პროკურატურამ ორგანიზებული ჯგუფის მიერ სახელმწიფოს კუთვნილი დიდი ოდენობით თანხის სამსახურებრივი მდგომარეობის გამოყენებით მართლსაწინააღმდეგო მითვისების, ყალბი ოფიციალური და საგადასახადო დოკუმენტების დამზადება-გამოყენების ფაქტებზე 4 პირი, მათ შორის, სს ,,ელექტრომოძრავი შემადგენლობის სარემონტო ქარხნის თბილისის ფილიალის’' დირექტორი - გელა ძიძიკაშვილი დააკავა.როგორც პროკურატურის მიერ გავრცელებულ ინფორმაციაშია აღნიშნული, დაკავებულები მართლსაწინააღმდეგოდ დაეუფლნენ შპს „თბილისის სატრანსპორტო კომპანიის“ მიერ მეტროს ვაგონების კაპიტალური რემონტის, მოდერნიზაციის და მაკომპლექტებელი დეტალების შესყიდვის თაობაზე 2017-2024 წლებში, 27 ტენდერის ფარგლებში გამოყოფილი 145 367 365 ლარიდან 41 105 298 ლარს.„საქართველოს პროკურატურამ ორგანიზებული ჯგუფის მიერ სახელმწიფოს კუთვნილი დიდი ოდენობით თანხის სამსახურებრივი მდგომარეობის გამოყენებით მართლსაწინააღმდეგო მითვისების, ყალბი ოფიციალური და საგადასახადო დოკუმენტების დამზადება-გამოყენების ფაქტებზე 4 პირი დააკავა.საქართველოს გენერალური პროკურატურის კორუფციული დანაშაულის წინააღმდეგ ბრძოლის დეპარტამენტში, თბილისის მერიის შიდა აუდიტისა და მონიტორინგის სამსახურის მომართვის საფუძველზე დაიწყო გამოძიება, რომლის შედეგად დადგინდა, რომ სს ,,ელექტრომოძრავი შემადგენლობის სარემონტო ქარხნის თბილისის ფილიალის’' დირექტორი - გელა ძიძიკაშვილი , იმავე სააქციო საზოგადოების ტექნიკური დირექტორი მამუკა ნოზაძე, ამავე საწარმოს წილის ერთ-ერთი რეალური მფლობელი - პაატა სვანიძე, შპს ,,საჩინოს’’ დირექტორი და შპს ,,ინტრანსის’’ დირექტორი - რუსლან დემუროვი მართლსაწინააღმდეგოდ დაეუფლნენ შპს ,,თბილისის სატრანსპორტო კომპანიის’’ მიერ მეტროს ვაგონების კაპიტალური რემონტის, მოდერნიზაციის და მაკომპლექტებელი დეტალების შესყიდვის თაობაზე 2017-2024 წლებში, 27 ტენდერის ფარგლებში გამოყოფილი 145 367 365 ლარიდან 41 105 298 ლარს.მართლსაწინააღმდეგო ქმედების აღსრულების მიზნით, ბრალდებულებმა დაარეგისტრირეს შპს ,,საჩინო’’, რომლის სახელითაც საქართველოში, ხელოვნურად გაზრდილი ფასითა და ყალბი დოკუმენტების გამოყენებით, მეტროს ვაგონების მაკომპლექტებელი დეტალების იმპორტი განახორციელეს, გადამზიდი კომპანია ,,ინტრანსის’’ მეშვეობით. ხოლო შემდგომ შპს ,,საჩინოდან’’ ფიქციური საგადასახადო დოკუმენტების დამზადება/გამოყენების გზით, იმპორტირებული საქონელი, 3ჯერ გაზრდილი ფასით მიაწოდეს ,,თბილისის სატრანსპორტო კომპანიას’’.აღნიშნულ სისხლის სამართლის საქმეზე, სასამართლოს განჩინების საფუძველზე დაკავებულ 4 პირს ბრალდება საქართველოს სისხლის სამართლის კოდექსის 182-ე მუხლის მე-2 ნაწილის “დ”; მე-3 ნაწილის “ა” და “ბ” ქ/პუნქტებით; 362-ე მუხლის მე-2 ნაწილის “ბ” ქ/პუნქტით და 210-ე მუხლის მე-2 ნაწილის “ა” ქ/პუნქტით წარედგინათ, რაც სასჯელის სახედ და ზომად თავისუფლების აღკვეთას 7 და 11 წლამდე ითვალისწინებს.დაკავებულთაგან 3 ბრალდებულს აღკვეთის ღონისძიების სახით პატიმრობა, ხოლო ერთ მათგანს 2 მილიონი ლარის ოდენობით გირაო შეეფარდათ.სისხლის სამართლის საქმეზე გამოძიება გრძელდება, დანაშაულთან შემხებლობაში მყოფი სხვა პირების დადგენის მიზნით“, - ნათქვამია ინფორმაციაში.
1794897273
1794566030
კენტი და ლუწი ნომრებით შეზღუდვის სისტემა, არაერთ ქვეყანაში გაიტესტა და მის არაეფექტურობაზე კვლევებიც დაიდო - მევლუდ მელაძედედაქალაქში საგზაო მოძრაობის განტვირთვისა და საცობების პრობლემის მოგვარების გზებზე საუბრისას, თბილისის მერმა, კახა კალაძემ მოსალოდნელ რეგულაციებზე და ავტომობილების გადაადგილების შეზღუდვის შესაძლო მექანიზმებზე გააკეთა განცხადება. როგორც მან აღნიშნა, მიმდინარე გამოწვევების ფონზე მუნიციპალიტეტი მზადაა სხვადასხვა მკაცრი ნაბიჯი განიხილოს, თუმცა ამისთვის საზოგადოების მხრიდანაც შესაბამისი მზაობაა საჭირო.„როდესაც იღებ კონკრეტულ გადაწყვეტილებას, რა თქმა უნდა, ყველამ უნდა გავიტავისოთ. მაგალითად, თუ გვინდა პრობლემის მოგვარება, შეიძლება მაგაზეც შევჯერდეთ, რაღაც დღეების განმავლობაში კენტი და ლუწი ნომრებით ავტომობილები იყოს დასაშვები, ან კონკრეტულ უბნებში დავაყენოთ კამერები, ფასიანი შესვლა როგორც ხდება ხოლმე. როგორც გაკეთდა ბევრ ევროპულ ქალაქში, მაგრამ საზოგადოებაც მზად უნდა იყოს ამისთვის“, — აცხადებს კახა კალაძე.საავტომობილო ფედერაციის ვიცე-პრეზიდენტი, მევლუდ მელაძე მიიჩნევს, რომ საერთაშორისო პრაქტიკამ და კვლევებმა მსგავსი მიდგომის არაეფექტურობა უკვე დაადასტურა, ხოლო გამოსავალი საზოგადოებრივი ტრანსპორტისა და ალტერნატიული გადაადგილების საშუალებების სწრაფ განვითარებაშია.„ჩემი აზრით, კენტი და ლუწი ნომრებით შეზღუდვის სისტემა, რომელიც ათწლეულების მანძილზე სხვადასხვა ქვეყანაში გაიტესტა და მის არაეფექტურობაზე არაერთი კვლევაც კი დაიდო, ჩვენთან არ უნდა შემოვიღოთ.მოკლედ რომ ვთქვა, კვლევების დასკვნა ასეთია: მსგავსი შეზღუდვები არ აუმჯობესებს გზებზე არსებულ მდგომარეობას, არამედ ბევრი სხვა საკითხის გადაჭრასთან ერთად საჭიროა საზოგადოებრივი ტრანსპორტისა და სხვა ალტერნატიული გადაადგილების საშუალებების გაცილებით სწრაფი, ეფექტური და, რაც მთავარია, პრაქტიკული განვითარება“, — აღნიშნავს მევლუდ მელაძე.
