1765693967
20 მილიონიდან 85 მილიონ დოლარამდე - რა თანხას გამოიმუშავებენ 2025 წლის Top-კრეატორები
მსოფლიოში გასართობი მედია პლატფორმები ყველაზე მეტად ნახვადია და ის ახალ ვარსკვლავებსაც იზიდავს. კონტენტის შემქმნელები კი წელიწადში მილიონობით დოლარს გამოიმუშავებენ.
„კონტენტ კრეატორებისთვის კერძო დაფინანსება უფრო ძლიერია, ვიდრე ოდესმე“, - ამბობს ერიკ შერიდანი, Goldman Sachs-ის ტექნოლოგიური კვლევის თანახელმძღვანელი.
ინვესტიცია შედეგს იძლევა. forbes -მა Instagram-ზე, TikTok-სა და YouTube-ზე 50 უმდიდრესი კონტენტ-შემქმნელი გამოავლინა, რომლებმაც ჯამურად დაახლოებით 853 მილიონი დოლარი გამოიმუშავეს, რაც 18%-ით მეტია 2024 წელთან შედარებით.
ზრდას აგრძელებს მათი აუდიტორიაც. 2025 წელს 50 საუკეთესო კრეატორს ჯამში 3.4 მილიარდი გამომწერი ჰყავდა, რაც გასულ წელთან შედარებით 24%-ით მეტია. და ეს ხდება მაღალკონკურენტულ გარემოში.
Goldman Sachs-ი ვარაუდობს, რომ ამჟამად მსოფლიოში 67 მილიონი კონტენტ შემქმნელია და მათი რიცხვი 2030 წლისთვის დაახლოებით 107 მილიონამდე გაიზრდება.
წარმოგიდგენთ 10 ყველაზე მაღალი შემოსავლის მქონე კრეატორს forbes-ის მიხედვით.
1. MrBeast
შემოსავალი: 85 მილიონი დოლარი
გამომწერთა საერთო რაოდენობა: 634 მილიონი
YouTuber-ი, ცნობილია თავისი ტრიუკებითა და გამოწვევებით. MrBeast ის იმპერია აგრძელებს გაფართოებას ციფრული პლატფორმების მიღმაც: ის აწარმოებს Feastables-ის ტკბილეულს, ფლობს MrBeast Burger-ის სწრაფი კვების ქსელს და ახლა უკვე სტრიმინგ სერვისს: მისი პოპულარული შოუ Beast Games ორი სეზონით განახლდა Amazon Prime-ზე.
2. Dhar Mann
შემოსავალი: 56 მილიონი დოლარი
გამომწერთა საერთო რაოდენობა: 137 მილიონი
YouTube შოუების პროდიუსერმა შექმნა სრულფასოვანი ჰოლივუდური სტუდია და ასობით ადამიანისგან შემდგარი გუნდი თანამედროვე სკოლის სპეციალური გადაცემების შესაქმნელად, რომლებმაც მილიარდობით ნახვა დააგროვეს.
ის ყოველწლიურად საკმაოდ სოლიდურ თანხას გამოიმუშავებს YouTube AdSense-ის წყალობით.
3. Jake Paul
შემოსავალი: 50 მილიონი დოლარი
გამომწერთა საერთო რაოდენობა: 79 მილიონი
ჯეიკ პოლის ბრძოლამ მაიკ ტაისონთან ნოემბერში დიდი აჟიოტაჟი გამოიწვია და პოლს დიდძალი ანაზღაურება მოუტანა. Netflix-მა პირველად უმასპინძლა ღონისძიების პირდაპირ ეთერში.
4. Rhett & Link
შემოსავალი: 36 მილიონი დოლარი
გამომწერთა საერთო რაოდენობა: 33.8 მილიონი
ონლაინ შოუს წამყვანები აგრძელებენ თავიანთი კომედიური იმპერიის გაფართოებას. მათ Roku-ზე, Amazon Prime-სა და Samsung-ზე სტრიმინგ არხები გაუშვეს, პირდაპირი ეთერის ღონისძიებების ბიზნესი შექმნეს და ბესტსელერი კულინარიული წიგნიც კი გამოსცეს სათაურით - „მითიური კულინარიული წიგნი“.
5. Alex Cooper
მოგება: 32 მილიონი დოლარი
გამომწერების საერთო რაოდენობა: 15 მილიონი
პოდკასტების ვარსკვლავი ალექსანდრა კუპერი ნამდვილი გარიგებების შემქმნელია. Spotify-თან სამწლიანი, 60 მილიონ დოლარიანი პარტნიორობის შემდეგ, მან ურთიერთობების შოუ - Call Her Daddy, რადიო გიგანტ Sirius XM-ში გადაიტანა და 125 მილიონ დოლარიანი კონტრაქტი გააფორმა.
