ფრანგული LVMH-ის დამფუძნებელი ბერნარ არნო მსოფლიოს უმდიდრესი ადამიანების ათეულიდან გავიდა. Bloomberg-ის განახლებული Billionaires Index-ის მიხედვით, მის ადგილს ამერიკელი ინვესტორი უორენ ბაფეტი იკავებს.ამ ცვლილების შედეგად, რეიტინგის ისტორიაში პირველად, მისი 2012 წელს ამოქმედებიდან მოყოლებული, მსოფლიოს უმდიდრესი ადამიანების TOP-10-ში მხოლოდ ამერიკელი მეწარმეები და ინვესტორები არიან.10 სექტემბრის მდგომარეობით, 77 წლის ბერნარ არნოს ქონება $143 მილიარდად იყო შეფასებული. წლის დასაწყისიდან მისი კაპიტალი დაახლოებით $65 მილიარდით შემცირდა, რაც Bloomberg-ის მიერ შეფასებულ მსოფლიოს 500 უმდიდრეს ადამიანს შორის ყველაზე დიდი კლებაა.არნოს ქონების შემცირების მთავარი მიზეზი LVMH-ის აქციების ღირებულების ვარდნაა. 2026 წლის დასაწყისიდან ფრანგული ჯგუფის საბაზრო კაპიტალიზაცია დაახლოებით 36%-ით შემცირდა. კომპანიას პრობლემები შეექმნა მნიშვნელოვან ბაზრებზეც — გაყიდვები შემცირდა მდიდარ მომხმარებლებში პოპულარულ ახლო აღმოსავლეთის მიმართულებებზე, მათ შორის დუბაიში, ამასთან, მდგომარეობა გაუარესდა ჩინეთის ბაზარზეც.LVMH-ის შედეგებზე გავლენა მოახდინა სირთულეებმა ჯგუფის რამდენიმე მნიშვნელოვან სეგმენტში, მათ შორის Louis Vuitton-ის, Dior-ისა და Tiffany-ის ბრენდებში, ასევე პრემიუმ ალკოჰოლური სასმელების მწარმოებლებში, მათ შორის Dom Pérignon-სა და Hennessy-ში.ამავდროულად, აქციების გაიაფებით არნოს ოჯახმა LVMH-ში საკუთარი წილი 50%-ზე მეტად გაზარდა. ანალიტიკოსების უმრავლესობა კომპანიის აქციების პერსპექტივას კვლავ დადებითად აფასებს. LVMH-ს 26 ექსპერტი აკვირდება, მათგან 17 აქციების ყიდვას, ხოლო ცხრა შენარჩუნებას ურჩევს. გაყიდვის რეკომენდაცია არც ერთ ანალიტიკოსს არ აქვს. საშუალო სამიზნე ფასი დაახლოებით €564-ს შეადგენს, რაც ბოლო დახურვის ფასთან შედარებით დაახლოებით 38%-იან ზრდის პოტენციალს გულისხმობს.Bloomberg-ის რეიტინგში პირველ ადგილს დიდი უპირატესობით Tesla-სა და SpaceX-ის დამფუძნებელი ილონ მასკი იკავებს, რომლის ქონებაც დაახლოებით $918.8 მილიარდია. მეორე ადგილზეა Google-ის თანადამფუძნებელი ლარი პეიჯი — $286 მილიარდით, ხოლო მესამე პოზიციაზე Amazon-ის დამფუძნებელი ჯეფ ბეზოსია — $274 მილიარდით.ათეულში შემდეგ მოდიან Google-ის თანადამფუძნებელი სერგეი ბრინი $266 მილიარდით, Dell-ის დამფუძნებელი მაიკლ დელი — $245 მილიარდით, Meta-ს თანადამფუძნებელი მარკ ცუკერბერგი — $229 მილიარდით, Oracle-ის თანადამფუძნებელი ლარი ელისონი — $208 მილიარდით, Nvidia-ს ხელმძღვანელი ჯენსენ ჰუანგი — $181 მილიარდით, Microsoft-ის ყოფილი აღმასრულებელი დირექტორი სტივ ბალმერი — $172 მილიარდით და უორენ ბაფეტი — $144 მილიარდით.ბერნარ არნო რამდენიმე წლის განმავლობაში მსოფლიოს უმდიდრესი ადამიანების TOP-10-ში ერთადერთი არაამერიკელი იყო. ის რეიტინგის ათეულში უწყვეტად 2017 წლის მარტიდან შედიოდა, ხოლო 2022-2023 წლებში რამდენჯერმე მცირე ხნით მსოფლიოს უმდიდრესი ადამიანის პოზიციაზეც გადავიდა.ფრანგი მილიარდერის ქონებამ პიკს ფუფუნების საქონლის ბაზრის სწრაფი ზრდის პერიოდში მიაღწია. პანდემიის შემდეგ ჩინელი მომხმარებლების გაზრდილმა მოთხოვნამ და გადავადებულმა შესყიდვებმა ძვირადღირებული ბრენდების გაყიდვები მნიშვნელოვნად გაზარდა. თუმცა, ამჟამად ინდუსტრია საკვანძო ბაზრებზე ზრდის შენელებას და მოთხოვნის შემცირებას ეჯახება, რაც LVMH-ის უმსხვილესი აქციონერის ქონებაზეც აისახა.

