაციო სივრცეებსა და მოსაცდელ ზონას.„ცენტრში განთავსდება ინტერაქტიული-საგანმანათლებლო ინსტალაციები. ვიზიტორთა ცენტრის აშენება ობიექტის ტერიტორიაზე გააუმჯობესებს ვიზიტორთა მომსახურების სერვისს და მეტად გაამარტივებს ოკაცეს კანიონზე მოგზაურობას“, - აღნიშნულია სააგენტოს განცხადებაში.როგორი იქნება ოკაცეს კანიონის ახალი ვიზიტორთა ცენტრიამასთანავე, სააგენტოში განმარტავენ, რომ ოკაცეს კანიონზე არსებული ვიზიტორთა ცენტრი საჭიროებდა განახლებას.„არსებული ვიზიტორთან ცენტრი საკმაოდ მოშორებით მდებარეობდა ობიექტისგან. ახალი ვიზიტორთა ცენტრი კი უშუალოდ ოკაცეს კანიონის შესასვლელში შენდება, რაც მნიშვნელოვნად შეამცირებს ვიზიტორების გადაადგილების დროს და კომფორტულ მოგზაურობას უზრუნველყოფს“, - განმარტავს დაცული ტერიტორიების სააგენტო. გთავაზობთ, როგორი იქნება ოკაცეს კანიონის ახალი ვიზიტორთა ცენტრი:

სწავლაზე ორიენტირებული გარემოს უზრუნველსაყოფად სკოლებში მობილური ტელეფონების გამოყენების წესი შემუშავდება“ - ამის შესახებ აღნიშნულია ზოგადი განათლების სისტემის რეფორმის ეროვნულ კონცეფციაში, რომელიც მთავრობამ უკვე დაამტკიცა.კონცეფციის თანახმად, ტელეფონების გამოყენების წესის შემუშავება მოსწავლეთა კონცენტრაციას გააძლიერებს და ქცევის ჯანსაღ მოდელს ჩამოაყალიბებს.„ინფრასტრუქტურული პოლიტიკა არ შემოიფარგლება მხოლოდ ახალი სკოლების მშენებლობით ან რეაბილიტაციით. მნიშვნელოვანია სკოლის სივრცეების გონივრული და მოქნილი ათვისება. სასკოლო ინფრასტრუქტურა განვითარდება მრავალმხრივი მიდგომით, რომელიც მოიცავს როგორც მასშტაბურ მშენებლობასა და რეაბილიტაციას, ისე რესურსების მიზნობრივ გადანაწილებას. გაგრძელდება სკოლების მშენებლობისა და რეაბილიტაციის თანმიმდევრული, წლიურად დაგეგმილი პოლიტიკის განხორციელება.სკოლებში ჩამოყალიბდება საბაზისო თანამედროვე ინფრასტრუქტურული სტანდარტი, რომელიც მოიცავს: სრულად აღჭურვილ ლაბორატორიებს, გამართულ სპორტულ ინფრასტრუქტურას, ბიბლიოთეკებს, კვების ობიექტებს, არაფორმალური განათლებისთვის კეთილმოწყობილ სივრცეებს, სრულად ადაპტირებულ გარემოს. განსაკუთრებული ყურადღება გამახვილდება საკლასო ოთახების აღჭურვაზე თანამედროვე ტექნოლოგიებითა და ინტერაქტიური, მრავალფეროვანი რესურსებით.სწავლაზე ორიენტირებული გარემოს უზრუნველსაყოფად სკოლებში შემუშავდება მობილური ტელეფონების გამოყენების წესი, რომლის მიზანია მოსწავლეთა კონცენტრაციის გაძლიერება, კომუნიკაციისა და ქცევის უფრო ჯანსაღი მოდელის ჩამოყალიბება და სასწავლო პროცესის უწყვეტობის დაცვა.უსაფრთხო სასკოლო გარემოს უზრუნველსაყოფად, ბულინგის პრევენციის მიზნით, რეგულარულად განხორციელდება საინფორმაციო კამპანიები მოსწავლეთა ცნობიერების ასამაღლებლად, აგრეთვე, მასწავლებლებს მეტი ინტენსივობით ჩაუტარდებათ შესაბამისი გადამზადება ბულინგის შემთხვევების იდენტიფიცირებისა და კონკრეტულ სიტუაციებში სათანადო რეაგირებისთვის. გაიზრდება მანდატურების, ფსიქოლოგებისა და სოციალური მუშაკების რაოდენობა და ყველა სკოლა უზრუნველყოფილი იქნება შესაბამისი სერვისით“, - აღნიშნულია ზოგადი განათლების რეფორმის ეროვნულ კონცეფციაში.

