საქართველოს ბანკის მობილბანკში ჩატბოტთან ხმოვანი შეტყობინების გაგზავნაა შესაძლებელი
ბიზნესი • 1785849502
“შემოსვლა მომგებიანია” - საქართველოს ბანკის გათამაშება ინდმეწარმეებისთვის დაიწყო
ბიზნესი • 1785763991
რუსეთზე დამოკიდებულება იზრდება - საქართველოში სიმინდის იმპორტი სამჯერ მეტით გაიზარდა
ეკონომიკა • 1785735960
საზოგადოება
„აფეთქებები საწყობებთან ახლოს, 200-ლიტრიანი ლიმიტი საწვავზე და ქრთამი“ - რა დაბრკოლებებს აწყდებიან ქართველი გადამზიდავები რუსეთში?
„ბოლო პერიოდში ახალი დაბრკოლებები წარმოიქმნა“, - ამის შესახებ „ბიზნესპრესნიუსთან“ საქართველოს სახმელეთო გადამზიდავთა ასოციაციის ხელმძღვანელმა ირაკლი ნემსაძემ რუსეთის მიმართულებით გადაზიდვებზე საუბრისას განაცხადა.მისი თქმით, ქართველი გადამზიდავებისთვის დამატებითი დაბრკოლებები რუსეთის ტერიტორიაზე არსებულმა უსაფრთხოების რისკებმა, საწვავის მწვავე დეფიციტმა და საგზაო პოლიციის მხრიდან გამკაცრებულმა საზედამხედველო კონტროლმა შექმნა.„გადამზიდავებს, რომლებიც რუსეთის მიმართულებით მოძრაობენ, იქნება ეს ტრანზიტი თუ ექსპორტ-იმპორტი, პერმანენტულად აქვთ სხვადასხვა ტიპის პრობლემები. ეს დაბრკოლებები შეიძლება იყოს როგორც სეზონური, ისე არასეზონური.სეზონურში, მაგალითად, ზამთრის, გაზაფხულის ან ზაფხულის პერიოდში საზღვარზე არსებული შეფერხებები იგულისხმება, რაც გადამზიდავებისთვის მთავარ პრობლემად იქცევა ხოლმე.ასეთ დროს, ძალიან დიდხანს უწევთ მოლოდინის რეჟიმში ყოფნა და რიგებში გაძვირებული სერვისებით სარგებლობა. ეს ყოველივე კი სერიოზულ ფინანსურ დანაკარგებსა და ფსიქოლოგიურ სტრესს იწვევს.თუმცა, ბოლო პერიოდში ახალი დაბრკოლებებიც წარმოიქმნა. პირველ რიგში, ეს უსაფრთხოების რისკებს უკავშირდება, რადგან უკრაინული ძალები იერიშებს არამხოლოდ სამხედრო, არამედ სხვადასხვა ტიპის კომერციულ ობიექტებზეც ახორციელებენ.მძღოლები ხშირად სწორედ ასეთ ადგილებში, ამა თუ იმ კომპანიის საწყობებსა თუ ქარხნებში იმყოფებიან, რის გამოც გახშირდა შემთხვევები, როდესაც აფეთქებები უშუალოდ მათი საქმიანობის არეალთან ძალიან ახლოს მოხდა.საბედნიეროდ, ჯერჯერობით არ გვაქვს ინფორმაცია ვინმეს დაშავების ან დაზიანების შესახებ, თუმცა რისკები მკვეთრად გაიზარდა.შექმნილმა ვითარებამ მძღოლები, ბუნებრივია, დააფრთხო. გადამზიდავები უკვე ირჩევენ ქალაქებს და ცდილობენ, ფრონტის ხაზის მიმდებარე დასახლებებს თავი აარიდონ. თუმცა, ეს ყოველთვის ადვილი არ არის, რადგან დაკვეთებს ასე ვერ შეარჩევ. თანაც, შეტევების არეალი თანდათან გაფართოვდა და რუსეთის შორ ქალაქებსაც მისწვდა.შესაბამისად, დაზღვეული არავინაა, თუ რომელ ქალაქში, რომელ კომერციულ ობიექტზე, რა რისკი შეიძლება შეექმნას“, - აცხადებს ირაკლი ნემსაძე.როგორც სახმელეთო გადამზიდავთა ასოციაციის ხელმძღვანელი განმარტავს, დროის დიდ დანაკარგებსა და დაუგეგმავ ხარჯებს იწვევს გადამზიდავებისთვის რუსეთის ფედერაციაში საწვავთან დაკავშირებით არსებული კრიზისი.„მეორე დაბრკოლება საწვავია. ნავთობობიექტებსა და გადამამუშავებელ ქარხნებზე მიტანილი იერიშების შედეგად, საწვავის დეფიციტი პრაქტიკულად, რუსეთის მთელს ტერიტორიაზე აღინიშნება.დეფიციტი ნიშნავს იმას, რომ ავტოგასამართი სადგურები სატვირთოებს საწვავს ლიმიტირებულად - ერთ გამართვაზე დაახლოებით, 200 ლიტრს უსხამენ, რაც სატვირთო ავტომობილისთვის ძალიან მცირე მოცულობაა.ეს ნიშნავს, რომ ერთი ქალაქიდან მეორეში უწყვეტად გადაადგილების ნაცვლად, მძღოლს გზადაგზა ხშირად იმ სადგურების ძებნა უწევს, სადაც საწვავს დაიმატებს და შეივსებს. იმის გათვალისწინებით, რომ თითოეულ ობიექტზე რიგები დგას, 200 ლიტრის შესავსებადაც კი მთელი დღე რიგში დგომაა საჭირო.გარდა ამისა, გაიზარდა ფასიც, როგორც ტაბლოზე, ისე ჩამსხმელების მხრიდან მანიპულირების ხარჯზე. წარმოიდგინეთ მძღოლს, რომელიც მთელი დღე ავტოგასამართ სადგურზე დგას, მოვიდა ბოლო-ბოლო მისი რიგი და იმის ნაცვლად, რომ საწვავი ჩაუსხან, ეუბნებიან, რომ რესურსი ამოიწურა.იქვე კეთდება მინიშნება, რომ დამატებითი „საჩუქრის“ (ფულადი თუ სხვა სახის) შემდეგ ეს საწვავი „გაჩნდება“. ეს არის დამატებითი ხარჯები, დაკარგული დრო და უზარმაზარი დისკომფორტი, რაც ასეთ კონტაქტებში შესვლას გულისხმობს.მესამე მოცემულობაა ის, რომ ბოლო პერიოდში რუსეთის ტერიტორიაზე უკიდურესად გამკაცრებული საზედამხედველო პირობები შეიმჩნევა. მთელს ტერიტორიაზე მობილიზებულები არიან სატრანსპორტო პოლიციის წარმომადგენლები, რომლებიც თითქოს დოკუმენტაციას და მათ შესაბამისობას ამოწმებენ.ისინი უაღრესად აგრესიულად და მკაცრად იქცევიან, ცდილობენ იპოვონ მიზეზი, დარღვევა ან რაიმე მსგავსი. როგორც წესი, რუსული პრაქტიკა ასეთია: დარღვევას იმისთვის გიპოვიან, რომ შემდეგ მოილაპარაკონ და ქრთამი გადაგახდევინონ.ეს პროცესი კიდევ უფრო დამძიმდა - მსგავსი მიდგომა აქამდეც არსებობდა, თუმცა ბოლო თვეებში მათი დამოკიდებულება განსაკუთრებით გამკაცრდა“, - აცხადებს ირაკლი ნემსაძე „ბიზნესპრესნიუსთან“.
