გიორგი მიქაუტაძემ საქართველოს ნაკრებისა და „პარი სენ-ჟერმენის“ ვარსკვლავს, ხვიჩა კვარაცხელიას მიმართა, რომელმაც დოჰაში (კატარი) მუხლზე ოპერაცია ჩაიტარა – ვიდეო Canalplus-მა გაავრცელა.„ვილიარეალისა“ და „ჯვაროსნების“ თავდამსხმელმა თანამემამულე გაამხნევა და წარმატებები უსურვა.„კვარა, ჩემო ძმაო, იმედი მაქვს, ოპერაცია და შემდგომი რეაბილიტაცია კარგად ჩაივლის. გჯეროდეს საკუთარი თავის, იყავი ძლიერი – ჩვენ ყველა და მთელი საქართველო, შენს გვერდით ვართ. ვიცი, რომ ყველაფერი კარგად იქნება, რადგან ძლიერი და კარგი ადამიანი ხარ. წარმატებები, მალე შევხვდებით, ძმაო, მიყვარხარ“, – თქვა მიქაუტაძემ.ხვიჩა კვარაცხელიამ ჩემპიონთა ლიგაზე, 20 ოქტომბერს, „ბარსელონასთან“ გამართული მატჩის დროს, მარჯვენა მუხლის წინა ჯვარედინი იოგი გაიწყვიტა. ოპერაცია 27 ოქტომბერს დოჰაში, მსოფლიო დონის ორთოპედიულ და სპორტულ კლინიკა Aspetar-ში ჩაუტარდა.უმძიმესი ტრავმის გამო, საქართველოს ნაკრების კაპიტანი მიმდინარე სეზონის დარჩენილ ნაწილს, სავარაუდოდ, სრულად გამოტოვებს.1tv.ge

სად­გუ­რის მო­ედ­ნის ე.წ. გა­და­სას­ვლელ ხიდს, სა­დაც 2 ნო­ემ­ბერს ხან­ძა­რი გაჩ­ნდა და და­ახ­ლო­ე­ბით, მისი მე­ო­თხე­დი გა­ნად­გურ­და, ბევ­რმა არც იცის, რომ,ოფი­ცი­ა­ლუ­რად, "მა­მუ­ლიშ­ვილ­თა ხიდი“ ჰქვია.ვიდ­რე ვი­ტყო­დეთ, რო­დის და რა­ტომ და­არ­ქვეს მას ეს სა­ხე­ლი, მა­ნამ­დე გა­დავ­ხე­დოთ მის ის­ტო­რი­ას:აღ­ნიშ­ნუ­ლი ხიდი სად­გუ­რის მო­ე­დან­სა და და­დი­ა­ნის ქუ­ჩას ერ­თმა­ნეთ­თან აკავ­ში­რებს. აშე­ნე­ბუ­ლია 1930-1940-იან წლებ­ში. 90-იან წლებ­ში ამ ად­გილ­მა ბაზ­რო­ბის ფუნ­ქცი­აც შე­ი­თავ­სა. ასე იქა­უ­რო­ბა წლე­ბის გან­მავ­ლო­ბა­ში სა­ვაჭ­რო სივ­რცედ იქცა და არა მარ­ტო თვი­თონ ხიდი, მისი მიმ­დე­ბა­რე კი­ბე­ე­ბი და ტე­რი­ტო­რია, სა­დაც ხან­ძრამ­დე იყი­დე­ბო­და მე­ო­რა­დი ტან­საც­მე­ლი, ფეხ­საც­მე­ლი, სა­ყო­ფა­ცხოვ­რე­ბო ნივ­თე­ბი, წვრი­ლი ტექ­ნი­კა და სხვა ათა­სი წვრილ­მა­ნი...დიახ, იქ არ­სე­ბულ მცი­რე მა­ღა­ზია-დახ­ლებ­ზე გა­რე­მო­ვაჭ­რე­ე­ბი ყო­ველ­დღი­ურ სარ­ჩოს ასე გა­მო­ი­მუ­შა­ვებ­დნენ. რა იქ­ნე­ბა ამ ხან­ძრის შემ­დეგ, არა­ვინ იცის.