29 იანვარს ქუთაისში უნალექო ამინდს ელოდებიან, დღისით +19 და ღამით +5 გრადუსია მოსალოდნელი.ნალექს არც ოზურგეთში ელოდებიან, დღისით +18 გრადუსი დაფიქსირდება, ღამით კი 0 გრადუსი იქნება. ბათუმში დღისით ჰაერი +18 გრადუსამდე გათბება, ხოლო ღამით +6 გრადუსი დაფიქსირდება.უნალექო ამინდია ფოთშიც. დღისით +18 გრადუსი დაფიქსირდება, ღამით კი +6 გრადუსია მოსალოდნელი. ნალექი არც ზუგდიდში იქნება, დღისით ტემპერატურა +17, ღამით კი +4 გრადუსია ნავარაუდევი.სოხუმშიც უნალექო ამინდია. +17 გრადუსია მოსალოდნელი დღისით, ღამით +4 გრადუსი დაფიქსირდება.მესტიაშიც უნალექო დღეა მოსალოდნელი, დღისით +8 გრადუსი იქნება, ღამით კი -7 გრადუსი დაფიქსირდება. ამბროლაურშიც უნალექო ამინდია, ჰაერი +11 გრადუსამდე გათბება, ღამით კი -4 გრადუსი დაფიქსირდება.ასეივე ამინდია ჭიათურაში, დღისით +12 გრადუსი, ღამით კი -1 გრადუსი დაფიქსირდება. ახალციხეში დღისით +9 გრადუსი, ღამით კი -9 გრადუსი იქნება.ახალქალაქში ნალექი არ არის მოსალოდნელი, დღისით -1, ღამით -11 დაფიქსირდება.ბორჯომშიც უნალექო დღეა, +9 იქნება დღისით, ღამით კი -2 გრადუსი დაფიქსირდება. უნალექო დღეა მოსალოდნელი ,ბაკურიანში დღისით +7 გრადუსია მოსალოდნელი, ღამით -7 გრადუსი დაფიქსირდება.უნალექო დღეს ელოდებიან გორში, დღისით +11 გრადუსი, ღამის განმავლობაში კი -1 გრადუსი დაფიქსირდება. ცხინვალში ჰაერის ტემპერატურა 10 გრადუსი იქნება, ღამით კი -3 გრადუსი დაფიქსირდება.გუდაურში უნალექო ამინდია მოსალოდნელი, დღის განმავლობაში +3 გრადუსი დაფიქსირდება, ღამით კი ჰაერის ტემპერატურა -10 გრადუსი იქნება. ომალოშიც უნალექო ამინდია, დღისით +2, ღამით კი -11 გრადუსი დაფიქსირდება.ლაგოდეხში უნალექო დღეს ელოდებიან. ჰაერის ტემპერატურა დღის განმავლობაში +9 გრადუსი იქნება, ღამით კი +2 გრადუსი დაფიქსირდება. უნალექო დღე იქნება თელავში, +8 გრადუსი დაფიქსირდება, ღამით კი -1 გრადუსია ნავარაუდევი.ნალექი არც გურჯაანში იქნება. დღისით +9 გრადუსი, ღამით კი +1 გრადუსი დაფიქსირდება. სიღნაღში უნალექო დღეა მოსალოდნელი, დღისით +7 გრადუსია მოსალოდნელი, ღამით 0 გრადუსი დაფიქსირდება.რუსთავშიც უნალექო დღეა მოსალოდნელი, დღისით +10 გრადუსია მოსალოდნელი, ღამით კი 0 გრადუსი დაფიქსირდება.ნალექს არც თბილისში ელოდებიან. ჰაერის ტემპერატურა დღისით +9 გრადუსს მიაღწევს, ღამით კი 0 გრადუსი იქნება.