PLUS-ის დაბადების დღემდე სულ ცოტა დრო რჩება. ამასთან დაკავშირებით, საქართველოს ბანკმა და Tbilisi Mall-მა PLUS ბარათის მფლობელებისთვის სპეციალური შეთავაზება მოამზადეს.შეთავაზების ფარგლებში, 12, 13 და 14 ივნისს, Tbilisi Mall-ში შოპინგისას PLUS ბარათის მფლობელები 10-ჯერ მეტ PLUS ქულას დააგროვებენ. (მაქსიმუმ 100 ლარის PLUS ქულა). აქციით სარგებლობისთვის აუცილებელია შეთავაზების გააქტიურება მობილბანკში  და გადახდის განხორციელება საქართველოს ბანკის ტერმინალზე.ინფორმაციისთვის, შეთავაზება ვრცელდება მხოლოდ შოპინგისა და აქსესუარების კატეგორიაზე და არ მოქმედებს კვების ობიექტებში, მარკეტებში, აფთიაქებში, გასართობ ზონებსა და სალონებში.Tbilisi Mall ერთ-ერთი ყველაზე დიდი სავაჭრო ცენტრია საქართველოში, რომელიც მომხმარებლებს მრავალფეროვან მაღაზიებსა და ბრენდებს სთავაზობს ყველა ასაკისა და გემოვნებისთვის.ასე რომ, თუ PLUS-ის დაბადების დღისთვის მეტი ქულის დაგროვება გსურთ, 12-14 ივნისს Tbilisi Mall-ში შოპინგი ამისთვის კარგი შესაძლებლობაა. შეთავაზებების გააქტიურება შესაძლებელია ამ ბმულზე.

საქართველოს ბანკი, როგორც განათლების მთავარი მხარდამჭერი, ახალგაზრდებისთვის საერთაშორისო განათლების შესაძლებლობების შექმნას განაგრძობს.სწორედ ამ მიზნით, საქართველოს ბანკი Fulbright-ის სასტიპენდიო პროგრამით დაინტერესებული ახალგაზრდებისთვის, 12 ივნისს, 17:00 საათზე ონლაინ ვებინარს გამართავს. დასწრების მსურველებმა უნდა გაიარონ რეგისტრაცია ბმულზე. ვებინარის ფარგლებში მონაწილეები მიიღებენ დეტალურ ინფორმაციას Fulbright-ის პროგრამის შესახებ, რომელიც აშშ-ის საელჩოსთან პარტნიორობით ხორციელდება და ქართველ სტუდენტებს ამერიკის შეერთებული შტატების წამყვან უნივერსიტეტებში სამაგისტრო პროგრამებზე სრული დაფინანსებით სწავლის შესაძლებლობას აძლევს.შეხვედრაზე მონაწილეები გაეცნობიან შემდეგ საკითხებს: როგორ მოიპოვონ სრული დაფინანსება აშშ-ში სასწავლებლად; რა მიმართულებებზე არის შესაძლებელი სწავლის გაგრძელება, პროგრამის ფარგლებში; რას მოიცავს Fulbright-ის სტიპენდია; როგორ მიმდინარეობს განაცხადის შევსებისა და შერჩევის პროცესი; რა გამოცდილებასა და შესაძლებლობებს სთავაზობს პროგრამა ქართველ სტუდენტებს. შეხვედრის სპიკერები იქნებიან ნინა გაბადაძე, პროგრამის კოორდინატორი და აშშ-ის საელჩოს წარმომადგენელი, ასევე სალომე ცეცხლაძე, Fulbright-ის პროგრამის სტიპენდიატი.ვებინარის მონაწილეებს შესაძლებლობა ექნებათ, პირდაპირ დაუსვან კითხვები პროგრამის კოორდინატორსა და Fulbright-ის კურსდამთავრებულს და მიიღონ ამომწურავი ინფორმაცია როგორც განაცხადის პროცესზე, ისე ამერიკის შეერთებულ შტატებში სწავლის გამოცდილებაზე.Fulbright-ის სასტიპენდიო პროგრამაზე განაცხადების მიღება მიმდინარეობს და 1 ივლისს დასრულდება. პროგრამის ფარგლებში საქართველოს ბანკის სტიპენდიის შესახებ დეტალური ინფორმაციის მისაღებად ეწვიეთ ვებგვერდს.  ინფორმაციისთვის, Fulbright-ის პროგრამა მსოფლიოში ერთ-ერთი ყველაზე პრესტიჟული საერთაშორისო საგანმანათლებლო პროგრამაა, რომელიც სტუდენტებს შესაძლებლობას აძლევს, ამერიკის შეერთებული შტატების წამყვან უნივერსიტეტებში სრული დაფინანსებით მიიღონ ხარისხიანი განათლება და განავითარონ პროფესიული და აკადემიური შესაძლებლობები საერთაშორისო გარემოში.ვებინარი 12 ივნისს, 17:00 საათზე, ონლაინ ფორმატში გაიმართება. რეგისტრაციის შემდეგ მონაწილეები შეხვედრის ბმულს მითითებულ ელექტრონულ ფოსტაზე მიიღებენ.დამატებითი ინფორმაციის მისაღებად და ვებინარზე დასარეგისტრირებლად ეწვიეთ ბმულს.

