"შესაძლებელია, 1000 ლარით დაჯარიმდეთ" - რა უნდა გაითვალისწინონ მშობლებმა ძიძასთან ურთიერთობის დროს
საზოგადოება • 1793003699
ირლანდიაში ბებია-ბაბუებს მოუწოდეს, შვილიშვილებს მათი თანხმობის გარეშე არ ჩაეხუტონ
მსოფლიო • 1792822020
10-ზე მეტი პროფესიული კურსი მოსწავლეებისთვის - საქართველოს ბანკის სრული დაფინანსებით
ბიზნესი • 1792742400
საზოგადოება
"შესაძლებელია, 1000 ლარით დაჯარიმდეთ" - რა უნდა გაითვალისწინონ მშობლებმა ძიძასთან ურთიერთობის დროს
როდის ირღვევა დეკრეტული და ზეგანაკვეთური უფლებები, რა რისკებს მალავს ქონების გადაფორმება და ძიძის ფარული კონტროლი, რას ამბობს კანონი მაშინ, როცა მოქალაქეს ქვეყანაში უკანონოდ აბრუნებენ? - ამ და სხვა სოციალურ-სამართლებრივ საკითხებზე საქართველოს ადვოკატთა ასოციაციის აღმასრულებელი საბჭოს წევრი, ადვოკატი ნუგბარა როსტიაშვილი მოქალაქეების შეკითხვებს “კვირის პალიტრასთან” პასუხობს.- ვმუშაობ კერძო კომპანიაში, მყავს ორი შვილი, პატარა არის ერთ წლამდე ასაკის. ვითხოვ შრომის კოდექსიდან გამომდინარე დამატებით ერთსაათიან შესვენებას, თუმცა კომპანიაში მეუბნებიან, რომ ეს ვრცელდება მხოლოდ საჯარო სამსახურში. რამდენად სამართლიანია ეს? კანონით რა უფლებები მაქვს? თუ ამის გამო გამათავისუფლებენ სამსახურიდან, რომ ვიჩივლო სასამართლოში, მექნება მოგების შანსი?- შრომის კოდექსის თანახმად, შრომითი ხელშეკრულებით არ შეიძლება განისაზღვროს კანონით გათვალისწინებული ნორმებისგან განსხვავებული ნორმები, რომლებიც აუარესებს დასაქმებულის მდგომარეობას. დასაქმებულს, რომელიც მეძუძური ქალია და 1 წლამდე ბავშვს კვებავს, თავისი მოთხოვნის საფუძველზე ეძლევა დამატებითი შესვენება ბავშვის კვებისთვის სამუშაო დღის განმავლობაში არანაკლებ 1 საათისა. ბავშვის კვებისთვის შესვენება სამუშაო დროში ითვლება და ანაზღაურდება. იმ შემთხვევაში, თუ დამსაქმებლის მიერ ირღვევა თქვენი შრომითი უფლებები, მიმართეთ შრომის ინსპექციას, ვინაიდან აღნიშნული კანონი ვრცელდება როგორც საჯარო, ასევე კერძო სამსახურში დასაქმებულებზე. შრომის ინსპექციის სამსახური ვალდებულია დაიცვას კონფიდენციალურობის პრინციპი. სწორედ ამიტომ თქვენი საჩივარი ან/და შრომის ინსპექტორის მიერ თქვენი გამოკითხვა სრულად არის დაცული კონფიდენციალურობის გარანტიით. შრომის ინსპექციის სამსახურის ყველა თანამშრომელი ვალდებულია, არ გაამჟღავნოს საჩივრის ავტორის ან/და გამოკითხული პირის ვინაობა. თქვენს დამსაქმებელს არ მიეწოდება არანაირი ინფორმაცია, რაც შეიძლება თქვენ მიერ საჩივრის შეტანის ფაქტს მიუთითებდეს. დაინტერესებული პირის საჩივრის მიღებიდან შრომის ინსპექციის სამსახური სამართალდამრღვევი პირის მიმართ ადმინისტრაციული პასუხისმგებლობის გამოყენების შესახებ გადაწყვეტილებას იღებს შესაბამისი საჩივრის მიღებიდან არა უგვიანეს 2 თვისა.- ბინა, რომელშიც ვცხოვრობთ არასრულწლოვან შვილებთან ერთად, არის ცოლ-ქმრის სახელზე, ორივე თანამესაკუთრედ ვართ დარეგისტრირებული. ჩემს ქმარს აქვს ბანკის ვალი, თუმცა ჯერ საქმე არ არის სასამართლოში წასული. მისი წილი ქონება მე რომ შევისყიდო და გავაკეთო ქმართან განქორწინება, შემომედავება თუ არა ბანკი ქონებაზე?- მსგავს შემთხვევაში კრედიტორი ყოველთვის ამოწმებს მოვალის საკუთრებაში არსებულ უძრავ ქონებას. თუ აღმოაჩენს, რომ საკრედიტო ხელშეკრულების დარღვევის შემდეგ ქონება ოჯახის წევრზე გადაფორმდა, კრედიტორს შეუძლია სასამართლოში კრედიტის დაბრუნებასთან ერთად მოითხოვოს უძრავი ქონების გასხვისების ბათილობა იმ საფუძვლით, რომ მოვალემ თვალთმაქცური გარიგებით გადააფორმა ქონება ოჯახის წევრზე და რომ ეს ემსახურება სამოქალაქო პასუხისმგებლობისთვის თავის არიდებას. ასეთ შემთხვევაში ქონებაზე პასუხისმგებლობის მიქცევა დამოკიდებულია სასამართლო გადაწყვეტილებაზე.- მყავს ძიძა, მაქვს თუ არა უფლება სახლში ფარულად დავაყენო კამერები?- თქვენი სურვილი, რომ გააკონტროლოთ ძიძის ქცევა ბავშვის უსაფრთხოების მიზნით, სრულიად გასაგებია ბავშვის საუკეთესო ინტერესებიდან გამომდინარე, თუმცა ფარული ვიდეოკონტროლის საკითხი საქართველოში მკაცრად რეგულირდება და გარკვეულ რისკებს შეიცავს, ვინაიდან შესაძლებელია აღნიშნული ქმედების გამო დაჯარიმდეთ 1.000 ლარით. 'საქართველოს პერსონალურ მონაცემთა დაცვის შესახებ~ კანონის მიხედვით, ვიდეოჩაწერა წარმოადგენს პერსონალური მონაცემების დამუშავებას, ხოლო მისი ფარულად განხორციელება დასაშვებია მხოლოდ მკაცრად განსაზღვრულ შემთხვევებში. მიუხედავად იმისა, რომ თქვენი საცხოვრებელი არის კერძო სივრცე და თქვენ გაქვთ საკუთრების უფლება, ეს არ გაძლევთ ავტომატურად უფლებას სხვა პირი, მათ შორის ძიძა, ფარულად გადაიღოთ ისე, რომ ამის შესახებ ინფორმირებული არ იყოს, რადგან ეს შეიძლება ჩაითვალოს მისი პირადი ცხოვრების ხელყოფად. შეგიძლიათ სახლში დაამონტაჟოთ ვიდეოკამერები, თუმცა იმისათვის, რომ არ დაჯარიმდეთ, აუცილებელია შესაბამისი სტიკერით აღნიშვნა და ინფორიმირება. სამართლებრივად უფრო უსაფრთხო და სწორი გზა იქნება, თუ წინასწარ აცნობებთ ძიძას, რომ სახლში დამონტაჟებულია კამერები და მიიღოთ მისი თანხმობა.გააგრძელეთ კითხვა
1793003699
1792565493
„722 645 ლარი შეადგინა“ - მთავრობის ადმინისტრაცია ილია II-ის დაკრძალვის ხარჯების დეტალებს აქვეყნებსსაქართველოს მთავრობის ადმინისტრაცია სრულიად საქართველოს კათოლიკოს-პატრიარქის, ილია მეორის დაკრძალვის ხარჯებთან დაკავშირებით განცხადებას ავრცელებს.„მისი უწმინდესობისა და უნეტარესობის, სრულიად საქართველოს კათოლიკოს-პატრიარქის, ილია II-ის დაკრძალვასთან დაკავშირებით სახელმწიფო კომისიის 2026 წლის 18 მარტის №1 ოქმით, განისაზღვრა დაკრძალვის ორგანიზებაზე პასუხისმგებელი უწყებები, მათ შორის - საქართველოს კულტურის სამინისტრო, რომელსაც დაევალა დაკრძალვის ცერემონიალის (ღონისძიების) ორგანიზება.საქართველოს მთავრობის 2026 წლის 20 მარტის №589 განკარგულების საფუძველზე, მთავრობის სარეზერვო ფონდიდან საქართველოს კულტურის სამინისტროს გამოეყო 3 000 000 ლარი, მისი უწმინდესობისა და უნეტარესობის, სრულიად საქართველოს კათოლიკოს-პატრიარქის, ილია II-ის დაკრძალვასთან დაკავშირებული ხარჯების დასაფინანსებლად.საქართველოს მთავრობის 2026 წლის 8 მაისის №953 განკარგულების საფუძველზე, გახორცილდა ცვლილება საქართველოს მთავრობის 2026 წლის 20 მარტის №589 განკარგულებაში და კულტურის სამინისტროსთვის, საქართველოს მთავრობის სარეზერვო ფონდიდან გამოყოფილი თანხა დაკორექტირდა 722 645 ლარამდე. შესაბამისად, 2 277 355 ლარი ბიუჯეტში დაბრუნდა.