რო­გორც აღ­ვნიშ­ნეთ, თბი­ლი­სის გა­და­სას­ვლე­ლი ხიდი სა­ფეხ­მავ­ლო ეს­ტა­კა­დაა, რო­მე­ლიც, სად­გუ­რის მო­ე­დან­სა და ნა­ძა­ლა­დევს - "ნა­ხა­ლოვ­კას“ ცოტ­ნე და­დი­ა­ნის ქუ­ჩის მხი­დან აკავ­ში­რებს. ეს ად­გი­ლი ქა­ლა­ქის ერთ-ერთი ყვე­ლა­ზე ცნო­ბი­ლი ინფრას­ტრუქ­ტუ­რუ­ლი და ის­ტო­რი­უ­ლი ობი­ექ­ტი­ცაა. მშე­ნებ­ლო­ბა და წარ­მო­შო­ბის ის­ტო­რია ვიდ­რე ამ ტე­რი­ტო­რი­ა­ზე სად­გუ­რი გაჩ­ნდე­ბო­და, ეს ტე­რი­ტო­რია ქა­ლა­ქის შე­მო­სას­ვლელ­თან მდე­ბა­რე შე­და­რე­ბით თა­ვი­სუ­ფალ სივ­რცეს წარ­მო­ად­გენ­და.ყვე­ლა­ფე­რი შე­იც­ვა­ლა 1872 წელს, რო­დე­საც გა­იხ­სნა თბი­ლი­სი-ფო­თის რკი­ნიგ­ზა - პირ­ვე­ლი სარ­კი­ნიგ­ზო ხაზი კავ­კა­სი­ა­ში. სწო­რედ ამ პე­რი­ოდ­ში აშენ­და პირ­ვე­ლი ცენ­ტრა­ლუ­რი სად­გუ­რის შე­ნო­ბა (იმ­ჟა­მად "ტიფ­ლი­სის ვაგ­ზა­ლი“), რა­მაც სა­ფუძ­ვე­ლი ჩა­უ­ყა­რა მთე­ლი უბ­ნის, რო­გორც მნიშ­ვნე­ლო­ვა­ნი სატ­რან­სპორ­ტო კვან­ძის, ფორ­მი­რე­ბას.ტრან­სპორ­ტის ხა­ზის მიღ­მა ტე­რი­ტო­რი­ა­ზე უნე­ბარ­თვოდ, ნა­ძა­ლა­დე­ვად და­სახ­ლდნენ რკი­ნიგ­ზის მუ­შე­ბი. ამ ად­გილს სწო­რედ ამი­ტო­მაც ეწო­და, ნა­ძა­ლა­დე­ვი, ანუ "ნა­ხა­ლოვ­კა“.რკი­ნიგ­ზის მრა­ვალ­ზო­ლი­ა­ნი ლი­ან­და­გე­ბი ფი­ზი­კუ­რად ჭრი­და ქა­ლა­ქის ცენ­ტრსა და ნა­ძა­ლა­დე­ვის უბანს ერ­თმა­ნე­თის­გან, რაც ფე­ხით მო­სი­ა­რუ­ლე­თათ­ვის გა­და­ად­გი­ლე­ბას სა­ხი­ფა­თოს ხდი­და.ლი­ან­და­გებ­ზე უსაფრ­თხოდ გა­და­სას­ვლე­ლად XX სა­უ­კუ­ნის და­სა­წყის­ში აშენ­და პირ­ვე­ლი ლი­თო­ნის სა­ფეხ­მავ­ლო ხიდი. XIX-XX სა­უ­კუ­ნე­ე­ბის მიჯ­ნა­ზე შექ­მნი­ლი ეს კონ­სტრუქ­ცია უზ­რუნ­ველ­ყოფ­და ნა­ძა­ლა­დე­ვის მუ­შა­თა და­სახ­ლე­ბის და­კავ­ში­რე­ბას ცენ­ტრა­ლურ სად­გურ­თან და ბაზ­რის მიმ­დე­ბა­რე ტე­რი­ტო­რი­ებ­თან. საბ­ჭო­თა პე­რი­ო­დის რე­კონ­სტრუქ­ცია ქა­ლა­ქის გა­ფარ­თო­ე­ბას­თან და მგზავ­რთა ნა­კა­დის გაზ­რდას­თან ერ­თად, პირ­ვე­ლად ხიდ­მა მო­თხოვ­ნე­ბი ვე­ღარ და­აკ­მა­ყო­ფი­ლა.XX სა­უ­კუ­ნის