1713170557
ბიზნესის მხრიდან ნებართვებზე მოთხოვნა მკვეთრად გაიზარდა და მივიღეთ „საცობები“ - ლევან ვეფხვაძე
საქართველოს ბიზნეს ასოციაციის აღმასრულებელი დირექტორი ლევან ვეფხვაძე 2022 წლის ბიზნეს განწყობებსა და გამოწვევებს აჯამებს. გადაცემა „საქმიან დილაში“ სტუმრობისას, მან მთელი წლის ტენდენცია პერიოდების მიხედვით მიმოიხილა და აღნიშნა, რომ ბიზნესმა საინვესტიციო აქტივობების გაფართოება ზაფხულიდან დაიწყო.
„იანვარ-თებერვალში პანდემიის გამო, ომიკრონის ტალღის „აფეთქების“ დროს, ბიზნესაქტივობები კვლავ შეფერხებული იყო, ვიზიტორების მობილობა კი გაჩერებული. რუსეთის მიერ უკრაინაში ომის დაწყების შემდეგ ვმსჯელობდით, როგორ შეიძლებოდა სცენარი განვითარებულიყო და სად იქნებოდა ეროვნული ვალუტის გაცვლითი კურსი. შესაბამისად, ვემზადებოდით აპოკალიფსური სცენარისთვის. საბოლოოდ კი აღმოჩნდა, რომ საქართველოში ტვირთბრუნვა თითქმის გაათმაგდა, ვიზიტორების რაოდენობა განსაკუთრებით უკრაინის, რუსეთისა და ბელარუსის ხარჯზე გაიზარდა, შესაბამისად, დავინახეთ, რომ ეკონომიკაში მნიშვნელოვანი ფინანსური რესურსები ჩაისხა. ამ დინამიკაზე ბიზნესმა ზაფხულიდან დაიწყო აქტიური რეაგირება, ანუ საინვესტიციო აქტივობების გაფართოება“, - აღნიშნა ლევან ვეფხვაძემ და დასძინა, რომ ბოლო რამდენიმე წელია ბიზნესის ასეთი მყისიერი რეაგირება არ ახსოვს. კერძოდ, ბიზნესმა გაფართოების შესაძლებლობა დაინახა და დაიწყო ინვესტირება.
„თუმცა, ერთია პოზიტიური განწყობები, და სურვილი, რომ გავაფართოოთ ბიზნესი, მაგრამ მეორეა ის წინაღობები, რომლებიც შეზღუდული აქტივობების დროს თვალში არ გვხვდებოდა, ახლა კი თვალშისაცემი გახდა. განსაკუთრებით აღვნიშნავ მარეგულირებელ გარემოს, ბიუროკრატიას, გადაწყვეტილების მიღების პროცესში გარკვეულ შეფერხებებს. ბიზნესის მხრიდან მოთხოვნა გაიზარდა, ნებისმიერი ტიპის ბიზნეს აქტივობას კი სჭირდება გარკვეული ნებართვების ერთობლიობა და ამ ნებართვებზე საჯარო სექტორთან ყველა ერთად მივედით. შედეგად მივიღეთ „საცობები“, რომელმაც შეაფერხა პროცესები“, - განაცხადა ლევან ვეფხვაძემ.
გარდა ბიუროკრატიული პრობლემებისა, ბიზნეს ასოციაციის აღმასრულებელმა დირექტორმა ბიზნესისთვის 2022 წლის მეორე მნიშვნელოვან პრობლემად კვალიფიციური კადრების დეფიციტი დაასახელა.
„ინვესტიციების ჩადების და გაფართოების დროს საჭიროა ახალი დანადგარები და გადაწყვეტები, რაც თავის მხრივ ახალ ტექნოლოგიებს უკავშირდება, მათ შემოსატანად კი ადამიანებია საჭირო, ვინც ამას მოემსახურება. აღმოჩნდა, რომ ამ მხრივ სრული „ყამირია“, ვინაიდან თუ კი შარშან კვალიფიციურ სამუშაო ძალასთან დაკავშირებული პრობლემები ბოლო ადგილზე იყო, წელს მეორე ადგილზე გადაინაცვლა. ამასთან, თუ წლის დასაწყისში პრობლემა მოთხოვნის სიმცირე იყო, წლის ბოლოს მოთხოვნის სიმცირის პრობლემა აღარავის აწუხებს“, - აღნიშნა ვეფხვაძემ.
