1675847352 • საზოგადოება
ე.წ. „დეკრეტული“ შვებულების ფულადი დახმარება 1 000 ლარიდან 2 000 ლარამდე გაიზარდა
პრემიერ-მინისტრ ირაკლი ღარიბაშვილის ხელმძღვანელობით, მთავრობის სხდომა გაიმართა, სადაც პრემიერმა აღნიშნა, რომ ე.წ. „დეკრეტული“ შვებულების ფულადი დახმარება 1 000 ლარის ნაცვლად 2 000 ლარით განისაზღვრა. გარდა ამისა, მინისტრთა კაბინეტის წევრებმა დღის წესრიგით გათვალისწინებული 11 საკითხი განიხილეს. ამის შესახებ ინფორმაციას მთავრობის ადმინისტრაცია ავრცელებს.
განსახილველ საკითხთა შორის იყო საქართველოს მთავრობის დადგენილების პროექტი „ორსულობისა და მშობიარობის გამო ანაზღაურებადი შვებულებისა და ბავშვის მოვლის გამო ანაზღაურებადი შვებულების, აგრეთვე ახალშობილის შვილად აყვანის გამო ანაზღაურებადი შვებულების პერიოდზე გასაცემი ფულადი დახმარების ოდენობის განსაზღვრისა და გასატარებელ ზოგიერთ ღონისძიებათა შესახებ“.
დადგენილების პროექტის თანახმად, აღნიშნული ფულადი დახმარების ოდენობა ჯამურად 1 000 ლარის ნაცვლად 2 000 ლარით განისაზღვრა.
ამასთან, საჯარო სკოლის მასწავლებელს, ორსულობისა და მშობიარობის გამო, ბავშვის მოვლის გამო, აგრეთვე ახალშობილის შვილად აყვანის გამო ანაზღაურებად შვებულებებთან დაკავშირებით, ზემოაღნიშნულ დახმარებასთან ერთად, დამატებითი სოციალური დაცვის ღონისძიების სახით, მის მიერ შვებულებების პერიოდში მისაღები შრომითი გასამრჯელოს სრულ ოდენობამდე შესავსებად მიეცემა დამატებითი ანაზღაურება საქართველოს განათლებისა და მეცნიერების სამინისტროს მიერ, მისთვის გამოყოფილი ასიგნებების ფარგლებში; დადგენილების მოქმედება გავრცელდება იმ დასაქმებულებზე, რომლებიც საქართველოს კანონმდებლობის შესაბამისად, 2023 წლის 1 იანვრიდან ისარგებლებენ ორსულობისა და მშობიარობის გამო შვებულებით, ბავშვის მოვლის გამო შვებულებითა და ახალშობილის შვილად აყვანის გამო შვებულებით.
პოპულარული სიახლეები
მსოფლიო
რუსეთი ხორბლის საექსპორტო გადასახადს ზრდის
1675672400
1675861880
ლარი გაუფასურდა - ვალუტის კურსისაქართველოს ეროვნულმა ბანკმა ეროვნული ვალუტის ახალი კურსი დაადგინა. 8 თებერვლის ვაჭრობის შედეგად აშშ დოლარი გამყარდა და 2.6558 ლარი შეადგინა. კურსი, რომელიც დღეს მოქმედებდა, 2.6459 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებით 0.0099 ლარი შეადგინა. გამყარდა ევრო, რომლის კურსი 2.8537 ლარია. მაშინ, როცა დღეს მოქმედი კურსი 2.8364 ლარს შეადგენდა.გამყარდა თურქული ლირა, რომელიც 0.1410 ლარს შეადგენს და ასევე გამყარდა ფუნტი, რომელიც 3.2106 ლარი ეღირება.დღევანდელი ვაჭრობის შედეგად მიღებული კურსი 9 თებერვლიდან შევა ძალაში.
1675777078
ლარი დოლართან მიმართებით გაუფასურდა - ვალუტის კურსისაქართველოს ეროვნულმა ბანკმა ეროვნული ვალუტის ახალი კურსი დაადგინა.6 თებერვლის ვაჭრობის შედეგად აშშ დოლარი გამყარდა და 2.6459 ლარი შეადგინა. კურსი, რომელიც დღეს მოქმედებდა, 2.6424 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებით 0.0035 ლარი შეადგინა. გაუფასურდა ევრო, რომლის კურსი 2.8364 ლარია. მაშინ, როცა დღეს მოქმედი კურსი 2.8432 ლარს შეადგენდა.გამყარდა თურქული ლირა, რომელიც 0.1405 ლარს შეადგენს და გაუფასურდა ფუნტი, რომელიც 3.1746 ლარი ეღირება.დღევანდელი ვაჭრობის შედეგად მიღებული კურსი 8 თებერვლიდან შევა ძალაში.
