რუსეთში WhatsApp-ისა და Telegram-მესენჯერებში ხმოვანი და ვიდეოზარები აიკრძალება

1755079523

რუსეთის ხელისუფლებამ WhatsApp-ისა და Telegram-ის მესენჯერებში ხმოვანი და ვიდეოზარების აკრძალვაზე საბოლოო გადაწყვეტილება მიიღო. ინფორმაციას რუსული „ოსტოროჟნო მედია“ სატელეკომუნიკაციო ინდუსტრიასთან დაახლოებულ წყაროებზე დაყრდნობით ავრცელებს.მათი თქმით, ინიციატივა „უმაღლეს დონეზე“ შეთანხმდა, „გადაწყვეტილება მიღებულია და ზარები ტერორისტებთან ბრძოლის ეგიდით აიკრძალა.“ მთავრობის წყაროს ცნობით, ამ საკითხთან დაკავშირებით საბოლოო კონსულტაციები 12 აგვისტოს საღამოს დასრულდა.ამასთან, მესენჯერების სრული დაბლოკვა არ იგეგმება და რუსი მომხმარებლები ამ არხებისა და ტექსტური ჩატების გამოყენებას კვლავ შეძლებენ. შეზღუდვები მხოლოდ აუდიო და ვიდეოკომუნიკაციებზე იმოქმედებს.„ოსტოროჟნო მედიის“ ცნობით, უცხოურ მესენჯერებში ზარების შეზღუდვის იდეა რუსეთის უმსხვილეს სატელეკომუნიკაციო ოპერატორებს ეკუთვნით. ისინი რამდენიმე მიზეზს ასახელებენ, როგორიც არის სანქციების გამო ინფრასტრუქტურის შენახვის ხარჯის მატება და აღჭურვილობის გაძვირება, მობილური ტრაფიკის ზრდა და შეშფოთება კიბერთაღლითობით გამოწვეული დანაკარგის კომპენსაციის გამო, რაც მათი ახალი ვალდებულებაა.10 და 11 აგვისტოს WhatsApp-ისა და Telegram-ის მომხმარებლები ორივე მესენჯერში ზარების ხარისხის მკვეთრ გაუარესებას მასიურად უჩიოდნენ, რაც ზარების შეზღუდვის შესახებ რუსი ოპერატორების ინიციატივას დაემთხვა. სატელეკომუნიკაციო ბაზრის წყარომ დაადასტურა, რომ მესენჯერებში ზარებთან დაკავშირებული სირთულეები შერჩევით ბლოკირებას უკავშირდებოდა და მექანიზმის ტექნიკური ტესტირება 1 აგვისტოს დაიწყო.

1755072283

7 თვეში საგარეო სავაჭრო ბრუნვა გაიზარდა - ამის საქსტატი შესახებ აღნიშნულია საქსტატის მონაცემებში.„2025 წლის იანვარ-ივლისში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 14.154 მლრდ აშშ დოლარი შეადგინა, რაც წინა წლის შესაბამისი პერიოდის მაჩვენებელზე 10.3 პროცენტით მეტია. აქედან, ექსპორტი 3.843 მლრდ აშშ დოლარი იყო (გაიზარდა 8.9 პროცენტით), ხოლო იმპორტი 10.310 მლრდ აშშ დოლარი (გაიზარდა10.8 პროცენტით)“, - აღნიშნულია საქსტატის ინფორმაციაში.ამასთან, საანგარიშო პერიოდში უარყოფითმა სავაჭრო ბალანსმა 2025 წლის იანვარ-ივლისში 6.466 მლრდ აშშ დოლარი შეადგინა, რაც საგარეო სავაჭრო ბრუნვის 45.7 პროცენტია.

1754982106

გარემოს ეროვნული სააგენტოს ინფორმაციით, 12 აგვისტოს ღამიდან დღის მეორე ნახევრამდე აღმოსავლეთ საქართველოს უმეტეს რაიონში მოსალოდნელია ხანმოკლე წვიმა, ზოგან ძლიერი, ელჭექი, შესაძლებელია სეტყვა და ქარის გაძლიერება. „მოსალოდნელმა ნალექებმა შესაძლებელია აღმოსავლეთ საქართველოს პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო)“ - ნათქვამია ინფორმაციაში.

