3 აპრილი: როგორი ამინდია მოსალოდნელი საქართველოში?

1743672042

ოკუპირებულ აფხაზეთსა და რუსეთს შორის რეგულარული ფრენები 1-ელი მაისიდან დაიწყება. ამის შესახებ რუსეთის პრეზიდენტის ადმინისტრაციის უფროსის მოადგილემ, სერგეი კირიენკომ განაცხადა.„1-ელი მაისიდან სოხუმის აეროპორტში სრულფასოვანი ავიამიმოსვლა ამოქმედდება“, - განაცხადა სერგეი კირიენკომ.მისი თქმით, „რუსეთი და აფხაზეთი ნამდვილი სტრატეგიული პარტნიორები არიან“.ცნობისთვის, მოსკოვიდან ოკუპირებული სოხუმის აეროპორტში საცდელი რეისი ავიაკომპანია ЮВТ Аэро-ის მიერ 7 თებერვალს განხორციელდა.

1743664673

ბოლო ორი კვირის განმავლობაში ევროპაში A-95 მარკის ბენზინის საწვავზე ფასი  0,01 – 1,48 ევროთი/ლიტრაზე შემცირდა,  დიზელის საწვავის საშუალო  ფასი  კი  შემცირდა - 0.02 – 1,46  ევროთი/ლიტრაზე.  ამის შესახებ ინფორმაციას ნავთობპროდუქტების იმპორტიორთა კავშირი ავრცელებს.მათივე ცნობით, ევროპის ქვეყნებში ყველაზე ძვირი საწვავი ნიდერლანდებში, დანიასა და ისლანდიაშია. ამ ქვეყნებში საწვავის ფასი დაახლოებით 25-30%-ით აღემატება ევროპის სხვა ქვეყნების საშუალო ფასებს.31 მარტის  მდგომარეობით ნიდერლანდებში A-95 მარკის ბენზინის საშუალო ფასი შეადგენს - 2,13 ევროს, A-98 მარკის ბენზინი - 2.29 ევროს, დიზელის საწვავი - 1,86 ევროს; ნორვეგიაში A-95 მარკის ბენზინის საშუალო ფასი შეადგენს - 1,86 ევროს,  A-98 მარკის ბენზინი - 2,02 ევროს, დიზელის საწვავი - 1,75 ევროს; ფინეთში A-95 მარკის ბენზინის საშუალო ფასი შეადგენს - 1,77 ევროს, A-98 მარკის ბენზინი - 1,87  ევროს, დიზელის საწვავი - 1.75 ევროს;ყველაზე იაფი საწვავი არის რუსეთში: A-92 მარკის  ბენზინი - 0,625 ევროს, A-95  მარკის ბენზინის ფასი - 0,66 ევრო , A-98  მარკის  ბენზინი - 0,78 ევრო, დიზელის საწვავი - 0,78 ევროს. ასევე უნდა აღინიშნოს საწვავის ფასი ჩვენს მეზობელ ქვეყნებში. კერძოდ:სომხეთში - 1 ლიტრი A-92 მარკის  ბენზინის ფასი შეადგენს  - 1.176 ევროს,  A-95 მარკის ბენზინი - 1,25 ევროს, A-98 მარკის  ბენზინი - 1.76 ევროს , დიზელის საწვავი - 1.20 ევროს;აზერბაიჯანში - A-92 მარკის  ბენზინი -0,596 ევროს,  A-95  მარკის ბენზინის ფასი - 0,87 ევროს, A-98 მარკის  ბენზინი - 1,25 ევროს; დიზელის საწვავი - 0,54 ევროს;უკრაინაში - A-92 მარკის  ბენზინი - 1,176 ევროს,  A-95  მარკის  ბენზინის ფასი - 1,25 ევროს, A-98 მარკის ბენზინი - 1.32 ევროს, დიზელის საწვავი - 1.22 ევროს; თურქეთში - A-95  მარკის  ბენზინის ფასი - 1.13 ევროს, A-98  მარკის ბენზინი - 1.14 ევროს, დიზელის საწვავი - 1.14 ევროს. მოლდავეთში - A-92 მარკის  ბენზინი  - 1,165 ევროს,  A-95  მარკი ბენზინის ფასი - 1,18 ევროს, A-98 მარკის ბენზინი - 1,53 ევროს, დიზელის საწვავი - 1,00 ევროს.ბელორუსიაში  - A-92 მარკის  ბენზინი  - 0,7 ევროს,  A-95  მარკი ბენზინის ფასი - 0,73 ევროს, A-98 მარკის ბენზინი - 0,80 ევროს, დიზელის საწვავი - 0,73 ევროს.ცნობისათვის, საქართველოში საწვავის ფასი ბრენდირებულ ავტოგასამართ სადგურებზე შეადგენს - A-92 მარკის  ბენზინი - 1,007 ევროს,  A-95 მარკის ბენზინის ფასი - 1,06  ევროს, A-98 მარკის ბენზინი - 1.18 ევროს; დიზელის საწვავი - 1.04 ევროს;

