საწვავის ფასების მატება გამოიწვია ახლო აღმოსავლეთში მიმდინარე კონფლიქტმა – ირაკლი კობახიძე
ეკონომიკა • 1791534882
დავით ნარმანია: ყოველწლიურად მომხმარებლებისთვის მილიონ ლარზე მეტი კომპენსაცია გაიცემა
ენერგეტიკა • 1791533502
წლევანდელი საპროგნოზო მოსავლის მაჩვენებელი კახეთში არის 320 ათასი ტონა, რაც არის რეკორდი – ირაკლი კობახიძე
სოფლის მეურნეობა • 1791440160
საზოგადოება
ძვირად ღირებული სამკაულები და ასიათასობით ლარის შემოსავალი - რა ქონებას ფლობენ მარიამ ქვრივიშვილი და მისი მეუღლე
ეკონომიკისა და მდგრადი განვითარების მინისტრი მარიამ ქვრივიშვილი ვიცე-პრემიერი გახდა. ამის შესახებ პრემიერ-მინისტრმა, ირაკლი კობახიძემ მთავრობის დღევანდელ სხდომაზე განაცხადა.ცნობისთვის, მარიამ ქვრივიშვილი ეკონომიკის მინისტრის პოსტს გასული წლის ივნისის ბოლოდან იკავებს. აღნიშნულ თანამდებობაზე მან ლევან დავითაშვილი ჩაანაცვლა.მანამდე 2021 წლის 24 მაისიდან საქართველოს ეკონომიკისა და მდგრადი განვითარების მინისტრის მოადგილე იყო, უფრო ადრე კი ტურიზმის ეროვნული ადმინისტრაციის ხელმძღვანელის პოზიციას იკავებდა.„ბიზნესპრესნიუსი” დაინტერესდა, რა ქონებას ფლობს მარიამ ქვრივიშვილი, რომელიც ეკონომიკის მინისტრობის პარალელურად, ახალ მოვალეობასაც შეასრულებს.მარიამ ქვრივიშვილმა ქონებრივი დეკლარაცია მიმდინარე წლის აპრილში წარადგინა. დოკუმენტის მიხედვით, მის სახელზეა: 2012 წელს 98 000 დოლარად შეძენილი 147 კვ.მ. ფართობის ბინა თბილისში; ასევე, 1047 კვ.მ. ფართობის მიწის ნაკვეთი წავკისში, რაშიც 2022 წელს 139 251 აშშ დოლარი აქვს გადახდილი.რაც შეეხება მოძრავ ქონებას, დეკლარაციის მიხედვით, მინისტრის საკუთრებაშია მსუბუქი ავტომობილი BMW x6, რომელიც 2018 წელს 60 000 დოლარად აქვს შეძენილი.გარდა ამისა მის საკუთრებაშია Rolex-ის ბრენდის 2 საათი, აქედან ერთი 2016 წელს ჩუქებით აქვს მიღებული, მეორე საათი კი 2017 წელს 12 000-დოლარად აქვს შეძენილი.ამასთან, ვიცე-პრემიერი ფლობს Cartier-ის ბრენდის სამაჯურსა და ბეჭედს, რომელშიც 2017 წელს ჯამში, 10 500 დოლარი აქვს გადახდილი.რაც შეეხება, ფინანსურ მდგომარეობას დეკლარაციის შევსების მომენტში მარიამ ქვრივიშვილს საბანკო ანგარიშებზე ჯამში ჰქონდა: 405 765 ლარი, 343 000 აშშ დოლარი და 3 383 გირვანქა სტერლინგი;მასვე გასულ წელს ეკონომიკის სამინისტროში ანაზღაურების სახით 111 277 ლარი აქვს მიღებული. ამასთან, უძრავი ქონების ქირავნობიდან წლიურად მიღებული აქვს 13 287 დოლარის შემოსავალი.როგორც დეკლარაციაშია აღნიშნული, ეკონომიკის მინისტრი ფლობს შპს „ვოიაჟერ“-ის 10%-იან წილსა და შპს „ეარლაინ რეპრეზენთეიშენ გრუპ“-ის 30%-იან წილებს, რომელთა საქმიანობითაც გასულ წელს ჯამში 349 834 ლარის შემოსავალი მიიღო. აღსანიშნავია, რომ დოკუმენტის თანახმად, მინისტრს წილები სამართავად სხვა პირზე აქვს გადაცემული.რაც შეეხება მარიამ ქვრივიშვილის მეუღლეს, მის მფლობელობაშია თბილისში მდებარე 3 ბინა, რომლებიც 2016 და 2021 წელს ჯამში, 208 ათას დოლარად არის შეძენილი. ასევე მის საკუთრებაშია არასაცხოვრებელი ფართის 35%-იანი წილი.გარდა ამისა, როგორც დეკლარაციიდან იკრვევა, მარიამ ქვრივიშვილის მეუღლე არის ორი კომპანიის - შპს „ვორქლინკ ინტერნეიშენალისა“ და „მინერალ მაინინგ კორპორეიშენის“ 50% და 30%-იანი წილების მეწილე {შენიშვნა: როგორც დეკლარაციაშია მითითებული „ვორქლინკ ინტერნეიშენალის“ 50%-იანი წილი 2026 წელს აქვს გასხვისებული}. მასვე დოკუმენტის თანახმად, 20-ზე მეტ კომპანიაში ეკავა დირექტორის პოზიცია.მასვე გასული წლის განმავლობაში 328 715 ლარის შემოსავალი აქვს მიღებული შპს „აჭარა ჰოლდინგის“ მმართველი დირექტორის პოსტზე. ამასთან, საანგარიშო პერიოდში ფასიანი ქაღალდების გაყიდვიდან მიღებული აქვს 26 847 ლარის შემოსავალი.როგორც დოკუმენტში ვკითხულობთ, ქონებრივი დეკლარაციის შევსების მომენტში ქვრივიშვილის მეუღლეს საბანკო ანგარიშებზე ჯამში, 500 აშშ დოლარი, 85 115 ევრო, 9 908 ლარი და ნაღდი ფულის სახით 3 000 დოლარი ჰქონდა.გარდა ამისა, როგორც ვიცე-პრემიერისა და ეკონომიკის მინისტრის მარიამ ქვრივიშვილის ქონებრივი დეკლარაციიდან ირკვევა, გასულ წელს მისი და მისი მეუღლის მიერ მიღებულმა სხვადასხვა შემოსავალმა ჯამში, 25 ათასი დოლარი; 36 516 ლარი და 26 ათასი ევრო შეადგინა. რაც შეეხება გასავალს, მათი ჯამური გასავალი წინა წლის განმავლობაში - 140 ათასი ლარი, 34 700 დოლარი და 5 751 ევრო იყო {არ არის მითითებული სესხების მომსახურების შედეგად მიღებული გასავალი}.BPN
1791443880
1791268800
