საქართველოს აეროპორტებიდან სატვირთო და საფოსტო გადაზიდვები 29%-ით გაიზარდა – ლევან მოსეშვილი
ეკონომიკა • 1784699339
საზოგადოება
როგორი იქნება განახლებული რუსთაველის გამზირი
დღეიდან რუსთაველის გამზირის რეაბილიტაცია დაიწყო. შედეგად, აღნიშნულ გამზირსა და მერაბ კოსტავას ქუჩის ნაწილზე, ყველა ტიპის ავტოსატრანსპორტო მოძრაობა სრულად შეიზღუდა.თბილისის მერიის ინფორმაციით, პროექტის პირველ ეტაპზე, მიწისქვეშა საკომუნიკაციო ქსელები შეიცვლება. კერძოდ, რეაბილიტაცია ჩაუტარდება წყალმომარაგების, წყალარინების, სანიაღვრე და გაზმომარაგების ცენტრალურ ქსელებს. ასევე, საჰაერო სადენები განთავსდება მიწისქვეშა საკაბელო არხებში. დამონტაჟდება მიწისქვეშა ნარჩენშემკრები ურნები.რაც შეეხება ვიზუალურ მხარეს, გავრცელებული რენდერებით ცნობილი ხდება, რომ დედაქალაქის მთავარ გამზირზე მოეწყობა ავტობუსის ზოლი, ველობილიკი. ასევე ფოტოებიდან ვიგებთ, რომ რესპუბლიკის მოედანზე გეგმავენ ქვაფებნილის აყრას და ასფალტის დაგებას. იქნება რამდენიმე ზებრა გადასავლელიც.რენდერებიდან ჩანს ასევე, რომ ავტომობილების სამოძრაო ზოლებს ერთმანეთისგან გამწვანების ზოლით გამოყოფენ.„ბიზნესპრესნიუსი“ გუშინ წერდა, რომ თბილისის ტრანსპორტისა და ურბანული განვითარების სააგენტოს უფროსის, ნინო ბაგაშვილის თქმით, განახლდება რუსთაველის გამზირის მიმდებარე ქუჩებიც - ალ. ჭავჭავაძის, გრიბოედოვის და ა.შ.თბილისის მერიის მიერ გავრცელებული ინფორმაციით, რეაბილიტაციის პროცესში, 4 თვის განმავლობაში შეიცვლება სამოძრაო და საზოგადოებრივი ტრანსპორტის მარშრუტებიც.ცნობილი ხდება, რომ პროექტის ჯამური ღირებულება 50 მილონამდე ლარია.
1784796611
1784616368
რუსთაველის გამზირის რეაბილიტაცია იწყება - 23 ივლისიდან ავტოტრანსპორტის მოძრაობა სრულად შეიზღუდებათბილისის მერია დედაქალაქის ცენტრალური გამზირის რუსთაველის გამზირის სარეაბილიტაციო სამუშაოებს იწყებს. ამის შესახებ თბილისის მერმა კახა კალაძემ განაცხადა.მისივე ცნობით, სამუშაოები 23 ივლისს, 00:00 საათიდან დაიწყება.ამასთან, როგორც კალაძემ აღნიშნა, 23 ივლისის, 00:00 საათიდან რუსთაველის გამზირსა და მერაბ კოსტავას ქუჩის ნაწილზე ყველა ტიპის ავტოტრანსპორტის მოძრაობა სრულად შეიზღუდება.„სარეაბილიტაციო არეალი მოიცავს თამარ ჭოველიძის ქუჩიდან თავისუფლების მოედნამდე არსებულ ტერიტორიას. სულ 2 კმ.-მდე გზის სავალ ნაწილს,“ - აღნიშნა კალაძემ.მისივე თქმით, სამუშაოები რომელსაც თბილისის მერიის ინფრასტრუქტურის განვითარების საქალაქო სამსახური განახორციელებს, ნოემბრის ბოლოს უნდა იყოს დასრულებული.
1784523858
რუსეთში ქართული დიასპორის პრეზიდენტი ქართული მხარისგან რუსეთის მოქალაქეების კომფორტის უზრუნველყოფას ითხოვსრუსეთში საქართველოს ნაციონალურ-კულტურული ფედერალური ავტონომიის, ანუ ქართული დიასპორის პრეზიდენტი, ბიზნესმენი დავით ცეცხლაძე კახეთში მომხდარ შემთხვევას ეხმაურება."სოციალურ მედიაში რუსი ტურისტების მიმართ შეურაცხმყოფელი ვიდეოების რაოდენობის ზრდას ვხედავთ. საქართველო ყოველთვის ცნობილი იყო თავისი სტუმართმოყვარეობით და ამას აგრძელებს. თუმცა, დასავლურმა პროპაგანდამ საზოგადოების გარკვეულ ნაწილში სიძულვილისა და რუსოფობიის დათესვა მოახერხა.მოვუწოდებ ტურიზმსა და უსაფრთხოებაზე პასუხისმგებელ ყველა სახელმწიფო ინსტიტუტს, ჩაატარონ ყოვლისმომცველი საინფორმაციო კამპანიები - როგორც ტურისტულ დაწესებულებებთან, ასევე სამოქალაქო საზოგადოებასთან და წინააღმდეგობა გაუწიონ დასავლურ-უკრაინულ პროპაგანდას. ეს აუცილებელია მომავალში სერიოზული ინციდენტების თავიდან ასაცილებლად.ჩვენს ქვეყნებს შორის ხანგრძლივი პოლიტიკური სირთულეების მიუხედავად, ჩვენი ხალხები ინარჩუნებენ თბილ და ძმურ ურთიერთობებს. ამას მოწმობს რუსეთის მოქალაქეებს შორის საქართველოში და პირიქით, ორმხრივი ვიზიტების სტატისტიკა. საქართველო რუსებისთვის ერთ-ერთი ყველაზე პოპულარული ქვეყანაა არა მხოლოდ დასასვენებლად, არამედ მეგობრული და ოჯახური კავშირებით, ასევე არაერთი კულტურული პროექტისა და ბიზნეს წამოწყების თანამშრომლობით.ვიმედოვნებ, რომ ქართული მხარე გადადგამს საჭირო ნაბიჯებს, რათა უზრუნველყოს რუსეთის მოქალაქეებისთვის ქვეყანაში ყველაზე კომფორტული ყოფნა, ისევე როგორც ეს უზრუნველყო საქართველოს მოქალაქეებისთვის რუსეთში". - წერს ცეცხლაძე.ცნობისთვის, კახეთში, მოქალაქე გიორგი ჭიღლაძე 19 ივლისს დაკავეს. შინაგან საქმეთა სამინისტროს განცხადებით, ტურისტებმა ქორწილის სტუმრებს წყალი გადაასხეს და სიტყვიერი შეურაცხყოფა მიაყენეს. უწყებას არ დაუკონკრეტებია ტურისტების მოქალაქეობა.