1794565500
შინაური ცხოველის მფლობელებს ახალი მოთხოვნა უჩნდებათ - რა დოკუმენტია საჭირო დაჩიპვისთვის და რა ღირს მისი აღება"გამარჯობა, ვინც ფისოები დაჩიპეთ, პატრონის ნასამართლობის ცნობა მართლა მოგთხოვეს?“ - ამ კითხვით ერთ-ერთ ჯგუფში გამოქვეყნებულ პოსტს შინაური ცხოველების მფლობელების არაერთგვაროვანი გამოხმაურება მოჰყვა. ზოგი წერს, რომ ცნობა მუნიციპალურ სამსახურში მოსთხოვეს, სხვები კი ამბობენ, რომ კერძო ვეტერინარულ კლინიკაში ცხოველის დაჩიპვისას მსგავსი მოთხოვნა არ ყოფილა.როგორც ambebi.ge-ს მუნიციპალურ სამსახურში განუმარტეს, ცხოველის დაჩიპვის შემთხვევაში ნასამართლობის ცნობის წარდგენა აუცილებელია და ამ მოთხოვნის საფუძველი თბილისის საკრებულოს 2026 წლის 24 თებერვლის №9-11 დადგენილებაა.დადგენილების მე-5 მუხლის მე-2 პუნქტის თანახმად, მონაცემთა ერთიან ბაზაში ფიზიკური პირი ცხოველის მფლობელად შეიძლება დარეგისტრირდეს მხოლოდ იმ შემთხვევაში, თუ მას 16 წელი შეუსრულდა და არ აქვს ნასამართლობა საქართველოს სისხლის სამართლის კოდექსის 259-ე მუხლით გათვალისწინებული დანაშაულისთვის. ეს მუხლი ცხოველის წამებასა და მის მიმართ სასტიკ მოპყრობას შეეხება.მიუხედავად იმისა, რომ დადგენილების ჩანაწერი ნასამართლობის არქონის პირობას ადგენს, მასში პირდაპირ არ არის დასახელებული ნასამართლობის ცნობა, როგორც ამ გარემოების დამადასტურებელი სავალდებულო დოკუმენტი. თუმცა მუნიციპალური სამსახურის განმარტებით, სწორედ ამ მოთხოვნის დასადასტურებლად მოქალაქემ ცნობა უნდა წარადგინოს.რას ითვალისწინებს ახალი წესი?თბილისის საკრებულოს №9-11 დადგენილება 2026 წლის 1 ივლისიდან ამოქმედდა და დედაქალაქის ტერიტორიაზე შინაური ბინადარი ცხოველების მოვლა-პატრონობისა და ყოლის წესს განსაზღვრავს.დოკუმენტის მიხედვით, ცხოველის რეგისტრაცია მონაცემთა ერთიან ბაზაში მისი იდენტიფიცირების შემდეგ ხდება. ცხოველის რეგისტრაციის განმახორციელებელი ორგანოებია მუნიციპალიტეტის უფლებამოსილი სამსახური, ვეტერინარული დაწესებულება, ცხოველთა თავშესაფარი და ცხოველთა საშენი.ამავე დადგენილების თანახმად, პოტენციურად მომეტებული რისკის ძაღლის მფლობელად რეგისტრაციისთვის, ნასამართლობის არქონის გარდა, სავალდებულოა ფსიქიკური მდგომარეობის შესახებ ცნობის წარდგენაც.ცხოველის პატრონი ვალდებულია, მისი რეგისტრაციის მომენტისთვის ან რეგისტრაციიდან 30 კალენდარული დღის განმავლობაში უზრუნველყოს ცხოველის იდენტიფიკაცია.რატომ განსხვავდება მოქალაქეების გამოცდილება? გააგრძელეთ კითხვა...
