რუსეთმა მარცვლეული საექსპორტო კვოტა 5 მლნ ტონით გაზარდა

1715082001

დღის მეორე ნახევრიდან როგორც დასავლეთ, ასევე აღმოსავლეთ საქართველოს უმეტეს რაიონებში გამოიდარებს და ტემპერატურა მოიმატებს - ამის შესახებ გარემოს ეროვნულ სააგენტოში განგვიცხადეს:„ხვალიდან ტემპერატურაც მოიმატებს, თუმცა, კვირის ბოლოს, პარასკევს, შაბათსა და კვირას კვლავ ნალექიანი ამინდია მოსალოდნელი და ტემპერატურაც შედარებით დაიკლებს. დღეს აღმოსავლეთ საქართველოში +11, +16 გრადუსის ფარგლებში იქნება ტემპერატურა, ხვალიდან უკვე მოიმატებს და +20, +25 გრადუსის ფარგლებში იქნება. დასავლეთ საქართველოში კი მიმდინარე დღეებში შესაძლოა ზოგან +30 გრადუსამდეც დათბეს. შაბათ-კვირას კვლავ წვიმიანი, ქარიანი ამინდია მოსალოდნელი და ტემპერატურაც დაიკლებს. მიმდინარე დღეებში ნალექი შენარჩუნდება მთიან და მაღალმთიან რაიონებში, ასევე კახეთშიც. თბილისში ხვალ და ზეგ უნალექო ამინდია მოსალოდნელი, ჰაერის ტემპერატურა +21, +23 გრადუსის ფარგლებში იქნება. 10 მაისის დღის მეორე ნახევრიდან კვლავ წვიმაა მოსალოდნელი და ტემპერატურა დაიკლებს“, - გვითხრეს გარემოს ეროვნულ სააგენტოში.

1715079906

რუსეთმა ლერწმის და ჭარხლის შაქრის, ასევე ქიმიურად სუფთა საქაროზის ექსპორტი დროებით აკრძალა. შეზღუდვა ძალაში იქნება 2024 წლის 31 აგვისტომდე.რუსეთის მთავრობის მიერ გამოქვეყნებულ განცხადებაში აღნიშნულია, რომ შეზღუდვა მიზნად ისახავს „სურსათის შიდა ბაზრის სტაბილურობის შენარჩუნებას“.დადგენილებაში გამონაკლისის სახით შეტანილია 4 ქვეყანა, სადაც ექსპორტი კვლავ განხორციელდება: სომხეთი, ბელორუსი, ყაზახეთი და ყირგიზეთი. „ბიზნესპრესნიუსი“ დაინტერესდა, რა წილი აქვს საქართველოში შაქრის იმპორტში რუსეთს. საქსტატის მონაცემების თანახმად, 2024 წლის პირველ სამ თვეში რუსეთის წილი შაქრის იმპორტში მცირე (0.87%) იყო, მეტიც საანგარიშო პერიოდში რუსეთს იმპორტიორთა შორის მე-7 ადგილი ეკავა. კერძოდ, მიმდინარე წლის სამ თვეში იმპორტირებულია 10,226 მლნ დოლარის 12,735 ტონა შაქარი, საიდანაც 88 680 დოლარის, 125 ტონა რუსეთზე მოდის.ცნობისთვის, საქართველოში შაქრის უმსხვილესი იმპორტიორი ქვეყნები საფრანგეთი, თურქეთი, ნიდერლანდები, ბელგია, მაროკო და აზერბაიჯანი არიან.2024 წლის იანვარ-თებერვალ-მარტში, ქვეყნების მიხედვით, ჯამური მონაცემები ასე გამოიყურება:🔵საფრანგეთი - 4,171 მლნ დოლარის 4,930 ტონა🔵 თურქეთი - 2,104 მლნ დოლარის 2,874 ტონა🔵 ნიდერლანდები - 2,077 მლნ დოლარის 2,462 ტონა🔵 ბელგია - 1,057 მლნ დოლარის 1,485 ტონა🔵 მაროკო - 456 ათასი დოლარის 572 ტონა🔵 აზერბაიჯანი - 97 ათასი დოლარის 112 ტონა🔵 რუსეთი - 88.68 ათასი დოლარის 125 ტონა

