საქართველოს ბანკმა აზიის განვითარების ბანკის (ADB) ვაჭრობისა და მიწოდების ჯაჭვის დაფინანსების პროგრამის (TSCFP) ფარგლებში, Leading DMC Supply Chain Finance Award მოიპოვა. ჯილდო ბანკს 12-ე ყოველწლიურ TSCFP Awards-ზე გადაეცა, სადაც აღინიშნა ბანკის მნიშვნელოვანი წვლილი საერთაშორისო ვაჭრობის ხელშეწყობაში, ფინანსებზე ხელმისაწვდომობის გაუმჯობესებასა და მიწოდების ჯაჭვების გაძლიერებაში. ჯილდო წელს პირველად დაწესდა აზიის განვითარების ბანკის (ADB) მიერ  და საქართველოს ბანკი სიაში პირველია,  ვინც ეს ჯილდო მიიღო. ეს აღიარება ხაზს უსვამს ბანკის ლიდერულ როლს მიწოდების ჯაჭვის დაფინანსების განვითარებასა და ბიზნესებისთვის საერთაშორისო ბაზრებზე წვდომის ხელშეწყობაში.ელენე ცხადაია, საქართველოს ბანკის გლობალური საბანკო ბიზნესმიმართულების ხელმძღვანელი: „მოხარული ვართ, რომ აზიის განვითარების ბანკისგან მნიშვნელოვანი საერთაშორისო აღიარება მივიღეთ და ის  აზიის განვითარების ბანკისთვის (ADB) პირველი ჯილდოა. ეს კიდევ ერთხელ ადასტურებს საქართველოს ბანკის როლს ვაჭრობისა და მიწოდების ჯაჭვის დაფინანსების მიმართულებით და იმ მხარდაჭერას, რომელსაც ბანკი ბიზნესებს საერთაშორისო ბაზრებზე განვითარებასა და ზრდაში უწევს. ჩვენთვის მნიშვნელოვანია, პარტნიორებთან ერთად შევქმნათ ბიზნესებისთვის ახალი შესაძლებლობები და ხელი შევუწყოთ მათ საერთაშორისო ბაზრებზე გაფართოებას. გვჯერა, რომ ADB-სთან ჩვენი თანამშრომლობა მომავალშიც არაერთი მნიშვნელოვანი შესაძლებლობის შექმნის საფუძველი იქნება“. სტივენ ბეკი, აზიის განვითარების ბანკის ვაჭრობის და მიწოდების ჯაჭვის დაფინანსების პროგრამის ხელმძღვანელი:„ეს აღიარება ასახავს საქართველოს ბანკის წარმატებულ გამოცდილებას საქართველოს ბიზნესებისთვის, განსაკუთრებით მცირე და საშუალო საწარმოებისთვის, ვაჭრობის დაფინანსების პროდუქტებზე ხელმისაწვდომობის გაზრდის კუთხით. სწორედ ასეთი პარტნიორობა წარმოადგენს ჩვენი საქმიანობის მთავარ მიზანს: ვაჭრობის დაფინანსების სფეროში არსებული დეფიციტის აღმოსაფხვრელად საჭიროა ძლიერი ადგილობრივი პარტნიორები, რომლებიც კარგად იცნობენ საკუთარ ბაზარს და მზად არიან, მომხმარებლის ინტერესებიდან გამომდინარე, ინოვაციური მიდგომები დანერგონ. კიდევ ერთხელ გილოცავთ და მოუთმენლად ველით ჩვენი თანამშრომლობის შემდგომ განვითარებას მომავალ წლებში.“ADB-ის TSCFP Awards-ის ფარგლებში, Leading DMC Supply Chain Finance Award-ის ღონისძიება 8 სექტემბერს სინგაპურში გაიმართა. დაჯილდოების ცერემონია Global Trade Review-ის (GTR) Asia Conference-ის პარალელურად ჩატარდა და მას სავაჭრო დაფინანსების სფეროს წამყვანი პროფესიონალები, პარტნიორი ბანკები და ინდუსტრიის სხვა წარმომადგენლები ესწრებოდნენ. 

