1778651867
„საზოგადოებრივი ტრანსპორტი უნდა გახდეს უფასო, ადამიანები მგზავრობის საფასურს ვერ იხდიან - ქვეყანა ახრჩობს მოქალაქეებს“
„საზოგადოებრივი ტრანსპორტი საქართველოს მოქალაქეებისთვის უნდა გახდეს უფასო,“ - ამის შესახებ პარტია „ხალხისთვის“ თავმჯდომარემ ანა დოლიძემ „პალიტრანიუსის“ გადაცემაში „360 გრადუსი“ განაცხადა.
პოლიტიკოსმა ქვეყანაში არსებულ სოციალურ-ეკონომიკურ პრობლემებზე ისაუბრა და აღნიშნა, რომ „საარსებო კრიზისია ქვეყანაში“.
„პირველ რიგში, ამ პრობლემის გადასაჭრელად, რაც აქამდეც უნდა გაკეთებულიყო და რაც შეიძლება გაკეთდეს, არის ის, რომ საზოგადოებრივი ტრანსპორტი გახდეს უფასო.
ეს ჩვეულებრივი ამბავია, ძალიან ბევრი ქვეყნის ბევრ დედაქალაქში გამოიყენება, საარსებო კრიზისის დროს. ერთ დღეში გაკეთებადი არის ეს, რომ საზოგადოებრივი ტრანსპორტი საქართველოს მოქალაქეებისთვის უნდა გახდეს უფასო.
როდესაც მე ვამბობ, რომ საზოგადოებრივი ტრანსპორტი საქართველოს მოქალაქეებისთვის უფასო გახდეს და არამოქალაქეებისთვის უნდა ღირდეს, რაც ღირს, ეს თემა ასევე ძალიან სერიოზულ ფაქტებამდე მიდის.
მაგალითად, მუშტაიდის ბაღში, სადაც ახალი პარკი გაკეთდა, 15 ლარი ღირს შესვლა. მე მყავს ბავშვი და ვიცი. როგორ შეიყვანს ორ ბავშვს თბილისში მაცხოვრებელი ადამიანი? ან მარტვილის კანიონში, ან უფლისციხეში?!
ამ ქვეყანაში ჩვეულებრივი მოქალაქისთვის ყოფნა რთულია, იმიტომ რომ ქვეყანა ამ მოქალაქეებს ახრჩობს,“ - განაცხადა ანა დოლიძემ.
წამყვანის კითხვაზე, რამდენად იმოქმედებს ეს შეღავათი სოციალურად მოწყვლად ფენაზე, რომლებიც ისედაც სარგებლობენ შეღავათებით, ანა დოლიძემ უპასუხა, რომ ყოველდღიურად საზოგადოებრივ ტრანსპორტში უამრავი ფაქტი ხდება, როდესაც მონიტორინგის სამსახური ადამიანებს აჯარიმებს იმის გამო, რომ ისინი მგზავრობის საფასურს ვერ იხდიან.
„შეგვიძლია ყოველ დღე ერთად გავიდეთ და ვკითხოთ იმ ინსპექტორებს, რომლებიც ამოწმებენ საზოგადოებრივ ტრანსპორტს, რამდენ კონფლიქტს, შეურაცხყოფას იტანენ ყოველ დღე, იმიტომ, რომ ადამიანები ტრანსპორტით მგზავრობის გადასახადს ვერ იხდიან.
ეს არის რეალური ფაქტი და თუ ვინმეს ამისი არ სჯერა, მარტივად შეუძლია გადაამოწმოს. რა თქმა უნდა, „ოცნებას“ არ ვგულისხმობ, იმიტომ, რომ ისინი საზოგადოებრივი ტრანსპორტით არ დადიან.
5 მლნ ლარი მარტო ჯარიმებით იყო ამოღებული 2025 წელს. იმ წელს, როცა ყველანაირი საერთაშორისო დახმარება, ინვესტიცია შეჩერდა და ეს ფული კიდევ „ზევიდან“ ჩვენი ჯიბეებიდან ამოიღეს,“ - განაცხადა დოლიძემ.
მან რეგიონული ტრანსპორტის გაძვირებასა და ქართული სოფლის დაცარილებეაზეც გააკეთა კომენტარი.
„რეგიონული ტრანსპორტი გაძვირდა. ადამიანები, რომლებიც თბილისის გარეთ მოძრაობენ, აქვთ საცხოვრებელი, ელემენტარული სარჩო, მათ ვუძვირებთ მგზავრობას.
