საზოგადოება
თბილისის ბაღების აღსაზრდელებისთვის საახალწლო საჩუქრებს წელს „კარფური“ დაამზადებს - შესყიდვის ღირებულება 649 350 ლარია
თბილისის ბაგა-ბაღების მართვის სააგენტო, 45 000 აღსაზრდელისთვის, საახალწლო სასაჩუქრე ნაკრებებს 649 350 ლარად შეისყიდის. ნაკრებების დამზადებას წელს „კარფური“ უზრუნველყოფს. საბავშვო ბაგა-ბაღების მართვის სააგენტოს მიერ გამოცხადებულ ტენდერში სწორედ აღნიშნულმა კომპანიამ გაიმარჯვა.როგორც სატენდერო დოკუმენტიდან ირკვევა, შესყიდვა განხორციელდება შპს „მაჯიდ ალ ფუტაიმ ჰიპერმარკეტს ჯორჯიასთან“, რომელიც საქართველოში ფლობს და მართავს საცალო ვაჭრობის ქსელ „კარფურს“.„საახალწლო სასაჩუქრე ნაკრები (ტკბილეული) გათვალისწინებულია ქალაქ თბილისის 191 საბავშვო ბაგა-ბაღის თითოეული აღსაზრდელისთვის - სულ 45000 ცალი, საახალწლო საჩუქრად, რომელიც აღსაზრდელებს ყოველწლიურად გადაეცემათ საახალწლო ზეიმის დროს. საახალწლო სასაჩუქრე ნაკრების (ტკბილეული) შესყიდვაზე 2026 წლის 18 აგვისტოს გამოცხადებული ელექტრონული ტენდერი 2026 წლის 6 ოქტომბერს დასრულდა უარყოფითი შედეგით. სწორედ ამიტომ დადგა გადაუდებელი აუცილებლობის ვითარება.შიდა ბაზარზე შექმნილი ახალი გარემოებების გათვალისწინებით, დაზუსტდა შესყიდვის ობიექტის ტექნიკური მახასიათებლები და 7 ოქტომბერს გამოცხადდა ბაზრის კვლევა. წინადადებების მიღების დასრულების ვადაში დაფიქსირდა ერთი კომპანიის - შპს „მაჯიდ ალ ფუტაიმ ჰიპერმარკეტს ჯორჯიას“ შემოთავაზება, ღირებულებით 649 350 ლარი.ბაზრის კვლევის მოთხოვნათა გათვალისწინებით, წინადადებების მიღების დასრულების დღესვე, კომპანიას 1 სამუშაო დღის ვადაში მოეთხოვა შესყიდვის ობიექტის ნიმუშების წარმოდგენა, რომელიც მათ მიერ მოწოდებულ იქნა 2026 წლის 13 ოქტომბერს. შემსყიდველი ორგანიზაციის მიერ ნიმუშები განხილულ იქნა 2026 წლის 15 ოქტომბერს და დადასტურდა მათი შესაბამისობა განსაზღვრულ მოთხოვნებთან“,- ნათქვამია სატენდერო დოკუმენტაციაში.
1792484940
1792057800
27.2 ათასი ლარი ხელფასი თვეში, 52 400 აშშ დოლარი ანაბარზე - რა ქონებას ფლობს სებ-ის პირველი ვიცე-პრეზიდენტისაქართველოს ეროვნული ბანკის საბჭოს წევრმა და პირველმა ვიცე-პრეზიდენტმა ეკატერინე მიქაბაძემ ქონებრივი დეკლარაცია მიმდინარე წლის აგვისტოში წარადგინა.დეკლარაციის მიხედვით, მიქაბაძის საკუთრებაშია ბინა თბილისში, მიწის ნაკვეთი დუშეთში, ავტოფარეხი დედაქალაქში და მსუბუქი ავტომობილი Chevrolet Cruze.კერძოდ, ეკატერინე მიქაბაძემ 2021 წელს თბილისში 82.2 კვადრატული მეტრის ბინა 209 085 ლარად შეიძინა. 2026 წელს კი დუშეთში 450 კვადრატული მეტრის მიწის ნაკვეთი 66 728 ლარად იყიდა. მის საკუთრებაშია ასევე თბილისში მდებარე ავტოფარეხი, რომელიც 2022 წელს 24 417 ლარად აქვს შეძენილი.რაც შეეხება ავტომობილს, დეკლარაციის თანახმად, ეკატერინე მიქაბაძემ Chevrolet Cruze-ში 2022 წელს 23 175 ლარი გადაიხადა.დეკლარაციის შევსების მომენტში ეკატერინე მიქაბაძეს ანაბრებზე 205 000 ლარი, 52 400 აშშ დოლარი და 6 400 ევრო ჰქონდა განთავსებული.ამასთან, მის მულტისავალუტო უნივერსალურ ანგარიშზე 7 785 ლარი, ხოლო სტანდარტულ საბანკო ანგარიშზე 82.77 ლარი ირიცხებოდა.ამასთან, დეკლარაციის თანახმად, ეკატერინე მიქაბაძემ გასულ წელს საქართველოს ეროვნული ბანკის საბჭოს წევრისა და პირველი ვიცე-პრეზიდენტის პოზიციაზე ხელფასის სახით (გადასახადების შემდეგ) - 326 688 ლარი მიიღო. ამასთან, ილიას სახელმწიფო უნივერსიტეტსა და საქართველოს ეროვნულ უნივერსიტეტში ლექტორობისთვის ჯამურად 2 190 ლარი აქვს მიღებული.დოკუმენტის მიხედვით, გასულ წელს მიქაბაძემ ძმისთვის გაცემული 30 000-ლარიანი სესხი უკან დაიბრუნა. ამასთან, მეგობარს სესხის სახით იგივე ოდენობის თანხა მისცა.როგორც დოკუმენტში ვკითხულობთ, გასულ წელს ეკატერინე მიქაბაძემ იპოთეკური სესხის დასაფარად 168 219 ლარი გადაიხადა. გარდა ამისა, დუშეთში მიწის ნაკვეთის შესაძენად გადასახდელი თანხის ნაწილი, 33 454 ლარი დაფარა.დეკლარაციის თანახმად, 2025 წელს მიქაბაძემ მოგზაურობაში 5 290 ლარი დახარჯა, ხოლო მკურნალობის ხარჯმა 13 500 ლარი შეადგინა.ცნობისთვის, ეკატერინე მიქაბაძე საქართველოს ეროვნული ბანკის საბჭოს წევრი 2021 წლის ივლისიდან არის, ხოლო პირველი ვიცე-პრეზიდენტის თანამდებობას 2025 წლის 10 თებერვლიდან იკავებს. 2023-2025 წლებში ის ეროვნული ბანკის ვიცე-პრეზიდენტი იყო.მანამდე, 2018-2021 წლებში, მიქაბაძე საქართველოს ეკონომიკისა და მდგრადი განვითარების სამინისტროში მინისტრის მოადგილისა და პირველი მოადგილის თანამდებობებს იკავებდა. 2016-2018 წლებში მუშაობდა საქართველოს ფინანსთა სამინისტროში, მაკროეკონომიკური ანალიზისა და ფისკალური პოლიტიკის დაგეგმვის დეპარტამენტში. სხვადასხვა დროს მას საქართველოს ეროვნულ ბანკსა და სტატისტიკის სახელმწიფო დეპარტამენტშიც ეკავა პოზიციები.გარდა ამისა, 2011 წლიდან დღემდე ის აკადემიურ საქმიანობას ეწევა და ლექტორია ეკონომიკისა და ბიზნესის მართვის მიმართულებით.BPN
1792041473
ქალბატონო თიკა, სად წავიდა მილიონები!? - დავით ოქიტაშვილი თინათინ რუხაძეს“კულტურის პალატის“ ხელმძღვანელი დავით ოქიტაშვილი კულტურის ყოფილ მინისტრს, თიკა რუხაძეს მისი საქმიანობის მიზანმიმართულ შეზღუდვაში, ასევე, მისი პერსონის რეპუტაციის შელახვაში ადანაშაულებს და სამართალდამცავ უწყებებს ყოფილი მინისტრის საქმიანობის შესწავლისკენ მოუწოდებს.კერძოდ, სოციალურ ქსელში გამოქვეყნებულ ვრცელ მიმართვაში ოქიტაშვილი პროკურატურისა და აუდიტისგან პატრიარქ ილია მეორის დაკრძალვის ხარჯების გასაჯაროებას ითხოვს.ოქიტაშვილის თქმით, თინა რუხაძე კულტურის სფეროს წარმომადგენლებთან ურთიერთობას უზღუდავდა, ასევე, ის ითხოვს პასუხს, თუ ვინ დაავალა, რომ შეეჩერებინა „ისტორიული პროექტი, ვარსკვლავების გახსნა წარმატებული და ღვაწლმოსილი ადამიანებისთვის⁉“ამასთან, განცხადებაში ოქიტაშვილი ახსენებს მამუკა მდინარაძეს და წერს, რომ თინა რუხაძის სიტყვებით მდინარაძეს „ოქიტაშვილი სძულს“ და არ უნდა გაეკარონ.