„ფაქტობრივად, განახევრდება ასაღები სესხის მოცულობა - შესაძლოა, ადამიანებს ოქროულობის დალომბარდება ან კერძო პირებისგან სესხება მოუწიოთ“საქართველოს ეროვნული ბანკის გადაწყვეტილებით, 2 000 და 2 500 ლარამდე შემოსავლის მქონე პირებისთვის სესხის მომსახურებაზე უფრო მკაცრი - 25%-იანი ლიმიტი გავრცელდება. ცვლილებები ეხება სესხის მომსახურების კოეფიციენტს, რომელიც განსაზღვრავს, ყოველთვიური შემოსავლის რა მაქსიმალური პროცენტი შეიძლება გადაიხადოს მოქალაქემ სესხის საპროცენტო და ძირითადი თანხის დასაფარად.კერძოდ, ლიმიტი უნახევრდებათ საშუალო შემოსავლის მქონე პირებს. რაც შეეხება 1 500 ლარამდე შემოსავლის მქონეთ, მათთვის აქამდეც მოქმედებდა მკაცრი 25%-იანი ლიმიტი, ეს წესი კი ახლა უკვე გავრცელდება 1 500-დან 2 500 ლარამდე შემოსავლის მქონე პირებზეც. აქამდე მათ შეეძლოთ შემოსავლის 50%-მდე მიემართათ სესხის დასაფარად, ახალი წესით კი ეს ზღვარი 25%-მდე მცირდება; ხოლო 2 500 ლარზე მაღალი შემოსავლის მქონე პირებისთვის კი ძალაში რჩება სტანდარტული, უფრო ლიბერალური 50%-იანი ლიმიტი.ეროვნული ბანკის გადაწყვეტილებით, ეს გეგმა ორ ეტაპად ამოქმედდება - 2027 წლის 1-ელი თებერვლიდან 25%-იანი მკაცრი ლიმიტის ზღვარი 1 500-დან იზრდება 2 000 ლარამდე, 2027 წლის 1-ელი სექტემბრიდან კი მკაცრი შეზღუდვის ზღვარი საბოლოოდ 2 500 ლარამდე გაიზრდება.ცხადია, ეს ახალი რეგულაცია პირდაპირ ამცირებს ხელმისაწვდომი სესხის მაქსიმალურ მოცულობას იმ პირებისთვის, რომელთა შემოსავალიც 1 500-დან 2 500 ლარამდეა. ვინაიდან ყოველთვიური შენატანის მაქსიმალური თანხა განახევრდა, მოქალაქეები ბანკიდან გაცილებით ნაკლები მოცულობის სამომხმარებლო კრედიტის გამოტანას შეძლებენ, ვიდრე ადრე. მაგალითად, 2 000 ლარის შემოსავლის მქონე პირს თუ ადრე 1000 ლარის ყოველთვიური ვალდებულების აღება შეეძლო, 2027 წლიდან ეს მაქსიმუმ 500 ლარი იქნება.სამომხმარებლო სესხი, 15%-იანი წლიური განაკვეთით, მაქსიმალური 4 წლის ვადით, მაღალი პროცენტის პირობებში, ძველი და ახალი ლიმიტების (1000 ლარი და 500 ლარი) მიხედვით სესხის მოცულობა ასე იცვლება - ძველი წესით (50% ლიმიტი) შეგეძლოთ მაქსიმუმ 35 900 ლარის აღება. ახალი წესით (25% ლიმიტი) მაქსიმალური თანხა მცირდება 18 000 ლარამდე - ანუ, კარგ შემთხვევაში ბანკი 17 900 ლარით ნაკლებს დაგიმტკიცებთ. ამას გამოაკლდება ერთჯერადი საბანკო მომსახურება, კიდევ სხვა ხარჯები და ცხადია, ხელზე კიდევ უფრო ნაკლების აღებას შეძლებთ - რა თქმა უნდა, სესხი საერთოდ თუ დაგიმტკიცდათ.საქართველოში დღეს არსებული ფასების გათვალისწინებით, წარმოუდგენელია, ასეთი შემოსავლის მქონე პირმა იპოთეკური სესხის აღება შეძლოს, მაგრამ თეორიულად რომ ვიმსჯელოთ, 14-15%-იანი სესხის პირობებში, ვინაიდან იპოთეკური სესხი გრძელვადიანია, ძველი წესით (50% ლიმიტი) ხელმისაწვდომი იქნებოდა მაქსიმუმ 75.100 ლარი. ახალი წესით (25% ლიმიტი) მაქსიმალური სესხი მცირდება 37.500 ლარამდე, ამას გამოაკლდება საბანკო მომსახურება და კიდევ სხვა ხარჯები. ასე რომ, დაბალშემოსავლიანებმა ბინებზე არც უნდა იოცნებონ. გამოდის, რომ ეროვნულმა ბანკმა პრობლემა ყველაზე დაუცველი მოსახლეობის ხარჯზე გადაწყვიტა.თემაზე: რას მოიტანს დაბალშემოსავლიანი მოსახლეობისთვის სესხების აღების გართულება, "კვირის პალიტრა" არასამთავრობო ორგანიზაცია "საზოგადოება და ბანკების" დამფუძნებელს გიორგი კეპულაძეს ესაუბრა.- თუ ადამიანს ან ოჯახს 2 000 ლარამდე შემოსავალი ჰქონდა, მას შეეძლო რამდენიმე პარალელური სესხის ყოველთვიურ გადასახადში 1000 ლარამდე მიემართა, ახლა კი ეს ლიმიტი 500 ლარამდე მცირდება. მარტივად რომ ვთქვათ, ვინაიდან სამომხმარებლო სესხის ვადა მაქსიმუმ 4 წლითაა განსაზღვრული, შემცირებული ყოველთვიური შენატანის ლიმიტის გამო 4-წლიან ჭრილში ავტომატურად მცირდება ასაღები სესხის მთლიანი მოცულობაც.ბანკის მიერ სესხის დასამტკიცებლად აუცილებელია, რომ მსესხებელი ამ ახალ ლიმიტებში ჩაეტიოს და მისი შემოსავალი საკმარისი იყოს. საბოლოო ჯამში ეს ცვლილება მოქალაქეებს სესხის აღებას რეალურად არ გაურთულებს და მასზე წვდომას არ შეუზღუდავს - იზღუდება მხოლოდ ასაღები თანხის მოცულობა. თან შეზღუდული ვადის გამოც იმდენად მცირე იქნება ასაღები სესხი, რომ ამ ფასების პირობებში ნამდვილად რთული იქნება რამე საჭიროების დაკმაყოფილება. ამიტომაც ამ ცვლილების გამო ადამიანს შეიძლება მოუწიოს არასაბანკო სექტორისთვის მიმართვა - მაგალითად, ოქროულობის დალომბარდება ან კერძო პირებისგან სესხის აღება.