ეროვნული ბანკის მიერ 16 აპრილის დადგენილი კურსით, დღეს 1 აშშ დოლარის ღირებულება 2.6946 ლარი, ხოლო ევროს კურსი 3.1734 ლარია.„ბიზნესპრესნიუსი“ გთავაზობთ თბილისის სხვადასხვა უბნებში მოქმედ სავალუტო ჯიხურებში ლარის გაცვლით კურსს ევროსა და დოლარის მიმართ.ვალუტის კურსი ჯიხურებში დღეს, 09:30 საათის მდგომარეობით:ამ მომენტისთვის, (09:30 საათისთვის) საბურთალოზე მდებარე სავალუტო ჯიხურებში ერთი დოლარის ყიდვას მოქალაქეები 2.6920 ლარად შეძლებენ, სავალუტო ჯიხურები კი - 2.6870 ლარად ყიდულობენ. ერთი ევროს შეძენა მოქალაქეებს 3.1750 ლარად, გაყიდვა კი 3.1650 ლარად შეუძლიათ.ჩუღურეთში დოლარის ყიდვას მოქალაქეები 2.6940 ლარად, ხოლო გაყიდვას 2.6890 ლარად შეძლებენ. რაც შეეხება ევროს, მისი ყიდვა მოქალაქეებს - 3.1750 ლარად, ხოლო გაყიდვა - 3.1600 ლარად შეუძლიათ.სადგურის მოედნის მიმდებარე ტერიტორიაზე ვალუტის გადამცვლელ პუნქტებში ერთი დოლარის ყიდვა მოქალაქეებს - 2.6940 ლარად, გაყიდვა კი - 2.6880 ლარად შეუძლიათ. რაც შეეხება ევროს, ერთ ევროს ყიდვას მოქალაქეები 3.1800 ლარად, გაყიდვას კი - 3.1650 ლარად შეძლებენ.თავისუფლების მოედნის მიმდებარე ტერიტორიაზე, სავალუტო ჯიხურებში 1 აშშ დოლარის ყიდვას მოქალაქეები 2.6950 ლარად, ხოლო გაყიდვას 2.6700 ლარად შეძლებენ, რაც შეეხება ევროს, მისი ყიდვა მოქალაქეებს 3.1750 ლარად, გაყიდვა კი 3.1300 ლარად შეუძლიათ.ცნობისთვის, ეროვნული ბანკი ახალ კურსს დღეს 17:00 საათზე გამოაქვეყნებს.

17 აპრილს ქუთაისში მზიანი დღე იქნება, დღისით +23 და ღამით +16 გრადუსი დაფიქსირდება.უნალექო ამინდს ელოდებიან ოზურგეთშიც. დღისით +22 გრადუსი დაფიქსირდება, ღამით კი +15 გრადუსი იქნება. ბათუმშიც მშრალია დღე, დღისით ჰაერი +18 გრადუსამდე გათბება, ხოლო ღამით +12 გრადუსი დაფიქსირდება.უნალექო ამინდია ფოთში. დღისით +23 გრადუსი დაფიქსირდება, ღამით კი +14 გრადუსია მოსალოდნელი. მზიანი ამინდი იქნება ზუგდიდშიც, დღისით ტემპერატურა +23, ღამით კი +15 გრადუსია ნავარაუდევი.სოხუმშიც მზეა, +19 გრადუსია მოსალოდნელი დღისით, ღამით +11 გრადუსი დაფიქსირდება.მესტიაშიც უნალექო დღეა ნავარაუდევი, დღისით +15 გრადუსი იქნება, ღამით კი 0 გრადუსი დაფიქსირდება. ამბროლაურში ჰაერი +17 გრადუსამდე გათბება, ღამით კი 4 გრადუსი დაფიქსირდება.ჭიათურაშიც მზიანი დღეა, დღისით +18 გრადუსი, ღამით კი +10 გრადუსი დაფიქსირდება.ახალციხეში დღე მშრალია, დღისით +16 გრადუსი, ღამით კი 2 გრადუსი იქნება. ახალქალაქშიც მზიანი დღე იქნება. დღისით +8 გრადუსი, ღამით კი -6 დაფიქსირდება.ბორჯომშიც მზიანი ამინდია, +16 იქნება დღისით, ღამით კი 4 გრადუსი დაფიქსირდება.უნალექო დღეა მოსალოდნელი ბაკურიანში, დღისით +10 გრადუსია მოსალოდნელი, ღამით -4 გრადუსი დაფიქსირდება.მზიან დღეს ელოდებიან გორში, დღისით +16 გრადუსი, ღამის განმავლობაში კი +5 გრადუსი დაფიქსირდება. ცხინვალში მშრალი ამინდია, ჰაერის ტემპერატურა +15 გრადუსი იქნება, ღამით კი +4 გრადუსი დაფიქსირდება.