1743582091

ქართული ოქროს ექსპორტი გაიზარდა. 2025 წლის იანვარ-თებერვალში ექსპორტირებულია 480 კგ. დაუმუშავებელი, ნახევრად დამუშავებული ან ფხვნილის სახით არსებული ოქრო, რომლის ღირებულებამაც 19.8 მლნ დოლარს გადააჭარბა. 2024 წლის იმავე პერიოდში კი საექსპორტო ბაზრებზე 14 მლნ დოლარზე მეტის 440 კგ. ძვირფასი ლითონი გავიდა.აღსანიშნავია ისიც, რომ წელს პირველ ორ თვეში ოქროს უდიდესი ნაწილის ექსპორტი შვეიცარიაში განხორციელდა, მცირე ნაწილი კი თურქეთსა და არაბთა გაერთიანებულ საამიროებში. კერძოდ, საექსპორტო ბაზრების მიხედვით ექსპორტი ასეთია: შვეიცარია - 17.7 მილიონი დოლარის 440 კგ; თურქეთი - 1.42 მილიონი დოლარის 30 კგ; არაბთა გაერთიანებული საამიროები - 686 ათასი დოლარის10 კგ. „ბიზნესპრესნიუსი“ დაინტერესდა იმ კომპანიებით, რომლებსაც ყველაზე მეტი ღირებულების ქართული ოქრო გააქვს ექსპორტზე. საქსტატის მიერ bpn-სთვის მოწოდებული ინფორმაციის თანახმად, ოქროს ექსპორტს ახორციელებს: შპს „არ ემ ჯი გოლდი“, შპს „ავაზა“, შპს „მიკროსაფინანსო ორგანიზაცია რიკო ექსპრესი“ და შპს „ჯითიჯი ჯგუფი“.„ბიზნესპრესნიუსი“ სამეწარმეო რეესტრის მონაცემებზე დაყრდნობით გთავაზობთ, ვის ეკუთვნის აღნიშნული კომპანიები (შენიშვნა: ადგილობრივი ექსპორტიორები არ არის დალაგებული რეიტინგის მიხედვით):1. შპს „არ ემ ჯი გოლდი“ რეესტრში 1995 წელს დარეგისტრირდა. სამეთვალყურეო საბჭო რუსეთის მოქალაქეებისგან არის დაკომპლექტებული. კერძოდ, საბჭოს თავმჯდომარე დმიტრი ტროიცია, მისი მოადგილე დმიტრი კორჟევი, ხოლო საბჭოს წევრი ირინა ნიკიფოროვა. ბოლო მონაცემებით, კომპანიის აღმასრულებელი დირექტორის პოსტს ჯონდო შუბითიძე იკავებს.რაც შეეხება წილებს, 96.21%-ს შპს „მაინინგ ინვესთმენთსი“ ფლობს. ამ კომპანიის სამეთვალყურეო საბჭოს თავმჯდომარის თანამდებობას იგივე პირი, დმიტრი ტროიცი იკავებს. აღმასრულებელი დირექტორიც შუბითიძეა. წილები კი სრულად კვიპროსში დაფუძნებულ შპს „ფემთილონ ჰოლდინგს ლიმითიდს“ ეკუთვნის.ამასთანავე, „არ ემ ჯი გოლდის“ დარჩენილ წილებს - 3.79% სააქციო საზოგადოება RMG Copper-ი ფლობს. RMG Copper 1996 წელს დაფუძნდა. კომპანიის ძირითად საქმიანობას სპილენძისა და ოქროს შემცველი მადნის მოპოვება-დამუშავება განეკუთვნება. Reportal.ge-ზე არსებული მონაცემების მიხედვით, სააქციო საზოგადოების მშობელი კომპანია მარშალის კუნძულებზე რეგისტრირებული Magenta Investments Limited-ია. ამავე დოკუმენტების თანახმად, კომპანიაზე საბოლოო კონტროლის მქონე მხარე დიმიტრი ტროიცკია.2. შპს „ავაზა“ იმ კომპანიათა შორისაა, რომელიც ქართული ოქროს ექსპორტს ახორციელებს. კომპანია რეესტრში 2011 წელს დარეგისტრირდა. „ავაზას“ წილებს სრულად ფლობს იმედო მამულაშვილი, კომპანიის დირექტორის პოზიციასაც ის იკავებს.3. შპს „მიკროსაფინანსო ორგანიზაცია რიკო ექსპრესი“ სამეწარმეო რეესტრში 2004 წელს დარეგისტრირდა. წილებს სრულად დალი ურუშაძე განკარგავს. შპს-ს სამეთვალყურეო საბჭოს თავმჯდომარე ლაშა ნიკოლაიშვილია, საბჭოს წევრები კი არიან: ვლადიმერ შავლაყაძე, დავით შენგელია და ანა ნიკოლაძე.4. 2017 წელს რეგისტრირებული შპს „ჯითიჯი ჯგუფის“ დირექტორი ავთანდილ იოსებაძეა. სამეწარმეო რეესტრის ცნობით, იოსებაძე ფლობს კომპანიის წილების 100%-ს სრულად.შეგახსენებთ, სავაჭრო დაძაბულობის ფონზე გაზრდილი რისკებისა და სტაბილური აქტივის ძიების პროცესმა გლობალურ ბაზრებზე ოქროს ისტორიული გაძვირება გამოიწვია. მაგალითად, თბილისის დროით 12:00 საათზე ოქროს ფასმა უნციაზე 3 125 დოლარს მიაღწია.bpn.ge

