მინების დაბურვის ფასი 300 ლარიდან იწყება - რატომ გაიზარდა სერვისის ღირებულება და როგორია მოთხოვნა

1728554076

ავტომობილის მინების დამუქებაზე მოთხოვნა შემცირდა. ამის შესახებ bpn.ge-ს ავტომომსახურების სხვადასხვა კომპანიაში განუცხადეს. თუმცა, ამ დროისთვის, სერვისის ფასი კვლავ მაღალია. კერძოდ, როგორც ავტო ცენტრები განმარტავენ, საფასური 300 ლარიდან იწყება, რასაც მასალის თვითღირებულება განაპირობებს.კომპანიებში ამბობენ, რომ მიმდინარე წლის 3 ივლისის შემდეგ, რაც ავტომობილების მესაკუთრეებს მიეცათ უფლება, შინაგან საქმეთა სამინისტროს თანხმობის გარეშე, წინა გვერდითა მინები 40%-ის ნაცვლად, 60%-მდე დაამუქონ, ერთი თვის განმავლობაში სერვისზე მოთხოვნა 200-500%-მდე იყო გაზრდილი. ამ დროისთვის კი მიმართვიანობა შემცირებულია.„კანონმდებლობით თავიდან გათვალისწინებული იყო 40%-მდე დაბურვა. იმ დროს, მეტი პროცენტულობა რომ არ გამოდიოდა, ცდილობდნენ სალონები გაემუქებინათ, სავარძლები, ჭერი... შემდეგ რეგულაცია შეიცვალა და 60%-მდე გაიზარდა დამუქების შესაძლებლობა, რამაც მოთხოვნა ეგრევე გაზარდა. დღეში 200-300 მომხმარებელი გვყავდა, ეს იყო დაახლოებით, 200%-იანი ზრდა მოთხოვნაზე.რაც შეეხება ფასს, იმიტომ გაიზარდა, რომ რეალურად, იმ პროცენტულობის მასალა, რაც ახლა დასაშვებია, აქ არცერთ ავტოსერვისს არ ჰქონდა. უბრალოდ, არაფერში სჭირდებოდათ 60%-იანი ფირი, მაინც ვერავინ გააკრავდა. შესაბამისად, ეს ფირები უნდა გვეყიდა და რადგან მოთხოვნა გაიზარდა, თვითონ მწარმოებლებმაც გააძვირეს პროდუქცია. მიუხედავად იმისა, რომ ხელობის ფასი იგივე დარჩა, გაძვირდა მასალა და ტრანსპორტირება, ამიტომ გაიზარდა ამ სერვისის ღირებულებაც.ახლა უკვე ფასიც მეტ-ნაკლებად დასტაბილურდა. ჩვენ შემთხვევაში, 140 ლარად ვაკეთებთ წინა გვერდითა მინებს, იგივე თანხაა უკანა გვერდითა მინების დამუქებაზე, დამატებითი მინების ფასი 60 ლარია (წყვილზე) და უკანა საქარე მინას ვბურავთ 160 ლარად. ჩვენი კომპანიის შემთხვევაში, ეს ფასი, წინანდელთან შედარებით 20-30 ლარით არის გაზრდილი.სხვადასხვა კომპანია განსხვავებულ ფასად ბურავს, იმიტომ, რომ სხვადასხვა მწარმოებელთან აქვს ურთიერთობა, ზოგს თვითონვე ჩამოაქვს. ამასთან, თუ მწარმოებელი კომპანია არის ამერიკული, რა თქმა უნდა, უფრო ძვირი იქნება, რადგან თვითონ გაძლევს მაგ ფასად, მაგრამ თუ არის, მაგალითად, ჩინური, ის შედარებით იაფია,“ - განუცხადეს bpn.ge-ს best auto-ში.New auto-ში ამბობენ, რომ მოთხოვნის შემცირება სეზონს უკავშირდება, რადგან მინებს ძირითადად, მზისგან დაცვის მიზნით ბურავენ.„როცა კანონმდებლობა შეიცვალა, დაახლოებით, ერთი თვე, მოთხოვნა იყო ძალიან მაღალი. ახლა საგრძნობლად დაიკლო. ფასი დამოკიდებულია ავტომობილის ტიპზე, წლოვანებაზე და ა.შ. ყველა დეტალი გასათვალისწინებელია. ამ დროისთვის, ღირებულება იწყება 300 ლარიდან.მე ვფიქრობ, მოთხოვნის კლება სეზონთანაც არის დაკავშირებული, ზამთარში დიდად არ სჭირდებათ მინების დაბურვა, ამას ხომ ძირითადად მზის სხივების შესაკავებლად აკეთებენ,“- ამბობენ new auto-ში.შეგახსენებთ, რომ საქართველოს შინაგან საქმეთა სამინისტროს წლევანდელი, 2 ივლისის ბრძანებით, 3 ივლისიდან წინა გვერდითა მინების დამუქების პროცენტულობა შეიცვალა. კერძოდ, ავტოსატრანსპორტო საშუალების მესაკუთრეებს მიეცათ უფლება, შინაგან საქმეთა სამინისტროს თანხმობის გარეშე, წინა გვერდითა მინები 40%-ის ნაცვლად, 60%-მდე დაამუქონ. ახალი წესის თანახმად, წინა გვერდითა მინების დამუქება დასაშვებია 60%-ით, უკანა გვერდითა მინების - 75%-ით, ხოლო წინა საქარე მინის - 30%-ით.იმისთვის, რომ ავტომობილის წინა გვერდითა მინებზე შუქგამტარობა 60%-ზე, ხოლო უკანა გვერდითა მინებზე 75%-ზე მეტით იყოს შემცირებული, მესაკუთრეს შს სამინისტროსგან სპეციალური თანხმობა ესაჭიროება. წინააღმდეგ შემთხვევაში ავტომობილის მძღოლი/მფლობელი დაჯარიმდება.რაც შეეხება ჯარიმის მოცულობას, ადმინისტრაციულ სამართალდარღვევათა კოდექსის თანახმად, იმ სატრანსპორტო საშუალების მართვა, რომლის მინების შუქგამტარობის შემცირება არაუმეტეს 10%-ით აღემატება ნორმებს, გამოიწვევს 100 ლარით, ხოლო იმ ავტომობილის მართვა, რომლის მინების შუქგამტარობის შემცირება 10%-ზე მეტით აღემატება ნორმებს - 500 ლარით დაჯარიმებას.