საქართველოს ბანკი, როგორც განათლების მთავარი მხარდამჭერი, ახალგაზრდებისთვის შესაძლებლობების შექმნას განაგრძობს. სწორედ ამ მიზნით, კომაროვის სკოლასთან ერთად მეოთხე წელია STEM ოლიმპიადას ახორციელებს.STEM ოლიმპიადის ფინალური ტური უკვე გაიმართა, რომელშიც საქართველოს სხვადასხვა რეგიონიდან შერჩეული საუკეთესო გუნდები მონაწილეობდნენ. წლევანდელ ოლიმპიადაში მონაწილეობა 160-ზე მეტი სკოლის 800-ზე მეტმა მოსწავლემ მიიღო. შედეგად კი ფინალში 10 საუკეთესო გუნდი გავიდა.ფინალური ეტაპის ფარგლებში მონაწილეები გუნდურად მუშაობდნენ STEM მიმართულების პრაქტიკულ დავალებებსა და პროექტებზე. ღონისძიების ფარგლებში ასევე გაიმართა მოსწავლეების მიერ შექმნილი ნამუშევრების გამოფენა, გამარჯვებულები კი პროფესიონალმა ჟიურიმ გამოავლინა.ძირითად ლიგაში გამარჯვებული თბილისის თავისუფალი სკოლა გახდა, რომელსაც საქართველოს ბანკისგან 10 000-ლარიანი ფულადი ჯილდო გადაეცა.მეორე ადგილი ბრიტანულ-ქართულმა აკადემიამ მოიპოვა და 5 000 ლარით დაჯილდოვდა, ხოლო მესამე ადგილზე დამოუკიდებელი საერო სკოლა „შავნაბადა“ გავიდა, რომელმაც 3 000-ლარიანი ფულადი ჯილდო მიიღო.ფიზიკა-მათემატიკური სკოლების ლიგაში გამარჯვება ანდრია რაზმაძის სახელობის ქუთაისის №41 ფიზიკა-მათემატიკის საჯარო სკოლამ მოიპოვა. გამარჯვებულ გუნდს საქართველოს ბანკისგან 3 000-ლარიანი ფულადი ჯილდო გადაეცა.ფინალისტ გუნდებს შორის იყვნენ: ივანე ჯავახიშვილის სახელობის ქალაქ ფოთის №3 საჯარო სკოლა, სკოლა-ლიცეუმი „მწიგნობართუხუცესი“, თბილისის თავისუფალი სკოლა, ახალციხის №1 საჯარო სკოლა, სკოლა „სადუნი“, გივი ზალდასტანიშვილის ამერიკული აკადემია თბილისში, ქართულ-ამერიკული სკოლა, ბრიტანულ-ქართული აკადემია, დამოუკიდებელი საერო სკოლა „შავნაბადა“ და ნიუტონის თავისუფალი სკოლა.შეგახსენებთ, რომ STEM ოლიმპიადა სამ ეტაპად ტარდება. პირველ ეტაპზე მონაწილეები ონლაინ შესარჩევ ტურში ერთვებიან, შემდეგ კი საუკეთესო შედეგის მქონე გუნდები დასწრებულ ტურში გადადიან. ფინალურ ეტაპზე მოსწავლეები ერთმანეთს გუნდურად, პრაქტიკული დავალებების შესრულებასა და STEM პროექტზე მუშაობაში ეჯიბრებიან.ამასთან, ფინალურ ტურამდე მონაწილე გუნდებს 40-საათიანი ციფრული ინჟინერიისა და პროგრამირების კურსი ჩაუტარდათ, რომელსაც კომაროვის სკოლის STEM მიმართულების პროფესიონალთა გუნდი უძღვებოდა.პროექტის მხარდამჭერია ალტე უნივერსიტეტი, რომელმაც STEM ოლიმპიადის ფინალურ ტურს უმასპინძლა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge 