პირობითად, თუ მას სჭირდება 20 000 ლარი და ბანკი აძლევს მხოლოდ 15 000-ს, დარჩენილი 5 000 ლარის შოვნა სხვა წყაროებიდან მოუწევს. ეს კი ართულებს მდგომარეობას, თუმცა ეროვნულ ბანკს ამ ნაბიჯის გადადგმამ არსებული ინფლაციისა და ლარის მსყიდველუნარიანობის შემცირების გამო მოუწია. თუ 5-6 წლის წინ ოჯახს, რომელსაც 2 000-ლარიანი შემოსავალი ჰქონდა, შეეძლო 1000 ლარი სესხში გადაეხადა და დარჩენილი თანხით თავი გაეტანა, დღეს გაზრდილი ხარჯების გამო ეს შეუძლებელია. შესაბამისად, გაჩნდა რისკი, თუ ადამიანი იმავე მოცულობის სესხს აიღებს, დარჩენილი თანხა მას საყოფაცხოვრებო ხარჯების დასაფარად აღარ ეყოფა.- გასაგებია, რომ ეროვნულმა ბანკმა ეს რეგულაცია ინფლაციის გამო გაამკაცრა, მაგრამ ამით რა პრობლემას მოაგვარებს?- ერთი შეხედვით, ეს ცვლილება ვადაგადაცილებული სესხების პორტფელის ზრდას შეამცირებს. თუმცა პრესრელიზში ნახსენები "ეკონომიკური ზრდა და ხელფასების მატება" ცოტა აცდენილია ამ გადაწყვეტილებასთან.თუ ადამიანს შემოსავალი გაეზარდა, ის თავისუფლად გასწვდებოდა ძველი მოცულობის სესხს, ლიმიტის შემცირება კი მიუთითებს, რომ ეროვნული ბანკი რეალურ რისკებს ხედავს.ეს რისკი მარტივია - 5 წლის წინანდელი 1000 ან 2 000 ლარით დღეს იმავეს ვეღარ ვყიდულობთ. თუ ადამიანს მივცემთ იმავე მოცულობის სესხს გაზრდილი საყოფაცხოვრებო ხარჯების გამო მას გადახდა გაუჭირდება, რაც მასშტაბურად გაზრდის ვადაგადაცილებულ სესხებს. ამიტომაც გადადგა ეროვნულმა ბანკმა ეს ბანკებისთვის არასასიამოვნო ნაბიჯი, რადგან მათ მომავალი წლიდან მოუწევთ ახალ მოდელზე გადაწყობა და მათ შემოსავალსაც ეს გარკვეულწილად შეამცირებს. ამ ნაბიჯით ეროვნულმა ბანკმა, ფაქტობრივად, აღიარა, რომ ლარის მსყიდველუნარიანობა მნიშვნელოვნად შემცირდა.თუმცა მთავრობას ჯერ კიდევ ძველი ზღვრები აქვს დატოვებული. მაგალითად, დღგ-სგან გათავისუფლების 100.000-ლარიანი ზღვარი დღეს აღარ არის ის, რაც 10 წლის წინ იყო. იგივე ითქმის ამანათების გამოწერის 300-ლარიან ლიმიტზე, რაც დაახლოებით 100 ევროა, რომლის გადაცილებისას უკვე განბაჟება გიწევს. დღეს ეს ზღვარი მინიმუმ 500-600 ლარი მაინც უნდა იყოს. სავარაუდოდ, მთავრობასაც მოუწევს ამ საგადასახადო ლიმიტების გადახედვა, რადგან ინფლაციამ ძველი მოცემულობა შეცვალა. განაგრძეთ კითხვა
1791265135
საჯარო სკოლებში უფასო კვების პროგრამის ამოქმედების საკანონმდებლო ინიციატივა პარლამენტმა კიდევ ერთხელ დაახარვეზა და საინიციატივო ჯგუფს კვლავ უკან დაუბრუნასაჯარო სკოლებში უფასო კვების პროგრამის ამოქმედების საკანონმდებლო ინიციატივა პარლამენტმა კიდევ ერთხელ დაახარვეზა და საინიციატივო ჯგუფს კვლავ უკან დაუბრუნა.სკოლებში უფასო კვების შემოღებასთან დაკავშირებით „ზოგადი განათლების შესახებ“ კანონში ცვლილებები, რომელიც არანაკლებ 25 000 ამომრჩევლის ხელმოწერით არის წარდგენილი, ბიუროს დღევანდელ სხდომაზეც გავიდა, თუმცა განსახილველად შესაბამისი საპარლამენტო კომიტეტისთვის გადაცემის ნაცვლად, ინიციატორებს უკან - საბიუჯეტო ოფისის დასკვნის საფუძველზე დაუბრუნდათ.როგორც პარლამენტის საბიუჯეტო ოფისის ხელმძღვანელმა ანდრია გვიდიანმა განაცხადა, პროექტში ნორმატიული აქტების შესახებ კანონებთან მთელი რიგი შეუსაბამობებია და საჭირო იყო ხარვეზის გამოსწორება.ანალოგიური გადაწყვეტილება პარლამენტის ბიურომ 21 სექტემბრის სხდომაზეც მიიღო. აღნიშნული კანონპროექტი ინიციატორებს უკან საბიუჯეტო ოფისის დასკვნის საფუძველზე დაუბრუნეს. საბიუჯეტო ოფისმა ბიუროს მიაწოდა ინფორმაცია, რომ პროექტს თან არ ახლდა ფინანსური დასაბუთება - წარდგენილი არ იყო ფინანსური მონაცემები და საორიენტაციო ხარჯები.„ზოგადი განათლების შესახებ“ კანონში ცვლილებების ინიციატორები არიან: აკაკი ჩიქობავა, ანა კამლაძე, გიორგი ქართველიშვილი, გიორგი ხასაია, ეკატერინე დანელია, ვახტანგ ნაცვლიშვილი, თათია ვერულაშვილი, ინა ჩარკვიანი და კონსტანტინე ჩაჩიბაია.ipn.ge
1791205320
ოკუპირებული აფხაზეთის “პარლამენტი” გალში მცხოვრები ქართველებისთვის გვარისა და ეროვნების შეცვლას განიხილავსოკუპირებული აფხაზეთის დე ფაქტო პარლამენტი განიხილავს კანონში ცვლილებებს, რომლებიც გალის რაიონში მცხოვრები ეთნიკური ქართველების ნაწილისთვის აფხაზურ ეროვნებასა და გვარზე გადასვლის შესაძლებლობას შექმნის.კანონპროექტი ეხება აფხაზეთში მუდმივად მცხოვრებ "უცხო ქვეყნის" მოქალაქეებს, რომლებიც ეთნიკურ აფხაზებად ან მათი პირდაპირი შთამომავლებად მიიჩნევიან. ცვლილების შემთხვევაში მათ შესაძლოა დე ფაქტო მოქალაქეობის მიღებაც გაუადვილდეთ.ინიციატივა, სავარაუდოდ, გალის დაახლოებით 30 ათას მცხოვრებს შეეხება. სეპარატისტები აცხადებენ, რომ ცვლილებას შესაძლოა მნიშვნელოვანი პოლიტიკური და დემოგრაფიული შედეგები მოჰყვეს.აღსანიშნავია, რომ კანონპროექტი ჯერ ძალაში არ შესულა და მისი განხილვა დე ფაქტო პარლამენტში გრძელდება.