1794492960
თბილისის მერია საახალწლო ღონისძიებებისთვის 5.970 მლნ ლარის გამარტივებულ შესყიდვას ითხოვს - რა იგეგმება დედაქალაქშითბილისის მერია 2027 წლის შობა-ახალი წლის სადღესასწაულო ღონისძიებების ჩასატარებლად 5.970 მლნ ლარის გამარტივებულ შესყიდვას ითხოვს.როგორც შესყიდვის დოკუმენტაციაშია აღნიშნული, დედაქალაქში სადღესასწაულო ღონისძიებები 2026 წლის 10 დეკემბრიდან 2027 წლის და მათზე დასწრება 14 იანვრის ჩათვლით გაიმართება.ამასთან, შესყიდვის თანახმად, ღონისძიებები ღია ცის ქვეშ მოეწყობა და ყველა მსურველისთვის თავისუფალი იქნება.მერიის გეგმის მიხედვით, საახალწლო სივრცეებში განთავსდება თემატური დეკორაციები, მოცულობითი ინსტალაციები, ორიგინალური ფოტოზონები, დეკორირებული ჯიხურები, დახლები, თაღები და საშობაო ნაძვის ხეები.როგორც სატენდერო დოკუმენტაციაშია აღნიშნული, ტერიტორიაზე მოეწყობა ყინულის საციგურაო მოედანი, ღია კინოთეატრი, მულტიფუნქციური საბავშვო და საგამოფენო პავილიონები, საგამოფენო სტენდები, ადგილზე განთავსდება სკამები, მაგიდები და სხვადასხვა სახის კონსტრუქცია. ასევე გათვალისწინებულია კულტურული, სპორტული და მოსასვენებელი სივრცეების, თოვლის ბაბუის სახლის, სახელოსნოსა და გასტრონომიული ზონების მოწყობა.ამასთან, მერიის ინფორმაციით, პროექტის ფარგლებში გაიმართება საახალწლო სოფლის გახსნის საზეიმო ცერემონია, სხვადასხვა ჟანრის კონცერტი, თეატრალიზებული წარმოდგენები, პერფორმანსები, ფესტივალები, ვიდეოფილმების ჩვენება და ზღაპრის გმირების მსვლელობები. ადგილზე მისულ ვიზიტორებს თოვლის ბაბუა (სანტა) და შესაბამისი კოსტიუმებით შემოსილი მსახიობები დახვდებიან.შესყიდვა მოიცავს როგორც მატერიალურ-ტექნიკურ აღჭურვილობას, ისე სხვადასხვა მომსახურებას. კერძოდ, შესყიდვის ობიექტებია: ინვენტარი და კონსტრუქციები: საშობაო ნაძვის ხე, დეკორაციული ნივთები, საგამოფენო სტენდები და აღჭურვილობა, სხვადასხვა სახის ავეჯი (მაგიდები, სკამები, დახლები) და სხვადასხვა ტიპის კონსტრუქციები; კულტურულ-გასართობი მომსახურება: ფესტივალებისა და კულტურული ღონისძიებების ორგანიზება, ბავშვთა გართობის მომსახურება, ბაზრობებისა და გამოფენების მოწყობა; შემსრულებელთა და არტისტთა მომსახურება: თეატრის პროდიუსერების, მომღერალთა ჯგუფების, ანსამბლების, ორკესტრების, ესტრადის მსახიობებისა და მხატვრების მიერ გაწეული მომსახურებები; ტექნიკური და მედია უზრუნველყოფა: გაფორმებასთან დაკავშირებული დამატებითი სერვისები, ფოტოგრაფიული და ვიდეოფილმების ჩვენება-გავრცელებასთან დაკავშირებული მომსახურებები.
სხვა სიახლეები
პროკურატურამ ორგანიზებული ჯგუფის მიერ სახელმწიფოს კუთვნილი დიდი ოდენობით თანხის სამსახურებრივი მდგომარეობის გამოყენებით მართლსაწინააღმდეგო მითვისების, ყალბი ოფიციალური და საგადასახადო დოკუმენტების დამზადება-გამოყენების ფაქტებზე 4 პირი, მათ შორის, სს ,,ელექტრომოძრავი შემადგენლობის სარემონტო ქარხნის თბილისის ფილიალის’' დირექტორი - გელა ძიძიკაშვილი დააკავა.როგორც პროკურატურის მიერ გავრცელებულ ინფორმაციაშია აღნიშნული, დაკავებულები მართლსაწინააღმდეგოდ დაეუფლნენ შპს „თბილისის სატრანსპორტო კომპანიის“ მიერ მეტროს ვაგონების კაპიტალური რემონტის, მოდერნიზაციის და მაკომპლექტებელი დეტალების შესყიდვის თაობაზე 2017-2024 წლებში, 27 ტენდერის ფარგლებში გამოყოფილი 145 367 365 ლარიდან 41 105 298 ლარს.„საქართველოს პროკურატურამ ორგანიზებული ჯგუფის მიერ სახელმწიფოს კუთვნილი დიდი ოდენობით თანხის სამსახურებრივი მდგომარეობის გამოყენებით მართლსაწინააღმდეგო მითვისების, ყალბი ოფიციალური და საგადასახადო დოკუმენტების დამზადება-გამოყენების ფაქტებზე 4 პირი დააკავა.საქართველოს გენერალური პროკურატურის კორუფციული დანაშაულის წინააღმდეგ ბრძოლის დეპარტამენტში, თბილისის მერიის შიდა აუდიტისა და მონიტორინგის სამსახურის მომართვის საფუძველზე დაიწყო გამოძიება, რომლის შედეგად დადგინდა, რომ სს ,,ელექტრომოძრავი შემადგენლობის სარემონტო ქარხნის თბილისის ფილიალის’' დირექტორი - გელა ძიძიკაშვილი , იმავე სააქციო საზოგადოების ტექნიკური დირექტორი მამუკა ნოზაძე, ამავე საწარმოს წილის ერთ-ერთი რეალური მფლობელი - პაატა სვანიძე, შპს ,,საჩინოს’’ დირექტორი და შპს ,,ინტრანსის’’ დირექტორი - რუსლან დემუროვი მართლსაწინააღმდეგოდ დაეუფლნენ შპს ,,თბილისის სატრანსპორტო კომპანიის’’ მიერ მეტროს ვაგონების კაპიტალური რემონტის, მოდერნიზაციის და მაკომპლექტებელი დეტალების შესყიდვის თაობაზე 2017-2024 წლებში, 27 ტენდერის ფარგლებში გამოყოფილი 145 367 365 ლარიდან 41 105 298 ლარს.მართლსაწინააღმდეგო ქმედების აღსრულების მიზნით, ბრალდებულებმა დაარეგისტრირეს შპს ,,საჩინო’’, რომლის სახელითაც საქართველოში, ხელოვნურად გაზრდილი ფასითა და ყალბი დოკუმენტების გამოყენებით, მეტროს ვაგონების მაკომპლექტებელი დეტალების იმპორტი განახორციელეს, გადამზიდი კომპანია ,,ინტრანსის’’ მეშვეობით. ხოლო შემდგომ შპს ,,საჩინოდან’’ ფიქციური საგადასახადო დოკუმენტების დამზადება/გამოყენების გზით, იმპორტირებული საქონელი, 3ჯერ გაზრდილი ფასით მიაწოდეს ,,თბილისის სატრანსპორტო კომპანიას’’.აღნიშნულ სისხლის სამართლის საქმეზე, სასამართლოს განჩინების საფუძველზე დაკავებულ 4 პირს ბრალდება საქართველოს სისხლის სამართლის კოდექსის 182-ე მუხლის მე-2 ნაწილის “დ”; მე-3 ნაწილის “ა” და “ბ” ქ/პუნქტებით; 362-ე მუხლის მე-2 ნაწილის “ბ” ქ/პუნქტით და 210-ე მუხლის მე-2 ნაწილის “ა” ქ/პუნქტით წარედგინათ, რაც სასჯელის სახედ და ზომად თავისუფლების აღკვეთას 7 და 11 წლამდე ითვალისწინებს.დაკავებულთაგან 3 ბრალდებულს აღკვეთის ღონისძიების სახით პატიმრობა, ხოლო ერთ მათგანს 2 მილიონი ლარის ოდენობით გირაო შეეფარდათ.სისხლის სამართლის საქმეზე გამოძიება გრძელდება, დანაშაულთან შემხებლობაში მყოფი სხვა პირების დადგენის მიზნით“, - ნათქვამია ინფორმაციაში.