ეს ყველაფერი არ არის: Call Her Daddy-ს გარდა, მისი პოდკასტების ქსელი შვიდ შოუმდე გაიზარდა. მის ცხოვრებაზე გადაღებული დოკუმენტური ფილმი ივნისში გამოვიდა.
6. Charli D’Amelio
შემოსავალი: 23.5 მილიონი დოლარი
გამომწერების საერთო რაოდენობა: 216 მილიონი
2024 წლის ოქტომბერში ჩარლი დ’ამელიომ შეუძლებელი შეძლო: მან ბროდვეიზე დებიუტი შეასრულა. მოცეკვავე-TikToker-ად ქცეულმა მოწაფემ თავისი დიდი ხნის ნანატრი ოცნება მიუზიკლში „& Juliet“ აიხდინა.
თითქმის 200 მილიონი TikTok-ის მიმდევრით, ის პარტნიორობას ინარჩუნებს მოდის ბრენდებთან, როგორიცაა Prada და Kate Spade და ფლობს წილს ოჯახის დივერსიფიცირებულ ბიზნესში D’Amelio Brands.
7. Matt Rife
შემოსავალი: 50 მილიონი დოლარი
გამომწერების საერთო რაოდენობა: 42 მილიონი
Matt Rife წლების განმავლობაში შრომობდა კომედიურ სცენაზე, სანამ შემთხვევით, 2021 წელს, სოციალურ მედიაში თავისი უკვე ცნობილი სტენდაპ რუტინების გაზიარება არ დაიწყო. მისი გულშემატკივრების ბაზა მკვეთრად გაიზარდა.
დღეს მას 40 მილიონი გულშემატკივარი ჰყავს და ქონებას 100 000-ზე მეტი კონცერტის ბილეთების გაყიდვით შოულობს. ის ასევე მონაწილეობდა Netflix-ის ორ კომედიურ სპეციალურ გადაცემაში და მალე რამდენიმე კომედიურ ფილმსაც გამოუშვებს.
8. Mark Rober
შემოსავალი: 25 მილიონი დოლარი
გამომწერთა საერთო რაოდენობა: 80 მილიონი
NASA-ს ყოფილ თანამშრომელს მარკ რობერს ამჟამად თითქმის 69 მილიონი გულშემატკივარი ჰყავს თავისი სამეცნიერო კონტენტის წყალობით.
მის ვიდეოებში შედის თვითმართვადი მანქანის მოტყუების მცდელობები (ამ პოსტმა 23 მილიონი ნახვა დააგროვა) და ლაზერის სიმძლავრის ელვისებურ დარტყმასთან შედარება (41 მილიონი ნახვა). ის ასევე ექსპერიმენტებს ატარებს სოციალური მედიის მიღმა. მას აქვს საგანმანათლებლო პროდუქტების კომპანია CrunchLabs.
9. Druski
შემოსავალი: 14 მილიონი დოლარი
გამომწერების საერთო რაოდენობა: 25 მილიონი
ჰიპ-ჰოპ სატირიკოსს სოციალურ მედიაში გულშემატკივრების ჩართულობის ერთ-ერთი ყველაზე მაღალი მაჩვენებელი აქვს. ბრენდებიც მისი დიდი გულშემატკივრები არიან.
2025 წელს Druski-მ სუპერბოულის დროს Dunkin' Donuts-ის რეკლამაში მიიღო მონაწილეობა. მისი პარტნიორები არიან Google, Nike და PrizePicks.
10. Khaby Lame
შემოსავალი: 20 მილიონი დოლარი
გამომწერების საერთო რაოდენობა: 258.5 მილიონი
მემების არტისტი TikTok-ზე ყველაზე პოპულარულ ადამიანად რჩება 162.2 მილიონი გამომწერით. ცნობილი თავისი პაროდიებითა და ვირუსული ტენდენციებით, ეს იტალიელი ინფლუენსერი მილიონებს შოულობს ისეთი ბრენდების რეკლამირებით, როგორიცაა Hugo Boss, კრიპტოვალუტის ბირჟა Binance და მრავალი ჰოლივუდური სტუდია.
forbes.com
მსოფლიო
სხვადასხვა
1765520808
12-14 დეკემბერს მოსალოდნელია წვიმა, ძლიერი ქარი, მთაში - თოვლი - გარემოს სააგენტოგარემოს ეროვნული სააგენტოს ცნობით, 12 დეკემბრის დღის მეორე ნახევრიდან 14 დეკემბრის დილამდე საქართველოში (ძირითადად ქვეყნის დასავლეთ ნაწილში) მოსალოდნელია წვიმა, ზოგან ძლიერი, ქვეყნის მთიან რაიონებში თოვლი, ზოგან ძლიერი, ნისლი, ქარბუქი, გზებზე ლიპყინული."13-14 დეკემბერს ქვეყნის ტერიტორიის უმეტეს ნაწილზე იქროლებს დასავლეთის ძლიერი ქარი, ზღვაზე შესაძლებელია 4-5 ბალიანი შტორმი.მოსალოდნელი დიდთოვლობის, ხილვადობის გაუარესების, ქარბუქის და ლიპყინულის გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა. (საფრთხის დონე საშუალო)" - წერია გარემოს სააგენტოს განცხადებაში.