1785828420
1785739200
საქართველოს სოფლები იცლება და მოსახლეობა ბერდებასაქართველოში დაცარიელებული სოფლების რაოდენობა 10 წელიწადში 1.5-ჯერ არის გაზრდილი. სპეციალისტების აზრით, მართალია მდგომარეობა საგანგაშოარ არის, მაგრამ არსებული სურათი დამაფიქრებელია. საუბარია 2014 წლის მოსახლეობის აღწერისა და 2024 წელს ჩატარებული აღწერის შედეგებს შორის პერიოდზე. ათი წლის განმავლობაში ქალაქის ტიპის მოსახლეობის რიცხოვნობა მნიშვნელოვნად - 15,7%-ით არის გაზრდილი, სოფელში კი სულ უფრო ცოტავდება და 2014 -2024 წლებში კლებამ 7,4% შეადგინა, რაც რაოდენობრივად 111 ათასზე მეტი ადამიანია.ამავე მონაცემების მიხედვით, საქართველოში 278 სოფელია ისეთი, სადაც 10 და ნაკლები კაცი ცხოვრობს. შედარებისთვის, 2014 წლის აღწერის მიხედვით, საქართველოში ასეთი 255 სოფელი იყო. დაცარიელებული სოფლების რაოდენობა წინა 2014 წლის აღწერასთან შედარებით, 1.5-ჯერ გაიზარდა.ზოგადად, მსგავსი პრობლემა მთელს მსოფლიოს აწუხებს, თუმცა, ჩვენთან სოფელი თავისი დტვირთვით მხოლოდ დემოგრაფიული და ეკონომიკური მცნება არ არის და მას სხვა დატვირთვა გააჩნია. სწორედ ამაზე ამახვილებს ყურადღებას სტატისტიკოსი სოსო არჩვაძე."მთელ მსოფლიოში იზრდება ქალაქში მოსახლეობა, ხოლო სოფლებში პირიქით, მათი რიცხვი მცირდება. ჩვენთან სოფელი თავისი დტვირთვით მხოლოდ დემოგრაფიული და ეკონომიკური მცნება არ არის. სასოფლო დასახლებებს, განსაკუთრებით მთიან ზონაში საუკუნეების განმავლობაში დამცავი ფუნქცია ჰქონდათ, დღეს კი სოფელი წარმოადგენს ბუნებრივ შემაკავებელ ფაქტორს, სხვა ეთნოსისა და მოსახლეობის საქართველოში უკონტროლო შემოდინების საწინააღმდეგოდ. ამიტომ, სოფლად ცხოვრების ფორმატი და მათთვის სათანადო ცხოვრების შექმნა, ხელისუფლების მხრიდან წმინდა საქველმოქმედო, ჰუმანური აქტი არაა. ის არის სახელმწიფოებრიობის მდგრადობისაკენ გადადგმული ნაბიჯია.დღევანდელი მდგომარეობით, დაახლოებით 230-ზე მეტი სოფელი უკვე დაცარიელებულია, რამდენიმე ათეულ სოფელში კი, 10 -ზე ადამიანი ცხოვრობს. ანუ ისინიც შემცირებისკენაა მიმართული და მომდევნო 10 წელიწადში შესაძლოა ეს დაუსახლებელი სოფლების რიცხვი კიდევ გაიზარდოს ამიტომ საჭიროა სისტემური და კომპლექსური ხასიათის ზომების გატარება, როგორც ეკონომიკური ისევე იდეოლოგიური, კულტურული, ინფრასტრუქტურული და სხვადასხვა თვალსაზრისით. სოფელში ცხოვრებას არა მარტო ეკონომიკურად სასარგებლო, არამედ დადებითი და პოზიტიური ეფექტი უნდა ჰქონდეს წმინდა დემოგრაფიული კუთხითაც", - განაცხადა სოსო არჩვაძემ.საყოველთაო აღწერამ აჩვენა, რომ საქართველოში მცხოვრები ქართველების წილი სხვა ეროვნებებთან მიმართებით მიზერულად, ძალიან მცირედით იზრდება.,,მოსახლეობის აღწერამ აჩვენა, რომ ქართველთა წილი ქვეყანაში 2,5%-ით გაიზარდა, მაშინ როცა მაგალითად, აქ მცხოვრებ აზერბაიჯანელთა რაოდენობა 15%-ით გაიზარდა. ასევე, საგრძნობლად მომატებულია სხვა ქვეყნის მოქალაქეების რიცხვი, რომლებიც ამა თუ იმ ვადით იმყოფებიან საქართველოში. რა გამოდის? ერთი მხრივ, ქართველთა მატება საკმაოდ დაბალ ნიშნულზეა, ხოლო სხვა ქვეყნებიდან შემოსული მოსახლეობის წილი სწრაფი ტემპით მატულობს. ეს გლობალიზაციასთან დაკავშირებული პროცესია და მისი აკრძალვის სამართლებრივი ინსტრუმენტი ჩვენ არ გაგვაჩნია, თუმცა შეიძლება გარკვეული კონტროლის გამკაცრება.დღეს ყოველი 5 ქართველიდან თითქმის 2 უკვე უცხოეთშია. მიგრაციის სტატისტიკა ადასტურებს, რომ უკეთეს შემთხვევაში მიგრანტთა ნახევარი თავის ქვეყნებს უბრუნდება, დანარჩენი ნახევარი კი უცხოეთში რჩება. ამიტომ სახელმწიფოს უნდა ჰქონდეს სპეციალური პროგრამა, რომელიც წაახალისებს ეკონომიკური, კულტურული, საყოფაცხოვრებო პირობებით თუ სხვა საკითხებით მათ სამშობლოში დაბრუნებას.არც ის უნდა დაგვავიწყდეს, რომ რამდენიმე ასეული სოფელი ისედაც ოკუპირებულია და კონტროლის მიღმაა, რაც ქვეყნისთვის ცალკე სატკივარია. ამას ემატება იმ სოფლების ჩამონათვალი, სადაც ადრე ხალხი ცხოვრობდა და დღეს მიტოვებული და გავერანებულია. ამდენად, დაცარიელებული სოფლების პრობლემა გლობალურია, მაგრამ ჩვენთვის უფრო მტკივნეულია, რადგან ძალიან ცოტანი ვართ", - განაცხადა არჩვაძემ.საკითხთან მიმართებაში თითქმის იგივე დამოკიდებულება აქვს დემოგრაფ ანზორ სახვაძეს, რომელიც მიიჩნევს, რომ პრობლემა ზოგადად მართალია გლობალურია, მაგრამ ჩვენისთანა მცირერიცხოვანი ერისათვის მეტად მტკივნეულია.,,საერთოდ, სოფელსა დ ქალაქს შორის მოსახლეობის ცვლილება მნიშვნელოვანი მოვლენაა, მათ შორის დემოგრაფიული თვალსაზრისითაც, მსგავსი პროცესები თითქმის მსოფლიოს ყველა ქვეყანაში, მეტ-ნაკლები დოზით მიმდინარეობს. ეს, უპირველეს ყოვლისა, ადასტურებს, სოფლად მოსახლეობის რაოდენობა კიდევ უფრო დაბერდება. საბოლოოდ კი სოფლად მოსახლეობა შემცირდება.მდგომარეობის გამოსასწორებლად საჭიროა ადგილზე მცხოვრები ახალგაზრდების სტიმულირება და მატერიალური თუ სხვა სახის მხარდამჭერი ღონისძიებების გატარება. საჭიროა ისინი დროულად დაოჯახდნენ და იყოლიონ ბავშვები, რაც, პირველ რიგში, ხელს შეუწყობს სოფლის მოსახლეობის გაახალგაზრდავებას.საჭიროა რეგიონების განვითარდეს ინფრასტრუქტურულად, შეიქმნას საწარმოები და იქ დარჩენის მეტი სტიმული მიეცეს მომავალ თაობას. ამას ჰქვია დემოგრაფიული პოლიტიკა, რომელიც სახელმწიფომ უნდა განახორციელოს. მართალია, რიცხვები კატასტროფული არაა, მაგრამ ხელისუფლებამ უნდა გაატაროს შესაბამისი ზომები, რომ მოხდეს არასახარბიელო პროცესების შეჩერება თუ არა, შენელება მაინც", - განაცხადა ანზორ სახვაძემ.www.resonancedaily.com