სოფელი ხომ აღარ არსებობს? „ქართულმა ოცნებამ“ მოკლა ქართული სოფელი, სადაც ბავშვი, ახალგაზრდა, მეურნეობა აღარ არსებობს.
ნახევარი საქართველო უცხოეთში ცხოვრობს და სწავლობს და ყველამ იცის, რომ ცხოვრების იდეალი არის ეს - ცხოვრება კარგ ეკოლოგიურ გარემოში, თავისი პატარა მეურნეობით - ეს იდეა ჩვენთან მოკვდა,“ - აცხადებს ანა დოლიძე.
პარტია ხალხისთვის თავმჯდომარის თქმით, უსამართლო ეკონომიკურ სისტემაში ადამიანებს საწვავისა და პროდუქტების გაძვირებასთან ერთად, გაუძვირდათ სესხებიც.
„ჩვენი სისტემა არის უსამართლო ეკონომიკური სისტემა. საარსებო კრიზისია ქვეყანაში და მოუმატეს სესხებს.
ანუ 200 ათას ადამიანს, რომელმაც გაბედა და ასეთ უსამართო ეკონომიკურ გარემოში ბინა იყიდა, რაღაცას შეწვდა, მივიდნენ და სესხზე საპროცენტო განაკვეთი მოუმატეს. ამის პარალელურად ბენზინი ხომ გაძვირდა, საკვები ხომ გაძვირდა, ახლა სესხიც გაძვირდა,“ - განაცხადა მან.
მსოფლიო
სხვადასხვა
1778736669
როგორი ამინდია მოსალოდნელი 14 მაისს საქართველოში14 მაისს ქუთაისში მზიანი დღე იქნება, დღისით +30 და ღამით +18 გრადუსი იქნება.უნალექო ამინდს ელოდებიან ოზურგეთშიც. დღისით +29 გრადუსი დაფიქსირდება, ღამით კი +18 გრადუსი იქნება. ბათუმშიც მშრალია დღე, დღისით ჰაერი +28 გრადუსამდე გათბება, ხოლო ღამით +15 გრადუსი დაფიქსირდება.უნალექო ამინდია ფოთში. დღისით +28 გრადუსი დაფიქსირდება, ღამით კი +18 გრადუსია მოსალოდნელი.მზიანი ამინდი იქნება ზუგდიდშიც, დღისით ტემპერატურა +30, ღამით კი +17 გრადუსია ნავარაუდევი.სოხუმშიც მზეა, +27 გრადუსია მოსალოდნელი დღისით, ღამით +15 გრადუსი დაფიქსირდება.მესტიაში მცირე ნალექია ნავარაუდევი, დღისით +21 გრადუსი იქნება, ღამით კი +6 გრადუსი დაფიქსირდება.ამბროლაურშიც მწირე წვიმაა, ჰაერი +26 გრადუსამდე გათბება, ღამით კი +12 გრადუსი დაფიქსირდება.ჭიათურაში მზიანი დღეა, დღისით +25 გრადუსი, ღამით კი +16 გრადუსი დაფიქსირდება.ახალციხეში მცირე ნალექია, დღისით +25 გრადუსი, ღამით კი +9 გრადუსი იქნება.ახალქალაქშიც ნალექიანი დღე იქნება. დღისით +17 გრადუსი, ღამით კი +5 დაფიქსირდება.ბორჯომშიც წვიმიანი ამინდია, +25 იქნება დღისით, ღამით კი +11 გრადუსი დაფიქსირდება.ნალექიანი დღეა მოსალოდნელი ბაკურიანში, დღისით +19 გრადუსია მოსალოდნელი, ღამით +5 გრადუსი დაფიქსირდება.მზიან დღეს ელოდებიან გორში, დღისით +27 გრადუსი, ღამის განმავლობაში კი +12 გრადუსი დაფიქსირდება. ცხინვალში მშრალი ამინდია, ჰაერის ტემპერატურა +26 გრადუსი იქნება, ღამით კი +11 გრადუსი დაფიქსირდება.გუდაურში მცირე ნალექია მოსალოდნელი, დღის განმავლობაში +9 გრადუსი დაფიქსირდება, ღამით კი ჰაერის ტემპერატურა +3 გრადუსი იქნება.ომალოშიც იწვიმებს, დღისით +11 ღამით კი +5 გრადუსი დაფიქსირდება.ლაგოდეხში მზიან დღეს ელოდებიან. ჰაერის ტემპერატურა დღის განმავლობაში +27 გრადუსი იქნება, ღამით კი +15 გრადუსი დაფიქსირდება. წვიმიანი ამინდი იქნება დღეს თელავში, +26 გრადუსი დაფიქსირდება, ღამით კი +15 გრადუსია ნავარაუდევი.უნალექო დღე იქნება გურჯაანში, დღისით +25 გრადუსი, ღამით კი +14 გრადუსი დაფიქსირდება. სიღნაღში დღისით +26 გრადუსია მოსალოდნელი, ღამით +15 გრადუსი დაფიქსირდება.რუსთავში მცირე ნალექია, დღისით +27 გრადუსია მოსალოდნელი, ღამით კი +14 გრადუსი დაფიქსირდება.თბილისშიც მცირე ნალექს ელოდებიან, ჰაერის ტემპერატურა დღისით +26 გრადუსს მიაღწევს, ღამით კი +14 გრადუსი იქნება.