გუდაურში უნალექო ამინდია მოსალოდნელი, დღის განმავლობაში +5 გრადუსი დაფიქსირდება, ღამით კი ჰაერის ტემპერატურა -3 გრადუსი იქნება.ომალოშიც მშრალი დღეა დღისით +4 ღამით კი -2 გრადუსი დაფიქსირდება.ლაგოდეხში მზიან დღეს ელოდებიან. ჰაერის ტემპერატურა დღის განმავლობაში +17 გრადუსი იქნება, ღამით კი +6 გრადუსი დაფიქსირდება. მზიანი ამინდი იქნება დღეს თელავში, +16 გრადუსი დაფიქსირდება, ღამით კი +5 გრადუსია ნავარაუდევი.უნალექო დღე იქნება გურჯაანში, დღისით +17 გრადუსი, ღამით კი +6 გრადუსი დაფიქსირდება. სიღნაღში დღისით +15 გრადუსია მოსალოდნელი, ღამით +5 გრადუსი დაფიქსირდება.რუსთავში მზიანი დღეა. დღისით +17 გრადუსია მოსალოდნელი, ღამით კი +6 გრადუსი დაფიქსირდება.თბილისშიც მზე გამოანათებს. ჰაერის ტემპერატურა დღისით +17 გრადუსს მიაღწევს, ღამით კი +6 გრადუსი იქნება.

საქართველოს ბანკი, როგორც განათლების მთავარი მხარდამჭერი, ახალი ცოდნისა და განვითარების შესაძლებლობების შექმნას აგრძელებს. ამჯერად,  ზუგდიდში, გიორგი მოსიძესთან შეხვედრა  გაიმართება. ის მონაწილეებს აზროვნების, განათლებისა და ინტელექტუალური თამაშების მნიშვნელობაზე ესაუბრება. შეხვედრა 28 აპრილს, 19:00-ზე ზუგდიდში, სასტუმრო “ლეთოში” გაიმართება.შეხვედრაზე გიორგი მოსიძე დამსწრეებს გაუზიარებს თავის გამოცდილებას და ისაუბრებს თუ როგორ გვეხმარება კრიტიკული და შემოქმედებითი აზროვნება ყოველდღიურ ცხოვრებაში უკეთესი გადაწყვეტილებების მიღებაში.ღონისძიება ინტერაქციული ფორმატით წარიმართება და მონაწილეებს შესაძლებლობა ექნებათ, ჩაერთონ დისკუსიაში და დასვან მათთვის საინტერესო კითხვები.შეხვედრის დასასრულს გაიმართება ვიქტორინა, სადაც გამარჯვებულებს საჩუქრად შერჩეული წიგნები გადაეცემათ.ღონისძიებაზე დასწრება თავისუფალია, თუმცა აუცილებელია წინასწარი რეგისტრაცია ამ ბმულზე.

მას შემდეგ, რაც კურსებში ჩამოწოლილმა მეწყერმა სახლები დაანგრია, სოფელი მეწყერსაშიშ ზონად გამოცხადდა. სპეციალისტები ამბობენ, რომ მოსახლეობა სახლებში დაბრუნებას ვეღარ შეძლებს, ვინაიდან ვითარება შეიძლება ნებისმიერ მომენტში შეიცვალოს და ჯერ კიდევ დაუხეთქავ მიწას ახალი, უფრო მასშტაბური ნაპრალები გაუჩნდეს. სოფლის 58 ოჯახი, რომელთაც, სავარაუდოდ, ეკომიგრანტის სტატუსს მიანიჭებენ, ამბობს, რომ თანხა, რომელსაც მათ ახალი საცხოვრებლის შესაძენად აძლევენ, არ კმარა. "საქართველოში კიდევ არის მეწყრულად აქტიური ზონები და მოსახლეებმა ეს არ იციან. მეწყრის ჩამოწოლის რისკის ზონაში 120 თემია და აუცილებელია მოსახლეობის ინფორმირება. კვლევა შარშან დამთავრდა, საფრთხის შემცველი ტერიტორიების დადგენაში შვეიცარიის მთავრობა დაგვეხმარა", - ამბობს გარემოს დამცველი, "საქართველოს მწვანეთა მოძრაობა დედამიწის მეგობრების" თავმჯდომარე ნინო ჩხობაძე:- დიდი რისკის შემცველია ცენტრა­ლურ კავკასიონზე, მცირე კავკასიონზე, საშიში სიტუაციაა აჭარა-თრიალეთის ქედზე და სხვა. ფაქტობრივად, მთელი საქართველოა მოცული. მყინვარების დნობის ფაქტორი მაღალია, წვიმები ინტენსიურია.