სხვა სიახლეები
PSP-ს კიდევ ერთი საერთაშორისო აღიარება - Curasept-ის ჯილდო საუკეთესო საგანმანათლებლო პროექტისთვის
PSP-მ იტალიური ბრენდის Curasept-ის საერთაშორისო ჯილდო მოიპოვა და საუკეთესო საგანმანათლებლო პროექტისთვის აღიარება მიიღო. 28-30 სექტემბერს, რომში, პირის ღრუს მოვლის იტალიური ბრენდის, Curasept-ის 25 წლის იუბილესადმი მიძღვნილი საერთაშორისო ღონისძიება გაიმართა. ღონისძიების ფარგლებში, 42 ქვეყნის წარმომადგენელს შორის, საუკეთესო საგანმანათლებლო პროექტისთვის ჯილდო საქართველოს ფარმაცევტული ბაზრის ლიდერს, PSP-ს გადაეცა.PSP-მ პირის ღრუს მოვლის იტალიური ბრენდი Curasept საქართველოს სამედიცინო და ფართო საზოგადოებას ხუთი წლის წინ გააცნო. ამ დროის განმავლობაში ბრენდი ქართულ ბაზარზე ერთ-ერთ პოპულარულ არჩევანად ჩამოყალიბდა. PSP-სა და Curasept-ის პარტნიორობა მომხმარებლებისთვის პირის ღრუს მოვლის თანამედროვე პროდუქტებისა და შესაბამისი ცოდნის ხელმისაწვდომობასთან ერთად, პროფესიული განათლებისა და გამოცდილების გაზიარების ხელშეწყობასაც ემსახურება. პარტნიორობის ფარგლებში ყოველწლიურად იმართება სხვადასხვა საგანმანათლებლო და შემეცნებით-გასართობი ღონისძიება სტომატოლოგების, პაროდონტოლოგებისა და იმპლანტოლოგებისთვის, რაც მათი პროფესიული განვითარებისა და ცოდნის გაღრმავების შესაძლებლობას ქმნის.Curasept PSP-ს ექსკლუზიური პარტნიორი და ევროპაში პირის ღრუს მოვლის „ოქროს სტანდარტად“ აღიარებული იტალიური ბრენდია, რომელიც სპეციალიზირებულია როგორც პირის ღრუს ყოველდღიურ მოვლაზე, ასევე სამკურნალო მიმართულების განვითარებაზე. Curasept აწარმოებს პირის ღრუს ჰიგიენისა და მოვლის საშუალებების მრავალფეროვან ასორტიმენტს, რომელიც განკუთვნილია ჩვილებისთვის, ბავშვებისა და მოზარდებისთვის, ასევე ზრდასრულებისთვის, მათ შორის სპეციალური მოვლის საჭიროების მქონე პირებისთვის.„პარტნიორი კომპანიების მხრიდან დაჯილდოება PSP-სთვის ახალი არ არის, თუმცა თითოეული ახალი აღიარება მეტ პასუხისმგებლობას გვმატებს და მოტივაციას გვაძლევს, რომ ქართული კომპანიის სახელი კიდევ უფრო მეტ საერთაშორისო მიღწევას დავუკავშიროთ“, - აცხადებენ PSP-ში.
ბიზნესი • 1791552016
დუაიტ ჰოვარდი პირველად Black Fortress-ის ფორმაში: ისტორიული დებიუტი 10 ოქტომბერს
NBA-ის ლეგენდა დუაიტ ჰოვარდი 10 ოქტომბერს პირველად ჩაიცვამს Black Fortress-ის ფორმას და თავის პირველ მატჩს ითამაშებს ახალ გუნდში. ეს დებიუტი ქართული სპორტის ისტორიაში ერთ-ერთი ყველაზე მნიშვნელოვანი მოვლენაა, რომლის ფარგლებშიც გულშემატკივრებს შესაძლებლობა ექნებათ, პირველად იხილონ NBA-ის ვარსკვლავი მოედანზე. სპორტული ღონისძიება მაყურებელს სრულფასოვან სანახაობას ჰპირდება: მატჩამდე გაიმართება Pre-Game შოუ, შესვენებისას კი Half-time შოუ. დამსწრეებს ასევე ელოდებათ გრანდიოზული გათამაშებები და მრავალი სიურპრიზიღონისძიებაზე დასასწრები ბილეთების შეძენა შესაძლებელია ბმულზე. 9 და 10 ოქტომბერს ბილეთების შეძენისას, საქართველოს ბანკის მომხმარებლები საქართველოს ბანკის ბარათით გადახდისას მიიღებენ 40%-იან ქეშბექს. დამატებითი ინფორმაციისთვის ეწვიეთ ვებგვერდს.საქართველოს ბანკი - საქართველოს ეროვნული საკალათბურთო ნაკრების მთავარი სპონსორი.
ბიზნესი • 1791547032
აიღეთ ციფრული Amex ბარათი და ისარგებლეთ სპეციალური პირობებით
საქართველოს ბანკი მომხმარებლებს საკრედიტო Amex ბარათის კიდევ უფრო მარტივად მიღების შესაძლებლობას სთავაზობს. ის მომხმარებლები, რომლებიც საქართველოს ბანკის მობილბანკიდან ციფრული Amex ბარათს აიღებენ, ბარათის პირველი წლის მომსახურების საფასურს არ გადაიხდიან. აღნიშნული შეთავაზება 30 ოქტომბრის ჩათვლით მოქმედებს. ინფორმაციისთვის, ციფრული Amex-ის აღება მობილბანკიდან სულ რამდენიმე წამშია შესაძლებელი. ბარათის მიღების შემდეგ მომხმარებელს შესაძლებლობა აქვს გამოიყენოს მისთვის ხელმისაწვდომი საკრედიტო ლიმიტი და ისარგებლოს საშეღავათო პერიოდით. თანხის დარიცხვის თარიღიდან 25 დღის განმავლობაში სრულად დაფარვის შემთხვევაში, გახარჯულ თანხაზე პროცენტი არ დაერიცხება. პირველ წელს, საშეღავათო პერიოდის განმავლობაში, თანხის დაბრუნება კი ეფექტური 0%-იდან არის შესაძლებელი.მობილბანკის Amex-ის სივრცეში მომხმარებელს ასევე შეუძლია აკონტროლოს საკრედიტო ლიმიტი, გამოყენებული და დასაფარი თანხა, ასევე გადახდის ვადები. Amex-ის მფლობელებს MR ქულების დაგროვებისა და სპეციალური შეთავაზებებით სარგებლობის შესაძლებლობა აქვთ. Amex Green და Gold ბარათებს დამატებით სამოგზაურო დაზღვევაც მოჰყვება, რომელიც ისეთ გაუთვალისწინებელ შემთხვევებს ფარავს, როგორიცაა ბარგის დაკარგვა და ფრენის გადადება. Amex ბარათს ძალიან მარტივად და სწრაფად, საქართველოს ბანკის მობილბანკიდან შეუკვეთავთ.
