1713170557
დუბაის უმსხვილესმა ბანკმა რუსების საინვესტიციო ანგარიშების დაბლოკვა დაიწყო - Forbes
არაბეთის გაერთიანებული საამიროების სიდიდით მეორე ბანკი, Emirates NBD (ENBD) რუს კლიენტებს აფრთხილებს, რომ თუ ისინი ევროკავშირის, ევროპის ეკონომიკური ზონის და შვეიცარიის რეზიდენტები არ არიან, მათი აქტივები ცალკე სეგრეგირებულ ანგარიშზე გადავა, რომლიდანაც ნაღდ ანგარიშსწორებაზე შეზღუდვები დაწესდება.
ასეთი გაფრთხილებით ბანკი რუს კლიენტებს წერილობით მიმართავს, რომელიც Forbes-მა მოიპოვა. ასევე, ბანკის ორმა კლიენტმა გამოცემას წერილის მიღების ფაქტი დაუდასტურა. კლიენტებისადმი მიწერილ წერილში ENBD მიუთითებს, რომ ნებისმიერი კუპონი და დივიდენდი, ისევე, როგორც ფასიანი ქაღალდების გაყიდვიდან მიღებული შემოსავალი ცალკეულ, სეგრეგირებულ ანგარიშზე მოხვდება, საიდანაც რუსი კლიენტი ENBD-ის ანგარიშებზე მათ გადარიცხვას ვერ შეძლებს.
რუსები ფასიანი ქაღალდების ანგარიშიდან გაყიდვას სტანდარტული DVP-მექანიზმით (delivery versus payment) კი არა, მხოლოდ FOP-გადახდით (free-of-payment) შეძლებენ. ეს იმას ნიშნავს, რომ ხელშეკრულების მხარეებს შორის ფასიანი ქალალდებისა და თანხის ერთდროული მოძრაობა კი არ ხდება, არამედ ფულის გადარიცხვა მხოლოდ ქაღალდების გადაცემას მოსდევს. გამყიდველ მხარეს, როგორც წესი, FOP-მექანიზმი არ მოსწონს, რადგან ეს მისთვის დამატებით რისკებს შეიცავს. კერძოდ, ყოველთვის არსებობს ალბათობა, რომ გარიგება საბოლოოდ არ დასრულდეს და გაუქმდეს, რის შემდეგაც რაიმე მიზეზით ფასიანი ქაღალდები გამყიდველს შესაძლოა, აღარ დაუბრუნდეს.
ENBD განმარტავს, რომ შეზღუდვები „ევროკავშირის დირექტივას“ შეესაბამება და გამონაკლისად არც ის რუსები ჩაითვლებიან, რომლებსაც გაერთიანებულ საამიროებში რეზიდენცია აქვთ.
Forbes წერს, რომ ENBD, ევროპული და შვეიცარიული ბანკების მსგავსად, დეპოზიტარების, Clearstream-ისა და Euroclear-ის მომსახურებას იყენებს, ამიტომ ვალდებულია, დეპოზიტარის მოთხოვნა შეასრულოს.
გამოცემის შეფასებით, ის, რაც ბანკმა განაცხადა, ნიშნავს, რომ ENBD-ის რუსი კლიენტები თავიანთ პორტფელებზე გადახდებს, გაყიდვიდან მიღებულ შემოსავლებს, ასევე, დივიდენდებსა და კუპონებს აღარ მიიღებენ, მაშინ, როცა რუს ინვესტორებს ევროპის დეპოზიტარებში არსებული აქტივები „მეგობრულ“ იურისდიქციაში, ანუ ENBD-ში მასიურად გადაჰქონდათ.
Forbes-ის ცნობით, რუს კლიენტებს ENBD-სგან წერილები მასიურად ამ კვირის დასაწყისში დაეგზავნათ. შეზღუდვები შეეხება როგორც Clearstream-ში, ასევე, Euroclear-ში შენახულ აქტივებს.