ზემოაღნიშნულიდან გამომდინარე, საქართველოს კულტურის სამინისტროს მიერ სრულიად საქართველოს კათოლიკოს-პატრიარქის, ილია II-ის დაკრძალვასთან დაკავშირებული ხარჯების ჯამური ოდენობამ შეადგინა 722 645 ლარი.კულტურის სამინისტროს მიერ, ღონისძიების ორგანიზებისათვის გაფორმდა 26 ხელშეკრულება: შპს TV პროექტი - უწყვეტი დენის მიწოდება და განათებით უზრუნველყოფა სიონის ტაძრის მიმდებარე ტერიტორიაზე -10 000 ლარი; შპს ალფა სტუდიო - უწყვეტი დენის მიწოდება (გენერატორებით მომსახურება) სიონისა და სამების ტაძრის მიმდებარე ტერიტორიაზე - 21 800 ლარი; შპს ლუმა დეველოპმენტ - სამებისა და სიონის ტაძრებში და მიმდებარე ტერიტორიებზე სხვადასხვა კონსტრუქციებისა და სივრცეების მოწყობა (მინის პოდიუმი, ჟურნალისტების სივრცე, ოპერატორების სივრცე, გუნდების სივრცე და ა.შ.) - 53 624.10 ლარი; შპს ჯი თი ჰოლდინგი - სამების საკათედრო ტაძრის ეზოს ტერიტორიაზე, პროცესიისთვის განსაზღვრული გზის, სიონის ტაძრის მიმდებარედ ლედ ეკრანებით, გახმოვანებით, გენერატორებით, ლეიერების კონსტრუქციებით უზრუნველყოფა - 133 230 ლარი; შპს ვი თი სერვისი - რეგიონებიდან სალოტბარო სკოლების მოსწავლეების სატრანსპორტო მომსახურება 33 ერთეული მიკროავტობუსით- 13 200 ლარი; ი/მ გიორგი კვიჟინაძე - სალოტბარო სკოლის მოსწავლეების ტრანსპორტირების მომსახურება 3 ავტობუსით - 2 850 ლარი; შპს თელედა - დაკრძალვის ცერემონიალთან დაკავშირებით ღვინის (406 ბოთლი) შესყიდვა - 10 150 ლარი; შპს დისქოვერი - სალოტბარო სკოლების მოსწავლეთა საცხოვრებლით უზრუნველყოფა (სასტუმროს მომსახურება, 21-23 მარტი) - 29 400 ლარი; შპს ეიჩემსი ჯორჯია- სალოტბარო სკოლების მოსწავლეთა საცხოვრებლით უზრუნველყოფა (სასტუმროს მომსახურება, 21-23 მარტი) -33 880 ლარი; შპს ფლორერია - სამებისა და სიონის ტაძრის ინტერიერის, დაკრძალვის პროცესიის გასაფორმებლად საჭირო ყვავილების შესყიდვა - 26 550 ლარი; შპს ჯეოვოისი - სამებისა და სიონის ტაძრებში და მიმდებარედ სხვადასხვა კონსტრუქციების მოწყობა და გახმოვანების სისტემით უზრუნველყოფა, მონტაჟი და დემონტაჟი (გახმოვანება, ხმის ინჟინერია, ლეიერის კონსტრუქციები, ლედ ეკრანები, კაბელ-არხები, ფერმის კონსტრუქციები) - 215 600 ლარი; შპს თბილისი ჰოტელს ჰოლდინგ (შერატონი) - დაკრძალვის ღონისძიებასთან დაკავშირებით ტრაპეზის ორგანიზების მომსახურება 600 სტუმრისათვის (რომელიც, მათ შორის მოიცავდა გახმოვანების აპარატურით, თარჯიმნის მომსახურებასა და მიკროფონებით უზრუნველყოფას) - 93 886,70 ლარი; ი/მ ცირა ჭყონია - ტაძრის ინტერიერის, დაკრძალვის პროცესიის გასაფორმებლად საჭირო ყვავილების შესყიდვა - 16 200 ლარი; შპს ვი თი სერვისი - 15 მიკროავტობუსით მომსახურება (22 მარტი) - 6 000 ლარი; ი/მ თამამ იუსუფ ყიზი - წითელი ხავერდის ქსოვილი 10 მეტრი - 300 ლარი; შპს ჯიჯიეს პრინტი - საშვების, ბეიჯების, ბანერის, მოსაწვევის ბეჭდვის მომსახურება, სკამების ტრანსპორტირების მომსახურება - 11 362.50 ლარი; შპს სეთ აფ ივენთსი - ჯებირებით, კაბელ - კანალებით, პარტიკაბელებით უზრუნველყოფა- 9 740 ლარი; ი/მ ცირა ჭყონია - ღია სატრანსპორტო საშუალებისათვის ყვავილების შესყიდვა -7 850 ლარი; შპს ფავორიტი სტილი - 18 ცალი ბანერის დამზადება ლეიერებისათვის - 8 050 ლარი; შპს ჯენი 1994 - უწყვეტი დენის მიწოდებისათვის გენერატორის მომსახურება - 8 600 ლარი; შპს ტგ-ტვ - სიონის ტაძრის მიმდებარე ტერიტორიაზე სატელიტური კავშირით უზრუნველყოფის მომსახურება - 1 500 ლარი; შპს ფიური ფილმვორქს - სიონის ტაძრის მიმდებარე ტერიტორიაზე სატელევიზიო ამწით მომსახურება - 4 531.20 ლარი; ი/მ გიორგი კობახია - სიონის ტაძრის მიმდებარე ტერიტორიიდან პირდაპირი ეთერის სიგნალის მიწოდებისა და პირდაპირი სატელევიზიო ტრანსლაციის უზრუნველყოფის მომსახურება - 2 000 ლარი; ი/მ ლევან აბულაძე - დრონით ვიდეო-გადაღების მომსახურება - 700 ლარი; ი/მ ილია კიკაბიძე - პირდაპირი სატელევიზიო ტრანსლაციის უზრუნველყოფის მომსახურება (სატელიტური გადამცემის მეშვეობით, 08:00-17:00 მდე) - 1 000 ლარი; ფ/პ ალექსანდრე ხუნწარია - სიონის ტაძრის მიმდებარე ტერიტორიაზე სატელევიზიო ამწით მომსახურება - 638 ლარი. ტაძრის დასუფთავების მომსახურება უსასყიდლოდ შეასრულეს შემდეგმა კომპანიებმა - შპს პროგრეს სერვისი, შპს ლიტექსი - სერვისი, შპს ჯითი გრუპი GT GROUP.შპს აქვა გეომ 5 000 ბოთლი 0,5 ლიტრიანი წყალი გადმოგვცა უსასყიდლოდ.გარდა ამისა, რამდენიმე კომპანიამ მომსახურება გაწია შეღავათიან ფასებში, შესრულებულ სამუშაოსთან შედარებით.ღონისძიების ორგანიზებაში ჩართულ პირებს, რეჟისორს, შემოქმედებით-საშემსრულებლო ჯგუფს ჰონორარი არ აუღია (მომღერლები, მგალობლები და ა.შ)“, – აღნიშნულია საქართველოს მთავრობის ადმინისტრაციის განცხადებაში.
1792484940
თბილისის ბაღების აღსაზრდელებისთვის საახალწლო საჩუქრებს წელს „კარფური“ დაამზადებს - შესყიდვის ღირებულება 649 350 ლარიათბილისის ბაგა-ბაღების მართვის სააგენტო, 45 000 აღსაზრდელისთვის, საახალწლო სასაჩუქრე ნაკრებებს 649 350 ლარად შეისყიდის. ნაკრებების დამზადებას წელს „კარფური“ უზრუნველყოფს. საბავშვო ბაგა-ბაღების მართვის სააგენტოს მიერ გამოცხადებულ ტენდერში სწორედ აღნიშნულმა კომპანიამ გაიმარჯვა.როგორც სატენდერო დოკუმენტიდან ირკვევა, შესყიდვა განხორციელდება შპს „მაჯიდ ალ ფუტაიმ ჰიპერმარკეტს ჯორჯიასთან“, რომელიც საქართველოში ფლობს და მართავს საცალო ვაჭრობის ქსელ „კარფურს“.„საახალწლო სასაჩუქრე ნაკრები (ტკბილეული) გათვალისწინებულია ქალაქ თბილისის 191 საბავშვო ბაგა-ბაღის თითოეული აღსაზრდელისთვის - სულ 45000 ცალი, საახალწლო საჩუქრად, რომელიც აღსაზრდელებს ყოველწლიურად გადაეცემათ საახალწლო ზეიმის დროს. საახალწლო სასაჩუქრე ნაკრების (ტკბილეული) შესყიდვაზე 2026 წლის 18 აგვისტოს გამოცხადებული ელექტრონული ტენდერი 2026 წლის 6 ოქტომბერს დასრულდა უარყოფითი შედეგით. სწორედ ამიტომ დადგა გადაუდებელი აუცილებლობის ვითარება.შიდა ბაზარზე შექმნილი ახალი გარემოებების გათვალისწინებით, დაზუსტდა შესყიდვის ობიექტის ტექნიკური მახასიათებლები და 7 ოქტომბერს გამოცხადდა ბაზრის კვლევა. წინადადებების მიღების დასრულების ვადაში დაფიქსირდა ერთი კომპანიის - შპს „მაჯიდ ალ ფუტაიმ ჰიპერმარკეტს ჯორჯიას“ შემოთავაზება, ღირებულებით 649 350 ლარი.ბაზრის კვლევის მოთხოვნათა გათვალისწინებით, წინადადებების მიღების დასრულების დღესვე, კომპანიას 1 სამუშაო დღის ვადაში მოეთხოვა შესყიდვის ობიექტის ნიმუშების წარმოდგენა, რომელიც მათ მიერ მოწოდებულ იქნა 2026 წლის 13 ოქტომბერს. შემსყიდველი ორგანიზაციის მიერ ნიმუშები განხილულ იქნა 2026 წლის 15 ოქტომბერს და დადასტურდა მათი შესაბამისობა განსაზღვრულ მოთხოვნებთან“,- ნათქვამია სატენდერო დოკუმენტაციაში.
