მთავრობა „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონში ცვლილების შეტანას გეგმავს.როგორც საკანონმდებლო ორგანოში წარდგენილ 2026 წლის საშემოდგომო სესიისთვის გათვალისწინებულ მთავრობის კანონშემოქმედებითი საქმიანობის მოკლევადიან გეგმაშია აღნიშნული, „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონში 2025 წლის 12 ივნისს განხორციელებული ცვლილებით შემოღებულ იქნა ინფორმაციული ტექნოლოგიების (IT) სფეროში დასაქმებული პირის დროებითი ბინადრობის ნებართვა, რომლის მიზანსაც წარმოადგენს საქართველოში ინფორმაციული ტექნოლოგიების მიმართულებით პროფესიონალი კადრების მოზიდვა და აღნიშნულ სფეროში მოქმედი საქართველოში რეგისტრირებული საერთაშორისო კომპანიების საქმიანობის ხელშეწყობა.როგორც დოკუმენტში ვკითხულობთ, 2026 წლის მდგომარეობით გამოიკვეთა, რომ განხორციელებული ცვლილების შედეგად, მნიშვნელოვნად გართულდა საერთაშორისო IT კომპანიების მხრიდან IT სფეროში შრომითი მიგრანტების დასაქმება, რაც ნეგატიურად ისახება ინდუსტრიის საქმიანობაზე. ამასთან, საქართველოში ოპერირებს 179 საერთაშორისო კომპანიის სტატუსის მქონე სუბიექტი, ხოლო 2025 წლის მდგომარეობით აღნიშნული სექტორის წილი მშპ-ში შეადგენს 7 %-ს, ექსპორტში კი 8 %-ს. აღნიშნულიდან გამომდინარე, არსებითად მნიშვნელოვანია სექტორის ხელშეწყობა, რაც განაპირობებს საკანონმდებლო ცვლილებების საჭიროებას.ცვლილების შედეგად, ინფორმაციული ტექნოლოგიების (IT) სფეროში დასაქმებული პირის დროებითი ბინადრობის ნებართვის მოპოვებას შეძლებენ IT სფეროში მოქმედი საქართველოში რეგისტრირებული საერთაშორისო კომპანიების მიერ დასაქმებული პირები, პროფესიული ნიშნის მიუხედავად. ამასთანავე, გამარტივდება აღნიშნული დროებითი ბინადრობის ნებართვისთვის დადგენილი მოთხოვნები. შედეგად, ცვლილება გადაჭრის საერთაშორისო IT კომპანიების მხრიდან შრომითი მიგრანტების დასაქმებისას პრაქტიკაში წარმოშობილი პრობლემებს. ცვლილების ჭრილში, შესაძლებელია, ინფორმაციული ტექნოლოგიების (IT) სფეროში დასაქმებული პირის დროებითი ბინადრობის ნებართვა მოიცავდეს „შრომითი მიგრაციის“ შესახებ საქართველოს კანონით გათვალისწინებული შრომითი საქმიანობის უფლებაც.შეგახსენებთ, ახალი რეგულაციების მიხედვით, ტექნოლოგიების სფეროში მოღვაწე უცხოელები ბინადრობის უფლების მოპოვებას შეძლებენ იმ შემთხვევაში, თუ მათი საქმიანობიდან წლიური შემოსავალი 25 000 აშშ დოლარის ექვივალენტზე ნაკლები არ არის.ინფორმაციისთვის, საქართველოში დროებითი ბინადრობის ნებართვები გაიცემა 3 წლამდე ვადით და მისი გახანგრძლივება შესაძლებელია ყოველ ჯერზე 3 წლით, არაუმეტეს 12 წლამდე.IT სფეროში დასაქმებული პირის დროებითი ბინადრობის ნებართვის მოქმედების ვადა წყდება იმ შემთხვევაშიც, თუ ამ ნებართვის მქონე პირი არ იმყოფება საქართველოში 183 დღეზე მეტ ხანს ნებისმიერი უწყვეტი 12 კალენდარული თვის განმავლობაში.BPN