1778651788
როგორი ამინდია მოსალოდნელი 13 მაისს საქართველოში13 მაისს ქუთაისში წვიმიანი დღე იქნება, დღისით +24 და ღამით +14 გრადუსი დაფიქსირდება.ნალექიან ამინდს ელოდებიან ოზურგეთშიც. დღისით +23 გრადუსი დაფიქსირდება, ღამით კი +14 გრადუსი იქნება. ბათუმშიც ღრუბლიანი დღეა მოსალოდნელი, დღისით ჰაერი +24 გრადუსამდე გათბება, ხოლო ღამით +15 გრადუსი დაფიქსირდება.მცირე ნალექია მოსალოდნელი ფოთში. დღისით +25 გრადუსი დაფიქსირდება, ღამით კი +15 გრადუსია მოსალოდნელი. წვიმა იქნება ზუგდიდში, დღისით ტემპერატურა +24, ღამით კი +13 გრადუსია ნავარაუდევი.სოხუმში წვიმიან ამინდს ვარაუდობენ, +23 გრადუსია მოსალოდნელი დღისით, ღამით +11 გრადუსი დაფიქსირდება.მესტიაშიც ნალექიანი დღეა ნავარაუდევი, დღისით +16 გრადუსი იქნება, ღამით კი +5 გრადუსი დაფიქსირდება. ამბროლაურში ჰაერი +21 გრადუსამდე გათბება, ღამით კი +11 გრადუსი დაფიქსირდება. იწვიმებს.ჭიათურაშიც წვიმიანი დღეა, დღისით +23 გრადუსი, ღამით კი +11 გრადუსი დაფიქსირდება.ახალციხეში დღე ნალექიანია, დღისით +22 გრადუსი, ღამით კი +7 გრადუსი იქნება. წვიმაა მოსალოდნელი ახალქალაქშიც, სადაც დღისით ჰაერი +21 გრადუსამდე გათბება, ღამით კი +8 გრადუსი დაფიქსირდება. ბორჯომშიც წვიმაა მოსალოდნელი, +23 იქნება დღისით, ღამით კი +9 გრადუსი დაფიქსირდება.ნალექიანი დღეა მოსალოდნელი ბაკურიანში, დღისით +17 გრადუსია მოსალოდნელი, ღამით +5 გრადუსი დაფიქსირდება.წვიმას ელოდებიან გორში, დღისით +23 გრადუსი, ღამის განმავლობაში კი +11 გრადუსი დაფიქსირდება. ცხინვალშიც წვიმაა, ჰაერის ტემპერატურა +22 გრადუსი იქნება, ღამით კი +9 გრადუსი დაფიქსირდება.გუდაურში ნალექიანი ამინდია მოსალოდნელი, დღის განმავლობაში +11 გრადუსი დაფიქსირდება, ღამით კი ჰაერის ტემპერატურა +1 გრადუსი იქნება.ომალოშიც იწვიმებს. დღისით +15 ღამით კი +2 გრადუსი დაფიქსირდება.ლაგოდეხშიც წვიმას ელოდებიან. ჰაერის ტემპერატურა დღის განმავლობაში +27 გრადუსი იქნება, ღამით კი +14 გრადუსი დაფიქსირდება. ღრუბლიანი ამინდი და მცირე ნალექი იქნება დღეს თელავში, +25 გრადუსი დაფიქსირდება, ღამით კი +13 გრადუსია ნავარაუდევი.წვიმიანი დღე იქნება გურჯაანში, დღისით +26 გრადუსი, ღამით კი +13 გრადუსი დაფიქსირდება. სიღნაღშიც მცირე ნალექია მოსალოდნელი. დღისით +26 გრადუსია მოსალოდნელი, ღამით +11 გრადუსი დაფიქსირდება და წვიმაა მოსალოდნელი.რუსთავში წვიმიანი დღეა. დღისით +25 გრადუსია მოსალოდნელი, ღამით კი +13 გრადუსი დაფიქსირდება.თბილისში დღეს ხანმოკლე წვიმაა მოსალოდნელი. ჰაერის ტემპერატურა დღისით +26 გრადუსს მიაღწევს, ღამით კი +13 გრადუსი იქნება.