1675693902
ლარი გამყარდა - ვალუტის კურსისაქართველოს ეროვნულმა ბანკმა ეროვნული ვალუტის ახალი კურსი დაადგინა. 6 თებერვლის ვაჭრობის შედეგად აშშ დოლარი გაუფასურდა და 2.6424 ლარი შეადგინა. კურსი, რომელიც დღეს მოქმედებდა, 2.6441 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებით 0.0017 ლარი შეადგინა.გაუფასურდა ევრო, რომლის კურსი 2.8432 ლარია.დღევანდელი ვაჭრობის შედეგად მიღებული კურსები ძალაში 7 თებერვალს შევა.
1675672032
დეკემბერში მშენებლობა გაძვირდა - რამ განაპირობა ღირებულების ზრდა?2022 წლის დეკემბერში მშენებლობის ღირებულების ინდექსი წინა თვესთან შედარებით 2.2 პროცენტით გაიზარდა. ამის შესახებ ინფორმაციას საქსტატი აქვეყნებს.უწყების ცნობით, აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 10.6 პროცენტიანი ზრდით, რამაც 2.44 პროცენტული პუნქტი შეიტანა ჯამური ინდექსის ცვლილებაში.2022 წლის თებერვალთან შედარებით მშენებლობის ღირებულების ინდექსი გაიზარდა 11.5 პროცენტით. ინდექსის ზრდა, ძირითადად, გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 28.8 პროცენტიანი ზრდით, რამაც 5.87 პროცენტული პუნქტი შეიტანა ჯამური ინდექსის ცვლილებაში.ქვემოთ მოცემულ ცხრილში წარმოდგენილია 2022 წლის დეკემბერში მშენებლობის ღირებულების ინდექსები წინა თვესთან და 2022 წლის თებერვალთან შედარებით, ასევე ინდექსების ფორმირებაში მონაწილე ხარჯების კატეგორიების შესაბამისი წვლილები.
1675521967
ყაზახეთიდან ნავთობის ალტერნატიულ ექსპორტში საქართველო ჩინეთის შემდეგ მეორე ადგილზეა - Reuters2022 წლის შემაჯამებელი მონაცემებით, საქართველო, აზერბაიჯანი, ჩინეთი და უზბეკეთი რუსეთის გვერდის ავლით ყაზახური ნავთობის მიწოდებაში მთავარი იმპორტიორები გახდნენ, ხოლო ამ ალტერნატიული მარშრუტებით ყაზახური ნავთობის ექსპორტი გაიზარდა. ინფორმაციას სააგენტო Reuters საკუთარ გათვლებზე დაყრდნობით ავრცელებს.სააგენტოს მონაცემებით, ბოლო 12 თვის განმავლობაში რუსეთის გვერდის ავლით ყაზახეთმა მთლიანობაში 1,8 მილიონი ტონა ნედლეული გაიტანა, რაც დღეში 36 000 ბარელ ნავთობს შეადგენს. 2022 წელს ალტერნატიული მარშრუტებით ყაზახური ნავთობის ექსპორტი, 2021 წელთან შედარებით, 638 000 ტონით გაიზარდა.Reuters წერს, რომ რუსეთის გვერდის ავლით ნავთობის ყველაზე მეტი მოცულობა, 1,26 მილიონი ტონა ჩინეთში გაიგზავნა. მეორე ადგილზეა საქართველო: ბათუმის პორტით 214 000 ტონა ყაზახური ნავთობი იქნა ექსპორტირებული. შემდეგი არის ბაქოს ნავთობგადამამუშავებელი ქარხანა, რომელმაც 141 000 ტონა ნავთობი მიიღო. 109 000 ტონა ყაზახური ნავთობი ბაქო-თბილისი-ჯეიჰანის მილსადენით გადაიქაჩა, ხოლო 80 000 ტონა უზბეკეთს მიეწოდა.