საზოგადოება • 1794897273
საქართველოს ავტოპარკში ძვირად ღირებული ავტომობილების რაოდენობა ყოველწლიურად იზრდება.Bugatti, Maybach, Ferrari, McLaren და Lamborghini - ეს იმ ავტომობილების ბრენდებია, რომელთა ნახვაც საქართველოს გზებზე წლების წინ თითქმის შეუძლებელი ან იშვიათობა იყო, დღეს კი მათი რაოდენობა საკმაოდ თვალშისაცემია.„საქსტატის“ მონაცემებით, საქართველოში ამ დროისთვის 177 Bentley, 126 Rolls-Royce და 127 Lamborghini არის რეგისტრირებული. შედარებით იშვიათ ბრენდებს შორის კი, ქვეყანაში სულ 5 Bugatti და 6 Maybach ფიქსირდება.უფრო კონკრეტულად, „საქსტატის“ მონაცემებზე დაყრდნობით, „ბიზნესპრესნიუსი“ გთავაზობთ თუ რამდენი ძვირად ღირებული ავტომობილია რეგისტრირებული საქართველოში და როგორ შეიცვალა მათი რაოდენობა გასული წლის ანალოგიურ პერიოდთან შედარებით: Lamborghini - საქართველოში ჯამში 127 ავტომობილია რეგისტრირებული (გასული წლის ანალოგიურ პერიოდში - 78); Ferrari - ავტომობილების საერთო რაოდენობა 111-ს შეადგენს (გასული წლის ანალოგიურ პერიოდში - 90); Bugatti - ქვეყანაში 5 ავტომობილია რეგისტრირებული (გასული წლის ანალოგიურ პერიოდში - 4); Rolls-Royce - ჯამში 126 ავტომობილია (გასული წლის ანალოგიურ პერიოდში - 113); Aston Martin - 40 ავტომობილია რეგისტრირებული (გასული წლის ანალოგიურ პერიოდში - 33); Bentley - ავტომობილების რაოდენობა 177-ს შეადგენს (გასული წლის ანალოგიურ პერიოდში - 151); McLaren - საქართველოში 9 ავტომობილია რეგისტრირებული (გასული წლის ანალოგიურ პერიოდშიც - 9); Maybach - ქვეყანაში 6 ავტომობილია (გასული წლის ანალოგიურ პერიოდში - 5). ოფიციალური სტატისტიკა აჩვენებს, რომ საქართველოს ავტოპარკში ექსკლუზიური და პრემიუმ კლასის ავტომობილების რაოდენობა თანდათან იზრდება.ეს განსაკუთრებით თვალშისაცემია იმ ფონზე, რომ აღნიშნული ბრენდების ავტომობილების ღირებულება, მოდელისა და კომპლექტაციის მიხედვით, ასობით ათასი დოლარიდან რამდენიმე მილიონ დოლარამდე მერყეობს.ჩამოთვლილი ბრენდები მსოფლიოში ერთ-ერთი ყველაზე ძვირად ღირებულ ავტომობილების მწარმოებლებს შორის არიან. მათი ფასები კი მნიშვნელოვნად განსხვავდება მოდელის, გამოშვების წელის, ძრავისა და ინდივიდუალური კომპლექტაციის მიხედვით.უფრო კონკრეტულად, გთავაზობთ დაახლოებით მონაცემებს, თუ რა ღირს მსოფლიოში ცნობილი ძვირად ღირებული ბრენდების ავტომობილები:Lamborghini - ახალი მოდელების საწყისი ფასი დაახლოებით 250 000 დოლარიდან იწყება და 700 000 დოლარსაც აჭარბებს. განსაკუთრებული და შეზღუდული სერიის მოდელების ღირებულება გაცილებით მაღალია.Ferrari - ახალი ავტომობილების ფასი დაახლოებით 260 000 დოლარიდან იწყება, ხოლო უფრო მაღალი კლასის და ექსკლუზიური მოდელების ღირებულება რამდენიმე მილიონ დოლარს აღწევს. შეზღუდული სერიის ავტომობილების ფასმა შესაძლოა 3-4 მილიონ დოლარსაც გადააჭარბოს.Bugatti - მსოფლიოში ერთ-ერთი ყველაზე ძვირად ღირებული ავტომწარმოებელია. მისი ახალი მოდელების ფასი დაახლოებით 3.8 მილიონი დოლარიდან იწყება და კონკრეტული მოდელის მიხედვით 5-6 მილიონ დოლარს ან მეტსაც აღწევს.Rolls-Royce - ბრენდის ავტომობილების საწყისი ფასი დაახლოებით 370 000 დოლარია, ხოლო მაღალი კლასის მოდელებისა და განსაკუთრებული კომპლექტაციების ღირებულება 600 000 დოლარსაც აჭარბებს. ინდივიდუალური შეკვეთებით დამზადებული ავტომობილები შესაძლოა გაცილებით ძვირიც ღირდეს.Aston Martin - ახალი მოდელების ფასები დაახლოებით 195 000 დოლარიდან იწყება და 500 000 დოლარსაც აღწევს. განსაკუთრებული სერიის ავტომობილების ღირებულება მილიონ დოლარზე მეტიც შეიძლება იყოს.Bentley - ახალი ავტომობილების საწყისი ფასი დაახლოებით 220 000 დოლარია, ხოლო ძვირად ღირებული მოდელებისა და ინდივიდუალური კონფიგურაციების შემთხვევაში ღირებულება 400 000 დოლარს აჭარბებს.McLaren - ბრენდის შედარებით ხელმისაწვდომი მოდელების ფასი დაახლოებით 230 000 დოლარიდან იწყება, ხოლო მაღალი კლასის და შეზღუდული სერიის ავტომობილების ღირებულება 2 მილიონ დოლარსაც აჭარბებს.Maybach - Mercedes-Maybach-ის მოდელების ფასი დაახლოებით 180 000 დოლარიდან იწყება და იზრდება მოდელისა და კომპლექტაციის შესაბამისად. გამორჩეული ვერსიების ღირებულება უფრო მაღალია.ცნობისთვის, სტატისტიკის ეროვნული სამსახურის მონაცემებით, მიმდინარე წლის მესამე კვარტალის ბოლოს საქართველოში რეგისტრირებული ავტომობილების რაოდენობა 2 010 195 ერთეულს შეადგენს. ამასთან, 2 მილიონზე მეტი ავტომობილიდან თითქმის მილიონი, უფრო კონკრეტულად კი 984 369 ერთეული, დედაქალაქზე მოდის.BPN
საზოგადოება • 1794897091