„დიდხანს ვიკავებდი თავს, მაგრამ ახლა დადგა დრო, საჯაროდ ვთქვა ის, რაზეც ბოლო დროს დუმილს ვამჯობინებდი‼ქალბატონო თიკა რუხაძე, დღეს მინდა პირდაპირ და საჯაროდ მოგმართოთ‼თქვენი მინისტრობის პერიოდში საქართველოს კულტურის პალატა და პირადად მე, როგორც მისი ხელმძღვანელი, არაერთი წინააღმდეგობის წინაშე აღმოვჩნდით.მიმაჩნია, რომ ეს იყო მიზანმიმართული მოქმედებები, რომლებიც კულტურის პალატის საქმიანობის შეზღუდვასა და ჩემი რეპუტაციის შელახვას ემსახურებოდა.დღეს კი მინდა რამდენიმე კითხვაზე საჯაროდ მიპასუხოთ.ვისი დავალებით მოქმედებდით ჩემს წინააღმდეგ⁉ვინ დაგავალათ, რომ კულტურის სფეროს წარმომადგენლებისთვის ჩემთან ურთიერთობა შეგეზღუდათ⁉ ვინ დაგავალათ, რომ შეგეჩერებინათ ისტორიული პროექტი, ვარსკვლავების გახსნა წარმატებული და ღვაწლმოსილი ადამიანებისთვის⁉რატომ ცდილობდით საქართველოს კულტურის პალატის ფილარმონიაში არსებული ოფისიდან გამოსახლებას და, ფაქტობრივად, ქუჩაში დატოვებას⁉იმ სივრციდან, რომელიც ბატონმა ბიძინა ივანიშვილმა გადმოგვცა და ადგილი, სადაც წლების განმავლობაში ცნობილი ხელოვანები იკრიბებოდნენ, მსჯელობდნენ ქართული კულტურის მომავალზე, პრობლემებსა და მათი გადაჭრის გზებზე.ცნობისთვის, ამ ოფისში საუბარი მუდმივად კულტურაზე, ხელოვნებასა და ქვეყნისთვის მნიშვნელოვან საკითხებზე მიმდინარეობდა და არა ათიათასდოლარიან ჩანთებზე და ძვირადღირებულ სამოსებზე⁉„ოქიტაშვილი ბიძინას აგენტი და წულუკიანის კუდია‼“ - ქალბატონო თიკა, ეს ხომ თქვენი სიტყვებია⁉ჩემი ინფორმაციით, ამ ფრაზას სხვადასხვა ადამიანებთან საუბრისას თქვენ ხშირად იმეორებდით.დიახ, იგივეს იძახდა თქვენი მფარველიც "მამუც" (მამუკა მდინარაძე) როგორც თქვენ მას მოფერებით ეძახდით.„მამუს სძულს ოქიტაშვილი და არ გაეკაროთ‼“ - ესეც ხომ თქვენი სიტყვებია⁉მერწმუნეთ არსებობენ ადამიანები, რომლებიც ამ სიტყვების უშუალო მოწმეები არიან.ქალბატონო თიკა, კი ახლა მინისტრი აღარ ხარ‼მაგრამ მიპასუხე, რატომ ცდილობდით ჩემს იზოლაციას კულტურის სფეროს წარმომადგენლებისგან⁉რატომ გაღიზიანებდათ ჩემი საქმიანობა და ურთიერთობები⁉რატომ ვიყავი ყველა კულტურულ ღონისძიებებში და შეკრებებზე სიიდან ამოღებული და დაბლოკილი⁉სწორი ნათქვამია "ღორს მარგალიტები არ უნდა დაუყარო"‼დღეს კიდევ უფრო სერიოზულად ვუყურებ იმ კრიტიკას, რომელიც თქვენი მინისტრობის პერიოდში ოპოზიციის გარკვეული წარმომადგენლების მხრიდან ისმოდა.და ახლა კიდევ ერთი, განსაკუთრებით მნიშვნელოვანი საკითხი‼საჯაროდ მივმართავ საქართველოს გენერალურ პროკურატურასა და სახელმწიფო აუდიტის სამსახურს, შეისწავლონ და საზოგადოებისთვის ხელმისაწვდომი გახადონ პატრიარქის დაკრძალვასთან დაკავშირებული ხარჯების სრული ინფორმაცია.რა თანხები დაიხარჯა⁉ვის გადაერიცხა სახელმწიფო სახსრები⁉როგორ განხორციელდა შესყიდვები და რამდენად მიზნობრივი იყო თითოეული თეთრი?ქალბატონო თიკა, სად წავიდა მილიონები⁉საზოგადოებას აქვს უფლება იცოდეს, როგორ და რა გადაწყვეტილებების საფუძველზე იხარჯებოდა სახელმწიფო ფული. მოვითხოვ, შესაბამისმა უწყებებმა შეისწავლონ თქვენი შესაძლო მონაწილეობა აღნიშნულ ფინანსურ გადაწყვეტილებებში.ასევე, როგორც ცნობილია, რამდენიმე კვირის წინ ლოპოტაზე გამართულ ძვირად ღირებულ საქორწილო წვეულებას ესწრებოდით. პირადი ცხოვრების განხილვა ჩემი მიზანი არ არის, თუმცა როდესაც საჯარო თანამდებობის ყოფილ პირთან დაკავშირებით ფინანსური გამჭვირვალობისა და შესაძლო კორუფციული გარიგებების შესახებ კითხვები ჩნდება, საზოგადოებას მათზე დასაბუთებული პასუხების მოსმენის უფლება აქვს.ქალბატონო თიკა, დროა, საჯაროდ უპასუხოთ კითხვებს!მე აღარ ვაპირებ დუმილს!ეს არ არის პირადი დაპირისპირების სურვილი. ეს არის კითხვები, რომლებზეც პასუხებს საქართველო ელოდება!დიახ ახლა ამ პასუხებს მეც საჯაროდ ვითხოვ! პ.ს - "ღალატი მტრისგან არ მოდის. მტერი გებრძვის, მოღალატე კი გიღიმის"“, - წერს დავით ოქიტაშვილი.
1791884220
მივიღეთ გადაწყვეტილება, საცხოვრებელი კორპუსების მშენებლობის პარალელურად, შემოვიღოთ დევნილი ოჯახების, ნაცვლად საცხოვრისისა, ფულადი კომპენსაციით დაკმაყოფილების პროგრამა - ირაკლი კობახიძემივიღეთ გადაწყვეტილება, საცხოვრებელი კორპუსების მშენებლობის პარალელურად, შემოვიღოთ დევნილი ოჯახების, ნაცვლად საცხოვრისისა, ფულადი კომპენსაციით დაკმაყოფილების პროგრამა, რომელში ჩართვაც სრულიად ნებაყოფლობითი იქნება, - ამის შესახებ პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.მისივე თქმით, თითოეულ დევნილ ოჯახს, რომელსაც წარსულში არ აქვს მიღებული საცხოვრისი ან შესაბამისი კომპენსაცია, ექნება უფლება, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შესაბამის სააგენტოში შეიტანოს განაცხადი - საცხოვრისის ნაცვლად, ფულადი კომპენსაციის მიღების შესახებ. კომპენსაციის ოდენობა იქნება 10,000 ლარი დევნილი ოჯახის თითოეულ წევრზე.„საქართველოს მთავრობა 2012 წლიდან წარმატებით ახორციელებს დევნილთა განსახლების პროგრამას. 2012 წელთან შედარებით, 10-ჯერ გაიზარდა დევნილთა მხარდაჭერისთვის გამოყოფილი ბიუჯეტი. შედეგად, 45 ათასზე მეტ დევნილ ოჯახს საკუთრებაში გადაეცა ახალი, კეთილმოწყობილი საცხოვრისი. პარალელურად, წარმატებით ხორციელდება სოფლად სახლის პროგრამა, რომლის ფარგლებში მიმდინარე წელს 2000-მდე ოჯახმა შეძლო სახელმწიფოს მხარდაჭერით სოფლად სახლის შეძენა. მიმდინარე მშენებლობების დასრულების შემდეგ, ახალი ბინები დამატებით 2,600 დევნილ ოჯახს გადაეცემა.თუმცა, ამ შთამბეჭდავი შედეგების მიუხედავად, კვლავაც მრავალი დევნილი ოჯახი რჩება დასაკმაყოფილებელი. რაოდენობის გათვალისწინებით, განსახლების საკითხის სრულად მოწესრიგებას დამატებით სულ მცირე 10 წელიწადი დასჭირდება.აქედან გამომდინარე, პროცესების დასაჩქარებლად, მივიღეთ გადაწყვეტილება, საცხოვრებელი კორპუსების მშენებლობის პარალელურად, შემოვიღოთ დევნილი ოჯახების, ნაცვლად საცხოვრისისა, ფულადი კომპენსაციით დაკმაყოფილების პროგრამა, რომელში ჩართვაც სრულიად ნებაყოფლობითი იქნება.