1734950056
კურორტი „გოდერძი“ შესაძლოა, ექსტრემალური სრიალის მოყვარულთათვის შეუცვლელი მიმართულება გახდეს - HSC Group Hospitality-ის დამფუძნებელი
სამთო-სათხილამურო კურორტ „გოდერძის“ დიდი პოტენციალი აქვს, - ამის შესახებ Business Insider Georgia-სთან ქართულ-შვეიცარიული მენეჯმენტ კომპანია HSC Group Hospitality-ის დამფუძნებელმა გიორგი დოლიძემ განაცხადა.
მისი განმარტებით, კურორტი შესაძლოა, ექსტრემალური სრიალის მოყვარულთათვის შეუცვლელი მიმართულებაც კი გახდეს.
„სათხილამურო კურორტი გოდერძი ჩემი შეფასებით უფრო ექსტრემალური მოთხილამურეებისთვისაა განკუთვნილი. ის ხალხი ვინც ჩამოდის გუდაურსა და ბაკურიანში არიან მცირე რაოდენობით, ვინც ეძებენ უფრო ექსტრემალურ ფერდობებს. მათთვის გოდერძის კურორტი იქნება ძალიან კარგი და საინტერესო მიმართულება. უბრალოდ ამ ყველაფერს უნდა სწორი შეფუთვა და ინფორმაციის სწორად მიწოდება თუ რატომ უნდა ჩავიდნენ „გოდერძის“ კურორტზე. არ იყო გამართული გზა, რაც იყო ერთ-ერთი შემაფერხებელი ფაქტორი და ასევე ამას ემატება ისიც, რომ აღმოსავლეთიდან საკმაოდ რთულია კურორტზე მოხვედრა და იქ ასასვლელად შეიძლება 1 დღეც კი დახარჯოს ვიზიტორმა.
გზის პირობებში ქართველებისთვის კურორტმა გოდერძიმ კი შესაძლოა, 1-2 წელში ბაკურიანი და გუდაური ვერ ჩაანაცვლოს, მაგრამ ამ კურორტს აქვს დიდი პოტენციალი.
გუდაურსა და ბაკურიანში ადგილობრივი მოსახლეობა უფრო აქტიურად შაბათ-კვირას ადის და 2 დღიან Weekend-ს იწყობენ, ვისაც სრიალი უყვარს. თუმცა ვისაც ხანგრძლივი დასვენება უნდა მათ შესაძლოა, უპირატესობა უკვე „გოდერძის“ მიანიჭონ. გააჩნია რამდენად მალე იქნება იქ მოხვედრა შესაძლებელი და რა ტიპის სასტუმროები გაიხსნება“, - აცხადებს გიორგი დოლიძე.
HSC Group Hospitality-ის დამფუძნებლის აზრით, კურორტ „გოდერძიზე“ ამ დროისათვის ქაოტური განაშენიანება არ არის და სწორედ ახლა არის შანსი, რომ ყველაფერი წინასწარ გაწერილი გეგმის ფარგლებში მოხდეს და თუ საჭიროა მთავრობამ გარკვეული რეგულაციებიც კი აამოქმედოს.
„კურორტ გოდერძის“ აქვს ძალიან დიდი პოტენციალი და სახელმწიფოსაც შეუძლია გარკვეული რეგულაციები შემოიღოს კონკრეტულ მშენებლობასა და ექსტერიერთან და ფასადებთან მიმართებაში, რადგანაც კურორტზე დიდი საინვესტიციო პროექტები დაწყებული არ არის და შესაძლებლობაა, რომ განისაზღვროს და გენერალური გეგმის ფარგლებში მოხდეს ობიექტის მშენებლობა. კერძო ინვესტორებთან მოხდეს ინტენსიური მუშაობა და ერთობლივად იყოს მიღებული გადაწყვეტილებები, რათა კურორტი „გოდერძი“ ჩამოყალიბდეს ლამაზ სამთო კურორტად. სწორედ ახლა არის ამის საშუალება, რომ ვიდრე კურორტი ცარიელია. თუ ახლა მოხდება სწორი გადანაწილება სამომავლოდ ეს კურორტს კარგ შედეგებს მოუტანს. ქაოტური განაშენიანება კურორტისთვის კარგი არ არის.