1778565977
როგორი ამინდია მოსალოდნელი 12 მაისს საქართველოში12 მაისს ქუთაისში მზიანი დღე იქნება, შიგადაშიგ ნალექი წვიმის სახით. დღისით +26 და ღამით +15 გრადუსი დაფიქსირდება.ნალექიან ამინდს ელოდებიან ოზურგეთშიც. დღისით +27 გრადუსი დაფიქსირდება, ღამით კი +16 გრადუსი იქნება. ბათუმშიც ღრუბლიანი დღეა მოსალოდნელი, დღისით ჰაერი +25 გრადუსამდე გათბება, ხოლო ღამით +15 გრადუსი დაფიქსირდება.მცირე ნალექია მოსალოდნელი ფოთში. დღისით +26 გრადუსი დაფიქსირდება, ღამით კი +16 გრადუსია მოსალოდნელი. წვიმა იქნება ზუგდიდში, დღისით ტემპერატურა +26, ღამით კი +13 გრადუსია ნავარაუდევი.სოხუმში წვიმიან ამინდს ვარაუდობენ, +26 გრადუსია მოსალოდნელი დღისით, ღამით +13 გრადუსი დაფიქსირდება.მესტიაშიც ნალექიანი დღეა ნავარაუდევი, დღისით +16 გრადუსი იქნება, ღამით კი +3 გრადუსი დაფიქსირდება. ამბროლაურში ჰაერი +22 გრადუსამდე გათბება, ღამით კი +8 გრადუსი დაფიქსირდება. იწვიმებს.ჭიათურაშიც წვიმიანი დღეა, დღისით +25 გრადუსი, ღამით კი +12 გრადუსი დაფიქსირდება.ახალციხეში დღე ნალექიანია, დღისით +21 გრადუსი, ღამით კი +7 გრადუსი იქნება. წვიმაა მოსალოდნელი ახალქალაქშიც, სადაც დღისით ჰაერი +21 გრადუსამდე გათბება, ღამით კი +8 გრადუსი დაფიქსირდება. ბორჯომშიც წვიმაა მოსალოდნელი, +22 იქნება დღისით, ღამით კი +9 გრადუსი დაფიქსირდება.ნალექიანი დღეა მოსალოდნელი ბაკურიანში, დღისით +16 გრადუსია მოსალოდნელი, ღამით +5 გრადუსი დაფიქსირდება.წვიმას ელოდებიან გორში, დღისით +23 გრადუსი, ღამის განმავლობაში კი +11 გრადუსი დაფიქსირდება. ცხინვალშიც წვიმაა, ჰაერის ტემპერატურა +22 გრადუსი იქნება, ღამით კი +10 გრადუსი დაფიქსირდება.გუდაურში ნალექიანი ამინდია მოსალოდნელი, დღის განმავლობაში +9 გრადუსი დაფიქსირდება, ღამით კი ჰაერის ტემპერატურა +1 გრადუსი იქნება.ომალოშიც იწვიმებს. დღისით +16 ღამით კი +5 გრადუსი დაფიქსირდება.ლაგოდეხშიც წვიმას ელოდებიან. ჰაერის ტემპერატურა დღის განმავლობაში +25 გრადუსი იქნება, ღამით კი +13 გრადუსი დაფიქსირდება. ღრუბლიანი ამინდი და მცირე ნალექი იქნება დღეს თელავში, +23 გრადუსი დაფიქსირდება, ღამით კი +13 გრადუსია ნავარაუდევი.წვიმიანი დღე იქნება გურჯაანში, დღისით +24 გრადუსი, ღამით კი +15 გრადუსი დაფიქსირდება. სიღნაღშიც მცირე ნალექია მოსალოდნელი. დღისით +25 გრადუსია მოსალოდნელი, ღამით +14 გრადუსი დაფიქსირდება.რუსთავში წვიმიანი დღეა. დღისით +25 გრადუსია მოსალოდნელი, ღამით კი +13 გრადუსი დაფიქსირდება.თბილისში დღეს ხანმოკლე წვიმაა მოსალოდნელი. ჰაერის ტემპერატურა დღისით +24 გრადუსს მიაღწევს, ღამით კი +13 გრადუსი იქნება.