თითოეულ დევნილ ოჯახს, რომელსაც წარსულში არ აქვს მიღებული საცხოვრისი ან შესაბამისი კომპენსაცია, ექნება უფლება, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შესაბამის სააგენტოში შეიტანოს განაცხადი, საცხოვრისის ნაცვლად, ფულადი კომპენსაციის მიღების შესახებ. კომპენსაციის ოდენობა იქნება 10,000 ლარი დევნილი ოჯახის თითოეულ წევრზე. კომპენსაციები გაიცემა განცხადების შეტანის რიგითობის შესაბამისად.აღნიშნული პროგრამისთვის მიმდინარე წელს გამოიყოფა 58 მილიონი ლარი და ეს პროგრამა მომავალშიც გაგრძელდება. მომავალ წლებში ბიუჯეტი კიდევ უფრო მეტად გაიზრდება. კიდევ ერთხელ აღვნიშნავთ, რომ ფულადი კომპენსაციების გაცემის პარალელურად, გაგრძელდება საცხოვრებელი კორპუსების მშენებლობა და „სოფლად სახლის“ პროგრამა იმ დევნილი ოჯახებისთვის, რომლებიც ფულადი კომპენსაციის მიღებაზე არ შეიტანენ განაცხადს. დარწმუნებული ვართ, ჩვენ მიერ შეთავაზებული პროგრამით ათასობით დევნილი ოჯახი ისარგებლებს.თითოეულ დევნილ ოჯახს ვუსურვებთ კეთილდღეობას და მშობლიურ კუთხეში მალე დაბრუნებას. მადლობას ვუხდი საქართველოს ჯანდაცვის მინისტრს, აგრეთვე საქართველოს ფინანსთა მინისტრს ამ საკითხების მომზადებისთვის. მადლობას ვუხდი საპარლამენტო უმრავლესობის წარმომადგენლებს გადაწყვეტილების მომზადებაში შეტანილი წვლილისთვის და მხარდაჭერისთვის!“- აღნიშნა პრემიერმა.ინფორმაციას მთავრობის ადმინისტრაცია ავრცელებს
სხვა სიახლეები
პარიზი ძალიან მალე მუსლიმური ქალაქი გახდება - ტრამპი
აშშ-ის პრეზიდენტმა, დონალდ ტრამპმა საფრანგეთში მიმდინარე მოვლენებში მიგრანტები კიდევ ერთხელ დაადანაშაულა და განაცხადა,რომ პარიზი მალე “მუსლიმური ქალაქი” გახდება.აშშ-ის პრეზიდენტმა თეთრ სახლში ჟურნალისტებს განუცხადა, რომ საფრანგეთის პრეზიდენტი, ემანუელ მაკრონი გააფრთხილა, რომ დიდ შეცდომას უშვებდა.„მთელი მსოფლიო შედიოდა. როგორც იცით, პარიზი ძალიან მალე მუსლიმური ქალაქი გახდება. ჩვენ საზღვრები ჩავკეტეთ, მან კი - არა“, - აღნიშნა ტრამპმა.მანამდე მან სოციალურ ქსელში საფრანგეთის ხელისუფლებას საზღვრების ჩაკეტვისკენ მოუწოდა. “საფრანგეთი იწვის! ჩაკეტეთ საზღვრები და აიღეთ გააკონტროლეთ სიტუაცია”, - დაწერა ტრამპმა.www.interpressnews.ge
მსოფლიო • 1792492635
გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები
საქართველოს ბანკი, როგორც განათლების მთავარი მხარდამჭერი, მოსწავლეებს საკუთარი ინტერესების აღმოჩენისა და ახალი შესაძლებლობების განვითარების გზაზე აქტიურად უჭერს მხარს. სწორედ ამიტომ, ბანკი მათ ტექნოლოგიების, პროგრამირების, ხელოვნური ინტელექტისა და კრეატიული მიმართულებებით სხვადასხვა საგანმანათლებლო პროგრამას სთავაზობს. პროგრამების ფარგლებში მოსწავლეებს შეუძლიათ, შეიძინონ ახალი უნარები, გაეცნონ მათთვის საინტერესო პროფესიებს და მიიღონ ცოდნა საქართველოს ბანკის სრული დაფინანსებით.საქართველოს ბანკის მიერ შექმნილი განათლების შესაძლებლობები მოსწავლეებისთვის:სტიპენდია პროფესიულ აკადემიებშისაქართველოს ბანკი სკოლის მოსწავლეებს აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს 20-მდე პროფესიულ აკადემიაში საქართველოს ბანკის სტიპენდიით. ინიციატივის ფარგლებში, მოსწავლეებს შეუძლიათ აირჩიონ სასურველი კურსი ვებპროგრამირების, გრაფიკული და UI/UX დიზაინის, IT პროექტების მართვის, პროგრამირების საფუძვლების, ხელოვნურ ინტელექტისა და სხვა მიმართულებებით. დეტალური ინფორმაციის მისაღებად და განაცხადის შესავსებად ეწვიეთ ვებგვერდს.TUMO ქუთაისი - ტექნოლოგიებით დაინტერესებული ახალგაზრდებისთვისსაქართველოს ბანკის მხარდაჭერით, ქუთაისში TUMO-ს ცენტრი გაიხსნა, რომელიც 12-18 წლის ახალგაზრდებს შესაძლებლობას აძლევს, მიიღონ ცოდნა ტექნოლოგიებისა და კრეატიული ინდუსტრიის მიმართულებით, 11 კურსიდან ერთ-ერთზე. ახალგაზრდებს შესაძლებლობა ექნებათ, დაეუფლონ პროგრამირებას, რობოტიკას, გრაფიკულ დიზაინს, 3D მოდელირებას და სხვა.TUMO ქუთაისში უკვე 600-მა ახალგაზრდამ დაიწყო სწავლა.STEM განათლების ხელშეწყობა მთელი საქართველოს მასშტაბითსაქართველოს ბანკისა და კომაროვის STEM სკოლა VII-XI კლასის მოსწავლეებს შესაძლებლობას აძლევს, მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიისა და ტექნოლოგიების მიმართულებით. სკოლაში გაკვეთილები ონლაინ ტარდება, რაც მოსწავლეებს შესაძლებლობას აძლევს, სასწავლო პროცესში საქართველოს ნებისმიერი კუთხიდან ჩაერთონ. ამასთან, საქართველოს ბანკი ყოველწლიურად საუკეთესო შედეგის მქონე 60 მოსწავლეს სწავლის საფასურს 100%-ით, ხოლო 30-ს - 50%-ით უფინანსებს.ფოთის საჭადრაკო კლუბი - შესაძლებლობა მომავალი ჩემპიონებისთვისსაქართველოს ბანკი ფოთის ნანა ალექსანდრიას სახელობის ლეგენდარული საჭადრაკო კლუბის მთავარი პარტნიორია. თანამშრომლობის ფარგლებში, საქართველოს ბანკი 10 ნიჭიერ მოსწავლეს, ერთი წლის განმავლობაში, სწავლას სრულად დაუფინანსებს. UWC-ის სტიპენდია მოსწავლეებისთვის - ისწავლეთ მსოფლიოს 18 სკოლაშისაქართველოს ბანკი გაერთიანებული მსოფლიო სკოლებთან (UWC) თანამშრომლობის ფარგლებში 15-17 წლის მოსწავლეებისთვის სასტიპენდიო პროგრამას ახორციელებს და მათ შესაძლებლობას აძლევს, მსოფლიოს მასშტაბით 17 ქვეყანაში, 18 პარტნიორ სკოლაში გააგრძელონ სწავლა.Code IT - პირველი ნაბიჯები პროგრამირებაშიპროგრამირებით დაინტერესებული 14-18 წლის მოზარდებისთვის Code IT-ის პროგრამა ხორციელდება, რომელიც ახალგაზრდებს საქართველოს სხვადასხვა რეგიონის ტექნოპარკში პროგრამირების საფუძვლების შესწავლის შესაძლებლობას აძლევს. პროგრამის მონაწილეები HTML-ს, CSS-სა და JavaScript-ს შეისწავლიან და ტექნოლოგიურ სფეროში პირველ ნაბიჯებს გადადგამენ. საქართველოს ბანკის მიერ შექმნილი განათლების კიდევ უფრო მეტი შესაძლებლობის აღმოსაჩენად ეწვიეთ ვებგვერდს.