ბიზნესი • 1791543420
აზარტული თამაშების ბრუნვა ბოლო 4 წელში 40 მლრდ-ით გაიზარდა და სექტორებს შორის I ადგილს იკავებს
აზარტული თამაშების მიმართ სახელმწიფომ 2022 წლიდან მიდგომა გაამკაცრა. მინიმალური ასაკობრივი ზღვარი 21-დან 25 წლამდე გაიზარდა. სოცდაუცველებსა და საჯარო სამსახურში დასაქმებულებს თამაში აეკრძალათ, აიკრძალა რეკლამირებაც. 2024-2025 წლებში სექტორს საგადასახადო ტვირთიც გაეზარდა. ოფიციალური სტატისტიკის მიხედვით, შეზღუდვების ამოქმედების შემდეგ, ზრდის ტემპი შემცირდა, თუმცა ბრუნვა მაინც მნიშვნელოვნად, 41 მილიარდით გაიზარდა. იყო 48 და გახდა 89 მილიარდი.ბრუნვააზარტული თამაშების ბრუნვა წლიდან წლამდე იზრდება და სექტორებს შორის დიდი ხანია პირველ ადგილს იკავებს. 2012 წელს აზარტული თამაშების ბრუნვა მთლიანი ბრუნვის 2.6%-ს შეადგენდა, რაც თანხობრივად ₾1.1 მლრდ-ს უდრიდა, 2025 წელს ბრუნვამ თანხობრივად ₾89 მლრდ-ს, ხოლო წილობრივად 35%-ს მიაღწია. წილობრივი ზრდა 2026 წლის პირველ ნახევარშიც გაგრძელდა და იანვარ-ივნისის მდგომარეობით 36.6% შეადგინა.აზარტული თამაშების ბრუნვაწყარო: საქართველოს სტატისტიკის ეროვნული სამსახური2018 წლიდან საქსტატმა მეთოდოლოგია შეცვალა და იმ წელს დაფიქსირებული გაორმაგება ამ ცვლილებით აიხსნება, თუმცა ზრდა 2019 წლიდანაც გაგრძელდა. რეგულაციების გამკაცრებისას 2022 წელს აზარტული თამაშების ბრუნვის წილი შემცირდა, ოღონდ ერთჯერადად.მეთოდოლოგიური მახე – რატომ აჭარბებს ბრუნვა საბანკო სექტორის დეპოზიტების ჯამურ მაჩვენებელს?89 მლრდ ლარი ძალიან დიდი რიცხვია, მაგრამ კაზინოების მთლიანი მოგება მთლად ამხელაც არაა. ეს რიცხვი ქართულ საბანკო სექტორში არსებულ ჯამურ დეპოზიტებსაც კი აღემატება, ანუ იმ თანხას, რაც ფიზიკურ და იურიდიულ პირებს ლარში და უცხოურ ვალუტაში ანგარიშზე უფიქსირდებათ, როგორც ვადიანi ანაბრების, ასევე მიმდინარე ანგარიშების სახით.რომ განვმარტოთ, ეს რიცხვი, ანუ 89 მილიარდი, ბრუნვას ასახავს და არა კაზინოების მოგებას ან მოთამაშეების წაგებას.რას მოიცავს ბრუნვა? თუ პირმა 20 ლარი ჩარიცხა, მოიგო 50 ლარი, შემდეგ ეს მოგებული ფული ჩააბრუნა და 100 ლარი მოიგო, დადო ის მოგებული 100 ლარიც და წააგო. მისთვის ზარალი 20 ლარი იქნება, თამაშის დასრულების შემდეგ იმაზე 20 ლარით ნაკლები ექნება ვიდრე მის დაწყებამდე ჰქონდა, მაგრამ ბუღალტრულად ბრუნვა 170 ლარი გამოვა (20+50+100=170).2024 წელს, სექტორის 6 უმსხვილესი მოთამაშის (კრისტალბეთი, აჭარაბეთი, კროკობეთი, ლიდერბეთი, ევროპაბეთი და ბეთლაივი) წმინდა მოგებამ ₾547 მლნ შეადგინა, რაც თავის მხრივ საკმაოდ დიდი თანხაა, მაგრამ იმ წელს დაფიქსირებულ ბრუნვასთან შედარებით 140-ჯერ ნაკლებია.ასეთი მნიშვნელოვანი ნიუანსის მიუხედავად, ბრუნვა მაინც ძალიან მაღალია და თან მზარდი. მართალია წილობრივი ზრდის ტემპი 2018-2021 წლებში (მეთოდოლოგიის ცვლილებიდან რეგულაციების გამკაცრებამდე) უფრო მაღალი იყო, მაგრამ ზრდა არც შემდგომ პერიოდში შეუწყვეტია.გამკაცრებული რეგულაციებირეგულაციების გამკაცრება 2022 წლის მარტიდან დაიწყო და 2024-2025 წლებშიც გაგრძელდა. ამ ხნის განმავლობაში: აიკრძალა აზარტული თამაშების რეკლამები; ასაკობრივი ზღვარი 21-დან 25 წლამდე გაიზარდა; სოციალურად დაუცველებსა და საჯარო სამსახურში დასაქმებულებს თამაში აეკრძალათ; სურვილის შემთხვევაში, ადამიანებს სპეციალურ რეესტრში საკუთარი თავის დაბლოკვის საშუალება მიეცათ; აიკრძალა საზღვარგარეთ რეგისტრირებულ ონლაინ კაზინოებში რეგისტრაცია; აიკრძალა ერთი ანგარიშიდან მეორეზე გადარიცხვა; გაიზარდა ანგარიშიდან თანხის გატანის საკომისიო; გაიზარდა მოსაკრებელი. ამოქმედებამდე ორჯერ დაწუნებული შეზღუდვები2022 წლამდე ქართული ოცნების გუნდში შინაარსობრივად მსგავსი კანონპროექტი ორჯერ წარადგინეს და ორივეჯერ ჩააგდეს.2013 წლის მაისში, პარლამენტმა მეორე მოსმენისას, პირველი მოსმენით დამტკიცებული კანონპროექტი ჩააგდო. ინიციატივა დეპუტატ კობა დავითაშვილის ეკუთვნოდა. კანონპროექტი მაშინაც აზარტული თამაშების რეკლამის აკრძალვას ითვალისწინებდა და არა მთლიანად კაზინოების. უმრავლესობის წევრებმა მაშინ გადაწყვეტილება „სარეკლამო ბიზნესის არ დაზიანების“ მოტივით ახსნეს. კობა დავითაშვილი იმდროინდელმა პრემიერ-მინისტრმა ბიძინა ივანიშვილმაც გააკრიტიკა და აღნიშნა რომ მისი ინიციატივა საინვესტიციო გარემოს აზარალებდა.აზარტული თამაშების რეგულირებას რეკლამების აკრძალვას, სოციალურად დაუცველებისა და საჯარო მოსამსახურეების დაბლოკვას, ანუ ფაქტიურად იგივეს, რაც 2022 წლიდან ამოქმედდა, 2017 წლიდან მოყოლებული დეპუტატი ლევან გოგიჩაიშვილიც ითხოვდა, 2019 წელს პარლამენტმა მისი ინიციატივაც დაიწუნა.