1713170557
27 მლნ დოლარზე მეტი დღეში - Reuters-ი მაინერების მიერ გამომუშავებულ თანხაზე
ბიტკოინის ფასის ზრდისა და ენერგორესურსების გაიაფების გამო კრიპტოვალუტის მაინერების მიერ ტოკენების წარმოებით მიღებული შემოსავალი იზრდება. ინფორმაციას Reuters პორტალ Blockchain-ზე დაყრდნობით ავრცელებს.
კერძოდ, მსოფლიო მაინინგის საშუალო შემოსავალი ბოლო 30 დღის განმავლობაში დღეში 27,34 მლნ დოლარამდე გაიზარდა, რაც გასული წლის ივნისის შემდეგ ყველაზე მაღალი მაჩვენებელია, მაშინ, როცა 2022 წლის მეორე ნახევრის უმეტეს პერიოდში ბევრი მაინერი მინუსში მუშაობდა და ვალებს იდებდა.
კომპანია Luxor-ის ანალიტიკოსი, ჯარან მელერუდი ამბობს, რომ „გასული წლის ბოლოს ბევრი საჯარო მაინერი გაკოტრების პირას იმყოფებოდა, თუმცა ბიტკოინის ამჟამინდელი ფასის პირობებში ამ კომპანიების ფულადი ნაკადი მნიშვნელოვნად გაუმჯობესდა.“ Reuters-ის ცნობით, კრიპტოვალუტის ბაზარზე ვითარების გაუმჯობესების გამო კრიპტომაინინგის საჯარო კომპანიების აქციებით ინვესტორები ისევ დაინტერესდნენ.
ერთი თვის წინ Bloomberg წერდა, რომ „ბიტკოინი 2023 წლის მომავალ კვარტალში რეკორდულ ნახტომს დააფიქსირებს, რაც ბოლოს 2021 წელს მოხდა.“ 2023 წლის დასაწყისიდან ბიტკოინი 70%-ით გაიზარდა. სააგენტოს შეფასებით, აშშ-ის საბანკო სექტორში ლიკვიდობის მხარდაჭერის მცდელობები დადებითი ფაქტორი აღმოჩნდა სარისკო აქტივებისთვის და დაეხმარა როგორც კრიპტოვალუტას, ისე ოქროს.
Bloomberg წერს, რომ გასულ წელს ციფრული აქტივების ბაზრის 1,5 ტრლნ დოლარის კრახის შემდეგ წელს ბიტკოინის აღორძინებამ ამ ბაზრის ღირებულება, დაახლოებით, 390 მლრდ დოლარით გაზარდა.
ენერგეტიკა
საზოგადოება
1714045725
ვინ არის კურიერი, რომელმაც ერთ თვეში 12 254 ლარი გამოიმუშავა (ვიდეო)ვინ არის და რას პასუხობს „ვოლტის“ კურიერი იმ ადამიანებს, რომლებმაც მისი ერთ თვეში გამომუშავებული 12 254 ლარი შეუძლებლად მიიჩნიეს:
1714042367
რა საინვესტიციო ვალდებულებით გადასცემს სახელმწიფო „კურორტ საირმეს“ 1 368 ჰა მიწას 49 წლით? - განკარგულებამთავრობის 609 განკარგულებით, სახელმწიფო „კურორტ საირმეს“ ვანსა და ბაღდათის მუნიციპალიტეტებში 49 წლიანი იჯარით, წელიწადში 1 000 ლარად 13 687 749 კვ.მ მიწის ფართობს გადასცემს. საუბარია, 65 სხვადასხვა ლოკაციაზე არსებულ სასოფლო-სამეურნეო ფართებზე და საძოვრებზე. შესაბამისი განკარგულება მთავრობის ადმინისტრაციის ვებგვერდზე 24 აპრილს გამოქვეყნდა და მას ხელს პრემიერ-მინისტრი ირაკლი კობახიძე აწერს.საინვესტიციო ვალდებულების მიხედვით, 8 წლის განმავლობაში კომპანიამ 750-ნომრიანი სასტუმრო უნდა ააშენოს. ასევე, განავითაროს სარეკრეაციო სივრცე, მოაწყოს სათხილამურო ტერასები და ტრასები.განკარგულებაში გაწერილია გრაფიკი, რომლითაც "კურორტმა საირმემ" ვალდებულებების შესასრულებლად ₾80 მლნ-ის ინვესტიცია უნდა ჩადოს. ასევე კომპანიამ მომდევნო 8 წლის განმავლობაში, უნდა დაასაქმოს 100 ადამიანი არანაკლებ 2 წლის ვადით.მიწებს კომპანიას ქონების ეროვნული სააგენტო მას შემდეგ გადასცემს, რაც საინვესტიციო თანხის 5%-ს საბანკო, გაუხმობ გარანტიად წარადგენს.სამეწარმეო რეესტრის მიხედვით, 2001 წელს დარეგისტრირებული კომპანიის წილის 100%-ის მფლობელი თემურ კოხოძეა. გენერალური დირექტორის მოვალეობის შემსრულებელი კი, ანა ჯანიაშვილი.