1785738840
საუკეთესო ქვეყნები ემიგრანტებისთვის 2026 წელს | Expat Insider-ის რეიტინგისაერთაშორისო კვლევითმა ფირმა Expat Insider-მა ემიგრანტებისთვის საცხოვრებლად საუკეთესო ქვეყნების 2026 წლის რეიტინგი გამოაქვეყნა. წლევანდელი გამოკითხვა 162 სხვადასხვა ეროვნების მქონე 8,000-მდე ემიგრანტს მოიცავს, რომელთაც კვლევის ორგანიზატორებმა სთხოვეს, თავიანთი გამოცდილება რამდენიმე ძირითად კრიტერიუმზე დაყრდნობით შეეფასებინათ.შედეგად, Expat Insider-ის რეიტინგი ხუთ ძირითად კრიტერიუმს ეფუძნება. ესენია: სამუშაო გარემო, პირადი ფინანსები, ცხოვრების ხარისხი, ყოველდღიური ადმინისტრაციული საკითხები (ვიზა, ბიუროკრატია და სხვა) და ახალ გარემოსთან ადაპტაციის სიმარტივე.რეიტინგის ლიდერი ზედიზედ მესამედ პანამა გახდა. კვლევის ფარგლებში გამოკითხულთა 87%-მა განაცხადა, რომ ქვეყანაში ცხოვრებით კმაყოფილია, ხოლო დაახლოებით მესამედი ცენტრალური ამერიკის ქვეყანაში სამუდამოდ დარჩენასაც გეგმავს. რეიტინგში პანამის ლიდერობა უმეტესად მიგრანტების ადგილობრივებთან ინტეგრაციისა და ადმინისტრაციული პროცედურების სიმარტივით აიხსნება.ემიგრანტებისთვის საუკეთესო ქვეყნების 2026 წლის რეიტინგში მეორე პოზიციას მექსიკა იკავებს. ამ შემთხვევაშიც, მთავარი კრიტერიუმი, რამაც სიაში მექსიკის ლიდერობა განაპირობა, ემიგრანტებისთვის ქვეყანაში მეგობრების შეძენისა და ადგილობრივ საზოგადოებაში სწრაფად ადაპტაციის შესაძლებლობაა.სამეულს კი ტაილანდი ასრულებს, სადაც ცხოვრებით გამოკითხული ემიგრანტების 86% აცხადებს, რომ თავს ბედნიერად გრძნობს. მათი შეფასებით, ქვეყნის მთავარი უპირატესობები დაბალი საცხოვრებელი ხარჯები, მათ შორის ხელმისაწვდომი საცხოვრებელია. კვლევის ფარგლებში გამოკითხული ემიგრანტების 42% არც ქვეყანაში საცხოვრებლად სამუდამოდ დარჩენის შესაძლებლობას გამორიცხავს.საინტერესოა, რომ Expat Insider-ის რეიტინგის ტოპ-10-ში მხოლოდ სამი ევროპული ქვეყანა მოხვდა, თუმცა არცერთი მათგანი საუკეთესო ხუთეულში არაა. ყველაზე კარგი შედეგი ესპანეთს აქვს, რომელიც სიის მეექვსე პოზიციაზეა წარმოდგენილი. კრიტერიუმების გათვალისწინებით, ესპანეთი ცხოვრების ხარისხის კატეგორიაში ლიდერია, რაც კარგი კლიმატური პირობების, დასვენებისა და მოგზაურობის მრავალი შესაძლებლობისა და ხელმისაწვდომი საზოგადოებრივი ტრანსპორტის დამსახურებაა.პორტუგალია მერვე ადგილზეა, ხოლო ლუქსემბურგი – მეათეზე. პორტუგალიამ მაღალი შეფასება მიიღო პირადი ფინანსებისა და ახალ გარემოსთან ადაპტაციის სიმარტივის კატეგორიებში. ლუქსემბურგი წამყვან პოზიციებზე სამუშაო პირობების, ხელფასებისა და დასაქმების სტაბილურობის გამო აღმოჩნდა.ცნობისთვის, Expat Insider-ის 2026 წლის რეიტინგი 31 ქვეყანას მოიცავს. იმისათვის, რომ ქვეყანა საერთო რეიტინგში მოხვედრილიყო, გამოკითხვა ამ ადგილიდან მინიმუმ 50 ემიგრანტს უნდა შეევსო.რეიტინგის ქვედა ნაწილში კი დიდი ბრიტანეთი (28-ე), თურქეთი (29-ე), გერმანია (30-ე) და ნორვეგია (31-ე) აღმოჩნდნენ. ახალ გარემოსთან ადაპტაციის სიმარტივის მიხედვით, ნორვეგიამ ბოლო ადგილი დაიკავა, ხოლო გერმანიაში ემიგრანტები ყველაზე ხშირად პრობლემად ბიუროკრატიას, ციფრული სერვისების არასათანადო განვითარებას, საცხოვრებლის პოვნასა და ენობრივ ბარიერს ასახელებდნენ.Expat Insider-ის გამოკითხვით, საუკეთესო ქვეყნები ემიგრანტებისთვის 2026 წელს: პანამა მექსიკა ტაილანდი არაბთა გაერთიანებული საამიროები ბრაზილია ესპანეთი სინგაპური პორტუგალია მალაიზია ლუქსემბურგი წყარო: Forbes.ge
1785479896
ცენტრალური გათბობა საქართველოში მცხოვრები ოჯახების მხოლოდ მესამედს აქვსCRRC-ის ბიზნეს ომნიბუსის (მაისი, 2026) მონაცემებით, საქართველოში საყოფაცხოვრებო ტექნიკის ფლობა მნიშვნელოვნად განსხვავდება კატეგორიების მიხედვით: მაგალითად, მაცივარი და სარეცხი მანქანა თითქმის ყველა ოჯახშია მაშინ, როცა ცენტრალური გათბობა, მიკროტალღური ღუმელი და ჭურჭლის სარეცხი მანქანა გაცილებით ნაკლებად არის გავრცელებული.უფრო კონკრეტულად, ცენტრალური გათბობა გამოკითხულთა მხოლოდ 31 პროცენტს აქვს, ხოლო კონდიციონერი - 28 პროცენტს. კიდევ უფრო ნაკლები, 15 პროცენტია იმ ადამიანების წილი, ვისაც სახლში ჭურჭლის სარეცხი მანქანა აქვს.საგულისხმოა ისიც, რომ მოსახლეობის მხოლოდ ნახევარი ფლობს ლეპტოპს, კომპიუტერს ან ტაბლეტს, ავტომანქანა კი 55 პროცენტს ჰყავს.CRRC-ის შეფასებით, ეს მონაცემები აჩვენებს, რომ პირველადი მოხმარების ტექნიკით ოჯახები უმეტესად უზრუნველყოფილნი არიან, ხოლო სხვა კატეგორიებში შედარებით დაბალი მაჩვენებელი, ერთი მხრივ, ოჯახების ეკონომიკურ მდგომარეობას ასახავს, მეორე მხრივ კი, ბიზნესისთვის ბაზრის განვითარების შესაძლებლობებზე მიუთითებს.ბიზნეს ომნიბუსი ეროვნული მასშტაბის, მოსახლეობის კვარტალური სატელეფონო (CATI) გამოკითხვაა, რომელიც ფარავს მთელს საქართველოს და შედეგები მოსახლეობის წარმომადგენლობითია.
