Bloomberg: საქართველო ინვესტიციებისთვის მოწინავე ადგილია

1713514908

პირველად, თბილისის საერთაშორისო აეროპორტი Skytrax World Airport Awards 2024-ზე, მსოფლიოს მასშტაბით 5 მილიონამდე მგზავრზე გათვლილ აეროპორტების Top 10 -ში მოხვდა. ამის შესახებ ინფორმაცია აეროპროტის „ფეისბუქ“ გვერდზე ვრცელდება.თბილისის საერთაშორისო აეროპორტთან ერთად აეთეულში, დურბანის, ოტავას, გოასა და ბილუნდის აეროპორტები დასახელდნენ.„ასევე, Skytrax World Airport Awards 2024-ზე თბილისისა და ბათუმის საერთაშორისო აეროპორტები, აღმოსავლეთ ევროპის 10 საუკეთესო აეროპორტს შორის დასახელდა. თბილისის საერთაშორისო აეროპორტი აღნიშნულ კატეგორიაში ზედიზედ მეთერთმეტედ, ხოლო ბათუმის - მესამედ, მოხვდა. მგზავრთა გამოკითხვის შედეგად, აღმოსავლეთ ევროპის საუკეთესო ხუთეულშია - ბუდაპეშტის, ტალინის, რიგის, თბილისისა და სოფიას საერთაშორისო აეროპორტები.მსოფლიოს საუკეთესო აეროპორტების დაჯილდოების ცერემონია Passenger Terminal Expo 2024-ის ფარგლებში ფრანკფურტში გაიმართა.Skytrax გავლენიანი ბრიტანული საკონსულტაციო კომპანიაა, რომელიც 1999 წლიდან მსოფლიოს აეროპორტებსა და ავიაკომპანიებში მომსახურების ხარისხს იკვლევს და აფასებს. World Airport Awards-ი მსოფლიოს 100 ზე მეტი სხვადასხვა ეროვნების მგზავრისა და 570 აეროპორტის შეფასებას ეფუძნება. გამოკითხვის ფარგლებში მგზავრები აეროპორტის სერვისს აფასებენ,“- ნათქვამია აეროპორტის „ფეისბუქ“ გვერდზე გავრცელებულ ინფორმაციაში.

1713512117

საქართველოს მოქალაქეების ნაწილმა ზაფხულის სეზონისთვის უცხოეთში ტურების დაგეგმვა უკვე დაიწყო. „ბიზნესპრესნიუსი“ დაინტერესდა, ძირითადად რომელ ქვეყნებს ირჩევენ ქართველი ტურისტები მოგზაურობისთვის.როგორც „ბიზნესპრესნიუსთან“ გამყვანი ტურიზმის წარმომადგენლები აცხადებენ, ისევე როგორც წინა წლებში, მიმდინარე წელსაც დიდია მოთხოვნა საბერძნეთისა და თურქეთის ტურებზე.„გაიზრდება თურქეთისა და საბერძნეთის მიმართულებებზე მოთხოვნა. ამ ეტაპისთვის ძირითადად ეს მიმართულებებია მოთხოვნადი“, - განაცხადა OK Travel-მა „ბიზნესპრესნიუსთან“. საქართველოს ეროვნული ნაკრების გამარჯვებამ და „ევრო ტურის“ საგზურის მოპოვებამ გავლენა მოახდინა გამყვან ტურიზმზეც. როგორც „ბიზნესპრესნიუსთან“ „გამყვანი ტურიზმის ასოციაციის“ თანადამფუძნებელი და „კლარკ რობინსის“ აღმასრულებელი დირექტორი მამუკა კელაურაძე აღნიშნავს, დაგეგმილ მატჩებთან დაკავშირებით დიდია მოთხოვნა გერმანიის მიმართულებაზე.„როგორც ყოველთვის, წელსაც მოთხოვნადია ზაფხულისთვის თურქეთი, საბერძნეთი, ევროპის ქვეყნები, მაგრამ ახლა გერმანიაში ევროპის ჩემპიონატის ტარდება და მეტი ყურადღება გადატანილია აქეთკენ. მატჩების პერიოდში ყველაზე მოთხოვნადი მიმართულება იქნება გერმანია“, - განაცხადა მამუკა კელაურაძემ.ცნობისთვის, გასული წლის ზაფხულში საქართველოდან ყველაზე მეტი, 93 200 ვიზიტი თურქეთში განხორციელდა, 35 900 - სომხეთში, 32 400 - რუსეთში, 31 400 - ევროკავშირის ქვეყნებში, 3 100 - აზერბაიჯანში, ხოლო სხვა ქვეყნებში 28 700 ვიზიტი განხორციელდა.

