თბილისში დაგეგმილი Kanye West-ის კონცერტის საფასო კატეგორიები ცნობილია.ღონისძიების ორგანიზატორის, Starring Georgia-ს მიერ გამოქვეყნებული ინფორმაციით, ლაივ-შოუზე დასასწრები ბილეთების ფასი 270 ლარიდან იწყება და 1600 ლარამდე მერყეობს."ბილეთების წინასწარი გაყიდვა დაიწყება 11 მაისს, 12:00 საათიდან, მხოლოდ თიბისი ბარათების მფლობელებისთვის. ბილეთების ძირითადი გაყიდვა დაიწყება 12 მაისს, 12:00 საათიდან, ნებისმიერი ბარათის მფლობელებისთვის.ორივე დღეს, თიბისი ბარათებით შეძენისას, ყველა კატეგორიის ბილეთზე მოქმედებს -25%", - ნათქვამია Starring Georgia-ს ინფორმაციაში.შეგახსენებთ, მსოფლიო ვარსკვლავი, მუსიკოსი Kanye West ლაივ-შოუს დინამო არენაზე, 12 ივნისს გამართავს. YE, რომელიც 21-ე საუკუნის მუსიკის ერთ-ერთ მნიშვნელოვან და გავლენიან ფიგურად ითვლება, საქართველოს Starring Georgia-ს მეოთხე სეზონის ფარგლებში ეწვევა.BPN

რუსეთის პრეზიდენტის ვლადიმერ პუტინის განცხადებით, ,,საქმე უკრაინული კონფლიქტის დასრულებისკენ მიდის".ამის შესახებ ვლადიმირ პუტინმა ბრიფინგზე განაცხადა.,,კი, ბატონო ზელენსკი მზად არის პირადი შეხვედრა გამართოს. კი, ეს გამიგია. მაგრამ ეს პირველად არ გვესმის. რა შეიძლება ამაზე ვთქვათ, არასდროს გვითქვამს უარი, და მე არასდროს მითქვამს უარი. ეს შეხვედრა არ შემითავაზებია, მაგრამ თუ ვინმე გვთავაზობს, კი. დაე ის ჩამოვიდეს, ვისაც შეხვედრა უნდა, დაე, ჩამოვიდეს მოსკოვში, შევხვდებით. მესამე ქვეყანაშიც შეიძლება შეხვედრა, მაგრამ მხოლოდ იმ შემთხვევაში, როდესაც საბოლოო შეთანხმებები იქნება მიღწეული სამშვიდობო შეთანხმებაზე, რომელიც გათვლილი უნდა იყოს ხანგრძლივ ისტორიულ პერსპექტივაზე, რათა მონაწილეობა მივიღოთ ამ ღონისძიებაში ან რამეს მოვაწეროთ ხელი, მაგრამ ეს საბოლოო წერტილი უნდა იყოს," - განაცხადა პუტინმა.ამავდროულად, პუტინის თქმით, ,,საქმე უკრაინული კონფლიქტის დასრულებისკენ მიდის".ipn.ge

ირანის ომის გამო საწვავზე ფასების ზრდა არაპროპორციული ძალით მოქმედებს დაბალი შემოსავლის მქონე მომხმარებლებზე, რაც მათ McDonald's-ის შეკვეთებზე უარის თქმისკენ უბიძგებს.ამის შესახებ Reuters კომპანიის აღმასრულებელ დირექტორ კრის კემპჩინსკიზე დაყრდნობთ წერს.სააგენტოს შეფასებით, McDonald's, ისევე, როგორც სწრაფი კვების სხვა რამდენიმე ქსელი მეტად არის დამოკიდებული დაბალი შემოსავლის მქონე მომხმარებლებზე და სპეციალური შეთავაზებები აქვს, რომ შეზღუდული ფინანსური რესურსებით მეტი მომხმარებელი მიიზიდოს.„საწვავზე მაღალი ფასები არის მთავარი პრობლემა, რომელსაც ამჟამად ვაწყდებით… მაკროეკონომიკური გარემო ნამდვილად არ უმჯობესდება და შესაძლოა, ცოტათი გაუარესდეს კიდეც,“ - ამბობს კემპჩინსკი.მისი ცნობით, მცირდება მარჟაც, რადგან ინფლაცია კომპანიას აიძულებს, პროდუქტებზე, ქაღალდსა და საწვავზე მეტი დახარჯოს. კერძოდ, აშშ-ში გასულ წელთან შედარებით შედეგი 25%-ით შემცირდა და 59 მლნ დოლარს მიაღწია.კემპჩინსკი დასძენს, რომ McDonald's-მა შედეგების გასაუმჯობესებლად შესაძლოა, ფრენჩაიზების ქსელს გადახედოს.თუმცა, იმის მიუხედავად, რომ გაყიდვების ზრდა მოლოდინს ჩამორჩება, კომპანიის მთლიანმა შემოსავალმა პროგნოზირებულ 6.47 მლრდ დოლარს გადააჭარბა და 6.52 მლრდ დოლარი შეადგინა.გაყიდვების სუსტი კვარტალური ზრდა რესტორნების რამდენიმე სხვა ამერიკულმა ქსელმაც დააფიქსირა, როგორიც არის Shake Shack, Papa John's, Wingstop და Domino's. მიზეზად ირანში ომის გავლენა სახელდება.

