საქართველოდან ყველაზე მეტი ფულადი გზავნილი თურქეთში ირიცხება

თურქული ლირა

2022 წლის დეკემბერში საქართველოდან საზღვარგარეთ 33.8 მლნ აშშ დოლარი (90.9 მლნ ლარი) გადაიგზავნა, რაც 2021 წლის დეკემბრის (33.3 მლნ აშშ დოლარი) ანალოგიურ მაჩვენებელთან შედარებით 1.5%-ით მეტია.

საქართველოდან უცხოეთში ფულად გზავნილებს შორის პირველ ადგილზეა თურქეთი, სადაც 6.8 მლნ დოლარი გადაირიცხა. მეორე ადგილზე თითქმის 4 მლნ ლარით უკრაინაა, ხოლო მესამე ადგილზე 3.8 მლნ აშშ დოლარით რუსეთი.

საქართველოდან საზღვარგარეთ გადარიცხვის დროს ყველაზე ხშირად ფულადი გზავნილების სისტემა Western Union-ს იყენებენ, რომლის საშუალებითაც დეკემბერში თითქმის 10 მლნ დოლარი გადაირიცხა. მეორე ადგილზე კი რუსული Zolotaya Korona-ა, რომლის გამოყენებითაც საქართველოდან 9 მლნ დოლარი გადაირიცხა.