ბიზნესი • 1792489980
NBA-ის ლეგიონი: როგორ ფორმაში ხვდებიან ქართველი კალათბურთელები ახალ სეზონს
მსოფლიო ჩემპიონატის საკვალიფიკაციო ეტაპის მეორე რაუნდი საქართველოს ეროვნულმა ნაკრებმა შთამბეჭდავად დაიწყო. აგვისტოს ბოლოს ორი მატჩი გავმართეთ: შინ მონტენეგრო დავამარცხეთ (101:74), გასვლაზე კი პორტუგალიასაც ვძლიეთ (90:98).ამ ორი გამარჯვების შემდეგ, საქართველომ 13 ქულას მოუყარა თავი და მე-3 ადგილს იკავებს. სატურნირო ცხრილში ვითარება დაძაბულია. ჯგუფს უკრაინა ლიდერობს (14 ქ.), ხოლო მეორე ადგილზე მყოფ ესპანეთს ჩვენსავით 13 ქულა აქვს და მხოლოდ ბურთების უკეთესი სხვაობით გვასწრებს. 4-6 ადგილებს პორტუგალია, საბერძნეთი და მონტენეგრო იყოფენ (12-12 ქულით).შესანიშნავი სტარტის მიუხედავად, მეორე რაუნდში ჯერ არაფერია გადაწყვეტილი. ვინაიდან მომდევნო ეტაპზე ჯგუფიდან 3 საუკეთესო ნაკრები გადის, შანსს ექვსივე გუნდი ინარჩუნებს. წინ კიდევ 4 მატჩია და მთავარი ბრძოლები ახლა იწყება.მომდევნო ორ შეხვედრას ქართველი კალათბურთელები ნოემბერში გამართავენ: 26 ნოემბერს გასვლაზე საბერძნეთს დაუპირისპირდებიან, ხოლო 29 ნოემბერს სახლში, პორტუგალიას უმასპინძლებენ. სამწუხაროდ, NBA-ის გადატვირთული კალენდრის გამო, ამ ციკლში ნაკრებს სანდრო მამუკელაშვილი და გოგა ბითაძე ვერ დაეხმარებიან. სანამ რეგულარული ჩემპიონატის დაწყებამდე, ორივე ქართველმა NBA-ის წინასასეზონო შეხვედრებში მიიღო მონაწილეობა.მსოფლიოში ყველაზე ძლიერ და კონკურენტულ ლიგაში ახალი, 2026-2027 წლების სეზონი სტარტს 20 ოქტომბერს იღებს. 82-მატჩიანი რეგულარული მარათონი უზომოდ გადატვირთული კალენდრით ხასიათდება. სწორედ ეს არის იმის მთავარი მიზეზი, რომ უმაღლეს დონეზე ასპარეზობის მიუხედავად, ბითაძე და მამუკელაშვილი ნოემბრის სანაკრებო ფანჯრის მატჩებს გამოტოვებენ.სანდრო მამუკელაშვილს ლეგენდარული “ლეიკერსის” შემადგენლობაში სულ ახლახან ჰქონდა დებიუტი. ეს იყო წინასასეზონო შეხვედრა „საკრამენტო კინგსის“ წინააღმდეგ. 19 წუთში ქართველმა ფორვარდმა 8 ქულა, 5 შედეგიანი გადაცემა და 1 მოხსნა დააგროვა.მატჩის შემდეგ სანდრომ ჟურნალისტების კითხვებს უპასუხა და აღნიშნა- “ჩემთვის მთავარია მოედანზე გავიდე, მონდომებით ვითამაშო, მაქსიმუმი გავაკეთო და დანარჩენი თავისით მოხდებაო”.მამუკელაშვილის ადაპტაციასა და სათამაშო ასპექტებზე ისაუბრა “ლეიკერსის” მთავარმა მწვრთნელმა, ჯეი ჯეი რედიკმაც, რომელმაც ხაზი გაუსვა, რომ სანდრო გუნდის სათამაშო სისტემასა და ტაქტიკას უკვე კარგად შეეწყო.წინასასეზონო სამზადისში “ლეიკერსმა” 5 მატჩი გამართა. მამუკელაშვილი პარკეტზე ხუთივე შემთხვევაში ვიხილეთ (საშუალოდ 20 წუთს ატარებდა). ჩინებულად ითამაშა “გოლდენ სტეიტთან” შეხვედრაში (15 ქულა, 3 მოხსნა, 2 პასი), თუმცა სტეფ კარისთან და კომპანიასთან “ლეიკერსმა” ვერაფერი გააწყო და დიდი ანგარიშით (128:98) დამარცხდა.“საკრამენტოსთან” მატჩში მამუ გუნდის ერთ-ერთ ლიდერად მოგვევლინა და მეტოქის კალათში 19 ქულა ჩააგდო, რისთვისაც ლუკა დონჩიჩისგან საქებარი სიტყვებიც დაიმსახურა: “თამაშს კარგად კითხულობს და შესანიშნავ გადაცემებს აკეთებსო”, - აღნიშნა სლოვენიელმა. მამუკელაშვილმა “გოლდენ სტეიტთან“ მორიგ მატჩშიც მიიქცია ყურადღება, სადაც საოცარი, ეფექტური ჩატენვა შემოგვთავაზა. ცხადია, ეს ვიდეო სოციალურ ქსელებში ელვის სისწრაფით გავრცელდა.“ლეიკერსი” NBA-ის რეგულარულ ჩემპიონატში პირველ მატჩს 22 ოქტომბერს ჩაატარებს და პირველსავე შეხვედრაში სწორედ “გოლდენ სტეიტს” დაუპირისპირდება.NBA-ის მორიგი სეზონისთვის აქტიურად ემზადება “ორლანდო მეჯიქის” ქართველი ცენტრი გოგა ბითაძეც. “ორლანდომ” წინასასეზონო ეტაპზე პირველი შეხვედრა “მემფის გრიზლის” წინააღმდეგ ჩაატარა. ბითაძემ პარკეტზე თითქმის 13 წუთი გაატარა და 7 ქულა, 2 მოხსნა და 1 დაფარება მიითვალა.იქნება თუ არა იგი ძირითადი შემადგენლობის წევრი, ამას ცოტა ხანში ვიხილავთ. თუმცა, გოგა აღნიშნავს, რომ “ვეცდები გუნდისთვის საუკეთესო გავაკეთო, დავიწყებ სასტარტოში თუ სკამზე ვიქნები, ნებისმიერ როლს გამოწვევად მივიღებო”.ერთად ვუგულშემატკივროთ ჩვენს სპორტსმენებსსაქართველოს ბანკი კალათბურთის ეროვნული ნაკრების მთავარი სპონსორია
ბიზნესი • 1792485240
თბილისის ბაღების აღსაზრდელებისთვის საახალწლო საჩუქრებს წელს „კარფური“ დაამზადებს - შესყიდვის ღირებულება 649 350 ლარია
თბილისის ბაგა-ბაღების მართვის სააგენტო, 45 000 აღსაზრდელისთვის, საახალწლო სასაჩუქრე ნაკრებებს 649 350 ლარად შეისყიდის. ნაკრებების დამზადებას წელს „კარფური“ უზრუნველყოფს. საბავშვო ბაგა-ბაღების მართვის სააგენტოს მიერ გამოცხადებულ ტენდერში სწორედ აღნიშნულმა კომპანიამ გაიმარჯვა.როგორც სატენდერო დოკუმენტიდან ირკვევა, შესყიდვა განხორციელდება შპს „მაჯიდ ალ ფუტაიმ ჰიპერმარკეტს ჯორჯიასთან“, რომელიც საქართველოში ფლობს და მართავს საცალო ვაჭრობის ქსელ „კარფურს“.„საახალწლო სასაჩუქრე ნაკრები (ტკბილეული) გათვალისწინებულია ქალაქ თბილისის 191 საბავშვო ბაგა-ბაღის თითოეული აღსაზრდელისთვის - სულ 45000 ცალი, საახალწლო საჩუქრად, რომელიც აღსაზრდელებს ყოველწლიურად გადაეცემათ საახალწლო ზეიმის დროს. საახალწლო სასაჩუქრე ნაკრების (ტკბილეული) შესყიდვაზე 2026 წლის 18 აგვისტოს გამოცხადებული ელექტრონული ტენდერი 2026 წლის 6 ოქტომბერს დასრულდა უარყოფითი შედეგით. სწორედ ამიტომ დადგა გადაუდებელი აუცილებლობის ვითარება.შიდა ბაზარზე შექმნილი ახალი გარემოებების გათვალისწინებით, დაზუსტდა შესყიდვის ობიექტის ტექნიკური მახასიათებლები და 7 ოქტომბერს გამოცხადდა ბაზრის კვლევა. წინადადებების მიღების დასრულების ვადაში დაფიქსირდა ერთი კომპანიის - შპს „მაჯიდ ალ ფუტაიმ ჰიპერმარკეტს ჯორჯიას“ შემოთავაზება, ღირებულებით 649 350 ლარი.ბაზრის კვლევის მოთხოვნათა გათვალისწინებით, წინადადებების მიღების დასრულების დღესვე, კომპანიას 1 სამუშაო დღის ვადაში მოეთხოვა შესყიდვის ობიექტის ნიმუშების წარმოდგენა, რომელიც მათ მიერ მოწოდებულ იქნა 2026 წლის 13 ოქტომბერს. შემსყიდველი ორგანიზაციის მიერ ნიმუშები განხილულ იქნა 2026 წლის 15 ოქტომბერს და დადასტურდა მათი შესაბამისობა განსაზღვრულ მოთხოვნებთან“,- ნათქვამია სატენდერო დოკუმენტაციაში.
