ზაფხულის მიწურული და შემოდგომის დასაწყისი დასვენებისა და განტვირთვისთვის კარგი პერიოდია. საქართველოს ბანკის საკრედიტო Amex ბარათის მფლობელებს კი შერჩეულ სასტუმროებსა და დასასვენებელ სივრცეებში სპეციალური შეთავაზებებით სარგებლობა და დამატებითი MR ქულების დაგროვების შესაძლებლობა აქვთ.შეთავაზებებით სარგებლობისთვის აუცილებელია გადახდა საქართველოს ბანკის ტერმინალზე.გაეცანით შეთავაზებებს:დასვენება თბილისში და თბილისთან ახლოსMargot Hotel Tbilisi - 30 სექტემბრამდე Amex ბარათით გადახდისას 15%-იან MR ქულების ქეშბექს მიიღებთ (მაქსიმუმ 200 ლარის);Sevsamora Resort & Spa - 30 სექტემბრამდე Amex ბარათით გადახდისას 15%-იანი მომენტალური MR ქეშბექით ისარგებლებთ (მაქსიმუმ 200 ლარის);Blue Drop - 15 სექტემბრის ჩათვლით Amex ბარათით გადახდისას 30%-იან MR ქულების ქეშბექს მიიღებთ (მაქსიმუმ 200 ლარის);*შეთავაზება არ მოქმედებს Blue Drop-ის სხვა აქციებთან ერთად.დასვენება კახეთშიEsquisse Hotel - 30 სექტემბრის ჩათვლით Amex ბარათით გადახდისას 10-ჯერ მეტ MR ქულას დააგროვებთ ულიმიტოდ;Nekresi Estate - 30 სექტემბრამდე Amex ბარათით გადახდისას 10-ჯერ მეტ MR ქულას დააგროვებთ ულიმიტოდ;Anapea Village - 30 ნოემბრის ჩათვლით Amex ბარათით გადახდისას 10-ჯერ მეტ MR ქულას დააგროვებთ ულიმიტოდ.მთა და ბუნებაKomorebi Bakuriani Resort - 30 სექტემბრის ჩათვლით Amex ბარათით გადახდისას 10-ჯერ მეტ MR ქულას დააგროვებთ ულიმიტოდ;Hameau Mukhrani - 30 ნოემბრის ჩათვლით Amex ბარათით გადახდისას 10-ჯერ მეტ MR ქულას  დააგროვებთ ულიმიტოდ.როგორ გამოიყენო MR ქულები?დაგროვებული MR ქულების გამოყენება საქართველოს ბანკის პარტნიორ ობიექტებში შეგიძლიათ. ასევე, MR ქულების PLUS ქულებში გადაცვლა არის შესაძლებელი - 1 MR ქულა 3 PLUS ქულაა.შეარჩიეთ სასურველი სასტუმრო ან დასასვენებელი სივრცე, გადაიხადეთ Amex ბარათით და ისარგებლეთ სპეციალური შეთავაზებით.თუ ჯერ არ გაქვთ, Amex ბარათის შეკვეთა აქ შეგიძლიათ.

ფინანსური პირამიდების ორგანიზატორები მსხვერპლებს შემთხვევით არ არჩევენ - ისინი მიზანმიმართულად ეძებენ მოწყვლად ჯგუფებს, იყენებენ სოციალური ქსელების რეკლამას, საზოგადოებაში უკვე დამკვიდრებულ ავტორიტეტებსა და ადამიანების სურვილს, რომ ფინანსური მდგომარეობა სწრაფად და მარტივად გაიუმჯობესონ.კრიპტოვალუტების სერტიფიცირებული ექსპერტი ალექს სუდაძე „ბიზნესპრესნიუსთან“ საუბრისას აცხადებს, რომ ბოლო წლების განმავლობაში განსაკუთრებით კარგად ჩანს, თუ როგორ ახდენენ თაღლითური სქემების ორგანიზატორები სხვადასხვა სოციალური და ასაკობრივი ჯგუფის იდენტიფიცირებას.მისი თქმით, ისინი მოწყვლად ჯგუფებს მარტივად პოულობენ.„რასაც ბოლო ხუთი-ექვსი წელია ვაკვირდები, აქ არის რამდენიმე მიმართულება, პირველი არის ასაკობრივი ჯგუფი. მაგალითად, პენსიონერები, სტუდენტები, ადამიანები, რომლებიც 40 წელს გადასცდნენ და ვერაფერს მიაღწიეს. მათ ეუბნებიან, რომ „აი, თქვენ რომ 40 წლის გახდით, ნახეთ, ახლა 40 წლის ადამიანებისთვის არის ეს პროგრამა“. რეკლამებში ეს ასე ჩანს.