1729162352
მასკი: ჩემი ვაჟი „მოკლეს“, ის „გაღვიძებული გონების ვირუსმა“ მოკლა
ამერიკელი მილიარდერის, კომპანიების Tesla-ს და SpaceX-ის დამფუძნებლის, ილონ მასკის თქმით, მას მოტყუებით მიაცემინეს თანხმობა მისი შვილის მიერ სქესობრივი მომწიფების ბლოკატორების მიღებაზე, რის შემდეგ მასკის ვაჟმა, ქსავიემ სქესის შეცვლის ოპერაცია გაიკეთა და ახლა ის ვივიან ჯენა უილსონია. ინფორმაციას foxnews.com ავრცელებს.
მასკის თქმით, ეს „გაღვიძებული გონების ვირუსია“, რომელმაც გადატანითი მნიშვნელობით, „მისი შვილი მოკლა“.
მასკს კომენტარი სთხოვეს, თუ რას ფიქრობს ის ექიმებზე, რომლებიც ბავშვებს სქესის შეცვლის ოპერაციებს უკეთებენ. ამ პრაქტიკას ჟურნალისტმა ჯორჯ პეტერსონმაც და ილონ მასკმაც „ბოროტება“ უწოდეს.
მასკის თქმით, მისი შვილის მაგალითმა, რომელიც ოპერაციამდე იყო ქსავიე, ხოლო ახლა არის ვივიან ჯენა უილსონი, მას თვალები აუხილა და „გაღვიძებული გონების ვირუსის“ განადგურების პირობა დადო.
„ეს ჩემს უფროს ვაჟს დაემართა, მე ფაქტობრივად, მოტყუებით ხელი მომაწერინეს დოკუმენტებზე, რომლებიც ქსავიეს ეხებოდა. მაშინ COVID-ის პანდემია იყო, ბევრი რამე სპონტანურად და არეულად ხდებოდა და მე მითხრეს, რომ თუ ქსავიე ამას არ გააკეთებს, მან შეიძლება თავი მოიკლას“, - განაცხადა მასკმა
„ანუ ეს სიცრუე იყო?“ - ჰკითხა ჟურნალისტმა.
„დიახ, ეს იყო ტყუილი, ბოროტებით სავსე ტყუილი და ვინც ამას აკეთებს, ციხეში უნდა აღმოჩნდეს“, - განაცხადა ილონ მასკმა.
მასკი ამბობს, რომ მას არ აუხსნეს, რომ სქესობრივი მომწიფების ბლოკატორები, სინამდვილეში სტერილიზაციის პრეპარატებია, რაზეც მას თანხმობა არ მიუცია.
„მე ფაქტობრივად შვილი დავკარგე. ამ პროცესს დედნეიმინგი ტყუილად არ ჰქვია. ჩემი ვაჟი, ქსავიე, მოკლეს, ის „გაღვიძებული გონების ვირუსმა“ მოკლა“, - ამბობს ილონ მასკი.
მასკის თქმით, დადასტურებულია, რომ სქესობრივი მომწიფების ბლოკატორები ბიჭებში ფერტილურობის პრობლემებს იწვევს. ასევე, კვლევებმა აჩვენა, რომ სქესობრივი მომწიფების ბლოკატორების მოქმედება მუდმივია და მისი უკან შემობრუნება შეუძლებელია.
18 წლის ვივიან მასკმა ქამინგ-აუთი 2022 წლის ივნისში გააკეთა. პარალელურად მან სახელი ქსავიე ვივიანად შეცვალა და დედის გვარზე გადავიდა.
„არ მსურს ჩემს ბიოლოგიურ მამასთან რამე საერთო მქონდეს, გარეგნობით ან ფორმით“, - განაცხადა ვივიანმა.
მასკმა ცოტა ხნის წინ კალიფორნიაში მდებარე შტაბ-ბინის ტეხასში გადატანა გადაწყვიტა. მისი გადაწყვეტილება კალიფორნიის გუბერნატორის, ჰევინ ნიუსომის კანონპროექტს უკავშირდება, რომლის მიხედვით სკოლებს ეკრძალებათ მოსწავლეთა მშობლებისთვის ინფორმაციის მიწოდება, თუ ისინი სქესის აღმნიშვნელ ნაცვალსახელს ცვლიან ან სხვანაირად აღნიშნავენ საკუთარ სქესს, რომელიც განსხვავდება იმას, რაც სკოლის საბუთებშია მითითებული.