საზოგადოება • 1792484940
Galt & Taggart-მა აჭარის ეკონომიკისა და სექტორული ტენდენციების შესახებ კონფერენცია გამართა
Galt & Taggart-მა აჭარის ეკონომიკისა და სექტორული ტენდენციების შესახებ კონფერენცია გამართა. ღონისძიებას უძრავი ქონებისა და სტუმარმასპინძლობის სექტორებში მოქმედი კომპანიების წარმომადგენლები ესწრებოდნენ.კონფერენციაზე წარდგენილი კვლევა საქართველოსა და აჭარის მაკროეკონომიკურ გარემოს, ასევე რეგიონის წამყვანი სექტორების, სტუმარმასპინძლობისა და უძრავი ქონების, მიმდინარე ტენდენციებსა და განვითარების პერსპექტივებს აფასებს. კვლევის შედეგები ბიზნესს ბაზრის უკეთ გააზრებასა და მონაცემებზე დაფუძნებული გადაწყვეტილებების მიღებაში დაეხმარება. კვლევის მიხედვით, ბათუმის საბინაო ბაზარი ზრდას აგრძელებს. 2025 წელს ქალაქში რეკორდული რაოდენობის ბინა გაიყიდა, 2026–30 წლებში კი მიწოდება დაჩქარდება. ბაზარი ძირითადად საინვესტიციოა, ამიტომ მისი განვითარება ინვესტორის უკუგებაზეა დამოკიდებული. ბოლო წლებში ბინების ფასები ქირაზე სწრაფად გაიზარდა, რამაც საიჯარო შემოსავლიანობა შეამცირა, თუმცა ის კვლავ მიმზიდველ დონეზე რჩება. მისი შენარჩუნება ტურისტული მოთხოვნის ზრდაზეა დამოკიდებული: საჭიროა მეტი ტურისტი, უფრო ხანგრძლივი ვიზიტები და დატვირთული არასეზონი. კვლევაში სამომავლო მიწოდება სეგმენტების მიხედვით (ბიუჯეტური, საშუალო, პრემიუმი) არის გაანალიზებული და თითოეული სეგმენტისთვის გაყიდვების პერსპექტივები არის შეფასებული.კონფერენციაზე ბათუმის სავაჭრო მოლების ანალიზიც წარადგინეს. ეფექტიანობით ისინი თბილისის მოლებს უახლოვდებიან, ქირა კი უფრო დაბალია. ახალი შესაძლებლობები გამორჩეულ ლოკაციებსა და პრემიუმ ბრენდებშია. ტურიზმის განვითარების მიმართულებით კვლევა სამ საკითხზეა ფოკუსირებული: არასეზონური მოთხოვნის განვითარებაზე, ტურისტული ბაზრებისა და ავიაკავშირების დივერსიფიკაციასა და ქალაქის ინფრასტრუქტურის დაგეგმილ განვითარებაზე, რაც მზარდი მიწოდების ფონზე განსაკუთრებით მნიშვნელოვანია. „აჭარა საქართველოს ეკონომიკის ერთ-ერთი მნიშვნელოვანი რეგიონია, სადაც ტურიზმი და უძრავი ქონება აქტიურად ვითარდება. ამ ბაზრების რეგულარული ანალიზი საშუალებას გვაძლევს, გამოვავლინოთ მთავარი ტენდენციები და ბიზნესს რეგიონის ეკონომიკური პროცესების ფართო სურათი გავუზიაროთ, რაც მათ სამომავლო გეგმების დასახვაში დაეხმარება“, – განაცხადა Galt & Taggart-ის გენერალურმა დირექტორმა გიორგი კუპრაშვილმა.
ბიზნესი • 1792480860
უახლოესი დღეების ამინდის პროგნოზი
20 ოქტომბრის ღამის საათებიდან აღმოსავლეთ, ხოლო 21 ოქტომბრიდან დასავლეთ საქართველოში, 22 ოქტომბრის დღის მეორე ნახევრამდე მოსალოდნელია დროგამოშვებით ნალექი, ქვეყნის ჩრდილო მთიან რაიონებში, ასევე შიდა ქართლის, ქვემო ქართლის და კახეთის რეგიონებში, ზოგან ძლიერი ინტენსივობით - ინფორმაციას გარემოს ეროვნული სააგენტო ავრცელებს.„შესაძლებელია ელჭექი და ქარის გაძლიერება. მოსალოდნელმა ძლიერმა ნალექებმა შესაძლებელია მდინარეებზე - ენგურზე, არაგვზე, ალაზანზე, იორსა და მათ შენაკადებზე წყლის დონეების მნიშვნელოვანი მატება და წყალმოვარდნები, გორაკ-ბორცვიან და მთიან ზონებში მეწყრული და ღვარცოფული პროცესების ჩასახვა-გააქტიურება, ხოლო ურბანულ ტერიტორიებზე ცალკეული მონაკვეთების დატბორვა გამოიწვიოს (საფრთხის დონე საშუალო)“–ნათქვამია ინფორმაციაში.
სხვადასხვა • 1792478040
მსოფლიო
სხვადასხვა
1792478040
უახლოესი დღეების ამინდის პროგნოზი20 ოქტომბრის ღამის საათებიდან აღმოსავლეთ, ხოლო 21 ოქტომბრიდან დასავლეთ საქართველოში, 22 ოქტომბრის დღის მეორე ნახევრამდე მოსალოდნელია დროგამოშვებით ნალექი, ქვეყნის ჩრდილო მთიან რაიონებში, ასევე შიდა ქართლის, ქვემო ქართლის და კახეთის რეგიონებში, ზოგან ძლიერი ინტენსივობით - ინფორმაციას გარემოს ეროვნული სააგენტო ავრცელებს.„შესაძლებელია ელჭექი და ქარის გაძლიერება. მოსალოდნელმა ძლიერმა ნალექებმა შესაძლებელია მდინარეებზე - ენგურზე, არაგვზე, ალაზანზე, იორსა და მათ შენაკადებზე წყლის დონეების მნიშვნელოვანი მატება და წყალმოვარდნები, გორაკ-ბორცვიან და მთიან ზონებში მეწყრული და ღვარცოფული პროცესების ჩასახვა-გააქტიურება, ხოლო ურბანულ ტერიტორიებზე ცალკეული მონაკვეთების დატბორვა გამოიწვიოს (საფრთხის დონე საშუალო)“–ნათქვამია ინფორმაციაში.
1792394940
ჭკვიანი საპარკინგე ინფრასტრუქტურა: როგორ ცვლის ტექნოლოგიები ურბანულ მობილობასა და ბიზნესის ეფექტიანობასთანამედროვე ქალაქებში ავტომობილების რაოდენობის დინამიურმა და უპრეცედენტო ზრდამ უძრავი ქონებისა და სატრანსპორტო სექტორის წინაშე სრულიად ახალი მასშტაბისა და სირთულის ლოგისტიკური გამოწვევები წამოჭრა. დღეს საპარკინგე სივრცე აღარ არის მხოლოდ ტერიტორია, სადაც მძღოლები ავტომობილებს დროებით ტოვებენ — ეს არის კრიტიკული ინფრასტრუქტურული კვანძი, რომლის გამართულ მუშაობაზეც პირდაპირ არის დამოკიდებული ობიექტის ოპერაციული ეფექტიანობა, უსაფრთხოება, ფინანსური მაჩვენებლები და ვიზიტორთა კმაყოფილება. ამ პირობებში, ინტელექტუალური პარკირების სისტემები იქცა მთავარ ინსტრუმენტად, რომელიც ურბანული ქაოსის მოწესრიგებასა და სატრანსპორტო ნაკადების ეფექტიან მართვას უზრუნველყოფს.ობიექტების აბსოლუტური უმრავლესობა, იქნება ეს მსხვილი სავაჭრო ცენტრები, საცხოვრებელი კომპლექსები, ბიზნეს ცენტრები თუ სამედიცინო დაწესებულებები, ყოველდღიურად აწყდება ერთსა და იმავე მწვავე პრობლემებს: შესასვლელებთან წარმოქმნილ ხანგრძლივ საცობებსა და რიგებს, არასანქცირებულ პარკირებას, თავისუფალი ადგილების გაურკვევლობას, ქაოსურ მოძრაობასა და ხელით კონტროლის დაბალ ეფექტიანობას. ტრადიციული მეთოდები, რომლებიც მხოლოდ დაცვის პერსონალის, დარაჯების ან მარტივი მექანიკური ბარიერების იმედზეა, თანამედროვე ინტენსიურ სატრანსპორტო ნაკადებს ვერ აუდიტებს. სწორედ ამ გამოწვევების საპასუხოდ, სულ უფრო მოთხოვნადი ხდება პარკინგის ავტომატიზაცია, რომელიც უზრუნველყოფს ნაკადების ციფრულ მართვასა და პროცესების სრულ ოპტიმიზაციას.ტერიტორიიდან ციფრულ ეკოსისტემამდე: რა არის ჭკვიანი პარკინგითანამედროვე გაგებით, საპარკინგე სივრცე წარმოადგენს მულტიფუნქციურ ციფრულ ეკოსისტემას, სადაც ერთმანეთთან ჰარმონიულად არის დაკავშირებული აპარატურული და პროგრამული გადაწყვეტილებები. ძველი, მექანიკური მეთოდებისგან განსხვავებით, ინტელექტუალური მიდგომა ადამიანურ ფაქტორს მინიმუმამდე ამცირებს და ყველა ძირითად საოპერაციო პროცესს ავტომატურ რეჟიმში გადაიყვანს. ინტეგრირებული პარკირების სისტემები იძლევა შესაძლებლობას, რომ მთელი ტერიტორია კონტროლდებოდეს ერთიანი, ცენტრალიზებული პლატფორმიდან.