1792388503
„ეს მოგების შანსს აორმაგებს“ - როდის იწყება „მწვანე ბარათის“ გათამაშებაში რეგისტრაცია და რა შეცდომები არ უნდა დაუშვან მოგების მსურველებმააშშ-ის საიმიგრაციო პროგრამა - Diversity Visa Program 2027 (DV-2027) - მორიგი ციკლისთვის ემზადება. აღნიშნული პროგრამა ყოველწლიურად მსოფლიოს მასშტაბით 55 000-მდე მუდმივი ცხოვრების უფლებას (Green Card) გასცემს.საქართველოს მოქალაქეებისთვის ეს ერთ-ერთი ყველაზე პოპულარული გზაა ამერიკის შეერთებულ შტატებში ლეგალურად ცხოვრებისა და მუშაობის უფლების მისაღებად.რა უნდა იცოდეთ რეგისტრაციის დაწყებამდე, როდის იგეგმება განაცხადების მიღება და რა შეცდომებს უნდა ერიდონ აპლიკანტები? პროგრამის მოსალოდნელი ვადების, მიმდინარე სტატუსისა და გავრცელებული შეცდომების შესახებ "ბიზნესპრესნიუსს" კომპანია "იორ ფოინთის" სავიზო დეპარტამენტის ხელმძღვანელი ია იაძე ესაუბრა.„პირველ რიგში, მნიშვნელოვანია მოსახლეობამ იცოდეს, რომ ამ თემაზე ინფორმაციის გავრცელება არ ნიშნავს, რომ "მწვანე ბარათის" გათამაშება ან რეგისტრაცია უკვე დაიწყო. ამ ეტაპზე ოფიციალურ ვებგვერდზე DV-2027-ის განაცხადების მიღება გახსნილი არ არის. პროგრამის შეფერხება გამოწვეული იყო აშშ-ის სახელმწიფო დეპარტამენტის მიერ რეგისტრაციის პროცესში ცვლილებების შეტანითა და დროებითი პაუზით.თუმცა, აშშ-ის ფედერალური სასამართლოს (U.S. District Court for the Southern District of California) ბოლო გადაწყვეტილების თანახმად, სახელმწიფო დეპარტამენტს დაევალა პროგრამის დაუყოვნებლივ განახლება.სასამართლოს მიერ დადგენილი მოსალოდნელი გრაფიკის მიხედვით, აშშ-ის სახელმწიფო დეპარტამენტი დეტალურ ინსტრუქციასა და რეგისტრაციის ზუსტ ვადებს ოფიციალურად 29 ოქტომბრამდე გამოაქვეყნებს. განაცხადების მიღების პორტალი სავარაუდოდ, 1 ნოემბერს გაიხსნება და 30 დღის განმავლობაში იფუნქციონირებს, ხოლო შერჩეული აპლიკანტების გამოვლენის შემდეგ საიმიგრაციო ვიზების გაცემის პროცესი 2027 წლის 30 სექტემბრამდე დასრულდება.როდესაც რეგისტრაცია ოფიციალურად გაიხსნება, განაცხადის შემვსები ორ ძირითად კრიტერიუმს უნდა აკმაყოფილებდეს: იგი დაბადებული უნდა იყოს პროგრამაში დაშვებულ ქვეყანაში (საქართველო სრულად აკმაყოფილებს ამ მოთხოვნას) და ფლობდეს საშუალო სკოლის 12-წლიან ატესტატს, ან ბოლო 5 წლის განმავლობაში ჰქონდეს 2-წლიანი სამუშაო გამოცდილება ისეთ პროფესიაში, რომელიც მოითხოვს მინიმუმ ორწლიან სპეციალურ მომზადებას", - აცხადებს ია იაძე.მისივე თქმით, ტრადიციულად, აპლიკანტებს მოუწევთ სხვადასხვა სტანდარტის დაცვა."რეგისტრაციის გახსნის შემდეგ, განაცხადის შევსება შესაძლებელი იქნება მხოლოდ სახელმწიფო დეპარტამენტის ოფიციალურ პორტალზე - dvprogram.state.gov.მონაწილეობის რეგისტრაცია სრულიად უფასოა. აპლიკანტებმა ყურადღება უნდა მიაქციონ ფოტოსურათის სტანდარტსაც - ფოტო უნდა იყოს გადაღებული ბოლო 6 თვის განავლობაში, თეთრ ფონზე, სათვალის გარეშე, 600x600 პიქსელის ზომით JPEG ფორმატში.გარდა ამისა, განაცხადში აუცილებელია მეუღლისა და ყველა დაუქორწინებელი, 21 წლამდე ასაკის შვილის მითითება, მიუხედავად იმისა, აპირებენ თუ არა ისინი ამერიკაში გამგზავრებას“, - განმარტავს ია იაძე.მისივე თქმით, ყოველწლიურად მილიონობით განაცხადი უარყოფილია ტექნიკური დარღვევების გამო, რასაც აპლიკანტები განსაკუთრებით უნდა ერიდონ.„კრიტიკული შეცდომაა ერთი და იმავე პირის სახელით ერთზე მეტი განაცხადის გაგზავნა, რაც იწვევს ავტომატურ დისკვალიფიკაციას. თუმცა, დაქორწინებულ წყვილებს შეუძლიათ ცალ-ცალკე შეავსონ განაცხადი და ერთმანეთი მიუთითონ, რაც მოგების შანსს ორმაგად ზრდის.ასევე, დისკვალიფიკაციით სრულდება წინა წლებში გამოყენებული ან დაუმუშავებელი, არასტანდარტული ფოტოს გამოყენება, ხოლო შვილის ან მეუღლის არმითითება იწვევს ვიზის უარს გასაუბრების ეტაპზეც კი.ასევე, არ უნდა დაკარგოთ რეგისტრაციის დასრულებისას გენერირებული დამადასტურებელი კოდი (Confirmation Number), რადგან ეს ერთადერთი საშუალებაა პასუხის შესამოწმებლად“, - აღნიშნავს "იორ ფოინთის" სავიზო დეპარტამენტის ხელმძღვანელი.ვიდრე ოფიციალური რეგისტრაცია გახსნილა, ია იაძე მოსახლეობას სიფრთხილისკენ მოუწოდებს, რადგან ინტერნეტში უკვე გამოჩნდა თაღლითური საიტები, რომლებიც მომხმარებლებს განაცხადის "ახლავე შევსებას" სთავაზობენ.„აშშ-ის საელჩო და სახელმწიფო დეპარტამენტი მკაფიოდ აფრთხილებენ მოსახლეობას, რომ ოფიციალური გათამაშება და განაცხადების მიღება ჯერ არ დაწყებულა. ამასთან, აშშ-ის მთავრობა არასდროს აგზავნის ელფოსტას მოგების შესახებ და არცერთ კერძო სააგენტოს არ შეუძლია მოგების შანსების გაზრდა, ვინაიდან შერჩევა ხდება სრულიად შემთხვევითი კომპიუტერული ალგორითმით“, - აცხადებს ია იაძე.
სხვა სიახლეები
"შესაძლებელია, 1000 ლარით დაჯარიმდეთ" - რა უნდა გაითვალისწინონ მშობლებმა ძიძასთან ურთიერთობის დროს
როდის ირღვევა დეკრეტული და ზეგანაკვეთური უფლებები, რა რისკებს მალავს ქონების გადაფორმება და ძიძის ფარული კონტროლი, რას ამბობს კანონი მაშინ, როცა მოქალაქეს ქვეყანაში უკანონოდ აბრუნებენ? - ამ და სხვა სოციალურ-სამართლებრივ საკითხებზე საქართველოს ადვოკატთა ასოციაციის აღმასრულებელი საბჭოს წევრი, ადვოკატი ნუგბარა როსტიაშვილი მოქალაქეების შეკითხვებს “კვირის პალიტრასთან” პასუხობს.- ვმუშაობ კერძო კომპანიაში, მყავს ორი შვილი, პატარა არის ერთ წლამდე ასაკის. ვითხოვ შრომის კოდექსიდან გამომდინარე დამატებით ერთსაათიან შესვენებას, თუმცა კომპანიაში მეუბნებიან, რომ ეს ვრცელდება მხოლოდ საჯარო სამსახურში. რამდენად სამართლიანია ეს? კანონით რა უფლებები მაქვს? თუ ამის გამო გამათავისუფლებენ სამსახურიდან, რომ ვიჩივლო სასამართლოში, მექნება მოგების შანსი?- შრომის კოდექსის თანახმად, შრომითი ხელშეკრულებით არ შეიძლება განისაზღვროს კანონით გათვალისწინებული ნორმებისგან განსხვავებული ნორმები, რომლებიც აუარესებს დასაქმებულის მდგომარეობას. დასაქმებულს, რომელიც მეძუძური ქალია და 1 წლამდე ბავშვს კვებავს, თავისი მოთხოვნის საფუძველზე ეძლევა დამატებითი შესვენება ბავშვის კვებისთვის სამუშაო დღის განმავლობაში არანაკლებ 1 საათისა. ბავშვის კვებისთვის შესვენება სამუშაო დროში ითვლება და ანაზღაურდება. იმ შემთხვევაში, თუ დამსაქმებლის მიერ ირღვევა თქვენი შრომითი უფლებები, მიმართეთ შრომის ინსპექციას, ვინაიდან აღნიშნული კანონი ვრცელდება როგორც საჯარო, ასევე კერძო სამსახურში დასაქმებულებზე. შრომის ინსპექციის სამსახური ვალდებულია დაიცვას კონფიდენციალურობის პრინციპი. სწორედ ამიტომ თქვენი საჩივარი ან/და შრომის ინსპექტორის მიერ თქვენი გამოკითხვა სრულად არის დაცული კონფიდენციალურობის გარანტიით. შრომის ინსპექციის სამსახურის ყველა თანამშრომელი ვალდებულია, არ გაამჟღავნოს საჩივრის ავტორის ან/და გამოკითხული პირის ვინაობა. თქვენს დამსაქმებელს არ მიეწოდება არანაირი ინფორმაცია, რაც შეიძლება თქვენ მიერ საჩივრის შეტანის ფაქტს მიუთითებდეს. დაინტერესებული პირის საჩივრის მიღებიდან შრომის ინსპექციის სამსახური სამართალდამრღვევი პირის მიმართ ადმინისტრაციული პასუხისმგებლობის გამოყენების შესახებ გადაწყვეტილებას იღებს შესაბამისი საჩივრის მიღებიდან არა უგვიანეს 2 თვისა.- ბინა, რომელშიც ვცხოვრობთ არასრულწლოვან შვილებთან ერთად, არის ცოლ-ქმრის სახელზე, ორივე თანამესაკუთრედ ვართ დარეგისტრირებული. ჩემს ქმარს აქვს ბანკის ვალი, თუმცა ჯერ საქმე არ არის სასამართლოში წასული. მისი წილი ქონება მე რომ შევისყიდო და გავაკეთო ქმართან განქორწინება, შემომედავება თუ არა ბანკი ქონებაზე?