სპორტი
1784523633
ესპანეთი მსოფლიო ჩემპიონია
სხვა სიახლეები
საქართველოს ბანკის „მცირე ბიზნესის ჯაჭვში“ უკვე 30 ბიზნესი ჩაერთო
საქართველოს ბანკის ინიციატივა - „მცირე ბიზნესის ჯაჭვი“ ფართოვდება. კამპანიის ფარგლებში ადგილობრივ ბიზნესებს შორის თანამშრომლობისა და მომხმარებლების გაზიარების შესაძლებლობით დამატებით, კიდევ 20-მა კომპანიამ ისარგებლა.„მცირე ბიზნესის ჯაჭვი“ საქართველოს ბანკის ინიციატივაა, რომელიც მცირე ბიზნესებს ერთმანეთთან აკავშირებს და მათ ახალი მომხმარებლების მოზიდვაში ეხმარება. პროექტის მიზანია, მცირე მეწარმეებმა ერთმანეთის მხარდაჭერით შექმნან ერთიანი ქსელი, სადაც თითოეული ბიზნესი არა მხოლოდ საკუთარ მომხმარებელს მასპინძლობს, არამედ პარტნიორი კომპანიებისთვისაც ახალი ვიზიტორების წყაროდ იქცევა.ინიციატივას უკვე შეუერთდნენ შემდეგი ბიზნესები:Magnolia film lab, Meltingpot, Board Games Corner, Posteration, Kaleisi, ANNE Flowers, Chocotella, Meraki, 1973 Flowers, Hamo, Nari Ceramic Studio, Pancake, Inspiration Home Store, Lampino, Lolka Handmade Cakes, Lilat Flowers, W double You, White Studio, Street Smash, Board Games Guild, Distileria და Arena Gamingჯაჭვის პირველი წრე კი უკვე აერთიანებს ისეთ ბიზნესებს, როგორებიცაა:Dodonut → City Hikers → Mob.Burgers → Sio Print → Lunatic → Wine Square → Maua.concept → Ganjina → JPG → Dodonutინიციატივის ფარგლებში, „მცირე ბიზნესის ჯაჭვში“ ჩართული კომპანიები მომხმარებლებს 20%-იან ფასდაკლების ვაუჩერს სთავაზობენ, რომლის გამოყენებაც პარტნიორ ბიზნესებთან შეუძლიათ. შედეგად, ერთი ვიზიტი მეორეს უკავშირდება - მომხმარებელი აღმოაჩენს ახალ ადგილებს, ხოლო ბიზნესები ახალ აუდიტორიას იძენენ.„მცირე ბიზნესის ჯაჭვში“ ჩართვა შეუძლია ნებისმიერ კომპანიას, რომელსაც აქვს: ფიზიკური სივრცე, სადაც მომხმარებლებს მასპინძლობს; საქართველოს ბანკის ბიზნეს ანგარიში; POS-ტერმინალი. ინიციატივაში მონაწილეობის პროცესი მარტივია - ბიზნესმა უნდა შეავსოს განაცხადი, რის შემდეგაც საქართველოს ბანკის წარმომადგენელი დეტალურ ინფორმაციას მიაწვდის ჩართვის პირობების შესახებ. მონაწილე ბიზნესებს ბანკი გადასცემს კამპანიის მასალებს, მათ შორის პოსტერსა და ვაუჩერებს, რომლითაც ისინი საკუთარ მომხმარებლებს პარტნიორი ბიზნესების აღმოჩენაში დაეხმარებიან.
ბიზნესი • 1785852816
საქართველოს ბანკის ESG და მდგრადობის ხელმძღვანელმა, ანა ოსაძემ Partnership 4SDGs ფორუმზე მდგრადი დაფინანსების განვითარების პერსპექტივებზე ისაუბრა
საქართველოს ბანკის ESG და მდგრადობის ხელმძღვანელმა, ანა ოსაძემ, გაეროს გლობალური შეთანხმების საქართველოს ქსელის ყოველწლიურ ფორუმში - „პარტნიორობა მდგრადი განვითარების მიზნებისთვის“ (Partnership 4SDGs) მიიღო მონაწილეობა. ფორუმის ფარგლებში გამართულ პანელურ დისკუსიაში, რომელიც ეთმობოდა ფინანსური სექტორის როლის განხილვას საქართველოს მწვანე ტრანსფორმაციაში, ანა ოსაძემ ინდუსტრიის წარმომადგენლებთან ერთად ისაუბრა იმის შესახებ, თუ როგორ აფართოებენ ქართული ფინანსური ინსტიტუტები მდგრადი და მწვანე დაფინანსების შესაძლებლობებს, რომელ ფინანსურ პროდუქტებზე იზრდება მოთხოვნა და როგორ შეიძლება ფინანსებზე წვდომის გაუმჯობესებამ კერძო სექტორის, განსაკუთრებით კი მცირე და საშუალო ბიზნესის, მწვანე ტრანსფორმაციას შეუწყოს ხელი. დისკუსიის მონაწილეებმა ასევე ისაუბრეს ფინანსური ინსტიტუტების როლზე კლიმატთან დაკავშირებულ გამოწვევებთან გამკლავების პროცესში, პასუხისმგებლიანი ფინანსური პრაქტიკის დანერგვის, მისი შედეგების და ბიზნესებისთვის მდგრადი განვითარების ხელშემწყობი ფინანსური ინსტრუმენტების ხელმისაწვდომობის ზრდის შესაძლებლობებზე.ფორუმის ფარგლებში საქართველოს ბანკი კიდევ ერთ პანელურ დისკუსიაშიც იყო წარმოდგენილი. სტუმარმასპინძლობის სექტორში მწვანე ტრანსფორმაციის საკითხებზე გამართულ სესიას საქართველოს ბანკის კორპორაციული დეპარტამენტის დირექტორის მოადგილე, გიორგი გალოგრე, უძღვებოდა. დისკუსიის მონაწილეებმა მდგრადი ბიზნესპრაქტიკის დანერგვის, სექტორის კონკურენტუნარიანობის ზრდისა და მწვანე ინვესტიციების მნიშვნელობაზე ისაუბრეს.შეგახსენებთ, რომ Partnership 4SDGs გაეროს გლობალური შეთანხმების საქართველოს ქსელის ყოველწლიური ფორუმია, რომელიც საერთაშორისო საფინანსო ინსტიტუტების, ფინანსური სექტორის, კერძო კომპანიების, ბიზნესასოციაციებისა და განვითარების პარტნიორების წარმომადგენლებს აერთიანებს. ფორუმის მიზანია მდგრადი განვითარების მიზნების მიღწევის ხელშეწყობა, გამოცდილების გაზიარება და საჯარო და კერძო სექტორებს შორის თანამშრომლობის გაძლიერება.საქართველოს ბანკისთვის მდგრადი განვითარება ბიზნესსტრატეგიის მნიშვნელოვანი ნაწილია. ბანკი განაგრძობს ESG პრინციპების ინტეგრირებას საკუთარ საქმიანობაში და ისეთი ინიციატივების მხარდაჭერას, რომლებიც ქვეყნის მდგრად ეკონომიკურ განვითარებასა და მწვანე ტრანსფორმაციას უწყობს ხელს.
ბიზნესი • 1785852715
საქართველოს ბანკის მობილბანკში ჩატბოტთან ხმოვანი შეტყობინების გაგზავნაა შესაძლებელი
საქართველოს ბანკის მობილბანკის მომხმარებლებს ჩატბოტთან კომუნიკაციისთვის, ტექსტის აკრეფის გარდა, ახლა უკვე ხმოვანი შეტყობინების გაგზავნაც შეუძლიათ. სიახლე მომხმარებელს შესაძლებლობას აძლევს, საბანკო საკითხებთან დაკავშირებული შეკითხვა ხმოვანი სახით გაგზავნოს და პასუხი იმავე სისწრაფით მიიღოს. რაც განსაკუთრებით მოსახერხებელია მაშინ, როცა მომხმარებელს ტექსტის აკრეფის დრო ან შესაძლებლობა არ აქვს.ტექნიკურად პროცესი შემდეგნაირად მიმდინარეობს: მომხმარებელი იწყებს ხმოვანი შეტყობინების ჩაწერას, რომელსაც Speech-to-Text ტექნოლოგია ტექსტად გარდაქმნის და შემდეგ ჩატბოტს უგზავნის, პასუხს კი დაუყოვნებლივ იღებს.ფუნქციონალი მობილბანკის ჩატბოტის განახლების ნაწილია, რომელიც მომხმარებელს საშუალებას აძლევს, ყოველდღიური საბანკო საკითხები დახმარების გარეშე, სწრაფად და მარტივად მოაგვაროს, მათ შორის შეძლოს ბარათის მართვა, PIN კოდის შეცვლა, ანგარიშის რეკვიზიტებისა და ამონაწერის მიღება, Lifestyle შეთავაზებების გაცნობა თუ ბოლო ტრანზაქციების ნახვა.გამოცადეთ ჩატბოტის შესაძლებლობები საქართველოს ბანკის მობილბანკში