დღევანდელი ჭკვიანი საპარკინგე ინფრასტრუქტურა რამდენიმე ძირითად ტექნოლოგიურ კომპონენტს აერთიანებს: მაღალტექნოლოგიური ვიდეოკამერები: უზრუნველყოფს ტერიტორიისა და სექტორების უწყვეტ ვიზუალურ მონიტორინგსა და ვიდეოჩანაწერის წარმოებას. ავტომობილის ნომრის ამოცნობა: სპეციალური პროგრამული ალგორითმები, რომლებიც ნებისმიერ კლიმატურ პირობებსა თუ განათებაში მყისიერად კითხულობენ სახელმწიფო სანომრე ნიშანს. ავტომატური შლაგბაუმი: სწრაფი რეაგირების მექანიზმები, რომლებიც უზრუნველყოფენ დაშვების ფიზიკურ კონტროლს. ულტრაბგერითი და ოპტიკური სენსორები: ახორციელებენ თავისუფალი ადგილების კონტროლს და აწვდიან რეალურ მონაცემებს მძღოლებსა თუ ადმინისტრაციას. გადახდის ტერმინალები: უზრუნველყოფენ გადახდის ავტომატიზაციას საბანკო ბარათებით, QR-კოდებით ან მობილური აპლიკაციებით. ცენტრალიზებული დაშვების კონტროლი: განსაზღვრავს და მართავს ავტომობილების უფლებამოსილებებს, კატეგორიებსა და დაყოვნების დროს. ანალიტიკური პროგრამული უზრუნველყოფა: აგროვებს მონაცემებს, აწარმოებს დეტალურ სტატისტიკას და უზრუნველყოფს პარკინგის მართვას რეალურ დროში. როდესაც ეს კომპონენტები ერთიანად და შეუფერხებლად ფუნქციონირებს, მთელი ობიექტის მართვა ხდება მაქსიმალურად მოქნილი, საიმედო და გამჭვირვალე.როგორ მუშაობს პარკინგის მართვისა და კონტროლის სისტემაავტომატიზებული ინფრასტრუქტურის მთავარი ღირსება მომხმარებლისთვის შეუმჩნეველი, სწრაფი და სტრესისგან თავისუფალი მომსახურებაა. პროცესი იმდენად ოპტიმიზებულია, რომ მძღოლს პრაქტიკულად არ უწევს ზედმეტი მოქმედებების შესრულება ან ავტომობილიდან გადმოსვლა.როდესაც ავტომობილი უახლოვდება ობიექტის შესასვლელ ზონას, სპეციალური ნომრის ამომცნობი კამერა წამებში აფიქსირებს სანომრე ნიშანს და მონაცემებს გადასცემს ცენტრალურ სერვერს. თუ ავტომობილი რეგისტრირებულია სისტემაში ან ტერიტორია ღიაა ვიზიტორებისთვის, მყისიერად იღება ავტომატური შლაგბაუმი.შიდა ტერიტორიაზე შესვლისთანავე, სისტემა აფიქსირებს ზუსტ დროს და იწყებს ტარიფიკაციას (თუ საუბარია კომერციულ ფასიან ზონაზე). საინფორმაციო ტაბლოები და ინდიკატორები მძღოლს ეხმარება, სწრაფად იპოვოს თავისუფალი ადგილი, რაც გამორიცხავს უაზრო მოძრაობასა და საცობებს შიდა პერიმეტრზე. ობიექტიდან გასვლისას, გადახდის ავტომატიზაცია უზრუნველყოფს სწრაფ ანგარიშსწორებას, რის შემდეგაც გასასვლელი ბარიერი ავტომატურად იხსნება. სწორედ ასე ფუნქციონირებს ინტელექტუალური პარკინგის მართვისა და კონტროლის სისტემა, რომელიც სრულად გამორიცხავს ხელით ოპერაციებსა და შესასვლელებთან რიგებს.ANPR ტექნოლოგია: ავტომობილის ნომრის ამოცნობა და უსაფრთხოებათანამედროვე ავტომატიზაციის ინტელექტუალურ ბირთვს წარმოადგენს ANPR (Automatic Number Plate Recognition) ტექნოლოგია, რომელიც საგრძნობლად მაღალ საფეხურზე წევს ობიექტის უსაფრთხოებასა და გადაადგილების კომფორტს.ამ ტექნოლოგიის დანერგვით მიღწეული ძირითადი უპირატესობებია: უპასპორტო და უბარათო დაშვება: მძღოლს არ სჭირდება ავტომობილის ფანჯრის ჩამოწევა, პლასტიკური ბარათის გამოყენება ან ქაღალდის ბილეთის აღება, რაც საგრძნობლად ზრდის ტრანსპორტის გამტარუნარიანობას. მუდმივი და დროებითი სიების მართვა: შესაძლებელია „თეთრი სიის“ (whitelist) შექმნა ბინათმესაკუთრეებისთვის, მობინადრეებისთვის ან თანამშრომლებისთვის, ხოლო „შავი სიის“ (blacklist) მეშვეობით – არასასურველი და უფლებამოსილების არმქონე ტრანსპორტის მყისიერი დაბლოკვა. დროებითი ვიზიტორების მოქნილი კონტროლი: სტუმრებს შეუძლიათ ისარგებლონ წინასწარ გაგზავნილი QR-კოდით, დროებითი დაშვების უფლებით ან ერთჯერადი ბილეთით. დეტალური ისტორია და მონიტორინგი: მონაცემთა ბაზაში უვადოდ ინახება თითოეული ავტომობილის შესვლისა და გასვლის ზუსტი დრო, ფოტომასალასთან და ვიდეოჩანაწერთან ერთად, რაც მნიშვნელოვნად ზრდის პარკირების უსაფრთხოებას. ეს მრავალფუნქციური შესაძლებლობები უზრუნველყოფს, რომ პარკინგის კონტროლი იყოს სრულიად დაცული, გამჭვირვალე და ეფექტიანი.საპარკინგე ტექნოლოგიების გამოყენების სფეროებიავტომატიზებული გადაწყვეტილებები დღეს გამოიყენება პრაქტიკულად ყველა ტიპის კომერციულ, საჯარო თუ საცხოვრებელ ინფრასტრუქტურაში, სადაც ტრანსპორტის ინტენსიური მოძრაობაა: სავაჭრო და გასართობი ცენტრები: მაღალი გამტარუნარიანობა, სწრაფი როტაცია და მარტივი ანგარიშსწორება პირდაპირ აისახება მომხმარებელთა კმაყოფილებასა და სავაჭრო ობიექტის ფინანსურ ბრუნვაზე. ბიზნეს ცენტრები და საოფისე შენობები: საშუალებას იძლევა მკაცრად გაიმიჯნოს თანამშრომელთა და ვიზიტორთა საპარკინგე ზონები და დაცული იყოს გამოყოფილი ადგილები. თანამედროვე პარკირების სისტემები ეხმარება კომპანიებს, ეფექტიანად გაანაწილონ ლიმიტირებული ადგილები თანამშრომლებსა და პარტნიორებზე. საცხოვრებელი კომპლექსები: უზრუნველყოფს ეზოებისა და მიწისქვეშა ავტოსადგომების დაცვას უცხო ავტომობილებისგან, რაც გარანტირებულ ადგილებს უტოვებს მაცხოვრებლებს. სასტუმროები და სამედიცინო დაწესებულებები: უზრუნველყოფს პაციენტების, ვიზიტორებისა და სტუმრებისთვის მშვიდ, ორგანიზებულ და სტრესისგან თავისუფალ გარემოს. აეროპორტები, სადგურები და სპორტული არენები: მასშტაბური ნაკადების პირობებში, ავტომატიზებული ტარიფიკაცია და კონტროლი ერთადერთი საშუალებაა ქაოსისა და საცობების თავიდან ასაცილებლად. ასევე, ინტელექტუალური ტექნოლოგიები ფართოდ გამოიყენება უნივერსიტეტებში, კერძო საწარმოო ტერიტორიებსა და მუნიციპალურ თუ კომერციულ ფასიან პარკინგებზე.ბიზნეს სარგებელი: შემოსავლების ოპტიმიზაცია და საოპერაციო ეფექტიანობაობიექტის მფლობელებისა და მმართველებისთვის საპარკინგე სივრცის ავტომატიზაცია პირდაპირ უკავშირდება ფინანსურ სარგებელსა და საოპერაციო ხარჯების მნიშვნელოვან შემცირებას. ინტელექტუალური პარკირების სისტემები ბიზნესს აძლევს სრულ ინსტრუმენტარიუმს ფინანსური ნაკადების გამჭვირვალობისთვის.პირველ რიგში, ციფრული აღრიცხვა სრულად გამორიცხავს ფინანსურ გაჟონვას. ვინაიდან ყველა ტრანზაქცია, დაყოვნების დრო და ტარიფიკაცია პროგრამულად კონტროლდება, გამორიცხულია ადამიანური შეცდომები, არასანქცირებული ფასდაკლებები ან სხვა სახის ბოროტად გამოყენება. გარდა ამისა, საგრძნობლად მცირდება მომსახურე პერსონალის საჭიროება, რაც საოპერაციო ხარჯებს მინიმუმამდე დაჰყავს.