TikTok-ი 5 აპრილამდე გაიყიდება - ტრამპი

1743582091

ქართული ოქროს ექსპორტი გაიზარდა. 2025 წლის იანვარ-თებერვალში ექსპორტირებულია 480 კგ. დაუმუშავებელი, ნახევრად დამუშავებული ან ფხვნილის სახით არსებული ოქრო, რომლის ღირებულებამაც 19.8 მლნ დოლარს გადააჭარბა. 2024 წლის იმავე პერიოდში კი საექსპორტო ბაზრებზე 14 მლნ დოლარზე მეტის 440 კგ. ძვირფასი ლითონი გავიდა.აღსანიშნავია ისიც, რომ წელს პირველ ორ თვეში ოქროს უდიდესი ნაწილის ექსპორტი შვეიცარიაში განხორციელდა, მცირე ნაწილი კი თურქეთსა და არაბთა გაერთიანებულ საამიროებში. კერძოდ, საექსპორტო ბაზრების მიხედვით ექსპორტი ასეთია: შვეიცარია - 17.7 მილიონი დოლარის 440 კგ; თურქეთი - 1.42 მილიონი დოლარის 30 კგ; არაბთა გაერთიანებული საამიროები - 686 ათასი დოლარის10 კგ. „ბიზნესპრესნიუსი“ დაინტერესდა იმ კომპანიებით, რომლებსაც ყველაზე მეტი ღირებულების ქართული ოქრო გააქვს ექსპორტზე. საქსტატის მიერ bpn-სთვის მოწოდებული ინფორმაციის თანახმად, ოქროს ექსპორტს ახორციელებს: შპს „არ ემ ჯი გოლდი“, შპს „ავაზა“, შპს „მიკროსაფინანსო ორგანიზაცია რიკო ექსპრესი“ და შპს „ჯითიჯი ჯგუფი“.„ბიზნესპრესნიუსი“ სამეწარმეო რეესტრის მონაცემებზე დაყრდნობით გთავაზობთ, ვის ეკუთვნის აღნიშნული კომპანიები (შენიშვნა: ადგილობრივი ექსპორტიორები არ არის დალაგებული რეიტინგის მიხედვით):1. შპს „არ ემ ჯი გოლდი“ რეესტრში 1995 წელს დარეგისტრირდა. სამეთვალყურეო საბჭო რუსეთის მოქალაქეებისგან არის დაკომპლექტებული. კერძოდ, საბჭოს თავმჯდომარე დმიტრი ტროიცია, მისი მოადგილე დმიტრი კორჟევი, ხოლო საბჭოს წევრი ირინა ნიკიფოროვა. ბოლო მონაცემებით, კომპანიის აღმასრულებელი დირექტორის პოსტს ჯონდო შუბითიძე იკავებს.რაც შეეხება წილებს, 96.21%-ს შპს „მაინინგ ინვესთმენთსი“ ფლობს. ამ კომპანიის სამეთვალყურეო საბჭოს თავმჯდომარის თანამდებობას იგივე პირი, დმიტრი ტროიცი იკავებს. აღმასრულებელი დირექტორიც შუბითიძეა. წილები კი სრულად კვიპროსში დაფუძნებულ შპს „ფემთილონ ჰოლდინგს ლიმითიდს“ ეკუთვნის.ამასთანავე, „არ ემ ჯი გოლდის“ დარჩენილ წილებს - 3.79% სააქციო საზოგადოება RMG Copper-ი ფლობს. RMG Copper 1996 წელს დაფუძნდა. კომპანიის ძირითად საქმიანობას სპილენძისა და ოქროს შემცველი მადნის მოპოვება-დამუშავება განეკუთვნება. Reportal.ge-ზე არსებული მონაცემების მიხედვით, სააქციო საზოგადოების მშობელი კომპანია მარშალის კუნძულებზე რეგისტრირებული Magenta Investments Limited-ია. ამავე დოკუმენტების თანახმად, კომპანიაზე საბოლოო კონტროლის მქონე მხარე დიმიტრი ტროიცკია.2. შპს „ავაზა“ იმ კომპანიათა შორისაა, რომელიც ქართული ოქროს ექსპორტს ახორციელებს. კომპანია რეესტრში 2011 წელს დარეგისტრირდა. „ავაზას“ წილებს სრულად ფლობს იმედო მამულაშვილი, კომპანიის დირექტორის პოზიციასაც ის იკავებს.3. შპს „მიკროსაფინანსო ორგანიზაცია რიკო ექსპრესი“ სამეწარმეო რეესტრში 2004 წელს დარეგისტრირდა. წილებს სრულად დალი ურუშაძე განკარგავს. შპს-ს სამეთვალყურეო საბჭოს თავმჯდომარე ლაშა ნიკოლაიშვილია, საბჭოს წევრები კი არიან: ვლადიმერ შავლაყაძე, დავით შენგელია და ანა ნიკოლაძე.4. 2017 წელს რეგისტრირებული შპს „ჯითიჯი ჯგუფის“ დირექტორი ავთანდილ იოსებაძეა. სამეწარმეო რეესტრის ცნობით, იოსებაძე ფლობს კომპანიის წილების 100%-ს სრულად.შეგახსენებთ, სავაჭრო დაძაბულობის ფონზე გაზრდილი რისკებისა და სტაბილური აქტივის ძიების პროცესმა გლობალურ ბაზრებზე ოქროს ისტორიული გაძვირება გამოიწვია. მაგალითად, თბილისის დროით 12:00 საათზე ოქროს ფასმა უნციაზე 3 125 დოლარს მიაღწია.bpn.ge