New York Post წერს, რომ ბიძინა ივანიშვილის თანაინვესტირების ფონდის ყოფილი ხელმძღვანელმა, გიორგი ბაჩიაშვილმა მაიამის კუნძულ ჰიბისკუსზე ვილა რეკორდულ $51.5 მილიონად გაყიდა.გამოცემის ინფორმაციით, აღნიშნული ვილის გაყიდვის შესახებ განცხადება აგვისტოს შუა რიცხვებში გამოქვეყნდა და ის თავდაპირველად $55 მილიონად იყიდებოდა.NYP აღნიშნავს, რომ ჩანაწერების თანახმად, ბაჩიაშვილმა ქონება 2021 წელს 19 მილიონ დოლარად შეიძინა. გამოცემის წყაროს ცნობით, იმ დროისთვის შენობა "სახლის ჯერ კიდევ დაუსრულებელ, მშენებარე კარკასს წარმოადგენდა". მოგვიანებით მან ქონების დაპროექტებისთვის სამხრეთაფრიკული ფირმა SAOTA დაიქირავა.გამოცემა წერს, რომ ვილის მახასიათებლებს შორის შედის: სახლის კინოთეატრი ბარით, აუზი და ორი კერძო ნავსადგომი, რომელთაც სულ მცირე ერთი 32 მეტრის სიგრძის იახტის დატევა შეუძლიათ.ცნობისთვის, ბიძინა ივანიშვილის თანაინვესტირების ფონდის ყოფილი ხელმძღვანელი, გიორგი ბაჩიაშვილი პატიმრობიდან 2026 წლის 18 თებერვალს გათავისუფლდა. პროკურატურამ სამთავრობო რუსთავი ორს უთხრა, რომ ბაჩიაშვილმა "სრულად აღიარა ჩადენილი დანაშაული სისხლის სამართლის ყველა საქმეზე, სრულად ითანამშრომლა გამოძიებასთან, აანაზღაურა ზიანი, რისთვისაც გაუფორმდა საპროცესო შეთანხმება პირობით მსჯავრსა და ჯარიმაზე". 

გამოკვლევის შედეგების მიხედვით, 6 წლის და უფროსი ასაკის მოსახლეობის 93.3 პროცენტი ფლობს მობილურ ტელეფონს, რაც წინა წლის ანალოგიურ მაჩვენებელთან შედარებით 0.7 პროცენტული პუნქტით მეტია.ამასთან, აღნიშნული მაჩვენებელი ქალაქის ტიპის დასახლებებში 0.4 პროცენტული პუნქტით, ხოლო სოფლის ტიპის დასახლებებში 1.1 პროცენტული პუნქტით გაიზარდა და შესაბამისად 95.2 და 90.1 პროცენტი შეადგინა.შინამეურნეობებში საინფორმაციო და საკომუნიკაციო ტექნოლოგიების გამოყენების მაჩვენებლები საქსტატმა გამოაქვეყნა

გამოცემა Footballweek-მა გამოაქვეყნა ანალიტიკური წერილი ქართულ ფეხბურთზე, სადაც საქართველოს ურუგვაის ადარებს.„საქართველო ევროპული კლუბებისთვის საფეხბურთო ტალანტების მსხვილი მიმწოდებელი ხდება. ევროპის ტოპ 5 ლიგებში 13 ქართველი ფეხბურთელია, ბოლო ოთხი წლის განმავლობაში დადასტურებული ტრანსფერების ჯამური ღირებულება 175 მილიონ ევროზე მეტია. ნებისმიერი პროფესიონალი სკაუტის და სპორტული დირექტორისთვის გასაგებია, რომ საქართველოში სისტემა მუშაობს, მაგრამ ტალანტების ექსპორტის მოდელი საფეხბურთო ბაზარმა ჯერ სრულად ვერ აღიქვა.ქართული კლუბები ფეხბურთელებს ევროპის საშუალო დონის ლიგებში უშვებენ, სადაც უკვე ტოპ ლიგებისთვის ემზადებიან. ეს განვითარების მოდელია, რომელიც საქართველოს ბაზარზე დამკვიდრდა. ტალანტების ექსპორტი მოსახლეობის რაოდენობასთან ასევე არაპროპორციულია ურუგვაიშიც, რომლის მოსახლეობა 3.5 მილიონია, რაც თითქმის უტოლდება საქართველოს მოსახლეობას.საუკუნეზე მეტია, ეს ქვეყანა მისაბაძი მაგალითია. საქართველო მსგავს სახელს ახლა იმკვიდრებს. ევროპული გუნდების მიმწოდებელი ორი აკადემიაა – „დინამო თბილისი“ და თბილისის „იბერია“. ორივე აკადემიაში „ბარსელონას“ გამოცდილებაზე დაფუძნებული მეთოდოლოგია მუშაობს.გიორგი მიქაუტაძე ასახავს ბერკეტს, რომელიც საქართველომ გაააქტიურა, მაგრამ ეს იზოლირებული შემთხვევაა და არა პროგრამა. საქართველოს ჰყავს დიასპორა, რომელიც განაწილებულია მთელ ევროპაში – საბერძნეთში, გერმანიაში, იტალიასა და ესპანეთში.ეროვნული ლიგა არის სათბური და არა დანიშნულების ადგილი. ეს ზუსტად იგივე სტრუქტურული პრობლემაა, რაც ურუგვაიში: „ნასიონალი“ და „პენიაროლი“ ზრდიან მოთამაშეებს, რომელთა შესანარჩუნებლად ევროპას ეკონომიკურად კონკურენციას ვერ უწევენ.საუკეთესოები 17-დან 19 წლამდე ასაკში ქვეყანას ტოვებენ. კლუბი აღზრდის ხარჯებს ფარავს, შემოსავლებს ევროპული ბაზარი ითვისებს, ხოლო ქვეყანა ამ ღირებულების ნაწილს ტრანსფერების საფასურითა და საერთაშორისო რეპუტაციის მეშვეობით იბრუნებს. ფეხბურთელთა ექსპორტი სისტემის პრობლემა არ არის, ეს მისი მოსალოდნელი შედეგია.ბოლო ათწლეულის განმავლობაში საქართველო პერიფერიული ბაზრიდან ისეთ ბაზრად გადაიქცა, სადაც მსხვილი ევროპული კლუბები 17 წლის მოთამაშეებისთვის აქტიურად იბრძვიან. ამას პრაქტიკული შედეგები მოჰყვა: ახალგაზრდა ქართველი მოთამაშეების საფასური გაიზარდა, ზოგჯერ 4-5 წლის წინანდელ მაჩვენებელთან შედარებით ორჯერ ან ოთხჯერ მეტადაც“.წყარო: პირველი არხი

