Ryanair-ის აღმასრულებელმა დირექტორმა, მაიკლ ო’ლირიმ, საავიაციო ინდუსტრიაში მოსალოდნელი კრიზისის შესახებ ისაუბრა და აღნიშნა, რომ საწვავის მზარდი ხარჯების გამო ორ ევროპულ ავიაკომპანიას ზამთრის სეზონზე გადარჩენა გაუჭირდება. ო’ლირის განცხადებით, თუ ნავთობზე ფასები კვლავ მაღალ ნიშნულზე შენარჩუნდება, Wizz Air-ი და airBaltic-ი შესაძლოა ფინანსური რესურსების დეფიციტის წინაშე აღმოჩნდნენ. ახლო აღმოსავლეთში არსებული დაძაბულობის გამო საწვავის ფასმა მკვეთრად მოიმატა და ბარელზე 150 დოლარს გადააჭარბა, რაც პირდაპირ დარტყმას აყენებს იმ გადამყვანებს, რომელთაც საწვავის წინასწარი შესყიდვის გარანტიები არ გააჩნიათ.Ryanair-ის ხელმძღვანელი მიიჩნევს, რომ შექმნილმა ვითარებამ წლის ბოლოსთვის შესაძლოა რამდენიმე კომპანიის გაკოტრება გამოიწვიოს. მიუხედავად ამ მწვავე პროგნოზისა, Wizz Air-ში ო’ლირის ბრალდებები უკვე უარყვეს და განმარტეს, რომ ავიაკომპანიას საკმარისი ლიკვიდურობა აქვს ოპერირების მინიმუმ 18 თვის განმავლობაში გასაგრძელებლად. მიუხედავად ამისა, საავიაციო ბაზარზე გაურკვევლობა ნარჩუნდება, რაც უკვე აისახა კომპანიების აქციების ფასების კლებასა და სამგზავრო ბილეთების ღირებულების ზრდაში, რადგან ევროპული გადამყვანები ზამთრის სეზონის წინ მზარდი ხარჯებისა და არასტაბილური მოთხოვნის პირობებში მუშაობენ.წყარო: avianews.ge

„„ძაღლების ჰიპერპოპულაციის მართვის 2026 წლის პროგრამის დამტკიცების შესახებ“ საქართველოს მთავრობის 2026 წლის 25 თებერვლის N412 განკარგულებაში, განმახორციელებელი უწყებების, დაინტერესებული მხარეებისა და ცხოველთა მოყვარულების თანამშრომლობის შედეგად, ცვლილებები იგეგმება – ინფორმაციას ძაღლების ჰიპერპოპულაციის მართვის პროგრამა  ავრცელებს“.„ცვლილებათა პროექტის თანახმად, ვეტერინარული მანიპულაციების ჩატარების მიზნით თავშესაფარში გადაყვანილი ცხოველები დაბრუნდებიან იმავე ტერიტორიაზე, საიდანაც აიყვანეს. გამონაკლისია ადრეული და სკოლამდელი აღზრდისა და განათლების დაწესებულებებთან, ზოგადსაგანმანათლებლო და სამედიცინო დაწესებულებებთან ან საბავშვო და სპორტულ მოედნებთან აყვანილი ძაღლები, რომლებიც დაბრუნდებიან დაჭერის ადგილიდან არაუმეტეს ერთკილომეტრიან რადიუსში. გარდა ზემოაღნიშნულისა, იდენტიფიკაცია-რეგისტრაციის, ვაქცინაციის, კასტრაცია/სტერილიზაციისა და, საჭიროების შემთხვევაში, ლეიშმანიოზსა და ჭირზე ტესტირების ჩატარების მიზნით, თავშესაფარში გადაყვანას დაექვემდებარება არაიდენტიფიცირებული ცხოველი, ხოლო საყურე ნიშნით იდენტიფიცირებად უპატრონო/მიკედლებულ ძაღლებს ცოფის საწინააღმდეგო ვაქცინაცია ჩაუტარდება დაჭერის ადგილზე, თავშესაფარში გადაყვანის გარეშე. ცვლილებები შესაბამისი განკარგულების ხელმოწერისთანავე შევა ძალაში“, – ნათქვამია ინფორმაციაში.