საქართველოში სოციალურად დაუცველი ოჯახების მონაცემთა ბაზაში რეგისტრაციის წესი იცვლება. მთავრობის ახალი დადგენილებით, სისტემაში ჩნდება მკაცრი ფინანსური ზღვარი, რომელიც მაღალი შემოსავლის მქონე პირებს დახმარების მიღების შესაძლებლობას ავტომატურად უწყვეტს.აღნიშნული ცვლილება შევიდა „ქვეყანაში სიღატაკის დონის შემცირებისა და მოსახლეობის სოციალური დაცვის სრულყოფის“ შესახებ მთავრობის 2010 წლის 24 აპრილის დადგენილებაში.ცვლილებების ერთ-ერთი ყველაზე მნიშვნელოვანი პუნქტი ფინანსურ ზღვარს ეხება. კერძოდ, ახალი დადგენილების მიხედვით, თუ ბაზაში რეგისტრირებული ოჯახის მიერ მიღებული ხელფასი (დასაბეგრი შემოსავალი) ბოლო 3 თვის განმავლობაში, ოჯახის ერთ წევრზე გაანგარიშებით, ყოველთვიურად ტოლია ან მეტია 1 250 ლარზე, ოჯახს შეუწყდება მონაცემთა ბაზაში რეგისტრაცია სოციალურ-ეკონომიკური მდგომარეობის შეფასების გარეშე.“ამასთან, დადგენილების მიხედვით, ბაზაში რეგისტრაცია ასევე შეუწყდებათ: გარდაცვლილ პირებს. ოჯახის იმ წევრს, რომელსაც მონაცემთა ბაზაში რეგისტრაციის შემდეგ დაუფიქსირდება ისეთი სტატუსი, რომელიც აღარ შეესაბამება დადგენილ კრიტერიუმებს. ამასთან, ეს წესი ვრცელდება იმ ოჯახებზეც, რომლებიც სარგებლობენ გარკვეული საშეღავათო პირობებით, მათ შორის, „პილოტური პროგრამით − ერთად ოჯახების გაძლიერებისათვის“. ამასთან, გადამოწმება შეეხება იმ ოჯახებსაც, რომლებზეც პანდემიის პერიოდში „იზოლაციისა და კარანტინის წესებით“ განსაზღვრული შეღავათები ვრცელდებოდა.დოკუმენტის მიხედვით, დადგენილება უნდა ამოქმედდეს გამოქვეყნებისთანავე.შეგახსენებთო, რომ სოციალურად დაუცველი ოჯახების მონაცემთა ბაზაში რეგისტრირებული ადამიანების რაოდენობასთან დაკავშირებით თავდაპირველად განცხადება პრემიერმა ირაკლი კობახიძემ 2025 წლის 26 ნოემბერს გააკეთა. მაშინ პრემიერმა თქვა, რომ „ამჟამად სოციალურ დახმარებას იმაზე მეტი ადამიანი იღებს საქართველოში, ვიდრე ღარიბია და ამიტომ, ეს მაჩვენებელი გადასახედია.“ხელისუფლებამ საარსებო შემწეობის მიმღები ოჯახების გადამოწმება და კრიტერიუმების შეცვლა მიმდინარე წლის დასაწყისში დააანონსა. როგორც მაშინ ჯანდაცვის მინისტრმა მიხეილ სარჯველაძემ განაცხადა, ამის მიზეზია ის, რომ ბაზაში დარჩნენ ის ადამიანები, ვისაც რეალურად ეკუთვნით სახელმწიფოს ფინანსური დახმარება.

