კომპანია e-Consul-ის ინფორმაციით, მწვანე ბარათის (Green Card) გათამაშებაში გამარჯვებულები აშშ-ში სტატუსის მიღების პროცესი ჩერდება. ეს ეხება იმ ადამიანებს, რომლებიც აშშ-ში სხვადასხვა სტატუსით შევიდნენ (ტურისტული, სტუდენტური, არალეგალური და ა.შ.) იქ მოიგეს მწვანე ბარათი და უნდათ სტატუსის ცვლილება.„მნიშვნელოვანი სიახლე მათთვის, ვინც აშშ-ში იმყოფება და მუდმივი ბინადრობის უფლების მიღებას მწვანე ბარათის ლატარიაში გამარჯვების საფუძველზე ელოდება:USCIS-ის ახალი მემორანდუმის თანახმად, დაუყოვნებლივ შეჩერდა ყველა მიმდინარე განაცხადის განხილვა. მემორანდუმი ავალდებულებს USCIS-ის პერსონალს, დაუყოვნებლივ შეაჩერონ სტატუსის შეცვლის (Adjustment of Status) ყველა მიმდინარე განაცხადის განხილვა იმ უცხოელებისთვის, რომლებიც ითხოვენ მუდმივი ბინადრობის უფლებას Green Card-ის გათამაშების საფუძველზე.არსებული ცვლილება შეეხება არა მხოლოდ მწვანე ბარათის განმცხადებლებს, არამედ მათთან დაკავშირებულ ფორმებსაც, როგორიცაა: ფორმა I-485: მუდმივი ბინადრობის რეგისტრაცია ან სტატუსის შეცვლა; ფორმა I-765: დასაქმების ნებართვა; ფორმა I-131: სამგზავრო დოკუმენტები (Advance Parole); ფორმები I-601 და I-212: სხვადასხვა სახის დაუშვებლობის მოხსნის განაცხადები. ფორმა I-824: დამტკიცებულ პეტიციაზე USCIS-ის ჩარევა. ეს შეზღუდვა ვრცელდება როგორც ძირითად აპლიკანტებზე, ისე მათ მეუღლეებსა და შვილებზე. მემორანდუმში წერია, რომ ყველა აპლიკანტმა უნდა გაიაროს საფუძვლიანი შემოწმება, რაც მოიცავს სავალდებულო გასაუბრებას (და საჭიროების შემთხვევაში განმეორებით გასაუბრებას). შემოწმებისას განსაკუთრებული ყურადღება ექცევა: არის თუ არა პირი ტერორისტთა მონიტორინგის სიაში; აქვს თუ არა კავშირი კრიმინალურ ან ტერორისტულ საქმიანობასთან; შეუძლია თუ არა პირს საკუთარი ვინაობის დადასტურება. მემორანდუმის თანახმად, გადაწყვეტილების მიზანია ეროვნული უსაფრთხოების დაცვა“, - წერია ინფორმაციაში.

დასავლეთ საქართველოში  -  დროგამოშვებით ღრუბლიანობის მომატება.  უმეტეს რაიონში წვიმა,  მთაში თოვლი, დღისით ზოგან შესაძლებელია ძლიერი. ღამით აღმოსავლეთის, დღისით დასავლეთის ქარი 10-15 მ/წმ, სანაპირო რაიონებში დღის ბოლოს ზოგან შესაძლებელია ძლიერი 17-22 მ/წმ. ჰაერის ტემპერატურა: დაბლობში ღამით +2, +7°, დღისით +5, +10°; მთაში ღამით -3, +2°, დღისით +1, +6°; მაღალმთაში ღამით -9, -4°, დღისით  -4, +1°.აღმოსავლეთ საქართველოში - დროგამოშვებით ღრუბლიანობის მომატება. ზოგან ნალექი, ღამით  უმეტესად თოვლის სახით, შესაძლებელია ნისლი.  ცვალებადი მიმართულების ქარი 8-13 მ/წმ. ჰაერის ტემპერატურა: ბარში ღამით -4, +1°, დღისით +4, +9°; მთაში ღამით -7, -2°, დღისით +1, +6°; მაღალმთაში ღამით -11, -6°,  დღისით -6, -1°, ზოგან +2°-მდე. 