სახელმწიფოს დღეს აქვს საკმარისი რესურსი და ძალა იმისათვის, რომ ბოლომდე, პრინციპულად დადგეს ასეთ საკითხებში, როცა საქმე ეხება, მაგალითად, კრიპტომაინინგს და დაახლოებით 20 მლნ ლარის ელექტროენერგიას იპარავდნენ მაინინგის საფუძველზე, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.მისივე თქმით, სახელმწიფო საკმარისად ძლიერი ვერ იყო საბოტაჟის მიმართ, თუმცა დღეს ნამდვილად არის.„პირველი აქტიური განხილვა ამ საკითხისა, გვქონდა, დაახლოებით, წელიწადის და 2-3 თვის წინ. მაშინაც იყო გარკვეული დავალება გაცემული. ვერ მოხერხდა, თუმცა დღეს ვართ საკმარისად მომაგრებული იმისათვის, რომ ნებისმიერი ასეთი ინიციატივა გავიტანოთ. ჩემთვის პირადად, ამ წელიწადისა და 2-3 თვის წინ ეს არ ყოფილა მიზეზი, რომ ვინმე მფარველი ჰყავდა ამ კრიპტომაინინგს, ეს არ იყო მიზეზი. ჩვენ ძალიან ბევრი საკადრო ცვლილებაც განვახორციელეთ, მათ შორის, ძალოვანი მიმართულებით, შევცვალეთ მთლიანად მიდგომები, დამოკიდებულებები და სახელმწიფო დღეს არის ძლიერი. ვისაც არ ეზარებოდა, ყველა ცდილობდა საბოტაჟს ამ ქვეყანაში, კონკრეტული შემთხვევა იყო, როდესაც ინვესტორს გამოუყვანეს მოსახლეობა და ვიცით, ვინ გამოიყვანა მოსახლეობა, მიზანი იყო - წილში ჩაჯდომა. იყო შემთხვევები, როდესაც ელექტროენერგიაში ჩართულ კომპანიებს ჰქონდათ ინტერესი, ძალიან ადვილია საქართველოში, უცბად შესაძლებელია 50 კაცის მობილიზაცია და ადვილი იყო ასეთი ტიპის პროექტების ჩაშლა. აღარ არის ეს ადვილი. ჰესებსაც ავაშენებთ, კრიპტომაინინგიც აღმოიფხვრება, ყველა მიმართულებით - იქნება ეს კორუფცია, საბოტაჟი, თუ ნებისმიერი სხვა, სახელმწიფო დღეს არის საკმარისად ძლიერი იმისათვის, რომ დაუპირისპირდეს კორუფციას, საბოტაჟს, ნებისმიერ ლობისტს და ა.შ. წელიწადის და 2-3 თვის წინ ასე არ იყო. დღეს, სახელმწიფოს იმის ძალა და ფუფუნება აქვს, რომ იყოს ბოლომდე უკომპრომისო, ისე რომ არ დააზიანოს რაიმე გვერდითი მოვლენებით ინტერესები.სახელმწიფოს დღეს აქვს საკმარისი რესურსი და ძალა იმისათვის, რომ ბოლომდე, პრინციპულად დადგეს ასეთ საკითხებში, როცა საქმე ეხება, მაგალითად, კრიპტომაინინგს, როცა დაახლოებით 20 მლნ ლარის ელექტროენერგიას იპარავდნენ მაინინგის საფუძველზე. სახელმწიფო საკმარისად ძლიერი ვერ იყო საბოტაჟის მიმართ და დღეს არის. ჩემთვის არასდროს, არც წელიწად-ნახევრის წინ და არც დღეს, არავის მიმართ მფარველობას არ აქვს არავითარი დატვირთვა. მფარველობა ვერ იქნება ასეთი ნაბიჯებიდან უკან დახევის მიზეზი ჩემთვის.ჩვენ ხომ შეგვეძლო, მშვიდად გვეზრუნა ქვეყნის განვითარებაზე, სახელმწიფოებრიობის განმტკიცებაზე, მაგრამ განსაკუთრებით ბოლო 4 წლის განმავლობაში, ჩვენ თან გვიწევდა ამაზე ზრუნვა, თან გვიწევდა რევოლუციის 5 მცდელობასთან დაპირისპირება, ათასი უბედურება იყო - შანტაჟი, საბოტაჟი, კორუფციაც ამის გამოძახილი იყო,“- აღნიშნა პრემიერმა.