Visual Capitalist-მა მსოფლიოს 47 ქვეყნის რეიტინგი გამოაქვეყნა, რომელიც აჩვენებს, სად არის უმაღლესი განათლების მქონე მოსახლეობის წილი ყველაზე მაღალი. კვლევა 25-დან 64 წლამდე ასაკის მოსახლეობას მოიცავს და ითვალისწინებს როგორც უნივერსიტეტის დიპლომს, ისე კოლეჯის, მაგისტრატურისა და დოქტორანტურის კვალიფიკაციებს.მონაცემები ძირითადად ეკონომიკური თანამშრომლობისა და განვითარების ორგანიზაციის (OECD) 2026 წლის ანგარიშს ეფუძნება, ხოლო ქვეყნებს შორის შედარებისთვის გაეროს მოსახლეობის შეფასებებიც არის გამოყენებული.რეიტინგში პირველ ადგილს კანადა იკავებს — ქვეყანაში 25-64 წლის მოსახლეობის 64%-ს კოლეჯის ან უნივერსიტეტის კვალიფიკაცია აქვს. მეორე ადგილზეა ირლანდია 59%-ით, ხოლო იაპონია და სამხრეთ კორეა მესამე-მეოთხე ადგილებს 58%-იანი მაჩვენებლით იყოფენ. ხუთეულში ასევე შედის გაერთიანებული სამეფო, სადაც შესაბამისი კვალიფიკაციის მქონე მოსახლეობის წილი 55%-ს შეადგენს.აშშ რეიტინგში მერვე ადგილზეა — 52%-ით, რაც OECD-ის საშუალო მაჩვენებელს, 43%-ს, მნიშვნელოვნად აღემატება. ამასთან, რეიტინგი აჩვენებს, რომ განათლების მქონე მოსახლეობის წილი და ასეთი ადამიანების საერთო რაოდენობა სხვადასხვა რამაა: მაგალითად, ჩინეთს ყველაზე მეტი — 152.4 მილიონი — უმაღლესი ან კოლეჯის განათლების მქონე ზრდასრული ჰყავს, თუმცა შესაბამის ასაკობრივ ჯგუფში მათი წილი მხოლოდ 18%-ია. ინდოეთში ეს მაჩვენებელი 16%-ს, აშშ-ში კი 52%-ს შეადგენს.
მსოფლიო • 1794896776
ბრაზილიური სილამაზის ბრენდი Sol de Janeiro სრული ასორტიმენტი უკვე ოფიციალურად PSP-შია.ბრაზილიური სილამაზის ცნობილი ბრენდი Sol de Janeiro სრული ასორტიმენტითა და ახალი კოლექციით უკვე PSP-ის აფთიაქებსა და ონლაინ მაღაზიაშია ხელმისაწვდომი მთელი საქართველოს მასშტაბით.ბრენდის საკულტო პროდუქტებთან ერთად, მომხმარებელს შესაძლებლობა აქვს გაეცნოს მთავარ სიახლეს - Intense Perfume Mist-ის კოლექციას, რომელიც ოთხ განსხვავებულ არომატს აერთიანებს და საყვარელ სურნელებს უფრო ინტენსიურ, 10 საათამდე მდგრად ეფექტს სძენს.კოლექციაში წარმოდგენილია Cheirosa 62 Intense - ფისტის, ვანილისა და ქარვის თბილი ნოტებით; Cheirosa 59 Intense -თეთრი ორქიდეის, სანდალოზისა და ქარვის ნაზი კომპოზიციით; Cheirosa 91 Intense - ვარდის, ლიჩისა და ქარვის ყვავილოვანი არომატით და Cheirosa 74 Intense - ანანასის, ფორთოხლის ყვავილისა და ქარვის ტკბილი ნოტებით.Sol de Janeiro ბრაზილიური ცხოვრების სტილით, მზის ენერგიითა და სხეულის სიყვარულის კულტურით შთაგონებული ბრენდია. მისი ერთ-ერთი ყველაზე ცნობილი პროდუქტი Brazilian Bum Bum Cream-ია, რომლის Cheirosa 62 არომატი მოხალული ფისტის, მარილიანი კარამელისა და ვანილის გამორჩეული კომბინაციით ბრენდის სავიზიტო ბარათად იქცა.Intense Perfume Mist-ის ახალი ფორმატი კლასიკურ მისტებს არ ანაცვლებს, არამედ საყვარელი არომატების უფრო ინტენსიურ ინტერპრეტაციას წარმოადგენს. მომხმარებელს შეუძლია ორივე ფორმატი ცალ-ცალკე ან კომბინირებულად გამოიყენოს და საკუთარი განწყობის შესაბამისი სურნელი შექმნას.Sol de Janeiro-ს ასორტიმენტი ყოველდღიური თავის მოვლის სრულ რიტუალს აერთიანებს, სხეულისა და თმის სურნელოვანი მისტები კი გამორჩეულს ხდის, რათა საყვარელი არომატი ყოველდღიურობის განუყოფელ ნაწილად იქცეს.განსაკუთრებული ყურადღება ბრენდის სასაჩუქრე ნაკრებებს ეკუთვნის, რომლებიც მის საკულტო პროდუქტებსა და საყვარელ არომატებს ერთ კომპლექტში აერთიანებს. გამორჩეული შეფუთვითა და შერჩეული პროდუქტებით, Sol de Janeiro-ს სასაჩუქრე ნაკრებები განკუთვნილია მათთვის ვისაც სურს, საყვარელ ადამიანებს ბრაზილიური სითბო, სილამაზისა და თავის მოვლის პატარა დღესასწაული აჩუქოს.„PSP საქართველოს ფარმაციის ლიდერი ბრენდია, რომელიც 30 წელზე მეტია მომხმარებელს ჯანმრთელობის, სიჯანსაღისა და სილამაზის პროდუქტების ფართო არჩევანს სთავაზობს. კომპანია მსოფლიოს 100-ზე მეტი ცნობილი თავის მოვლისა და კოსმეტიკური ბრენდის ოფიციალური პარტნიორია და მუდმივად აფართოებს ასორტიმენტს მომხმარებლის ინტერესებისა და საერთაშორისო ტენდენციების შესაბამისად.ამჯერად მომხმარებელს სრულიად განსხვავებული, ბრაზილიური სილამაზის კულტურითა და გამორჩეული არომატებით შთაგონებული ბრენდის - Sol de Janeiro-ს აღმოჩენის შესაძლებლობას ვთავაზობთ. საკულტო პროდუქტებთან ერთად, PSP-ში წარმოდგენილი იქნება ბრენდის სიახლეებიც, რომლებიც სხეულისა და თმის მოვლის ყოველდღიურ რუტინას კიდევ უფრო სასიამოვნოს გახდის“,- აცხადებენ PSP-ში.Sol de Janeiro-ს სრული ასორტიმენტი მომხმარებლებისთვის ხელმისაწვდომია PSP-ის აფთიაქებსა და ონლაინ მაღაზიაში მთელი საქართველოს მასშტაბით.