კითხვები მედიისთვის დაფინანსების წყაროს შეზღუდვის შესახებ და პარადოქსები შეზღუდვების პარალელურადკანონპროექტის განხილვის პროცესში, საბა ბუაძე, პარტია „ლელოს“ სახელით, მედიაში მოსალოდნელი შემოსავლების შემცირების კომპენსირების მიზნით, მედიისთვის გადასახადებისგან 3 წლით გათავისუფლების იდეით გამოვიდა. უმრავლეოსბამ არც მისი წინადადება გაითალისწინა.კომუნიკაციების ეროვნული კომისიის ცნობით, 2021 წელს ტელევიზიების სარეკლამო შემოსავალმა ₾80 მლნ შეადგინა, საიდანაც 22% – ₾17.9 მლნ აზარტულ თამაშებზე მოდიოდა. კვლევა არ არსებობს, თუმცა სავარაუდოდ ონლაინმედიის ნაწილისთვის აზართული თამაშების რეკლამის წილი პროცენტულად კიდევ უფრო მეტი უნდა ყოფილიყო.კითხვები მაინც რჩება, არის თუ არა თანმიმდევრული სახელმწიფო აზარტული თამაშების მიმართ, რადგან სპორტში ეროვნულ ჩემპიონატს ფეხბურთში დღემადე (2026 წლის ოქტომბრის მდგომარეობით) „კრისტალბეთ ეროვნული ლიგა“ ჰქვია. ბათუმის ახალ სტადიონს 2021-2026 წლებში „აჭარაბეთ არენა“ ერქვა. რეკლამებიც ტელევიზიებში, ონლაინმედიასა და ბილბორდებზე აღარაა, თუმცა Youtube-ზე ისევ ჩანს. სოციალურ ქსელებშიც სქროლვისას ხშირად ისეთი ვიდეოების ხილვაა შესაძლებელი, რომელიც შინაარსობრივად რეკლამას შეიძლება მივაკუთვნოთ.ლუდომანია ზოგადად ლუდომანია მნიშვნელოვანი სოციალური პრობლემაა. ზუსტი სტატისტიკა არ არსებობს, მაგრამ იმ ადამიანთა რიცხვი, ვისაც თამაშის გამო სერიოზული მენტალური და ფინანსური პრობლემები შეჰქმნია და სახლიც დაუკარგავს, მაღალი იქნება. ამ აშკარად ნეგატიური მხარის მიუხედავად, საეჭვოა სრული აკრძალვა გამოსავალი იყოს. აკრძალვით მოთამაშეთა რაოდენობა შესაძლოა შემცირდეს, მაგრამ დიდია რისკი, რომ თამაშებმა იატაქვეშეთში გადაინაცვლოს, სადაც წაგებული თანხის ამოღება უფრო ბრუტალური წესით მოხდება, რაც თავის მხრივ კრიმინალის დონეს ზრდის.ეფექტი ბიუჯეტზერა არის სექტორის ეკონომიკური სარგებელი? საქართველოს სათამაშო ბიზნესის ასოციაციის ცნობით, აზარტული თამაშების სექტორმა 2025 წელს გადასახადების სახით ბიუჯეტში 1 მილიარდი და 750 მლნ ლარი გადაიხადა (ხსენებული თანხა მოსაკრებლებსაც აერთიანებს, რომლებიც ოფიციალურად გადასახადებს არ მიეკუთვნება). ეს თანხა მთლიანი ბიუჯეტის 5.7%-ია. სექტორის მიერ ბიუჯეტში გადარიცხული გადასახადების ჯამური მოცულობა 2021 წლის შემდეგ 4-ჯერ გაიზარდა, რაც ძირითადად საგადასახადო ტვირთის ზრდის ხარჯზე იქნა მიღწეული.აზარტული თამაშების სექტორის მიერ ბიუჯეტში გადახდილი გადასახადები და მოსაკრებლები (მლნ ლარი)წყარო: საქართველოს სათამაშო ბიზნესის ასოციაცია2022 წელს აზარტული თამაშები მოგების 10%-იანი განაკვეთით იბეგრებოდა, 2024 წლიდან 15%-იანი და 2025 წლიდან 20%-იანი განაკვეთით. ამასთან კაზინოებისთვის მოგება იანგარიშება მიღებულ ფსონებსა და მოთამაშეებზე გაცემული მოგების სხვაობიდან და მასში იჯარის ან სახელფასო ხარჯები არ შედის.2025 წელს აზარტული თამაშების კომპანიებმა მოგების გადასახადის სახით ₾833 მლნ გადაიხადეს, რაც ყველა კომპანიის მიერ გადახდილი მოგების გადასახადის 29%-ია.მეორე ადგილზე 664 მლნ ლარით საშემოსავლო გადასახადია. ეს მხოლოდ თანამშრომელთა ხელფასებიდან დაქვითული ფული არაა. ფიზიკურ პირებს მოგებიდან 5% საშემოსავლო ექვითებათ და ხსენებული 664 მლნ-ის დიდი ნაწილიც სწორედ ამ გზით იქნა ფორმირებული.დღგ-ს წილი მოკრძალებულია და 19 მლნ-ს შეადგენს. გდასახადით სახელდებულ გადასახადებს სალიცენზიო და სანაბერთვო მოსაკრებლები ემატება 87 და 146 მლნ-ის ოდენობით.სექტორი 13 ათასზე მეტ ადამიანს ასაქმებს და ტურისტთა ნაწილი საქართველოში სათამაშოდ ჩამოდის, მაგრამ უცნობია რა ნაწილი.საბოლოოდ შეიძლება ითქვას შემდეგი: რეგულაციების გამკაცრებით ერთის მხრივ საბიუჯეტო შემოსავლები გაიზარდა, მეორე მხრივ ბრუნვის ზრდის ტემპი შემცირდა, თუმცა შემცირდა მხოლოდ დინამიკა და არა თავად ბრუნვა.წყარო: Netgazeti
ეკონომიკა • 1791538967
საწვავის ფასების მატება გამოიწვია ახლო აღმოსავლეთში მიმდინარე კონფლიქტმა – ირაკლი კობახიძე