ცნობისთვის: ახლახან წამყვანმა შვეიცარიულმა ბანკებმა, UBS-მ და Сredit Suisse-მ დააანონსეს, რომ რუსი კლიენტების გადარიცხვებზე მონიტორინგს იწყებენ. ასევე, დაიხურება იმ მომხმარებლების ანგარიშები, რომლებიც რუსეთის ბიუჯეტში გადასახადებს იხდიან. რუს კლიენტებს აფრთხილებენ, რომ თუ ისინი არ შეწყვეტენ რუსეთში მდებარე კომპანიების ფლობას და ფედერაციის ბიუჯეტში გადასახადების გადახდას, ბანკებს მათი ანგარიშების დახურვა მოუწევთ. ბანკები ამ გადაწყვეტილებას იმით ხსნიან, რომ ასეთი კლიენტები გადასახადებს უხდიან იმ სახელმწიფოს, რომელიც უკრაინაში ვითარების დესტაბილიზაციას ახდენს.
ენერგეტიკა
საზოგადოება
1714045725
ვინ არის კურიერი, რომელმაც ერთ თვეში 12 254 ლარი გამოიმუშავა (ვიდეო)ვინ არის და რას პასუხობს „ვოლტის“ კურიერი იმ ადამიანებს, რომლებმაც მისი ერთ თვეში გამომუშავებული 12 254 ლარი შეუძლებლად მიიჩნიეს:
1714042367
რა საინვესტიციო ვალდებულებით გადასცემს სახელმწიფო „კურორტ საირმეს“ 1 368 ჰა მიწას 49 წლით? - განკარგულებამთავრობის 609 განკარგულებით, სახელმწიფო „კურორტ საირმეს“ ვანსა და ბაღდათის მუნიციპალიტეტებში 49 წლიანი იჯარით, წელიწადში 1 000 ლარად 13 687 749 კვ.მ მიწის ფართობს გადასცემს. საუბარია, 65 სხვადასხვა ლოკაციაზე არსებულ სასოფლო-სამეურნეო ფართებზე და საძოვრებზე. შესაბამისი განკარგულება მთავრობის ადმინისტრაციის ვებგვერდზე 24 აპრილს გამოქვეყნდა და მას ხელს პრემიერ-მინისტრი ირაკლი კობახიძე აწერს.საინვესტიციო ვალდებულების მიხედვით, 8 წლის განმავლობაში კომპანიამ 750-ნომრიანი სასტუმრო უნდა ააშენოს. ასევე, განავითაროს სარეკრეაციო სივრცე, მოაწყოს სათხილამურო ტერასები და ტრასები.განკარგულებაში გაწერილია გრაფიკი, რომლითაც "კურორტმა საირმემ" ვალდებულებების შესასრულებლად ₾80 მლნ-ის ინვესტიცია უნდა ჩადოს. ასევე კომპანიამ მომდევნო 8 წლის განმავლობაში, უნდა დაასაქმოს 100 ადამიანი არანაკლებ 2 წლის ვადით.მიწებს კომპანიას ქონების ეროვნული სააგენტო მას შემდეგ გადასცემს, რაც საინვესტიციო თანხის 5%-ს საბანკო, გაუხმობ გარანტიად წარადგენს.სამეწარმეო რეესტრის მიხედვით, 2001 წელს დარეგისტრირებული კომპანიის წილის 100%-ის მფლობელი თემურ კოხოძეა. გენერალური დირექტორის მოვალეობის შემსრულებელი კი, ანა ჯანიაშვილი.
1714040214
ტაილანდში წელს სიცხის შედეგად 30 ადამიანი დაიღუპატაილანდში წელს სიცხის შედეგად 30 ადამიანი დაიღუპა. ამის შესახებ ინფორმაციას france24-ი ავრცელებს. ბანგკოკის საქალაქო ხელისუფლებამ მოსახლეობა მოსალოდნელი ექსტრემალური სიცხის ( 52 გრადუს ცელსიუსი) შესახებ გააფრთხილა.ტაილანდის დედაქალაქში ჰაერის ტემპერატურამ ოთხშაბათს 40.1 გრადუსს მიაღწია და მსგავსი ტემპერატურაა ნავარაუდევი დღესაც.ჯანდაცვის სამინისტრომ ოთხშაბათს განაცხადა, რომ 2024 წლის 1 იანვრიდან 17 აპრილამდე სითბური ინსულტისგან 30 ადამიანი გარდაიცვალა.
