საქართველოს ბანკი, როგორც განათლების მთავარი მხარდამჭერი, თბილისის წიგნის დღეების გენერალური სპონსორია. ღონისძიება წელს კითხვის მოყვარულებს 30 ოქტომბრიდან 1-ელი ნოემბრის ჩათვლით, კვლავ ExpoGeorgia-ს მე-11 პავილიონში უმასპინძლებს.ლიტერატურის ყოველწლიური დღესასწაული სამი დღის განმავლობაში გამომცემლობებს, წიგნის მაღაზიებს, ავტორებს, ლიტერატურულ სფეროში მოღვაწე ადამიანებსა და წიგნის მოყვარულებს გააერთიანებს.ღონისძიების ფარგლებში დამთვალიერებლებს შესაძლებლობა ექნებათ: გაეცნონ ახალ გამოცემებს; დაესწრონ წიგნების პრეზენტაციებს; შეხვდნენ ავტორებს; ჩაერთონ დისკუსიებსა და საინტერესო შეხვედრებში; დაესწრონ საგანმანათლებლო და გასართობი აქტივობებს; შეიძინონ სასურველი წიგნები განსაკუთრებულ ფასად. ღონისძიების ფარგლებში საქართველოს ბანკის მომხმარებლებს შესაძლებლობა ექნებათ, ისარგებლონ სპეციალური შეთავაზებებით.დამატებითი ინფორმაციის მისაღებად ეწვიეთ ბმულს.საქართველოს ბანკი - განათლების მთავარი მხარდამჭერი ბანკი. 

საქართველოს ბანკმა საცალო მომსახურების მიმართულებით ახალი ყოველთვიური Subscription ნაკრები — SUPER წარადგინა. ახალი ნაკრები ყოველდღიური საბანკო მომსახურების ხარჯებს, ექსკლუზიურ პირობებსა და გაზრდილ სარგებელს აერთიანებს. ნაკრების ფარგლებში მომხმარებლისთვის ხელმისაწვდომია სუპერ PLUS Visa ბარათი, რომელიც სპეციალურად ამ ნაკრებისთვის, Visa-სთან პარტნიორობით შეიქმნა. ბარათი მფლობელებს სადებეტო მიმართულებით საცალო ბაზარზე მაღალ PLUS სარგებელს სთავაზობს: საქართველოს ბანკის ტერმინალებზე გადახდისას ყოველ 1 ლარზე 2.1 PLUS ქულა ირიცხება; სუპერმარკეტებსა და ბენზინგასამართ სადგურებზე სუპერ PLUS Visa ბარათით გადახდისას ქულები ორმაგდება (2X PLUS; ყოველთვიურად გაორმაგებით მაქს. 10. 000 PLUS ქულა); მომხმარებლებს მობილბანკიდან ყოველთვიურად შეუძლიათ თავად აირჩიონ სასურველი PLUS შეთავაზებები კიდევ უფრო მეტი ქულის დასაგროვებლად. SUPER ნაკრების ერთ-ერთი მთავარი უპირატესობა ვალუტის კონვერტაციის სტანდარტულზე უკეთესი კურსია. მომხმარებლები მობილბანკსა და ინტერნეტბანკში ვალუტის (GEL, USD, EUR) სტანდარტულზე უკეთესი კურსით გადაცვლას ყოველთვიურად 10 000 ლარის ლიმიტის ფარგლებში შეძლებენ.ამასთანავე, ნაკრების მომხმარებლები პარტნიორ ობიექტებში PLUS ქულებით გადახდისას მუდმივი 20%-იანი ფასდაკლებით ისარგებლებენ (შეთავაზებების მიხედვით მაქსიმუმ 50%-მდე), ხოლო მობილბანკიდან ტრანზაქციები მყისიერად, 24/7 რეჟიმში აისახება.SUPER ნაკრების და სუპერ PLUS Visa ბარათის შეკვეთა მომხმარებლებს საქართველოს ბანკის სხვა არხებთან ერთად, მობილბანკიდან მარტივად შეუძლიათ. 