1784523738
რა პრობლემებს შექმნის ერთწლიანი მაგისტრატურა უნივერსიტეტებში?ერთწლიანი მაგისტრატურა და შემცირებული კვოტები - რა პრობლემებს ხედავენ განათლების რეფორმაში?საქართველოს უნივერსიტეტებში სამაგისტრო პროგრამების ერთ წლამდე შემცირება და მისაღები ადგილების მკვეთრი შეზღუდვა განათლების ხარისხთან, კვლევით კომპონენტთან და სტუდენტების საერთაშორისო შესაძლებლობებთან დაკავშირებულ კითხვებს აჩენს. განათლების მკვლევარი ლელა ჩახაია მიიჩნევს, რომ ერთწლიანი მაგისტრატურა თავისთავად პრობლემური მოდელი არ არის, თუმცა საქართველოში მისი ერთიანი წესითა და დაჩქარებულად დანერგვა მნიშვნელოვან რისკებს ქმნის.ერთწლიანი მაგისტრატურა ყველა პროგრამისთვისლელა ჩახაიას თქმით, ერთწლიანი სამაგისტრო პროგრამები არაერთ ქვეყანაში არსებობს და თავადაც ერთწლიანი პროფესიული მაგისტრატურა ჰარვარდის განათლების სკოლაში აქვს დასრულებული. თუმცა ასეთ შემთხვევებში უნივერსიტეტები თავად განსაზღვრავენ, რომელი პროგრამა შეიძლება იყოს ერთწლიანი და რომელი საჭიროებს უფრო ხანგრძლივ სწავლებასა და კვლევით კომპონენტს.საქართველოში კი, მისი შეფასებით, გადაწყვეტილება ცენტრალიზებულად მიიღეს და უნივერსიტეტებს პროგრამების ხანგრძლივობის დამოუკიდებლად განსაზღვრის შესაძლებლობა პრაქტიკულად არ მისცეს.„იმ ქვეყნებში, სადაც ერთწლიანი სამაგისტრო პროგრამებია, თავად უნივერსიტეტები წყვეტენ, რომელი პროგრამები უნდა იყოს ერთწლიანი, მაგრამ ჩვენთან უნივერსიტეტებს არავინ არაფერს ეკითხება და პირდაპირ დააწესეს, რომ ყველა ფაკულტეტზე ერთწლიანი მაგისტრატურა უნდა იყოს“, - ამბობს მკვლევარი.რეფორმის მიხედვით, სტუდენტს, რომელსაც დოქტორანტურაში სწავლის გაგრძელება სურს, დამატებითი ერთი წლის გავლა შეეძლება. ჩახაიას შეფასებით, ე.წ. „1+1“ მოდელის დეტალები სრულად ჩამოყალიბებული არ არის, უნივერსიტეტებს კი მოქმედი ორწლიანი პროგრამების მოკლე ვადაში გადაკეთება უწევთ.კვლევითი კომპონენტის დაკარგვის საფრთხეგანათლების მკვლევრის შეფასებით, ორწლიანი პროგრამების ერთ წლამდე დაყვანა განსაკუთრებით პრობლემურია იმ მიმართულებებში, სადაც სტუდენტს თეორიულ სწავლებასთან ერთად კვლევითი უნარების განვითარება და სამაგისტრო ნაშრომზე მუშაობა სჭირდება.მისი თქმით, უნივერსიტეტები ხშირად იძულებულნი არიან, არსებული პროგრამები მექანიკურად შეამცირონ და სასწავლო კურსების ნაწილი ამოიღონ.„პირდაპირ, ავტომატურად ჩეხენ პროგრამებს. თუ სოციოლოგიაში ორწლიანი იყო სამაგისტრო პროგრამა და გაწერილი იყო, რა უნდა ესწავლათ სტუდენტებს პირველ და მეორე წელს, ახლა ამ პროგრამების დანაწევრება ხდება. მაგისტრატურაში ეს უბრალოდ შეუძლებელია და კვლევით კომპონენტს გამორიცხავს“, - ამბობს ჩახაია.მისი განმარტებით, პროფესიული და კვლევითი მაგისტრატურები განსხვავებულ მიზნებს ემსახურება. შესაბამისად, ყველა დარგისთვის ერთი და იმავე მოდელის გამოყენება განათლების ხარისხზე უარყოფითად შეიძლება აისახოს.შესაძლო პრობლემა უცხოეთში სწავლის გაგრძელებისასერთწლიანი მაგისტრატურის კურსდამთავრებულებს შესაძლოა უცხოურ უნივერსიტეტებში სწავლის გაგრძელებისას დამატებითი მოთხოვნების შესრულება დასჭირდეთ. ჩახაიას თქმით, ამის პასუხად ხელისუფლება სტუდენტებს დამატებითი წლის, ანუ „1+1“ მოდელის გავლას სთავაზობს.თუმცა მკვლევარი მიიჩნევს, რომ საკითხი მხოლოდ ფორმალური კრედიტების რაოდენობას არ უკავშირდება. უცხოურ უნივერსიტეტებს შეიძლება აინტერესებდეთ, გაიარა თუ არა სტუდენტმა სრულყოფილი კვლევითი მომზადება და შეესაბამება თუ არა მისი კვალიფიკაცია სადოქტორო პროგრამის მოთხოვნებს.მისი შეფასებით, შემცირებულმა სასწავლო პერიოდმა შესაძლოა ქართველ სტუდენტებს საერთაშორისო აკადემიურ სივრცეში დამატებითი ბარიერები შეუქმნას.გამონაკლისები და არათანაბარი მიდგომაზოგიერთმა ფაკულტეტმა ორწლიანი პროგრამის შენარჩუნება სამინისტროსთან მოლაპარაკების შედეგად შეძლო. ჩახაიას თქმით, თბილისის სახელმწიფო უნივერსიტეტის ფსიქოლოგიის მიმართულებამ შესაბამისი მოთხოვნა წარადგინა და ორწლიანი პროგრამის დატოვების უფლება მიიღო.გამონაკლისი დაუშვეს თბილისის სახელმწიფო კონსერვატორიის შემთხვევაშიც, რომელმაც ოთხწლიანი საბაკალავრო პროგრამები შეინარჩუნა.მკვლევრის აზრით, ასეთი გადაწყვეტილებები მიუთითებს, რომ ერთიანი რეფორმა ყველა სპეციალობის აკადემიურ საჭიროებებს თავიდანვე არ ითვალისწინებდა. თუ ზოგიერთ მიმართულებას ხანგრძლივი სწავლება სჭირდება, მაშინ უნივერსიტეტებს პროგრამების ხანგრძლივობის განსაზღვრის მეტი თავისუფლება უნდა ჰქონდეთ.სამაგისტრო ადგილები 40%-ით შემცირდალელა ჩახაიას ინფორმაციით, უნივერსიტეტებისთვის სამაგისტრო პროგრამებზე მისაღები ადგილების რაოდენობა მთლიანობაში დაახლოებით 40%-ით შემცირდა, გამონაკლისი კი სამედიცინო უნივერსიტეტია.