ბიზნესი • 1794896387
როდესაც ეკონომიკა იზრდება, ამას ფასი არ აქვს, თუ ეს არ აისახება უშუალოდ მოსახლეობის ცხოვრების დონის გაუმჯობესებაზე და მოხარული ვართ, რომ ამ კუთხით გვაქვს ძალიან კარგი მაჩვენებლები, - ამის შესახებ საქართველოს პრემიერ-მინისტრმა ირაკლი კობახიძემ ბიზნესასოციაციის კონფერენციაზე - „ბიზნესგარემო საქართველოში, დიალოგი მთავრობასა და ბიზნესს შორის“ სიტყვით გამოსვლისას განაცხადა. როგორც მთავრობის მეთაურმა აღნიშნა, სიღარიბის მაჩვენებელი არის ერთ-ერთი საუკეთესო დასტური, რომელიც სამჯერ არის შემცირებული 2020 წლის შემდეგ, 21,3 პროცენტიდან 7,1 პროცენტამდე.„ამ ყველაფრის საუკეთესო დასტურია საშემოსავლო გადასახადის სტატისტიკაც, რომელიც რამდენჯერმე არის გაზრდილი. ეს ნიშნავს იმას, რომ ჩვენი მოქალაქეები რამდენჯერმე მეტ შემოსავალს იღებენ და ეს არის ბუნებრივია, ეკონომიკური ზრდის ერთ-ერთი თვალსაჩინო გამოხატულება. ამ პერიოდში ნახევარ მილიონზე მეტმა ადამიანმა დაძლია სიღარიბე 2020 წლის შემდეგ. მსყიდველუნარიანობის პარიტეტით ერთ სულ მოსახლეზე მთლიანმა შიდა პროდუქტმა უკვე გადააჭარბა საშუალოზე მაღალი შემოსავლის მქონე ქვეყნების მაჩვენებელს და ჩვენი ამოცანაა საშუალოვადიან პერსპექტივაში საქართველო გახდეს მაღალშემოსავლიანი ქვეყნის სტატუსის მქონე ქვეყანა. არსებული ტენდენციებითა და სავალუტო ფონდის პროგნოზის მიხედვით თუ ვიმსჯელებთ, ამ სტატუსს ჩვენ მივიღებთ 2031-2032 წლებისთვის, ეს არის ის დინამიკა, რომელიც დღეს გვაქვს და რომლის საფუძველზეც ამ შედეგის მიღწევა არის შესაძლებელი“, - განაცხადა ირაკლი კობახიძემ.ინფორმაციას მთავრობის ადმინისტრაცია ავრცელებს.
ეკონომიკა • 1794815349
საქართველოს ბანკის კორპორაციული სოციალური პასუხისმგებლობის მიდგომა ეფუძნება გრძელვადიან ინვესტიციას საზოგადოების განვითარებასა და გაძლიერებაზე ორიენტირებულ სფეროებში. ბანკის მიზანია, ადამიანებს შეუქმნას შესაძლებლობები, ისწავლონ მეტი, მიიღონ საჭირო ცოდნა და უნარები, დასაქმდნენ, განავითარონ საკუთარი საქმიანობა და წვლილი შეიტანონ ქვეყნის განვითარებაში.2026 წლის ანგარიში აერთიანებს როგორც უკვე არსებულ, მრავალწლიანი გამოცდილების მქონე ინიციატივებს, ისე ახალ პროექტებსა და პარტნიორობებს. მისი მთავარი გზავნილია, რომ შესაძლებლობები ადამიანებისთვის ხელმისაწვდომი უნდა იყოს ცხოვრების სხვადასხვა ეტაპზე და საქართველოს სხვადასხვა რეგიონში.CSR საქმიანობის სამი ძირითადი მიმართულებაა: განათლება - ხარისხიან განათლებაზე, მომავლისთვის საჭირო უნარებსა და ფინანსურ ცოდნაზე ხელმისაწვდომობის გაზრდა; დასაქმება - ახალგაზრდების მხარდაჭერა პრაქტიკული გამოცდილების მიღებაში, შრომის ბაზარზე შესვლასა და კარიერის განვითარებაში; ბიზნესის მხარდაჭერა - მეწარმეებისთვის ცოდნის, გამოცდილების, საქმიანი კავშირებისა და განვითარების შესაძლებლობების შეთავაზება. ამასთანავე, ბანკი მხარს უჭერს სპორტის, კულტურისა და გარემოს დაცვის მიმართულებით ინიციატივებს, რომლებიც საზოგადოების განვითარებას, ჩართულობასა და შესაძლებლობების გაფართოებას ემსახურება. განათლება - მთავარი მიმართულება საქართველოს ბანკის საგანმანათლებლო საქმიანობა 40-ზე მეტ პროექტს აერთიანებს და ოთხ ძირითად პრიორიტეტს ეფუძნება: საგანმანათლებლო ინფრასტრუქტურის გაუმჯობესებას, ხარისხიან განათლებაზე ხელმისაწვდომობის ზრდას, STEM განათლების ხელშეწყობასა და ფინანსური წიგნიერების განვითარებას.ძირითადი მაჩვენებლები: 40-ზე მეტი საგანმანათლებლო პროექტი; 500 000-ზე მეტი ბენეფიციარი; 30 იდეათეკა საქართველოს 11 რეგიონში; 23 000-ზე მეტი მოსწავლე სარგებლობს იდეათეკების სივრცეებით; 24 პარტნიორი უნივერსიტეტი და 500-ზე მეტი ადგილობრივი სტიპენდიატი. იდეათეკებიიდეათეკა მულტიფუნქციური საგანმანათლებლო სივრცეა, რომელიც მოსწავლეებს წიგნებზე, ტექნოლოგიებსა და მრავალფეროვან საგანმანათლებლო რესურსებზე წვდომას აძლევს. პროექტი განსაკუთრებით მნიშვნელოვანია რეგიონებისთვის, მათ შორის მაღალმთიანი, საზღვრისპირა და ეთნიკური უმცირესობებით დასახლებული დასახლებებისთვის. 