1714040214
ტაილანდში წელს სიცხის შედეგად 30 ადამიანი დაიღუპატაილანდში წელს სიცხის შედეგად 30 ადამიანი დაიღუპა. ამის შესახებ ინფორმაციას france24-ი ავრცელებს. ბანგკოკის საქალაქო ხელისუფლებამ მოსახლეობა მოსალოდნელი ექსტრემალური სიცხის ( 52 გრადუს ცელსიუსი) შესახებ გააფრთხილა.ტაილანდის დედაქალაქში ჰაერის ტემპერატურამ ოთხშაბათს 40.1 გრადუსს მიაღწია და მსგავსი ტემპერატურაა ნავარაუდევი დღესაც.ჯანდაცვის სამინისტრომ ოთხშაბათს განაცხადა, რომ 2024 წლის 1 იანვრიდან 17 აპრილამდე სითბური ინსულტისგან 30 ადამიანი გარდაიცვალა.
1714038060
რა ღირს ბაზრებსა და მარკეტებში იმპორტირებული და ადგილობრივი წარმოების კიტრი/პომიდორისაქართველოში მიმდინარე წლის მარტში იმპორტირებულია 1,5 მლნ აშშ დოლარის ღირებულების 3 348 ტონა პომიდორი. ამასთანავე, საანგარიშო პერიოდში ქვეყანაში შემოვიდა 1,2 მლნ აშშ დოლარის 2 724 ტონა კიტრი.საქართველოს გასულ თვეში 1 კგ პომიდვრის იმპორტი 0.45 დოლარი (კურსით 1,2 ლარი), ხოლო კიტრის იმპორტი 0.44 დოლარი (1,2 ლარი) დაუჯდა.სუპერმარკეტებში 1 კგ იმპორტული პომიდვრის ფასი 4 ლარიდან იწყება, ხოლო კიტრის 3,5 ლარიდან. მონაცემები აჩვენებს, რომ იმპორტული პომიდორი მინიმუმ 233%-იანი ფასნამატით, ხოლო კიტრი 192%-იანი ფასნამატით იყიდება. რაც შეეხება ბაზრებს, აქ 1 კგ იმპორტული პომიდვრის ფასი 1,5 ლარიდან იწყება, ხოლო კიტრი 2.5 ლარიდან. მონაცემების თანახმად, იმპორტული პომიდორი ბაზარზე იყიდება 25%-იანი, ხოლო კიტრი 108%-იანი ფასნამატით.ამასთანავე, 2024 წლის მარტში საქართველოდან იმპორტირებულია ადგილობრივი წარმოების 120 ათასი დოლარის ღირებულების 131 ტონა პომიდორი და 4 ათასი დოლარის 6 ტონა კიტრი.აღნიშნული მონაცემების თანახმად, 1 კგ ქართული წარმოების კიტრის საექსპორტო ფასი 0.7 დოლარს (კურსით 1,9 ლარი) შეადგენს, ხოლო პომიდვრის 0.92 დოლარს (კურსით 2.5 ლარი).ბაზრებზე ქართული წარმოების პომიდვრის ფასი 3,5 ლარიდან იწყება, ხოლო კიტრის ფასი 3 ლარიდან. რაც შეეხება ქსელურ მარკეტებს, 1 კგ ქართული პომიდვრის ფასი 6 ლარიდან იწყება, ხოლო კიტრის - 7 ლარიდან.ცნობისთვის, მიმდინარე წლის მარტში, გასული წლის ანალოგიურ მაჩვენებელთან შედარებით, პომიდვრის იმპორტი 12%-ით შემცირდა, კიტრის კი 29%-ით გაიზარდა. ამასთანავე, მარტში ქართული წარმოების კიტრის ექსპორტი 58%-ით შემცირდა, პომიდვრის კი 55%-ით არის შემცირებული.
1714036297
რომელი ქვეყნების მოქალაქეები ითხოვენ თავშესაფარს საქართველოშიშინაგან საქმეთა სამინისტროს სტატისტიკის მიხედვით, წელს I კვარტალში, ლტოლვილის სტატუსი ჯამში 3 მოქალაქეს მიეცა. ამათგან, ორი ირანის მოქალაქეა, ხოლო ერთი დაუდგენელი.ამავე მონაცემების თანახმად, საანგარიშო პერიოდში, თავშესაფრის მაძიებლად რეგისტრირებულია, ჯამში, უცხოეთის 379 მოქალაქე, ამათგან ყველაზე ბევრი, 17,4% უკრაინის მოქალაქეებზე მოდის.უფრო კონკრეტულად, საქართველოში თავშესაფრის მაძიებლად რეგისტრირებულია: უკრაინის 66 მოქალაქე, ინდოეთის - 51, ირანის - 45, თურქეთის - 43, პაკისტანის - 35, რუსეთის - 23, ერაყის - 15, იორდანიის - 14, ნიგერიის - 12, ეგვიპტის - 11, სირიის - 10, ბელარუსის -9, და ა.შ.სტატისტიკის მიხედვით, წელს, I კვარტალში, საქართველოს დროებითი განთავსების ცენტრში მოთავსებულია უცხო ქვეყნის 59 მოქალაქე. ამათგან, ყველაზე ბევრი, 23 მოქალაქე აზერბაიჯანიდან იყო, 10 - ჩინეთიდან, 6 - რუსეთიდან, 4- თურქეთიდან და ა.შ.