მისი შეფასებით, ეს ცვლილება განსაკუთრებით მძიმე მდგომარეობაში აყენებს რეგიონულ უნივერსიტეტებს. სოხუმისა და ზუგდიდის უნივერსიტეტებს სამაგისტრო პროგრამებზე კვოტები საერთოდ არ გამოეყოთ, ხოლო თელავის, გორისა და სამცხე-ჯავახეთის უნივერსიტეტებს მხოლოდ შეზღუდული რაოდენობის ადგილები მიეცათ.„გარდა იმისა, რომ წელი მოაკლეს სამაგისტროს, კვოტებიც შეამცირეს. ტენდენცია არის ის, რომ რაც შეიძლება ცოტამ ისწავლოს და რაც შეიძლება ცოტა ხნით“, ამბობს ჩახაია.კვოტების შემცირება სამაგისტრო პროგრამებზე კონკურენციას გაზრდის და აპლიკანტების ნაწილს სწავლის გაგრძელების შესაძლებლობას შეუზღუდავს. ამან შესაძლოა განსაკუთრებით დააზარალოს რეგიონებში მცხოვრები ახალგაზრდები, რომლებსაც სხვა ქალაქში გადასვლისა და სწავლის დაფინანსების ნაკლები რესურსი აქვთ.რეფორმის ხარისხობრივი და ფინანსური მიზნებიხელისუფლება განათლების რეფორმის მიზნად სისტემის ეფექტიანობისა და სწავლების ხარისხის გაუმჯობესებას ასახელებს. ლელა ჩახაია კი მიიჩნევს, რომ განხორციელებული ცვლილებები განათლების ხარისხის ზრდის ნიშნებს ჯერ არ აჩვენებს.მისი თქმით, პროგრამების შემცირებას უნივერსიტეტების დაფინანსების, კვლევისა და მეცნიერების განვითარების მნიშვნელოვანი ზრდა არ მოჰყოლია. ამ პირობებში სასწავლო წლებისა და მისაღები ადგილების შემცირება უფრო მეტად ხარჯების დაზოგვის მცდელობას ჰგავს.„ფაქტია, რომ კონტროლი უნდათ უნივერსიტეტებზე და ისიც, რომ რაც შეიძლება მეტი თანხა დაზოგონ. ამიტომ ჩქარ-ჩქარა და ნაკლებმა ადამიანმა უნდა ისწავლოს უნივერსიტეტში“, - აცხადებს მკვლევარი.სწავლის საერთო ხანგრძლივობის შემცირებაჩახაია ყურადღებას ამახვილებს ზოგადი და უმაღლესი განათლების საერთო ხანგრძლივობაზეც. მისი შეფასებით, თუ სასკოლო სწავლება შემცირდება, ბაკალავრიატი სამწლიანი გახდება, მაგისტრატურა კი ერთწლიანი, სტუდენტმა შესაძლოა განათლების სრული ციკლი დაახლოებით 20 წლის ასაკში დაასრულოს.მკვლევრის თქმით, ასეთ შემთხვევაში საქართველოში განათლების საერთო ხანგრძლივობა არაერთი ევროპული ქვეყნის სტანდარტზე ნაკლები იქნება. ამან შეიძლება გავლენა მოახდინოს კვალიფიკაციების საერთაშორისო აღიარებასა და სტუდენტების შემდგომ აკადემიურ შესაძლებლობებზე.მთავარი კითხვა, დაზოგვა თუ ხარისხიერთწლიანი მაგისტრატურა საერთაშორისო პრაქტიკაში მიღებული მოდელია, თუმცა განათლების სპეციალისტების შეფასებით, მისი წარმატება პროგრამის მიზნებზე, დარგის თავისებურებებსა და უნივერსიტეტის ავტონომიაზეა დამოკიდებული.საქართველოში მთავარი პრობლემა მხოლოდ პროგრამის ერთ წლამდე შემცირება არ არის. რისკს ქმნის ცვლილებების დაჩქარებული განხორციელება, უნივერსიტეტების არასაკმარისი ჩართულობა, კვლევითი კომპონენტის შესაძლო დაკარგვა და სამაგისტრო ადგილების ერთდროული შემცირება.ლელა ჩახაიას შეფასებით, თუ პროგრამების შემცირებას უნივერსიტეტების დაფინანსება, მეცნიერების განვითარება და სწავლების ახალი მოდელი არ ახლავს, რეფორმამ შესაძლოა განათლების ხარისხი კი არ გააუმჯობესოს, არამედ სტუდენტებს სრულფასოვანი სპეციალიზაციისა და საერთაშორისო აკადემიური განვითარების შესაძლებლობები შეუზღუდოს.batumelebi.netgazeti.ge
სპორტი
1784523633
ესპანეთი მსოფლიო ჩემპიონია
სხვა სიახლეები
როგორი იქნება განახლებული რუსთაველის გამზირი
დღეიდან რუსთაველის გამზირის რეაბილიტაცია დაიწყო. შედეგად, აღნიშნულ გამზირსა და მერაბ კოსტავას ქუჩის ნაწილზე, ყველა ტიპის ავტოსატრანსპორტო მოძრაობა სრულად შეიზღუდა.თბილისის მერიის ინფორმაციით, პროექტის პირველ ეტაპზე, მიწისქვეშა საკომუნიკაციო ქსელები შეიცვლება. კერძოდ, რეაბილიტაცია ჩაუტარდება წყალმომარაგების, წყალარინების, სანიაღვრე და გაზმომარაგების ცენტრალურ ქსელებს. ასევე, საჰაერო სადენები განთავსდება მიწისქვეშა საკაბელო არხებში. დამონტაჟდება მიწისქვეშა ნარჩენშემკრები ურნები.რაც შეეხება ვიზუალურ მხარეს, გავრცელებული რენდერებით ცნობილი ხდება, რომ დედაქალაქის მთავარ გამზირზე მოეწყობა ავტობუსის ზოლი, ველობილიკი. ასევე ფოტოებიდან ვიგებთ, რომ რესპუბლიკის მოედანზე გეგმავენ ქვაფებნილის აყრას და ასფალტის დაგებას. იქნება რამდენიმე ზებრა გადასავლელიც.რენდერებიდან ჩანს ასევე, რომ ავტომობილების სამოძრაო ზოლებს ერთმანეთისგან გამწვანების ზოლით გამოყოფენ.„ბიზნესპრესნიუსი“ გუშინ წერდა, რომ თბილისის ტრანსპორტისა და ურბანული განვითარების სააგენტოს უფროსის, ნინო ბაგაშვილის თქმით, განახლდება რუსთაველის გამზირის მიმდებარე ქუჩებიც - ალ. ჭავჭავაძის, გრიბოედოვის და ა.შ.თბილისის მერიის მიერ გავრცელებული ინფორმაციით, რეაბილიტაციის პროცესში, 4 თვის განმავლობაში შეიცვლება სამოძრაო და საზოგადოებრივი ტრანსპორტის მარშრუტებიც.ცნობილი ხდება, რომ პროექტის ჯამური ღირებულება 50 მილონამდე ლარია.