თაგვებზე ჩატარებული ახალი კვლევა აჩვენებს, როგორ იწვევს პურის ჭამა სხეულის წონისა და ცხიმოვანი მასის მატებას იმის მიუხედავად, როცა კალორიების მიღება ერთ დონეზე რჩება.იაპონიის ქალაქ ოსაკის მეტროპოლიური უნივერსიტეტის მეცნიერთა ჯგუფის მიერ ჩატარებული ახალი კვლევა წარმოაჩენს, როგორ იწვევს ნახშირწყლების მიღება წონის ისეთივე მატებას, როგორსაც ჭარბი ცხიმის მიღება.ეს არ არის პირველი შემთხვევა, როცა ნუტრიციოლოგები საუბრობენ პურისა და ნახშირწყლებისა და წონის მატებაში მათი როლის შესახებ, მაგრამ არ არსებობდა არც ისე ბევრი დეტალური კვლევა კავშირის შესახებ — განსაკუთრებით ხორბლის ფქვილის; არც იმის შესახებ, რა შეიძლება ხდებოდეს მეტაბოლურ დონეზე.ჯგუფმა აღმოაჩინა, რომ ბევრი ხორბლის პურის ჭამა დაკავშირებული იყო ენერგიის ხარჯვის შემცირებასთან, რასაც მეტაბოლიზმი გადაჰყავდა მდგომარეობაში, რომელშიც პრიორიტეტია ცხიმის შენახვა, იმ შემთხვევაშიც კი, როცა რაციონში კალორიების რაოდენობა ერთსა და იმავე დონეზე რჩება“, — ამბობს ოსაკის მეტროპოლიური უნივერსიტეტის ნუტრიციოლოგი შიგენობუ მაცუმურა.მკვლევრებმა ლაბორატორიაში ჩაატარეს ექსპერიმენტები, რომლებშიც თაგვებს აძლევდნენ საშუალებას, არჩევანი გაეკეთებინათ მათ ნორმალურ, ჯანსაღ, მარცვლეულზე დაფუძნებულ რაციონსა და მარტივ, ხორბლის პურს ან ბრინჯის პურს შორის. ამის შემდეგ, თაგვებს აკვირდებოდნენ, ამოწმებდნენ მათ წონას და იმას, თუ როგორ წვავდა მათი სხეული კალორიებს მოსვენების და აქტიურობის დროს.სისხლის ნიმუშების გამოყენებით, ამ ცხოველებში ჯგუფმა ასევე შეისწავლა ჰორმონები, სისხლში შაქარი და მეტაბოლური დონეები, ექსპერიმენტის შემდგომი ქსოვილოვანი ანალიზით კი შეაფასეს გენების ექსპრესია ღვიძლში.ექსპერიმენტებმა აჩვენა, რომ თაგვები ძლიერ უპირატესობას ანიჭებდნენ თავიანთ სტანდარტული რაციონიდან ნახშირწყლებით მდიდარ საკვებზე, რამაც შემდეგ განაპირობა წონის მატება და მეტი ცხიმოვანი ქსოვილი, განსაკუთრებით მამრებში.შემდეგმა ანალიზებმა და ტესტებმა მიანიშნა, რომ ეს ორი საკვანძო ცვლილება გამოწვეული იყო არა ზედმეტი ჭამით ან ვარჯიშის ნაკლებობით, არამედ თავად საკვებით. აღმოჩნდა, რომ ხორბლის პურის რაციონში ჯამში უფრო ნაკლები კალორია იწვებოდა და აქტიურდებოდა გენები, რომლებიც პასუხისმგებელი იყო ნახშირწყალბადების ცხიმად გარდაქმნაზე.ცხრა კვირის შემდეგ, ხორბლის პურის რაციონზე მყოფ თაგვებს ასევე აღენიშნათ ინსულინისა და ლეპტინის დონის აწევა — ჰორმონების, რომლებიც ჩართულია მეტაბოლიზმსა და მადის რეგულირებაში; სისხლში შაქრის და ტრიგლიცერიდის დონე კი ისეთივე დარჩა, რაც თაგვების საკონტროლო ჯგუფში იყო.კვლევაში არ შეუსწავლიათ, როგორ შეიძლება შეეტანა წვლილი ამ ჰორმონულ ცვლილებებს ცხიმის მატებაში, თუმცა ჯდება სიმსუქნის ნახშირწყალ-ინსულინის თეორიასთან, რომელიც ინსულინს აკავშირებს ცხიმის დაგროვებასთან და ენერგიის ხარჯვის შემცირებასთან.ხორბლის პურის ჯგუფზე ფოკუსირებულმა კიდევ ერთმა შემდგომმა ტესტმა აჩვენა, რომ როცა ძველებური რაციონი აღდგა, წონის მატება შეწყდა, მეტაბოლური ცვლილებები კი უკუიქცა.„იმედი გვაქვს, რომ მომავალში ეს გახდება სამეცნიერო საფუძველი, რომლითაც მივაღწევთ ბალანსს „გემოსა“ და „ჯანსაღს“ შორის ნუტრიციოლოგიური სახელმძღვანელოების, კვების განათლებისა და საკვების შექმნის დარგებში“, — ამბობს მაცუმურა.