1728543806

Bounce-მა “ღვინის მოყვარულთა ინდექსი” განაახლა, რომელიც სხვადასხვა კრიტერიუმების თანახმად ქვეყნებში ღვინის ტურიზმს აფასებს. ქვეყნები, რომლებიც ამ ინდექსის სათავეში ხვდებიან, Bounce-ის შეფასებით ღვინის ტურიზმისთვის საუკეთესო დანიშნულებებს წარმოადგენენ. თავად რეიტინგი რამდენიმე პარამეტრს ითვალისწინებს, მათ შორის ღვინის წარმოებას, მოხმარებას და ექსპორტს, ვენახების ფართობს, ღვინის ტურების რაოდენობას და ღვინის ფასს. ამგვარად, გასაკვირი არ არის, რომ საქართველო, სადაც ღვინო გამოიგონეს, ინდექსის წლევანდელი გამოცემის ათეულში მოხვდა.წელს, საქართველომ 10-დან 6.18 ქულა მიიღო, რითაც მე-8 ადგილი დაიკავა. Bounce-ის დათვლებით, ერთ სულ მოსახლეზე გადათვლით საქართველოში 49.7 ლიტრი ღვინო იწარმოება და 26.4 ლიტრი ისმება, როცა ვენახებზე ქვეყნის ჯამური ზედაპირის 0.7% მოდის. ინდექსის თანახმად, ღვინის ბოთლის საშუალო ფასი საქართველოში $6.68-ია, ხოლო 10,000 კვადრატულ კილომეტრზე, საშუალოდ, 6.1 ღვინის სადეგუსტაციო ტური იმართება. ამ შედეგებით, საქართველომ ღვინის დიდ ექსპორტიორ და მომხმარებელ სახელმწიფოებს გაუსწრო, მათ შორის ახალ ზელანდიას, ავსტრალიას, საბერძნეთსა და სამხრეთ აფრიკას გაუსწრო.მნიშვნელოვანია გარემოება, რომ წელს, საქართველოს რეიტინგი ერთბაშად სამი პოზიციით ჩამოქვეითდა, არადა 2023 წლის “ღვინის მოყვარულთა ინდექსი”, რომელშიც ჩვენმა ქვეყანამ მე-5 ადგილი დაიკავა და საფრანგეთსა გაუსწრო, საქართველოსთვის საეტაპო აღმოჩნდა. შარშანდელ რეიტინგში საქართველოს მაღალ პოზიციას განსხვავებული მეთოდოლოგია განაპირობებდა, რადგან ტურისტული მიმზიდველობა ითვლებოდა არა მიწის ფართობის მიხედვით, როგორც ეს წელს მოხდა, არამედ მოსახლეობის მიხედვით. შარშანდელი შედეგით, მილიონ მოქალაქეზე საქართველოში 211 ღვინის სადეგუსტაციო ტური იმართებოდა, რაც ერთ-ერთი ყველაზე მაღალი შედეგია მსოფლიოში.2024 წლის “ღვინის მოყვარულთა ინდექსში” წამყვანი პოზიციები ტრადიციულმა ღვინის მწარმოებელმა ქვეყნებმა დაიკავეს, მათ შორის პორტუგალიამ, იტალიამ, საფრანგეთმა და ესპანეთმა. ათეულში ასევე მოხვდა ჩილე, რომელიც მე-6 ადგილს იკავებს, მაგრამ, რაც ყველაზე საინტერესო და უცნაურია, წლევანდელ რეიტინგში საქართველოს მოლდოვა და უნგრეთიც უსწრებენ. მოლდოვის შემთხვევაში, გადამწყვეტი ფაქტორი ვენახების ჯამური ფართობი აღმოჩნდა, ხოლო უნგრეთი, რომელიც ღვინის ტრადიციული ქვეყანა ნამდვილად არ არის, საქართველოს, ესპორტით და ღვინის ტურებით უსწრებს.უშუალოდ ინდექსთან ერთად, Bounce-მა რამდენიმე კატეგორიაში საუკეთესო ქვეყნები გამოავლინა. ღვინის მოხმარების მიხედვით პორტუგალია ლიდერობს, სადაც ერთი ადამიანი წელიწადში საშუალოდ 52.25 ლიტრს, ანუ დაახლოებით 70 ბოთლ ღვინოს სვამს. ღვინის წარმოების და ვენახების ფართობის მიმართულებით ლიდერად მოლდოვა დასახელდა, რომელიც ერთ სულ მოსახლეზე 71.5 ლიტრ ღვინოს აწარმოებს. ყველაზე მეტი ღვინის ტური პორტუგალიაში ტარდება, ხოლო ყველაზე იაფი ღვინო - არგენტინაში იყიდება, სადაც ერთი ბოთლი საშუალოდ $3.5 ღირს.ღვინის ტურიზმის კუთხით საუკეთესო ქვეყნებთან ერთად, Bounce-მა ღვინის მცოდნეთათვის ყველაზე ცუდი ქვეყნებიც ჩამოთვალა. ამ რეიტინგის უდავო ლიდერი ჩინეთია, რომელმაც 10-დან 1.18 ქულა მიიღო, რითაც ბოლო ადგილი დაიკავა, რაც გასაგებიცაა, რადგან ჩინეთი, სადაც ერთი ადამიანი წელიწადში საშუალოდ ნახევარ ლიტრ ღვინოს სვამს, ღვინის ქვეყნად ნამდვილად ვერ ჩაითვლება. ჩინეთთან ერთად, ანტირეკორდის ლიდერებად იაპონია, ბრაზილია, გაერთიანებული სამეფო და ამერიკის შეერთებული შტატები გვევლინებიან.bm.ge