1754977500

გარემოს ეროვნული სააგენტოს ინფორმაციით, 12 აგვისტოს მოსალოდნელი ამინდის შესახებ ავრცელებს ინფორმაციას.ამინდი საქართველოში განპირობებული იქნება ამიერკავკასიის ჩრდილოეთიდან მოქმედი გრილი და სამხრეთიდან გავრცელებული ცხელი ჰაერის მასების ურთიერთქმედებით.საქართველოში მოსალოდნელია:დროგამოშვებით ღრუბლიანობის მომატება. უმეტეს რაიონში ხანმოკლე წვიმა და ელჭექი, აღმოსავლეთში ზოგან შესაძლებელია ძლიერი და სეტყვა. იქროლებს დასავლეთის მიმართულების ქარი, ზოგან ძლიერი.სოხუმი: ხანმოკლე წვიმა ელჭექით. ჰაერის ტემპერატურა: +26°;ბათუმი: ხანმოკლე წვიმა ელჭექით. ჰაერის ტემპერატურა: +30°;ქობულეთი: ხანმოკლე წვიმა ელჭექით. ჰაერის ტემპერატურა: +30°;ქუთაისი: ხანმოკლე წვიმა ელჭექით. ჰაერის ტემპერატურა: +29°;ზუგდიდი: ხანმოკლე წვიმა ელჭექით. ჰაერის ტემპერატურა: +28°;ანაკლია: ხანმოკლე წვიმა ელჭექით. ჰაერის ტემპერატურა: +28°;ოზურგეთი: ხანმოკლე წვიმა ელჭექით. ჰაერის ტემპერატურა: +29°;ონი: ხანმოკლე წვიმა ელჭექით. ჰაერის ტემპერატურა: +28°;გორი: ხანმოკლე წვიმა ელჭექით. ჰაერის ტემპერატურა: +29°;ცხინვალი: ხანმოკლე წვიმა ელჭექით. ჰაერის ტემპერატურა: +28°;თბილისი: ხანმოკლე წვიმა ელჭექით. იქროლებს ჩრდილო-დასავლეთის მიმართულების დროგამოშვებით ძლიერი ქარი. ჰაერის ტემპერატურა: +30°;მარნეული: ხანმოკლე წვიმა ელჭექით. ჰაერის ტემპერატურა: +32°;რუსთავი: ხანმოკლე წვიმა ელჭექით. ჰაერის ტემპერატურა: +33°;ახალციხე: ხანმოკლე წვიმა ელჭექით. ჰაერის ტემპერატურა: +28°;ბორჯომი: ხანმოკლე წვიმა ელჭექით.ჰაერის ტემპერატურა: +28°;ბაკურიანი: ხანმოკლე წვიმა ელჭექით. ჰაერის ტემპერატურა: +22°;სტეფანწმინდა: ხანმოკლე წვიმა ელჭექით. ჰაერის ტემპერატურა: 21°;თელავი: ხანმოკლე წვიმა ელჭექით. ჰაერის ტემპერატურა: +33°.