1778476500
როგორი ამინდია მოსალოდნელი დღეს საქართველოშისინოპტიკოსების პროგნოზით, 11 მაისს საქართველოს უმეტეს ქალაქებში ღრუბლიანი, თუმცა თბილი ამინდია მოსალოდნელი. ტემპერატურა რამდენიმე ქალაქში +27 გრადუსს მიაღწევს. ზოგან მოსალოდნელია წვიმა.ამინდი ქალაქების მიხედვით:გაგრა +23 - უმეტესად ღრუბლიანისოხუმი +24 - უმეტესად ღრუბლიანიზუგდიდი +27 - უმეტესად ღრუბლიანიმესტია +13 - წვიმაფოთი +23 - უმეტესად ღრუბლიანიბათუმი +23 - მზიანიოზურგეთი +27 - უმეტესად ღრუბლიანიქუთაისი +28 - უმეტესად ღრუბლიანიამბროლაური +24 - წვიმაახალციხე +22 - წვიმაბორჯომი +19 - წვიმაბაკურიანი +16 - წვიმაგორი +24 - უმეტესად ღრუბლიანიცხინვალი +22 - უმეტესად ღრუბლიანისტეფანწმინდა +12 - მოღრუბლულიგუდაური +8 - წვიმათელავი +24 - უმეტესად ღრუბლიანირუსთავი +28 - მზიანითბილისი +26 - უმეტესად ღრუბლიანი
1778400787
McDonald's ირანის ომის გამო მომხმარებლებს კარგავს - კომპანიამ შესაძლოა, ფრენჩაიზების ქსელს გადახედოსირანის ომის გამო საწვავზე ფასების ზრდა არაპროპორციული ძალით მოქმედებს დაბალი შემოსავლის მქონე მომხმარებლებზე, რაც მათ McDonald's-ის შეკვეთებზე უარის თქმისკენ უბიძგებს.ამის შესახებ Reuters კომპანიის აღმასრულებელ დირექტორ კრის კემპჩინსკიზე დაყრდნობთ წერს.სააგენტოს შეფასებით, McDonald's, ისევე, როგორც სწრაფი კვების სხვა რამდენიმე ქსელი მეტად არის დამოკიდებული დაბალი შემოსავლის მქონე მომხმარებლებზე და სპეციალური შეთავაზებები აქვს, რომ შეზღუდული ფინანსური რესურსებით მეტი მომხმარებელი მიიზიდოს.„საწვავზე მაღალი ფასები არის მთავარი პრობლემა, რომელსაც ამჟამად ვაწყდებით… მაკროეკონომიკური გარემო ნამდვილად არ უმჯობესდება და შესაძლოა, ცოტათი გაუარესდეს კიდეც,“ - ამბობს კემპჩინსკი.მისი ცნობით, მცირდება მარჟაც, რადგან ინფლაცია კომპანიას აიძულებს, პროდუქტებზე, ქაღალდსა და საწვავზე მეტი დახარჯოს. კერძოდ, აშშ-ში გასულ წელთან შედარებით შედეგი 25%-ით შემცირდა და 59 მლნ დოლარს მიაღწია.კემპჩინსკი დასძენს, რომ McDonald's-მა შედეგების გასაუმჯობესებლად შესაძლოა, ფრენჩაიზების ქსელს გადახედოს.თუმცა, იმის მიუხედავად, რომ გაყიდვების ზრდა მოლოდინს ჩამორჩება, კომპანიის მთლიანმა შემოსავალმა პროგნოზირებულ 6.47 მლრდ დოლარს გადააჭარბა და 6.52 მლრდ დოლარი შეადგინა.გაყიდვების სუსტი კვარტალური ზრდა რესტორნების რამდენიმე სხვა ამერიკულმა ქსელმაც დააფიქსირა, როგორიც არის Shake Shack, Papa John's, Wingstop და Domino's. მიზეზად ირანში ომის გავლენა სახელდება.