საქართველოში განხორციელებული პირდაპირი უცხოური ინვესტიციების მოცულობამ 2026 წლის I კვარტალში 271.2 მლნ დოლარი შეადგინა, რაც 2025 წლის I კვარტლის წინასწარ მონაცემებზე 47.7 პროცენტით მეტია.საქსტატის მიერ „ბიზნესპარტნიორისთვის“ მოწოდებული ინფორმაციით, საწარმოების ჩამონათვალი, სადაც  2026 წლის I კვარტალში ყველაზე მსხვილი პირდაპირი უცხოური ინვესტიციები განხორციელდა ასე გამოიყურება: თელასი IDS  ბორჯომი საქართველო, შპს "IDS ბორჯომი ბევერიჯიზ კომპანიის" საქართველოს ფილიალი მაგთიკომი თბილისი ენერჯი საქორგგაზი ტოიოტა კავკასია დეველოპმენტ ჯორჯია ბიჯეო ჯგუფი ვოლტარეს პაუერ პროჯექტს სოკარ მიდსთრიმ ოპერეიშენს - საქართველოს ფილიალი საქსტატის ინფორმაციით, საწარმოები რეიტინგის მიხედვით არ არის დალაგებული.

2026 წლის იანვარ-აპრილში, გასული წლის იმავე პერიოდთან შედარებით, საქართველოში მარწყვის იმპორტი 8.1%-ით შემცირდა - ამის შესახებ ირკვევა სტატისტიკის ეროვნული სამსახურის მონაცემებიდან.უფრო კონკრეტულად, 2025 წლის პირველ ოთხ თვეში ქვეყანამ 1.589 მლნ დოლარის ღირებულების 1 227 ტონა მარწყვი იყიდა, 2026 წლის იმავე პერიოდში კი იმპორტმა 1.460 მლნ დოლარის ღირებულების 1 051 ტონა შეადგინა.აღსანიშნავია, რომ საქართველოს წელს მარწყვის იმპორტი წლიურად 7.7%-ით გაუძვირდა. კერძოდ, 2025 წლის იანვარ-აპრილში 1 კგ მარწყვის საშუალო საიმპორტო ფასი გადასახადების გარეშე 1.29 დოლარი იყო, 2026 წლის საანგარიშო პერიოდში კი 1.39 დოლარი.„საქსტატის“ მონაცემები აჩვენებს, რომ 2026 წლის იანვარ-აპრილში მარწყვის იმპორტში უდიდესი წილი - 96.4% თურქეთზე მოდიოდა. კერძოდ, ამ ბაზრიდან იმპორტირებულია 1.407 მლნ დოლარის ღირებულების 1 015 ტონა მარწყვის. თურქეთიდან 1 კგ მარწყვის საშუალო საიმპორტო ფასი გადასახადების გარეშე 1.38 დოლარი იყო.გარდა ამისა, მიმდინარე წლის საანგარიშო პერიოდში საქართველოში მარწყვის იმპორტი განხორციელდა აზერბაიჯანიდან და პოლონეთიდან. აზერბაიჯანიდან იმპორტირებულია 36.3 ათასი დოლარის 25 ტონა მარწყვი, ხოლო პოლონეთიდან 16.2 ათასი დოლარის 10.9 ტონა.საანგარიშო პერიოდში აზერბაიჯანის წილი მარწყვის იმპორტში 2.5% იყო, ხოლო პოლონეთის - 1.1%. ამასთანავე, პოლონეთიდან 1 კგ მარწყვის საშუალო საიმპორტო ფასი გადასახადების გარეშე 1.48 დოლარი იყო, აზერბაიჯანიდან - 1.45 დოლარი.ქართული წარმოების მარწყვის ექსპორტი შემცირდა, ღირებულება - გაიზარდარაც შეეხება ადგილობრივ ექსპორტს, 2026 წლის იანვარ-აპრილში ექსპორტზე გავიდა 101.9 ათასი დოლარის ღირებულების (28.8 ტონა) ქართული წარმოების მარწყვი, ეს კი მაშინ, როცა გასული წლის იმავე პერიოდში ექსპორტირებულია 236.1 ათასი დოლარის ღირებულების (127.1 ტონა) მარწყვი. მონაცემები 56.8%-იან კლებას აჩვენებს.საანგარიშო პერიოდში 89.8%-ით გაიზარდა ქართული წარმოების მარწყვის საშუალო საექსპორტო ფასი. 2026 წლის იანვარ-აპრილში 1 კგ ქართული მარწყვის საშუალო ფასი გადასახადების გარეშე 3.53 დოლარი გახდა, 2025 წლის იმავე პერიოდში კი 1.86 დოლარი იყო.„საქსტატის“ მონაცემებით, წელს მარწყვის ადგილობრივი ექსპორტი მხოლოდ სომხეთში განხორციელდა.