საწვავის ფასების მატება გამოიწვია ახლო აღმოსავლეთში მიმდინარე კონფლიქტმა, იმედი უნდა გამოვთქვათ, რომ ეს კონფლიქტი მალე დარეგულირდება, რაც ბუნებრივად დაწევს საწვავზე ფასებს, - ამის შესახებ პრემიერ-მინისტრმა ჟურნალისტებს განუცხადა. კითხვაზე, ხომ არ აპირებს საქართველოს მთავრობა დროებითი ზომების მიღებას, მათ შორის, მაგალითად აქციზის განაკვეთის შემცირებას, ირაკლი კობახიძემ აღნიშნა, რომ ამ ეტაპზე ასეთი საკითხი არ განიხილება.„ამ ეტაპზე ასეთი საკითხი არ განიხილება. თქვენ იცით, რომ საწვავის ფასების მატება გამოიწვია ახლო აღმოსავლეთში მიმდინარე კონფლიქტმა. იმედი უნდა გამოვთქვათ, რომ ეს კონფლიქტი მალე დარეგულირდება, რაც ბუნებრივად დაწევს საწვავზე ფასებს. დაველოდებით მოვლენების განვითარებას,“- განაცხადა პრემიერმა.ინფორმაციას მთავრობის ადმინისტრაცია ავრცელებს
ეკონომიკა • 1791534882
საქართველოს ბანკის მხარდაჭერით, LEAF-ის განათლების საერთაშორისო გამოფენა 10-11 ოქტომბერს თბილისში და ბათუმში გაიმართება
საქართველოს ბანკის მხარდაჭერით და LEAF-ის ორგანიზმებით, საზღვარგარეთ სწავლის მსურველებისთვის საერთაშორისო უნივერსიტეტებისა და საგანმანათლებლო პროგრამების წარმომადგენლებთან შეხვედრები გაიმართება.LEAF-ის განათლების საერთაშორისო გამოფენა ორ ლოკაციაზე ჩატარდება: თბილისი - 10 ოქტომბერი, 12:00-17:00, The Biltmore Tbilisi Hotel ბათუმი - 11 ოქტომბერი, 13:00-17:00, Radisson Blu Hotel Batumi ღონისძიების ფარგლებში, დამსწრეებს შესაძლებლობა ექნებათ, პირადად შეხვდნენ საერთაშორისო უნივერსიტეტების წარმომადგენლებს, გაეცნონ საგანმანათლებლო პროგრამებს და მიიღონ ინფორმაცია სწავლისა და დაფინანსების შესაძლებლობების შესახებ როგორც საბაკალავრო, სამაგისტრო, ასევე სადოქტორო საფეხურებზე. ასევე მიიღებენ ინფორმაციას ონლაინ სწავლების, პროფესიული კურსებისა და საგანმანათლებლო ბანაკების შესახებ.ღონისძიებაზე დასწრება უფასოა. მონაწილეობის მისაღებად აუცილებელია წინასწარი რეგისტრაცია ბმულზე.დამატებითი ინფორმაციის მისაღებად ეწვიეთ ღონისძიებების გვერდებს: განათლების საერთაშორისო გამოფენა თბილისში განათლების საერთაშორისო გამოფენა ბათუმში საქართველოს ბანკი – განათლების მთავარი მხარდამჭერი ბანკი.
ბიზნესი • 1791533660
მსოფლიო
სხვადასხვა
1791436576
როგორი ამინდია მოსალოდნელი 8 ოქტომბერს საქართველოში8 ოქტომბერს ქუთაისში მზიანი დღე იქნება, დღისით +26 და ღამით +15 გრადუსი დაფიქსირდება.მზიანი ამინდი იქნება ოზურგეთშიც. დღისით +25 გრადუსი დაფიქსირდება, ღამით კი +15 გრადუსი იქნება.ბათუმშიც მზიანი დღეა მოსალოდნელი, დღისით ჰაერი +25 გრადუსამდე გათბება, ხოლო ღამით +15 გრადუსი დაფიქსირდება.მზეა ფოთშიც. დღისით +24 გრადუსი დაფიქსირდება, ღამით კი +16 გრადუსია მოსალოდნელი.ზუგდიდშიც უნალექო ამინდია, ჰაერის ტემპერატურა დღისით +26, ღამით კი +14 გრადუსი იქნება.სოხუმში უნალექო დღეა მოსალოდნელი, +24 გრადუსია მოსალოდნელი დღისით, ღამით +12 გრადუსი დაფიქსირდება.მესტიაში მზიანი დღეა, დღისით +18 გრადუსი იქნება, ღამით კი +8 გრადუსი დაფიქსირდება. ლენტეხში დღისით +17 გრადუსი იქნება, ღამით კი +6 გრადუსი დაფიქსირდება.ამბროლაურშიც უნალექო ამინდს ელოდებიან. ჰაერი +24 გრადუსამდე გათბება, ღამით კი +11 გრადუსი დაფიქსირდება.ჭიათურაში ხანმოკლე წვიმაა. დღისით +22 გრადუსი, ღამით კი +11 გრადუსი დაფიქსირდება.ახალციხეში უნალექო მოსალოდნელი, დღისით +22 გრადუსი, ღამით კი +7 გრადუსი იქნება.ახალქალაქშიც მზეა დღისით +21 გრადუსი, ღამით კი +6 იქნება.ბორჯომშიც მზიანი დღეა მოსალოდნელი, +20 იქნება დღისით, ღამით კი +9 გრადუსი დაფიქსირდება.მზეა მოსალოდნელი ბაკურიანში, დღისით +17 გრადუსია მოსალოდნელი, ღამით +5 გრადუსი დაფიქსირდება.მზიან ამინდს ელოდებიან გორში, დღისით +24 გრადუსი, ღამის განმავლობაში კი +12 გრადუსი დაფიქსირდება.ცხინვალში მზიანი დღეა მოსალოდნელი, ჰაერის ტემპერატურა +23 გრადუსი იქნება, ღამით კი +11 გრადუსი დაფიქსირდება.გუდაურში მზეა მოსალოდნელი, დღის განმავლობაში +7 გრადუსი დაფიქსირდება, ღამით კი ჰაერის ტემპერატურა +3 გრადუსი იქნება.ომალოში უნალექო დღეა. დღისით +11 ღამით კი +5 გრადუსი დაფიქსირდება.ლაგოდეხშიც მზიანი დღე იქნება, ჰაერის ტემპერატურა დღის განმავლობაში +23 გრადუსი იქნება, ღამით კი +13 გრადუსი დაფიქსირდება.თელავშიც მზეა ნავარაუდევი. დღისით +22 გრადუსი დაფიქსირდება, ღამით კი +12 გრადუსი იქნება.უნალექო დღეა გურჯაანშიც, დღისით +23 გრადუსი, ღამით კი +13 გრადუსი დაფიქსირდება.სიღნაღში დღისით +22 გრადუსია მოსალოდნელი, ღამით +12 გრადუსი დაფიქსირდება.რუსთავში მზიანი დღეა მოსალოდნელი. დღისით +24 გრადუსია მოსალოდნელი, ღამით კი +12 გრადუსი დაფიქსირდება.თბილისშიც მზიან ამინდს ელოდებიან. ჰაერის ტემპერატურა დღისით +23 გრადუსს მიაღწევს, ღამით კი +14 გრადუსი იქნება.