ერთ ჯერზე იმხელა ნალექი მოდის, რამდენიც მთელი კვარტალის განმავლობაში უნდა მოვიდეს.ეს ყველაფერი მოქმედებს და სტიქიური პროცესები თანდათან უფრო გახშირდება.არის ძალიან საშიში და ე.წ. სტაბილიზებული მეწყრული ზონები, როგორიც იყო კურსების მეწყერი, სადაც 150 წელი არაფერი მომხდარა, იქ მოსახლეობა დასახლდა­ და როცა მეწყერი წამოვიდა, ამის გამო 40 ოჯახი უსახლკაროდ დარჩა. ეს არის ე.წ. სტაბილიზებული მეწყერი, რომელიც გამოვიდა სტაბილიზაციიდან და ხანგრძლივმა ნალექებმა ხელი შეუწყო მეწყრული პროცესების დაწყებას. იგივე სიტუაცია გვაქვს ხარაგაულში, მართალია, იქაც ადამიანის ხელი ურევია, მაგრამ არ იქნებოდა, რომ არა მყიფე მდგომარეობა, რაც გამოწვეულია კლიმატის გლობალური ცვლილებით.- პრევენციისთვის რა უნდა გაკეთდეს? ამ ზონებიდან მოსახლეობის გასახლება, ალბათ, აუცილებელია...- რისკის ზონაში 110 თემია, 47 მუნიციპალიტეტში გამოყოფილია ყველაზე მოწყვლადი თემები და რამდენადაც ვიცი, გარემოს დაცვის სამინისტრომ დაიწყო პროგრამა და აპირებს მოსახლეობის ინფორმირებას. მოსახლეობის გასახლება დიდი ხანია დაწყებულია. სხვა გამოსავალი არ არის. როცა ძალიან დიდია რისკი, ოჯახებს აფრთხილებენ, მოსახლეობა გადის რისკის ზონიდან და ეძებს ტერიტორიას, სად შეიძლება დასახლება, მაგრამ სახელმწიფოში ეს საკითხი არ არის მოწესრიგებული - მაგალითად, მოსახლეობისთვის, რომელიც ხარაგაულიდან გაასახლეს, ფართობები უნდა გამოეყოთ სახლების ასაშენებლად, მაგრამ დღემდე სადღაც არიან შეყუჟული. ეს დიდი პრობლემაა, ამიტომ აუცილებელია ზოგიერთი საკითხი საკანონმდებლო დონეზე გადაწყდეს. კანონქვემდებარე ნორმატიული აქტები ან პრემიერის გადაწყვეტილება არ არის საკმარისი.ჩვენ ეკომიგრანტების კატეგორია კი გვაქვს, მაგრამ როგორი უნდა იყოს ეკომიგრანტების კომპენსაცია, არ არის გარკვეული. ბოლო პერიოდში უკვე ლაპარაკობენ არა ეკომიგრანტებზე, არამედ კლიმატმიგრანტებზე, ასეთი მიგრანტი კი ბევრია. მეორე პრობლემა ის არის, რომზოგიერთი, მიუხედავად იმისა, რომ აძლევენ კომპენსაციასაც, უარს ამბობს გასახლებაზე. რამდენიმე წლის წინ აჭარაში მოხდა ასეთი რამ: ადამიანს მისცეს კომპენსაცია, მაგრამ არ გავიდა ტერიტორიიდან და ერთ-ერთი მეწყრის დროს დაიღუპა.კიდევ ერთი მომენტია: კომპენსირების დაანგარიშება დრაკონული მეთოდებით ხდება - კომპენსაციის თანხა საკმარისი არ არის მიწის საყიდლად და სახლის ასაშენებლად.- მიეწოდა თუ არა დასკვნა ყველა მუნიციპალიტეტს და სამშენებლო კომპანიას, რომლებიც რისკის ზონაში აგრძელებენ პროექტებს? ლოგიკურია, ასეთ რისკ-ზონებში მშენებლობის ნებართვების გაცემა უნდა შეწყვეტილიყო...