შუა წლებ­ში (1950-1960-იან წლებ­ში) აშენ­და ახა­ლი, უფრო ფარ­თო რკი­ნა­ბე­ტო­ნი­სა და ფო­ლა­დის სა­ფეხ­მავ­ლო ეს­ტა­კა­და. ის­ტო­რი­ულ-სო­ცი­ა­ლუ­რი მნიშ­ვნე­ლო­ბა ის აქამ­დე "ნა­ხა­ლოვ­კის“ მთა­ვარ არ­ტე­რი­ად მი­იჩ­ნე­ო­და: ხიდი ათწლე­უ­ლე­ბის გან­მავ­ლო­ბა­ში იყო ერ­თა­დერ­თი სწრა­ფი სა­ფეხ­მავ­ლო კავ­ში­რი ნა­ძა­ლა­დევ­სა და ცენ­ტრა­ლურ სად­გურს შო­რის.2003 წელს კი "გა­და­სას­ვლელ ხიდს“ სა­ხე­ლი შე­უც­ვა­ლეს და 1992-1993 წლებ­ში ტე­რი­ტო­რი­უ­ლი მთლი­ა­ნო­ბის­თვის ბრძო­ლა­ში გმი­რუ­ლად და­ღუ­პულ მებ­რძოლ­თა პა­ტივ­სა­ცე­მად "მა­მუ­ლიშ­ვილ­თა ხიდი“ უწო­დეს.თუმ­ცა ქა­ლა­ქურ ფოლკ­ლორ­ში გა­და­სას­ვლე­ლი ხიდი გარ­და­მა­ვა­ლი ეპო­ქი­სა და თბი­ლი­სუ­რი ყო­ველ­დღი­უ­რო­ბის სიმ­ბო­ლოდ იქცა.ყვე­ლა­ფერ­თან ერ­თად, თბი­ლი­სის ცენ­ტრა­ლურ ნა­წილ­ში მდე­ბა­რე "მა­მუ­ლიშ­ვილ­თა ხიდი“ ქა­ლა­ქის ურ­ბა­ნუ­ლი გან­ვი­თა­რე­ბის ჩუმი მოწ­მეა. გან­სხვა­ვე­ბით მტკვარ­ზე არ­სე­ბუ­ლი უფრო ცნო­ბი­ლი, დე­კო­რა­ტი­უ­ლი ხი­დე­ბის­გან, ეს ნა­გე­ბო­ბა თა­ვი­სი ფუნ­ქცი­უ­რი და მი­ნი­მა­ლის­ტუ­რი სტი­ლით გა­მო­ირ­ჩე­ო­და ყო­ველ­თვის. ხი­დის არ­ქი­ტექ­ტუ­რუ­ლი გა­და­წყვე­ტა მე-20 სა­უ­კუ­ნის შუა პე­რი­ო­დის ურ­ბა­ნულ და­გეგ­მა­რე­ბას ეფუძ­ნე­ბა, სა­დაც მთა­ვა­რი აქ­ცენ­ტი სიმ­ტკი­ცე­სა და პრაქ­ტი­კუ­ლო­ბა­ზე იყო გა­კე­თე­ბუ­ლი.2025 წელს ცნო­ბი­ლი გახ­და, რომ წელს თბი­ლი­სის მე­რია გა­და­სას­ვლელ ხიდ­თან, ცოტ­ნე და­დი­ა­ნი­სა და სად­გუ­რის მო­ედ­ნის და­მა­კავ­ში­რე­ბე­ლი ეს­ტა­კა­დის მშე­ნებ­ლო­ბას გეგ­მავ­და. იმ­ჟა­მინ­დე­ლი ინ­ფორ­მა­ცი­ე­ბის თა­ნახ­მად, ახა­ლი ინფრას­ტრუქ­ტუ­რუ­ლი პრო­ექ­ტი 2026 წლის ბი­უ­ჯეტ­ში უკვე გათ­ვა­ლის­წი­ნე­ბუ­ლი იყო და მას­ზე 2026 წელს10 მი­ლი­ო­ნი ლარი და­ი­ხარ­ჯე­ბო­და, 2027 წელს კი და­მა­ტე­ბით 87.5 მი­ლი­ო­ნი ლარი. მთლი­ა­ნო­ბა­ში 280-მეტ­რი­ა­ნი ეს­ტა­კა­დის პრო­ექ­ტი­რე­ბა-მშე­ნებ­ლო­ბის წი­ნას­წა­რი სა­ვა­რა­უ­დო ღი­რე­ბუ­ლე­ბა 100 მი­ლი­ონ ლარს შე­ად­გენს. რო­გორც ოფი­ცი­ა­ლუ­რი ინ­ფორ­მა­ცი­ე­ბი­დან ირ­კვე­ვა, პრო­ექ­ტზე საგ­ზაო მარ­შრუ­ტის კვლე­ვა­ზე 2025 წელს უკვე 2.5 მი­ლი­ო­ნი ლარი და­ი­ხარ­ჯა, თუმ­ცა წელს, ამ დრომ­დე მისი გან­ხორ­ცი­ე­ლე­ბა ჯერ არ და­წყე­ბუ­ლა.წყარო: ambebi.ge