- მსგავს შემთხვევაში კრედიტორი ყოველთვის ამოწმებს მოვალის საკუთრებაში არსებულ უძრავ ქონებას. თუ აღმოაჩენს, რომ საკრედიტო ხელშეკრულების დარღვევის შემდეგ ქონება ოჯახის წევრზე გადაფორმდა, კრედიტორს შეუძლია სასამართლოში კრედიტის დაბრუნებასთან ერთად მოითხოვოს უძრავი ქონების გასხვისების ბათილობა იმ საფუძვლით, რომ მოვალემ თვალთმაქცური გარიგებით გადააფორმა ქონება ოჯახის წევრზე და რომ ეს ემსახურება სამოქალაქო პასუხისმგებლობისთვის თავის არიდებას. ასეთ შემთხვევაში ქონებაზე პასუხისმგებლობის მიქცევა დამოკიდებულია სასამართლო გადაწყვეტილებაზე.- მყავს ძიძა, მაქვს თუ არა უფლება სახლში ფარულად დავაყენო კამერები?- თქვენი სურვილი, რომ გააკონტროლოთ ძიძის ქცევა ბავშვის უსაფრთხოების მიზნით, სრულიად გასაგებია ბავშვის საუკეთესო ინტერესებიდან გამომდინარე, თუმცა ფარული ვიდეოკონტროლის საკითხი საქართველოში მკაცრად რეგულირდება და გარკვეულ რისკებს შეიცავს, ვინაიდან შესაძლებელია აღნიშნული ქმედების გამო დაჯარიმდეთ 1.000 ლარით. 'საქართველოს პერსონალურ მონაცემთა დაცვის შესახებ~ კანონის მიხედვით, ვიდეოჩაწერა წარმოადგენს პერსონალური მონაცემების დამუშავებას, ხოლო მისი ფარულად განხორციელება დასაშვებია მხოლოდ მკაცრად განსაზღვრულ შემთხვევებში. მიუხედავად იმისა, რომ თქვენი საცხოვრებელი არის კერძო სივრცე და თქვენ გაქვთ საკუთრების უფლება, ეს არ გაძლევთ ავტომატურად უფლებას სხვა პირი, მათ შორის ძიძა, ფარულად გადაიღოთ ისე, რომ ამის შესახებ ინფორმირებული არ იყოს, რადგან ეს შეიძლება ჩაითვალოს მისი პირადი ცხოვრების ხელყოფად. შეგიძლიათ სახლში დაამონტაჟოთ ვიდეოკამერები, თუმცა იმისათვის, რომ არ დაჯარიმდეთ, აუცილებელია შესაბამისი სტიკერით აღნიშვნა და ინფორიმირება. სამართლებრივად უფრო უსაფრთხო და სწორი გზა იქნება, თუ წინასწარ აცნობებთ ძიძას, რომ სახლში დამონტაჟებულია კამერები და მიიღოთ მისი თანხმობა.გააგრძელეთ კითხვა
საზოგადოება • 1793003699
საქართველოს ბანკთან პარტნიორობით მცხეთაში მულტიფუნქციური ტურისტული და საცხოვრებელი კომპლექსი შენდება
საქართველოს ბანკი ბიზნესისა და კომპანია „სამეფო მარანის“ თანამშრომლობის ფარგლებში, მცხეთაში მულტიფუნქციური ტურისტული და საცხოვრებელი კომპლექსი შენდება. პროექტის ჯამური საინვესტიციო ღირებულება 60 მლნ. ლარია. საქართველოს ბანკის მიერ განხორციელებული ინვესტიცია კი 25 მლნ. ლარს შეადგენს.კომპლექსი მცხეთაში, 8 ჰექტარ ტერიტორიაზე შენდება და ის სასტუმროს, რესტორნებს, ღვინის საწარმოსა და მუზეუმს, ასევე საცხოვრებელ სახლებსა და დასასვენებელ სივრცეებს გააერთიანებს. ტერიტორიაზე ასევე გაშენებულია ვაზი, მოეწყობა ღია აუზი და სპა ცენტრი.ტურისტული კომპლექსის მიმდებარედ მოეწყობა საცხოვრებელი სივრცეც, რომელიც რვა კორპუსს გააერთიანებს. პროექტის კონცეფცია თბილისთან ახლოს მშვიდი, მრავალფეროვანი საცხოვრებელი და დასასვენებელი გარემოს შექმნას ეფუძნება. კომპლექსის მიმდებარედ არსებული ტყის მასივი კი მის ბუნებრივ გარემოს კიდევ უფრო გამორჩეულს ხდის.პროექტის მშენებლობა 2019 წელს დაიწყო. ამ ეტაპზე დასრულებული და გადახურულია სასტუმრო კომპლექსის შენობა-ნაგებობები, მიმდინარეობს საინჟინრო სამუშაოები, ხოლო საცხოვრებელი ბლოკის მშენებლობა 2026 წელს დაიწყო. ორივე კომპლექსის სრულად დასრულება 2028 წლის ბოლოსთვის იგეგმება. „მცხეთის მულტიფუნქციური კომპლექსი ჩვენი ერთ-ერთი გამორჩეული და მნიშვნელოვანი პროექტია. გვინდა, თბილისთან ახლოს შევქმნათ სივრცე, რომელიც სტუმრებსა და მობინადრეებს დასვენების, განტვირთვისა და მრავალფეროვანი გამოცდილების შესაძლებლობას შესთავაზებს. საქართველოს ბანკთან 2011 წლიდან ვთანამშრომლობთ და ამ წლების განმავლობაში პარტნიორობა სხვადასხვა მიმართულებით არაერთ პროექტს მოიცავდა. მცხეთის კომპლექსის განხორციელების ყველა ეტაპზეც ბანკთან ერთად ვმუშაობთ. გვჯერა, რომ ფინანსურ ინსტიტუტსა და ბიზნესს შორის ნდობაზე, პასუხისმგებლობასა და გამჭვირვალობაზე დაფუძნებული თანამშრომლობა მასშტაბური პროექტების წარმატებით განხორციელების მნიშვნელოვანი წინაპირობაა. ჩვენი მიზანია, 2028 წლის ბოლოსთვის პროექტი სრულად დავასრულოთ და სივრცე სტუმრებისა და მობინადრეებისთვის ხელმისაწვდომი გავხადოთ”, - აცხადებს „სამეფო მარანის“ პარტნიორი დავით ფანჯაკიძე.„საქართველოს ბანკისთვის მნიშვნელოვანია ისეთი პროექტების დაფინანსება, რომლებიც თანამედროვე საცხოვრებელი და ტურისტული გარემოს შექმნას უწყობს ხელს. მცხეთის მულტიფუნქციური კომპლექსი მასშტაბური პროექტია, რომელიც ტურისტულ და საცხოვრებელ სივრცეებს აერთიანებს. მოხარული ვართ, რომ „სამეფო მარანთან“ მრავალწლიანი თანამშრომლობის ფარგლებში ამ მასშტაბური პროექტის განხორციელებაში ვმონაწილეობთ და გვჯერა, რომ მომავალშიც არაერთ საინტერესო პროექტს განვახორციელებთ ერთობლივად“, - განაცხადა საქართველოს ბანკის კორპორაციული გაყიდვების სექტორის უფროსმა, ნინო აფციაურმა.
ბიზნესი • 1793003287
2027 წელს ევროპაში ავიაბილეთები შესაძლოა 20%-ით გაძვირდეს - Ryanair
ევროპაში ავიაბილეთების ფასები 2027 წელს შესაძლოა 10-20%-ით გაიზარდოს. ამის შესახებ Ryanair-ის აღმასრულებელმა დირექტორმა მაიკლ ო’ლირიმ Euronews-თან განაცხადა. მისი პროგნოზით, ავიაბილეთების გაძვირებას საავიაციო საწვავის ფასების ზრდა განაპირობებს, რასაც ირანში მიმდინარე ომის ფონზე ნავთობის გაძვირებაც ემატება.ო’ლირის შეფასებით, საწვავის მაღალი ფასები ავიაკომპანიების ხარჯებს მნიშვნელოვნად გაზრდის, განსაკუთრებით 2027 წლის აპრილიდან, როდესაც ბაზრის მონაწილეთა დიდ ნაწილს საწვავის ფასებისგან დამცავი ჰეჯირების მექანიზმები შეუმცირდება.საჰაერო ტრანსპორტის საერთაშორისო ასოციაციის (IATA) მონაცემებით, 16 ოქტომბერს დასრულებულ კვირაში ევროპასა და დსთ-ის ქვეყნებში საავიაციო საწვავის საშუალო ფასმა ბარელზე 207.61 დოლარი შეადგინა. ეს მაჩვენებელი გასული წლის ანალოგიურ პერიოდთან შედარებით თითქმის 128%-ით მეტია.Ryanair-ის ხელმძღვანელის განმარტებით, კომპანიას, ისევე როგორც ევროპის არაერთ სხვა ავიაგადამზიდს, 2026 წლისთვის საწვავის ფასების ზრდისგან დაცვის მექანიზმები ჰქონდა გამოყენებული. კერძოდ, Ryanair-მა მიმდინარე წლისთვის საწვავის ღირებულება ბარელზე დაახლოებით 67 დოლარის დონეზე დააფიქსირა. თუმცა, ო’ლირის თქმით, 2027 წელს კომპანიისთვის საწვავის ფასი შესაძლოა გაორმაგდეს.„ვფიქრობ, მომავალ წელს ევროპაში ავიაბილეთების ფასები 10%, 15% ან შესაძლოა 20%-ითაც გაიზარდოს. თამამად შემიძლია ვთქვა, რომ მომდევნო 12 თვის განმავლობაში ევროპის ისტორიაში ავიაბილეთების ფასების ყველაზე დიდ ზრდას ვიხილავთ“, — განაცხადა ო’ლირიმ 20 ოქტომბერს ბრიუსელში გამართულ პრესკონფერენციაზე.საწვავის გაძვირება განსაკუთრებით იმ ავიაკომპანიებზე აისახება, რომლებსაც ფასების მერყეობისგან დაცვის საკმარისი მექანიზმები არ აქვთ. ნავთობისა და ნავთობპროდუქტების, მათ შორის საავიაციო საწვავის, ფასების ზრდა ირანში ომის დაწყებასა და ჰორმუზის სრუტეში საზღვაო მიმოსვლის შეფერხებას უკავშირდება. ოთხშაბათს Brent-ის მარკის ნავთობის ფიუჩერსების ფასი ბარელზე 109.86 დოლარს შეადგენდა, რაც ბოლო ხუთი თვის მაქსიმუმთან ახლოსაა.ო’ლირის პროგნოზით, ავიაბილეთების გაძვირებასთან ერთად, 2027 წელს ევროპაში შესაძლოა შემცირდეს ხელმისაწვდომი ავიამიმოსვლის მოცულობაც. მისი შეფასებით, ავიაკომპანიების შესაძლო გაკოტრებები და შერწყმები ბაზარზე ადგილების მიწოდებას შეამცირებს, რაც ფასებზე დამატებით ზეწოლას მოახდენს.