„ეს ჩემთვის ბოლო წვეთი იყო“, - განაცხადა მასკმა, რომელმაც კალიფორნიიდან ტეხასში შტაბ-ბინის გადატანის მიზეზი ახსნა.
newshub.ge
მსოფლიო
სხვადასხვა
1729154654
ქობულეთში ახალი 1.4-კილომეტრიანი ბულვარის მშენებლობისთვის ₾9 მლნ-ის ტენდერი გამოცხადდაქობულეთის მუნიციპალიტეტმა გამოაცხადა 9.1 მილიონი ლარის ღირებულების ტენდერი, რომლითაც ქობულეთის სანაპირო ზოლის და ბულვარის მოდერნიზაცია რეაბილიტაციის პროექტი განხორციელდება. პროექტი ითვალისწინებს ადგილზე გამწვანების სამუშაოებს, სასეირნო ბილიკის მოწყობას, დეკორაციების განთავსებას და ახალი გარე განათებების მონტაჟს.საპროექტო დოკუმენტაციის თანახმად, ახალი ბულვარის სიგრძე 1.4 კილომეტრი იქნება და ის ზღვის პირას 47,193 კვადრატული მეტრის ფართობს დაიკავებს.„ტენდერში მონაწილე პრეტენდენტს 2019 წლის 1 იანვრიდან ტენდერის გამოცხადებამდე პერიოდში, შესრულებული უნდა ჰქონდეს ანალოგიური ხასიათის, სირთულისა და შინაარსის, კერძოდ არანაკლებ 20 000 000 (ოცი მილიონი) ლარის ღირებულების პარკის ან/და სკვერის ან/და ბულვარის ან/და მოსასვენებელი სივრცის კეთილმოწყობის სამუშაოები. მათ შორის ერთი ხელშეკრულების ფარგლებში არანაკლებ 3 000 000 (სამი მილიონი) ლარის სამუშაოები“, - ნათქვამია სატენდერო პირობებში.ქობულეთის მუნიციპალიტეტის მერიის თანახმად, სამუშაოები სრულად 510 დღეზე არის გათვლილი, მათ შორის 2025 წლის 20 ივნისიდან 2025 წლის 20 სექტემბრამდე სამუშაოები საზაფხულო სეზონის გამო შეჩერებული იქნება.
1729151632
მსოფლიოს ერთ–ერთმა უმსხვილესმა ოქროს მომპოვებელმა კომპანიამ, მესამე კვარტალში, ოქროს წარმოება შეამცირაBarrick Gold-მა 2024 წლის მესამე კვარტალში, წინასწარი მონაცემებით, 943 ათასი უნცია ოქრო აწარმოვა, იტყობინება კომპანია. ეს 9%-ით ნაკლებია წინა წელთან შედარებით.გაყიდვები 6%-ით შემცირდა და 967 ათასი უნცია შეადგინა.სპილენძის წარმოება და გაყიდვები განახევრდა შესაბამისად 48 ათას ტონამდე და 42 ათას ტონამდე.კომპანია იმედოვნებს, რომ მეოთხე კვარტალის შედეგები მნიშვნელოვნად უკეთესი იქნება და წლის ბოლომდე წარმოება პროგნოზის ფარგლებში იქნება.ოქროს საშუალო ფასი მესამე კვარტალში 2474 დოლარი იყო უნციაზე, სპილენძზე - 4,18 დოლარი ფუნტზე, იტყობინება Barrick–ი.Barrick Gold–ი მე-2 ადგილს იკავებს მსოფლიოს უმსხვილესი ოქროს მომპოვებელთა რეიტინგში. ოქროს აქტივები განლაგებულია აშშ-ში, ტანზანიაში, კანადაში, კონგოში, მალიში, პაპუა-ახალ გვინეაში, დომინიკის რესპუბლიკაში, კოტ დ'ივუარსა და არგენტინაში, სპილენძის აქტივები საუდის არაბეთში, ზამბიასა და ჩილეში.წყარო: interfax
1729086036
მასწავლებლების ანაზღაურების წესში ცვლილებაა - ვის გაეზრდება ხელფასიმასწავლებელთა ანაზღაურების წესში ცვლილება შევიდა. შესაბამისი ბრძანება საკანონმდებლო მაცნეზე უკვე გამოქვეყნდა. ბრძანებაში წერია, რომ ამჯერად ხელფასები არჩევითი საგნების მასწავლებლებს გაეზრდებათ.კერძოდ, არჩევითი საგნების სწავლებაც ახალი სახელფასო ფორმულით ანაზღაურდება.