აშშ დოლარის ოფიციალური ღირებულება 2.6959 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6959 ლარი გახდა. კურსი, რომელიც დღეს მოქმედებდა, 2.6966 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0007 ლარი შეადგინა.რაც შეეხება ევროს, მისი კურსი 3.1747 ლარია. მაშინ, როცა დღეს მოქმედი კურსი 3.1777 ლარს შეადგენდა. შესაბამისად, ევროს ცვლილება 0.0030 ლარი შეადგინა.

საქართველოში ყველაზე მასშტაბური, ევერესტის მათემატიკის ოლიმპიადის გამარჯვებულები 28 დეკემბერს დაჯილდოვდებიან. პროექტის გენერალური სპონსორია საქართველოს ბანკი.წელს ევერესტის მათემატიკის ოლიმპიადაზე 15 000-ზე მეტი მონაწილე დარეგისტრირდა, ტესტი კი II, III, IV, V და VI კლასის 12 000-ზე მეტმა მოსწავლემ წერა.დაჯილდოების ცერემონია 28 დეკემბერს, 13:00 საათზე, საქართველოს ეროვნულ უნივერსიტეტში (SEU) გაიმართება, სადაც ევერესტის მათემატიკის ოლიმპიადის სამტურიანი და ოქროს ტურის გამარჯვებულები დაჯილდოვდებიან.ოლიმპიადის მონაწილეები მიიღებენ სერტიფიკატებს, გამარჯვებულებს კი გადაეცემათ სპეციალური პრიზი საქართველოს ბანკისგან. ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge 

საქართველოში ბიზნესების მდგრადი განვითარების მხარდაჭერის მიზნით, საქართველოს ბანკის და  Finance in Motion-ის თანამშრომლობით „მწვანე დაფინანსების რალი“ გაიმართა.ინიციატივაში საქართველოს ბანკის მცირე და საშუალო ბიზნესებისა და კორპორატიული მიმართულების ბანკირები მონაწილეობდნენ. მათი მიზანი ბიზნესებისთვის მწვანე ინიციატივების განხორციელებაში მხარდაჭერა და შესაბამისი მწვანე დაფინანსების დაიდენტიფიცირება იყო.მწვანე დაფინანსების რალის ფარგლებში გამოვლინდა 4 გამარჯვებული, რომელთაც საჩუქრად გადაეცათ Climate and Renewable Energy finance-ის კურსი ევროპის ერთ-ერთ წამყვან ბიზნეს სკოლაში - Frankfurt School of Finance and Management-ში.ამასთან, დამატებით სამი კორპორატიული ბანკირი განახლებადი ენერგიის მიმართულებიდან გაემგზავრება ტრენინგებზე ფრანკფურტის ფინანსებისა და მენეჯმენტის სკოლაში. ინფორმაციისთვის, რალიში მონაწილეობას იღებდნენ მცირე და საშუალო და კორპორატიული მიმართულებების სხვადასხვა სექტორის ბანკირები, გარდა განახლებადი ენერგიის მიმართულებისა.„მოხარული ვართ, რომ ვთანამშრომლობთ საქართველოს ბანკთან აღნიშნული ინიციატივის ფარგლებში, რომელიც აძლიერებს ბანკის შესაძლებლობებს მწვანე დაფინანსების მიმართულებით და ხელს უწყობს მდგრადი დაკრედიტების პრაქტიკას. ბანკირების მოტივაციისა და პროფესიული განვითარების მხარდაჭერით, ვქმნით გრძელვადიან დადებით გავლენას ბიზნესსა და გარემოზე საქართველოში”, - ივანე ლექვთაძე, საქართველოში Finance in Motion-ის წარმომადგენლობითი ორგანოს ხელმძღვანელი.