ბიზნესი • 1785849502
საქართველოს ბანკის საერთაშორისო სასტიპენდიო პროგრამებზე მიღება გრძელდება
საქართველოს ბანკი, როგორც განათლების მთავარი მხარდამჭერი, ახალგაზრდებისთვის საერთაშორისო განათლებაზე ხელმისაწვდომობის გასაზრდელად ინიციატივების განხორციელებას განაგრძობს. სწორედ ამ მიზნით, უკვე 10 წელზე მეტია, ბანკი საერთაშორისო სასტიპენდიო პროგრამებს ახორციელებს და ახალგაზრდა პროფესიონალებსა თუ მოსწავლეებს მსოფლიოს წამყვან უნივერსიტეტებსა და სასწავლებლებში სრული დაფინანსებით სწავლის შესაძლებლობას აძლევს.გაეცანით საქართველოს ბანკის მიერ ახალგაზრდებისთვის შექმნილ საერთაშორისო სასტიპენდიო პროგრამებს, შეავსეთ განაცხადი და განათლების გზაზე არ გაჩერდეთ.მოიპოვეთ საქართველოს ბანკის სტიპენდია CHEVENING-ს პროგრამაში და ისწავლეთ ბრიტანეთის წამყვან უნივერსიტეტებშისაქართველოს ბანკი უკვე ათ წელზე მეტია, CHEVENING-ის სასტიპენდიო პროგრამის პარტნიორია. თანამშრომლობის ფარგლებში, ფინანსური ინსტიტუტი ყოველწლიურად საკუთარ სტიპენდიატს ავლენს და დიდ ბრიტანეთში, სამაგისტრო საფეხურზე სწავლას და მასთან დაკავშირებულ ხარჯებს სრულად უფინანსებს.პარტნიორობის ფარგლებში უკვე გამოვლინდა საქართველოს ბანკის 30-ზე მეტი სტიპენდიატი და მათი რაოდენობა ყოველწლიურად იზრდება.2027–2028 სასწავლო წლის პროგრამაზე განაცხადების მიღება 4 აგვისტოს დაიწყო და 6 ოქტომბერს დასრულდება. დეტალური ინფორმაციის მისაღებად ეწვიეთ ვებგვერდს. მოიპოვეთ საქართველოს ბანკის სტიპენდია UWC-ის საერთაშორისო განათლების პროგრამაში და ისწავლეთ სასურველ სკოლაში ხარისხიან საერთაშორისო განათლებაზე ხელმისაწვდომობის გაზრდის მიზნით, საქართველოს ბანკი UWC Georgia-ს პარტნიორია.პარტნიორობის ფარგლებში ბანკი 15–17 წლის მოსწავლეებს შესაძლებლობას აძლევს, სრული დაფინანსებით სწავლა მსოფლიოს 17 ქვეყანაში მოქმედ 18 UWC სკოლაში გააგრძელონ. პროგრამა ხელს უწყობს სხვადასხვა კულტურის, ერისა და საზოგადოების დაახლოებას განათლების გზით და ახალგაზრდებს უნიკალურ საერთაშორისო გამოცდილებას სთავაზობს.საქართველოს ბანკისა და UWC Georgia-ს თანამშრომლობის ფარგლებში უკვე ორი სტიპენდიატია გამოვლენილი.საერთაშორისო განათლების პროგრამაზე მიღება დაიწყო და 30 სექტემბერს დასრულდება. განაცხადის შესავსებად და დეტალური ინფორმაციის მისაღებად ეწვიეთ ვებგვერდს. საქართველოს ბანკის მიერ განხორციელებული საგანმანათლებლო პროგრამების შესახებ დეტალური ინფორმაციის მისაღებად ეწვიეთ ვებგვერდს.
ბიზნესი • 1785835598
პორტალი www.ekalata.gov.ge საზოგადოებას აძლევს იმის საშუალებას, რომ მაქსიმალურად დაბალ ფასებში შეიძინონ პროდუქტები - ირაკლი კობახიძე
პორტალი www.ekalata.gov.ge საზოგადოებას აძლევს იმის საშუალებას, რომ მაქსიმალურად დაბალ ფასებში შეიძინონ პროდუქტები, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა. როგორც მთავრობის მეთაურმა განაცხადა, ეს პორტალი არის ძალიან საინტერესო, ინოვაციური შეთავაზება საზოგადოებისთვის.„მნიშვნელოვანია, რომ ფართოვდება შესაბამისი პროდუქტების ჩამონათვალი, რაც საზოგადოებას, ჩვენს მოქალაქეებს მისცემს იმის საშუალებას, რომ მათთვის სასურველი კალათი შეიძინონ ყველაზე უფრო იაფად. ამ მიმართულებით მომავალშიც უნდა გაგრძელდეს ძალისხმევა“, - განაცხადა ირაკლი კობახიძემ.ინფორმაციას მთავრობის ადმინისტრაცია ავრცელებს
ეკონომიკა • 1785828619
„აფეთქებები საწყობებთან ახლოს, 200-ლიტრიანი ლიმიტი საწვავზე და ქრთამი“ - რა დაბრკოლებებს აწყდებიან ქართველი გადამზიდავები რუსეთში?
„ბოლო პერიოდში ახალი დაბრკოლებები წარმოიქმნა“, - ამის შესახებ „ბიზნესპრესნიუსთან“ საქართველოს სახმელეთო გადამზიდავთა ასოციაციის ხელმძღვანელმა ირაკლი ნემსაძემ რუსეთის მიმართულებით გადაზიდვებზე საუბრისას განაცხადა.მისი თქმით, ქართველი გადამზიდავებისთვის დამატებითი დაბრკოლებები რუსეთის ტერიტორიაზე არსებულმა უსაფრთხოების რისკებმა, საწვავის მწვავე დეფიციტმა და საგზაო პოლიციის მხრიდან გამკაცრებულმა საზედამხედველო კონტროლმა შექმნა.„გადამზიდავებს, რომლებიც რუსეთის მიმართულებით მოძრაობენ, იქნება ეს ტრანზიტი თუ ექსპორტ-იმპორტი, პერმანენტულად აქვთ სხვადასხვა ტიპის პრობლემები. ეს დაბრკოლებები შეიძლება იყოს როგორც სეზონური, ისე არასეზონური.სეზონურში, მაგალითად, ზამთრის, გაზაფხულის ან ზაფხულის პერიოდში საზღვარზე არსებული შეფერხებები იგულისხმება, რაც გადამზიდავებისთვის მთავარ პრობლემად იქცევა ხოლმე.ასეთ დროს, ძალიან დიდხანს უწევთ მოლოდინის რეჟიმში ყოფნა და რიგებში გაძვირებული სერვისებით სარგებლობა. ეს ყოველივე კი სერიოზულ ფინანსურ დანაკარგებსა და ფსიქოლოგიურ სტრესს იწვევს.თუმცა, ბოლო პერიოდში ახალი დაბრკოლებებიც წარმოიქმნა. პირველ რიგში, ეს უსაფრთხოების რისკებს უკავშირდება, რადგან უკრაინული ძალები იერიშებს არამხოლოდ სამხედრო, არამედ სხვადასხვა ტიპის კომერციულ ობიექტებზეც ახორციელებენ.მძღოლები ხშირად სწორედ ასეთ ადგილებში, ამა თუ იმ კომპანიის საწყობებსა თუ ქარხნებში იმყოფებიან, რის გამოც გახშირდა შემთხვევები, როდესაც აფეთქებები უშუალოდ მათი საქმიანობის არეალთან ძალიან ახლოს მოხდა.საბედნიეროდ, ჯერჯერობით არ გვაქვს ინფორმაცია ვინმეს დაშავების ან დაზიანების შესახებ, თუმცა რისკები მკვეთრად გაიზარდა.შექმნილმა ვითარებამ მძღოლები, ბუნებრივია, დააფრთხო. გადამზიდავები უკვე ირჩევენ ქალაქებს და ცდილობენ, ფრონტის ხაზის მიმდებარე დასახლებებს თავი აარიდონ. თუმცა, ეს ყოველთვის ადვილი არ არის, რადგან დაკვეთებს ასე ვერ შეარჩევ. თანაც, შეტევების არეალი თანდათან გაფართოვდა და რუსეთის შორ ქალაქებსაც მისწვდა.შესაბამისად, დაზღვეული არავინაა, თუ რომელ ქალაქში, რომელ კომერციულ ობიექტზე, რა რისკი შეიძლება შეექმნას“, - აცხადებს ირაკლი ნემსაძე.