სომხეთის პრემიერ-მინისტრი ნიკოლ ფაშინიანი არ გამორიცხავს, რომ ქვეყანამ ევროკავშირში გაწევრიანების ოფიციალური განაცხადი 2027 ან 2028 წელს შეიტანოს.„როცა დემოკრატიული ქვეყანა ხარ, დემოკრატიულ კლუბში ყოფნა გინდა. გაწევრიანებაზე განაცხადის შეტანის შესაძლებლობას განვიხილავთ ევროპელ პარტნიორებთან და ქვეყნის შიგნითაც. ჩვენთვის ძალიან მნიშვნელოვანია, გადავდგათ არა მხოლოდ ტექნიკური ნაბიჯი და დავაჭიროთ განაცხადის გაგზავნის ღილაკს, არამედ ისიც, რომ მთელ ამ პროცესს თან ახლდეს პოლიტიკური დიალოგი. ეჭვი არ მეპარება, რომ ეს დრო დადგება და არც ისე შორს არის“, — განაცხადა ფაშინიანმა ბრიუსელში, „ევრონიუსის“ მიერ ორგანიზებულ გაფართოების სამიტზე.კითხვაზე, კონკრეტულად რომელ წელს შეიძლება სომხეთმა ევროკავშირში გაწევრიანების განაცხადი შეიტანოს, ფაშინიანმა უპასუხა:„[2026 წელს] არ ვიცი, რამდენად რეალისტურია, მაგრამ მომდევნო წელი შეიძლება იყოს რეალისტური, 2028 წელიც შეიძლება იყოს რეალისტური. თუმცა, ახლა ჩვენ ფოკუსირებული ვართ ვიზალიბერალიზაციის დიალოგზე და ჩვენი მიზანია, 2029 წელს უვიზო მიმოსვლა გვქონდეს. ეს იქნება კიდევ ერთი მნიშვნელოვანი ეტაპი ჩვენს ურთიერთობებში. ახლა ჩვენ დავიწყეთ პროცესი, რომელიც მიგვიყვანს საბოლოო გადაწყვეტილებამდე — შევიტანოთ განაცხადი სრულფასოვან წევრობაზე.სიმართლე რომ გითხრათ, როდესაც მივიღეთ გადაწყვეტილება, სომხეთის ევროკავშირში გაწევრიანების პროცესი დაგვეწყო, ჩვენ შთაგონებული ვიყავით ევროკავშირის გადაწყვეტილებითა და საქართველოს მტკიცე ნებით, გახდეს ევროპის სრულუფლებიანი წევრი ქვეყანა. ჩვენთვის, სომხეთისთვის, საქართველოს წარმატება ძალიან მნიშვნელოვანია — მათ შორის, ჩვენი მოქალაქეების მიერ ჩვენი ევროპული პოლიტიკისა და ევროპული პერსპექტივების აღქმის თვალსაზრისითაც“, — განაცხადა ფაშინიანმა.