ბიზნესი • 1792995772
ხვიჩა კვარაცხელია ოპერაციას მიმდინარე კვირაში, კატარში გაიკეთებს - L'Equipe
L'Equipe ხვიჩა კვარაცხელიას ოპერაციის ჩატარების თარიღსა და ლოკაციაზე ინფორმაციას ავრცელებს.,,ხვიჩა კვარაცხელია მიმდინარე სეზონში პსჟ-სთვის ერთ-ერთი ყველაზე მნიშვნელოვანი დანაკლისი იქნება.ქართველმა ფეხბურთელმა ბარსელონასთან გამართულ შეხვედრაში (4:2), მარჯვენა მუხლის ჯვარედინი იოგი გაიწყვიტა და უახლოეს დღეებში ოპერაციას გაიკეთებს.ქირურგიული ჩარევა მომავალი კვირის დასაწყისში, კატარის დედაქალაქ დოჰაში, ასპეტარის კლინიკაშია დაგეგმილი. ოპერაციის ზუსტი თარიღი ჯერჯერობით არ გასაჯაროებულა." - წერს ფრანგული გამოცემა.ოპერაციის შემდეგ ქართველ ფეხბურთელს რეაბილიტაციის ხანგრძლივი პროცესი ელის. დიდი ალბათობით, ის მიმდინარე სეზონში თამაშს ვეღარ შეძლებს.adjarabetarena.com
სპორტი • 1792995586
ირლანდიაში ბებია-ბაბუებს მოუწოდეს, შვილიშვილებს მათი თანხმობის გარეშე არ ჩაეხუტონ
ირლანდიაში, სოციალური კამპანია წამოიწყეს, რომელიც ბებია-ბაბუებს მოუწოდებს, ჩახუტებამდე შვილიშვილებს ნებართვა სთხოვონ. New York Post-ის ცნობით, პროექტს ირლანდიის მთავრობა აფინანსებს.დუბლინში დაფუძნებულმა ცენტრმა We-Consent-მა გამოაქვეყნა სარეკლამო ვიდეო, სადაც ნაჩვენებია, რომ ყველა ბავშვს არ სურს ჩახუტება, თუნდაც საყვარელი ადამიანებისგან. ვიდეოში წარმოდგენილია ორი სცენარი: ერთი, რომელშიც ბავშვი სიხარულით იღებს ჩახუტებას, ხოლო მეორე, როდესაც ბავშვი თავს არაკომფორტულად გრძნობს.დუბლინის საქალაქო საბჭოს წევრმა გევინ პეპერმა გააკრიტიკა გეგმა და აღნიშნა, რომ მთავრობამ და არასამთავრობო ორგანიზაციებმა „დაკარგეს პროპორციის გრძნობა“. მან განაცხადა, რომ ბავშვებს უნდა ასწავლონ პირადი საზღვრების პატივისცემა და უკონტაქტობის მიღება, მაგრამ ახლო ოჯახის წევრების ჩახუტება არ უნდა იქცეს „საეჭვოდ“.კიდევ ერთმა მუნიციპალურმა მრჩეველმა, ლორეინ ჰოლმა კი პირიქით, კამპანიას დაუჭირა. მისი აზრით, კრიტიკოსებმა ვიდეო ზედმეტად სიტყვასიტყვით მიიღეს და არ გაითვალისწინეს სოციალური რეკლამის თავისებურებები, რომელიც ყურადღების მისაპყრობად ტექნიკას იყენებს.სოციალური მედიის მომხმარებლებმაც დაგმეს კამპანია და მას სიგიჟე და სასაცილო უწოდეს. „ერთ-ერთი ყველაზე ძვირფასი ურთიერთობა ბებია-ბაბუასა და შვილიშვილებს შორის ურთიერთობაა. როგორ მოხდა, რომ ეს საერთოდ დამტკიცდა?“ - წერს ერთ-ერთი კომენტატორი. NYP-ის ცნობით, ვიდეო ამჟამად We-Consent-ის არცერთ პლატფორმაზე არ არის ხელმისაწვდომი.წყარო: snob.ru
მსოფლიო • 1792822020
საქართველოს ბანკის მხარდაჭერით, კონფერენცია eCommerce Georgia 2026 გაიმართება
საქართველოს ბანკის მხარდაჭერით, ელექტრონული კომერციის სფეროში ერთ-ერთი ყველაზე მასშტაბური ყოველწლიური კონფერენცია - eCommerce Georgia 2026 გაიმართება. eCommerce Georgia 2026-ს „იქომერს ასოციაცია საქართველო“ 2023 წლიდან ატარებს. კონფერენცია მიზნად ისახავს ელექტრონული კომერციის სფეროში ცოდნისა და გამოცდილების გაზიარებას, პროფესიული კავშირების გაძლიერებასა და ახალი პარტნიორობებისა და თანამშრომლობის შესაძლებლობების შექმნას.ღონისძიება ერთ სივრცეში გააერთიანებს ბიზნესის ლიდერებს, ტექნოლოგიური კომპანიების, საჯარო და კერძო სექტორის წარმომადგენლებს, ინვესტორებს, საერთაშორისო ორგანიზაციებსა და სხვადასხვა ინდუსტრიის ექსპერტებს. კონფერენციის ფარგლებში მონაწილეებს შესაძლებლობა ექნებათ, გაეცნონ ინდუსტრიის აქტუალურ ტენდენციებს, განიხილონ ელექტრონული კომერციის განვითარების შესაძლებლობები და იმსჯელონ სექტორის წინაშე არსებულ გამოწვევებზე.ღონისძიების გამომსვლელებს შორის არიან: დოდი მალაზონია - Bank of Georgia-ს იქომერს ექვაირინგის ხელმძღვანელი; მარიამ ჩახვაშვილი - Galt & Taggart-ის სექტორული კვლევების ჯგუფის უფროსი; მოჰამედ ბარდასტანი - Visa-ს მთავარი ეკონომისტი ცენტრალური და აღმოსავლეთ ევროპის, ახლო აღმოსავლეთისა და აფრიკის რეგიონში; ლუკა ხალაძე - WEB Features-ის დამფუძნებელი და აღმასრულებელი დირექტორი; თორნიკე გაბუნია - UGT Cloud-ის ბიზნეს განვითარების ხელმძღვანელი; ნინო ტომარაძე - Glovo საქართველოს სწრაფი კომერციის მიმართულების ხელმძღვანელი; დაზ აკბაროვი - Amazon Web Services-ის გადაწყვეტილებების არქიტექტორი; იასმინ მარიჩი - eComm-ის ბოსნია და ჰერცეგოვინის ელექტრონული კომერციის ასოციაციის პრეზიდენტი; არჯუნ სარკარი - Dubai Commercity-ის ციფრული ეკოსისტემებისა და პარტნიორული ურთიერთობების ვიცე-პრეზიდენტი; მაქსიმ მოროზოვი - Retailgrid-ის დამფუძნებელი და აღმასრულებელი დირექტორი; როზერინ ალპი - Inspark-ის გადაწყვეტილებების ინჟინერი eCommerce Georgia 2026-ის მთავარი თემები იქნება: საცალო ვაჭრობის მომავალი: ხელოვნური ინტელექტი, ომნიჩენელური და სოციალური კომერცია; ზრდის ინფრასტრუქტურა: ნდობა, გადახდები და ლოგისტიკა; ტრანსსასაზღვრო კომერცია: გლობალური ბაზრები და საერთაშორისო ვაჭრობა. “საქართველოს ბანკისთვის ბიზნესის განვითარებისა და ციფრული შესაძლებლობების გაძლიერების ხელშეწყობა ერთ-ერთი მნიშვნელოვანი მიმართულებაა. eCommerce Georgia 2026-ის მხარდაჭერით, ბანკი ხელს უწყობს ელექტრონული კომერციის ეკოსისტემის განვითარებას, სფეროს წარმომადგენლებს შორის ცოდნისა და გამოცდილების გაზიარებას და ახალი ბიზნესკავშირების ჩამოყალიბებას. სასიამოვნოა, რომ ღონისძიება წლიდან წლამდე უფრო და უფრო მასშტაბური ხდება და საინტერესო სპიკერებს აერთიანებს”, - აცხადებენ საქართველოს ბანკში.ღონისძიების გენერალური პარტნიორები: საქართველოს ბანკი ბიზნესი და Insparkინოვაციების პარტნიორი: Visaპარტნიორები: Web Features, UGT Clouds, Kiwi Post, Glovo, Creatio, Quickshipper, Retailgrid, Azfina, UNIEF, eComm Association in Bosnia and Herzegovina
ბიზნესი • 1792767600
მსოფლიო
სხვადასხვა
1792735251
როგორი ამინდია მოსალოდნელი დღეს საქართველოში23 ოქტომბერს ქუთაისში უნალექო ამინდი და +27 გრადუსია მოსალოდნელი, ღამით კი +16 გრადუსი იქნება. ოზურგეთშიც გამოიდარა. ჰაერის ტემპერატურა დღისით +25 გრადუსი იქნება, ღამით კი +16 გრადუსია ნავარაუდევი. ბათუმშიც უნალექო დღე იქნება. დღისით ჰაერი +24 გრადუსამდე გათბება, ღამით კი +12 გრადუსი დაფიქსირდება.მზიანი დღე იქნება ფოთშიც. დღისით +26 გრადუსი დაფიქსირდება, ღამით კი +16 გრადუსია მოსალოდნელი. ზუგდიდშიც გამოიდარა. დღისით +26 გრადუსი იქნება, ღამით კი +15 გრადუსია ნავარაუდევი. სოხუმში ჰაერის ტემპერატურა დღისით +24 გრადუსს მიაღწევს, ღამით კი +12 გრადუსი იქნება.მესტიაში უნალექო დღე და +18 გრადუსია მოსალოდნელი, ღამით კი +5 გრადუსი დაფიქსირდება. ამბროლაურში +23 გრადუსამდე გათბება, ღამით კი +8 გრადუსი დაფიქსირდება.ჭიათურაშიც მზიანი დღეა მოსალოდნელი. ჰაერის ტემპერატურა +25 გრადუსია მოსალოდნელი, ღამით კი +14 გრადუსი დაფიქსირდება. ახალციხეში დღისით +21 გრადუსია მოსალოდნელი, ღამის განმავლობაში კი ჰაერის ტემპერატურა +4 გრადუსამდე დაიწევს. იწვიმებს.ახალქალაქში ტემპერატურა დღისით +20, ღამით კი +10 დაფიქსირდება.ბორჯომში უნალექო დღეა, +21 იქნება დღისით, ღამით კი +7 გრადუსი დაფიქსირდება. მზიანი დღეა მოსალოდნელი ბაკურიანშიც, დღისით +16 გრადუსია მოსალოდნელი, ღამით +0 გრადუსი დაფიქსირდება.