თბილისში ახალი, 259-საწოლიანი ფსიქიატრიული და ნარკოლოგიური საავადმყოფოს მშენებლობა და აღჭურვა იგეგმება. პროექტის ჯამური საინვესტიციო ბიუჯეტი 50 მლნ ლარს შეადგენს. ამის შესახებ ფინანსთა სამინისტროს მიერ მომზადებულ, 2027 წლის სახელმწიფო ბიუჯეტის პროექტის პირველად ვერსიაშია აღნიშნული.პროექტის განმახორციელებელია საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო.ბიუჯეტის პროექტის მიხედვით, ფსიქიატრიული და ნარკოლოგიური საავადმყოფო თბილისში, სახელმწიფო საკუთრებაში არსებულ მიწის ნაკვეთზე აშენდება.დოკუმენტის თანახმად, პროექტის მიზანია არსებული ამორტიზებული ინფრასტრუქტურისა და საწოლფონდის დეფიციტის აღმოფხვრა, სამედიცინო სიმძლავრეების გაფართოება და ახალი, სპეციალიზებული, საერთაშორისო სტანდარტების შესაბამისი და უსაფრთხო სერვისების დანერგვა და მათი ხელმისაწვდომობის გაზრდა.ახალი ინფრასტრუქტურა ჯამში 259 საწოლს მოიცავს, მათ შორის 174 ფსიქიატრიულ და 85 ნარკოლოგიურ საწოლს.როგორც დოკუმენტში ვკითხულობთ, მრავალპროფილური სამედიცინო კომპლექსი გააერთიანებს ბავშვთა და მოზარდთა ფსიქიატრიას, დუალური დიაგნოზის მართვის, მოზრდილთა ფსიქიატრიულ და ნარკოლოგიურ განყოფილებებს, ამბულატორიას, ჩანაცვლებით თერაპიას, ლაბორატორიას, სარეაბილიტაციო, ადმინისტრაციულ და ტექნიკურ ბლოკებს.პროექტის ფარგლებში ასევე გათვალისწინებულია სქესის მიხედვით მკაცრად განცალკევებული და უსაფრთხო გარემოს შექმნა.პროექტის მოსალოდნელი შუალედური შედეგის მიხედვით, 2031 წლისთვის უნდა დასრულდეს ახალი, 259-საწოლიანი კლინიკის შენობის სამშენებლო-სამონტაჟო სამუშაოები, მისი თანამედროვე სამედიცინო ტექნოლოგიებითა და ინვენტარით სრულად აღჭურვა, მართვის გუნდის ჩამოყალიბება და 200 ახალი კვალიფიციური კადრის მობილიზება/მომზადება.დოკუმენტის თანახმად, 2027–2031 წლებში სამშენებლო სამუშაოებისთვის ყოველწლიურად 8 მლნ ლარია გათვალისწინებული, ჯამში 40 მლნ ლარი, ხოლო ტექნოლოგიური აღჭურვისთვის 2030 წელს 6 მლნ, 2031 წელს კი 4 მლნ ლარი გამოიყოფა.დოკუმენტის მიხედვით, კლინიკის სრული და გამართული ოპერირება 2031 წლიდან არის დაგეგმილი. ბიუჯეტის პროექტის მიხედვით, „შედეგად გაიზრდება ფსიქიკური ჯანმრთელობისა და ნარკოლოგიური სერვისების გეოგრაფიული და ფინანსური ხელმისაწვდომობა, აღმოიფხვრება ნარკოლოგიურ დეტოქსიკაციაზე ლოდინის რიგები და შემცირდება პაციენტთა ოჯახების მიერ „ჯიბიდან გადახდები“.ამასთან, პროექტის საბოლოო მიზნად კლინიკის სრული ფინანსური თვითკმარი ოპერირების უზრუნველყოფაა განსაზღვრული.ცნობისთვის, ამ ეტაპზე 2027 წლის სახელმწიფო ბიუჯეტის პროექტის პირველადი ვერსია გასაჯაროვდა. მის საბოლოო დამტკიცებამდე დოკუმენტში ცვლილებებისა და კორექტირებების შეტანაა შესაძლებელი.BPN