1743579004

„მოხარულები ვართ, წარმოგიდგინოთ გემრიელი და ჯანსაღი სასმელი ყველასთვის, ვინც ცდილობს, იყოს აქტიური და ჰიდრატირებული“, - ამის შესახებ განცხადებას აშშ-ის ყოფილი პირველი ლედი, მიშელ ობამა, რომელმაც კალათბურთის სუპერ ვარსკვლავ სტეფ კარისთან ერთად, ახალი სპორტული სასმლის კომპანია დააფუძნა.სასმელი სახელად Plezi 3 სხვადასხვა გემოთია წარმოდგენილი და ამერიკის მარკეტებში უკვე ხელმისაწვდომია, საერთაშორისოდ დაინტერესებულ მომხმარებლებს კი მისი შეძენა Amazon-ის საშუალებით შეუძლიათ - ერთი ბოთლის, რომელიც 70 კალორიას შეიცავს, ფასი 2.29 დოლარია.„ჩვენ შევქმენით სასმელი, რომლის ინგრედიენტებიც ერთმანეთთან გონივრულადაა შეხამებული, რაც შეუდარებელი გემოს განმაპირობებელია. ადამიანებს შეუძლიათ, თავიანთი სხეული სწორად გამოკვებონ, არავითარი მალსახმობი პროდუქტები - მომავალი თაობა უკეთესს იმსახურებს“, - ამბობს კარი.Plezi უმძაფრესად კონკურენტულ ბაზარზე შედის. Euromonitor-ის სტატისტიკის თანახმად, სპორტული სასმელების 61%-ს Gatorade აწარმოებს, 14.5%-ს - Powerade, ხოლო 11.8% - Bodyarmor.

1743489718

იორგი ქოჩორაშვილი კარიერას ესპანური „ლევანტედან“ პორტუგალიურ გრანდ „სპორტინგში“ გააგრძელებს. ინფორმაცია კლუბებმა ოფიციალურად დაადასტურეს.გავლენიანი პორტუგალიური გამოცემა Abola-ს ინფორმაციით, ლისაბონური კლუბი ტრანსფერის სანაცვლოდ 5.5 მლნ ევროს გადაიხდის, რასაც 2 მლნ ბონუსების სახით დაემატება. გარდა ამისა, „სპორტინგიდან“ მომავალში სხვა კლუბში გადასვლის შემთხვევაში, „ლევანტე“ სატრანსფერო თანხის 12.5%-ს მიიღებს.„ლევანტეს“ ვებგვერდის თანახმად, 25 წლის ქართველი მიმდინარე სეზონის ბოლომდე კვლავ მათ კლუბში ითამაშებს, „სპორტინგს“ კი 1-eლი ივლისიდან შეუერთდება და მასთან კონტრაქტს 2030 წლის ზაფხულამდე გააფორმებს.დიდი შანსია, „ქოჩორაშვილმა“ მომავალ სეზონში ევროპის ყველაზე პრესტიჟულ საკლუბო ტურნირ ჩემპიონთა ლიგაზე ითამაშოს - მის კლუბს საამისოდ პორტუგალიის ჩემპიონატის დარჩენილ 7 ტურში 13 ქულის აღებაც ეყოფა.„სპორტინგი“ 20-გზის პორტუგალიის ჩემპიონია, რაც „ბენფიკასა“ (38 ჩემპიონობა) და „პორტუს“ (30) შემდეგ საუკეთესო შედეგია.