1743579004

„მოხარულები ვართ, წარმოგიდგინოთ გემრიელი და ჯანსაღი სასმელი ყველასთვის, ვინც ცდილობს, იყოს აქტიური და ჰიდრატირებული“, - ამის შესახებ განცხადებას აშშ-ის ყოფილი პირველი ლედი, მიშელ ობამა, რომელმაც კალათბურთის სუპერ ვარსკვლავ სტეფ კარისთან ერთად, ახალი სპორტული სასმლის კომპანია დააფუძნა.სასმელი სახელად Plezi 3 სხვადასხვა გემოთია წარმოდგენილი და ამერიკის მარკეტებში უკვე ხელმისაწვდომია, საერთაშორისოდ დაინტერესებულ მომხმარებლებს კი მისი შეძენა Amazon-ის საშუალებით შეუძლიათ - ერთი ბოთლის, რომელიც 70 კალორიას შეიცავს, ფასი 2.29 დოლარია.„ჩვენ შევქმენით სასმელი, რომლის ინგრედიენტებიც ერთმანეთთან გონივრულადაა შეხამებული, რაც შეუდარებელი გემოს განმაპირობებელია. ადამიანებს შეუძლიათ, თავიანთი სხეული სწორად გამოკვებონ, არავითარი მალსახმობი პროდუქტები - მომავალი თაობა უკეთესს იმსახურებს“, - ამბობს კარი.Plezi უმძაფრესად კონკურენტულ ბაზარზე შედის. Euromonitor-ის სტატისტიკის თანახმად, სპორტული სასმელების 61%-ს Gatorade აწარმოებს, 14.5%-ს - Powerade, ხოლო 11.8% - Bodyarmor.

1743489718

იორგი ქოჩორაშვილი კარიერას ესპანური „ლევანტედან“ პორტუგალიურ გრანდ „სპორტინგში“ გააგრძელებს. ინფორმაცია კლუბებმა ოფიციალურად დაადასტურეს.გავლენიანი პორტუგალიური გამოცემა Abola-ს ინფორმაციით, ლისაბონური კლუბი ტრანსფერის სანაცვლოდ 5.5 მლნ ევროს გადაიხდის, რასაც 2 მლნ ბონუსების სახით დაემატება. გარდა ამისა, „სპორტინგიდან“ მომავალში სხვა კლუბში გადასვლის შემთხვევაში, „ლევანტე“ სატრანსფერო თანხის 12.5%-ს მიიღებს.„ლევანტეს“ ვებგვერდის თანახმად, 25 წლის ქართველი მიმდინარე სეზონის ბოლომდე კვლავ მათ კლუბში ითამაშებს, „სპორტინგს“ კი 1-eლი ივლისიდან შეუერთდება და მასთან კონტრაქტს 2030 წლის ზაფხულამდე გააფორმებს.დიდი შანსია, „ქოჩორაშვილმა“ მომავალ სეზონში ევროპის ყველაზე პრესტიჟულ საკლუბო ტურნირ ჩემპიონთა ლიგაზე ითამაშოს - მის კლუბს საამისოდ პორტუგალიის ჩემპიონატის დარჩენილ 7 ტურში 13 ქულის აღებაც ეყოფა.„სპორტინგი“ 20-გზის პორტუგალიის ჩემპიონია, რაც „ბენფიკასა“ (38 ჩემპიონობა) და „პორტუს“ (30) შემდეგ საუკეთესო შედეგია.