როგორც სახმელეთო გადამზიდავთა ასოციაციის ხელმძღვანელი განმარტავს, დროის დიდ დანაკარგებსა და დაუგეგმავ ხარჯებს იწვევს გადამზიდავებისთვის რუსეთის ფედერაციაში საწვავთან დაკავშირებით არსებული კრიზისი.„მეორე დაბრკოლება საწვავია. ნავთობობიექტებსა და გადამამუშავებელ ქარხნებზე მიტანილი იერიშების შედეგად, საწვავის დეფიციტი პრაქტიკულად, რუსეთის მთელს ტერიტორიაზე აღინიშნება.დეფიციტი ნიშნავს იმას, რომ ავტოგასამართი სადგურები სატვირთოებს საწვავს ლიმიტირებულად - ერთ გამართვაზე დაახლოებით, 200 ლიტრს უსხამენ, რაც სატვირთო ავტომობილისთვის ძალიან მცირე მოცულობაა.ეს ნიშნავს, რომ ერთი ქალაქიდან მეორეში უწყვეტად გადაადგილების ნაცვლად, მძღოლს გზადაგზა ხშირად იმ სადგურების ძებნა უწევს, სადაც საწვავს დაიმატებს და შეივსებს. იმის გათვალისწინებით, რომ თითოეულ ობიექტზე რიგები დგას, 200 ლიტრის შესავსებადაც კი მთელი დღე რიგში დგომაა საჭირო.გარდა ამისა, გაიზარდა ფასიც, როგორც ტაბლოზე, ისე ჩამსხმელების მხრიდან მანიპულირების ხარჯზე. წარმოიდგინეთ მძღოლს, რომელიც მთელი დღე ავტოგასამართ სადგურზე დგას, მოვიდა ბოლო-ბოლო მისი რიგი და იმის ნაცვლად, რომ საწვავი ჩაუსხან, ეუბნებიან, რომ რესურსი ამოიწურა.იქვე კეთდება მინიშნება, რომ დამატებითი „საჩუქრის“ (ფულადი თუ სხვა სახის) შემდეგ ეს საწვავი „გაჩნდება“. ეს არის დამატებითი ხარჯები, დაკარგული დრო და უზარმაზარი დისკომფორტი, რაც ასეთ კონტაქტებში შესვლას გულისხმობს.მესამე მოცემულობაა ის, რომ ბოლო პერიოდში რუსეთის ტერიტორიაზე უკიდურესად გამკაცრებული საზედამხედველო პირობები შეიმჩნევა. მთელს ტერიტორიაზე მობილიზებულები არიან სატრანსპორტო პოლიციის წარმომადგენლები, რომლებიც თითქოს დოკუმენტაციას და მათ შესაბამისობას ამოწმებენ.ისინი უაღრესად აგრესიულად და მკაცრად იქცევიან, ცდილობენ იპოვონ მიზეზი, დარღვევა ან რაიმე მსგავსი. როგორც წესი, რუსული პრაქტიკა ასეთია: დარღვევას იმისთვის გიპოვიან, რომ შემდეგ მოილაპარაკონ და ქრთამი გადაგახდევინონ.ეს პროცესი კიდევ უფრო დამძიმდა - მსგავსი მიდგომა აქამდეც არსებობდა, თუმცა ბოლო თვეებში მათი დამოკიდებულება განსაკუთრებით გამკაცრდა“, - აცხადებს ირაკლი ნემსაძე „ბიზნესპრესნიუსთან“.
საზოგადოება • 1785828420
მსოფლიო
სხვადასხვა
1785394776
გარემოს ეროვნული სააგენტო ამინდის მოსალოდნელი გაუარესების შესახებ ინფორმაციას ავრცელებს30 ივლისის დღის მეორე ნახევრიდან 31 ივლისის დღის მეორე ნახევრამდე შიდა ქართლის, მცხეთა-მთიანეთის და კახეთის რეგიონებში მოსალოდნელია დროგამოშვებით წვიმა, ჩრდილოეთით მთიან რაიონებში ზოგან ძლიერი. შესაძლებელია ელჭექი, სეტყვა და ნისლი.მოსალოდნელმა ძლიერმა ნალექებმა შესაძლებელია პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გაქტიურება გამოიწვიოს (საფრთხის დონე საშუალო).ინფორმაციას გარემოს ეროვნული სააგენტო ავრცელებს
1784955300
ქორწინება სმარტფონიდან - უკრაინაში ონლაინ რეგისტრაციამ ერთ წელიწადში ტრადიციულ მოდელს სერიოზული კონკურენცია გაუწია2026 წლის პირველ ნახევარში უკრაინაში რეგისტრირებული ქორწინებების 38.3% სრულად ელექტრონულად გაფორმდა, რაც სახელმწიფო სერვისების გაციფრულების ერთ-ერთი ყველაზე სწრაფად მზარდი მიმართულებაა. უკრაინის იუსტიციის სამინისტროს მონაცემებით, იანვრიდან ივნისის ჩათვლით ქვეყანაში 79 516 ქორწინება დარეგისტრირდა, აქედან 30 488 ონლაინ რეჟიმში. შედარებისთვის, 2025 წლის განმავლობაში რეგისტრირებული 165 587 ქორწინებიდან ელექტრონული ფორმით 18.4% გაფორმდა. შესაბამისად, ონლაინ რეგისტრაციის წილი ერთ წელიწადში 19.9 პროცენტული პუნქტით გაიზარდა და ორ წელზე ნაკლებ დროში პრაქტიკულად გაორმაგდა. 2026 წლის მხოლოდ ექვს თვეში ელექტრონულად გაფორმებული ქორწინებების რაოდენობა უკვე დაახლოებით გაუტოლდა 2025 წლის მთელი წლის სავარაუდო მაჩვენებელს.„Diia-ს“ მობილური აპლიკაციის საშუალებით წყვილს შეუძლია შეიტანოს განცხადება, შეარჩიოს თარიღი, დაადასტუროს თანხმობა ელექტრონული ხელმოწერით და ვიდეოკავშირის დროს ოფიციალურად გააფორმოს ქორწინება. ცერემონია მაქსიმუმ 30 წუთს გრძელდება, ციფრული მოწმობა კი აპლიკაციაში ავტომატურად აისახება. სურვილის შემთხვევაში ქაღალდის დოკუმენტის ფოსტით მიღებაც შესაძლებელია. უკრაინა პირველი ქვეყანაა, რომელმაც ქორწინების სრული სამართლებრივი პროცესი, განცხადებიდან ოფიციალურ რეგისტრაციამდე, მობილურ აპლიკაციაში გადაიტანა.სერვისი განსაკუთრებით მნიშვნელოვანია ომის პირობებში, როდესაც მილიონობით უკრაინელი ქვეყნის შიგნით ან საზღვარგარეთაა გადაადგილებული, სამხედრო მოსამსახურეთა ნაწილი კი ფრონტის ხაზზე იმყოფება. „Diia-ს“ ინფორმაციით, 2026 წლის თებერვლისთვის ონლაინ ქორწინების სერვისით უკვე 40 ათასზე მეტ წყვილს ჰქონდა სარგებლობა, მათ შორის 1 700-ზე მეტ სამხედრო ოჯახს. ფიზიკური ადგილმდებარეობა რეგისტრაციისთვის დაბრკოლებას აღარ წარმოადგენს, რადგან ცერემონიაში მონაწილეობა სხვადასხვა ქალაქიდან ან ქვეყნიდან შეიძლება.ეკონომიკური ეფექტი პირველ რიგში დროის, ტრანსპორტისა და ადმინისტრაციული რესურსების დაზოგვაში გამოიხატება. 2026 წლის პირველ ნახევარში ონლაინ დაქორწინებული 30 488 წყვილი 60 976 მოქალაქეს ნიშნავს. მხოლოდ პირობითი სცენარით, თუ თითოეულ ადამიანს სახელმწიფო ოფისში ერთი მისვლა და ჯამურად ორი საათი მაინც ეზოგება, მოსახლეობის დაზოგილი დრო დაახლოებით 122 ათას საათს აღწევს. ეს ოფიციალური ეკონომიკური შეფასება არ არის, თუმცა აჩვენებს სერვისის შესაძლო პროდუქტიულობის ეფექტს. ამას ემატება მგზავრობის, დოკუმენტების ბეჭდვისა და რიგში დგომის ხარჯების შემცირება, ხოლო სახელმწიფოსთვის მონაცემების ავტომატური შემოწმება და ელექტრონული ჩანაწერები ხელით დამუშავების საჭიროებას ამცირებს.