„მწვანე დაფინანსების რალის მიზანია, ხელი შეუწყოს ჩვენს ბანკირებში მწვანე დაფინანსების შესახებ ცნობიერების ზრდასა და პარტნიორი ბიზნესების მიერ მწვანე დაფინანსების მიღებას, რაც გრძელვადიან პერიოდში მდგრადი ბიზნეს-პრაქტიკების ჩამოყალიბებას განაპირობებს. ინიციატივის ფარგლებში, ჩვენს ბანკირებთან მჭიდრო თანამშრომლობით მოვახდინეთ ისეთი პროექტების იდენტიფიცირება, რომლებიც სრულად შეესაბამება სებ-ის მწვანე ტაქსონომიის კრიტერიუმებს. ვიმედოვნებთ, რომ ეს პროექტი ხელს შეუწყობს მწვანე დაფინანსების მიმართ ინტერესის კიდევ უფრო მეტად ზრდას,” - აღნიშნავს ნინო თავაძე, საქართველოს ბანკის მწვანე და კლიმატის დაფინანსების პორტფელის მენეჯერი.„საქართველოს ბანკისთვის მდგრადი განვითარება ჩვენი ბიზნესმოდელის განუყოფელი ნაწილია. „მწვანე დაფინანსების რალი“ არის პრაქტიკული მაგალითი იმისა, როგორ ვაძლიერებთ ბანკირების კომპეტენციებს, ვზრდით მწვანე დაფინანსების ხარისხს და ვუჭერთ მხარს ბიზნესებს კლიმატგონივრული და ენერგოეფექტური გადაწყვეტილებების დანერგვაში. მსგავსი ინიციატივები გვაძლევს საშუალებას, სისტემურად გავზარდოთ მწვანე დაფინანსების პორტფელი და შევქმნათ გრძელვადიანი დადებითი გავლენა ეკონომიკასა და გარემოზე,“ - აღნიშნავს ანა ოსაძე, საქართველოს ბანკის ESG და მდგრადობის მიმართულების ხელმძღვანელიFinance in Motion ინიციატივაში ჩართული იყო Green for Growth Fund-ის ტექნიკური დახმარების პროგრამის მეშვეობით. ინფორმაციისთვის, Green for Growth Fund (ფონდი მწვანე ზრდისთვის) წარმოადგენს ევროკავშირის, კერძოდ, ევროკომისიის სამეზობლო პოლიტიკის სპეციალურ ფინანსურ ინსტრუმენტს, რომლის მიზანია, პარტნიორი ორგანიზაციების დაფინანსებისა და ტექნიკური დახმარების მიწოდებით, ხელი შეუწყოს პარტნიორ ქვეყნებში ენერგო რესურსების დაზოგვას, CO₂-ის ემისიის შემცირებასა და რესურსების ეფექტიანობის გაუმჯობესებას.

„დღგ-ის ბრალი კი არ არის ფასების ზრდა, არამედ „ოცნების” ხელისუფლების - დღგ-ზე აქცენტის გადატანა ამცირებს ხელისუფლების ბრალეულობას“, - ამის შესახებ ეროვნული ბანკის ყოფილი პრეზიდენტი, რომან გოცირიძე სოციალურ ქსელში წერს.„ბიზნესპრესნიუსი“ რომან გოცირიძის პოსტს უცვლელად გთავაზობთ:„არასწორად ვუდგებით ფასების ზრდის მიზეზებს და ასევე არასწორ გამოსავალს ვთავაზობთ. თითქოს სურსათის ფასების ზრდის მიზეზი დამატებული ღირებულების გადასახადია და მისი შემცირება შეამცირებს ფასებს, არასწორია. დღგ-ს განაკვეთი ოც წელიწადზე მეტია უცვლელია, მაგრამ ფასები სურსათზე ორჯერ და უფრო მეტად გაიზარდა.