გარემოს დაცვისა და სოფლის მეურნეობის მინისტრი დავით სონღულაშვილი, აჭარის მთავრობის თავმჯდომარე ზურაბ პატარაძესთან და აჭარის სოფლის მეურნეობისა და გარემოს დაცვის მინისტრ დენის სალუქვაძესთან ერთად, ციტრუსის საკოორდინაციო შტაბის გახსნას დაესწრო.შტაბის მიზანია საექსპორტო მანდარინის რეალიზაციის ხელშეწყობა, საზღვაო და სახმელეთო ლოგისტიკური პროცესების კოორდინაცია, მიმღებ-გადამმუშავებელი საწარმოების შეუფერხებელი ფუნქციონირების უზრუნველყოფა და სეზონთან დაკავშირებული საკითხების შესაბამის უწყებებთან კოორდინირებულად გადაწყვეტა.„ციტრუსის სეზონის წარმატებით წარმართვისთვის მნიშვნელოვანია, ფერმერებს მოსავლის რეალიზაციის შესაძლებლობა ჰქონდეთ, ხოლო მიმღებ-გადამმუშავებელ საწარმოებს შეუფერხებლად მუშაობის საშუალება. საკოორდინაციო შტაბი უზრუნველყოფს შესაბამის უწყებებსა და კერძო სექტორს შორის კოორდინაციას, რათა დროულად გადაწყდეს სეზონთან დაკავშირებული საკითხები და ხელი შევუწყოთ როგორც საექსპორტო მანდარინის რეალიზაციას, ისე არასტანდარტული ნაყოფის ჩაბარებასა და გადამუშავებას. სახელმწიფოსთვის მნიშვნელოვანია, მოსავალი მაქსიმალურად იყოს ათვისებული და ფერმერებმა წარმოებული პროდუქციის რეალიზაცია შეძლონ“, - აღნიშნა დავით სონღულაშვილმა.აჭარის მთავრობის გადაწყვეტილებით, სამრეწველო გადამუშავებისთვის განკუთვნილ არასტანდარტულ მანდარინზე სახელმწიფო სუბსიდია კილოგრამზე 35 თეთრს შეადგენს, ხოლო საწარმო დამატებით 5 თეთრს გადაიხდის. შესაბამისად, არასტანდარტული მანდარინის ჩაბარების ფასი კილოგრამზე 40 თეთრი იქნება.მიმდინარე წლის საპროგნოზო მონაცემებით, აჭარაში 40-45 ათას ტონამდე ციტრუსის მოსავალს ელოდებიან.საექსპორტო მანდარინს 20-ზე მეტი მიმღებ-გადამმუშავებელი საწარმო ჩაიბარებს, ხოლო არასტანდარტული ნაყოფის გადამუშავებას ქობულეთში მდებარე ორი საკონსერვო ქარხანა შეუზღუდავი რაოდენობით უზრუნველყოფს.ციტრუსის საკოორდინაციო შტაბი აჭარის მთავრობის, საქართველოს გარემოს დაცვისა და სოფლის მეურნეობის სამინისტროსა და აჭარის სოფლის მეურნეობისა და გარემოს დაცვის სამინისტროს ხელშეწყობით ამოქმედდა. შტაბი კოორდინაციას გაუწევს საექსპორტო პროდუქციისთვის საჭირო დოკუმენტაციისა და ნებართვების გაცემის პროცესს, ასევე მონიტორინგს გაუწევს არასტანდარტული მანდარინის სუბსიდირების პროცესს.