- მონაცემები გარემოს ეროვნულ სააგენტოს აქვს, მაგრამ ეს არ ნიშნავს, რომ საკითხი ამოწურულია. კვლევა არ დასრულდება, რადგან გარემოში იმდენად იცვლება ვითარება, რომ სადაც არ გგონია, მეწყერი ჩამოწვება, შეიძლება უცებ ჩამოწვეს. ინფორმაცია ყველა მუნიციპალიტეტსა და კომპანიას აქვს. გარემოს ეროვნულ სააგენტოს ვთხოვ, რაც შეიძლება მალე გამოაქვეყნოს საფრთხის ზონების რუკები (ვიცი, რომ ისინი უკვე არსებობს), რათა მუნიციპალიტეტებს მიეცეთ საშუალება, როცა სამშენებლო ნებართვებს გასცემენ, დახედონ ამ რუკებს და დაადგინონ სახიფათო ადგილები. ეს მშენებელმა კომპანიამ უნდა იცოდეს. არადა, ვერეს ხეობაში, რომელიც საფრთხის ზონაა, ბევრი შენობა აშენდა; პრობლემატურია ვაშლიჯვრის დასახლებაც, მიუხედავად იმისა, რომ გამაგრებები გაკეთდა, ის მუდმივი მონიტორინგის ქვეშ უნდა იყოს. ასეთი ადგილები თბილისშიც ბევრია, სადაც აქამდე 10-ზე მეტი ცნობილი დიდი მეწყერი იყო და ახლა გაცილებით მეტია. მიუხედავად იმისა, რომ ქალაქში მშენებლობები ძალიან ინტენსიურია, გეოლოგიური კვლევები სათანადოდ არ ჩატარებულა. განაგრძეთ კითხვა

საქართველოს ბანკი, როგორც განათლების მთავარი მხარდამჭერი, გოგოების ტექნოლოგიების და AI სფეროში გაძლიერების მიზნით, ინიციატივების განხორციელებას განაგრძობს. ამისათვის, ოთხ წელზე მეტია, კომაროვთან თანამშრომლობით ახორციელებს STEM სკოლის პროექტს, რომლის ფარგლებშიც შესაძლებლობას აძლევს მოსწავლეებს, მიიღონ ხარისხიანი განათლება STEM - ზუსტი და საბუნებისმეტყველო მეცნიერებების მიმართულებით. საქართველოს ბანკისა და კომაროვის STEM სკოლა 2000-ზე მეტ მოსწავლეს აერთიანებს, მათგან 35% კი გოგოები არიან. ამასთან, განათლების კიდევ უფრო მეტი შესაძლებლობის შესაქმნელად საქართველოს ბანკი ყოველწლიურად საკუთარ სტიპენდიატებს ავლენს. საუკეთესო შედეგის მქონე 60 მოსწავლეს ბანკი სწავლას სრულად, 30-ს კი ნაწილობრივ უფინანსებს. STEM სკოლაში საქართველოს ბანკის სტიპენდიატთა რაოდენობა 300-ს აჭარბებს.ამასთან, ხელოვნური ინტელექტით დაინტერესებული გოგოებისთვის საქართველოს ბანკი, Mastercard-თან და გაეროს ქალთა ორგანიზაციასთან (UN Women) თანამშრომლობით ერთობლივ პროექტს - AI სტიპენდია გოგოებისთვის ახორციელებს.ინიციატივის ფარგლებში, სტიპენდიატები იღებენ 100%-იან დაფინანსებას საქართველოს ბანკის პარტნიორ პროფესიულ აკადემიებში, ხელოვნური ინტელექტის და მასთან დაკავშირებული პროექტების მართვის სხვადასხვა კურსებზე. პროექტის შესახებ დეტალური ინფორმაციის მისაღებად ეწვიეთ ვებგვერდს. ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა. საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

ბაზისბანკმა ლიბერთი ბანკის შეძენა წარმატებით დაასრულა.ბაზისბანკმა, რეგულატორის მხრიდან შესაბამისი თანხმობების მიღების შემდეგ, წარმატებით დაასრულა ლიბერთი ბანკის შეძენასთან დაკავშირებული გარიგება და ლიბერთი ბანკის აქციების 95.99% - ის მფლობელი გახდა.აღნიშნული ტრანზაქცია მნიშვნელოვან ეტაპს წარმოადგენს საქართველოს საბანკო სექტორის განვითარებაში და ქმნის ახალ შესაძლებლობებს ბაზარზე. ორი წარმატებული ფინანსური ინსტიტუტის ერთობა, რომელთაც აქვთ ერთმანეთის შემავსებელი ძლიერი მხარეები, მნიშვნელოვნად შეუწყობს ხელს კონკურენციის გაძლიერებას და მომხმარებლებისთვის მრავალფეროვანი ფინანსური პროდუქტებისა და სერვისების შეთავაზებას.