„სავარაუდოდ, დედაქალაქში თხევადი გაზის სადგურები დაიკეტება“, - ამის შესახებ „ბიზნესპრესნიუსს“ თხევადი გაზის ასოციაციის ხელმძღვანელმა ნიკა ხოფერიამ განუცხადა.მისივე თქმით, თბილისის მუნიციპალური ინსპექციის მიერ ობიექტების დაჯარიმების პროცესი გრძელდება.შეგახსენებთ, რომ დედაქალაქში უკვე თითქმის ერთი თვეა, თხევადი გაზის ავტოგასამართ სადგურებს აჯარიმებენ. ამ დროის განმავლობაში, ფულადი სანქცია რამდენიმე ათეულ სადგურს შეეხო, ობიექტების ნაწილმა კი ფუნქციონირება შეწყვიტა. საჯარიმო თანხის მოცულობა 2500-დან 5000 ლარამდე მერყეობს.თხევადი გაზის სექტორი კრიზისში – რა ხდება ბაზარზეთბილისის მუნიციპალური ინსპექციის ინფორმაციით, მონიტორინგი ახალი რეგულაციების შესაბამისად ხორციელდება, რომელიც ადვილად აალებადი და ფეთქებადი მასალების წესების დარღვევით განთავსება/რეალიზებას ეხება.„მუნიციპალური ინსპექცია დედაქალაქში ატარებს კანონით გათვალისწინებულ ზომებს სხვადასხვა ლოკაციებზე, მათ შორის საცხოვრებელ და სარეკრეაციო ზონებში უნებართვოდ მოწყობილ თხევადი გაზის რეალიზების ობიექტებისა და ავტომანქანებზე კუსტარულად განთავსებული თხევადი გაზის ავტოგასამართი სადგურების მიმართ, რომლებიც უსაფრთხოების ნორმების დარღვევით უნებართვოდ ახორციელებენ საქმიანობას,“ - ნათქვამია მუნიციპალური ინსპექციის განცხადებაში.როგორც „ბიზნესპრესნიუსს“ თხევადი გაზის ასოციაციის ხელმძღვანელმა ნიკა ხოფერიამ განუცხადა, ჯერჯერობით არ არსებობს ალტერნატიულ ლოკაციებზე გადასვლის გეგმა, რადგან აღნიშნულ პროცესს ინსპექციასთან სწორი კომუნიკაცია და ლოგიკური დრო სჭირდება.„ვითარება უცვლელია. დაჯარიმებები გაფრთხილების გარეშე გრძელდება. მერიასთან კომუნიკაცია არ გვაქვს. გაუგებარია, ეს კანონი ჩვენ მიმართ, თანაც ამ ფორმით რატომ აამოქმედეს.თუ მეორადი მანქანებისა და ნაწილების რეალიზატორებთან, ამ სფეროში დასაქმებულ პირებთან 5 წლის განმავლობაში მუშაობდნენ და მათ ალტერნატიულ ადგილებს ან შესაძლებლობებს სთავაზობდნენ, ჩვენ რა დავაშავეთ?!თითო სადგურზე ჯარიმა 2500-დან 5000 ლარამდეა. თბილისში, ფაქტობრივად, ყველა ობიექტი დაჯარიმებულია, განმეორებითი ჯარიმები კი, როგორც ვიცი, უფრო მაღალია. ბევრმა უკვე შეაჩერა მუშაობა, რის გამოც დატვირთვა დარჩენილ ობიექტებზე გადანაწილდა.გაურკვეველია, როგორ გავაგრძელებთ ფუნქციონირებას, როდესაც სანქციები სულ უფრო მზარდია. 170 000 მომხმარებელი გვყავს, ამ ადამიანებს რა პასუხი უნდა გავცეთ?!მიზანი ისაა, რომ ტერიტორია დავტოვოთ, მაგრამ საქმე იმაშია, რომ „ცალ კარში ვთამაშობთ". არ გვაქვს უკუკავშირი იმასთან დაკავშირებით, თუ სად უნდა წავიდეთ და რა უნდა გავაკეთოთ.