საზოგადოება • 1784796611
რუსეთის საწვავის ბაზარზე არსებული სირთულეები დროებითია - პუტინი
რუსეთის საწვავის ბაზარზე არსებული სირთულეები დროებითია და საერთო ეკონომიკურ დინამიკაზე გავლენას არ მოახდენს, - ამის შესახებ რუსეთის პრეზიდენტმა ვლადიმერ პუტინმა მთავრობის სხდომაზე განაცხადა.„შიდა ეკონომიკის, მისი ძირითადი სექტორების მდგომარეობა სტაბილურია, მიუხედავად გარე მცდელობებისა, რომ საწვავისა და ენერგეტიკის სექტორში სიტუაციის დესტაბილიზაცია მოახდინონ, - აღნიშნა პუტინმა.მისი მტკიცებით, რუსეთის მშპ მაისში 0.3%-ით გაიზარდა, 2026 წლის პირველი ხუთი თვის განმავლობაში კი - 0.2%-ით.„ეკონომიკური განვითარების სამინისტროს მონაცემებით, რუსეთის მშპ მაისში მოკრძალებული ტემპით, მაგრამ მაინც გაიზარდა და დადებით ზონაში დარჩა -ზრდამ 0.3% შეადგინა. მხოლოდ მიმდინარე წლის პირველი 5 თვის განმავლობაში ზრდამ 0.2% შეადგინა“, - აღნიშნა პუტინმა.
მსოფლიო • 1784796353
ველოდებით, რომ აგვისტოს თვეში, თბილისში ქირის ღირებულება გაიზრდება - Home.ge
ბოლო 1 წელში, დედაქალაქში ქირის ფასი შედარებით გაზრდილია. კერძოდ, Galt & Taggart-ის ინფორმაციით, პირობითად, თუ 2025 წლის მაისის თვეში, თბილისში 1 კვადრატული მეტრი გასაქირავებელი საცხოვრებელი ფართი, საშუალოდ, 9.3 დოლარი ღირდა, დღევანდელი მოცემულობით ფასი, თითქმის, 10 დოლარს აღწევს.უძრავი ქონების ყიდვა-გაყიდვისა და გაქირავების პორტალ Home.ge-ში ვარაუდობენ, რომ აგვისტოს თვეში, თბილისში ქირის ღირებულება კიდევ უფრო გაიზრდება, რასაც მაღალი მოთხოვნა განაპირობებს.„როგორც ცნობილია, ზაფხულის ბოლო თვეს, დედაქალაქში რეგიონებიდან სტუდენტების დიდი ნაკადი ჩამოდის, რაც გასაქირავებელ საცხოვრებელ ფართებზე მოთხოვნას ზრდის, ეს კი ფასებზე ზეწოლას ახდენს. აქედან გამომდინარე, ველოდებით, რომ ქირის ფასი გაიზრდება“, - განუცხადა „ბიზნესპარტნიორს“ Home.ge-ს გუნდის ხელმძღვანელმა ტუსია უგრეხელიძემ.აღსანიშნავია, რომ ქირის ღირებულება განსხვავებულია უბნების მიხედვით. Galt & Taggart-ის მონაცემებით, თბილისის ცენტრში კვადრატულის საშუალო ფასი 13-14 დოლარია, გარეუბნებში კი 8-დან 9 დოლარამდე.საინვესტიციო ბანკის ინფორმაციით, ყველაზე მაღალ დონეზე გასაქირავებელი ფასი საშუალო ზომის ბინებზე ნარჩუნდება, რაც 50-დან 60 კვადრატულ მეტრამდე ფართის მქონე ბინებს გულისხმობს. ამონაგები კი ქირის ფასიდან თბილისში კვლავ საკმაოდ მაღალია და 8.4% -ს შეადგენს.წყარო: "ბიზნესპარტნიორი"
ეკონომიკა • 1784796246
საქართველოში დედის რძის პირველი ბანკი გაიხსნა
საქართველოში დედის რძის პირველი ბანკი ამოქმედდა, პროექტი იაშვილის სახელობის ბათუმის დედათა და ბავშვთა ცენტრალურ ჰოსპიტალში გაიხსნა და ამ ეტაპზე მხოლოდ აჭარაში დაბადებული ჩვილებისთვის იქნება ხელმისაწვდომი. ინიციატორების განცხადებით, უახლოეს მომავალში დედის რძის კიდევ ერთი ბანკის გახსნა თბილისში იგეგმება.დონორული რძით მხოლოდ დღენაკლული ახალშობილების კვება იქნება შესაძლებელი. ჩვილებს დედის რძეს სტაციონარში მხოლოდ ექიმის გადაწყვეტილებისა და შესაბამისი სამედიცინო ჩვენების საფუძველზე მიაწვდიან.დედის რძის ბანკი ბათუმში ოფიციალურად 10 ივლისს გაიხსნა. იდეის განხორციელებაზე იაშვილის სახელობის ახალშობილთა ინტენსიური თერაპიის დეპარტამენტის ხელმძღვანელმა ნინო სოლომონიამ და იაშვილის ამბულატორიული სამსახურის ხელმძღვანელმა ეკა კანდელაკმა მუშაობა ჯერ კიდევ 2018 წელს დაიწყეს, თუმცა პროექტის განვითარება პანდემიის გამო შეფერხდა.დედის რძის ბანკები მსოფლიოს მრავალ ქვეყანაში ჯანდაცვის სისტემის ნაწილია. პირველი ასეთი დაწესებულება 1909 წელს ავსტრიის დედაქალაქ ვენაში გაიხსნა. დღეს მსოფლიოს მასშტაბით 60-ზე მეტ ქვეყანაში 700-ზე მეტი დედის რძის ბანკი ფუნქციონირებს და მათი რაოდენობა მუდმივად იზრდება.ჯანდაცვის მსოფლიო ორგანიზაციის (WHO), UNICEF-ისა და სხვა საერთაშორისო სამედიცინო ორგანიზაციების რეკომენდაციებით, იმ შემთხვევაში, როდესაც დედას არ შეუძლია ახალშობილის საკუთარი რძით კვება, უპირატესობა სპეციალურად დამუშავებულ და უსაფრთხოების სტანდარტების დაცვით შენახულ დონორის რძეს ენიჭება, ვიდრე ხელოვნურ ნარევს.დედის რძის ბანკების ერთ-ერთ ყველაზე წარმატებულ მოდელად ბრაზილიის სისტემა სახელდება. ქვეყანაში 230-ზე მეტი ასეთი ბანკი და ასობით რძის შეგროვების პუნქტი მუშაობს. საერთაშორისო ორგანიზაციების შეფასებით, ამ მიდგომამ მნიშვნელოვნად შეუწყო ხელი დღენაკლულ ბავშვებში სიკვდილიანობისა და მძიმე გართულებების შემცირებას.მსოფლიოს ქვეყნების უმეტესობაში დედის რძის დონაცია უანგაროდ ხორციელდება. ევროპაში, კანადაში, ბრაზილიასა და სხვა სახელმწიფოებში ქალები რძეს უსასყიდლოდ აბარებენ, ხოლო საჭიროების შემთხვევაში მხოლოდ ტრანსპორტირების ან შეგროვებისთვის საჭირო მასალების ხარჯები ანაზღაურდებათ.