1715079738

დაბალბიუჯეტიანმა უნგრულმა ავიაკომპანია Wizz Air-მა ახალი ტარიფი, Wizz Smart შემოიღო. ავიაკომპანია მგზავრებს უკვე ოთხი ტარიფის ხაზს სთავაზობს. ინფორმაციას Avianews.com ავრცელებს.Wizz Smart ყველაზე დაბალბიუჯეტიან ტარიფ Basic-ს მოსდევს, რომელიც მხოლოდ მცირე, 40x30x20 სმ-მდე ზომისა და 10 კგ-მდე წონის ხელბარგს მოიცავსსაბაზისო ტარიფისგან განსხვავებით, Wizz Smart მგზავრს საშუალებას აძლევს, თვითმფრინავში მცირე ზომის ხელბარგის გარდა, 55x40x23 სმ-მდე ზომისა და 10 კგ-მდე წონის მოძრავი ჩემოდანი ან სხვა ჩანთა შეიტანოს. ტარიფი, ასევე, პრიორიტეტულ ჩასხდომას, სტანდარტული ადგილის უფასოდ არჩევასა და ფრენამდე 30 დღით ადრე რეგისტრაციის შესაძლებლობას მოიცავს. ვარაუდობენ, რომ მომსახურების ასეთი პაკეტი უფრო იაფია, ვიდრე ამ სერვისის შეძენა Basic-ტარიფზე. თუმცა Avianews.com წერს, რომ Wizz Air სერვისებისთვის დინამიურ ფასებს იყენებს, ამიტომ მგზავრმა ავიაბილეთის შეძენამდე უნდა გადაამოწმოს, Basic-ტარიფზე სერვისების დამატაება უფრო იაფია თუ ყველაფრის ერთ პაკეტში შეძენა.აღსანიშნავია, რომ Wizz Air ამჟამად ბილეთებს კიდევ ორი ​​ტარიფით ყიდის. ეს არის Wizz Go, რომელიც ხელბარგის პატარა ჩანთას, სტანდარტული ადგილის არჩევასა და 20 კგ-იან ბარგს მოიცავს. ახალ ტარიფამდე Wizz Go უფრო მეტ სერვისს მოიცავდა,როგორიც არის დიდი ხელბარგი, პრიორიტეტული რეგისტრაცია და უფასო რეგისტრაცია აეროპორტში.ყველაზე ძვირად ღირებული ტარიფია Wizz Plus, რომელიც დიდ და პატარა ხელბარგს, 32 კგ ბარგს, ნებისმიერი ადგილის არჩევას დამატებითი საფასურის გარეშე, უფასო რეგისტრაციას აეროპორტში, რეისის დამატებითი საფასურის გარეშე შეცვლასა და Wizz-ანგარიშზე თანხის ჩარიცხვით ბილეთის დაბრუნების სერვისს მოიცავს.ცნობისთვის: დიდი ბრიტანეთის სამოქალაქო ავიაციის სამმართველოს მონაცემებით, 2022 წლის ოქტომბრიდან 2023 წლის სექტემბრამდე Wizz Air-მა დროულად რეისების მხოლოდ 63% შეასრულა, ხოლო რეისების 2%-ს სამ საათზე მეტხანს აყოვნებდა.