1743489485

საქართველოში გაცემული სესხების თითქმის ნახევარი 0.01-დან 1000 ლარამდე მოცულობის კრედიტებზე მოდის. საქართველოს ეროვნული ბანკის ინტერაქტიული სტატისტიკის მიხედვით, 2025 წლის თებერვლის მდგომარეობით, სესხების მოცულობის რანჟირების მიხედვით კომერციული ბანკების მიერ სულ გაცემულია 3 558 207 სესხი, საიდანაც 48.22% სწორედ 1000 ლარამდე კრედიტებია.სესხები მოცულობის რანჟირების მიხედვით:0.01-დან 1000 ლარამდე - 1 715 809 ხელშეკრულება (48.22%)1000.01-დან 5 000 ლარამდე - 1 061 819 ხელშეკრულება (29.84%)5000.01-დან 25 000 ლარამდე - 543 545 ხელშეკრულება (15.28%)25 000.01-დან 100 000 ლარამდე - 185 120 ხელშეკრულება (5.2%)100 000.01-დან 1 000 000 ლარამდე - 49 958 ხელშეკრულება (1.4%)რაც შეეხება თანხის მოცულობას, საანგარიშო პერიოდისთვის სესხების რანჟირების მიხედვით სულ გაცემულია 35.583 მლრდ ლარის კრედიტი.

1743406757

საქართველოს ფინანსთა სამინისტრო ქონების გადასახადის ცვლილებების კანონპროექტზე მუშაობს.ქონების გადასახადის რეფორმირების საჭიროებაზე, კერძოდ, პირველ ეტაპზე, ფიზიკური პირებისთვის ქონების გადასახადის შემცირების და 40 000-ლარიანი ზღვრის 60 000 ლარამდე გაზრდის ინიციატივით, 2023 წელს, მე-10 მოწვევის პარლამენტში დეპუტატი რომან გოცირიძე გამოვიდა, თუმცა მის ინიციატივას ‘’ოცნებამ“ მხარი არ დაუჭირა. „ქართული ოცნება“ ე.წ ესტონურ მოდელზე განაგრძობს მუშაობას.ქონების გადასახადის ესტონური მოდელის ძირითადი არსი იმაში მდგომარეობს, რომ ესტონეთის მთავრობა მხოლოდ მიწის ღირებულებას ბეგრავს და არა უშუალოდ ამ მიწაზე არსებული შენობების ან სხვა ინვესტიციების ღირებულებას.BDO-ს საგადასახადო მენეჯერი, ვლადიმერ გიორგაძე „კომერსანტთან“ ამბობს, რომ არსებული მოდელი ცალსახად უსამართლოა და ცვლილებას საჭიროებს. ასევე, გადასახედია შემოსავლების საკითხიც, რომლის მიხედვითაც, თუ პირი შემოსავალს უცხოეთიდან იღებს და მისი შემოსავლები 40 000 აჭარბებს, მას ქონების გადასახადის გადახდა არ ეკისრება.„არსებული საგადასახადო სისტემა ცალსახად შესაცვლელია, ქონების გადასახადის შემოსავლებზე მიბმა,  უსამართლოა. შეიძლება, ვიღაც, ვისაც ოფიციალური შემოსავალი არ უფიქსირდება, დიდ ქონებას ფლობდეს, თუმცა ქონების გადასახადს არ იხდიდეს და არც ჰქონდეს მოტივაცია, რომ მის საკუთრებაში არსებული ქონება ეკონომიკურ საქმიანობაში ჩართოს. ასევე, შემოსავლის რაოდენობაზე არ უნდა იყოს დამოკიდებული განაკვეთი, ისე გამოდის რომ, სხვადასხვა შემოსავლის მქონე პირი სხვადასხვა გადასახადს იხდის, რაც არასწორია. ქონების გადასახადი უნდა იყოს გადასახადი ქონებაზე და არა შემოსავალზე.დღეს არსებული მექანიზმი ცალსახად უსამართლოა.ასევე, თუ ვინმე ქონებას ფლობს საქართველოში და შემოსავლები უცხოეთში აქვთ, გამოდის რომ მათაც არ უწევთ გადასახადის გადახდა, მაშინ, როცა საქართველოში შემოსავლების მიმღებებს უწევთ, რაც ასევე არასწორია“, - აღნიშნა ვლადიმერ გიორგაძემ.