უნალექო დღეს ელოდებიან გორში, დღისით +22 გრადუსი, ღამის განმავლობაში კი +9 გრადუსი დაფიქსირდება. ცხინვალში ჰაერის ტემპერატურა +20 გრადუსი იქნება, ღამით კი +8 გრადუსი დაფიქსირდება. დღე უნალექოდ ჩაივლის.გუდაურშიც წვიმიანი ამინდია. დღის განმავლობაში +7 გრადუსი დაფიქსირდება, ღამით კი ჰაერის ტემპერატურა +1 გრადუსი იქნება. ომალოში დღისით, 11 ღამით კი 2 გრადუსი დაფიქსირდება და იწვიმებს.ლაგოდეხშიც წვიმიან დღეს ელოდებიან. ჰაერის ტემპერატურა დღის განმავლობაში +19 გრადუსი იქნება, ღამით კი +12 გრადუსი დაფიქსირდება. წვიმიანი დღე იქნება თელავში, +18 გრადუსი დაფიქსირდება, ღამით კი +13 გრადუსია ნავარაუდევი.ნალექი გურჯაანშიც იქნება. დღისით +19 გრადუსი, ღამით კი +12 გრადუსი დაფიქსირდება. სიღნაღშიც წვიმიანი დღეა მოსალოდნელი, დღისით +18 გრადუსია მოსალოდნელი, ღამით +11 გრადუსი დაფიქსირდება.რუსთავშიც წვიმიანი დღეა მოსალოდნელი, დღისით +21 გრადუსია მოსალოდნელი, ღამით კი +13 გრადუსი დაფიქსირდება.თბილისშიც ხანმოკლე წვიმას ელოდებიან. ჰაერის ტემპერატურა დღისით +20 გრადუსს მიაღწევს, ღამით კი +13 გრადუსი იქნება.
1792478040
უახლოესი დღეების ამინდის პროგნოზი20 ოქტომბრის ღამის საათებიდან აღმოსავლეთ, ხოლო 21 ოქტომბრიდან დასავლეთ საქართველოში, 22 ოქტომბრის დღის მეორე ნახევრამდე მოსალოდნელია დროგამოშვებით ნალექი, ქვეყნის ჩრდილო მთიან რაიონებში, ასევე შიდა ქართლის, ქვემო ქართლის და კახეთის რეგიონებში, ზოგან ძლიერი ინტენსივობით - ინფორმაციას გარემოს ეროვნული სააგენტო ავრცელებს.„შესაძლებელია ელჭექი და ქარის გაძლიერება. მოსალოდნელმა ძლიერმა ნალექებმა შესაძლებელია მდინარეებზე - ენგურზე, არაგვზე, ალაზანზე, იორსა და მათ შენაკადებზე წყლის დონეების მნიშვნელოვანი მატება და წყალმოვარდნები, გორაკ-ბორცვიან და მთიან ზონებში მეწყრული და ღვარცოფული პროცესების ჩასახვა-გააქტიურება, ხოლო ურბანულ ტერიტორიებზე ცალკეული მონაკვეთების დატბორვა გამოიწვიოს (საფრთხის დონე საშუალო)“–ნათქვამია ინფორმაციაში.
1792394940
ჭკვიანი საპარკინგე ინფრასტრუქტურა: როგორ ცვლის ტექნოლოგიები ურბანულ მობილობასა და ბიზნესის ეფექტიანობასთანამედროვე ქალაქებში ავტომობილების რაოდენობის დინამიურმა და უპრეცედენტო ზრდამ უძრავი ქონებისა და სატრანსპორტო სექტორის წინაშე სრულიად ახალი მასშტაბისა და სირთულის ლოგისტიკური გამოწვევები წამოჭრა. დღეს საპარკინგე სივრცე აღარ არის მხოლოდ ტერიტორია, სადაც მძღოლები ავტომობილებს დროებით ტოვებენ — ეს არის კრიტიკული ინფრასტრუქტურული კვანძი, რომლის გამართულ მუშაობაზეც პირდაპირ არის დამოკიდებული ობიექტის ოპერაციული ეფექტიანობა, უსაფრთხოება, ფინანსური მაჩვენებლები და ვიზიტორთა კმაყოფილება. ამ პირობებში, ინტელექტუალური პარკირების სისტემები იქცა მთავარ ინსტრუმენტად, რომელიც ურბანული ქაოსის მოწესრიგებასა და სატრანსპორტო ნაკადების ეფექტიან მართვას უზრუნველყოფს.ობიექტების აბსოლუტური უმრავლესობა, იქნება ეს მსხვილი სავაჭრო ცენტრები, საცხოვრებელი კომპლექსები, ბიზნეს ცენტრები თუ სამედიცინო დაწესებულებები, ყოველდღიურად აწყდება ერთსა და იმავე მწვავე პრობლემებს: შესასვლელებთან წარმოქმნილ ხანგრძლივ საცობებსა და რიგებს, არასანქცირებულ პარკირებას, თავისუფალი ადგილების გაურკვევლობას, ქაოსურ მოძრაობასა და ხელით კონტროლის დაბალ ეფექტიანობას. ტრადიციული მეთოდები, რომლებიც მხოლოდ დაცვის პერსონალის, დარაჯების ან მარტივი მექანიკური ბარიერების იმედზეა, თანამედროვე ინტენსიურ სატრანსპორტო ნაკადებს ვერ აუდიტებს. სწორედ ამ გამოწვევების საპასუხოდ, სულ უფრო მოთხოვნადი ხდება პარკინგის ავტომატიზაცია, რომელიც უზრუნველყოფს ნაკადების ციფრულ მართვასა და პროცესების სრულ ოპტიმიზაციას.ტერიტორიიდან ციფრულ ეკოსისტემამდე: რა არის ჭკვიანი პარკინგითანამედროვე გაგებით, საპარკინგე სივრცე წარმოადგენს მულტიფუნქციურ ციფრულ ეკოსისტემას, სადაც ერთმანეთთან ჰარმონიულად არის დაკავშირებული აპარატურული და პროგრამული გადაწყვეტილებები. ძველი, მექანიკური მეთოდებისგან განსხვავებით, ინტელექტუალური მიდგომა ადამიანურ ფაქტორს მინიმუმამდე ამცირებს და ყველა ძირითად საოპერაციო პროცესს ავტომატურ რეჟიმში გადაიყვანს. ინტეგრირებული პარკირების სისტემები იძლევა შესაძლებლობას, რომ მთელი ტერიტორია კონტროლდებოდეს ერთიანი, ცენტრალიზებული პლატფორმიდან.დღევანდელი ჭკვიანი საპარკინგე ინფრასტრუქტურა რამდენიმე ძირითად ტექნოლოგიურ კომპონენტს აერთიანებს: მაღალტექნოლოგიური ვიდეოკამერები: უზრუნველყოფს ტერიტორიისა და სექტორების უწყვეტ ვიზუალურ მონიტორინგსა და ვიდეოჩანაწერის წარმოებას. ავტომობილის ნომრის ამოცნობა: სპეციალური პროგრამული ალგორითმები, რომლებიც ნებისმიერ კლიმატურ პირობებსა თუ განათებაში მყისიერად კითხულობენ სახელმწიფო სანომრე ნიშანს. ავტომატური შლაგბაუმი: სწრაფი რეაგირების მექანიზმები, რომლებიც უზრუნველყოფენ დაშვების ფიზიკურ კონტროლს. ულტრაბგერითი და ოპტიკური სენსორები: ახორციელებენ თავისუფალი ადგილების კონტროლს და აწვდიან რეალურ მონაცემებს მძღოლებსა თუ ადმინისტრაციას. გადახდის ტერმინალები: უზრუნველყოფენ გადახდის ავტომატიზაციას საბანკო ბარათებით, QR-კოდებით ან მობილური აპლიკაციებით. ცენტრალიზებული დაშვების კონტროლი: განსაზღვრავს და მართავს ავტომობილების უფლებამოსილებებს, კატეგორიებსა და დაყოვნების დროს. ანალიტიკური პროგრამული უზრუნველყოფა: აგროვებს მონაცემებს, აწარმოებს დეტალურ სტატისტიკას და უზრუნველყოფს პარკინგის მართვას რეალურ დროში. როდესაც ეს კომპონენტები ერთიანად და შეუფერხებლად ფუნქციონირებს, მთელი ობიექტის მართვა ხდება მაქსიმალურად მოქნილი, საიმედო და გამჭვირვალე.როგორ მუშაობს პარკინგის მართვისა და კონტროლის სისტემაავტომატიზებული ინფრასტრუქტურის მთავარი ღირსება მომხმარებლისთვის შეუმჩნეველი, სწრაფი და სტრესისგან თავისუფალი მომსახურებაა. პროცესი იმდენად ოპტიმიზებულია, რომ მძღოლს პრაქტიკულად არ უწევს ზედმეტი მოქმედებების შესრულება ან ავტომობილიდან გადმოსვლა.როდესაც ავტომობილი უახლოვდება ობიექტის შესასვლელ ზონას, სპეციალური ნომრის ამომცნობი კამერა წამებში აფიქსირებს სანომრე ნიშანს და მონაცემებს გადასცემს ცენტრალურ სერვერს. თუ ავტომობილი რეგისტრირებულია სისტემაში ან ტერიტორია ღიაა ვიზიტორებისთვის, მყისიერად იღება ავტომატური შლაგბაუმი.შიდა ტერიტორიაზე შესვლისთანავე, სისტემა აფიქსირებს ზუსტ დროს და იწყებს ტარიფიკაციას (თუ საუბარია კომერციულ ფასიან ზონაზე). საინფორმაციო ტაბლოები და ინდიკატორები მძღოლს ეხმარება, სწრაფად იპოვოს თავისუფალი ადგილი, რაც გამორიცხავს უაზრო მოძრაობასა და საცობებს შიდა პერიმეტრზე. ობიექტიდან გასვლისას, გადახდის ავტომატიზაცია უზრუნველყოფს სწრაფ ანგარიშსწორებას, რის შემდეგაც გასასვლელი ბარიერი ავტომატურად იხსნება. სწორედ ასე ფუნქციონირებს ინტელექტუალური პარკინგის მართვისა და კონტროლის სისტემა, რომელიც სრულად გამორიცხავს ხელით ოპერაციებსა და შესასვლელებთან რიგებს.ANPR ტექნოლოგია: ავტომობილის ნომრის ამოცნობა და უსაფრთხოებათანამედროვე ავტომატიზაციის ინტელექტუალურ ბირთვს წარმოადგენს ANPR (Automatic Number Plate Recognition) ტექნოლოგია, რომელიც საგრძნობლად მაღალ საფეხურზე წევს ობიექტის უსაფრთხოებასა და გადაადგილების კომფორტს.