1715077087

მსოფლიო ბაზარზე ამ პროდუქტის ფასის ფეთქებადი ზრდა დაფიქსირდა. საუბარია ჯანჯაფილზე, რომელიც ერთ დროს ეგზოტიკური და ახლა კი, უკვე ტრადიციული პროდუქტია. როგორც east fruit-ი წერს, აღნიშნულმა ფაქტმა ჯანჯაფილზე მოთხოვნის ზრდა გამოიწვია.ამასთან, აღსანიშნავია, რომ ბოლო პერიოდში რეგიონში განსაკუთრებით პოპულარული გახდა ჯანჯაფილი, რომელსაც ფართოდ იყენებენ კულინარიასა და საცხობ ინდუსტრიაში.როგორც ექსპერტები ამბობენ, ჯანჯაფილის ფასის ზრდა, ჩინეთსა და ინდოეთში დაბალმა მოსავლიანობამ გამოიწვია. შედეგად, აზიაში პროდუქტის მარაგები შემცირდა, ახალი მოსავალი კი 6 თვის შემდეგ იქნება. ამ ეტაპისთვის ჯანჯაფილის მოსავალი იმდენად მცირე და ძვირია, რომ ჩინელებსაც კი, ვისთვისაც ეს პროდუქტი ტრადიციულია, მისი მოხმარების შემცირება უწევთ.EastFruit-ის მონაცემებით, ჩინეთი ყოველწლიურად 400-დან 500 ათას ტონამდე ახალი ჯანჯაფილის ექსპორტს ახორციელებს. ხოლო, ტაილანდი და ინდოეთი, რომლებიც უმსხვილესი ექსპორტიორების მსოფლიო რეიტინგში, მეორე და მესამე ადგილზე არიან, დაახლოებით 5-ჯერ ნაკლებს ყიდიან უცხოურ ბაზრებზე. შედარებით მსხვილი ექსპორტიორები არიან პერუ, ნიგერია, ბრაზილია და ნეპალი.ახალი ჯანჯაფილის ძირითადი იმპორტიორები არიან აშშ, ბანგლადეში, პაკისტანი, ნიდერლანდები, არაბეთის გაერთიანებული საემიროები და იაპონია. ამასთან, ნიდერლანდებში ჯანჯაფილის იმპორტი ძირითადად რეექსპორტისთვის ხდება. ევროპაში ჯანჯაფილის ყველაზე დიდი მომხმარებელი გერმანიაა, სადაც ყოველწლიურად დაახლოებით 30 ათასი ტონა ახალი ჯანჯაფილი მოიხმარება. უკრაინა ამ პროდუქტის იმპორტის მოცულობით მსოფლიოში 50-ე ადგილზეა, მას ჯანჯაფილი ძირითადად ბრაზილიიდან, ჩინეთიდან და პერუდან შეაქვს.

1715072471

2024 წლის მარტში თბილისში საშუალო ზომის ბინის ქირამ კვადრატულზე 9.9 აშშ დოლარი შეადგინა, რაც თვიური 0.2%-იანი შემცირებაა. ამის შესახებ ინფორმაცია „თიბისი კაპიტალის“ კვლევაშია მოცემული.კვლევის თანახმად, აღსანიშნავია, რომ 2023 წლის დეკემბრიდან მოყოლებული ბინის საშუალო ქირას კლების ტენდენცია აქვს.ამასთან, როგორც კვლევაშია აღნიშნული, 2024 წლის მარტში წინა წლის ანალოგიურ პერიოდთან შედარებით, ქირა გაიაფდა, ხოლო 2022 წლის მარტთან შედარებით გაძვირდა. შედარებისთვის, 2023 წლის მარტში საშუალო ზომის ბინის ქირა კვადრატულზე 12.1 დოლარი, 2022 წლის მარტში კი 6 აშშ დოლარი იყო. „გალთ ენდ თაგარტის“ კვლევის თანახმად, 2024 წლის მარტში დედაქალაქის სხვადასხვა უბანში ბინების ქირის საშუალო ფასი ასეთი იყო:🔵 ვაკე - 16.2 აშშ დოლარი 1 კვ.მეტრი;🔵 მთაწმინდა - 14.4 აშშ დოლარი 1 კვ.მეტრი;🔵 საბურთალო - 11.6 აშშ დოლარი 1 კვ.მეტრი;🔵 ჩუღურეთი - 10.8 აშშ დოლარი 1 კვ.მეტრი;🔵 კრწანისი - 10.1 აშშ დოლარი 1 კვ.მეტრი;🔵 ისანი - 9.9 აშშ დოლარი 1 კვ.მეტრი ;🔵 დიდუბე - 9.5 აშშ დოლარი 1 კვ.მეტრი;🔵 ნაძალადევი - 8.9 აშშ დოლარი 1 კვ.მეტრი;🔵 სამგორი - 8.1 აშშ დოლარი 1 კვ.მეტრი;🔵 ვაშლიჯვარი - 8.1 აშშ დოლარი 1 კვ.მეტრი;🔵 გლდანი - 8 აშშ დოლარი 1 კვ.მეტრი;🔵 დიდი დიღომი - 8 აშშ დოლარი 1 კვ.მეტრი.