სეზონის განმავლობაში მოქალაქეებსა და დაინტერესებულ პირებს ციტრუსის სეზონთან დაკავშირებული ინფორმაციის მიღება ცხელი ხაზის - 1501-ის საშუალებით შეეძლებათ. საკოორდინაციო შტაბი საქმიანობას 1 თებერვლამდე გააგრძელებს.ციტრუსის საკოორდინაციო შტაბის გახსნას გარემოს დაცვისა და სოფლის მეურნეობის მინისტრის მოადგილე გიორგი წკრიალაშვილი, სურსათის ეროვნული სააგენტოს უფროსი გიორგი იაკობაშვილი და ადგილობრივი ხელისუფლების წარმომადგენლები ესწრებოდნენ.ინფორმაციას გარემოს დაცვისა და სოფლის მეურნეობის სამინისტრო ავრცელებს

საქართველოს ბანკი 2019 წლიდან ქართველი ოლიმპიელების პარტნიორი და მხარდამჭერია. პარტნიორობის ფარგლებში, სპორტსმენების განვითარების და საერთაშორისო ასპარეზზე საქართველოს წარდგენის არაერთი შესაძლებლობა შეიქმნა.ოლიმპიური თამაშები მხოლოდ სპორტული მიღწევების ისტორია არ არის. თითოეული სპორტსმენის წარმატების უკან მრავალწლიანი შრომა, მნიშვნელოვანი  გამოწვევები და საკუთარი შესაძლებლობების  რწმენა დგას. საქართველოს ბანკისთვის ამ გზაზე სპორტსმენების გვერდში დგომა პრიორიტეტია. ამასთან, ოლიმპიელების მხარდაჭერა ბანკისთვის ეროვნული წარმატების თანამონაწილეობასაც ნიშნავს. როდესაც სპორტსმენი საერთაშორისო ასპარეზზე საქართველოს სახელით გამოდის, ის არა მხოლოდ საკუთარ მიზანს, არამედ ქვეყანას წარმოადგენს. სწორედ ამიტომ, საქართველოს ბანკი წლებია მხარს უჭერს ადამიანებს, რომლებიც საკუთარი მაგალითით მომავალ თაობას შთააგონებენ.პარტნიორობის ფარგლებში, ბანკს ახალგაზრდებამდე ორი მნიშვნელოვანი გზავნილი მიაქვს: არ გაჩერდე და შესაძლებლობები უსაზღვროა. ოლიმპიელების გამოცდილება კი ამის ნათელი მაგალითია - დიდი მიზნების მიღწევა მონდომებით, შრომითა, საკუთარი თავის რწმენით და არ გაჩერებით არის შესაძლებელი.საქართველოს ბანკისთვის სპორტსმენების მხარდაჭერა გრძელვადიანი ხედვის ნაწილია. ბანკი აქტიურად აგრძელებს იმ ადამიანების გვერდით დგომას, რომლებიც საკუთარი შესაძლებლობების რეალიზებითა და წარმატებით ქვეყნის განვითარებას უწყობენ ხელს.საქართველოს ბანკი - საქართველოს ეროვნული ოლიმპიური ნაკრების მთავარი სპონსორი 