რა არის STEM სკოლაSTEM სკოლა კომაროვის სკოლისა და საქართველოს ბანკის ერთობლივი საგანმანათლებლო პროექტია, რომელიც საბუნებისმეტყველო საგნების პოპულარიზაციის მიზნით შეიქმნა. STEM განათლება აერთიანებს ცოდნას მათემატიკის, ბიოლოგიის, ფიზიკის, ინჟინერიისა და ტექნოლოგიების შესახებ.ციფრულ ეპოქაში STEM მიმართულებით ცოდნა სულ უფრო და უფრო მოთხოვნადი ხდება: ელექტრული ინჟინერი, პროგრამისტი, მონაცემთა მეცნიერი, ავტომატიზაციის ინჟინერი, კიბერუსაფრთხოების სპეციალისტი – ეს მხოლოდ მცირე ჩამონათვალია იმ პროფესიებისა, რომლებიც ტექნოლოგიური პროგრესის სამყაროში ყოველთვის საჭირო იქნება. STEM სკოლა მიზნად ისახავს, მოსწავლეებს მისცეს ის საბაზისო ცოდნა, რომლითაც ისინი შეძლებენ დაეუფლონ მათთვის საინტერესო პროფესიას მომავალში.დარეგისტრირდი STEM სკოლაშიროგორია სწავლების ფორმატიპროექტში სწავლა ონლაინ მიმდინარეობს. მოსწავლეებს კვირაში ერთხელ (შაბათს ან კვირა დღეს, დილის ან შუადღის ცვლაში) შესაძლებლობა აქვთ, დაესწრონ სამსაათიან გაკვეთილებს, რომლებსაც კომაროვის სკოლის პროფესიონალები და მოწვეული პედაგოგები ატარებენ.როგორია სასწავლო პროგრამაSTEM სკოლის კურიკულუმი და სასწავლო პროგრამა უნიკალურია – იგი არ არის რომელიმე სასკოლო საგნის ანალოგი. STEM სკოლაში მოსწავლეებს საშუალება აქვთ შეიმეცნონ მიკროკონტროლერების მუშაობის პრინციპი. შექმნან და მართონ ჭკვიანი მოწყობილობები, რომლის შესასწავლადაც სპეციალური ონლაინპლატფორმა Tinkercad გამოიყენება, ხოლო პროექტები მიკროკონტროლერ Arduino-სა და მისი შესაბამისი ელექტრონული კომპონენტების ნაკრების საშუალებით სრულდება.პროექტი ორმოდულიანია. თითოეული მოდული 4 თვეს გრძელდება. პირველ მოდულში მოსწავლეები ძირითადად ელექტროინჟინერიისა და მიკროკონტროლერების, მათი სენსორების მართვის საწყისებს ეუფლებიან, რომლის შესასწავლადაც ასევე იღრმავებენ ცოდნას ფიზიკის (ელექტრობა) და პროგრამირების მიმართულებით.მეორე მოდულში მოსწავლეები რეალურ ამოცანებსა და პროექტებს ელექტრონული კომპონენტების საშუალებით ასრულებენ. ამ ეტაპზე ისინი აქტიურად არიან ჩართული პრაქტიკულ სწავლის პროცესში, რაც ერთი მხრივ, სახალისოა, მეორე მხრივ – შემეცნების საუკეთესო და აღიარებული საშუალებაა.ვისთვის არის განკუთვნილი STEM სკოლაპროექტი განკუთვნილია საქართველოს საჯარო და კერძო სკოლების მე-7-დან მე-11 კლასის მოსწავლეებისთვის, ასევე საზღვარგარეთ მცხოვრები მოსწავლეებისთვის, რომლებიც კარგად ფლობენ ქართულ ენას.STEM სკოლის შექმნის ერთ-ერთი იდეა მაღალი ხარისხის განათლებაზე თანაბარი ხელმისაწვდომობაა. საგაკვეთილო პროცესის ვირტუალურ სივრცეში გადატანამ, ფაქტობრივად, მოხსნა გეოგრაფიული ბარიერი. წელიწადში 60 საუკეთესო შედეგის მქონე მოსწავლეს კი სწავლის საფასურს მთლიანად უფინანსებს საქართველოს ბანკი და გადასცემს სწავლისთვის საჭირო მოწყობილობებს, 30 მოსწავლეს კი 50% უფინანსდება. როგორც თავად მოსწავლეები ამბობენ, მუშაობა ტექნოლოგიებთან უწევთ, ამიტომ ონლაინ გაკვეთილები ძალიან ხელსაყრელია.დარეგისტრირდი STEM სკოლაში