1713507707

გაეროს მოსახლეობის ფონდის (UNFPA) წლევანდელი მონაცემებით, საქართველოს მოსახლეობა, აფხაზეთისა და „სამხრეთ ოსეთის” ჩათვლით, 3.7 მლნ ადამიანს შეადგენს. ამის შესახებ UNFPA-ს ბოლო ანგარიშში წერია.ასაკობრივი მდგომარეობით საქართველოს მოსახლეობის პროცენტული მაჩვენებლები ასეთია:🔵 15-64 წლის - მოსახლეობის 64%🔵  0-14 წლის - 21%🔵  10-24 წლის - 19%🔵  65 წლის და უფროსი ასაკის - 15%🔵  10-19 წლის - 13% მთლიანი შობადობის კოეფიციენტი ერთ ქალზე 2.0 ბავშვია. 2023 წელს დაბადებული ადამიანებისთვის სიცოცხლის მოსალონელი ხანგრძლივობა მამაკაცებში 69, ხოლო ქალებში 79 წელია. UNFPA მონაცემებით, საქართველოს მოსახლებოის რაოდენობა წინა წლებთან შედარებით, არ იცვლება.მსოფლიო ქვეყნებს შორის მოსახლეობის რაოდენობით ინდოეთი ლიდერობს, სადაც ამჟამად 1,442 მლრდ ადამიანი ცხოვრობს, ხოლო მეორე ადგილზე 1,425 მლრდ მოსახლეობით ჩინეთია. ფონდი ინდოეთის მოსახლეობის ზრდას ქვეყანაში სოციალურ-ეკონომიკური მდგომარეობის გაუმჯობესებასა და დედების სიკვდილიანობის კლებას უკავშირებს. კერძოდ, UNFPA-ის მონაცემებით, თუ 1990 წელს მსოფლიოში დედების სიკვდილიანობის 26%-ი ინდოეთში ფიქსირდებოდა, ეს მაჩვენებელი 2020 წლისთვის 8%-მდე შემცირდა. მკვლევარები ამ პროგრესს „ჯანმრთელობის ხარისხის სერვისებზე დედების ხელმისაწვდომობის გაუმჯობესებას“ უკავშირებენ.რაც შეეხება ჩინეთს, გაეროს გათვლებით, ქვეყანამ დემოგრაფიულ პიკს 1,426 მლრდ ადამიანით 2022 წელს მიაღწია, რის შემდეგაც კლება დაიწყო. ჩინეთს ინდოეთის მოსახლეობა 2023 წლის აპრილის ბოლოს გაუტოლდა. ექსპერტები პროგნოზირებენ, რომ საუკუნის ბოლომდე ჩინეთის მოსახლეობა შესაძლოა, მილიარდს ჩასცდეს, ხოლო ინდოეთის მოსახლეობა მომდევნო რამდენიმე ათწლეულის განმავლობაში, სავარაუდოდ, გაიზრდება.