ამ ტექნოლოგიის დანერგვით მიღწეული ძირითადი უპირატესობებია: უპასპორტო და უბარათო დაშვება: მძღოლს არ სჭირდება ავტომობილის ფანჯრის ჩამოწევა, პლასტიკური ბარათის გამოყენება ან ქაღალდის ბილეთის აღება, რაც საგრძნობლად ზრდის ტრანსპორტის გამტარუნარიანობას. მუდმივი და დროებითი სიების მართვა: შესაძლებელია „თეთრი სიის“ (whitelist) შექმნა ბინათმესაკუთრეებისთვის, მობინადრეებისთვის ან თანამშრომლებისთვის, ხოლო „შავი სიის“ (blacklist) მეშვეობით – არასასურველი და უფლებამოსილების არმქონე ტრანსპორტის მყისიერი დაბლოკვა. დროებითი ვიზიტორების მოქნილი კონტროლი: სტუმრებს შეუძლიათ ისარგებლონ წინასწარ გაგზავნილი QR-კოდით, დროებითი დაშვების უფლებით ან ერთჯერადი ბილეთით. დეტალური ისტორია და მონიტორინგი: მონაცემთა ბაზაში უვადოდ ინახება თითოეული ავტომობილის შესვლისა და გასვლის ზუსტი დრო, ფოტომასალასთან და ვიდეოჩანაწერთან ერთად, რაც მნიშვნელოვნად ზრდის პარკირების უსაფრთხოებას. ეს მრავალფუნქციური შესაძლებლობები უზრუნველყოფს, რომ პარკინგის კონტროლი იყოს სრულიად დაცული, გამჭვირვალე და ეფექტიანი.საპარკინგე ტექნოლოგიების გამოყენების სფეროებიავტომატიზებული გადაწყვეტილებები დღეს გამოიყენება პრაქტიკულად ყველა ტიპის კომერციულ, საჯარო თუ საცხოვრებელ ინფრასტრუქტურაში, სადაც ტრანსპორტის ინტენსიური მოძრაობაა: სავაჭრო და გასართობი ცენტრები: მაღალი გამტარუნარიანობა, სწრაფი როტაცია და მარტივი ანგარიშსწორება პირდაპირ აისახება მომხმარებელთა კმაყოფილებასა და სავაჭრო ობიექტის ფინანსურ ბრუნვაზე. ბიზნეს ცენტრები და საოფისე შენობები: საშუალებას იძლევა მკაცრად გაიმიჯნოს თანამშრომელთა და ვიზიტორთა საპარკინგე ზონები და დაცული იყოს გამოყოფილი ადგილები. თანამედროვე პარკირების სისტემები ეხმარება კომპანიებს, ეფექტიანად გაანაწილონ ლიმიტირებული ადგილები თანამშრომლებსა და პარტნიორებზე. საცხოვრებელი კომპლექსები: უზრუნველყოფს ეზოებისა და მიწისქვეშა ავტოსადგომების დაცვას უცხო ავტომობილებისგან, რაც გარანტირებულ ადგილებს უტოვებს მაცხოვრებლებს. სასტუმროები და სამედიცინო დაწესებულებები: უზრუნველყოფს პაციენტების, ვიზიტორებისა და სტუმრებისთვის მშვიდ, ორგანიზებულ და სტრესისგან თავისუფალ გარემოს. აეროპორტები, სადგურები და სპორტული არენები: მასშტაბური ნაკადების პირობებში, ავტომატიზებული ტარიფიკაცია და კონტროლი ერთადერთი საშუალებაა ქაოსისა და საცობების თავიდან ასაცილებლად. ასევე, ინტელექტუალური ტექნოლოგიები ფართოდ გამოიყენება უნივერსიტეტებში, კერძო საწარმოო ტერიტორიებსა და მუნიციპალურ თუ კომერციულ ფასიან პარკინგებზე.ბიზნეს სარგებელი: შემოსავლების ოპტიმიზაცია და საოპერაციო ეფექტიანობაობიექტის მფლობელებისა და მმართველებისთვის საპარკინგე სივრცის ავტომატიზაცია პირდაპირ უკავშირდება ფინანსურ სარგებელსა და საოპერაციო ხარჯების მნიშვნელოვან შემცირებას. ინტელექტუალური პარკირების სისტემები ბიზნესს აძლევს სრულ ინსტრუმენტარიუმს ფინანსური ნაკადების გამჭვირვალობისთვის.პირველ რიგში, ციფრული აღრიცხვა სრულად გამორიცხავს ფინანსურ გაჟონვას. ვინაიდან ყველა ტრანზაქცია, დაყოვნების დრო და ტარიფიკაცია პროგრამულად კონტროლდება, გამორიცხულია ადამიანური შეცდომები, არასანქცირებული ფასდაკლებები ან სხვა სახის ბოროტად გამოყენება. გარდა ამისა, საგრძნობლად მცირდება მომსახურე პერსონალის საჭიროება, რაც საოპერაციო ხარჯებს მინიმუმამდე დაჰყავს.ანალიტიკური მოდული ადმინისტრაციას აძლევს შესაძლებლობას, სიღრმისეულად შეისწავლოს პარკინგის დატვირთულობის დინამიკა, გამოავლინოს პიკური საათები და დააწესოს მოქნილი, სეგმენტირებული ტარიფები. ამ გზით, თანამედროვე პარკინგის მართვისა და კონტროლის სისტემა ხდება არა მხოლოდ წესრიგის დამყარების ინსტრუმენტი, არამედ შემოსავლის გენერირებისა და ბიზნესის გაფართოების ეფექტიანი საშუალება.სწორი პარკირების სისტემები და ინდივიდუალური არქიტექტურატექნოლოგიური გადაწყვეტილების შერჩევისას უმნიშვნელოვანესია ობიექტის ინდივიდუალური არქიტექტურული და ლოგისტიკური სპეციფიკის გათვალისწინება. არ არსებობს უნივერსალური შაბლონი, რომელიც თანაბრად მოერგება როგორც მცირე საცხოვრებელ კორპუსს, ისე მრავალდონიან სავაჭრო კომპლექსს.პროექტირებისას ყურადღება უნდა მიექცეს ისეთ პარამეტრებს, როგორებიცაა შესასვლელ-გასასვლელების რაოდენობა, ტრანსპორტის პიკური ნაკადი, ტარიფიკაციის მოდელი, მომხმარებელთა ტიპები და გადახდის მეთოდები. ასევე კრიტიკულია არჩეული ტექნოლოგიის ინტეგრაციის უნარი შენობის უსაფრთხოებისა და მართვის სხვა სისტემებთან (BMS, CCTV, დაშვების სისტემები). სწორედ ამიტომ, ბაზარზე არსებული პროფესიონალური პარკირების სისტემები იძლევიან საშუალებას, შეიქმნას კონკრეტული ობიექტის საჭიროებებზე ზუსტად მორგებული არქიტექტურა. სწორად შერჩეული აღჭურვილობა და პროგრამული უზრუნველყოფა უზრუნველყოფს ინვესტიციის სწრაფ უკუგებასა და ხანგრძლივ, შეუფერხებელ ექსპლუატაციას.მომხმარებლის გამოცდილება და ბრენდის რეპუტაციადღეს მომხმარებელი განსაკუთრებულ მნიშვნელობას ანიჭებს დროსა და პირად კომფორტს. ობიექტზე მისვლისას გამართული, თანამედროვე საპარკინგე ინფრასტრუქტურის დახვედრა ქმნის პოზიტიურ პირველ შთაბეჭდილებას, რაც პირდაპირ აისახება ბრენდის რეპუტაციასა და იმიჯზე.როდესაც პროცესი მარტივი და შეუფერხებელია – მძღოლი სწრაფად შედის ტერიტორიაზე, უპრობლემოდ პოულობს ადგილს და აჩერებს ავტომობილს, მოსახერხებლად იხდის და დაბრკოლების გარეშე ტოვებს პერიმეტრს – მომხმარებლის კმაყოფილების დონე მაღალია. ეს იწვევს ლოიალობის ზრდას და განაპირობებს განმეორებით ვიზიტებს, რაც ნებისმიერი კომერციული ობიექტისთვის გადამწყვეტი ფაქტორია.ინტეგრაცია და მომავლის პერსპექტივებითანამედროვე ურბანისტიკა ვითარდება "ჭკვიანი ქალაქის" (Smart City) კონცეფციის გარშემო, სადაც სატრანსპორტო ინფრასტრუქტურის ყველა ელემენტი ერთიან ციფრულ ქსელშია გაერთიანებული. ინოვაციური პარკირების სისტემები მარტივად ინტეგრირდება ნავიგაციურ აპლიკაციებთან, ელექტრომობილების დამტენ სადგურებსა და ქალაქის მობილობის პლატფორმებთან.მომავალში კიდევ უფრო გაიზრდება ხელოვნური ინტელექტისა (AI) და მანქანური სწავლების როლი, რაც საშუალებას მისცემს სისტემებს, წინასწარ იწინასწარმეტყველონ დატვირთვის პიკური პერიოდები, ავტომატურად დაარეგულირონ ტარიფები და ოპტიმალურად გაანაწილონ ნაკადები. ასეთი მიდგომა უზრუნველყოფს ობიექტის ხანგრძლივ მდგრადობასა და ტექნოლოგიურ მზადყოფნას.დასკვნაურბანული გარემოსა და ბიზნეს სექტორის დინამიურ განვითარებასთან ერთად, საპარკინგე სივრცეების მართვა სულ უფრო კომპლექსურ და პასუხისმგებლიან ამოცანად ყალიბდება. ძველი, მექანიკური და ხელით მართვის მეთოდები ვეღარ აკმაყოფილებს თანამედროვე უსაფრთხოებისა და სიჩქარის მაღალ სტანდარტებს, რის გამოც ციფრულ გადაწყვეტილებებზე გადასვლა გარდაუვალი აუცილებლობა ხდება.პარკირების ავტომატიზაცია წარმოადგენს გრძელვადიან ინვესტიციას ობიექტის უსაფრთხოებაში, საოპერაციო ეფექტიანობასა და მომხმარებლის კმაყოფილებაში. სწორად დაპროექტებული და დანერგილი პარკინგის მართვა ქმნის მოწესრიგებულ, უსაფრთხო და მაღალტექნოლოგიურ გარემოს, რომელიც სრულად პასუხობს თანამედროვე ურბანული მობილობის მოთხოვნებს.