გარდა ამისა, ფინანსური პირამიდები ხშირად იყენებენ რეგიონულ, რელიგიურ და სხვა სოციალური კუთვნილების ნიშნებსაც. განსაკუთრებით მნიშვნელოვანი კი უკვე ჩამოყალიბებული საზოგადოებებისა და მათში ავტორიტეტული ადამიანების გამოყენებაა.დღეს ადამიანების მასშტაბურად მოსაზიდად ერთ-ერთ მთავარ იარაღად სოციალური ქსელები იქცა. რეკლამები ხშირად კონკრეტულად იმ ადამიანებზეა გათვლილი, რომლებიც ფინანსურ სირთულეებს განიცდიან და სწრაფი გამოსავლის ძიებაში არიან.ანუ, ისეთ ადამიანებზეა გათვლილი, ვისაც ყოველთვის უჭირს, მუდამ ვალებშია და გასაჭირშია. ვისაც ცოტა მეტი ფული აქვს, ის ხვდება, რომ ეს ფული შეიძლება ადვილად დაიკარგოს და ამიტომ ერიდებიან,“ - ამბობს ალექს სუდაძე „ბიზნესპრესნიუსთან“.მისი თქმით, თაღლითური სქემების მნიშვნელოვანი ნაწილი ადამიანებს კონკრეტულ „ლეგენდას“ ან უნიკალურ შესაძლებლობას სთავაზობს, რომლის რეალურ ღირებულებასაც ისინი ვერ ამოწმებენ.„კრიპტოსამყაროში არის ძალიან ბევრი „სკამი“ (scam). მე 14 წელია კრიპტოსამყაროში ვარ და ვიცი, თაღლითებმა როგორ გადმოინაცვლეს 2017 წლის მერე კრიპტოში, იმიტომ რომ ჩვეულებრივ მოკვდავებს კრიპტო რა არის, ვერ გაუგიათ, მაგრამ გაუგიათ, რომ ვიღაცები ბევრ ფულს შოულობენ. ამ „ჰაიპზე“ ატყუებენ ადამიანებს: „შენ დღეს რომ იყიდი ბიტკოინს, ხვალ მერსედესი მოგივა“,“ - აცხადებს ექსპერტი.ალექს სუდაძის შეფასებით, ფინანსური პირამიდების მთავარი იარაღი ხშირად სწორედ იმ ცოდნის დაპირებაა, რომელიც თითქოს მხოლოდ სქემის მონაწილეებისთვისაა ხელმისაწვდომი.„აქ მთავარი არის ის, რომ ადამიანებს ეუბნებიან "ნოუ-ჰაუს", რომელიც ვითომ სხვებმა არ იციან და მხოლოდ ჩემთვის არის. თუმცა, მსგავსი სქემების ყველაზე მძიმე შედეგი მხოლოდ ფინანსური ზარალი არ არის. დაზარალებულ ადამიანებს ხშირად უჭირთ იმის აღიარება, რომ მოტყუებულები არიან, რის გამოც შესაძლოა დაკარგული თანხის დაბრუნების იმედით კიდევ უფრო მეტი ფული ჩადონ.ჩემთან ყოველკვირა მოდიან დაზარალებული ადამიანები. კი, ვცდილობ რაღაცნაირად დავეხმარო, მაგრამ ის დაზარალებულ ადამიანი თავის სამყაროშია უკვე გასული და როცა რეალობას ეუბნები, გინდა დაარწმუნო, რომ მან შეცდომა დაუშვა, აღიაროს ეს და რაც დაკარგა, იმაზე მეტი აღარ დაკარგოს, ის მაინც იმედით გეუბნება, რომ „შენ მატყუებ, არ მჯერა შენი, შენ არ იცი, იქ ეს მოხდება, იქ ბრილიანტის საათია გამოყოფილი პრიზიორისთვის“ და ასე შემდეგ. ანუ, დაზომბირებულები არიან ეს ადამიანები იმ დონეზე, რომ მათი გამოფხიზლება/ცოტა აზრზე მოყვანა არის ძალიან რთული,“ - აცხადებს ალექს სუდაძე.მისი თქმით, ფინანსური პირამიდების პრობლემა მომავალში შესაძლოა კიდევ უფრო გამწვავდეს ხელოვნური ინტელექტის განვითარებასთან ერთად, რადგან მსგავსი სქემების ორგანიზება და ადამიანებზე მასობრივი ზემოქმედება გაცილებით იაფი და მარტივი ხდება.„ეს ქსელური პირამიდების თემა ძალიან აქტუალურია და კიდევ უფრო აქტუალური იქნება, იმიტომ რომ ახლა ტექნოლოგიურად ბევრად წინ წავიდა სამყარო. ხუთი წლის წინ ასეთი ქსელური პირამიდის ასამუშავებლად 100 000 დოლარი იყო საჭირო, იქ ადამიანების დაქირავება გჭირდებოდა, რეკლამის გაშვება და ა.