ქონების ეროვნულმა სააგენტომ Rolex -ის ბრენდის 3 მაჯის საათი აუქციონზე გასაყიდად გამოიტანა. აუქციონი 25 მარტს სრულდება.კერძოდ, სახელმწიფო ყიდის Rolex Oyster Perpetual Deepsea-ს საათს (MODEL 136660, SERIAL 641N9337). მისი საწყისი ღირებულება 48 900 ლარია. სააგენტოს ინფორმაციით, საათზე დატანილია შემდეგი გრავირება - ROLEX, GENEVA, SWISS MADE. STEELINOX, 287, ROLEXSA.45 800 ლარი იქნება საწყისი ღირებულება Rolex-ის კიდევ ერთი საათისთვის (სერიული ნომერი G504P034). სააგენტო უთითებს, რომ აღნიშნული საათის სამაჯური დამზადებულია უჟანგავი ფოლადისგან და მოპირკეთებულია 18K ოქროსგან.გასაყიდად გამოტანილი Rolex-ის მესამე მოდელის (126715CHNR, SERIAL 664177K8) საწყისი ფასი 149 600 ლარი იქნება. სააგენტოს ცნობით, აღნიშნული საათი არის ვარდისფერი ოქრო, სამაჯურზე კი დატანილია გრავირება: ROLEX, GENEVA, SWISS MADE, Au750, 8GY, ROLEXSA.

„მზად ვართ, ლუდის ინდუსტრიაში მთლიანად ამოვიღოთ პლასტმასის შეფუთვა“ - ასე ეხმიანება მთავრობის ახალ ინიციატივას „ეფეს საქართველოს“ კორპორაციულ საქმეთა დირექტორი ნიკოლოზ ხუნძაკიშვილი. როგორც მან „ბიზნესპრესნიუსთან“ აღნიშნა, ჩანაცვლების შემთხვევაში დაახლოებით ნახევარი მილიონი ტონა შუშის გამოყენება მოუწევთ, რაც მთელ რიგ პრობლემებს გამოიწვევს.ინფორმაციისთვის, მთავრობის დადგენილებით 2027 წლის 1-ელი თებერვლიდან 3-ლიტრამდე სასმელი წყლისა და 20-ლიტრამდე ალკოჰოლური, არაალკოჰოლური და გამაგრილებელი სასმელების წყლის ბოთლებში წარმოება, იმპორტი და რეალიზაცია (გარდა ექსპორტისა) აიკრძალება."არ არსებობს ქვეყანა, სადაც აკრძალულია პლასტმასის შეფუთვა წყლებსა და არაალკოჰოლურ სასმელებში“ - "ნატახტარი"„ციფრებზე რომ ვისაუბროთ, ზოგადად სასმელების ბაზარი არის დაახლოებით 1 მლრდ ლიტრი. მათ შორის, 140 მლნ ლიტრი არის ლუდი და დანარჩენი - სხვა სასმელი. აქედან 80% არის პლასტმასის ბოთლში, ანუ დაახლოებით 800 მლნ ლიტრი იყიდება პლასტმასის ბოთლში, როგორც გაზიანი გამაგრილებელი სასმელი, ასევე მტკნარი წყალი, გაზიანი წყალი და ლუდი.თუ ჩანაცვლება მოხდება შუშით, მოგვიწევს დაახლოებით ნახევარი მილიონი ტონა შუშის გამოყენება, როდესაც დღევანდელი მდგომარეობით, ამ 800 მლნ ლიტრს ემსახურება 20 000 ტონა პლასტმასის ბოთლი. წარმოიდგინეთ, 20 000 ტონა და ნახევარი მლნ ტონა - 25-ჯერ მეტი რაოდენობის და ეს ყველაფერი თუ გადაითარგმნება ლოგისტიკაში, გამონაბოლქვში, საცობებში და ა.შ. ამ ტიპის პრობლემით დაწყებული, დამთავრებული იმით, რომ ამ რაოდენობის დაკმაყოფილება პრაქტიკულად, შეუძლებელია, ეს გამოიწვევს ბაზრის შემცირებას. მაგალითად, იმისათვის, რომ ჩვენ ახალი ხაზები შევიძინოთ, მინიმუმ 1,5-2 წელი არის საჭირო. წარმოიდგინეთ, 2 წლის განმავლობაში ჩვენ დეფიციტი გვექნება ბაზარზე დაახლოებით 400 მლნ ლიტრი - მოთხოვნა იგივე რაოდენობაზეა შენარჩუნებული, მიწოდება ნაკლებია, რაც ამავე დროს იწვევს ფასის ზრდას.