2026 წელს გაიხსნა ექვსი ახალი იდეათეკა.სტიპენდიები და პროფესიული განათლებასაქართველოს ბანკის სასტიპენდიო პროგრამა სტუდენტებს პარტნიორ უნივერსიტეტებში, ბაკალავრიატის საფეხურზე სრული ან ნაწილობრივი დაფინანსების მიღების შესაძლებლობას აძლევს. პროგრამა 24 უნივერსიტეტთან თანამშრომლობით ხორციელდება.საქართველოს ბანკი ასევე სასტიპენდიო პროგრამას ახორციელებს 20 პროფესიულ აკადემიაში, სადაც დაინტერესებულ ადამიანებს შესაძლებლობას აძლევს, 100%-იანი დაფინანსებით ისწავლონ სასურველი მიმართულებით. 2026 წლიდან პროგრამა სკოლის მოსწავლეებისთვისაც გაიხსნა - მათ 10-ზე მეტი კურსის სრული დაფინანსებით სწავლის შესაძლებლობა აქვთ.ბანკი ასევე უჭერს მხარს საერთაშორისო განათლების შესაძლებლობების შექმნას. ყოველწლიურად, საქართველოს ბანკი Fulbright-ის, Chevening-ის, ნიკა გუჯეჯიანის სახელობის სასტიპენდიო პროგრამის და UWC-ის სასტიპენდიო პროგრამის ფარგლებში საკუთარ სტიპენდიატებს ავლენს. STEM განათლება და ტექნოლოგიური უნარებისაქართველოს ბანკი კომაროვის სკოლასთან თანამშრომლობით STEM სკოლის პროექტს ახორციელებს, რომელიც მოსწავლეებს საბუნებისმეტყველო მეცნიერებების, ტექნოლოგიების, ინჟინერიისა და მათემატიკის მიმართულებით ცოდნის გაღრმავებაში ეხმარება. 2026 წელს გაიხსნა TUMO ქუთაისი - უფასო საგანმანათლებლო ცენტრი, სადაც მოზარდები ტექნოლოგიებს, პროგრამირებას, დიზაინსა და სხვა შემოქმედებით მიმართულებებს ეუფლებიან.ფინანსური წიგნიერება2026 წელს საქართველოს ბანკის ფინანსური განათლების სასერტიფიკატო ტრენინგი 600-ზე მეტმა მონაწილემ გაიარა. ტრენინგები განკუთვნილია მასწავლებლებისთვის, სტუდენტებისა და მშობლებისთვის.საქართველოს ეროვნულ ბანკთან პარტნიორობით მხარდაჭერილია მოსწავლეებისა და მასწავლებლების ფინანსური განათლების კონკურსები, დესპანებისა და ფინანსური ავტობუსის პროექტები. ფინანსური განათლების კურსი დაინერგა ორ უნივერსიტეტშიც, სადაც ის 100-ზე მეტმა სტუდენტმა გაიარა.ახალგაზრდებთან ფინანსური ცოდნის გასავრცელებლად გამოიყენება sCoolApp-ის საგანმანათლებლო თამაში TRIVIA. 2026 წელს თამაშში მომხმარებლების 75%-მა მიიღო მონაწილეობა. თამაშის თემებს შორისაა დაზოგვა, პასუხისმგებლიანი ხარჯვა, პირადი ბიუჯეტის დაგეგმვა და კიბერუსაფრთხოება. დასაქმება - განათლებიდან პროფესიულ განვითარებამდე საქართველოს ბანკის მიდგომა განათლების მხარდაჭერით არ შემოიფარგლება. ერთ-ერთი მნიშვნელოვანი მიზანია, ახალგაზრდებმა მიღებული ცოდნა პრაქტიკაში გამოიყენონ, მიიღონ პირველი სამუშაო გამოცდილება და კარიერა დაიწყონ. ამ მიმართულებით ბანკი ახორციელებს სტაჟირებისა და პროფესიული განვითარების პროგრამებს, მათ შორისაა:ლიდერატორილიდერატორი უნივერსიტეტის სტუდენტებისთვის განკუთვნილი ანაზღაურებადი სტაჟირების პროგრამაა. მონაწილეები მუშაობენ სხვადასხვა დეპარტამენტში, იღებენ პრაქტიკულ გამოცდილებას, სარგებლობენ მენტორობითა და რეგულარული უკუკავშირით.2017 წლიდან პროგრამაში 537-ზე მეტმა სტუდენტმა მიიღო მონაწილეობა, ხოლო მონაწილეთა 80%-მა პროგრამის დასრულების შემდეგ კარიერა საქართველოს ბანკში გააგრძელა. 2026 წელს პროგრამაში 44 სტუდენტი ჩაერთო.საზაფხულო სტაჟირებაპროგრამა ქართველი სტუდენტებისთვისაა განკუთვნილი, რომლებიც მსოფლიოს წამყვან უნივერსიტეტებში სწავლობენ. ის მათ 4-დან 8 კვირამდე ხანგრძლივობის პრაქტიკულ გამოცდილებას სთავაზობს. 2026 წელს პროგრამას 47 სტუდენტი შეუერთდა, ხოლო მისი დაწყებიდან დღემდე მონაწილეობა 119-მა სტუდენტმა მიიღო. ბიზნესის მხარდაჭერა - ცოდნა, კონსულტაცია და განვითარების შესაძლებლობები საქართველოს ბანკის ბიზნესის მხარდაჭერა მხოლოდ ფინანსურ პროდუქტებს არ გულისხმობს. ბანკი მეწარმეებს სთავაზობს ცოდნის გაღრმავების, პროფესიული კონსულტაციის, საქმიანი კავშირებისა და ბიზნესის განვითარების შესაძლებლობებს.