დოკუმენტში ვკითხულობთ - „მასწავლებელს, რომელსაც მინიჭებული აქვს მასწავლებლის სტატუსი და ასწავლის იმ საგნობრივ ჯგუფში შემავალ ერთ-ერთ საგანს, რომელშიც ჩაბარებული აქვს გამოცდა ან უდასტურდება დოქტორის ან მასთან გათანაბრებული აკადემიური ხარისხი ან რომელსაც განსაკუთრებულ შემთხვევაში საქართველოს კანონმდებლობით დადგენილი წესით მინიჭებული აქვს სქემით განსაზღვრული ერთ-ერთი სტატუსი, შრომის ანაზღაურება 2026-2027 სასწავლო წლის დაწყებამდე დაუანგარიშდება ამ დანართით დადგენილი წესით“.უფრო კონკრეტულად, თუ შრომის ანაზღაურების დაანგარიშების პერიოდისთვის, არჩევითი საგნის მასწავლებლის საგაკვეთილო დატვირთვის შესაბამისად გაანგარიშებული შრომის ანაზღაურება მეტია, იმ დანართით [მასწავლებლის ანაზღაურების დაანგარიშების ახალი მეთოდით] დადგენილი წესით გაანგარიშებულ ოდენობაზე, მასწავლებელს მიეცემა ამ ახალი წესით დაანგარიშებული შრომის ანაზღაურების ოდენობა და დამატებით 200 ლარი 2026-2027 სასწავლო წლის დაწყებამდე.როგორც განათლების სამინისტრო განმარტავს, ცვლილება შეეხება უცხო ენების საგნობრივ ჯგუფში შემავალ ყველა და იმ არჩევით საგნებსაც, რომელიც ორი ან მეტი საგნობრივი ჯგუფისთვის საზიაროა.
1728995369
ტეილორ სვიფტმა ქარიშხლისგან დაზარალებულთა დასახმარებლად 5 მილიონი დოლარი გადარიცხაამერიკელმა მომღერალმა ტეილორ სვიფტმა ქარიშხალ „მილტონისგან“ და „ელენასგან“ დაზარალებულთა დასახმარებლად 5 მილიონი დოლარის დახმარება გასწია.საქველმოქმედო ორგანიზაცია Feeding America-მ მომღერალს სოციალურ ქსელში მადლობა გადაუხადა და დაწერა, რომ ეს თანხა დაეხმარება სტიქიით დაზარალებულთა ჯანმრთელობას და მათი საკვებით მომარაგებას.ტეილორ სვიფტი იმედოვნებს, რომ მომავალ კვირას ფლორიდაში კონცერტის გამართვას შეძლებს. Eras-ს ტურის დასკვნითი ეტაპი „მაიამი გარდენში“ 18 ოქტომბერს არის დაგეგმილი.როგორც ცნობილია, ქარიშხალს რომელიც აშშ-ის ფლორიდის შტატს დაატყდა, დამანგრეველი შედეგები მოჰყვა ფლორიდის დასავლეთ სანაპიროდან აღმოსავლეთამდე სრულ ტერიტორიაზე - განსაკუთრებით დაზიანდა სანქტ-პეტერბურგის შუშის გუმბათიანი სტადიონი, განადგურდა გზები და ხიდები. 3 მილიონი ადამიანი ელექტროენერგიის გარეშე დარჩა.
1728981652
Crocs-მა ძაღლებისთვის მანათობელი ფეხსაცმელი შექმნაCrocs კომფორტს სრულიად ახალ აუდიტორიას სთავაზობს, რაც იმას ნიშნავს, რომ ახლა თქვენს ძაღლებსაც შეგიძლიათ უყიდოთ იგი. ოღონდ 23 ოქტომბრიდან, რა დროსაც Croc Day აღინიშნება. Pet Crocs ძაღლების სათამაშოების მწარმოებელ BARK-თან კოლაბორაციის შედეგად შეიქმნა, იდეა კი გულშემატკივრების მრავალი პოსტიდან წამოვიდა, რომელშიც ძაღლებს ადამიანების Crocs აცვია, ახლა კი, როგორც იქნა, მათ საკუთარი ექნებათ…ორ ფერში გამოვა: Green Slime და Pink Dragon Fruit. Pet Crocs პატარა საშუალო და დიდ ზომებშია ხელმისაწვდომი. თან ღამით ანათებს და ნებისმიერ ფორმასაც ერგება. რაც შეეხება ფასს 50$-ია და ზუსტად იმ კომფორტსა თუ მახასიათებლებს შესთავაზებს ძაღლებს, რომლითაც Crocs არის ცნობილი. მეტიც, თუ ცდილობთ, ერთნაირი რაღაცები გეცვათ ხოლმე, ბრენდი საქმეს გიმარტივებთ და შეზღუდული დროით Classic Lined Clogs-ს გთავაზობთ…marketer.ge