შ. დღეს AI ამ ყველაფერს აკეთებს 5000 დოლარად. 5000 დოლარი და AI გჭირდება, რომ ხალხი მოატყუო,“ - აცხადებს ალექს სუდაძე „ბიზნესპრესნიუსთან“.ექსპერტის მთავარი რეკომენდაცია კი მათთვის, ვისაც მსგავს სქემაში ჩართვას სთავაზობენ, შემდეგია - არ ენდონ დაპირებას, რომ მცირე თანხა შრომისა და რეალური საქმიანობის გარეშე, მოკლე დროში რამდენჯერმე გაიზრდება.„არ დაიჯეროთ, რომ 10 ლარი შრომის გარეშე 100 ლარი გახდება. თუ რაღაცის გამკეთებელი ხარ, ის 10 ლარი შენს საქმეს მოახმარე, უფრო კარგი სპეციალისტი გახდი. ადამიანს უნდა, რომ მარტივი გზით იშოვოს ფული, მაგრამ მარტივი გზით ფულის შოვნა ყოველთვის არის თაღლითური სქემა. ყოველთვის!დააკვირდით, რომ ეს ადამიანები ფულს ხარჯავენ თქვენს „დაგოიმებაში“ - მარკეტინგში, რათა მერე ათჯერ მეტი ამოიღონ. ვინც უკვე შეტოპა, იმის გადარჩენა რთულია, ჰგონიათ, რომ ძალიან მაგარ საზოგადოებაში მოხვდნენ, სინამდვილეში კი მსხვერპლნი არიან,“ - აცხადებს ალექს სუდაძე „ბიზნესპრესნიუსთან“ საუბრისას.BPN

აშშ-ში ფედერალურმა ნაფიცმა მსაჯულებმა საქართველოს მოქალაქე, 33 წლის ერეკლე გუგავა, ფულის გათეთრების მიზნით შეთქმულებაში მონაწილეობაში დაადანაშაულეს,- ამის შესახებ აშშ-ის იუსტიციის დეპარტამენტი აცხადებს.გამოძიება ჯანდაცვის სფეროში სავარაუდო თაღლითურ სქემას უკავშირდება, რომლის ფარგლებში Medicare-ისა და კერძო სადაზღვევო კომპანიებისთვის, სულ მცირე, 1.3 მილიარდი დოლარის ღირებულების ყალბი მოთხოვნები წარადგინეს. საქმე აშშ-ის ხელისუფლებამ ფართომასშტაბიან გამოძიებას — „ოპერაცია ოქროს ციებ-ცხელებას“ (Operation Gold Rush) — დაუკავშირა.სასამართლოს დოკუმენტების თანახმად, გუგავა 2025 წლის თებერვლიდან ივლისამდე პენსილვანიაში მოქმედი სამედიცინო აღჭურვილობის კომპანიის, ND Medical Solutions-ის სავარაუდო მფლობელი იყო. ამ პერიოდში კომპანიამ Medicare-სა და კერძო სადაზღვევო კომპანიებს მილიარდობით დოლარის ოდენობის მოთხოვნები წარუდგინა, თუმცა რეალურად სადაზღვევო კომპანიებისგან დაახლოებით 6.5 მილიონი დოლარი მიიღო.პროკურატურის ვერსიით, გუგავა თანხების მიღებისა და შემდგომი გადარიცხვების პროცესში მონაწილეობდა. გამოძიების ფარგლებში დადგინდა, რომ მან ND Medical Solutions-ის სახელზე რამდენიმე საბანკო ანგარიში გახსნა და ანგარიშებზე ერთადერთ ხელმომწერ პირად იყო მითითებული.ბრალდების თანახმად, სადაზღვევო კომპანიებიდან მიღებული თანხები თავდაპირველად ამ ანგარიშებზე ირიცხებოდა, შემდეგ კი სხვადასხვა უცხოურ საბანკო ანგარიშზე გადაჰქონდათ და უცხოეთში მოქმედი ორგანიზაციის სასარგებლოდ იყენებდნენ. სასამართლოს მასალებში აღნიშნულია, რომ აღნიშნული ორგანიზაცია რუსეთსა და სხვა ქვეყნებში საქმიანობდა.გამოძიების ერთ-ერთი მიმართულება ასევე აშშ-ის მოქალაქეების პირადი მონაცემების სავარაუდო გამოყენებას ეხება. ხელისუფლების ინფორმაციით, ყალბი სადაზღვევო მოთხოვნების ნაწილი მოპარულ პირადობის მონაცემებს ეფუძნებოდა.