1714038060
რა ღირს ბაზრებსა და მარკეტებში იმპორტირებული და ადგილობრივი წარმოების კიტრი/პომიდორისაქართველოში მიმდინარე წლის მარტში იმპორტირებულია 1,5 მლნ აშშ დოლარის ღირებულების 3 348 ტონა პომიდორი. ამასთანავე, საანგარიშო პერიოდში ქვეყანაში შემოვიდა 1,2 მლნ აშშ დოლარის 2 724 ტონა კიტრი.საქართველოს გასულ თვეში 1 კგ პომიდვრის იმპორტი 0.45 დოლარი (კურსით 1,2 ლარი), ხოლო კიტრის იმპორტი 0.44 დოლარი (1,2 ლარი) დაუჯდა.სუპერმარკეტებში 1 კგ იმპორტული პომიდვრის ფასი 4 ლარიდან იწყება, ხოლო კიტრის 3,5 ლარიდან. მონაცემები აჩვენებს, რომ იმპორტული პომიდორი მინიმუმ 233%-იანი ფასნამატით, ხოლო კიტრი 192%-იანი ფასნამატით იყიდება. რაც შეეხება ბაზრებს, აქ 1 კგ იმპორტული პომიდვრის ფასი 1,5 ლარიდან იწყება, ხოლო კიტრი 2.5 ლარიდან. მონაცემების თანახმად, იმპორტული პომიდორი ბაზარზე იყიდება 25%-იანი, ხოლო კიტრი 108%-იანი ფასნამატით.ამასთანავე, 2024 წლის მარტში საქართველოდან იმპორტირებულია ადგილობრივი წარმოების 120 ათასი დოლარის ღირებულების 131 ტონა პომიდორი და 4 ათასი დოლარის 6 ტონა კიტრი.აღნიშნული მონაცემების თანახმად, 1 კგ ქართული წარმოების კიტრის საექსპორტო ფასი 0.7 დოლარს (კურსით 1,9 ლარი) შეადგენს, ხოლო პომიდვრის 0.92 დოლარს (კურსით 2.5 ლარი).ბაზრებზე ქართული წარმოების პომიდვრის ფასი 3,5 ლარიდან იწყება, ხოლო კიტრის ფასი 3 ლარიდან. რაც შეეხება ქსელურ მარკეტებს, 1 კგ ქართული პომიდვრის ფასი 6 ლარიდან იწყება, ხოლო კიტრის - 7 ლარიდან.ცნობისთვის, მიმდინარე წლის მარტში, გასული წლის ანალოგიურ მაჩვენებელთან შედარებით, პომიდვრის იმპორტი 12%-ით შემცირდა, კიტრის კი 29%-ით გაიზარდა. ამასთანავე, მარტში ქართული წარმოების კიტრის ექსპორტი 58%-ით შემცირდა, პომიდვრის კი 55%-ით არის შემცირებული.
1714036297
რომელი ქვეყნების მოქალაქეები ითხოვენ თავშესაფარს საქართველოშიშინაგან საქმეთა სამინისტროს სტატისტიკის მიხედვით, წელს I კვარტალში, ლტოლვილის სტატუსი ჯამში 3 მოქალაქეს მიეცა. ამათგან, ორი ირანის მოქალაქეა, ხოლო ერთი დაუდგენელი.ამავე მონაცემების თანახმად, საანგარიშო პერიოდში, თავშესაფრის მაძიებლად რეგისტრირებულია, ჯამში, უცხოეთის 379 მოქალაქე, ამათგან ყველაზე ბევრი, 17,4% უკრაინის მოქალაქეებზე მოდის.უფრო კონკრეტულად, საქართველოში თავშესაფრის მაძიებლად რეგისტრირებულია: უკრაინის 66 მოქალაქე, ინდოეთის - 51, ირანის - 45, თურქეთის - 43, პაკისტანის - 35, რუსეთის - 23, ერაყის - 15, იორდანიის - 14, ნიგერიის - 12, ეგვიპტის - 11, სირიის - 10, ბელარუსის -9, და ა.შ.სტატისტიკის მიხედვით, წელს, I კვარტალში, საქართველოს დროებითი განთავსების ცენტრში მოთავსებულია უცხო ქვეყნის 59 მოქალაქე. ამათგან, ყველაზე ბევრი, 23 მოქალაქე აზერბაიჯანიდან იყო, 10 - ჩინეთიდან, 6 - რუსეთიდან, 4- თურქეთიდან და ა.შ.