განსაკუთრებით არასწორია ფასების სიდიდეს შორის განსხვავების ახსნა იმით, რომ ევროპის სუპერმარკეტებში დღგ უფრო დაბალია, ვიდრე ჩვენთან.ევროპაში ბიზნესზე საგადასახადო ტვირთი არის მნიშვნელოვნად მძიმე, ვიდრე საქართველოში. ევროპის სუპერმარკეტები იხდიან მოგების მაღალ გადასახადს, ჩვენთან კი თუ არ გაიტან, გადასახადი ნულოვანიც კი შეიძლება იყოს. დიდია იქ ქონების გადასახადიც. რაც მთავარია, ევროპის ქვეყნებში ხელფასის ფონდი წარმოუდგენლად დიდი ოდენობით იბეგრება, იგი 50 პროცენტსაც კი აღწევს, ზოგ ქვეყანაში უფრო მეტიცაა. საქართველოში ხელფასი მხოლოდ 20 პროცენტით იბეგრება, ვინც საპენსიო სქემაშია, დამატებით 2 პროცენტს უხდის.ევროპის სუპერმარკეტებში დასაქმებულთა ხელფასის თითქმის ნახევარი მიდის ბიუჯეტში ან სოციალურ ფონდებში. ეს უფრო მძიმე წნეხია ბიზნესზე, ვიდრე შედარებით ნაკლები დღგ. საქართველოში დამსაქმებლის სოციალური შენატანი არის ნული(თუ არ ჩავთვლით საპენსიო სქემაში მონაწილეებს), ევროპაში კი 20-30 პროცენტია. დასაქმებულიც ერთ ამდენს იხდის.მოკლედ, საქართველოში ბიზნესი, მათ შორის ქსელური თუ არაქსელური ვაჭრობის სფეროში, გაცილებით შეღავათიანად იბეგრება, ვიდრე ევროპაში. ფასების ზრდის მიზეზი არაა გადასახადები. ჩვენზე დაბალი გადასახადები არა თუ ევროპაში, არამედ რეგიონში არავის აქვს.როცა არასწორ არგუმენტებს ვიყენებთ, ეს ხელს აძლევს ხელისუფლებას და საზოგადოების თვალში უფრო კომპეტენტურად წარმოჩენის შესაძლებლობას ვაძლევთ.დღგ-ბრალი კი არ არის ფასების ზრდა, არამედ “ოცნების” ხელისუფლების. დღგ-ზე აქცენტის გადატანა ამცირებს ხელისუფლების ბრალეულობას.ქვემოთ, ნახეთ თუ რამდენით იბეგრება ხელფასის ფონდი ევროკავშირის ქვეყნებში. ძარცვაა ფაქტობრივად. ასე იყო ჩვენთანაც “ვარდების რევოლუციამდე”. ის რაც ახლა გვაქვს, სწორედ მაშინ შეიქმნა და არ ვიქნები ზედმეტად თავმდაბალი და ვიტყვი, რომ ჩემი წვლილი ამაში საკმაოდ დიდია“, - წერს რომან გოცირიძე.შეგახსენებთ, 24 დეკემბერს, პრემიერ-მინისტრმა ირაკლი კობახიძემ სამართალდამცავ უწყებებს მოუწოდა, შეისწავლონ სასურსათო ფასებთან დაკავშირებული საკითხი და დაადგინონ, ხომ არ იკვეთება დანაშაულის ნიშნები. ამასთან, კობახიძემ საკითხთან დაკავშირებით პარლამენტს საგამოძიებო კომისიის შექმნის თხოვნითაც მიმართა. კობახიძემ კომპანიების მოგების მაღალ მარჟაზეც ისაუბრა. გარდა ამისა, მისი თქმით, ჩნდება ეჭვი, რომ ბაზრის მოთამაშეები შესაძლოა, შეთანხმებულად, კარტელური პრინციპით მოქმედებდნენ.აღსანიშნავია, რომ 24 დეკემბერსვე სურსათის ფასებთან დაკავშირებით, გამოძიება დაიწყო სახელმწიფო უსაფრთხოების სამსახურმა, ხოლო საგამოძიებო კომისიის შექმნა პარლამენტის თავმჯდომარემ 2026 წელს, პარლამენტის საგაზაფხულო სესიის გახსნისთანავე დაგვიანონსა.