„თბილისობის“ დღესასწაულთან დაკავშირებით დედაქალაქის რამდენიმე ქუჩაზე სატრანსპორტო გადაადგილება დროებით იზღუდება. 3 ოქტომბრის 01:00 საათამდე საგზაო მოძრაობა ნაწილობრივ იზღუდება ევროპის მოედანზე და მეტეხის ხიდის ერთი მიმართულებით - ვახტანგ გორგასლის ქუჩიდან ევროპის მოედნისკენ. ამ პერიოდის განმავლობაში მეტეხის აღმართიდან, ღვინის აღმართიდან, კოტე აფხაზისა და ვახტანგ გორგასლის ქუჩებიდან მომავალი სატრანსპორტო საშუალებები ევროპის მოედნისკენ გადაადგილებას ვერ შეძლებენ.„თბილისობის“ ღონისძიებების დასრულებამდე საზოგადოებრივი ტრანსპორტი გორგასლის ქუჩიდან ბარათაშვილის ქუჩას დაუკავშირდება კოტე აფხაზის ქუჩის გავლით (ნაცვლად ევროპის მოედნის, მარცხენა სანაპიროსა და ბარათაშვილის ხიდისა).მტკვრის მარჯვენა სანაპიროდან ევროპის მოედნის მიმართულებით მოძრავი ავტომობილები ვახტანგ გორგასლის ქუჩის გავლით ვერ მოხვდებიან მეტეხის ხიდზე, ევროპის მოედანზე, მეტეხის აღმართზე, ღვინის აღმართზე, ნოე ჟორდანიას სახელობის მარცხენა სანაპიროზე ჩამსვლელ პანდუსზე და კოტე აფხაზის ქუჩაზე.გორგასლის მოედნის მიმდებარე ქუჩებზე მოხვედრა შესაძლებელი იქნება ზვიად გამსახურდიას სახელობის მარჯვენა სანაპიროდან ბარათაშვილის ხიდის, მარცხენა სანაპიროს, გვირაბიდან ამომსვლელი პანდუსისა და მეტეხის ხიდის გამოყენებით. მარჯვენა სანაპიროდან მარცხენა სანაპიროზე გადასვლა შესაძლებელი იქნება ბარათაშვილის ხიდის ან 300 არაგველის ხიდის საშუალებით.3 ოქტომბრის 01:00 საათიდან 6 ოქტომბრის 08:00 საათამდე სატრანსპორტო მოძრაობა სრულად შეიზღუდება ევროპის მოედანზე, მეტეხის აღმართზე, მეტეხის ხიდზე, ღვინის აღმართსა და გვირაბიდან ამოსასვლელ პანდუსზე.გორგასლის ქუჩიდან მომავალი სატრანსპორტო საშუალებები გორგასლის მოედნის მიმდებარე ქუჩებზე მოხვედრას შეძლებენ პირდაპირ, მეტეხის ხიდზე მობრუნების გარეშე. ამ პერიოდშიც მარჯვენა სანაპიროდან მარცხენა სანაპიროზე გადასვლა შესაძლებელი იქნება ბარათაშვილის ხიდის ან 300 არაგველის ხიდის საშუალებით.ასევე, 8 ოქტომბრის 23:30 საათამდე საგზაო მოძრაობა სრულად იზღუდება პრეზიდენტის სასახლის წინ, გიორგი ათონელის ქუჩაზე (იტალიის ქუჩამდე) და ვახტანგ ორბელიანის შესახვევში.