დინამო არენასთან ქომაგებს ქუჩაში სპეციალურად მოწყობილი ტრიბუნები დახვდებათსაქართველოს ბანკი, როგორც საქართველოს ეროვნული საფეხბურთო ნაკრების მთავარი სპონსორი, ფეხბურთის ფედერაციასთან და გულშემატკივრებთან ერთად, 25 სექტემბერს  ჩვენი ფეხბურთელების მხარდასაჭერად ქალაქს ხმაურით აავსებს და ჩვენს სპორტსმენებს კიდევ ერთხელ შეახსენებს რომ „ქომაგობა არ ჩერდება“.25 სექტემბერს, 17:00 საათიდან, თბილისში, „დინამო არენას“ მიმდებარე ტერიტორიაზე გულშემატკივართა სპეციალური ზონები და  ქუჩის ტრიბუნები მოეწყობა, სადაც ქართველი ქომაგები ჩვეული შემართებით, სიმღერითა და ხმაურით გააცილებენ ნაკრებს სტადიონზე.გულშემატკივრებს შესაძლებლობა ექნებათ, საგანგებოდ მოწყობილ ტრიბუნებიდან ხმაურით შეაცილონ ნაკრების ავტობუსი  სტადიონზე და ფეხბურთელებს საკუთარი ენერგია მოედანზე გაატანონ. ეს ყველაფერი იმისთვის კეთდება, რომ ყოველი გადაცემის, გატანილი გოლის თუ შესვენების დროს ნაკრებმა იგრძნოს, რომ მათ გვერდით მთელი ქვეყანა დგას. ქომაგები ასევე შეიკრიბებიან ცაბაძის კუთხეში, თამარ მეფის ხიდთან, დინამო არენასთან და საქართველოს ეროვნული სიმფონიური ორკესტრის აუდიტორიასთან, სადაც ასევე მოეწყობა საგულშემატკივრო ტრიბუნები. „გულშემატკივარი ეროვნული ნაკრების ძალის მნიშვნელოვანი ნაწილია. ამჯერად ტრიბუნებზე ვერ ვიქნებით, მაგრამ ეს ჩვენს ქომაგობას ვერ შეაჩერებს. პირიქით, გვაძლევს შესაძლებლობას, ფეხბურთის ემოცია მთელი ქალაქის მასშტაბით გავაერთიანოთ. გვინდა, ჩვენმა ფეხბურთელებმა იგრძნონ, რომ ისინი მარტო არ არიან და რომ მათი გულშემატკივრობა არ ჩერდება. 25 სექტემბერს მთელი თბილისი გულშემატკივართა ტრიბუნა იქნება და ერთმანეთის გვერდით დგომით გავამხნევებთ ნაკრებს. ერთად ვაჩვენოთ, რა ძალა აქვს ქართულ ქომაგობას“, – აცხადებენ კამპანიის ორგანიზატორები.მართალია, ამ ფორმატით მხოლოდ ერთი შეხვედრა ჩატარდება, თუმცა წინ კიდევ მნიშვნელოვანი მატჩებია და თითოეულ ბრძოლაში ერთიანობაა საჭირო. 25 სექტემბერს, 17:00 საათიდან, შევიკრიბოთ „დინამო არენასთან“ მოწყობილ ტრიბუნებზე, ერთად გავავსოთ ქალაქი ფეხბურთის ემოციით და ჩვენს ნაკრებს მხარდაჭერა გავაგონოთ, რადგან არცერთი მიზეზის გამო „ქომაგობა არ ჩერდება“.ინფორმაციისთვის,  25 სექტემბერს საქართველოს ეროვნული ნაკრები „უეფას” ერთა ლიგის B დივიზიონის საშინაო მატჩში ჩრდილოეთ ირლანდიას დაუპირისპირდება. არსებული შეზღუდვების გამო, ჩვენი ფეხბურთელები ამჯერად ცარიელი ტრიბუნების წინაშე ითამაშებენ. სწორედ აქედან დაიბადა კამპანიის იდეაც: თუ გულშემატკივარი სტადიონზე ვერ შედის, ქომაგობა ქუჩებში გაგრძელდება - თუ სტადიონი ჩუმადაა, იხმაურებს ქალაქი.