ენერგეტიკა
საზოგადოება
1714045725
ვინ არის კურიერი, რომელმაც ერთ თვეში 12 254 ლარი გამოიმუშავა (ვიდეო)ვინ არის და რას პასუხობს „ვოლტის“ კურიერი იმ ადამიანებს, რომლებმაც მისი ერთ თვეში გამომუშავებული 12 254 ლარი შეუძლებლად მიიჩნიეს:
1714042367
რა საინვესტიციო ვალდებულებით გადასცემს სახელმწიფო „კურორტ საირმეს“ 1 368 ჰა მიწას 49 წლით? - განკარგულებამთავრობის 609 განკარგულებით, სახელმწიფო „კურორტ საირმეს“ ვანსა და ბაღდათის მუნიციპალიტეტებში 49 წლიანი იჯარით, წელიწადში 1 000 ლარად 13 687 749 კვ.მ მიწის ფართობს გადასცემს. საუბარია, 65 სხვადასხვა ლოკაციაზე არსებულ სასოფლო-სამეურნეო ფართებზე და საძოვრებზე. შესაბამისი განკარგულება მთავრობის ადმინისტრაციის ვებგვერდზე 24 აპრილს გამოქვეყნდა და მას ხელს პრემიერ-მინისტრი ირაკლი კობახიძე აწერს.საინვესტიციო ვალდებულების მიხედვით, 8 წლის განმავლობაში კომპანიამ 750-ნომრიანი სასტუმრო უნდა ააშენოს. ასევე, განავითაროს სარეკრეაციო სივრცე, მოაწყოს სათხილამურო ტერასები და ტრასები.განკარგულებაში გაწერილია გრაფიკი, რომლითაც "კურორტმა საირმემ" ვალდებულებების შესასრულებლად ₾80 მლნ-ის ინვესტიცია უნდა ჩადოს. ასევე კომპანიამ მომდევნო 8 წლის განმავლობაში, უნდა დაასაქმოს 100 ადამიანი არანაკლებ 2 წლის ვადით.მიწებს კომპანიას ქონების ეროვნული სააგენტო მას შემდეგ გადასცემს, რაც საინვესტიციო თანხის 5%-ს საბანკო, გაუხმობ გარანტიად წარადგენს.სამეწარმეო რეესტრის მიხედვით, 2001 წელს დარეგისტრირებული კომპანიის წილის 100%-ის მფლობელი თემურ კოხოძეა. გენერალური დირექტორის მოვალეობის შემსრულებელი კი, ანა ჯანიაშვილი.
1714040214
ტაილანდში წელს სიცხის შედეგად 30 ადამიანი დაიღუპატაილანდში წელს სიცხის შედეგად 30 ადამიანი დაიღუპა. ამის შესახებ ინფორმაციას france24-ი ავრცელებს. ბანგკოკის საქალაქო ხელისუფლებამ მოსახლეობა მოსალოდნელი ექსტრემალური სიცხის ( 52 გრადუს ცელსიუსი) შესახებ გააფრთხილა.ტაილანდის დედაქალაქში ჰაერის ტემპერატურამ ოთხშაბათს 40.1 გრადუსს მიაღწია და მსგავსი ტემპერატურაა ნავარაუდევი დღესაც.ჯანდაცვის სამინისტრომ ოთხშაბათს განაცხადა, რომ 2024 წლის 1 იანვრიდან 17 აპრილამდე სითბური ინსულტისგან 30 ადამიანი გარდაიცვალა.