1754892794

„ბოლო წლების განმავლობაში მოთხოვნა ქორწილების ორგანიზებაზე სტაბილურად იზრდება“, - ამის შესახებ კომპანია „ივენთივის“ ივენთების მიმართულების ხელმძღვანელმა თიკო ქურდაძემ „ბიზნესპრესნიუსთან“ საუბრისას განაცხადა.როგორც მანვე დასძინა, გასულ წლებთან შედარებით ქორწილების ორგანიზებაზე მოთხოვნა 30–40%-ის ფარგლებში არის გაზრდილი.„განსაკუთრებით პანდემიის შემდეგ, წყვილები ხშირად ირჩევენ პროფესიონალურ ორგანიზებას, რადგან სურთ დაუვიწყარი გამოცდილება მინიმალური სტრესით. 2–3 წლის წინანდელ პერიოდთან შედარებით, მომართვიანობა 30–40%-ით არის გაზრდილი, განსაკუთრებით გაზაფხულისა და ზაფხულის სეზონზე.„საქართველო უცხოელებისთვის მიმზიდველი საქორწილო ლოკაცია ხდება“ჩვენი მომხმარებლების დაახლოებით 60% ადგილობრივია, თუმცა უცხოელი წყვილების რაოდენობაც მზარდია. საქართველო უცხოელი წყვილებისთვის სულ უფრო მიმზიდველი საქორწილო ლოკაცია ხდება — ბუნება, სტუმართმოყვარეობა, ღირებულება და ხარისხი მნიშვნელოვანი ფაქტორებია. ჩვენს შემთხვევაში ყველაზე მეტი მომხმარებელი მოდის ისრაელიდან, არაბული ქვეყნებიდან (არაბეთის გაერთიანებული საამიროები, კატარი), ასევე ევროპიდან — გერმანია, იტალია და პოლონეთი“, - აღნიშნავს თიკო ქურდაძე.რა ჯდება ქორწილის ორგანიზება საქართველოშირაც შეეხება ფასების, ქორწილის ბიუჯეტი დამოკიდებულია არაერთ ფაქტორზე, მათ შორის სტუმრების რაოდენობაზე, ადგილმდებარეობაზე და ა.შ. თიკო ქურდაძის თქმით, საშუალოდ ფასები 30-50 სტუმრის შემთხვევაში 30 ათასი ლარიდან 50 ათას ლარამდე მერყეობს.„ჩვენ მომხმარებლებს ვთავაზობთ ქორწილის ორგანიზების სრულ სერვისს: ლოკაციის შერჩევა, დიზაინი, დეკორი, ტექნიკური აღჭურვა, სტუმართა განთავსება, ტრანსპორტირება, ფოტოსა და ვიდეოგადაღება, ქეითერინგი, ცერემონიის ხელმძღვანელობა და სხვა. ქორწილის საერთო ბიუჯეტი დამოკიდებულია სტუმრების რაოდენობაზე, კონცეფციასა და „ლოკაციაზე“, თუმცა 30–50 სტუმარზე საშუალოდ 30 000-50 000 ლარის ფარგლებში მერყეობს. დასავლურ და ახლო აღმოსავლურ ბაზრებთან შედარებით, უცხოელებისთვის ეს ფასი განსაკუთრებით მისაღებია.გარდა ქორწილებისა, ვაორგანიზებთ კორპორატიულ ღონისძიებებს, გალა ვახშმებს, დაბადების დღეებს, გახსნის ცერემონიებსა და „თიმბილდინგ“ აქტივობებს. ყველაზე დიდი მოთხოვნა გვაქვს კორპორატიულ სეგმენტზე — ჩვენი კლიენტები არიან როგორც საერთაშორისო, ისე ადგილობრივი კომპანიები, რომელთაც კრეატიული და პროფესიონალური მიდგომა სჭირდებათ“, - აცხადებს რესპონდენტი.„ბიზნესპრესნიუსი“ უკვე წერდა, რომ ტურიზმის ეროვნული ადმინისტრაცია საქართველოში „ქორწილების ტურიზმის“ პოპულარიზაციის მიზნით მარკეტინგულ კამპანიას იწყებს. ჯამში აქტივობებზე 132 160 აშშ დოლარის დახარჯვა იგეგმება. ამ მიზნისთვის, უკვე დაიდო ხელშეკრულება კომპანია Vivaah Wedding Parties Organizing LLC-თან, რომელიც ძირითადად აქცენტირებულია სხვადასხვა ქვეყანაში ინდური ქორწილების პოპულარიზაციაზე. გაფორმებული ხელშეკრულება 2026 წლის 31 იანვრის პერიოდამდეა ძალაში.როგორც კომპანია „ივენთივის“ ივენთების მიმართულების ხელმძღვანელი აღნიშნავს, სწორი მარკეტინგული კამპანიის განხორციელების შემთხვევაში მოსალოდნელია, ინდური ქორწილების ორგანიზების კუთხით „მოთხოვნის მკვეთრი ზრდა“.„ინდური ქორწილები გამოირჩევა მასშტაბურობით, მრავალდღიანი ცერემონიებითა და მაღალი ბიუჯეტებით, რაც დიდ შესაძლებლობას აძლევს როგორც ივენთ ინდუსტრიას, ისე ტურიზმს და სტუმარმასპინძლობის სექტორს. თუ კამპანია სწორად განხორციელდება, ამას მოჰყვება მოთხოვნის მკვეთრი ზრდა, რაც ხელს შეუწყობს მომსახურების დივერსიფიკაციასა და ხარისხის გაუმჯობესებას მთელ ინდუსტრიაში“, - განაცხადა თიკო ქურდაძემ „ბიზნესპრესნიუსთან“ საუბრისას.