2026 წლის 8 თვეში თბილისში პარკინგის ჯარიმებიდან ბიუჯეტში შესული თანხის მოცულობა წლიურად 71%-ით გაიზარდა და 15.7 მლნ ლარი შეადგინა.უფრო კონკრეტულად, საქართველოს ნაერთი ბიუჯეტის შემოსულობების (კონსოლიდაციის გარეშე) მიხედვით, წელს იანვარ-აგვისტოში პარკირების ჯარიმებიდან ბიუჯეტში 15 736 090 ლარი შევიდა, წინა წლის იგივე პერიოდში კი, ეს მაჩვენებელი 9 212 418 ლარი იყო.რაც შეეხება 2025 წლის სრულ მაჩვენებელს, შარშან ბიუჯეტში აღნიშნული დარღვევიდან ჯამში, 17 527 091 ლარი შევიდა.ცნობისთვის, 2022 წლის შემოდგომიდან პარკირების წესების დარღვევაზე ჯარიმები გაიზარდა და ნაცვლად 10 ლარისა, 50 ლარი გახდა.აღსანიშნავია, რომ სტატისტიკის მიხედვით, გაზრდილია ზოგადად საგზაო მოძრაობის წესების დარღვევისთვის ბიუჯეტში შესული თანხის მოცულობაც.უფრო კონკრეტულად, ფინანსთა სამინისტროს მონაცემებით, წელს 8 თვეში საგზაო მოძრაობის წესების დარღვევისთვის გამოწერილი ჯარიმებიდან ხაზინაში 178 053 978 ლარი შევიდა, 2025 წელის ანალოგიურ პერიოდში - 157 246 637 ლარის აკუმულირება მოხდა.

ე.წ. დეზერტირების ბაზრის ტერიტორიაზე მოვაჭრეებმა დღეს გზა გადაკეტეს. თვითდასაქმებულების პროტესტი ბაზრის ადმინისტრაციის მოთხოვნას მოჰყვა, რომლის მიხედვითაც მათ ტერიტორიის დატოვება და მუშაობის შეწყვეტა მოუწევთ. არსებული ინფორმაციით, მოვაჭრეებს უთხრეს, რომ 1-ელი ოქტომბრიდან ბაზრის ტერიტორიაზე ვეღარ იმუშავებენ.მოვაჭრეები ტერიტორიის დატოვებას არ აპირებენ და აცხადებენ, რომ სამუშაო ადგილების შენარჩუნება სურთ. მათი თქმით, ისინი სავაჭრო ადგილებში იჯარას იხდიან და ადმინისტრაციისგან კონკრეტულ განმარტებას ითხოვენ, რა ბედი ელის მათ საქმიანობას.მოვაჭრეების უკმაყოფილება ტერიტორიის სარეაბილიტაციო სამუშაოების დაწყების საკითხიც უკავშირდება. გავრცელებული ინფორმაციით, სექტემბრის შუა რიცხვებში დაზიანებული მილის გამო ბაზრის ნაწილი საკანალიზაციო წყლით დაიტბორა და ადგილზე სარეაბილიტაციო სამუშაოები დაიწყო.ამასთან, ბაზრის ტერიტორიაზე ახალი სავაჭრო ცენტრის მშენებლობაა დაგეგმილი, რის გამოც ტერიტორიის მომავალი წლებია განხილვის თემაა.ტერიტორიაზე ორსართულიანი სავაჭრო ცენტრის მოწყობა იგეგმება და პროექტზე მშენებლობის ნებართვა გაცემულია. მოვაჭრეები შიშობენ, რომ არსებული სავაჭრო ადგილების გაუქმების შემდეგ ახალ კომპლექსში მუშაობის გაგრძელებას ვეღარ შეძლებენ და შემოსავლის გარეშე დარჩებიან. სწორედ ამიტომ ისინი ითხოვენ, არსებული სავაჭრო სივრცე შეინარჩუნონ და სამუშაო ადგილებიდან არ გაიყვანონ.