ანალიტიკური მოდული ადმინისტრაციას აძლევს შესაძლებლობას, სიღრმისეულად შეისწავლოს პარკინგის დატვირთულობის დინამიკა, გამოავლინოს პიკური საათები და დააწესოს მოქნილი, სეგმენტირებული ტარიფები. ამ გზით, თანამედროვე პარკინგის მართვისა და კონტროლის სისტემა ხდება არა მხოლოდ წესრიგის დამყარების ინსტრუმენტი, არამედ შემოსავლის გენერირებისა და ბიზნესის გაფართოების ეფექტიანი საშუალება.სწორი პარკირების სისტემები და ინდივიდუალური არქიტექტურატექნოლოგიური გადაწყვეტილების შერჩევისას უმნიშვნელოვანესია ობიექტის ინდივიდუალური არქიტექტურული და ლოგისტიკური სპეციფიკის გათვალისწინება. არ არსებობს უნივერსალური შაბლონი, რომელიც თანაბრად მოერგება როგორც მცირე საცხოვრებელ კორპუსს, ისე მრავალდონიან სავაჭრო კომპლექსს.პროექტირებისას ყურადღება უნდა მიექცეს ისეთ პარამეტრებს, როგორებიცაა შესასვლელ-გასასვლელების რაოდენობა, ტრანსპორტის პიკური ნაკადი, ტარიფიკაციის მოდელი, მომხმარებელთა ტიპები და გადახდის მეთოდები. ასევე კრიტიკულია არჩეული ტექნოლოგიის ინტეგრაციის უნარი შენობის უსაფრთხოებისა და მართვის სხვა სისტემებთან (BMS, CCTV, დაშვების სისტემები). სწორედ ამიტომ, ბაზარზე არსებული პროფესიონალური პარკირების სისტემები იძლევიან საშუალებას, შეიქმნას კონკრეტული ობიექტის საჭიროებებზე ზუსტად მორგებული არქიტექტურა. სწორად შერჩეული აღჭურვილობა და პროგრამული უზრუნველყოფა უზრუნველყოფს ინვესტიციის სწრაფ უკუგებასა და ხანგრძლივ, შეუფერხებელ ექსპლუატაციას.მომხმარებლის გამოცდილება და ბრენდის რეპუტაციადღეს მომხმარებელი განსაკუთრებულ მნიშვნელობას ანიჭებს დროსა და პირად კომფორტს. ობიექტზე მისვლისას გამართული, თანამედროვე საპარკინგე ინფრასტრუქტურის დახვედრა ქმნის პოზიტიურ პირველ შთაბეჭდილებას, რაც პირდაპირ აისახება ბრენდის რეპუტაციასა და იმიჯზე.როდესაც პროცესი მარტივი და შეუფერხებელია – მძღოლი სწრაფად შედის ტერიტორიაზე, უპრობლემოდ პოულობს ადგილს და აჩერებს ავტომობილს, მოსახერხებლად იხდის და დაბრკოლების გარეშე ტოვებს პერიმეტრს – მომხმარებლის კმაყოფილების დონე მაღალია. ეს იწვევს ლოიალობის ზრდას და განაპირობებს განმეორებით ვიზიტებს, რაც ნებისმიერი კომერციული ობიექტისთვის გადამწყვეტი ფაქტორია.ინტეგრაცია და მომავლის პერსპექტივებითანამედროვე ურბანისტიკა ვითარდება "ჭკვიანი ქალაქის" (Smart City) კონცეფციის გარშემო, სადაც სატრანსპორტო ინფრასტრუქტურის ყველა ელემენტი ერთიან ციფრულ ქსელშია გაერთიანებული. ინოვაციური პარკირების სისტემები მარტივად ინტეგრირდება ნავიგაციურ აპლიკაციებთან, ელექტრომობილების დამტენ სადგურებსა და ქალაქის მობილობის პლატფორმებთან.მომავალში კიდევ უფრო გაიზრდება ხელოვნური ინტელექტისა (AI) და მანქანური სწავლების როლი, რაც საშუალებას მისცემს სისტემებს, წინასწარ იწინასწარმეტყველონ დატვირთვის პიკური პერიოდები, ავტომატურად დაარეგულირონ ტარიფები და ოპტიმალურად გაანაწილონ ნაკადები. ასეთი მიდგომა უზრუნველყოფს ობიექტის ხანგრძლივ მდგრადობასა და ტექნოლოგიურ მზადყოფნას.დასკვნაურბანული გარემოსა და ბიზნეს სექტორის დინამიურ განვითარებასთან ერთად, საპარკინგე სივრცეების მართვა სულ უფრო კომპლექსურ და პასუხისმგებლიან ამოცანად ყალიბდება. ძველი, მექანიკური და ხელით მართვის მეთოდები ვეღარ აკმაყოფილებს თანამედროვე უსაფრთხოებისა და სიჩქარის მაღალ სტანდარტებს, რის გამოც ციფრულ გადაწყვეტილებებზე გადასვლა გარდაუვალი აუცილებლობა ხდება.პარკირების ავტომატიზაცია წარმოადგენს გრძელვადიან ინვესტიციას ობიექტის უსაფრთხოებაში, საოპერაციო ეფექტიანობასა და მომხმარებლის კმაყოფილებაში. სწორად დაპროექტებული და დანერგილი პარკინგის მართვა ქმნის მოწესრიგებულ, უსაფრთხო და მაღალტექნოლოგიურ გარემოს, რომელიც სრულად პასუხობს თანამედროვე ურბანული მობილობის მოთხოვნებს.
1792126991
როგორი ამინდია მოსალოდნელი 16 ოქტომბერს საქართველოში16 ოქტომბერს ქუთაისში წვიმიან ამინდს ელოდებიან, დღისით +25 და ღამით +16 გრადუსია მოსალოდნელი.ნალექს ოზურგეთშიც ელოდებიან, დღისით +24 გრადუსი დაფიქსირდება, ღამით კი +15 გრადუსი იქნება. ბათუმშიც იწვიმებს დღისით ჰაერი +22 გრადუსამდე გათბება, ხოლო ღამით +17 გრადუსი დაფიქსირდება.ნალექიანი ამინდია ფოთშიც. დღისით +23 გრადუსი დაფიქსირდება, ღამით კი +18 გრადუსია მოსალოდნელი. ნალექი ზუგდიდშიც იქნება, დღისით ტემპერატურა +24, ღამით კი +15 გრადუსია ნავარაუდევი.სოხუმშიც წვიმიანი დღეა. +22 გრადუსია მოსალოდნელი დღისით, ღამით +16 გრადუსი დაფიქსირდება.მესტიაში წვიმს. დღისით +17 გრადუსი იქნება, ღამით კი 7 გრადუსი დაფიქსირდება. ამბროლაურშიც ნალექიანი ამინდია. დღისით ჰაერი +24 გრადუსამდე გათბება, ღამით კი +12 გრადუსი დაფიქსირდება.ჭიათურაში წვიმიანი ამინდია, დღისით +23 გრადუსი, ღამით კი +14 გრადუსი დაფიქსირდება. ახალციხეშიც წვიმიანი დღეა, დღისით +25 გრადუსი, ღამით კი +10 გრადუსი იქნება.ნალექს ახალქალაქშიც ელოდებიან. ტემპერატურა დღისით +21, ღამით კი +8 დაფიქსირდება.ბორჯომში ნალექიანი დღეა, +24 იქნება დღისით, ღამით კი +12 გრადუსი დაფიქსირდება. წვიმიანი დღეა მოსალოდნელი ბაკურიანშიც, დღისით +22 გრადუსია მოსალოდნელი, ღამით +7 გრადუსი დაფიქსირდება.წვიმიან დღეს ელოდებიან გორში, დღისით +25 გრადუსი, ღამის განმავლობაში კი +12 გრადუსი დაფიქსირდება. ცხინვალში ჰაერის ტემპერატურა +24 გრადუსი იქნება, ღამით კი +11 გრადუსი დაფიქსირდება და იქნება წვიმა.გუდაურშიც წვიმიანი ამინდია. დღის განმავლობაში +13 გრადუსი დაფიქსირდება, ღამით კი ჰაერის ტემპერატურა 6 გრადუსი იქნება. ომალოში დღისით, 16 ღამით კი 7 გრადუსი დაფიქსირდება და იწვიმებს.ლაგოდეხშიც წვიმიან დღეს ელოდებიან. ჰაერის ტემპერატურა დღის განმავლობაში +27 გრადუსი იქნება, ღამით კი +17 გრადუსი დაფიქსირდება. წვიმიანი დღე იქნება თელავში, +26 გრადუსი დაფიქსირდება, ღამით კი +16 გრადუსია ნავარაუდევი.ნალექი გურჯაანშიც იქნება. დღისით +26 გრადუსი, ღამით კი +16 გრადუსი დაფიქსირდება. სიღნაღშიც წვიმიანი დღეა მოსალოდნელი, დღისით +24 გრადუსია მოსალოდნელი, ღამით +15 გრადუსი დაფიქსირდება.რუსთავშიც წვიმიანი დღეა მოსალოდნელი, დღისით +26 გრადუსია მოსალოდნელი, ღამით კი +16 გრადუსი დაფიქსირდება.თბილისშიც ხანმოკლე წვიმას ელოდებიან. ჰაერის ტემპერატურა დღისით +27 გრადუსს მიაღწევს, ღამით კი +17 გრადუსი იქნება.