სავარაუდოდ, დედაქალაქში გაზსადგურები დაიკეტება, თუმცა მერიამ უნდა გვითხრას, სად გადავიტანოთ ობიექტები. რასაც გვეტყვიან, იმას გავაკეთებთ, ოღონდ უნდა გვითხრან.პირობითად ჩავთვალოთ, რომ გადატანა ლილოს მიმდებარედაა შესაძლებელი. ერთი საკითხია, საბურთალოდან ლილოში წავა მომხმარებელი, ჩაისხამს გაზს და უკან წამოვა? - ეს ხომ აბსურდია.თუმცა, სადაც არ უნდა იყოს დასაშვები ჩვენი ფუნქციონირება, ობიექტის თავიდან მოწყობას დრო სჭირდება. აუცილებელი პროცესია, მიწისქვეშა განლაგების რეზერვუარების სხვა ქვეყნიდან შემოტანა. უნდა შეუკვეთო ქარხანას, მან უნდა დაამზადოს და შემდეგ ოპერატორებმა ჩამოიტანონ საქართველოში. ამ ყველაფერს დრო არ სჭირდება?!ამასთან, საჭიროა გარკვეული ნებართვები მუნიციპალიტეტისგან. მათვე უნდა გასცენ სადგურის მოწყობის სამშენებლო ნებართვა. თუ მშენებლობის უფლებას არ მოგცემენ, ვერაფერს გააკეთებ. ნებართვის მარტივად მიღების შემთხვევაშიც კი, სხვა დანარჩენ პროცედურებს მაინც დიდი დრო მიაქვს.თუ ამ დროს არ მოგცემენ და პირდაპირ ჯარიმებით მოგადგებიან, პროცესს გამართულად ვერ წარმართავ. აქედან გამომდინარე, ჯერჯერობით გადატანის გეგმა არ არსებობს და თუ კომუნიკაციაში არ შემოვლენ, ვერც იქნება. ჩვენ ვამბობთ, ლოგიკური ვადა საჭიროა“, - აცხადებს ნიკა ხოფერია.BPN

საქართველოს ბანკი განაგრძობს ემიგრანტებისთვის დამატებითი შესაძლებლობების შექმნას და პარტნიორ კომპანიებთან ერთად იმ ინიციატივების განხორციელებას, რომლებიც მათ საჭიროებებზე არის მორგებული და  ყოველდღიურობას უმარტივებს.ამჯერად, საქართველოს ბანკი Boxette-თან თანამშრომლობით ემიგრანტებს სპეციალურ შეთავაზებას უკეთებს, რაც გზავნილების გაგზავნას კიდევ უფრო ხელმისაწვდომს ხდის.შეთავაზების ფარგლებში, აშშ-დან საქართველოში ამანათის გამოგზავნისას მომხმარებლებს შესაძლებლობა აქვთ სპეციალური ტარიფით ისარგებლონ - 1 კგ.  7.5 დოლარის ნაცვლად 6.5 დოლარად გამოაგზავნონ.გარდა ამისა,  ყოველი ამანათის გამოგზავნასთან ერთად მომხმარებლები პრომოკოდს მიიღებენ, რომლის გამოყენებითაც საქართველოში მცხოვრები მათი ოჯახის წევრები აშშ-ში  ამანათის გაგზავნას შეღავათიანი ტარიფით შეძლებენ  - 11.9 დოლარად, ნაცვლად 12.9 დოლარისა.აქცია  მოქმედებს 1 ივნისამდე.ინფორმაციისთვის, საქართველოს ბანკი აქტიურად ავითარებს ემიგრანტებისთვის მორგებულ პროდუქტებსა და სერვისებს, რათა მათ მსოფლიოს ნებისმიერი წერტილიდან შეძლონ საბანკო მომსახურებით სარგებლობა. ამასთანავე, ბანკი მათ სხვადასხვა წამახალისებელ აქციებს სთავაზობს და მხარს უჭერს კულტურულ ღონისძიებებს. თუ ქვეყნის ფარგლებს გარეთ ცხოვრობთ და ჯერ არ გაქვთ საქართველოს ბანკის ანგარიში, შეგიძლიათ შეავსოთ ფორმა  ბმულზე და მიიღოთ უფასო კონსულტაცია.