2032 წელს სახელმწიფო უკვე უზრუნველყოფს არსებული თბილისის საერთაშორისო აეროპორტიდან ვაზიანის ახალ საერთაშორისო აეროპორტში ოპერირების სრულ გადატანას, - ამის შესახებ განცხადება ეკონომიკისა და მდგრადი განვითარების მინისტრმა, მარიამ ქვრივიშვილმა გადაცემა Business Insider Georgia-ში სტუმრობისას გააკეთა.როგორც მინისტრმა თქვა, თბილისის საერთაშორისო აეროპორტის გაფართოებისთვის მისი ოპერატორი 150 მლნ დოლარის ინვესტიციას განახორციელებს, რითაც გააორმაგებს გამტარუნარიანობას.„მიმდინარე პერიოდში თბილისის საერთაშორისო აეროპორტში ჩვენი პარტნიორი, ოპერატორი კომპანია ინვესტიციას განახორციელებს დაახლოებით 150 მილიონი დოლარის იმისთვის, რომ არსებული 5-მილიონიანი მგზავრთნაკადის გამტარობის ტერმინალი გაფართოვდეს, გაორმაგდეს და მიაღწიოს 10 მილიონ მგზავრს. 2032 წლამდეა მნიშვნელოვანი ამ გამტარობის უზრუნველყოფა, რამეთუ 2032 წელს სახელმწიფო უკვე უზრუნველყოფს არსებული თბილისის საერთაშორისო აეროპორტიდან ოპერირების სრულ გადატანას ვაზიანის ახალ საერთაშორისო აეროპორტში. ვაზიანის პროექტი - უმნიშვნელოვანესი და ძალიან სტრატეგიული ახალი პროექტია ჩვენი ქვეყნისთვის. ვაზიანის აეროპორტში გვექნება 20 მილიონ მგზავრზე გათვლილი სრულიად ახალი, თანამედროვე ინფრასტრუქტურა, რისთვისაც ჩვენ უკვე ძალიან ბევრი რამ გავაკეთეთ, პირველ რიგში კვლევები, ეკონომიკური მიზანშეწონილობის გეგმა აზიის განვითარების ბანკთან ერთად და სხვა მნიშვნელოვანი საავიაციო და ტექნიკურ-საინჟინრო კვლევები, რომლებმაც სახელმწიფოს მიაღებინა ასეთ მნიშვნელოვანი გადაწყვეტილება. ვაზიანის აეროპორტის განვითარების პროექტზე შემიძლია ვთქვა, რომ უკვე გავასწარით ჩვენს შიდა გეგმა-გრაფიკს. იმდენად სწრაფად პროგრესირებს ამ პროექტზე მუშაობა“, - აღნიშნა მინისტრმა,გადაცემაში სტუმრობისას მარიამ ქვრივიშვილმა შიდა აეროპორტებზე გაამახვილა ყურადღება.„ სრულიად ახალ შიდა აეროპორტს ავაშენებთ თელავში, რასაც ექნება დიდი გავლენა და დიდი დატვირთვა ზოგადად კახეთის რეგიონის განვითარებისთვის - განსაკუთრებით ტურიზმის სექტორის კუთხით. მეორეს მხრივ, ჩვენ გამოვაცხადეთ ტენდერი მესტიაში სრულიად ახალი სამგზავრო ტერმინალის მშენებლობაზე. ამ ორ პროექტს ძალიან ელოდებოდა კახეთი, ისევე როგორც სვანეთი. ვფიქრობთ, რომ ეს იქნება ახალი შენამატი ჩვენი შიდა სატრანსპორტო ქსელის განვითარებისთვის, ჩვენი მოქალაქეებისთვის, ისევე როგორც ჩვენს ქვეყანაში ჩამოსული სტუმრებისთვის“, - აღნიშნა მინისტრმა.ინფორმაციას ეკონომიკისა და მდგრადი განვითარების სამინისტრო ავრცელებს