საქმის მასალების მიხედვით, მოქალაქეები Medicare-სა და მის კონტრაქტორებს მას შემდეგ უკავშირდებოდნენ, რაც მათ სახელზე მიღებული ჰქონდათ დოკუმენტები სამედიცინო აღჭურვილობის მიწოდების შესახებ. მოქალაქეების განცხადებით, მათ რეალურად მსგავსი აღჭურვილობა არ მიუღიათ.ზოგიერთ დოკუმენტში ასევე ფიქსირდებოდა ექიმების სახელები, რომლებთანაც შესაბამის პაციენტებს, მათი თქმით, არასდროს ჰქონიათ სამედიცინო ვიზიტი. სამედიცინო აღჭურვილობის მიმწოდებლად კი ND Medical Solutions იყო მითითებული — კომპანია, რომლის არსებობის შესახებაც მოქალაქეები აცხადებდნენ, რომ არ იცოდნენ.აშშ-ის იუსტიციის დეპარტამენტის ინფორმაციით, გუგავამ შეერთებული შტატები 2025 წლის ივლისში, სავარაუდო დანაშაულებრივი საქმიანობის დასრულების შემდეგ, დატოვა.ფულის გათეთრების მიზნით შეთქმულებაში მონაწილეობისთვის გათვალისწინებული მაქსიმალური სასჯელი 20 წლამდე თავისუფლების აღკვეთაა. დამატებით, სასამართლომ შესაძლოა დანიშნოს სამ წლამდე ზედამხედველობის ქვეშ გათავისუფლება და ჯარიმა, რომლის ოდენობაც შეიძლება 500 ათას დოლარს ან გათეთრებული თანხის ორმაგ ოდენობას შეადგენდეს.სასჯელის საბოლოო ოდენობას, ბრალის დამტკიცების შემთხვევაში, ფედერალური რაიონული სასამართლოს მოსამართლე განსაზღვრავს.ამ ეტაპზე საქმე ბრალდების დონეზეა. აშშ-ის იუსტიციის დეპარტამენტის განცხადებით, საბრალდებო დოკუმენტში აღწერილი გარემოებები ბრალდებებს წარმოადგენს და ერეკლე გუგავა უდანაშაულოდ ითვლება მანამ, სანამ სასამართლო მის ბრალეულობას გონივრულ ეჭვს მიღმა არ დაადგენს.

საქართველოს ბანკი ემიგრანტების მხარდაჭერას აგრძელებს და Emolas Corporation-თან პარტნიორობის ფარგლებში, ნიუ-იორკში დაგეგმილ eZo Festival-ის ბილეთებზე მომხმარებლებს სპეციალურ შეთავაზება მოუმზადა. საქართველოს ბანკის მომხმარებლებს eZo Festival-ის ბილეთების შეძენისას 20%-იანი ფასდაკლებით სარგებლობა შეუძლიათ. სპეციალური შეთავაზება 10 სექტემბრამდე მოქმედებს.ინფორმაციისთვის, 17-18 ოქტომბერს, ნიუ-იორკში, ბრუკლინის The 1896 Studios & Stages-ში eZo Festival Showcase გაიმართება. ქართული ელექტრონული მუსიკისა და არტის ფესტივალი ნიუ-იორკში პირველად ჩატარდება და ადგილობრივ აუდიტორიას eZo-სთვის დამახასიათებელ მუსიკალურ და შემოქმედებით გამოცდილებას გააცნობს. eZo Festival საქართველოში წლების განმავლობაში ელექტრონული მუსიკისა და ხელოვნების მნიშვნელოვან პლატფორმად ჩამოყალიბდა. გერმანული ტურის შემდეგ, ფესტივალი პირველად ესტუმრება ნიუ-იორკს და ორი დღის განმავლობაში მუსიკისა და DIY ხელოვნების მოყვარულებს გააერთიანებს. ბილეთების შესაძენად ეწვიეთ ბმულს.საქართველოს ბანკისა და Emolas Corporation-ის თანამშრომლობის ფარგლებში დაგეგმილი ღონისძიებები ქართული კულტურის საერთაშორისო პოპულარიზაციას, ქართველი არტისტების მსოფლიო სცენებზე წარმოჩენასა და აშშ-ში მცხოვრებ ქართულ დიასპორასთან კულტურული კავშირის გაძლიერებას ემსახურება. ბანკისთვის ემიგრანტების მხარდაჭერა ერთ-ერთი მნიშვნელოვანი მიმართულებაა, რომლის ფარგლებშიც საზღვარგარეთ მცხოვრები ქართველებისთვის სხვადასხვა ფინანსური, კულტურული და სოციალური ინიციატივა ხორციელდება. 