მეორე ფაქტორია ისიც, რომ სასტუმრო ინფრასტრუქტურის შექმნა დროშიც არ უნდა გაიწელოს. რადგანაც სწორედ ინფრასტრუქტურა ქმნის მიზიდულობის ცენტრს, რომ ადამიანი ჩავიდეს და დაისვენოს. შეიძლება გზა ვერ დავამოკლოთ და აეროპორტი ვერ ავაშენოთ, რომ ტურისტები იქ მარტივად მოხვდნენ, მაგრამ უნდა შევქმნათ ისეთი გარემო, რომ რაღაცის გამო მოუნდეს ადამიანს იქ ასვლა.
ეს კი უნდა იყოს მეტი საერთაშორისო ბრენდული სასტუმრო, ასევე ადგილობრივი სასტუმრო ბრენდებიც და ამავე დროს შეიქმნას სხვადასხვა გასართობი საშუალებები, რათა იქ ჩასულმა ადამიანმა თავი კომფორტულად იგრძნოს. კარგი იქნება თუ კურორტებზე შემოვა კულტურა და ბავშვებისთვის ძიძის სერვისი ამოქმედდება, რაც იქნება სასტუმროს მომსახურება და სადაც ჩააბარებენ ბავშვებს დღის განმავლობაში და ბავშვები დაკავდებიან სხვადასხვა აქტივობებით, ხოლო თავად მშობლები დაისვენებენ, ისრიალებენ, თუ დაგეგმავენ სხვადასხვა ექსკურსიების“, - აღნიშნა ქართულ-შვეიცარიული მენეჯმენტ კომპანია HSC Group Hospitality-ის დამფუძნებელმა.
სამთო-სათხილამურო კურორტი გოდერძი საქართველოს სამხრეთ-დასავლეთ ნაწილში, მაღალმთიან აჭარაში, გოდერძის უღელტეხილზე, ზღვის დონიდან 2027 მეტრზე მდებარეობს. გოდერძი თბილისიდან დაშორებულია 252 კმ-ით, ხოლო ბათუმიდან 109 კმ-ით. შავ ზღვასთან სიახლოვის გამო ეს ადგილი უხვი ნალექით გამოირჩევა, რაც კურორტს მეტად მიმზიდველს ხდის. კურორტი გოდერძი გამოირჩევა შთამბეჭდავი ბუნებით, ულამაზესი ხედებით, სუფთა ჰაერით და მრავალფეროვანი ლანდშაფტით. ერთ-ერთი საუკეთესოა გაუკვალავ თოვლში სრიალის მოყვარულთათვის. სრიალი შესაძლებელია ალპურ ზონაში, ხშირ წიწვოვან ტყეში და სოფლებშიც კი.
კურორტზე ამ ეტაპზე წარმოდგენილია ორი მცირე ზომის საბაგირო - (ბორანო და მოძრავი ხალიჩა). ასევე 6 ადგილიანი ბაბლის ტიპის და 8 ადგილიანი გონდოლას ტიპის საბაგიროები.
სათხილამურო ტრასების საერთო სიგრძე შეადგენს 8 კილომეტრს, ხოლო ზღვის დონიდან მაქსიმალური სიმაღლე 2364 მეტრს აღწევს. დაშვების ყველაზე გრძელი მანძილი დაახლოებით 4.5 კილომეტრია. აქ წარმოდგენილია როგორც საშუალო სირთულის ისე რთული ტრასები. ხოლო დამწყებებს შეუძლიათ ისწავლონ სრიალი მცირე ზომის 150 მეტრიან ტრასაზე (ბორანო).
კურორტი 2015 წლის დეკემბრიდან ფუნქციონირებს.
მსოფლიო
სხვადასხვა
1735212991
გარემოს ეროვნული სააგენტო ამინდის მოსალოდნელი გაუარესების შესახებ ინფორმაციას ავრცელებსგარემოს ეროვნული სააგენტოს ინფორმაციით, 28 დეკემბრიდან 29 დეკემბრის დილამდე საქართველოში მოსალოდნელია დროგამოშვებით ნალექი, მთაში და მაღალმთაში ზოგან ძლიერი თოვა და ქარბუქი, დასავლეთის მიმართულების ძლიერი ქარი, ზღვაზე 3-4 ბალიანი შტორმი.„მოსალოდნელმა ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება, ხოლო ქვეყნის მაღალმთიან რაიონებში ზვავების ფორმირება გამოიწვიოს. საავტომობილო გზების ცალკეულ მონაკვეთებზე დიდთოვლობის, ზვავსაშიშროების, ლიპყინულის და ხილვადობის გაუარესების გამო შესაძლებელია შეიზღუდოს ტრანსპორტის მოძრაობა (საფრთხის დონე საშუალო)“ – ნათქვამია ინფორმაციაში.