ჯანდაცვა • 1784796163
საფრანგეთმა მიიღო კანონი, რომელიც 15 წლამდე ასაკის პირებს სოციალურ მედიაზე წვდომას უკრძალავს
საფრანგეთის პარლამენტმა დაამტკიცა კანონი, რომელიც 2027 წლის იანვრიდან 15 წლამდე ასაკის პირებისთვის სოციალური მედიის აკრძალვას ითვალისწინებს, - ინფორმაციას BBC-ი ავრცელებს.კანონის თანახმად, საფრანგეთში ყველამ უნდა დაადასტუროს საკუთარი ასაკი სოციალურ მედიაზე წვდომისთვის.კანონი ორ ეტაპად განხორციელდება: სექტემბრიდან 15 წლამდე ასაკის პირები ვერ შეძლებენ ანგარიშების გახსნას და ყველა ახალ ანგარიშზე ასაკის დადასტურება იქნება საჭირო, 2027 წლის იანვრიდან კი ეს წესი ყველა არსებულ ანგარიშზე გავრცელდება - რაც იმას ნიშნავს, რომ საფრანგეთში სოციალური მედიის გამოსაყენებლად ყველას მოუწევს დაამტკიცოს, რომ 15 წელზე მეტი ასაკისაა.აკრძალვის ამოქმედების შემდეგ, სოციალური მედიის პლატფორმებს მოუწევთ საფრანგეთის კონფიდენციალურობის მარეგულირებელი ორგანოს მიერ დამტკიცებული ასაკის დადასტურების ინსტრუმენტების გამოყენება.მაისში, ევროკომისიის პრეზიდენტი ურსულა ფონ დერ ლაიენი ევროპაში ბავშვებისთვის სოციალური მედიის შეზღუდვის შეთავაზებით გამოვიდა და განაცხადა, რომ ახალი კანონმდებლობის წარდგენა შესაძლოა თვეებში მოხდეს.ipn.ge
მსოფლიო • 1784720416
Euromoney-ს გამოცემამ საქართველოს ბანკი ESG მიმართულებით საუკეთესო ბანკად დაასახელა საქართველოში
საერთაშორისო ფინანსურმა გამოცემა Euromoney-მ საქართველოს ბანკი ESG (გარემოსდაცვითი, სოციალური და მმართველობითი) მიმართულებით საუკეთესო ბანკად დაასახელა საქართველოში.Euromoney Awards for Excellence მსოფლიოს საბანკო ინდუსტრიის ერთ-ერთი ყველაზე პრესტიჟული საერთაშორისო ჯილდოა, რომელიც ყოველწლიურად იმ ფინანსურ ინსტიტუტებს აფასებს, რომლებიც მდგრადი განვითარების, ინოვაციებისა და პასუხისმგებლიანი ბიზნესპრაქტიკის მიმართულებით გამორჩეულ ინიციატივებს ქმნიან. შესაბამისად, ESG კატეგორიაში საუკეთესოს წოდება კი იმ ბანკებს ენიჭებათ, რომლებიც გარემოსდაცვითი, სოციალური და მმართველობის მიმართულებებით მნიშვნელოვან პროგრესს აჩვენებენ და ქვეყნის მდგრად განვითარებაში განსაკუთრებული წვლილი შეაქვთ.ბანკის მიერ განხორციელებული ინიციატივებისა და მიღებული შედეგების შეფასების შემდეგ, Euromoney-ს ჟიურიმ საქართველოს ბანკი ESG მიმართულებით საუკეთესო ბანკად დაასახელა საქართველოში.საქართველოს ბანკისთვის მდგრადობა ბიზნესის განუყოფელი ნაწილია. სწორედ ამიტომ, ბანკი აქტიურად აფართოებს მდგრადი დაფინანსების პორტფელს, ESG რისკებს აერთიანებს გადაწყვეტილების მიღების პროცესში, მხარს უჭერს საქართველოს დაბალნახშირბადიან ეკონომიკაზე გადასვლას, ავითარებს ინკლუზიურ ფინანსურ პროდუქტებს და ნერგავს მდგრადი მმართველობის საუკეთესო პრაქტიკებს. ამ მიდგომით ბანკი ქმნის გრძელვადიან ღირებულებას მომხმარებლებისთვის, ინვესტორებისა და ქვეყნის ეკონომიკისთვის. “ESG მიმართულებით Euromoney-ის ჯილდოს ზედიზედ მეორედ მიღება ადასტურებს, რომ საქართველოს ბანკისთვის მდგრადობა ბიზნესის განვითარების განუყოფელი ნაწილია. ეს აღიარება გვაძლევს დამატებით მოტივაციას, გავაგრძელოთ ისეთი ინიციატივების განხორციელება, რომლებიც გრძელვადიან ღირებულებას ქმნის ჩვენი მომხმარებლებისთვის, ეკონომიკისა და ქვეყნისთვის“, - აღნიშნავს ანა ოსაძე, საქართველოს ბანკის ESG და მდგრადობის მიმართულების ხელმძღვანელი.ინფორმაციისთვის, Euromoney Awards for Excellence უკვე 30 წელზე მეტია მსოფლიოს მასშტაბით ავლენს და აჯილდოებს იმ ფინანსურ ინსტიტუტებს, რომლებიც თავიანთ ბაზრებზე საუკეთესო პრაქტიკებსა და ინოვაციურ მიდგომებს ნერგავენ.