1713507413

საქართველო ჯანდაცვის ინდექსით მსოფლის 94 ქვეყანას შორის არც ისე სახარბიელო ადგილზეა. 2024 წლის აპრილის მდგომარეობით, საქართველო 79-ე პოზიციაზე აღმოჩნდა. მონაცემებს კლევის პორტალი, Numbeo აქვეყნებს.აღსანიშნავია, რომ წინა კვლევასთან შედარებით, რომელიც 2023 წლის შუა პერიოდში გამოქვეყნდა, საქართველო ერთი პოზიციით ჩამოქვეითდა. მაშინ ქვეყანა ჯანდაცვის ანალოგიური 54.5 ინდექსით 78-ე ადგილზე იყო.Numbeo-ს ინდექსი ჯანმრთელობის დაცვის სისტემას, მათ შორის, ისეთი ფაქტორების ჩათვლით აფასებს, როგორიც არის აღჭურვილობა, პერსონალი, ექიმები და ხარჯები. ინდექსი, ასევე, ჯანდაცვის ადგილობრივ ინფრასტურქტურას, სერვისებს, რესურსებსა და მათზე ხელმისაწვდომობას აფასებს. რაც შეეხება მეზობლებს, კვლევაში მხოლოდ სომხეთი ვერ მოხვდა, საქართველო კი მხოლოდ აზერბაიჯანს უსწრებს. კერძოდ, ჯანდაცვის 47.7 ინდექსით აზერბაიჯანი 89 ადგილზეა. საქართველოს უსწრებს თურქეთი, რომელიც 70.7 ინდექსით გაცილებით წინ, 25-ე ადგილზეა, ხოლო რუსეთს 60.9 მაჩვენებლით 55-ე პოზიცია უკავია. ასევე, ოდნავ წინ არის ომში მყოფი უკრაინა, რომელიც 55.4 ინდექსით რეიტინგში 75-ე ადგილზეა.ჯანდაცვის ინდექსით ქვეყნების ტოპ 10-ეული ასეთია:🔵 ტაივანი 86.0🔵 სამხრეთ კორეა 82,7🔵 იაპონია 79,3🔵 ნიდერლანდები 78,9🔵 საფრანგეთი 78,1🔵 დანია 78,0🔵 ესპანეთი 77,6🔵 ფინეთი 77,3🔵 ტაილანდი 77,2🔵 ავსტრია 76.6Numbeo ხაზგასმით შენიშნავს, რომ მის მიერ შედგენილი ჯანდაცვის ინდექსი ეფუძნება მომხმარებლის მონაცემებსა და შეფასებებს, რომლებიც შესაძლოა, განსხვავდებოდეს და მიკერძოებულიც იყოს.„ამის მიუხედავად, ინდექსი შედარებითი ინსტრუმენტია ჯანდაცვის სისტემების შესაფასებლად და შესადარებლად სხვადასხვა ქალაქსა თუ ქვეყანაში, რაც ჯანდაცვის ლანდშაფტის გაგებას ეხმარება“, - წერს Numbeo.

1713441331

ვერონაში გამართულ გამოფენებში „Vinitaly” და „Orange Wine Festival” ქართული ღვინის მწარმოებელი ორი კომპანია და 25 საოჯახო მარანი მონაწილეობდა. ამის შესახებ ინფორმაციას გარემოს დაცვისა და სოფლის მეურნეობის სამინისტროს პრესსამსახური ავრცელებს. ქართული ღვინის საექსპორტო ბაზრების დივერსიფიკაციისა და პოპულარიზაციისთვის, აღნიშნულ გამოფენებში მონაწილეობა მნიშვნელოვანია, ვინაიდან აქ თავს იყრიან ღვინის პროფესიონალები და სავაჭრო სფეროს წარმომადგენლები მსოფლიოს სხვადასხვა ქვეყნიდან.„Vinitaly“ ვერონაში 1967 წლიდან ტარდება და ის არის ღვინისა და ალკოჰოლური სასმელების მსოფლიოში ერთ-ერთი ყველაზე მნიშვნელოვანი სავაჭრო გამოფენა, რომელიც ყოველწლიურად იმართება. წელს გამოფენაში მსოფლიოს 60-მდე ქვეყნის ათასამდე კომპანია მონაწილეობდა.ქარვისფერი ღვინოების გამოფენა „Orange Wine Festival“ წლის განმავლობაში რამდენიმეჯერ იმართება მსოფლიოს სხვადასხვა ქვეყანაში. წელს ვერონაში გამართულ ფესტივალში მონაწილეობდა ღვინის 87 მწარმოებელი მარანი მსოფლიოს 11 ქვეყნიდან: საქართველო, იტალია, ესპანეთი, საბერძნეთი, სლოვენია, საბერძნეთი, ავსტრია,  სლოვაკეთი, ხორვატია, ბულგარეთი და ჩეხეთი.ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო ქართული ღვინის პოპულარიზაციის ხელშეწყობის ფარგლებში, 2013 წლიდან, ბაზრების დივერსიფიცირების მიზნით, სარეკლამო-მარკეტინგულ კამპანიებს  აშშ-ში, ევროპისა და სამხრეთ-აღმოსავლეთ აზიის ქვეყნებში ინტენსიურად ახორციელებს.