Tesla-მ სრულად ავტონომიური, ორადგილიანი Cybercab ელექტრომობილების წარმოება დაიწყო, რომლებსაც საჭე და პედლები არ აქვთ, - ამის შესახებ კომპანიის მთავარმა აღმასრულებელმა დირექტორმა ილონ მასკმა სოციალურ ქსელში განაცხადა.„Cybercab-მა წარმოება დაიწყო“, - დაწერა მან და პოსტს პრომო ვიდეო დაურთო.ამგვარად, მილიარდერმა შეასრულა გასულ წელს მიცემული დაპირება Cybercab-ის წარმოება 2026 წლის მეორე კვარტალში დაწყების შესახებ.ვრცლად interfax - ზე

საქართველოში საწვავის ფასები კვლავ განაგრძობს ზრდას, რაც დიდწილად გლობალურ ენერგეტიკულ ბაზრებზე მიმდინარე პროცესებს უკავშირდება.ბოლო სავაჭრო დღის მონაცემებით, Brent crude oil-ის ფასი ბარელზე 0.25%-ით გაიზარდა და 105.3 დოლარს მიაღწია. პარალელურად, WTI crude oil-ის ღირებულება 1.51%-ით შემცირდა და 94.40 დოლარი შეადგინა.WTI ნავთობის ფასის კლებას წინ უსწრებდა თეთრი სახლის განცხადება, რომლის მიხედვითაც, აშშ გეგმავს ელჩების გაგზავნას პაკისტანში, სადაც ირანის ოფიციალური პირებიც იმყოფებიან. ამ ფაქტმა ბაზარზე მოლოდინი გააჩინა, რომ ამერიკასა და ირანს შორის შეჩერებული მოლაპარაკებები შესაძლოა, განახლდეს და ჰორმუზის სრუტეში გადაადგილება ეტაპობრივად აღდგეს.თუმცა, გავრცელებული ინფორმაციით, ირანის საგარეო საქმეთა მინისტრი აბას არაღჩი ვიზიტის ფარგლებში ოფიციალური მოლაპარაკებების გამართვას ამ ეტაპზე არ გეგმავს, რაც ბაზარზე გარკვეულ გაურკვევლობას ტოვებს.როგორც Trading Economics-ი წერს, მოლაპარაკებების პოტენციურმა პერსპექტივამ კვირის დასაწყისში ფასებში ჩადებული გეოპოლიტიკური რისკის პრემია ნაწილობრივ შეამცირა. თუმცა, საერთო სურათი მაინც განსხვავებულია, კერძოდ, WTI-ის ფასი კვირის განმავლობაში დაახლოებით 13%-ით გაიზარდა, რაც მარტის დასაწყისის შემდეგ ყველაზე მაღალი ნიშნულია. ეს ზრდა განპირობებულია იმით, რომ ნავთობის ერთ-ერთი მთავარი საზღვაო მარშრუტი კვლავ მნიშვნელოვნად შეზღუდულია.ამას ემატება ისიც, რომ აშშ-ის მხრიდან დაწესებული საზღვაო ბლოკადა კვლავ აფერხებს ირანული ნედლი ნავთობის ექსპორტს. ანალიტიკოსების შეფასებით, მაშინაც კი, თუ ჰორმუზის სრუტე სრულად გაიხსნება, ნავთობის მიწოდების ჯაჭვების ნორმალიზებას შესაძლოა, თვეები დასჭირდეს, რაც გლობალურ ენერგეტიკულ ბაზრებზე ფასების ზრდაზე ზეწოლას შეინარჩუნებს.