1792040659
როგორი ამინდია მოსალოდნელი 15 ოქტომბერს საქართველოში15 ოქტომბერს ქუთაისში მზიანი დღე იქნება, დღისით +29 და ღამით +17 გრადუსი დაფიქსირდება.მზიანი ამინდი იქნება ოზურგეთშიც. დღისით +29 გრადუსი დაფიქსირდება, ღამით კი +18 გრადუსი იქნება.ბათუმშიც მზიანი დღეა მოსალოდნელი, დღისით ჰაერი +28 გრადუსამდე გათბება, ხოლო ღამით +18 გრადუსი დაფიქსირდება.მზეა ფოთშიც. დღისით +29 გრადუსი დაფიქსირდება, ღამით კი +18 გრადუსია მოსალოდნელი.ზუგდიდშიც უნალექო ამინდია, ჰაერის ტემპერატურა დღისით +29, ღამით კი +17 გრადუსი იქნება.სოხუმში უნალექო დღეა მოსალოდნელი, +28 გრადუსია მოსალოდნელი დღისით, ღამით +17 გრადუსი დაფიქსირდება.მესტიაში მზიანი დღეა, დღისით +20 გრადუსი იქნება, ღამით კი +10 გრადუსი დაფიქსირდება. ლენტეხში დღისით +20 გრადუსი იქნება, ღამით კი +8 გრადუსი დაფიქსირდება.ამბროლაურშიც უნალექო ამინდს ელოდებიან. ჰაერი +25 გრადუსამდე გათბება, ღამით კი +13 გრადუსი დაფიქსირდება.ჭიათურაშიც მზეა. დღისით +26 გრადუსი, ღამით კი +17 გრადუსი დაფიქსირდება.ახალციხეში წვიმაა მოსალოდნელი, დღისით +23 გრადუსი, ღამით კი +10 გრადუსი იქნება.ახალქალაქშიც მცირე ნალექია, დღისით +21 გრადუსი, ღამით კი +8 იქნება.ბორჯომშიც იწვიმებს დღეა მოსალოდნელი, +23 იქნება დღისით, ღამით კი +13 გრადუსი დაფიქსირდება.მცირე წვიმაა მოსალოდნელი ბაკურიანში, დღისით +20 გრადუსია მოსალოდნელი, ღამით +6 გრადუსი დაფიქსირდება.ნალექიან ამინდს ელოდებიან გორში, დღისით +26 გრადუსი, ღამის განმავლობაში კი +14 გრადუსი დაფიქსირდება.ცხინვალშიც იწვიმებს, ჰაერის ტემპერატურა +25 გრადუსი იქნება, ღამით კი +13 გრადუსი დაფიქსირდება.გუდაურშიც მცირე წვიმაა მოსალოდნელი, დღის განმავლობაში +13 გრადუსი დაფიქსირდება, ღამით კი ჰაერის ტემპერატურა +6 გრადუსი იქნება.ომალოშიც გაწვიმდება. დღისით +16 ღამით კი +7 გრადუსი დაფიქსირდება.ლაგოდეხშიც მცირე წვიმა იქნება, ჰაერის ტემპერატურა დღის განმავლობაში +25 გრადუსი იქნება, ღამით კი +17 გრადუსი დაფიქსირდება.თელავშიც წვიმაა ნავარაუდევი. დღისით +24 გრადუსი დაფიქსირდება, ღამით კი +17 გრადუსი იქნება.წვიმიანი დღეა გურჯაანშიც, დღისით +24 გრადუსი, ღამით კი +17 გრადუსი დაფიქსირდება.სიღნაღშიც იწვიმებს. დღისით +23 გრადუსია მოსალოდნელი, ღამით +16 გრადუსი დაფიქსირდება.რუსთავში მცირე ნალექია მოსალოდნელი. დღისით +25 გრადუსია მოსალოდნელი, ღამით კი +16 გრადუსი დაფიქსირდება.თბილისშიც ნალექს ელოდებიან. ჰაერის ტემპერატურა დღისით +24 გრადუსს მიაღწევს, ღამით კი +16 გრადუსი იქნება.
1791789839
„წვიმის ღმერთები“ - ახალი სტარტაპი დრონებით ღრუბლების „დათესვას“ იწყებს: რატომ შიშობენ ეკოლოგები?მსოფლიოში მტკნარი წყლის დეფიციტის ფონზე, ამინდის მართვა და ხელოვნური წვიმის გამოწვევა რეალურ ბიზნესად იქცა. სან-ფრანცისკოს სტარტაპმა Rainmaker-მა ალასკაზე უპილოტო საფრენი აპარატებით ღრუბლები „დათესა“ და 3 საათში 19 მილიონი გალონი წყალი მიიღო.ტექნოლოგია, რომელიც 80 წელზე მეტი ხნის წინ შეიქმნა, ეკოლოგებსა და ადგილობრივ მოსახლეობაში სერიოზულ კითხვებს აჩენს.საინტერესოა, როგორ ცდილობენ მეცნიერები ცის „მოტყუებას“ და რა საფრთხეებს შეიცავს ის?საიდუმლო ექსპერიმენტი ალასკის ცაზე და 19 (დაახლოებით, 72 ტონა წყალი) მილიონი გალონი წყალი23 აგვისტოს, ალასკის ქალაქ ჰომერის მცხოვრებმა კუპერ ფრიმენმა არ იცოდა, რომ მის თავსზემოთ არსებულ ღრუბლებში წვიმის გამოსაწვევად ვერცხლის ნაერთს აფრქვევდნენ. მოგვიანებით, ჰომერის ათასობით მცხოვრებმა შეიტყო, რომ სან-ფრანცისკოს სტარტაპმა Rainmaker-მა მათ რეგიონში ღრუბლების დათესვის ექსპერიმენტი ჩაატარა.კომპანიის განცხადებით, მათ სამ საათში ცაში 19 მილიონი ამერიკული გალონი წყალი წარმოქმნეს.ამინდის მოდიფიკაციის ეს მეთოდი 80 წელზე მეტი ხნისაა. ის თვითმფრინავებისა თუ დრონების მეშვეობით ღრუბლებში ისეთი ნაერთების გაფრქვევას გულისხმობს, როგორიცაა ვერცხლის იოდიდი, რათა ყინულის კრისტალები ჩამოყალიბდეს.პროცესის არსი: კრისტალები იზრდება და ქვედა შრეებში არსებული ტემპერატურის მიხედვით წვიმის ან თოვლის სახით მოდის დედამიწაზე. ტექნოლოგია აჩქარებს წყლის ორთქლის ბუნებრივ კონდენსაციას ღრუბლებში.თუმცა პროცესს სჭირდება იდეალური კლიმატური გარემო, მაგალითად, ცივი ან მთიანი რეგიონები, როგორიცაა ალასკა.ღრუბლების “დათესვას“ საფუძველი 1946 წელს ჩაეყარა, როდესაც General Electric-ის მკვლევარებმა მშრალი ყინული გამოიყენეს. ერთი წლის შემდეგ კი აღმოაჩინეს, რომ ვერცხლის იოდიდი მშრალ ყინულზე ბევრად ეფექტური იყო.ეკოლოგების განგაში: არის თუ არა უსაფრთხო ვერცხლის იოდიდი?ბიოლოგიური მრავალფეროვნების ცენტრის ალასკის დირექტორი კუპერ ფრიმენი შეშფოთებულია, რომ მოსახლეობა ექსპერიმენტის შესახებ წინასწარ არ გააფრთხილეს. იგი ეჭვქვეშ აყენებს პროცესის უსაფრთხოებას როგორც ადგილობრივებისთვის, ისე გარემოსთვის.„არ ჩატარებულა მონიტორინგი იმის დასადგენად, იმოქმედა თუ არა ამ ვერცხლის იოდიდმა გარემოზე,“ - აცხადებს ფრიმენი. მისი თქმით, კომპანიის მიერ ჩატარებული პროცედურა წყლის პრობლემებს ვერ გადაჭრის და ეს რეალური პრობლემებიდან ყურადღების გადატანას ჰგავს.თავის მხრივ, Rainmaker-ის დამფუძნებელი და აღმასრულებელი დირექტორი ოგასტუს დორიკო აცხადებს, რომ თითოეული ფრენისას ათასობით კვადრატულ კილომეტრზე მხოლოდ 20 გრამი ვერცხლი გამოიყოფა. მისი განმარტებით, ნიადაგზე ნივთიერების კონცენტრაციის მატება იმდენად მცირეა, რომ FDA-ს მიერ დაშვებულ ზღვარზე ბევრად დაბალია.„წვეთი ზღვაში“: შეუძლია თუ არა ტექნოლოგიას წყლის კრიზისის გადაჭრა?გაეროს გენერალურმა მდივანმა ანტონიო გუტერეშმა განაცხადა, რომ მსოფლიო მტკნარ წყალს იმაზე სწრაფად მოიხმარს, ვიდრე მისი აღდგენა ხდება. თუმცა, ექსპერტები აღნიშნავენ, რომ ღრუბლების დათესვა დიდ ცვლილებას არ იწვევს - მაგალითად, Rainmaker-ის მიერ მიღებული 19 მილიონი გალონი 100 კვადრატულ მილზე წვიმის მხოლოდ 0.01 დუიმს შეადგენს.იუტას კლიმატური ცენტრის კლიმატოლოგ ჯონ მეიერის თქმით, სწორი პირობების არსებობისას ტექნოლოგიას ნალექების 5-დან 10%-მდე გაზრდა შეუძლია.2017 წლის მნიშვნელოვანმა კვლევამ რადარებისა და ნალექზომების მეშვეობით დაადასტურა, რომ ვერცხლის იოდიდი ეფექტურად მუშაობს.Rainmaker-ი უკვე საქმიანობს ისეთ შტატებში, როგორებიცაა აიდაჰო, იუტა, კოლორადო და ახლო აღმოსავლეთში, კერძოდ იორდანიაში, სადაც მოსახლეობას წყალი კვირაში ხშირად მხოლოდ რამდენიმე საათით მიეწოდება.ნიადაგის ცილები ვერცხლის ნაცვლად: ინოვაციური ალტერნატივასან-ფრანცისკოს კომპანია Recast Systems-ის აღმასრულებელი დირექტორი ოლივია ლი ატარებს ექსპერიმენტებს ნიადაგში არსებული ამინომჟავებისგან მიღებულ პროტეინზე.ტეხასის A&M უნივერსიტეტში ჩატარებული ტესტების მიხედვით, ეს ახალი აგენტი: არის სრულიად უსაფრთხო და ბიოდეგრადირებადი; ყინულის წარმოქმნას უფრო მაღალი ეფექტურობით უზრუნველყოფს, ვიდრე ვერცხლის იოდიდი. ექსპერტები ვარაუდობენ, რომ წყლის დეფიციტის ზრდასთან ერთად, მსგავს ინოვაციურ ტექნოლოგიებზე მოთხოვნა მთელ მსოფლიოში კიდევ უფრო გაიზრდება.წყარო: bbc