მიმართულება სამ ძირითად კომპონენტს აერთიანებს: საკონსულტაციო მხარდაჭერა - მეწარმეებისთვის პროფესიული რჩევები და პრაქტიკული ინსტრუმენტები ისეთ საკითხებში, როგორებიცაა მარკეტინგი, ბუღალტერია, საგადასახადო საკითხები, ადამიანური რესურსები და ბიზნესის მართვა; მეწარმე ქალების მხარდაჭერა - ბიზნესცოდნის, მენტორობის, პროფესიული კავშირებისა და ლიდერული უნარების განვითარება; ბიზნესცოდნა და ანალიტიკა - უფასო სასწავლო კურსები, ვებინარები, მასტერკლასები და სტარტაპების განვითარების პროგრამები. მეწარმე ქალთა სკოლასაქართველოს ბანკმა და გაეროს განვითარების პროგრამამ (UNDP) მეწარმე ქალთა სკოლა 2022 წელს დააფუძნეს. პროგრამა ქალ მეწარმეებს ეხმარება ბიზნესის მართვის ცოდნის გაღრმავებაში, სტრატეგიული ხედვის ჩამოყალიბებასა და პროფესიული კავშირების დამყარებაში. 2026 წელს აჭარის რეგიონში გაიმართა ელექტრონული კომერციის ორდღიანი ტრენინგი, რომელშიც 30-მა ადგილობრივმა მეწარმე ქალმა მიიღო მონაწილეობა.500 Georgiaსაქართველოს ბანკი 500 Global-თან და GITA-სთან ერთად 500 Georgia-ს აქსელერაციის პროგრამას ახორციელებს. პროგრამა სტარტაპებს ეხმარება ბიზნესმოდელის გაუმჯობესებაში, ინვესტიციების მოსაზიდად მომზადებასა და საერთაშორისო სტარტაპებისა და ინვესტორების ქსელებთან დაკავშირებაში. პროგრამაში მისი დაწყებიდან დღემდე 125 სტარტაპი ჩაერთო, მათგან 11 - 2026 წელს.BusinessCourse.geBusinessCourse.ge უფასო ონლაინ პლატფორმაა მეწარმეებისთვის, მენეჯერებისა და პროფესიონალებისთვის. ის მომხმარებლებს საქართველოს ნებისმიერი წერტილიდან აძლევს ბიზნესცოდნისა და პრაქტიკული უნარების განვითარების შესაძლებლობას. სპორტი, კულტურა და გარემოს დაცვა განათლების, დასაქმებისა და ბიზნესის მხარდაჭერის პარალელურად, საქართველოს ბანკი გრძელვადიანად თანამშრომლობს სპორტულ ფედერაციებთან და კულტურულ ორგანიზაციებთან, ასევე მონაწილეობს გარემოს დაცვის ინიციატივებში.სპორტი 2022 წლიდან საქართველოს ბანკი ქართული ფეხბურთის გენერალური სპონსორია; 2021 წლიდან საქართველოს კალათბურთის ფედერაციის პარტნიორია; 2018 წლიდან თანამშრომლობს საქართველოს ეროვნულ ოლიმპიურ კომიტეტთან; 2019 წლიდან საქართველოს პარალიმპიური კომიტეტის პარტნიორია. 2026 წელს გაგრძელდა კამპანია „რომელი ბრენდი იმსახურებს ჩემპიონს?“, რომელიც ქართულ ბიზნესებს ქართველი პარასპორტსმენების მხარდაჭერისკენ მოუწოდებს. კამპანიას დაახლოებით 20 ბრენდი შეუერთდა.ასევე, 2026 წლიდან საქართველოს ბანკი ნანა ალექსანდრიას სახელობის ფოთის საჭადრაკო კლუბის მთავარი პარტნიორია. პარტნიორობის ფარგლებში 10 ახალგაზრდა მოჭადრაკეს სრული ერთწლიანი სტიპენდია გადაეცა.კულტურასაქართველოს ბანკი 2022 წლიდან ქართული ნაციონალური ბალეტის, „სუხიშვილების“, გენერალური პარტნიორია. 2026 წელს დაიწყო კამპანია „სუხიშვილები და რეგიონები“, რომლის მიზანია ანსამბლის კონცერტების საქართველოს სხვადასხვა რეგიონში გამართვა. პირველი კონცერტი ქუთაისში გაიმართა.ბანკი ასევე უკვე სამი წელია მხარს უჭერს „თბილისის წიგნის დღეებს“. 2023 წლიდან ღონისძიებას 150 000-ზე მეტი ადამიანი დაესწრო.2026 წელს დაიწყო ბავშვებისთვის განკუთვნილი ქართული 3D ანიმაციური სერიალის, „მარგო და კირას“, მხარდაჭერაც. სერიალი ბავშვების ემოციური, კოგნიტიური და სოციალური უნარების განვითარებაზეა ორიენტირებული.გარემოს დაცვასაქართველოს ბანკი 2010 წლიდან კავკასიის ბუნების ფონდთან (CNF) თანამშრომლობით საქართველოს დაცული ტერიტორიების შენარჩუნებასა და განვითარებას უწყობს ხელს. ამჟამად ბანკი 18 დაცული ტერიტორიის მხარდამჭერია, რომელთა საერთო ფართობი 740 000 ჰექტარს შეადგენს.პარტნიორობის ფარგლებში ფინანსდება დაცული ტერიტორიების ადმინისტრაციული და ინფრასტრუქტურული საჭიროებები, უმჯობესდება რეინჯერების სამუშაო პირობები და მხარდაჭერილია ადგილობრივი მოსახლეობაც.ეს საქართველოს ბანკის მიერ განხორციელებული ინიციატივების მხოლოდ ნაწილია. სრული CSR ანგარიში ხელმისაწვდომია ბმულზე.
ბიზნესი • 1794815172