„მოვითხოვთ, მოვიდნენ მერიის წარმომადგენლები და გაგვცენ კონკრეტული პასუხები... მივმართავთ ბატონ კალაძეს, კობახიძეს, ბატონ ბიძინა ივანიშვილს, რომ ეს ერთი ბაზარი, კი კერძოდ გაყიდეს და ვიღაცას ჩაუგდეს ხელში, მაგრამ ხალხისთვისაც უნდა იყოს. არ ვითხოვთ არანაირ დახმარებას, ფულს... რა ხდება ვერ გავიგეთ, არც ადმინისტრაცია გვცემს პასუხს, არც მერია. ვიცით, რომ მოლის აშენება უნდათ, გადაგვითხარეს ადგილი“, - თქვა დღეს ერთ-ერთმა თვითდასაქმებულმა მოვაჭრემ.

2026 წლის აგვისტოში საქართველოში 3, 4 და 5-ვარსკვლავიან, ასევე საოჯახო ტიპის სასტუმროებში ფასები წლიურად 6.9%-ით გაიზარდა.PMCG-ის კვლევის მიხედვით, ფასების ზრდის ყველაზე მაღალი მაჩვენებელი იმერეთში, რაჭასა და სამეგრელო-ზემო სვანეთში დაფიქსირდა. რეგიონების მიხედვით, ზრდამ შესაბამისად 15.1%, 13% და 12.8% შეადგინა.აგვისტოში იმერეთში 4-ვარსკვლავიანი სასტუმროს საშუალო ფასი დაახლოებით 250 ლარი იყო, ხოლო 3-ვარსკვლავიან და საოჯახო სასტუმროებში ნომრის საშუალო ღირებულება 150 ლარის ფარგლებში მერყეობდა.რაჭაში 3 და 4-ვარსკვლავიან სასტუმროებში საშუალო ფასი 250 ლარის ფარგლებში დაფიქსირდა, საოჯახო ტიპის სასტუმროებში კი 100-150 ლარს შეადგენდა.სამეგრელო-ზემო სვანეთში 4-ვარსკვლავიანი სასტუმროების საშუალო ფასი 300 ლარს აღემატებოდა, 3-ვარსკვლავიანებში დაახლოებით 200 ლარი იყო, ხოლო საოჯახო სასტუმროებში 100 ლარს ოდნავ აღემატებოდა.საქართველოს მასშტაბით, 2026 წლის აგვისტოში საოჯახო ტიპის სასტუმროებში ნომრის საშუალო ფასი 134 ლარი იყო. 3-ვარსკვლავიან სასტუმროებში ეს მაჩვენებელი 203 ლარს, 4-ვარსკვლავიანებში კი 298 ლარს შეადგენდა.რაც შეეხება 5-ვარსკვლავიან სასტუმროებს, მათი საშუალო ფასი აგვისტოში 598 ლარი იყო. ყველაზე მაღალი საშუალო ღირებულება გურიაში დაფიქსირდა და 1081 ლარს მიაღწია. მას კახეთი 684 ლარით და თბილისი 668 ლარით მოჰყვება.PMCG-ის კვლევა Booking.com-ზე რეგისტრირებულ, სტრატიფიცირებულად შერჩეულ 568 ერთეულ 3, 4 და 5-ვარსკვლავიან და 371 საოჯახო ტიპის სასტუმროს მოიცავს. კვლევაში მითითებული საშუალო ფასები მიმდინარე თვეში ხელმისაწვდომი სასტუმროების მონაცემებზეა დაყრდნობილი.