ამ კვლევის შედეგები წარმოადგენს კიდევ უფრო მეტ მტკიცებულებას იმისა, თუ როგორ შეიძლება ჩვენს მიერ მიღებულმა საკვებმა გამოიწვიოს ცვლილებები იმაში, თუ როგორ ამუშავებს ჩვენი სხეული საკვებს და წვავს მასში შემავალ კალორიებს. პურის შემთხვევაში, როგორც ჩანს, ეს პროდუქტი ანელებს სხეულის მეტაბოლურ ძრავას.კვლევის ერთი შეზღუდვა ისაა, რომ თაგვებზე ჩატარდა და არა მოხალისე ადამიანებზე. მიუხედავად იმისა, რომ დიდია ალბათობა, ადამიანებშიც ასე მოხდეს, ამას ჯერ გადაჭრით ვერ ვიტყვით და ეს უკვე სამომავლო კვლევების საქმეა.მკვლევრებს ასევე სურთ ექსპერიმენტები ჩაატარონ საკვების უფრო ფართო არჩევანზე, რათა დაადგინონ, ზუსტად რა იწვევს პურში ამ რეაქციას.რა თქმა უნდა, სხვა მრავალ ფაქტორსაც შეუძლია გავლენა მოახდინოს იმაზე, თუ როგორ რეაგირებს ჩვენი მეტაბოლიზმი საკვებსა და სასმელზე, მათ შორის კი არის ასაკი და ჰორმონებთან დაკავშირებული ცვლილებები.„ვგეგმავთ, მომავალში ასეთი ექსპერიმენტები ადამიანებზე ჩავატაროთ, რათა დავადასტუროთ, ამ კვლევაში გამოვლენილი ზუსტად რომელი მეტაბოლური ცვლილებები ეხება კვების რეალურ ჩვევებს. ასევე გვსურს, შევისწავლოთ, რა გავლენას ახდენს ნახშირწყლების მიღების საპასუხო მეტაბოლურ რეაგირებაში ისეთი ფაქტორები, როგორიცაა მთლიანი მარცვლეული, არარაფინირებული მარცვლეული, საკვები ბოჭკოთი სავსე სურსათი, ასევე მათი კომბინაცია ცილებთან და ცხიმთან, საკვების დამუშავების მეთოდები და ჭამის დრო“, — ამბობს კვლევის ავტორი, ოსაკის მეტროპოლიური უნივერსიტეტის ნუტრიციოლოგი შიგენობუ მაცუმურა.კვლევა Molecular Nutrition & Food Research-ში გამოქვეყნდა.მომზადებულია omu.ac.jp-სა და ScienceAlert-ის მიხედვით.წყარო: პირველი არხი

„თუ გვჭირდებოდა 120 ლარის საწვავი, ახლა გვჭირდება 180 ლარის“ - როგორც ავტოსადგურების მძღოლები „პალიტრავიდეოსთან“ აცხადებენ, მგზავრობის საფასურის გაძვირება საწვავის მომატებულმა ფასებმა გამოიწვია.შეგახსენებთ, რამდენიმე დღის წინ „ბიზნესპრესნიუსი“ წერდა, რომ თბილისიდან რეგიონებში, რიგი მიმართულებით მგზავრობის საფასური გაძვირდა. ცოტა ხნით ადრე ტარიფები მგზავრთგადამყვანმა კომპანიებმაც შეცვალეს. Metro Georgia-მ, Omnibus Express-მა და Georgian Bus-მა, ქვეყანაში საწვავის გაძვირების გამო, მგზავრობის ღირებულება ყველა მიმართულებაზე 5 ლარით გაზარდეს.როგორც „პალიტრავიდეოს“ „ოკრიბას“ ავტოსადგურში განუცხადეს, მგზავრობის გაძვირება გარდაუვალი იყო.„არ გვინდოდა მგზავრობის გაძვირება, მაგრამ სხვა გზა არ იყო. საწვავის გარდა მძღოლებს სხვა ხარჯებიც აქვთ“ - აცხადებენ ისინი.მძღოლები ფასების ზრდას საწვავის გაძვირებას უკავშირებენ.„საწვავის ფასმა რომ მოიმატა, მგზავრობის საფასურიც ამიტომ გაძვირდა. თუ გვჭირდებოდა 120 ლარის საწვავი, ახლა გვჭირდება 180 ლარის“ - განაცხადა ავტოსადგურის ერთ-ერთმა მძღოლმა. მისი თქმით, ფასის ცვლილება მგზავრების რაოდენობაზეც აისახა.მიუხედავად ამისა, მძღოლების ნაწილი ცდილობს, მგზავრობის საფასური არ გაზარდოს. როგორც „პალიტრავიდეოსთან“ ბათუმი-თბილისის ხაზის მძღოლმა განაცხადა, მაქსიმალურად ცდილობენ, მგზავრობა არ გააძვირონ.„ხალხს არ აქვს საშუალება და როგორ გავაძვიროთ? ხალხის რაოდენობაც შემცირდება, არადა 1 ლიტრ საწვავში 4,2 ლარს ვიხდით“ - აცხადებენ ისინი.