1765432288
11 დეკემბრის ამინდის პროგნოზიგარემოს ეროვნული სააგენტოს ინფორმაციით, დღეს საქართველოს მასშტაბით წვიმა ,მაღალმთიან რაიონებში კი თოვლია მოსალოდნელი.თბილისში დღე უნალექოდ ჩაივლის. ტემპერატურა დასავლეთ საქართველოს დაბლობში 15-17 გრადუსი იქნება, დასავლეთ საქართველოს მაღალმთიან რაიონებში კი 6-8, აღმოსავლეთ საქართველოში ქართლში 11-13, კახეთში 12-14, ხოლო მაღალმთიან რაიონებში 4-6 გრადუსი იქნება.დედაქალაქში ჰაერი 11-13 გრადუსამდე გათბება.
1765175357
8 დეკემბრის ამინდის პროგნოზიროგორი ამინდია მოსალოდნელი დღეს საქართველოში:8 დეკემბერს ქუთაისში დღისით +18 და ღამით +7 გრადუსია მოსალოდნელი, სინოპტიკოსები მზიან ამინდს ვარაუდობენ.ოზურგეთშიც მზიანი დღეა. დღისით +18 გრადუსი დაფიქსირდება, ღამით კი +9. ბათუმშიც უნალექო დღე იქნება. დღისით ჰაერი +18 გრადუსამდე გათბება, ხოლო ღამით +9 გრადუსი დაფიქსირდება.ფოთში მზიანი ამინდია. დღისით +18 გრადუსი დაფიქსირდება, ღამით კი +9 გრადუსია მოსალოდნელი. უნალექო დღეა ზუგდიდშიც, დღისით ტემპერატურა +19, ღამით კი +6 გრადუსია ნავარაუდევი.უნალექო დღეა სოხუმში. +17 გრადუსია მოსალოდნელი დღისით, ღამით +8 გრადუსი დაფიქსირდება.მესტიაში თოვლს ვარაუდობენ, დღისით +6 გრადუსი იქნება, ღამით კი -5 გრადუსი დაფიქსირდება. ამბროლაურში მზიანი ამინდია მოსალოდნელი. ჰაერი +13 გრადუსამდე გათბება, ღამით კი +0 გრადუსი დაფიქსირდება.უნალექო ამინდია ჭიათურაში, დღისით +15 გრადუსი, ღამით კი +3 გრადუსი დაფიქსირდება.ახალციხეში უნალექო დღე იქნება. დღისით ჰაერი +11 გრადუსამდე გათბება, ღამით კი ტემპერატურა -3 გრადუსი იქნება.ბორჯომში +10 იქნება დღისით, ღამით კი -1 გრადუსი დაფიქსირდება. უნალექო ამინდია მოსალოდნელი ბაკურიანში, დღისით +7 გრადუსია მოსალოდნელი, ღამით -5 გრადუსი დაფიქსირდება.გორში, დღისით +12 გრადუსი, ღამის განმავლობაში კი +0 გრადუსი დაფიქსირდება. დღე უნალექოდ ჩაივლის. უნალექო დღე იქნება ცხინვალშიც, ჰაერის ტემპერატურა +12 გრადუსი იქნება, ღამით კი +3 გრადუსი დაფიქსირდება.გუდაურში მოსალოდნელია თოვლი, დღის განმავლობაში +3 გრადუსი დაფიქსირდება, ღამით კი ჰაერის ტემპერატურა -6 გრადუსი იქნება.ომალოშიც თოვლს ელოდებიან, დღისით +5 ღამით კი -5 გრადუსი დაფიქსირდება.ლაგოდეხში ნალექიან ამინდს ვარაუდობენ. ჰაერის ტემპერატურა დღის განმავლობაში +12 გრადუსი იქნება, ღამით კი +4 გრადუსი დაფიქსირდება. წვიმიანი დღე იქნება თელავშიც, +11 გრადუსი დაფიქსირდება, ღამით კი +3 გრადუსია ნავარაუდევი.წვიმიან ამინდს ვარაუდობენ გურჯაანში. დღისით +10 გრადუსი, ღამით კი +4 გრადუსი დაფიქსირდება.სიღნაღში უნალექო დღეა მოსალოდნელი, დღისით +10 გრადუსი იქნება, ღამით +3 გრადუსი დაფიქსირდება.რუსთავში წვიმს. დღისით +11 გრადუსი, ღამით კი +4 გრადუსი დაფიქსირდება.თბილისშიც წვიმაა მოსალოდნელი. ჰაერის ტემპერატურა დღისით +11 გრადუსს მიაღწევს, ღამით კი +4 გრადუსი იქნება