ეს ყველაფერი ჯამში გამოიწვევს იმას, რომ ინდუსტრიას ასევე მოუწევს კადრების ოპტიმიზაცია. ეს არის ის შედეგები, რასაც მივიღებთ ამ რეგულაციის ამოქმედებით. ეს არის მისი ფასი“, - განაცხადა ნიკოლოზ ხუნძაკიშვილმა.მისივე თქმით, თავდაპირველად აუცილებელია, რომ ჩანაცვლება ეტაპობრივად მოხდეს.„მზად ვართ, ლუდის ინდუსტრიაში მთლიანად ამოვიღოთ პლასტმასის შეფუთვა და ამაზე უამრავი პროექტი გვქონდა - ეს უნდა მოხდეს ეტაპობრივად და არა ერთი ხელის მოსმით. ეს შესაძლებელია 3-4 წლის განმავლობაში. მაგალითად, 2027 წელს რომ შეიზღუდოს მხოლოდ 2,5 ლიტრამდე ლუდის შეფუთვა, 2028 წელს - 2 ლიტრამდე და 2030 წელს მთლიანად ამოვიღოთ. მაგრამ ნაკლებად სავარაუდოა, რომ ეს მიდგომა იყოს გამართლებული არაალკოჰოლური სასმელების და მტკნარი წყლისა და გაზიანი წყლების მიმართულებით, ეს წარმოუდგენელია და მსოფლიოში არცერთი ქვეყანა არ არსებობს, რომელსაც აქვს ტოტალურად აკრძალული პლასტმასის შეფუთვა წყლებსა და მინერალურ წყლებში, ასევე არაალკოჰოლურ გამაგრილებელ სასმელებში. ეს არის ძირითადი თემა, რომელიც როგორც შედეგი, აუცილებლად დადგება იმ შემთხვევაში, თუ ამ ფორმით შედგება ეს გადაწყვეტილება“ - აღნიშნა ნიკოლოზ ხუნძაკიშვილმა.მისი თქმით, კომპანიები გეგმავენ, ხელისუფლებას მიმართონ და იმედოვნებს, რომ ეს ინიციატივა შედეგს გამოიღებს.„როგორც წესი, ეს ხდება შემდეგნაირად: კომპანიები ცალკე არ ურთიერთობენ მთავრობასთან. ჩვენ გვაქვს შესაბამისი ბიზნესასოციაციები, დარგობრივი გაერთიანებები და ა.შ. ანუ არსებობს საკმარისი პლატფორმები, სადაც ხდება ხოლმე შეხვედრა და საკითხების განხილვა. იმედს ვიტოვებთ, რომ ეს ინდუსტრია ხელისუფლებასთან ერთად ალტერნატიულ გზებს მონახავს“, - განაცხადა ნიკოლოზ ხუნძაკიშვილმა.

მსოფლიოში უდიდეს ნავთობკომპანიას უკრაინული დრონების შეძენა სურს. ამის შესახებ ინფორმაციას გამოცემა The Wall Street Journal წყაროებზე დაყრდნობით ავრცელებს.წყაროების ინფორმაციით, მსოფლიოში უდიდესი ნავთობკომპანია Saudi Aramco როგორც მინიმუმ ორ უკრაინულ კომპანიასთან აწარმოებს მოლაპარაკებებს გამანადგურებელი დრონების შეძენაზე, რომლებიც მათ ნავთობის საბადოებზე ირანული თავდასხმებისგან დაცვაში დაეხმარება.გამოცემის ცნობით, საუდის არაბეთის მფლობელობაში მყოფი კომპანია რაც შეიძლება სწრაფად ცდილობს დრონების შეძენას - საკუთარი წარმოების დაწყებამდე და რეგიონულ კონკურენტებამდე, კერძოდ კატარამდე.აღინიშნება, რომ Aramco უკრაინულ კომპანიებთან SkyFall და Wild Hornets აწარმოებს მოლაპარაკებებს. აღნიშნული კომპანიები გამანადგურებელ დრონებს აწარმოებენ, რომლებიც სხვა დრონებს ეჯახებიან ან მათ გვერდით ფეთქდებიან.