“აღნიშნული ტრანზაქცია უმნიშვნელოვანესი ეტაპია ორი წარმატებული ბანკის ისტორიაში. ბაზისბანკის მიერ ლიბერთი ბანკის შეძენა არის უნიკალური შესაძლებლობა ადამიანური და ტექნოლოგიური რესურსების სინერგიით შევქმნათ მძლავრი უნივერსალური ფინანსური პლატფორმა, რომელიც თანაბრად ძლიერია, როგორც ბიზნესის მხარდაჭერით, ისე საცალო მიმართულებით.ამ გარიგებით, ვაძლიერებთ კონკურენციას ბაზარზე, რაც პოზიტიურად აისახება მომხმარებელთა ინტერესებზე. დამატებითი რესურსები კი, მეტი ბიზნესის დაფინანსების შესაძლებლობაა, რაც ქვეყნის ეკონომიკურ განვითარებას შეუწყობს ხელს.“ - აცხადებს ბაზისბანკის გენერალური დირექტორი, დავით ცაავა.ბექა გოგიჩაიშვილი, ლიბერთი ბანკის გენერალური დირექტორი, აღნიშნავს - „ჩემთვის დიდი პატივი იყო ლიბერთის გუნდის ხელმძღვანელობა იმ პერიოდში, როდესაც ბანკმა მნიშვნელოვანი ტრანსფორმაცია და ზრდა განიცადა. მადლიერი ვარ თითოეული თანამშრომლის პროფესიონალიზმისა და ერთგულებისთვის, რაც ბანკის წარმატების მთავარი საფუძველია. დარწმუნებული ვარ, რომ ეს ტრანზაქცია შექმნის ახალ შესაძლებლობებს ბანკისთვის, მისი მომხმარებლებისა და გუნდისთვის, რაც საბოლოო ჯამში გააძლიერებს საბანკო სისტემას და ჩვენი ქვეყნის ეკონომიკას.“ბიზნეს პროცესების უწყვეტობისა და ორი ფინანსური ინსტიტუტის კოორდინირებულად მართვის უზრუნველსაყოფად, ბაზისბანკის გენერალური დირექტორი, დავით ცაავა, ასევე დაიკავებს ლიბერთი ბანკის გენერალური დირექტორის პოზიციას.მიმდინარე ეტაპზე ორივე ბანკი ჩვეულ რეჟიმში, დამოუკიდებლად აგრძელებს საქმიანობას. ბაზისბანკის მომხმარებლები მომსახურებას მიიღებენ ბაზისბანკში, ხოლო ლიბერთი ბანკის მომხმარებლები - ლიბერთი ბანკში.მომხმარებლებისთვის ყველა სერვისი, პროდუქტი და არხი მუშაობს შეუფერხებლად და მომსახურება გრძელდება ჩვეულ რეჟიმში.ბაზისბანკის შესახებბაზისბანკი ერთ-ერთი უმსხვილესი ფინანსური ინსტიტუტია საქართველოში, რომელიც კორპორატიულ, მცირე და საშუალო ბიზნესის და საცალო მომხმარებლებისთვის საბანკო, სალიზინგო და სადაზღვევო მომსახურების შეთავაზებით ქმნის ეკოსისტემას, რომელიც მომხმარებლის წარმატებასა და გრძელვადიან ნდობაზეა ფოკუსირებული.2025 წლის ფინანსური შედეგებით, ბანკის მთლიანი აქტივები 4.9 მლრდ ლარს შეადგენს. მთლიანი საკრედიტო პორტფელი 3.3 მლრდ ლარია, ხოლო დეპოზიტების პორტფელი 3.5 მლრდ ლარი. ბანკის 2025 წლის წმინდა მოგება 122.4 მილიონი ლარია.ლიბერთი ბანკის შესახებლიბერთი ბანკი საქართველოში ერთ-ერთი უმსხვილესი ფინანსური ინსტიტუტია და ემსახურება 1.7 მილიონზე მეტ ფიზიკურ პირს და 60,000-ზე მეტ მცირე და საშუალო ბიზნესს.ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით, 700-მდე ბანკომატით, ყველა რეგიონსა და მუნიციპალიტეტში. დასაქმებულ თანამშრომელთა რაოდენობა 5,600-ს აღემატება. ბანკის აქტივები 5.8 მლრდ ლარს შეადგენს, მთლიანი საკრედიტო პორტფელი 4.2 მლრდ ლარია, ხოლო დეპოზიტების პორტფელი 4.17 მლრდ ლარი. ბანკის 2025 წლის წმინდა მოგება 128 მილიონი ლარია.BPN