1728543695

ქარიშხალმა „მილტონმა“ ფლორიდას მიაღწია - ძლიერ ქარს თან ახლავს ტროპიკული წვიმა; ზოგიერთ რაიონში იყო ტორნადო და წყალდიდობაც. მილიონზე მეტი სახლი ელექტროენერგიის გარეშეა დარჩენილი.ვრცელდება ინფორმაცია მსხვერპლის შესახებ, თუმცა რაოდენობა ამ ეტაპზე დაკონკრეტებული არ არის.შტორმი ფლორიდის მიმართულებით მექსიკის ყურიდან წამოვიდა. მას თავდაპირველად მაქსიმალური, მეხუთე კატეგორია ჰქონდა, თუმცა ეტაპობრივად სტიქიამ ძალა დაკარგა და ამჟამად მისი სიჩქარე თითქმის განახევრებულია.მიუხედავად ამისა, ხელისუფლება და სპეციალისტები ფლორიდის მცხოვრებლებს აფრთხილებენ, რომ ქარიშხალს ჯერ კიდევ აქვს დამანგრეველი ძალა, ამიტომ უსაფრთხო ადგილებში უნდა დარჩნენ. საშიში ტერიტორიიდან წინასწარ მოხდა დაახლოებით 5 მილიონი ადამიანის ევაკუაცია. ფლორიდა კატასტროფის ზონად არის გამოცხადებული.„მილტონს ისევე როგორც ადრე უდიდესი დამანგრეველი ეფექტი აქვს. დასახლებული პუნქტების სრულად განადგურება შეუძლია. ასევე ადამიანური მსხვერპლის გამოწვევა. ამიტომ, მოვუწოდებ ყველას ვინც ამ ქარიშხლის ზონაში იმყოფება გაითვალისწინეთ ადგილობრივი მთავრობის მოწოდებები და იხელმძღვანელეთ უსაფრთხოების ინსტრუქციებით. როგორც ჩანს ამ ეტაპზე ევაკუაცია ფერხდება, ამიტომ მოვუწოდებ მოსახლეობას ეძებეთ უსაფრთხო თავშესაფარი. ხშირად რამდენიმე მილით გადაადგილება სიკვდილ-სიცოცხლის საკითხია“, - აცხადებს ამერიკის შეერთებული შტატების პრეზიდენტი ჯოზეფ ბაიდენი.