ზუსტი საბიუჯეტო სარგებლის დათვლა ამ ეტაპზე შეუძლებელია. უკრაინის ხელისუფლებას არ გამოუქვეყნებია ინფორმაცია, რა დაჯდა კონკრეტულად ონლაინ ქორწინების სისტემის შექმნა, რამდენია ერთი ელექტრონული რეგისტრაციის თვითღირებულება ან რამდენი ადმინისტრაციული თანხა დაიზოგა. ცნობილია, რომ სერვისი იუსტიციისა და ციფრული ტრანსფორმაციის სამინისტროებმა სხვა სახელმწიფო უწყებებთან ერთად შექმნეს, ფინანსური და ინსტიტუციური მხარდაჭერა შვეიცარიულ-უკრაინულმა EGAP-ის პროგრამამ უზრუნველყო, ვიდეოკავშირის ტექნოლოგიური პარტნიორი კი Cisco გახდა. პროექტის ცალკე ბიუჯეტი საჯაროდ არ არის დასახელებული, ამიტომ კონკრეტული ფინანსური ეკონომიის მითითება მხოლოდ ვარაუდი იქნებოდა.მომხმარებლისთვის სახელმწიფო ქორწინების რეგისტრაციის საბაზისო მოსაკრებელი დაბალია და 0.85 გრივნას შეადგენს, თუმცა ონლაინ მომსახურების საბოლოო ფასი შეიძლება გაიზარდოს არჩეული თარიღის, დამატებითი მომსახურებისა და დოკუმენტის მიწოდების მიხედვით. სამართლებრივი კვლევების მიხედვით, სრული ონლაინ მომსახურების მაქსიმალური ღირებულება დაახლოებით 1 664 გრივნას აღწევდა, თუმცა ეს თანხა ყველა წყვილისთვის სავალდებულო გადასახადი არ არის.სერვისი 2024 წელს მთავრობის მიერ დამტკიცებული ექსპერიმენტული პროექტის ფარგლებში ამოქმედდა. 2026 წელს უკრაინის პარლამენტში დაიწყო მუშაობა ცვლილებებზე, რომლებმაც ონლაინ ქორწინება დროებითი ექსპერიმენტიდან მუდმივ სამართლებრივ მექანიზმად უნდა გარდაქმნას. პარლამენტის ჰუმანიტარული და საინფორმაციო პოლიტიკის კომიტეტმა შესაბამის ინიციატივას მხარი დაუჭირა, თუმცა მასალის მომზადების დროისთვის საბოლოო საკანონმდებლო პროცესი დასრულებული არ იყო. ეს განსხვავება მნიშვნელოვანია: სერვისი რეალურად მოქმედებს, მაგრამ მისი გრძელვადიანი სამართლებრივი სტატუსის საბოლოო გამყარება ჯერ კიდევ საპარლამენტო პროცესზეა დამოკიდებული.გაციფრულებას კიბერუსაფრთხოების ხარჯიც ახლავს. 2024 წლის დეკემბერში რუსეთის მიერ განხორციელებულმა მასშტაბურმა კიბერშეტევამ უკრაინის იუსტიციის სამინისტროს სახელმწიფო რეესტრები დროებით გათიშა, რის შედეგადაც ქორწინების, დაბადებისა და სხვა სამოქალაქო აქტების ონლაინ სერვისებიც შეფერხდა. ოფიციალური პირების განცხადებით, მონაცემების დაკარგვა არ დადასტურდა, თუმცა შემთხვევამ აჩვენა, რომ ციფრული სახელმწიფოს ფინანსური ეფექტიანობა მონაცემთა დაცვის, სარეზერვო სისტემებისა და უწყვეტი მუშაობის უზრუნველყოფაში მუდმივ ინვესტიციას მოითხოვს.ფართო სურათში ონლაინ ქორწინების პოპულარობა „Diia-ს“ მომხმარებელთა ბაზის ზრდას ასახავს. 2025 წლის ოქტომბრისთვის აპლიკაციას 23 მილიონზე მეტი უკრაინელი იყენებდა, მასში 33 ციფრული დოკუმენტი და 70-ზე მეტი მომსახურება იყო ინტეგრირებული, ხოლო სისტემასთან 25 ათასზე მეტი სახელმწიფო დაწესებულება და კომპანია თანამშრომლობდა. ქორწინებების თითქმის 40%-ის ონლაინ რეგისტრაცია მიუთითებს, რომ ელექტრონული სახელმწიფო უკრაინაში მხოლოდ ტექნოლოგიური პროექტი აღარ არის და მოქალაქეების ყოველდღიური ქცევის ნაწილად იქცა.საბოლოოდ, ინიციატივის მთავარი ეკონომიკური მნიშვნელობა მოსაკრებლების ზრდაში არ არის. მისი ღირებულება ბიუროკრატიული ტრანზაქციის შემცირებაში, მოქალაქეების დროის დაზოგვაში, სამხედროებისა და ემიგრაციაში მყოფი ადამიანებისთვის სახელმწიფო სერვისებზე ხელმისაწვდომობაში და რეესტრების ავტომატიზაციაში მდგომარეობს. თუ 2026 წლის მეორე ნახევარშიც იგივე ტენდენცია შენარჩუნდება, ონლაინ ქორწინება უკრაინაში ალტერნატიული მომსახურებიდან სამოქალაქო რეგისტრაციის ერთ-ერთ ძირითად არხად გადაიქცევა.
1784870754
როგორი ამინდია მოსალოდნელი დღეს საქართველოში24 ივლისს ქუთაისში ხანმოკლე წვიმა იქნება, დღისით +30 და ღამით +21 გრადუსი დაფიქსირდება.ხანმოკლე წვიმა იქნება ოზურგეთშიც. დღისით +30 გრადუსი დაფიქსირდება, ღამით კი +20 გრადუსი იქნება.ბათუმშიც ხანმოკლე წვიმაა მოსალოდნელი, დღისით ჰაერი +28 გრადუსამდე გათბება, ხოლო ღამით +22 გრადუსი დაფიქსირდება.მზიანი დღეა ფოთში. დღისით +28 გრადუსი დაფიქსირდება, ღამით კი +22 გრადუსია მოსალოდნელი.ზუგდიდშიც ნალექიანი ამინდია, ჰაერის ტემპერატურა დღისით +30, ღამით კი +21 გრადუსი იქნება.სოხუმში წვიმიანი დღეა მოსალოდნელი, +27 გრადუსია მოსალოდნელი დღისით, ღამით +20 გრადუსი დაფიქსირდება.მესტიაში წვიმიანი დღეა, დღისით +28 გრადუსი იქნება, ღამით კი +10 გრადუსი დაფიქსირდება. ამბროლაურშიც წვიმიან ამინდს ელოდებიან. ჰაერი +29 გრადუსამდე გათბება, ღამით კი +17 გრადუსი დაფიქსირდება.ჭიათურაშიც იწვიმებს. დღისით +29 გრადუსი, ღამით კი +18 გრადუსი დაფიქსირდება.ახალციხეში მცირე ნალექია მოსალოდნელი, დღისით +30 გრადუსი, ღამით კი +15 გრადუსი იქნება.ახალქალაქშიც იწვიმებს, დღისით +29 გრადუსი, ღამით კი +16 იქნება.ბორჯომშიც ნალექია მოსალოდნელი, +29 იქნება დღისით, ღამით კი +17 გრადუსი დაფიქსირდება.წვიმაა მოსალოდნელი ბაკურიანში, დღისით +23 გრადუსია მოსალოდნელი, ღამით +9 გრადუსი დაფიქსირდება.მცირე ნალექს ელოდებიან გორში, დღისით +32 გრადუსი, ღამის განმავლობაში კი +19 გრადუსი დაფიქსირდება.ცხინვალში ხანმოკლე წვიმაა მოსალოდნელი, ჰაერის ტემპერატურა +31 გრადუსი იქნება, ღამით კი +18 გრადუსი დაფიქსირდება.გუდაურში წვიმაა მოსალოდნელი, დღის განმავლობაში +19 გრადუსი დაფიქსირდება, ღამით კი ჰაერის ტემპერატურა +12 გრადუსი იქნება.ომალოშიც იწვიმებს. დღისით +20 ღამით კი +10 გრადუსი დაფიქსირდება.ლაგოდეხში ხანმოკლე წვიმა იქნება, ჰაერის ტემპერატურა დღის განმავლობაში +31 გრადუსი იქნება, ღამით კი +21 გრადუსი დაფიქსირდება.თელავშიც წვიმაა ნავარაუდევი. დღისით +30 გრადუსი დაფიქსირდება, ღამით კი +20 გრადუსი იქნება.წვიმიანი დღეა გურჯაანში, დღისით +32 გრადუსი, ღამით კი +21 გრადუსი დაფიქსირდება.სიღნაღში დღისით +31 გრადუსია მოსალოდნელი, ღამით +21 გრადუსი დაფიქსირდება. დღე ხანმოკლე წვიმაა მოსალოდნელი.რუსთავში მოსალოდნელია ხანმოკლე წვიმა. დღისით +34 გრადუსია მოსალოდნელი, ღამით კი +21 გრადუსი დაფიქსირდება.თბილისშიც მცირე ნალექს ელოდებიან. ჰაერის ტემპერატურა დღისით +33 გრადუსს მიაღწევს, ღამით კი +21 გრადუსი იქნება.