3 სექტემბერს სინოპტიკოსები საქართველოს თითქმის ყველა რეგიონში მზიან ამინდს ვარაუდობენ. წინა დღეებთან შედარებით ოდნავ მოიმატებს ტემპერატურაც.ამინდი ქალაქების მიხედვით:გაგრა +27 - მზიანისოხუმი +28 - მზიანიზუგდიდი +29 - მზიანიმესტია +18 - მზიანიფოთი +27 - მზიანიბათუმი +26 - მზიანიოზურგეთი +27 - უმეტესად მზიანიქუთაისი +30 - მზიანიამბროლაური +26 - მზიანიახალციხე +26 - მზიანიბორჯომი +24 - მზიანიბაკურიანი +21 - უმეტესად ღრუბლიანიგორი +27 - მზიანიცხინვალი +24 - მზიანისტეფანწმინდა +15 - უმეტესად მზიანიგუდაური +13 - უმეტესად ღრუბლიანითელავი +22 - უმეტესად მზიანირუსთავი +29 - მზიანითბილისი +27 - მზიანი

საქართველოს ბანკი ლოიალური მომხმარებლების წახალისებას აგრძელებს. ამჯერად, ბანკმა პარტნიორ კომპანია მეტრომარტთან ერთად, ნაწილ-ნაწილ გადახდისას სპეციალური შეთავაზება მოამზადა.შეთავაზების ფარგლებში, 5 სექტემბერს, მომხმარებლები მეტრომარტში სასურველი ნივთის საქართველოს ბანკის ნაწილ-ნაწილ შეძენისას 30%-იან ქეშბექს მიიღებენ (მაქსიმუმ 200 ლარის).აქცია ვრცელდება მხოლოდ ფიზიკურ მაღაზიებში. ქეშბექი ერთჯერადია და მომხმარებლებს ის სამი სამუშაო დღის განმავლობაში დაუბრუნდებათ. ინფორმაციისთვის, შეთავაზება მხოლოდ 5 სექტემბერს მოქმედებს და არ ვრცელდება iPhone-ის შეძენაზე.მეტრომარტი საქართველოში ტექნიკისა და ელექტრონიკის ქსელია, რომელიც მომხმარებლებს სხვადასხვა კატეგორიის ტექნიკას, მათ შორის სმარტფონებს, ლეპტოპებს, ტელევიზორებსა და სხვა საყოფაცხოვრებო ტექნიკას სთავაზობს. ნაწილ-ნაწილ საქართველოს ბანკის გადახდის მეთოდია, რომელიც მომხმარებლებს შესაძლებლობას აძლევს სასურველი ნივთი შეიძინონ დღესვე, ხოლო თანხა 4 თვეზე თანაბრად გადაანაწილონ ისე, რომ პროდუქტის ჯამური ღირებულება არ გაუძვირდეთ (ეფექტური 0%). ამასთანავე, მომხმარებლებს შეუძლიათ თანხის ნაწილი გადაიხადონ, დარჩენილი კი მომდევნო თვეებზე გადაანაწილონ. შესაბამისად, ნაწილ-ნაწილ გადაიხდით ზუსტად იმდენს, რასაც ერთიანად გადაიხდიდით.