2026 წლის 1 მაისიდან 1 სექტემბრის ჩათვლით საქართველოდან ექსპორტირებულია 10.2 ათასი ტონა მოცვი, 64.1 მლნ აშშ დოლარის ღირებულებით. ამის შესახებ გარემოს დაცვისა და სოფლის მეურნეობის სამინისტროს მიერ გავრცელებული ინფორმაციიდან ხდება ცნობილი.უწყების ცნობით, 2025 წლის ანალოგიურ პერიოდთან შედარებით, ექსპორტირებული მოცვის რაოდენობა 52%-ით (3.5 ათასი ტონა), ხოლო ღირებულება 42%-ით (19.0 მლნ აშშ დოლარი) გაიზარდა.ცნობისათვის, მოცვის ძირითადი საექსპორტო ქვეყნებია რუსეთი (9 316 ტონა), გერმანია (240 ტონა), ნიდერლანდები (167 ტონა), სომხეთი (195 ტონა), თურქეთი (102 ტონა), პოლონეთი (76 ტონა), არაბთა გაერთიანებული საამიროები (70 ტონა) და სხვა.

თბილისის სატრანსპორტო კომპანია დიდი დიღომი–დიდუბის ტრამვაის პროექტის განხორციელებაზე პასუხისმგებელ კომპანიასთან ხელშეკრულებას დღეს გააფორმებს.ხელმოწერის ცერემონია თბილისის საკრებულოში, 12:00 საათზე გაიმართება.ტენდერი თურქულმა ერთობლივმა საწარმომ EYE-მ, რომელიც Emre Ray-ის, Yüksel-ისა და Erk-ის გაერთიანებით არის შექმნილი, მოიგო. კომპანიამ სამუშაოების შესრულების ღირებულებად 287.65 მილიონი ლარი დაასახელა.პროექტის სავარაუდო ღირებულება 416.6 მილიონ ლარს შეადგენდა. შესაბამისად, გამარჯვებული კომპანიის შეთავაზება საწყის სავარაუდო ღირებულებაზე დაახლოებით 129 მილიონი ლარით ნაკლებია.დიდი დიღომი–დიდუბის ტრამვაის პროექტი დაახლოებით 7.5 კილომეტრის სიგრძის ხაზისა და ტრამვაის დეპოს მშენებლობას მოიცავს. სამუშაოები Design-Build (DB) მოდელით განხორციელდება, რაც იმას ნიშნავს, რომ პროექტირებასა და მშენებლობაზე პასუხისმგებლობა ერთ კონტრაქტორს დაეკისრება. პროექტის დასრულებისთვის ხელშეკრულებით 36-თვიანი ვადაა გათვალისწინებული.ტენდერში გამარჯვებული კონსორციუმის ერთ-ერთი მთავარი პარტნიორი, თურქული EmreRay Enerji İnşaat Sanayi ve Ticaret Anonim Şirketi, სარკინიგზო და ტრამვაის ინფრასტრუქტურის მიმართულებით მუშაობს.კომპანიის ინფორმაციით, EmreRay-ს მონაწილეობა აქვს მიღებული სტამბოლის ემინონუ–კაბატაშის 7.3-კილომეტრიანი ტრამვაის მონაკვეთის პროექტში, რომელიც ლიანდაგისა და საკონტაქტო ელექტროგაყვანილობის მოწყობას ითვალისწინებდა.კომპანიის გამოცდილებაში ასევე შედის ესკიშეჰირში 17-კილომეტრიანი ტრამვაის ხაზის პროექტი და ანტალიაში ტრამვაის სისტემის ელექტრიფიკაციის სამუშაოები.