ბიზნესი • 1784720226
მსოფლიო
სხვადასხვა
1784523504
როგორი ამინდია მოსალოდნელი დღეს საქართველოში20 ივლისს ქუთაისში მზიანი დღე იქნება, დღისით +31 და ღამით +19 გრადუსი დაფიქსირდება. მზიანი დღე იქნება ოზურგეთშიც. დღისით +32 გრადუსი დაფიქსირდება, ღამით კი +20 გრადუსი იქნება.ბათუმშიც მზეა მოსალოდნელი, დღისით ჰაერი +30 გრადუსამდე გათბება, ხოლო ღამით +20 გრადუსი დაფიქსირდება.უნალექო ამინდია ფოთში. დღისით +30 გრადუსი დაფიქსირდება, ღამით კი +21 გრადუსია მოსალოდნელი. ზუგდიდში დღე უნალექოდ ჩაივლის, ჰაერის ტემპერატურა დღისით +30, ღამით კი +18 გრადუსი იქნება.სოხუმშიც მზეა, +28 გრადუსია მოსალოდნელი დღისით, ღამით +19 გრადუსი დაფიქსირდება.მესტიაშიც მზეა, დღისით +28 გრადუსი იქნება, ღამით კი +12 გრადუსი დაფიქსირდება. ამბროლაურში მზეს ელოდებიან. ჰაერი +29 გრადუსამდე გათბება, ღამით კი +16 გრადუსი დაფიქსირდება.ჭიათურაშიც მზიანი დღეა, დღისით +30 გრადუსი, ღამით კი +16 გრადუსი დაფიქსირდება.ახალციხეშიც მზიანი დღეა, დღისით +28 გრადუსი, ღამით კი +13 გრადუსი იქნება.ბორჯომშიც მზეა მოსალოდნელი, +29 იქნება დღისით, ღამით კი +15 გრადუსი დაფიქსირდება.უნალექო დღეა მოსალოდნელი ბაკურიანში, დღისით +23 გრადუსია მოსალოდნელი, ღამით +9 გრადუსი დაფიქსირდება.მზიან ამინდს გვპირდებიან სინოპტიკოსები გორშიც, დღისით +32 გრადუსი, ღამის განმავლობაში კი +16 გრადუსი დაფიქსირდება. ცხინვალშიც მზეა მოსალოდნელი, ჰაერის ტემპერატურა +31 გრადუსი იქნება, ღამით კი +15 გრადუსი დაფიქსირდება.გუდაურში წვიმიანი ამინდია მოსალოდნელი, დღის განმავლობაში +16 გრადუსი დაფიქსირდება, ღამით კი ჰაერის ტემპერატურა +8 გრადუსი იქნება.ომალოში ნალექიან ამინდს ელოდებიან. დღისით +20 ღამით კი +10 გრადუსი დაფიქსირდება.ლაგოდეხში ხანმოკლე წვიმას ვარაუდობენ, ჰაერის ტემპერატურა დღის განმავლობაში +31 გრადუსი იქნება, ღამით კი +18 გრადუსი დაფიქსირდება.ანალოგიური ამინდი იქნება დღეს თელავში, სადაც დღისით +30 გრადუსი დაფიქსირდება, ღამით კი +19 გრადუსია ნავარაუდევი.ნალექიანი დღე იქნება გურჯაანშიც, დღისით +30 გრადუსი, ღამით კი +19 გრადუსი დაფიქსირდება. სიღნაღშიც წვიმიანი დღეა მოსალოდნელი, დღისით +29 გრადუსია მოსალოდნელი, ღამით +17 გრადუსი დაფიქსირდება.რუსთავში მზიანი დღეა მოსალოდნელი. დღისით +31 გრადუსია მოსალოდნელი, ღამით კი +21 გრადუსი დაფიქსირდება.თბილისში მოსალოდნელია ხანმოკლე წვიმა. ჰაერის ტემპერატურა დღისით +31 გრადუსს მიაღწევს, ღამით კი +20 გრადუსი იქნება.
1783920569
როგორი ამინდია მოსალოდნელი 13 ივლისს საქართველოში13 ივლისს ქუთაისში მზიანი ამინდი იქნება, დღისით +32 და ღამით +21 გრადუსი დაფიქსირდება. მზიანი დღე იქნება ოზურგეთში. დღისით +31 გრადუსი დაფიქსირდება, ღამით კი +21 გრადუსი იქნება.ბათუმშიც მზეა მოსალოდნელი, დღისით ჰაერი +31 გრადუსამდე გათბება, ხოლო ღამით +22 გრადუსი დაფიქსირდება.უნალექო დღეა ფოთში. დღისით +30 გრადუსი დაფიქსირდება, ღამით კი +23 გრადუსია მოსალოდნელი. ზუგდიდში მზიანი ამინდია, ჰაერის ტემპერატურა დღისით +32, ღამით კი +21 გრადუსი იქნება.სოხუმში მზიანი ამინდია მოსალოდნელი, +30 გრადუსია მოსალოდნელი დღისით, ღამით +20 გრადუსი დაფიქსირდება.მესტიაში ხანმოკლე წვიმას პროგნოზირებენ. დღისით +29 გრადუსი იქნება, ღამით კი +11 გრადუსი დაფიქსირდება. ამბროლაურშიც მზიან დღეს ელოდებიან. ჰაერი +30 გრადუსამდე გათბება, ღამით კი +19 გრადუსი დაფიქსირდება.ჭიათურაში წვიმიანი დღეა, დღისით +29 გრადუსი, ღამით კი +17 გრადუსი დაფიქსირდება.ახალციხეში მცირე ნალექია მოსალოდნელი, დღისით +30 გრადუსი, ღამით კი +18 გრადუსი იქნება.ახალქალაქში დღისით +27 გრადუსი, ღამით კი +12 იქნება.ბორჯომშიც ნალექია მოსალოდნელი, +30 იქნება დღისით, ღამით კი +18 გრადუსი დაფიქსირდება.წვიმაა მოსალოდნელი ბაკურიანში, დღისით +24 გრადუსია მოსალოდნელი, ღამით 12 გრადუსი დაფიქსირდება.მზიან დღეს ელოდებიან გორში, დღისით +31 გრადუსი, ღამის განმავლობაში კი +18 გრადუსი დაფიქსირდება.ცხინვალშიც მზიანი ამინდია მოსალოდნელი, ჰაერის ტემპერატურა +30 გრადუსი იქნება, ღამით კი +19 გრადუსი დაფიქსირდება.გუდაურში მზიანი დღეა მოსალოდნელი, დღის განმავლობაში +19 გრადუსი დაფიქსირდება, ღამით კი ჰაერის ტემპერატურა +10 გრადუსი იქნება.ომალოში დღისით +22 ღამით კი +13 გრადუსი დაფიქსირდება.ლაგოდეხში ჰაერის ტემპერატურა დღის განმავლობაში +34 გრადუსი იქნება, ღამით კი +23 გრადუსი დაფიქსირდება. დღე უნალექოდ ჩაივლის.თელავში მზიანი ამინდია ნავარაუდევი. დღისით +33 გრადუსი დაფიქსირდება, ღამით კი +20 გრადუსი იქნება.მზიანი დღეა გურჯაანში, დღისით +33 გრადუსი, ღამით კი +23 გრადუსი დაფიქსირდება. სიღნაღში უნალექო დღე იქნება, დღისით +33 გრადუსია მოსალოდნელი, ღამით +23 გრადუსი დაფიქსირდება.რუსთავში მზიანი დღეა. დღისით +34 გრადუსია მოსალოდნელი, ღამით კი +23 გრადუსი დაფიქსირდება.თბილისშიც მზიანი დღეა. ჰაერის ტემპერატურა დღისით +34 გრადუსს მიაღწევს, ღამით კი +22 გრადუსი იქნება.