1784523504
როგორი ამინდია მოსალოდნელი დღეს საქართველოში20 ივლისს ქუთაისში მზიანი დღე იქნება, დღისით +31 და ღამით +19 გრადუსი დაფიქსირდება. მზიანი დღე იქნება ოზურგეთშიც. დღისით +32 გრადუსი დაფიქსირდება, ღამით კი +20 გრადუსი იქნება.ბათუმშიც მზეა მოსალოდნელი, დღისით ჰაერი +30 გრადუსამდე გათბება, ხოლო ღამით +20 გრადუსი დაფიქსირდება.უნალექო ამინდია ფოთში. დღისით +30 გრადუსი დაფიქსირდება, ღამით კი +21 გრადუსია მოსალოდნელი. ზუგდიდში დღე უნალექოდ ჩაივლის, ჰაერის ტემპერატურა დღისით +30, ღამით კი +18 გრადუსი იქნება.სოხუმშიც მზეა, +28 გრადუსია მოსალოდნელი დღისით, ღამით +19 გრადუსი დაფიქსირდება.მესტიაშიც მზეა, დღისით +28 გრადუსი იქნება, ღამით კი +12 გრადუსი დაფიქსირდება. ამბროლაურში მზეს ელოდებიან. ჰაერი +29 გრადუსამდე გათბება, ღამით კი +16 გრადუსი დაფიქსირდება.ჭიათურაშიც მზიანი დღეა, დღისით +30 გრადუსი, ღამით კი +16 გრადუსი დაფიქსირდება.ახალციხეშიც მზიანი დღეა, დღისით +28 გრადუსი, ღამით კი +13 გრადუსი იქნება.ბორჯომშიც მზეა მოსალოდნელი, +29 იქნება დღისით, ღამით კი +15 გრადუსი დაფიქსირდება.უნალექო დღეა მოსალოდნელი ბაკურიანში, დღისით +23 გრადუსია მოსალოდნელი, ღამით +9 გრადუსი დაფიქსირდება.მზიან ამინდს გვპირდებიან სინოპტიკოსები გორშიც, დღისით +32 გრადუსი, ღამის განმავლობაში კი +16 გრადუსი დაფიქსირდება. ცხინვალშიც მზეა მოსალოდნელი, ჰაერის ტემპერატურა +31 გრადუსი იქნება, ღამით კი +15 გრადუსი დაფიქსირდება.გუდაურში წვიმიანი ამინდია მოსალოდნელი, დღის განმავლობაში +16 გრადუსი დაფიქსირდება, ღამით კი ჰაერის ტემპერატურა +8 გრადუსი იქნება.ომალოში ნალექიან ამინდს ელოდებიან. დღისით +20 ღამით კი +10 გრადუსი დაფიქსირდება.ლაგოდეხში ხანმოკლე წვიმას ვარაუდობენ, ჰაერის ტემპერატურა დღის განმავლობაში +31 გრადუსი იქნება, ღამით კი +18 გრადუსი დაფიქსირდება.ანალოგიური ამინდი იქნება დღეს თელავში, სადაც დღისით +30 გრადუსი დაფიქსირდება, ღამით კი +19 გრადუსია ნავარაუდევი.ნალექიანი დღე იქნება გურჯაანშიც, დღისით +30 გრადუსი, ღამით კი +19 გრადუსი დაფიქსირდება. სიღნაღშიც წვიმიანი დღეა მოსალოდნელი, დღისით +29 გრადუსია მოსალოდნელი, ღამით +17 გრადუსი დაფიქსირდება.რუსთავში მზიანი დღეა მოსალოდნელი. დღისით +31 გრადუსია მოსალოდნელი, ღამით კი +21 გრადუსი დაფიქსირდება.თბილისში მოსალოდნელია ხანმოკლე წვიმა. ჰაერის ტემპერატურა დღისით +31 გრადუსს მიაღწევს, ღამით კი +20 გრადუსი იქნება.
1783920569
როგორი ამინდია მოსალოდნელი 13 ივლისს საქართველოში13 ივლისს ქუთაისში მზიანი ამინდი იქნება, დღისით +32 და ღამით +21 გრადუსი დაფიქსირდება. მზიანი დღე იქნება ოზურგეთში. დღისით +31 გრადუსი დაფიქსირდება, ღამით კი +21 გრადუსი იქნება.ბათუმშიც მზეა მოსალოდნელი, დღისით ჰაერი +31 გრადუსამდე გათბება, ხოლო ღამით +22 გრადუსი დაფიქსირდება.უნალექო დღეა ფოთში. დღისით +30 გრადუსი დაფიქსირდება, ღამით კი +23 გრადუსია მოსალოდნელი. ზუგდიდში მზიანი ამინდია, ჰაერის ტემპერატურა დღისით +32, ღამით კი +21 გრადუსი იქნება.სოხუმში მზიანი ამინდია მოსალოდნელი, +30 გრადუსია მოსალოდნელი დღისით, ღამით +20 გრადუსი დაფიქსირდება.მესტიაში ხანმოკლე წვიმას პროგნოზირებენ. დღისით +29 გრადუსი იქნება, ღამით კი +11 გრადუსი დაფიქსირდება. ამბროლაურშიც მზიან დღეს ელოდებიან. ჰაერი +30 გრადუსამდე გათბება, ღამით კი +19 გრადუსი დაფიქსირდება.ჭიათურაში წვიმიანი დღეა, დღისით +29 გრადუსი, ღამით კი +17 გრადუსი დაფიქსირდება.ახალციხეში მცირე ნალექია მოსალოდნელი, დღისით +30 გრადუსი, ღამით კი +18 გრადუსი იქნება.ახალქალაქში დღისით +27 გრადუსი, ღამით კი +12 იქნება.ბორჯომშიც ნალექია მოსალოდნელი, +30 იქნება დღისით, ღამით კი +18 გრადუსი დაფიქსირდება.წვიმაა მოსალოდნელი ბაკურიანში, დღისით +24 გრადუსია მოსალოდნელი, ღამით 12 გრადუსი დაფიქსირდება.მზიან დღეს ელოდებიან გორში, დღისით +31 გრადუსი, ღამის განმავლობაში კი +18 გრადუსი დაფიქსირდება.ცხინვალშიც მზიანი ამინდია მოსალოდნელი, ჰაერის ტემპერატურა +30 გრადუსი იქნება, ღამით კი +19 გრადუსი დაფიქსირდება.გუდაურში მზიანი დღეა მოსალოდნელი, დღის განმავლობაში +19 გრადუსი დაფიქსირდება, ღამით კი ჰაერის ტემპერატურა +10 გრადუსი იქნება.ომალოში დღისით +22 ღამით კი +13 გრადუსი დაფიქსირდება.ლაგოდეხში ჰაერის ტემპერატურა დღის განმავლობაში +34 გრადუსი იქნება, ღამით კი +23 გრადუსი დაფიქსირდება. დღე უნალექოდ ჩაივლის.თელავში მზიანი ამინდია ნავარაუდევი. დღისით +33 გრადუსი დაფიქსირდება, ღამით კი +20 გრადუსი იქნება.მზიანი დღეა გურჯაანში, დღისით +33 გრადუსი, ღამით კი +23 გრადუსი დაფიქსირდება. სიღნაღში უნალექო დღე იქნება, დღისით +33 გრადუსია მოსალოდნელი, ღამით +23 გრადუსი დაფიქსირდება.რუსთავში მზიანი დღეა. დღისით +34 გრადუსია მოსალოდნელი, ღამით კი +23 გრადუსი დაფიქსირდება.თბილისშიც მზიანი დღეა. ჰაერის ტემპერატურა დღისით +34 გრადუსს მიაღწევს, ღამით კი +22 გრადუსი იქნება.