მთავრობამ „სურსათთან შეხებისთვის განკუთვნილი, პლასტმასისგან დამზადებული გარკვეული პროდუქციის წარმოების, იმპორტისა და ბაზარზე განთავსების აკრძალვის შესახებ“ დადგენილება მიიღო.გარემოს დაცვისა და სოფლის მეურნეობის სამინისტროს განცხადებით, დადგენილება პლასტმასის ბოთლებით სასმელების წარმოების (გარდა ექსპორტის მიზნით), იმპორტისა და ბაზარზე განთავსების ეტაპობრივ აკრძალვას ითვალისწინებს.უფრო კონკრეტულად, მთავრობის გადაწყვეტილებით, 2026 წლის 1-ელი ივლისიდან საზოგადოებრივი კვების ობიექტების მიერ მომხმარებლისთვის პლასტმასის ბოთლებით სასმლის მიწოდება აიკრძალება, ხოლო 2027 წლის 1-ელი თებერვლიდან აიკრძალება პლასტმასის ბოთლებში სასმელების წარმოება (გარდა ექსპორტის მიზნით), იმპორტი და ბაზარზე განთავსება.დადგენილებით გათვალისწინებულია გამონაკლისებიც. კერძოდ, აკრძალვა არ გავრცელდება 3 ლიტრი და მეტი მოცულობის სასმელ წყალზე, ასევე 20 ლიტრი და მეტი მოცულობის სასმელებზე (არაალკოჰოლური და ალკოჰოლური, გამაგრილებელი და სხვა).გამონაკლისი ასევე ვრცელდება საქართველოს შინაგან საქმეთა სამინისტროსა და საქართველოს თავდაცვის ძალებისა და სამხედრო მოსამსახურეების საჭიროებებისათვის სასმელი წყლის წარმოებასა და მიწოდებაზე.„მიღებული დადგენილების მომზადება განაპირობა შემდეგმა გარემოებებმა: პლასტმასის ნაკეთობები, მათ შორის სურსათთან შეხებისთვის განკუთვნილი პლასტმასის პროდუქცია, მნიშვნელოვან ზეგავლენას ახდენს გარემოსა და ბუნებრივ ეკოსისტემებზე. მათი დაშლის პროცესი ასეულობით წლის განმავლობაში გრძელდება, რის შედეგადაც პლასტმასი გროვდება ნიადაგში, წყალსატევებსა და ზღვებში, აზიანებს სანიტარულ სისტემებს და ამცირებს ნიადაგის ნაყოფიერებას, რაც საბოლოოდ იწვევს ბიომრავალფეროვნების შემცირებასა და ეკოლოგიური ბალანსის დარღვევას.ქვეყნის მასშტაბით პლასტმასით დაბინძურების დიაგნოსტირების რამდენიმე კვლევა განხორციელდა, რომლის შედეგების მიხედვით დადგინდა, რომ მდინარეებში აღმოჩენილი ნარჩენების დაახლოებით 88 % პლასტმასს წარმოადგენს, მათი უდიდესი ნაწილი ერთჯერადი გამოყენების პლასტმასის პროდუქტებზე მოდის. მათ შორის, პლასტმასის ბოთლების წილი დაახლოებით 41 %-ს შეადგენს“, - აღნიშნულია სამინისტროს მიერ გავრცელებულ ინფორმაციაში.

ქართული ტრადიციული ნუგბარის პრემიუმ მწარმოებელი კომპანია „ნუგბარი“ განვითარების ახალ ეტაპზე გადადის. როგორც Business Insider Georgia-სთან „ნუგბარის“ აღმასრულებელმა დირექტორმა ნინო გერზმავამ განაცხადა, დაწყებულია მუშაობა მასშტაბურ პროექტზე, რომელიც ბადაგის კონცენტრატის საწარმოს სრულ ტექნოლოგიურ გადაიარაღებასა და მოდერნიზაციას გულისხმობს.პროექტის მთავარი მიზანია არსებული საწარმოო ხაზის მაღალტექნოლოგიურ, ევროპული სტანდარტების შესაბამის სისტემად გარდაქმნა. გადაიარაღების შედეგად, „ნუგბარი“ შეძლებს კიდევ უფრო მეტი სიზუსტით მართოს ბადაგის მომზადების პროცესი, რაც პროდუქციის ხარისხს ახალ საფეხურზე აიყვანს.ნინო გერზმავა განმარტავს, რომ გადაიარაღებული საწარმო კომპანიას საშუალებას მისცემს, დაამუშაოს უფრო დიდი რაოდენობით ნედლეული, რაც აუცილებელია მზარდი საექსპორტო მოთხოვნის დასაკმაყოფილებლად. ამავდროულად, მაღალტექნოლოგიური დანადგარები უზრუნველყოფს ვაკუუმური აორთქლების პროცესის სრულ ავტომატიზაციას, რაც გამორიცხავს ადამიანურ შეცდომას და სტაბილურად მაღალ ხარისხს განაპირობებს. მნიშვნელოვანია ასევე, რომ ახალი დანადგარები კიდევ უფრო დახვეწს ბადაგის დამუშავების პროცესს, რაც კრიტიკულად მნიშვნელოვანია ვიტამინებისა და ნატურალური ფერმენტების შესანარჩუნებლად. ტექნოლოგიური სიზუსტე კი კიდევ უფრო გაამყარებს „ნუგბარის“ მთავარ დაპირებას - ჩურჩხელას შაქრის დამატების გარეშე, რომელიც არის ვეგანური და მაღალი პროტეინით მდიდარი ჯანსაღი ხემსი.„ჩვენი მიზანია, კახური ტრადიცია და თანამედროვე ტექნოლოგიები ისე შევუხამოთ ერთმანეთს, რომ მომხმარებელმა მიიღოს უმაღლესი სტანდარტის, სანდო და ჯანსაღი პროდუქტი. საწარმოს გადაიარაღება არის ინვესტიცია მომავალში, რაც „ნუგბარს“ საშუალებას მისცემს კიდევ უფრო აქტიურად დაიმკვიდროს თავი საერთაშორისო პრემიუმ ბაზარზე“, - აღნიშნავს ნინო გერზმავა.შეგახსენებთ, რომ კომპანია „ნუგბარი“ უკვე 9 წელია წარმატებით თანამშრომლობს ისეთ მსხვილ ქსელებთან, როგორიცაა „კარფური“ და მისი პროდუქცია 10-ზე მეტ ქვეყანაში გადის ექსპორტზე. საწარმოს მოდერნიზაცია კომპანიის სტრატეგიული გეგმის ნაწილია, რაც ქართული ნუგბარის მსოფლიო ასპარეზზე პოპულარიზაციას ემსახურება.