1728456281

„არანორმალური ტემპი აქვს აღებული დევნილთა განსახლების პროცესს. 35000-ს გასცდა დაკმაყოფილებული დევნილი ოჯახების რიცხვი. აღსანიშნავია მიმდინარე პროექტები - 6000 ბინაზეა საუბარი, რაც მიმდინარე მშენებლობებს მოიცავს“, - აღნიშნულის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა განაცხადა.მიხეილ სარჯველაძემ აღნიშნა, რომ მშენებლობები საქართველოს 5 ქალაქში მიმდინარეობს.„თბილისში მიმდინარეობს მასშტაბური მშენებლობა, ქუთაისში ფინალურ ეტაპზე ვართ და ძალიან ახლო მომავალში უკვე განაწილდება ბინები ოჯახებზე, ეს არის ბორჯომი, რუსთავი, სულ მალე დაიწყება მშენებლობა ზუგდიდში. დევნილთა განსახლება მკაფიო რეგლამენტაციისა და დევნილი ოჯახების ინდივიდუალური შეფასების საფუძველზე მიმდინარეობს. მთავარი განმსაზღვრელი არის საჭიროება, რომელიც შეიძლება, ოჯახის წინაშე იდგეს, შესაბამისად მიიღება გადაწყვეტილება. თუმცა, ამას წინ უძღვის საკმაოდ შრომატევადი შეფასების პროცესი. ახლაც ქუთაისში მიმდინარეა ასეთი პროცესი, სადაც ვახორციელებთ შეფასებას საანკეტო მონაცემებისა და კონკრეტულად ვიზიტები ხორციელდება ოჯახებთან“, - განაცხადა მიხეილ სარჯველაძემ.მინისტრმა აღნიშნა, რომ დევნილთა განსახლების პროცესი აქტიურად მიმდინარეობს და სახელმწიფო საკუთარ ვალდებულებებს სრულად შეასრულებს.ინფორმაციას ჯანდაცვის სამინისტრო ავრცელებს

1728454731

საქართველოს ნაკრების და „სენტ-ეტიენის“ შემტევი ზურიკო დავითაშვილი ევროპის ტოპ-5 ლიგებში კვირის საუკეთესო ფეხბურთელია – ასეთია WhoScored-ის შეფასება.„სენტ-ეტიენმა“ საფრანგეთის ლიგა 1-ის ბოლო ტურში „ოსერი“ 3:1 დავითაშვილის შთამბეჭდავი თამაშის წყალობით დაამარცხა. სამივე გოლი 23 წლის ლეგიონერმა გაიტანა და პირველი ქართველი ფეხბურთელია, ვინც საფრანგეთის ჩემპიონატში ჰეთ-თრიკი შეასრულა.„ჯვაროსნების“ მოთამაშემ ანალიტიკური ვებგვერდისგან უმაღლესი შეფასებები დაიმსახურა – დავითაშვილს Whoscored-მა 10-ბალიან სისტემაში იდეალური (უმაღლესი) შეფასება, 10 ქულა დაუწერა, რაც ძალიან იშვიათი გამონაკლისია. ამ მაჩვენებლით გასულ კვირას ზურიკო დავითაშვილი ტოპ-5 ლიგებში ერთადერთი მოთამაშე აღმოჩნდა, ვისაც 10 ქულა აქვს.საერთაშორისო ანალიტიკურმა ვებგვერდმა „ოსერთან“ შეხვედრაში 23 წლის ქართველი ფეხბურთელის სტატისტიკაც გამოაქვეყნა:3 – გოლი4 – კარში დარტყმა2 – საკვანძო გადაცემა2 – წარმატებული დრიბლინგიშეგახსენებთ, რომ მანამდე ზურიკო დავითაშვილი ორმა ანალიტიკურმა პორტალმა, whoscored-მა და Sofascore-მ საფრანგეთის ლიგა 1-ის მე-7 ტურის საუკეთესო მოთამაშედ დაასახელა და კვირის სიმბოლურ გუნდში შეიყვანეს.საფრანგეთის ლიგა 1-ის მიმდინარე სეზონში დავითაშვილმა 7 შეხვედრა ჩაატარა, 3 გოლი გაიტანა და 2 საგოლე გადაცემა შეასრულა.1tv.ge