მშრალი ხიდიდან მომავალი ავტომანქანები მარჯვენა სანაპიროზე მოხვედრას შეძლებენ მხოლოდ იტალიისა და სოლიკო ვირსალაძის ქუჩების გავლით, ხოლო გია ჭანტურიას ქუჩიდან მომავალი ავტომობილები სანაპიროზე მოხვედრას შეძლებენ მხოლოდ სოლიკო ვირსალაძის ქუჩის გავლით. ვირსალაძის, ჭანტურიას ქუჩებიდან და მშრალი ხიდიდან ათონელის ქუჩის მიმართულებით მოძრავი ავტომობილები მოხვედრას შეძლებენ ზვიად გამსახურდიას მარჯვენა სანაპიროდან ამომსვლელი პანდუსისა და ბარათაშვილის ქუჩის გამოყენებით.ამას გარდა, 6 ოქტომბრის 01:00 საათამდე საავტომობილო გადაადგილება იზღუდება აბანოს ქუჩის მონაკვეთზე - ვახტანგ გორგასლის ქუჩიდან იოსებ გრიშაშვილის ქუჩის კვეთამდე, ასევე, გრიშაშვილის ქუჩაზე აბანოს I ჩიხამდე. გრიშაშვილის ქუჩაზე მოხვედრა შესაძლებელი იქნება ფირდოუსისა და მირზა ფათალი ახუნდოვის ქუჩების გამოყენებით.„თბილისობის“ ღონისძიებების მოსამზადებელი სამუშაოებისა და ღონისძიების მიმდინარეობის პერიოდში, 2 ოქტომბრის 12:00 საათიდან 5 ოქტომბრის 06:00 საათამდე ავტომობილების გადაადგილება დროებით შეიზღუდება ასევე კოსტა ხეთაგუროვის ქუჩაზე, „ვისოლის“ ბენზინგასამართი სადგურიდან ხეთაგუროვისა და გურამ საღარაძის ქუჩების კვეთამდე.შეზღუდვის პერიოდში ორივე სანაპიროდან ბარათაშვილის ხიდისკენ და უკუმიმართულებით ავტომობილების გადაადგილება დარჩება არსებული მდგომარეობის შესაბამისად. ამასთანავე, სატრანსპორტო საშუალებების გადაადგილება შეიზღუდება შოთა გამცემლიძის ქუჩიდან ხეთაგუროვის ქუჩის მიმართულებით. მოძრაობა შესაძლებელი იქნება ნინო ჩხეიძის ქუჩის გამოყენებით.აღნიშნულ პერიოდში მუნიციპალური ტრანსპორტი ივანე ჯავახიშვილის ქუჩიდან ბარათაშვილის ხიდს დაუკავშირდება მარცხენა სანაპიროს გავლით, ნაცვლად კოსტა ხეთაგუროვის ქუჩისა.ინფორმაციას თბილისის მერია ავრცელებს

1-ელი ოქ­ტომ­ბრის დღის ბო­ლო­დან ამინ­დი ქვეყ­ნის თით­ქმის მთელ ტე­რი­ტო­რი­ა­ზე გა­უ­ა­რეს­და - უმე­ტე­სად წვიმს.დღეს, 2 ოქ­ტომ­ბერს ზო­გან მო­სა­ლოდ­ნე­ლია ინ­ტენ­სი­უ­რი ნა­ლე­ქი.გა­რე­მოს ეროვ­ნუ­ლი სა­ა­გენ­ტოს ინ­ფორ­მა­ცი­ით, 3 ოქ­ტომ­ბრის დღის მე­ო­რე ნა­ხევ­რამ­დე სა­ქარ­თვე­ლო­ში ნა­ლე­ქი­ა­ნო­ბა შე­ნარ­ჩუნ­დე­ბა ქვეყ­ნის მთი­ან და მა­ღალმთი­ან რა­ი­ო­ნებ­ში, ასე­ვე აჭა­რა­ში, კა­ხე­თის და ქვე­მო ქარ­თლის რე­გი­ო­ნებ­ში, ზო­გან ძლი­ე­რი ინ­ტენ­სი­ვო­ბით."შე­საძ­ლე­ბე­ლია ელ­ჭე­ქი, სე­ტყვა, ქა­რის გაძ­ლი­ე­რე­ბა და ზღვა­ზე 3-4 ბა­ლი­ა­ნი შტორ­მუ­ლი ღელ­ვა. მო­სა­ლოდ­ნელ­მა ძლი­ერ­მა ნა­ლე­ქებ­მა შე­საძ­ლე­ბე­ლია მდი­ნა­რე­ებ­ზე წყლის დო­ნე­ე­ბის მნიშ­ვნე­ლო­ვა­ნი მა­ტე­ბა, პა­ტა­რა მდი­ნა­რე­ებ­ზე წყალ­მო­ვარ­დნე­ბი, ხოლო გო­რაკ-ბორ­ცვი­ან და მთი­ან ზო­ნებ­ში მე­წყრულ-ღვარ­ცო­ფუ­ლი პრო­ცე­სე­ბის ჩა­სახ­ვა-გა­აქ­ტი­უ­რე­ბა გა­მო­იწ­ვი­ოს (საფრ­თხის დონე სა­შუ­ა­ლო)", - ვკი­თხუ­ლობთ უწყე­ბის ოფი­ცი­ა­ლურ ინ­ფორ­მა­ცი­ა­ში.