1792126991
როგორი ამინდია მოსალოდნელი 16 ოქტომბერს საქართველოში16 ოქტომბერს ქუთაისში წვიმიან ამინდს ელოდებიან, დღისით +25 და ღამით +16 გრადუსია მოსალოდნელი.ნალექს ოზურგეთშიც ელოდებიან, დღისით +24 გრადუსი დაფიქსირდება, ღამით კი +15 გრადუსი იქნება. ბათუმშიც იწვიმებს დღისით ჰაერი +22 გრადუსამდე გათბება, ხოლო ღამით +17 გრადუსი დაფიქსირდება.ნალექიანი ამინდია ფოთშიც. დღისით +23 გრადუსი დაფიქსირდება, ღამით კი +18 გრადუსია მოსალოდნელი. ნალექი ზუგდიდშიც იქნება, დღისით ტემპერატურა +24, ღამით კი +15 გრადუსია ნავარაუდევი.სოხუმშიც წვიმიანი დღეა. +22 გრადუსია მოსალოდნელი დღისით, ღამით +16 გრადუსი დაფიქსირდება.მესტიაში წვიმს. დღისით +17 გრადუსი იქნება, ღამით კი 7 გრადუსი დაფიქსირდება. ამბროლაურშიც ნალექიანი ამინდია. დღისით ჰაერი +24 გრადუსამდე გათბება, ღამით კი +12 გრადუსი დაფიქსირდება.ჭიათურაში წვიმიანი ამინდია, დღისით +23 გრადუსი, ღამით კი +14 გრადუსი დაფიქსირდება. ახალციხეშიც წვიმიანი დღეა, დღისით +25 გრადუსი, ღამით კი +10 გრადუსი იქნება.ნალექს ახალქალაქშიც ელოდებიან. ტემპერატურა დღისით +21, ღამით კი +8 დაფიქსირდება.ბორჯომში ნალექიანი დღეა, +24 იქნება დღისით, ღამით კი +12 გრადუსი დაფიქსირდება. წვიმიანი დღეა მოსალოდნელი ბაკურიანშიც, დღისით +22 გრადუსია მოსალოდნელი, ღამით +7 გრადუსი დაფიქსირდება.წვიმიან დღეს ელოდებიან გორში, დღისით +25 გრადუსი, ღამის განმავლობაში კი +12 გრადუსი დაფიქსირდება. ცხინვალში ჰაერის ტემპერატურა +24 გრადუსი იქნება, ღამით კი +11 გრადუსი დაფიქსირდება და იქნება წვიმა.გუდაურშიც წვიმიანი ამინდია. დღის განმავლობაში +13 გრადუსი დაფიქსირდება, ღამით კი ჰაერის ტემპერატურა 6 გრადუსი იქნება. ომალოში დღისით, 16 ღამით კი 7 გრადუსი დაფიქსირდება და იწვიმებს.ლაგოდეხშიც წვიმიან დღეს ელოდებიან. ჰაერის ტემპერატურა დღის განმავლობაში +27 გრადუსი იქნება, ღამით კი +17 გრადუსი დაფიქსირდება. წვიმიანი დღე იქნება თელავში, +26 გრადუსი დაფიქსირდება, ღამით კი +16 გრადუსია ნავარაუდევი.ნალექი გურჯაანშიც იქნება. დღისით +26 გრადუსი, ღამით კი +16 გრადუსი დაფიქსირდება. სიღნაღშიც წვიმიანი დღეა მოსალოდნელი, დღისით +24 გრადუსია მოსალოდნელი, ღამით +15 გრადუსი დაფიქსირდება.რუსთავშიც წვიმიანი დღეა მოსალოდნელი, დღისით +26 გრადუსია მოსალოდნელი, ღამით კი +16 გრადუსი დაფიქსირდება.თბილისშიც ხანმოკლე წვიმას ელოდებიან. ჰაერის ტემპერატურა დღისით +27 გრადუსს მიაღწევს, ღამით კი +17 გრადუსი იქნება.
1792040659
როგორი ამინდია მოსალოდნელი 15 ოქტომბერს საქართველოში15 ოქტომბერს ქუთაისში მზიანი დღე იქნება, დღისით +29 და ღამით +17 გრადუსი დაფიქსირდება.მზიანი ამინდი იქნება ოზურგეთშიც. დღისით +29 გრადუსი დაფიქსირდება, ღამით კი +18 გრადუსი იქნება.ბათუმშიც მზიანი დღეა მოსალოდნელი, დღისით ჰაერი +28 გრადუსამდე გათბება, ხოლო ღამით +18 გრადუსი დაფიქსირდება.მზეა ფოთშიც. დღისით +29 გრადუსი დაფიქსირდება, ღამით კი +18 გრადუსია მოსალოდნელი.ზუგდიდშიც უნალექო ამინდია, ჰაერის ტემპერატურა დღისით +29, ღამით კი +17 გრადუსი იქნება.სოხუმში უნალექო დღეა მოსალოდნელი, +28 გრადუსია მოსალოდნელი დღისით, ღამით +17 გრადუსი დაფიქსირდება.მესტიაში მზიანი დღეა, დღისით +20 გრადუსი იქნება, ღამით კი +10 გრადუსი დაფიქსირდება. ლენტეხში დღისით +20 გრადუსი იქნება, ღამით კი +8 გრადუსი დაფიქსირდება.ამბროლაურშიც უნალექო ამინდს ელოდებიან. ჰაერი +25 გრადუსამდე გათბება, ღამით კი +13 გრადუსი დაფიქსირდება.ჭიათურაშიც მზეა. დღისით +26 გრადუსი, ღამით კი +17 გრადუსი დაფიქსირდება.ახალციხეში წვიმაა მოსალოდნელი, დღისით +23 გრადუსი, ღამით კი +10 გრადუსი იქნება.ახალქალაქშიც მცირე ნალექია, დღისით +21 გრადუსი, ღამით კი +8 იქნება.ბორჯომშიც იწვიმებს დღეა მოსალოდნელი, +23 იქნება დღისით, ღამით კი +13 გრადუსი დაფიქსირდება.მცირე წვიმაა მოსალოდნელი ბაკურიანში, დღისით +20 გრადუსია მოსალოდნელი, ღამით +6 გრადუსი დაფიქსირდება.ნალექიან ამინდს ელოდებიან გორში, დღისით +26 გრადუსი, ღამის განმავლობაში კი +14 გრადუსი დაფიქსირდება.ცხინვალშიც იწვიმებს, ჰაერის ტემპერატურა +25 გრადუსი იქნება, ღამით კი +13 გრადუსი დაფიქსირდება.გუდაურშიც მცირე წვიმაა მოსალოდნელი, დღის განმავლობაში +13 გრადუსი დაფიქსირდება, ღამით კი ჰაერის ტემპერატურა +6 გრადუსი იქნება.ომალოშიც გაწვიმდება. დღისით +16 ღამით კი +7 გრადუსი დაფიქსირდება.ლაგოდეხშიც მცირე წვიმა იქნება, ჰაერის ტემპერატურა დღის განმავლობაში +25 გრადუსი იქნება, ღამით კი +17 გრადუსი დაფიქსირდება.თელავშიც წვიმაა ნავარაუდევი. დღისით +24 გრადუსი დაფიქსირდება, ღამით კი +17 გრადუსი იქნება.წვიმიანი დღეა გურჯაანშიც, დღისით +24 გრადუსი, ღამით კი +17 გრადუსი დაფიქსირდება.სიღნაღშიც იწვიმებს. დღისით +23 გრადუსია მოსალოდნელი, ღამით +16 გრადუსი დაფიქსირდება.რუსთავში მცირე ნალექია მოსალოდნელი. დღისით +25 გრადუსია მოსალოდნელი, ღამით კი +16 გრადუსი დაფიქსირდება.თბილისშიც ნალექს ელოდებიან. ჰაერის ტემპერატურა დღისით +24 გრადუსს მიაღწევს, ღამით კი +16 გრადუსი იქნება.