1735202415
მარია ზახაროვა - რუსეთი აფხაზეთისთვის ელექტროენერგიის ჰუმანიტარულ მიწოდებას 2025 წლის თებერვლის ბოლომდე გააგრძელებსრუსეთი აფხაზეთისთვის ელექტროენერგიის ჰუმანიტარულ მიწოდებას 2025 წლის თებერვლის ბოლომდე გააგრძელებს, - ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.„ეს რესპუბლიკის ენერგეტიკულ ინდუსტრიაში არსებული კრიზისული სიტუაციის გათვალისწინებით გაკეთდა, რომელიც, სხვა საკითხებთან ერთად, ადგილობრივი ქსელების გაუარესებით და კრიპტოვალუტის უკონტროლო მაინინგით არის გამოწვეული. აშკარაა, რომ სამოკავშირეო ურთიერთობები ორმხრივი ვალდებულებების ბალანსს გულისხმობს. მიგვაჩნია, რომ აღნიშნული დოკუმენტების შესაბამისად თავის წილს სოხუმიც გააკეთებს, მათ შორის რუსული ინვესტიციებისთვის აუცილებელი პირობების შესაქმნელად კანონმდებლობის ჰარმონიზაციის კუთხით“, - განაცხადა მარია ზახაროვამ.მისი თქმით, „აფხაზურ საზოგადოებაში მოსკოვთან ალიანსის გაძლიერების ფართო მოთხოვნა არსებობს“.„ვიმედოვნებთ, რომ აფხაზეთში 2025 წლის 15 თებერვალს დაგეგმილი არჩევნების შედეგად ლიდერის არჩევა მოხდება, რომელიც აფხაზეთის პროგრესული განვითარებისა და ორმხრივი ურთიერთობების კუთხით ჩვენს ქვეყანასთან მჭიდრო თანამშრომლობას გააგრძელებს“, - აღნიშნა ზახაროვამ.
1735202176
რუსეთი სანქციების ფონზე საერთაშორისო ვაჭრობაში ბიტკოინს იყენებსრუსულმა კომპანიებმა საერთაშორისო გადახდებისთვის ბიტკოინისა და სხვა ციფრული ვალუტის გამოყენება მას შემდეგ დაიწყეს, რაც დასავლური სანქციების საწინააღმდეგოდ შეტანილი ცვლილებების შედეგად ასეთი ოპერაციები კანონმდებლობით იქნა დაშვებული.ამის შესახებ რუსეთის ფინანსთა მინისტრ ანტონ სილუანოვმა განაცხადა, რასაც Reuters ავრცელებს.“საგარეო სავაჭრო ტრანზაქციებისთვის ექსპერიმენტულ რეჟიმში ბიტკოინის გამოყენება შესაძლებელია, რომელიც რუსეთში მოვიპოვეთ. ასეთი ტრანზაქციები უკვე ხდება და ისინი უნდა გაფართოვდეს და განვითარდეს. დარწმუნებული ვარ, ეს მომავალ წელს მოხდება. ციფრულ ვალუტაში საერთაშორისო გადახდები - ეს მომავალია,” - ამბობს სილუანოვი.Reuters წერს, რომ დასავლეთის სანქციებმა მსხვილ პარტნიორებთან, როგორიც ჩინეთი და თურქეთია, რუსეთის ვაჭრობა გაართულა. ამ ქვეყნების ბანკები რუსეთთან დაკავშირებულ ტრანზაქციებს უკვე ერიდებიან, რომ დასავლური რეგულატორების შემოწმება თავიდან აიცილონ.წელს რუსეთმა საგარეო სავაჭრო ოპერაციებში კრიპტოვალუტის გამოყენება დაუშვა და კრიპტოვალუტის, მათ შორის, ბიტკოინის მაინინგის ლეგალიზებისთვის ნაბიჯები გადადგა.რუსეთი ბიტკოინ-მაინინგის სფეროში ერთ-ერთი მსოფლიო ლიდერია.ცნობისთვის: მიმდინარე თვის დასაწყისში პუტინმა ბიტკოინი სარეზერვო ვალუტაში დოლარის ალტერნატივად დაასახელა. მან კრიპტოვალუტის ფართო გამოყენებას მხარი დაუჭირა და განაცხადა, რომ ბიტკოინის რეგულირება მსოფლიოში არავის შეუძლია. ამასთან, რუსეთის სახელმწიფო სათათბირომ მეორე და მესამე მოსმენით დაუყოვნებლივ მიიღო კანონი, რომელიც რუსეთში კრიპტოვალუტის მაინინგს აკანონებს.bpn.ge