თუ გრძელ­ვა­დი­ან პროგ­ნოზს გა­დავ­ხე­დავთ, სა­ქარ­თვე­ლოს დიდ ნა­წილ­ში 4 ოქ­ტომ­ბრი­დან გა­მო­და­რე­ბა და­ი­წყე­ბა, თუმ­ცა ცვა­ლე­ბა­დი მოღ­რუბ­ლუ­ლო­ბა რიგ რე­გი­ო­ნებ­ში შე­ნარ­ჩუნ­დე­ბა 8 ოქ­ტომ­ბრამ­დე, რო­დე­საც მო­სა­ლოდ­ნე­ლია უკვე ტემ­პე­რა­ტუ­რის მა­ტე­ბაც (სა­შუ­ა­ლოდ, ღა­მით 13, დღი­სით კი 23 გრა­დუ­სამ­დე).თბი­ლის­შიც გა­მო­და­რე­ბა 4 ოქ­ტომ­ბრი­დან და­ი­წყე­ბა, თუმ­ცა ცვა­ლე­ბა­დი მოღ­რუბ­ლუ­ლო­ბით. დე­და­ქა­ლაქ­შიც შე­მოდ­გო­მის მზი­ა­ნი ამინ­დე­ბი 8 ოქ­ტომ­ბრი­დან გვე­ლის. წყა­რო

საქართველოს ბანკი, როგორც ბიზნესის მხარდამჭერი წამყვანი ფინანსური ინსტიტუტი, აქტიურ რეჟიმში აგრძელებს კომპანიების საჭიროებებზე მორგებული ციფრული პროდუქტების განვითარებას. ამჯერად, ბანკი ბიზნეს მომხმარებლებს სატენდერო გარანტიის მიღების კიდევ უფრო ხელსაყრელ პირობებს სთავაზობს - ბიზნეს მობილბანკსა და ბიზნეს ინტერნეტბანკში სატენდერო გარანტიაზე 60%-მდე ფასდაკლება მოქმედებს.ეს სიახლე ბიზნესებს შესაძლებლობას აძლევს, სატენდერო გარანტია სრულად ციფრულად, ბანკის ფილიალში ვიზიტის გარეშე, მცირე დროში მიიღონ. პროცესი მაქსიმალურად გამარტივებულია: განაცხადის შევსება, დამტკიცება და გააქტიურება პირდაპირ ბიზნეს მობილბანკიდან წუთებში ხდება.სატენდერო გარანტია აუცილებელი ფინანსური ინსტრუმენტია სახელმწიფო თუ კერძო შესყიდვებში მონაწილეობის მისაღებად, რადგან ის აზღვევს შემთხვევას, როდესაც ტენდერში გამარჯვებული კომპანია ნაკისრ ვალდებულებებს ვერ ასრულებს. “მცირე და საშუალო ბიზნესების გაძლიერება და მათი ყოველდღიური პროცესების ხელშეწყობა ბანკის უცვლელი პრიორიტეტია. სწორედ ამიტომ, ციფრული სერვისების განახლება და ბიზნეს მობილბანკის ფუნქციონალების გამრავალფეროვნება მუდმივ რეჟიმში მიმდინარეობს, რათა მომხმარებლებმა ნებისმიერი ადგილიდან შეძლონ საჭირო საბანკო სერვისებით ოპერატიულად სარგებლობა. საქართველოს ბანკის ციფრული სატენდერო გარანტიის ერთ-ერთი მთავარი უპირატესობა საბრუნავი კაპიტალის გამოთავისუფლებაა - ბიზნესებს ტენდერის დასრულებამდე თანხის საკუთარ ანგარიშზე გაყინვა ან უზრუნველყოფის სახით ქონების დატვირთვა არ უწევთ. ეს მათ შესაძლებლობას აძლევს, ფინანსური რესურსი თავისუფლად მიმართონ მიმდინარე ოპერაციების საწარმოებლად” - აცხადებს ლევან თეთრაძე, საქართველოს ბანკის Product Owner ბიზნეს დაკრედიტების მიმართულებაში. სატენდერო გარანტიით სარგებლობისთვის ეწვიეთ ბიზნეს მობილბანკს ან ბიზნეს ინტერნეტბანკს.