1714038060
რა ღირს ბაზრებსა და მარკეტებში იმპორტირებული და ადგილობრივი წარმოების კიტრი/პომიდორისაქართველოში მიმდინარე წლის მარტში იმპორტირებულია 1,5 მლნ აშშ დოლარის ღირებულების 3 348 ტონა პომიდორი. ამასთანავე, საანგარიშო პერიოდში ქვეყანაში შემოვიდა 1,2 მლნ აშშ დოლარის 2 724 ტონა კიტრი.საქართველოს გასულ თვეში 1 კგ პომიდვრის იმპორტი 0.45 დოლარი (კურსით 1,2 ლარი), ხოლო კიტრის იმპორტი 0.44 დოლარი (1,2 ლარი) დაუჯდა.სუპერმარკეტებში 1 კგ იმპორტული პომიდვრის ფასი 4 ლარიდან იწყება, ხოლო კიტრის 3,5 ლარიდან. მონაცემები აჩვენებს, რომ იმპორტული პომიდორი მინიმუმ 233%-იანი ფასნამატით, ხოლო კიტრი 192%-იანი ფასნამატით იყიდება. რაც შეეხება ბაზრებს, აქ 1 კგ იმპორტული პომიდვრის ფასი 1,5 ლარიდან იწყება, ხოლო კიტრი 2.5 ლარიდან. მონაცემების თანახმად, იმპორტული პომიდორი ბაზარზე იყიდება 25%-იანი, ხოლო კიტრი 108%-იანი ფასნამატით.ამასთანავე, 2024 წლის მარტში საქართველოდან იმპორტირებულია ადგილობრივი წარმოების 120 ათასი დოლარის ღირებულების 131 ტონა პომიდორი და 4 ათასი დოლარის 6 ტონა კიტრი.აღნიშნული მონაცემების თანახმად, 1 კგ ქართული წარმოების კიტრის საექსპორტო ფასი 0.7 დოლარს (კურსით 1,9 ლარი) შეადგენს, ხოლო პომიდვრის 0.92 დოლარს (კურსით 2.5 ლარი).ბაზრებზე ქართული წარმოების პომიდვრის ფასი 3,5 ლარიდან იწყება, ხოლო კიტრის ფასი 3 ლარიდან. რაც შეეხება ქსელურ მარკეტებს, 1 კგ ქართული პომიდვრის ფასი 6 ლარიდან იწყება, ხოლო კიტრის - 7 ლარიდან.ცნობისთვის, მიმდინარე წლის მარტში, გასული წლის ანალოგიურ მაჩვენებელთან შედარებით, პომიდვრის იმპორტი 12%-ით შემცირდა, კიტრის კი 29%-ით გაიზარდა. ამასთანავე, მარტში ქართული წარმოების კიტრის ექსპორტი 58%-ით შემცირდა, პომიდვრის კი 55%-ით არის შემცირებული.
1714036297
რომელი ქვეყნების მოქალაქეები ითხოვენ თავშესაფარს საქართველოშიშინაგან საქმეთა სამინისტროს სტატისტიკის მიხედვით, წელს I კვარტალში, ლტოლვილის სტატუსი ჯამში 3 მოქალაქეს მიეცა. ამათგან, ორი ირანის მოქალაქეა, ხოლო ერთი დაუდგენელი.ამავე მონაცემების თანახმად, საანგარიშო პერიოდში, თავშესაფრის მაძიებლად რეგისტრირებულია, ჯამში, უცხოეთის 379 მოქალაქე, ამათგან ყველაზე ბევრი, 17,4% უკრაინის მოქალაქეებზე მოდის.უფრო კონკრეტულად, საქართველოში თავშესაფრის მაძიებლად რეგისტრირებულია: უკრაინის 66 მოქალაქე, ინდოეთის - 51, ირანის - 45, თურქეთის - 43, პაკისტანის - 35, რუსეთის - 23, ერაყის - 15, იორდანიის - 14, ნიგერიის - 12, ეგვიპტის - 11, სირიის - 10, ბელარუსის -9, და ა.შ.სტატისტიკის მიხედვით, წელს, I კვარტალში, საქართველოს დროებითი განთავსების ცენტრში მოთავსებულია უცხო ქვეყნის 59 მოქალაქე. ამათგან, ყველაზე ბევრი, 23 მოქალაქე აზერბაიჯანიდან იყო, 10 - ჩინეთიდან, 6 - რუსეთიდან, 4- თურქეთიდან და ა.შ.