როგორ აისახა ნედლი ნავთობის ფასების ზრდა საქართველოზესაერთაშორისო ტენდენციები პირდაპირ აისახება საქართველოზეც, სადაც საწვავის ფასები მოკლევადიან პერსპექტივაში კვლავ არასტაბილურობისა და ზრდის რისკის ქვეშ რჩება. ქვეყანაში საწვავის ფასების ზრდა მარტის დასაწყისიდან დაიწყო და ამ დრომდე გრძელდება.მხოლოდ ბოლო ერთი კვირის მონაცემებს თუ შევხედავთ, სხვადასხვა ტიპის საწვავის ფასი 5-დან 12-თეთრამდე გაძვირდა.უფრო კონკრეტულად, „ბიზნესპრესნიუსი” გთავაზობთ, როგორია საწვავის ფასები დღეს სხვადასხვა ბრენდულ ბენზინგასამართ სადგურზე. (შენიშვნა: ფასები შედარებულია 2026 წლის 18 აპრილის მონაცემებთან)Gulf (კვირის ჭრილში უცვლელი დარჩა) G-Force სუპერი - 3.99 ლარი (3.99 ლარი); G-Force პრემიუმი - 3.59 ლარი (3.59 ლარი); G-Force ევრო რეგულარი - 3.45 ლარი (3.45 ლარი); ევრო რეგულარი - 3.43 ლარი (3.43 ლარი); G-Force ევრო დიზელი - 4.07 ლარი (4.07 ლარი); ევრო დიზელი - 3.97 ლარი (3.97 ლარი). Wissol (რიგ შემთხვევაში გაიზარდა 5 თეთრით) ეკო სუპერი - 3.98 ლარი (3.98 ლარი იყო); ეკო პრემიუმი - 3.58 ლარი (3.58 ლარი იყო); ეკო დიზელი - 4.12 ლარი (4.07 ლარი იყო); ევრო დიზელი - 4.09 ლარი (4.04 ლარი იყო); ევრო რეგულარი - 3.43 ლარი (3.43 ლარი იყო). Socar (რიგ შემთხვევაში გაძვირდა 12 თეთრით) ნანო სუპერი - 3.87 ლარი (3.87 ლარი იყო); ნანო პრემიუმი - 3.55 ლარი (3.55 ლარი იყო); ნანო ევრო რეგულარი - 3.39 ლარი (3.39 ლარი იყო); ევრო 5 დიზელი - 3.92 ლარი (3.80 ლარი იყო); ნანო ევრო 5 დიზელი - 4.02 ლარი (3.90 ლარი იყო). Rompetrol (რიგ შემთხვევაში გაიზარდა 7 თეთრით) Efix სუპერი - 3.99 ლარი (3.99 ლარი იყო); Efix ევრო პრემიუმი - 3.59 ლარი (3.59 ლარი იყო); ევრო რეგულარი - 3.43 ლარი (3.43 ლარი იყო); Efix ევრო დიზელი - 4.12 ლარი (4.05 ლარი იყო); ევრო დიზელი - 4.07 ლარი (4 ლარი იყო). Portal (მეტწილად გ­აძვირდა 5 თეთრით) სუპერი - 3.49 ლარი (3.44 ლარი იყო); პრემიუმი - 3.39 ლარი (3.34 ლარი იყო); ევრო რეგულარი - 3.19 ლარი (3.14 ლარი იყო); ევრო დიზელი - 3.94 ლარი (3.89 ლარი იყო); ეფექტური დიზელი - 3.69 ლარი (3.69 ლარი იყო).