ახალი სასწავლო წლის დაწყებისთვის საქართველოს ბანკმა ერთგულ მომხმარებლებს სპეციალური, მათ საჭიროებებსა და ინტერესებზე მორგებული 100-ზე მეტი შეთავაზება მოუმზადა.  შეთავაზებები სხვადასხვა კატეგორიას მოიცავს, მათ შორის, ტანსაცმელსა და აქსესუარებს, სასწავლო ნივთებს, კვებას, გართობას და სხვა.სპეციალური პირობებით სარგებლობა საქართველოს ბანკის სხვადასხვა ბარათის - sCool Card, Student Card, PLUS, SOLO, გამოყენებისას შეუძლიათ. PLUS შეთავაზებებიExtra.ge და Extra Market - 11 სექტემბერს PLUS ბარათით გადახდისას მომხმარებლები 30%-იან PLUS ქეშბექს მიიღებენ (მაქსიმუმ 150 ლარი);ინტელექტი - 1-15 სექტემბერს, ონლაინ შეძენისას, საქართველოს ბანკის გადახდის მეთოდის არჩევის შემთხვევაში მომხმარებლები 10-ჯერ მეტ PLUS ქულას დააგროვებენ;ჭიტა - 14 სექტემბერს PLUS ბარათით გადახდისას მომხმარებლები 30%-იან ქეშბექს მიიღებენ (მაქსიმუმ 100 ლარის PLUS ქულა);ოპტიმისტი - 1-15 სექტემბერს მომხმარებლები 10-ჯერ მეტ PLUS ქულას დააგროვებენ როგორც ფიზიკურ მაღაზიაში საქართველოს ბანკის ტერმინალზე გადახდისას, ისე ონლაინ - საქართველოს ბანკის გადახდის მეთოდის არჩევის შემთხვევაში.შეთავაზებები მოსწავლეებისა და სტუდენტებისთვისBiblusi - 11 სექტემბერს Student და sCool Card-ით გადახდისას მომხმარებლები 40%-იან ქეშბექს მიიღებენ. მოსწავლის ბარათზე ქეშბექის მაქსიმალური ოდენობა 50 ლარია, სტუდენტურ ბარათზე კი - 100 ლარი;*შეთავაზებით სარგებლობისთვის სტუდენტებმა ის მობილბანკში უნდა გაააქტიურონ, ხოლო მოსწავლეებმა - sCoolApp-ში.Carrefour - 12-13 სექტემბერს, sCool Card-ის მფლობელები 20%-იან ქეშბექს მიიღებენ (მაქსიმუმ 30 ლარი); Student Card-ის მფლობელები კი 5-ჯერ მეტ PLUS ქულას დააგროვებენ ყოველ შაბათ-კვირას, 27 სექტემბრის ჩათვლით.*მოსწავლეებისთვის შეთავაზებით სარგებლობისთვის აუცილებელია მისი sCoolApp-ში გააქტიურება.EVEX - 12-13 სექტემბერს Student და sCool Card-ით გადახდისას მომხმარებლები 30%-იან ქეშბექს მიიღებენ (მაქსიმუმ 100 ლარი);*შეთავაზებით სარგებლობისთვის სტუდენტებმა ის მობილბანკში უნდა გაააქტიურონ, ხოლო მოსწავლეებმა - sCoolApp-ში.Wendy’s, Dunkin’ და Subway - 15 სექტემბერს მხოლოდ sCool Card-ის მფლობელები 30%-იან ქეშბექს მიიღებენ (ჯამურად მაქსიმუმ 50 ლარი)*მოსწავლეებისთვის შეთავაზებით სარგებლობისთვის აუცილებელია მისი sCoolApp-ში გააქტიურება.