1791264911
როგორი ამინდი იქნება 6 ოქტომბერს საქართველოში6 ოქტომბერს საქართველოს უმეტეს ტერიტორიაზე ღრუბლიანი ამინდია მოსალოდნელი. ზოგიერთ რეგიონში ნავარაუდევია წვიმა, ნალექია მოსალოდნელი დედაქალაქშიც. ჰაერი ზოგიერთ ქალაქში +21 გრადუსამდე გათბება, ყველაზე დაბალი ტემპერატურა კი გუდაურში +8 გრადუსია მოსალოდნელი.ამინდის პროგნოზი ქალაქების მიხედვით: გაგრა +21 - უმეტესად ღრუბლიანისოხუმი +21 - უმეტესად ღრუბლიანიზუგდიდი +21 - უმეტესად ღრუბლიანიმესტია +14 - წვიმაფოთი +21 - უმეტესად ღრუბლიანიბათუმი +20 - წვიმაოზურგეთი +21 - უმეტესად ღრუბლიანიქუთაისი +21 - უმეტესად ღრუბლიანიამბროლაური +21 - წვიმაახალციხე +18 - წვიმაბორჯომი +18 - წვიმაბაკურიანი +13 - წვიმაგორი +20 - წვიმაცხინვალი +19 - წვიმასტეფანწმინდა +11 - წვიმაგუდაური +8 - წვიმათელავი +21 - უმეტესად ღრუბლიანირუსთავი +20 - უმეტესად ღრუბლიანითბილისი +21 - წვიმა.
1791177370
როგორი ამინდი იქნება 5 ოქტომბერს საქართველოშიამინდის პროგნოზი ქალაქების მიხედვით:გაგრა +19 - მზიანისოხუმი +21 - მზიანიზუგდიდი +21 - მოღრუბლულიმესტია +12 - მზიანიფოთი +19 - მოღრუბლულიბათუმი +18 - უმეტესად ღრუბლიანიოზურგეთი +19 - მოღრუბლულიქუთაისი +22 - მოღრუბლულიამბროლაური +18 - უმეტესად ღრუბლიანიახალციხე +17 - უმეტესად ღრუბლიანიბორჯომი +16 - უმეტესად ღრუბლიანიბაკურიანი +13 - უმეტესად ღრუბლიანიგორი +18 - მოღრუბლულიცხინვალი +16 - უმეტესად ღრუბლიანისტეფანწმინდა +8 - მზიანიგუდაური +6 - უმეტესად ღრუბლიანითელავი +16 - უმეტესად მზიანირუსთავი +19 - უმეტესად მზიანითბილისი +18 - მოღრუბლული.
1791109620
შავი ზღვა თბება - რა საფრთხეებზე საუბრობენ მეცნიერები?2025 წელს მსოფლიო ოკეანეებმა რეკორდული 23 ზეტაჯოული სითბო შთანთქეს - თითქმის 40-ჯერ მეტი ენერგია, ვიდრე კაცობრიობამ იმავე პერიოდში გამოიყენა.The Guardian-ის ცნობით, სითბოს ეს დაგროვება საზღვაო გარემოში მასშტაბური ცვლილებების ფონზე ხდება. 1999 წლიდან მოყოლებული, გლობალური ზღვის დონე წელიწადში დაახლოებით 3.8 მმ-ით იმატებს, ხოლო 2012-დან 2025 წლამდე ეს მაჩვენებელი წელიწადში 4.2 მმ-მდე გაიზარდა. გარდა ამისა, ოკეანის მჟავიანობა ბოლო 40 წლის განმავლობაში 17%-ით გაიზარდა.„ოკეანე ჩვენს თვალწინ იცვლება“, - განაცხადა Mercator Ocean International-ის აღმასრულებელმა დირექტორმა პიერ ბაჰურელმა. მან განმარტა, რომ დათბობა, ზღვის დონის აწევა და ეკოსისტემის დეგრადაცია გრძელვადიანი ცვლილებების ნიშნებია.პროცესები განსაკუთრებით შესამჩნევია ევროპაში - ხმელთაშუა ზღვასა და შავ ზღაში რეკორდული სიცხეები ფიქსირდება, მაღალი ტემპერატურა კი მნიშვნელოვან სიღრმეებზეც კი ნარჩუნდება. ხმელთაშუა ზღვა, მთლიანობაში, ათწლეულში დაახლოებით 0.32°C-ით თბება.შედეგები უკვე მოქმედებს ზღვის ცხოველებზე. 2023 წლის იანვრიდან 2025 წლის სექტემბრამდე, მსოფლიოს მარჯნის რიფების 84%-მა განიცადა სითბური სტრესი, რომელიც საკმარისი იყო მისი გაუფერულებისთვის. ბოლო 30 წლის განმავლობაში, ოკეანის თითქმის 5%-მა განიცადა მუდმივი ცვლილებები ფიტოპლანქტონის ზრდის ნიმუშებში - ორგანიზმების, რომლებიც კვებითი ჯაჭვების საფუძველს ქმნიან და ნახშირბადის ციკლის რეგულირებას უწყობენ ხელს.
1791023244
ვენეციაში შესვლა შესაძლოა, 30 ევრო გახდესვენეციის ხელისუფლება ქალაქის დატვირთვის შესამსუბუქებლად ტურისტული გადასახადის გაზრდას განიხილავს. ინფორმაციას BILD ავრცელებს.გადასახადი გარკვეულ დღეებში, მაგალითად, შაბათ-კვირას და დღესასწაულებზე მნიშვნელოვნად გაიზრდება. კერძოდ, ასეთ დღეებში ტურისტებს 5 ან 10 ევროს ნაცვლად 30 ევროს გადახდა მოუწევთ. გადასახადი შესაძლოა, 2027 წლიდან გაიზარდოს.ტურისტული გადასახადი ქალაქისთვის მეტად მომგებიანი აღმოჩნდა, რომლის შემოსავალიც წელს 5 მლნ ევროთი გაიზარდა. ამის მიუხედავად, ვენეციის ხელისუფლება მიიჩნევს, რომ გადასახადი მეტად დაბალია, გადატვირთულობას ვერ ერევა და ვიზიტორების ნაკადს ვერ ზღუდავს.ხელისუფლება იმედოვნებს, რომ მაღალი გადასახადი ხალხს ნაკლებად პოპულარულ, მაგრამ უფრო მშვიდ დღეებში ვიზიტისკენ წაახალისებს, რადგან ამ დღეებზე გადასახადი არ იმოქმედებს.ამასთან, ვენეციაში რამდენიმე დღით დარჩენილი ტურისტებისთვის ფასები შესაძლოა, მოიმატოს. ქალაქის ადმინისტრაცია ტურისტული გადასახადის გაზრდას სასტუმროებსა და აპარტამენტებზეც განიხილავს.ცნობისთვის: 5 ან 10 ევროს გადასახადი სატესტო მოდელი იყო და 27 ივლისამდე მხოლოდ დღესასწაულებსა და შაბათ-კვირას მოქმედებდა. ამჟამად ტურისტებს ქალაქის მონახულება უფასოდ შეუძლიათ. გადასახადი შესაძლოა, 2027 წლის გაზაფხულზე აღდგეს. თუმცა ამისთვის ქალაქს იტალიის მთავრობის თანხმობა სჭირდება.