1783661686
როგორი ამინდია მოსალოდნელი 10 ივლისს საქართველოშიბათუმშიც ხანმოკლე წვიმაა მოსალოდნელი, დღისით ჰაერი +32 გრადუსამდე გათბება, ხოლო ღამით +22 გრადუსი დაფიქსირდება.წვიმაა მოსალოდნელი ფოთში. დღისით +30 გრადუსი დაფიქსირდება, ღამით კი +25 გრადუსია მოსალოდნელი. ზუგდიდში მზიანი ამინდია, ჰაერის ტემპერატურა დღისით +31, ღამით კი +21 გრადუსი იქნება.სოხუმში მზეა მოსალოდნელი, +33 გრადუსია მოსალოდნელი დღისით, ღამით +21 გრადუსი დაფიქსირდება.მესტიაში წვიმიანი დღეა, დღისით +26 გრადუსი იქნება, ღამით კი +12 გრადუსი დაფიქსირდება. ამბროლაურში მზიან დღეს ელოდებიან. ჰაერი +29 გრადუსამდე გათბება, ღამით კი +18 გრადუსი დაფიქსირდება.ჭიათურაში წვიმიანი დღეა, დღისით +32 გრადუსი, ღამით კი +18 გრადუსი დაფიქსირდება.ახალციხეში მცირე ნალექია მოსალოდნელი, დღისით +32 გრადუსი, ღამით კი +17 გრადუსი იქნება.ახალქალაქში მზეა, დღისით +26 გრადუსი, ღამით კი +13 იქნება. წვიმა იქნება ახალქალაქშიც, დღისით +29 გრადუსი, ღამით კი +13 გრადუსია მოსალოდნელი.ბორჯომშიც ნალექია მოსალოდნელი, +32 იქნება დღისით, ღამით კი +18 გრადუსი დაფიქსირდება.წვიმაა მოსალოდნელი ბაკურიანში, დღისით +25 გრადუსია მოსალოდნელი, ღამით +11 გრადუსი დაფიქსირდება.მზიან დღეს ელოდებიან გორში, დღისით +33 გრადუსი, ღამის განმავლობაში კი +19 გრადუსი დაფიქსირდება.ცხინვალშიც მზიანი ამინდია მოსალოდნელი, ჰაერის ტემპერატურა +32 გრადუსი იქნება, ღამით კი +18 გრადუსი დაფიქსირდება.გუდაურში მზეა მოსალოდნელი, დღის განმავლობაში +24 გრადუსი დაფიქსირდება, ღამით კი ჰაერის ტემპერატურა +9 გრადუსი იქნება.ომალოშიც უნლექო დღეა. დღისით +25 ღამით კი +11 გრადუსი დაფიქსირდება.ლაგოდეხში მზე იქნება, ჰაერის ტემპერატურა დღის განმავლობაში +34 გრადუსი იქნება, ღამით კი +22 გრადუსი დაფიქსირდება.თელავში მზეა ნავარაუდევი. დღისით +33 გრადუსი დაფიქსირდება, ღამით კი +20 გრადუსი იქნება.მზიანი დღეა გურჯაანში, დღისით +33 გრადუსი, ღამით კი +21 გრადუსი დაფიქსირდება.სიღნაღში შესაძლოა იწვიმოს, დღისით +30 გრადუსია მოსალოდნელი, ღამით +20 გრადუსი დაფიქსირდება.რუსთავში მზიანი დღეა. დღისით +34 გრადუსია მოსალოდნელი, ღამით კი +22 გრადუსი დაფიქსირდება.თბილისშიც მზიანი დღეა. ჰაერის ტემპერატურა დღისით +33 გრადუსს მიაღწევს, ღამით კი +21 გრადუსი იქნება.