კვების ობიექტები - 15 სექტემბერს Student და sCool Card-ით გადახდისას მომხმარებლები 30%-იან ქეშბექს მიიღებენ სხვადასხვა ტკბილეულის ობიექტში, მათ შორის:  Dodonut, Lunatic, Lumiers, Cinnamon, Bobba, Coffesta, Spinny, Chocotella (ჯამურად მაქსიმუმ 50 ლარის) და სხვადასხვა სწრაფი კვების ობიექტებში: Los Amigos , Burger Bar, Big Sam, Gochits, Magsy's Burgers, წიწილა, ჯეკი ჩანი, პოკე ბარი, ვასაბი, ვრაპ მასტერი, ჩიკაგოს სთაილი, პაცა და სხვა (ჯამში მაქსიმუმ 50 ლარის).  SOLO-ს შეთავაზებებიCity Mall - 12-13 სექტემბერს, City Mall-ის 50-ზე მეტ მაღაზიაში SOLO Visa ბარათით გადახდისას მომხმარებლები გადახდილი თანხის 20%, 25%, 30% ან 40%-ს დაიბრუნებენ (მაქსიმუმ 400 ლარი);სულაკაურის გამომცემლობა - 12-13 სექტემბერს SOLO Visa ბარათით გადახდისას მომხმარებლები გადახდილი თანხის 30%-ს დაიბრუნებენ (მაქსიმუმ 200 ლარი);*შეთავაზება ვრცელდება როგორც ონლაინ, ისე ფიზიკურ მაღაზიაში. ქეშბექის მისაღებად გადახდა საქართველოს ბანკის გადახდის არხით უნდა შესრულდეს.Antaris - 12-13 სექტემბერს SOLO Visa ბარათით გადახდისას მომხმარებლები თანხის 40%-ს დაიბრუნებენ (მაქსიმუმ 200 ლარი);*ქეშბექის მისაღებად გადახდა საქართველოს ბანკის ტერმინალით უნდა შესრულდეს, თანხა კი მომენტალურად დაგიბრუნდებათ.ბიბლუსი - 12-13 სექტემბერს SOLO Visa ბარათით გადახდისას მომხმარებლები თანხის 40%-ს დაიბრუნებენ (მაქსიმუმ 200 ლარი);*შეთავაზება ვრცელდება ბიბლუსის როგორც ფიზიკურ მაღაზიებში, ისე ონლაინ. ქეშბექის მისაღებად გადახდა საქართველოს ბანკის ტერმინალით უნდა შესრულდეს, თანხა კი მომენტალურად დაგიბრუნდებათ.ინფორმაციისთვის, ქეშბექი არ ვრცელდება ვაუჩერებსა და ფასდაკლების ბარათებზე. საქართველოს ბანკის სხვა შეთავაზებებს შეგიძლიათ გაეცნოთ ამ ბმულზე.

ახალი სასწავლო წლის დაწყებასთან დაკავშირებით, საქართველოს ბანკმა პარტნიორ კომპანიებთან ერთად მოსწავლეებისა და სტუდენტებისთვის სხვადასხვა შეთავაზება მოამზადა. 12-13 სექტემბერს, Carrefour-ში sCool Card-ით გადახდისას მომხმარებლები 20%-იან ქეშბექს მიიღებენ. (მაქსიმუმ 30 ლარი)*შეთავაზებით სარგებლობისთვის აუცილებელია მისი წინასწარ გააქტიურება sCoolApp-ში და საქართველოს ბანკის ტერმინალით გადახდა. ქეშბექი მომხმარებლის ანგარიშზე მომენტალურად აისახება. ამასთან, 27 სექტემბრის ჩათვლით, ყოველ შაბათ-კვირას, Carrefour-ში Student Card-ით გადახდისას მომხმარებლები 5-ჯერ მეტ PLUS ქულას დააგროვებენ. *შეთავაზებით სარგებლობისთვის საჭიროა საქართველოს ბანკის ტერმინალით გადახდა. ინფორმაციისთვის, შეთავაზებით სარგებლობა Carrefour-ის ყველა ფილიალშია შესაძლებელი. აღნიშნულ შეთავაზებებთან ერთად, საქართველოს ბანკის სხვადასხვა ბარათის მფლობელებს 200-მდე სხვა შეთავაზებაც ელოდებათ. სრული შეთავაზებების სანახავად ეწვიეთ ბმულს.