1735201647
13-მა ქართულმა ბანკმა 11 თვეში 2.85 მილიარდი ლარის მოგება მიიღო, 4 ზარალზეასაქართველოში მოქმედმა კომერციულმა ბანკებმა 2024 წლის 11 თვის განმავლობაში 2.85 მილიარდი ლარის წმინდა მოგება მიიღეს, რაც წინა წლის ანალოგიურ პერიოდთან შედარებით 321 მილიონი ლარით მეტია.ეროვნული ბანკისთვის წარდგენილი ფინანსური მაჩვენებლების თანახმად, 4 კომერციული ბანკი ზარალზეა, მათ შორის ყველაზე დიდი - 11 მილიონი ლარის ზარალი განიცადა "სილქ ბანკმა", ასევე ზარალზე არიან "ჰეშ ბანკი", "პეისერა" და "პეივბანკი".ქართული ბანკების საქმიანობის ფინანსური მაჩვენებლები 2024 წლის 11 თვეში: # ბანკი მოგება/ზარალი 2024 წლის 11 თვეში 1 საქართველოს ბანკი 1,399 მილიონი ლარი; 2 თი–ბი–სი ბანკი 1,079 მილიონი ლარი; 3 ლიბერთი ბანკი 102 მილიონი ლარი; 4 ბაზისბანკი 72 მილიონი ლარი; 5 კრედო ბანკი 58 მილიონი ლარი; 6 ქართუ ბანკი 42 მილიონი ლარი; 7 პროკრედიტ ბანკი 30 მილიონი ლარი; 8 ტერა ბანკი 29 მილიონი ლარი; 9 ხალიკ ბანკი 18 მილიონი ლარი; 10 იშ ბანკ 13 მილიონი ლარი; 11 ვი–თი–ბი ბანკი 11 მილიონი ლარი; 12 პაშაბანკი 8 მილიონი ლარი; 13 ზირაათ ბანკი 5 მილიონი ლარი; 14 პეივბანკი -1 მილიონი ლარი; 15 პეისერა -1 მილიონი ლარი; 16 ჰეშბანკი -4 მილიონი ლარი; 17 სილქ ბანკი -11 მილიონი ლარი.
1735196696
ივანიშვილის ქონება წელს $905 მილიონით გაიზარდა და რეკორდულ მაჩვენებელს, $7.50 მილიარდს მიაღწიაBloomberg-ის მილიარდერების ინდექსის თანახმად, ბიძინა ივანიშვილი $7.50 მილიარდს ფლობს, რაც მისი ქონების რეკორდული მაჩვენებელია.გამოცემის ინფორმაციით, ივანიშვილი, რომელიც Bloomberg-ის მსოფლიოს 500 უმდიდრეს ადამიანთა სიაში 390-ე ადგილს იკავებს, 2024 წლის დასაწყისიდან დღემდე $905 მილიონით გამდიდრდა.Bloomberg-ის შეფასებით, ივანიშვილის ინვესტიციები დივერსიფიცირებულია. როგორც გამოცემა ბიძინა ივანიშვილის კომენტარებზე დაყრდნობით წერს, სავარაუდოდ, მისი ქონების 27% გლობალური აქციებში, 36% ფიქსირებული შემოსავლის აქტივებში, 20% ნაღდ ფულში, 12% ალტერნატიულ ინვესტიციებში, 5% კი ნედლეულში არის განთავსებული.თუმცა, გამოცემა ივანიშვილის ქონების ანალიზს 5-იდან 1 ვარსკვლავით აფასებს, რაც გულისხმობს, რომ მისი შემოსავლებისა და ქონების შესახებ ინფორმაციის მოპოვება და გადამოწმება რთულია.