საქართველოში, ტურიზმის განვითარების ნაწილში, იწყება კიდევ ერთი მნიშვნელოვანი ეტაპი - პროექტ VR Shekvetili Forest~Beach-ის ფარგლებში, შავი ზღვის სანაპიროზე იგეგმება საერთაშორისო ბრენდის - Café del Mar-ის სახელობის VR Signature Beach Club-ის გახსნა, რომელიც მსგავსი კონცეფციის მქონე პირველი სივრცე იქნება, ქვეყნის მასშტაბით.Café del Mar-ის Beach Club-ები და კონცეფციური სივრცეები წარმატებით ფუნქციონირებს მსოფლიოს მასშტაბით, მაგალითად ესპანეთში, მალტაზე, ტაილანდში, მექსიკასა და სხვადასხვა ცნობილ ლოკაციებზე. ლეგენდარული Ibiza-ს ბრენდი, რომელიც მსოფლიოში ცნობილია განსაკუთრებული მუსიკალური ატმოსფეროთი, ლაუნჯ კულტურითა და მზის ჩასვლის უნიკალური ხედებით, ახლა უკვე საქართველოს სტუმრებსა და ადგილობრივებს სრულიად ახალ გამოცდილებას შესთავაზებს.VR Shekvetili Forest~Beach-ის სივრცეში შექმნილი Beach Club სტუმრებს შესთავაზებს ხმელთაშუა ზღვის ატმოსფეროს, ავთენტურ ლაუნჯ გამოცდილებას, მსოფლიო დონის DJ სეტებსა და განსაკუთრებულ საღამოებს მზის ჩასვლის ფონზე. შავი ზღვის სანაპიროზე მდებარე ეს სივრცე მიზნად ისახავს არა მხოლოდ გართობის, არამედ ცხოვრების ახალი სტილის შექმნას, სადაც ბუნება, მუსიკა და მსოფლიო ბრენდის ენერგია ერთიანდება.VR Holding-ში აღნიშნავენ, რომ ეს ინიციატივა საქართველოს ტურისტულ რუკაზე ახალ, საერთაშორისო მნიშვნელობის მიმართულებას შექმნის და ქვეყანას კიდევ უფრო მიმზიდველს გახდის მაღალი დონის დასვენებისა და გასართობი გამოცდილების მაძიებელი სტუმრებისთვისა და ინვესტორებისთვის.VR Holding-ის მარკეტინგის დეპარტამენტის წარმომადგენელი - თინათინ სამხარაძე აღნიშნავს:„ჩვენთვის განსაკუთრებული მნიშვნელობა აქვს, რომ საქართველოში პირველად ვმასპინძლობთ ისეთ საერთაშორისო ბრენდს, როგორიცაა Café del Mar. ეს არის სივრცე, რომელიც მხოლოდ Beach Club არ იქნება - ეს არის ემოცია, ცხოვრების სტილი და გამოცდილება, რომელიც აერთიანებს მუსიკას, ბუნებასა და მაღალი ხარისხის გასართობ კულტურას. გვჯერა, რომ VR Shekvetili Forest~Beach-ში შექმნილი ეს ახალი ადგილი სწრაფად იქცევა როგორც ადგილობრივი, ისე საერთაშორისო სტუმრების საყვარელ ლოკაციად”.ახალი Beach Club-ის გახსნა სტუმრებს დაუვიწყარ ზაფხულს ჰპირდება 2026 წელს. ეს არის ადგილი, სადაც ზღვა, ტყე და მსოფლიო ბრენდის ენერგია ერთიანდება.