ახალი პროფესიის დაუფლება, კარიერული მიმართულების შეცვლა თუ უკვე არსებული ცოდნის გაღრმავება - საქართველოს ბანკი პროფესიული განვითარების შესაძლებლობების შექმნას განაგრძობს.სწორედ ამ მიზნით, საქართველოს ბანკი სასტიპენდიო პროგრამას ახორციელებს, რომლის ფარგლებშიც საქართველოს მოქალაქეებს შესაძლებლობას აძლევს, 20-მდე პარტნიორ აკადემიაში მათთვის საინტერესო მიმართულებაზე 100%-იანი დაფინანსებით ისწავლონ და მიიღონ პრაქტიკული გამოცდილება.რომელ აკადემიებში შეგიძლია ისწავლო საქართველოს ბანკის სტიპენდიით?პროგრამის ფარგლებში საქართველოს ბანკის პარტნიორები არიან: აგრარული უნივერსიტეტის კულინარიის აკადემია; Tbilisi School of Communication; Academy of Digital Industry; Smart Academy; IT Academy STEP; Headvice; BDO Academy; ScaleUp; სქილვილი (Skillville); AgileSchool; Smart Fish Academy; Edutech Academy; Craft – კრაფტ მეწარმეობის აკადემია; ნეომაინდ აკადემია; Sky21; რე ედუქეითი; ელექტრონული აკადემია; დიზაინის ინსტიტუტი; ღვინისა და გასტრონომიის აკადემია. რა პროფესიების დაუფლება შეგიძლია?სასტიპენდიო პროგრამა მრავალფეროვან სასწავლო მიმართულებებს აერთიანებს. მათ შორისაა ტექნოლოგიები, დიზაინი, მარკეტინგი, ფინანსები, ბიზნესი და კულინარია.დაინტერესებულ პირებს შესაძლებლობა აქვთ, შეისწავლონ მონაცემთა ინჟინერია, Data Analytics & BI Development (SQL & Power BI), Python, AI აგენტები და ავტომატიზაცია, კიბერუსაფრთხოება, გრაფიკული და 3D დიზაინი, არქიტექტურის დიზაინი, კონტენტ მარკეტინგი, MarTech, UX/UI ქოფირაითინგი, ფინანსური ანალიზი, ბუღალტრული აღრიცხვა, ადამიანური რესურსების მართვა და სხვა მიმართულებები.კურსების ჩამონათვალი და ხელმისაწვდომობა პარტნიორი აკადემიის მიხედვით განსხვავდება. დეტალური ინფორმაციის მისაღებად დაინტერესებულ პირებს შეუძლიათ შესაბამისი აკადემიის ვებგვერდს ეწვიონ.როგორ შეგიძლია მიიღო საქართველოს ბანკის სტიპენდია?სასტიპენდიო პროგრამაში მონაწილეობის მიღება საქართველოს ნებისმიერ მოქალაქეს შეუძლია. სტიპენდიატების შერჩევა რამდენიმე ეტაპს მოიცავს: ელექტრონული განაცხადის შევსება და სამოტივაციო წერილის წარდგენა; აპლიკაციების პირველადი გადარჩევა; შერჩეულ კანდიდატებთან გასაუბრება; საჭიროების შემთხვევაში, დამატებითი ტესტირება ან პროფესიული უნარების შემოწმება. საქართველოს ბანკის სასტიპენდიო პროგრამაზე განაცხადების მიღება 24 ნოემბრის ჩათვლით გაგრძელდება.პარტნიორი აკადემიების, სასწავლო კურსების, შერჩევის კრიტერიუმებისა და განაცხადის შევსების შესახებ დეტალური ინფორმაციის მისაღებად ეწვიეთ ვებგვერდს.აღმოაჩინე საქართველოს ბანკის მიერ შექმნილი განათლების შესაძლებლობები ვებგვერდზე.საქართველოს ბანკი – განათლების მთავარი მხარდამჭერი.