ახალი სასწავლო წლის დაწყებასთან ერთად, საქართველოს ბანკის sCool Card-ისა და Student Card-ის მფლობელებს Biblusi-ში სპეციალური შეთავაზებით სარგებლობა შეუძლიათ. 11 სექტემბერს, Biblusi-ს ფიზიკურ ფილიალებსა და ონლაინ გადახდისას, Student Card-ის მფლობელები 40%-იან ქეშბექს (მაქსიმუმ 100 ლარს), ხოლო sCool Card-ის მფლობელები 40%-იან ქეშბექს (მაქსიმუმ 50 ლარს) მიიღებენ. შეთავაზების მისაღებად Student Card-ის მფლობელებმა ის მობილბანკში, ხოლო sCool Card-ის მფლობელებმა sCoolApp-ში უნდა გაააქტიურონ. გადახდა კი საქართველოს ბანკის ტერმინალით უნდა განხორციელდეს. ქეშბექი  მომხმარებლის ანგარიშზე მომენტალურად აისახება. ინფორმაციისთვის, Biblusi-ში მომხმარებლებს წიგნებისა და აქსესუარების მრავალფეროვანი არჩევანი დახვდებათ, რაც შეთავაზებას კიდევ უფრო საინტერესო შესაძლებლობად აქცევს ახალი სასწავლო წლისთვის საჭირო ნივთების შესაძენად ან უბრალოდ საყვარელი წიგნის ასარჩევად. Biblusi-ს შეთავაზებასთან ერთად, საქართველოს ბანკის სხვადასხვა ბარათის მფლობელებს 200-მდე სხვა შეთავაზებითაც შეუძლიათ სარგებლობა. შეთავაზებების სანახავად ეწვიეთ ბმულს.

სინგაპურის პრემიერ-მინისტრის, მსოფლიოში ყველაზე მაღალანაზღაურებადი პოლიტიკოსის, ლოურენს ვონგის წლიური ხელფასი 64%-ით გაიზრდება. მისი ხელფასი 1 მილიონ დოლარზე მეტით გაიზრდება, წერს Reuters.ვონგის ამჟამად წლიური შემოსავალი 1.7 მილიონი აშშ დოლარია (2.2 მილიონი სინგაპურული დოლარი). ზრდის შემდეგ ის 2.8 მილიონს (3.6 მილიონს) მიაღწევს. სინგაპურში ყველა მაღალი რანგის საჯარო მოხელე მაღალ ხელფასს იღებს - ამან კორუფციასთან ბრძოლას უნდა შეუწყოს ხელი.8 სექტემბერს პარლამენტში გამოსვლისას ვონგმა განაცხადა, რომ მთავრობის ხელფასების მდგომარეობის შესასწავლად შექმნილმა დამოუკიდებელმა კომისიამ დაასკვნა, რომ მინისტრების ხელფასების გაზრდაა საჭირო. ადრე ერთი ხელფასი დაახლოებით 870 ათასი დოლარი (1.1 მილიონი სინგაპურის დოლარი) იყო, ახლა კი 1.74 მილიონი (2.2 მილიონი) გახდა. პრემიერ-მინისტრი მინისტრის ხელფასის ორმაგს იღებს.თანამდებობის პირებისთვის ხელფასების ზრდა 15 ოქტომბრიდან დაიწყება. მინისტრები თანდათან მიიღებენ დანამატს, რადგან ეს დამოკიდებული იქნება „კონკრეტულ გარემოებებზე“.წყარო snob.ru