1783572909
როგორი ამინდია მოსალოდნელი 9 ივლისს საქართველოში9 ივლისს ქუთაისში მზიანი ამინდი იქნება, დღისით +32 და ღამით +21 გრადუსი დაფიქსირდება. მზიანი დღე იქნება ოზურგეთში. დღისით +31 გრადუსი დაფიქსირდება, ღამით კი +20 გრადუსი იქნება.ბათუმშიც მზეა მოსალოდნელი, დღისით ჰაერი +30 გრადუსამდე გათბება, ხოლო ღამით +21 გრადუსი დაფიქსირდება.უნალექო დღეა ფოთში. დღისით +30 გრადუსი დაფიქსირდება, ღამით კი +23 გრადუსია მოსალოდნელი. ზუგდიდში მზიანი ამინდია, ჰაერის ტემპერატურა დღისით +31, ღამით კი +20 გრადუსი იქნება.სოხუმში მცირე წვიმაა მოსალოდნელი, +28 გრადუსია მოსალოდნელი დღისით, ღამით +20 გრადუსი დაფიქსირდება.მესტიაში მზიანი დღეა, დღისით +26 გრადუსი იქნება, ღამით კი +11 გრადუსი დაფიქსირდება. ამბროლაურშიც მზიან დღეს ელოდებიან. ჰაერი +29 გრადუსამდე გათბება, ღამით კი +15 გრადუსი დაფიქსირდება.ჭიათურაშიც უნალექო დღეა, დღისით +28 გრადუსი, ღამით კი +17 გრადუსი დაფიქსირდება.ახალციხეში მცირე ნალექია მოსალოდნელი, დღისით +30 გრადუსი, ღამით კი +14 გრადუსი იქნება.ახალქალაქში მზეა, დღისით +31 გრადუსი, ღამით კი +13 იქნება. წვიმა იქნება ახალქალაქშიც, დღისით +29 გრადუსი, ღამით კი +13 გრადუსია მოსალოდნელი.ბორჯომშიც ნალექია მოსალოდნელი, +30 იქნება დღისით, ღამით კი +16 გრადუსი დაფიქსირდება.წვიმაა მოსალოდნელი ბაკურიანში, დღისით +22 გრადუსია მოსალოდნელი, ღამით +8 გრადუსი დაფიქსირდება.მზიან დღეს ელოდებიან გორში, დღისით +30 გრადუსი, ღამის განმავლობაში კი +17 გრადუსი დაფიქსირდება.ცხინვალშიც მზიანი ამინდია მოსალოდნელი, ჰაერის ტემპერატურა +29 გრადუსი იქნება, ღამით კი +16 გრადუსი დაფიქსირდება.გუდაურში წვიმაა მოსალოდნელი, დღის განმავლობაში +17 გრადუსი დაფიქსირდება, ღამით კი ჰაერის ტემპერატურა +6 გრადუსი იქნება.ომალოში იწვიმებს. დღისით +19 ღამით კი +8 გრადუსი დაფიქსირდება.ლაგოდეხში ხანმოკლე წვიმა იქნება, ჰაერის ტემპერატურა დღის განმავლობაში +32 გრადუსი იქნება, ღამით კი +21 გრადუსი დაფიქსირდება.თელავშიც მცირე ნალექია ნავარაუდევი. დღისით +31 გრადუსი დაფიქსირდება, ღამით კი +19 გრადუსი იქნება.მზიანი დღეა გურჯაანში, დღისით +31 გრადუსი, ღამით კი +20 გრადუსი დაფიქსირდება. სიღნაღში უნალექო დღე იქნება, დღისით +31 გრადუსია მოსალოდნელი, ღამით +21 გრადუსი დაფიქსირდება.რუსთავში მზიანი დღეა. დღისით +31 გრადუსია მოსალოდნელი, ღამით კი +21 გრადუსი დაფიქსირდება.თბილისშიც მზიანი დღეა. ჰაერის ტემპერატურა დღისით +31 გრადუსს მიაღწევს, ღამით კი +21 გრადუსი იქნება.
1783489100
როგორი ამინდია მოსალოდნელი 8 ივლისს საქართველოში8 ივლისს ქუთაისში წვიმის ალბათობა დიდი იქნება, დღისით +28 და ღამით +18 გრადუსი დაფიქსირდება. იწვიმებს ოზურგეთში. დღისით +29 გრადუსი დაფიქსირდება, ღამით კი +19 გრადუსი იქნება.ბათუმშიც წვიმაა მოსალოდნელი, დღისით ჰაერი +28 გრადუსამდე გათბება, ხოლო ღამით +19 გრადუსი დაფიქსირდება.ფოთში წვიმიანი დღეა მოსალოდნელი. დღისით +27 გრადუსი დაფიქსირდება, ღამით კი +21 გრადუსია მოსალოდნელი. ზუგდიდში წვიმიანი ამინდია, ჰაერის ტემპერატურა დღისით +27, ღამით კი +18 გრადუსი იქნება.სოხუმშიც ნალექიანი დღეა, +27 გრადუსია მოსალოდნელი დღისით, ღამით +18 გრადუსი დაფიქსირდება.მესტიაშიც წვიმიანი დღეა, დღისით +21 გრადუსი იქნება, ღამით კი +6 გრადუსი დაფიქსირდება. ამბროლაურშიც წვიმიან დღეს ელოდებიან. ჰაერი +25 გრადუსამდე გათბება, ღამით კი +17 გრადუსი დაფიქსირდება.ჭიათურაშიც ნალექიანი დღეა, დღისით +27 გრადუსი, ღამით კი +18 გრადუსი დაფიქსირდება.ახალციხეშიც იწვიმებს, დღისით +26 გრადუსი, ღამით კი +14 გრადუსი იქნება.ახალქალაქშიც ნალექიანი ამინდია მოსალოდნელი, დღისით +26 გრადუსი, ღამით კი +13 იქნება.ბორჯომშიც წვიმაა მოსალოდნელი, +25 იქნება დღისით, ღამით კი +15 გრადუსი დაფიქსირდება.ნალექიანი დღეა მოსალოდნელი ბაკურიანში, დღისით +20 გრადუსია მოსალოდნელი, ღამით +9 გრადუსი დაფიქსირდება.წვიმიან დღეს ელოდებიან გორშიც, დღისით +29 გრადუსი, ღამის განმავლობაში კი +18 გრადუსი დაფიქსირდება.ცხინვალშიც ნალექიანი ამინდია მოსალოდნელი, ჰაერის ტემპერატურა +28 გრადუსი იქნება, ღამით კი +16 გრადუსი დაფიქსირდება.გუდაურში წვიმაა მოსალოდნელი, დღის განმავლობაში +16 გრადუსი დაფიქსირდება, ღამით კი ჰაერის ტემპერატურა +6 გრადუსი იქნება.ომალოშიც ნალექიანი დღე იქნება. დღისით +19 ღამით კი +8 გრადუსი დაფიქსირდება.ლაგოდეხში წვიმა იქნება, ჰაერის ტემპერატურა დღის განმავლობაში +27 გრადუსი იქნება, ღამით კი +19 გრადუსი დაფიქსირდება.იწვიმებს თელავშიც. დღისით +26 გრადუსი დაფიქსირდება, ღამით კი +16 გრადუსია ნავარაუდევი.იწვიმებს გურჯაანშიც, დღისით +27 გრადუსი, ღამით კი +19 გრადუსი დაფიქსირდება. სიღნაღში ნალექიანი დღე იქნება, დღისით +26 გრადუსია მოსალოდნელი, ღამით +17 გრადუსი დაფიქსირდება.რუსთავში იწვიმებს. დღისით +29 გრადუსია მოსალოდნელი, ღამით კი +19 გრადუსი დაფიქსირდება.თბილისშიც იწვიმებს. ჰაერის ტემპერატურა დღისით +28 გრადუსს მიაღწევს, ღამით კი +18 გრადუსი იქნება.