1765093320
ხინკალი და ხაჭაპური ისევ გაძვირდა - კიდევ რა მომსახურებაზე მოიმატა ფასებმა კაფეშისტატისტიკის ეროვნული სამსახურის მონაცემებით, 2025 წლის ნოემბერში, წინა წლის ანალოგიურ პერიოდთან შედარებით, რესტორანსა და კაფეში თითქმის ყველა პროდუქტი გაძვირდა. ყველაზე მოთხოვნად პროდუქტებზე - ხინკალზე ფასმა 4.12%-ით, ხოლო ხაჭაპურზე - 10.77%-ით მოიმატა.ამავე სტატისტიკის მიხედვით, ინგრედიენტების ღირებულება, რომელიც ხინკლისა და ხაჭაპურის მომზადებას სჭირდება, საანგარიშო პერიოდში შემდეგნაირად განისაზღვრა: ძროხის ხორცის ფარში 7.5%-ით გაძვირდა, ძროხის ხორცი - 8.75%-ით, ღორის ხორცი - 5.9%-ით, ფქვილი - 9.68%-ით, მარილი - 8.28%-ით, იმერული ყველი - 10.77%-ით, ზეთი - 17.3%-ით და კარაქი - 10.56%-ით გაძვირდა. რაც შეეხება მწვანილს და ხახვს, საქსტატის მონაცემებით ნოემბერში მწვანილი 40.25%-ით გაიაფდა, ხახვი კი 5.2%-ით.ამასთან, საქსტატის მონაცემებით, სადილი რესტორანში 6.5%-ით არის გაზრდილი. ასევე, სტატისტიკის მიხედვით, ნოემბერში, წინა წლის იგივე პერიოდთან შედარებით, ხაჭაპური საცხობში 8.04%-ით, ყავა კაფეში - 6.85%-ით, ლუდი ბარში კი 10.11%-ით გაძვირდა.ცნობისათვის, 2025 წლის ნოემბერში წინა თვესთან შედარებით ინფლაციის დონემ საქართველოში 0.4%, ხოლო წლიური ინფლაციის დონემ 4.8% შეადგინა. ამის შესახებ სტატისტიკის ეროვნული სამსახურის მიერ გამოქვეყნებულ მონაცემებშია აღნიშნული.რაც შეეხება საბაზო ინფლაციას, საქსტატის ცნობით, აღნიშნულმა მაჩვენებელმა 2025 წლის ნოემბერში, გასული წლის შესაბამის პერიოდთან შედარებით 2.6%, ხოლო თამბაქოს გარეშე წლიური საბაზო ინფლაციის მაჩვენებელმა 2.3 პროცენტი შეადგინა.
1764568630
1-ელი დეკემბრის ამინდის პროგნოზი1-ელ დეკემბერს, საქართველოს ტერიტორიის უმეტესს ნაწილზე ნალექია მოსალოდნელი. სინოპტიკოსების პროგნოზით, ყველაზე მაღალი ტემპერატურა - +16 გრადუსი დასავლეთ საქართველოს რამდენიმე ქალაქშია ნავარაუდევი, ხოლო ყველაზე დაბალი ტემპერატურა - +1 გრადუსი გუდაურში.ამინდის პროგნოზი ქალაქების მიხედვით:გაგრა +12 - წვიმასოხუმი +14 - წვიმაზუგდიდი +16 - წვიმამესტია +5 - წვიმაფოთი +16 - წვიმაბათუმი +16 - წვიმაოზურგეთი +16 - წვიმაქუთაისი +16 - წვიმაამბროლაური +12 - წვიმაახალციხე +12 - წვიმაბორჯომი +10 - წვიმაბაკურიანი +7 - წვიმაგორი +12 - უმეტესად ღრუბლიანიცხინვალი +11 - უმეტესად ღრუბლიანისტეფანწმინდა +5 - ღრუბლიანიგუდაური +1 - თოვლითელავი +13 - ღრუბლიანირუსთავი +14 - უმეტესად ღრუბლიანითბილისი +14 - უმეტესად ღრუბლიანი
