აფხაზებს რუსული დენი მოქმედ ტარიფზე ორჯერ ძვირი უჯდებათ - რა ღირს ერთი კვტ/სთ მოსახლეობისთვის

1733213871

მნიშვნელოვანია, ადამიანებმა, რომლებიც სხვებს ავიწროებენ, შესაბამისი შედეგები მიიღონ და მათზე სანქციები დაწესდეს - მჯერა, დონალდ ტრამპი დადგება ქართველი ხალხის გვერდით და არა რეჟიმთან, რომელმაც არჩევნები გააყალბა,- ამის შესახებ ამერიკის შეერთებული შტატების ჰელსინკის კომისიის თავმჯდომარე, რესპუბლიკელმა კონგრესმენმა ჯო უილსონმა „გლობალნიუსთან“ ინტერვიუში განაცხადა.მისივე თქმით, ძალადობის ორგანიზებას შესაბამისი პასუხი უნდა გაეცეს და „ყველა, ვისაც თავისუფლებისა და დემოკრატიის სწამს, ამ დანაშაულის წინააღმდეგ ერთად უნდა დადგეს“.„ნამდვილად შთამაგონებელია იმის ყურება, თუ როგორ განაგრძობს ქართველი ხალხი პროტესტს მათ წინააღმდეგ განხორციელებული ძალადობის მიუხედავად. ეს ერთგვარი ტრადიციის გაგრძელება გახლავთ, რაც წარსულში ბუქარესტში, აღმოსავლეთ გერმანიასა, ბუდაპეშტსა, თუ სხვა ქვეყნებში ვიხილეთ. გვახსოვს, როგორ წამოდგა მაშინ სრულიად საზოგადოება ფეხზე საბჭოთა იმპერიალიზმის წინააღმდეგ, წინ აღუდგა ბოროტებას და თავისუფლებაც მოიპოვა. ხალხის ძალას ყოველთვის მოაქვს პოზიტიური ცვლილებები. საბოლოოდ, აუცილებლად თავისუფლება იმარჯვებს. ასე რომ, დარწმუნებული ვარ, ქართველი ხალხი დემოკრატიული, თავისუფალი საქართველოს მომავლის დაცვის გზაზე წარმატებას მოიპოვებს და გახდება ევროკავშირისა და ნატო-ს ნაწილი“,- აცხადებს ჯო უილსონი.რაც შეეხება უშუალოდ არჩევნებს, უილსონი ამბობს, რომ საქართველოში საპარლამენტო არჩევნები არ ჩატარებულა იმ ფორმით, რომ ის სანდო ყოფილიყო როგორც ქართველი ხალხისთვის, ისე მსოფლიოსთვის.„ჩემი აზრით, საქართველოში ვიხილეთ უამრავი დარღვევა, რაც დაასაბუთეს როგორც ევროკავშირის, ასევე სხვა საერთაშორისო დამკვირვებლებმა. ასეთ განცხადებას არ გავაკეთებდი, „ქართული ოცნების“ ხელისუფლებაში ყოფნის არალეგიტიმურობა დამტკიცებული რომ არ იყოს. საპარლამენტო არჩევნები არ ჩატარებულა იმ ფორმით, რომ ის სანდო ყოფილიყო როგორც ქართველი ხალხისთვის, ისე მსოფლიოსთვის. მათ არჩევნები მანიპულაციური ჩარევებით ჩაატარეს, დაარღვიეს კონსტიტუცია, მთავრობა პრეზიდენტის თანხმობის გარეშე დაამტკიცეს და განაგრძობენ სასტიკად ძალადობას მათზე, ვინც ამ ყველაფერს საქართველოში აპროტესტებს. სწორედ ამიტომაც მივიჩნევ მათ არალეგიტიმურ ხელისუფლებად“, - განაცხადა ჯო უილსონმა.რაც შეეხება საქართველოსა და შეერთებულ შტატებს შორის ურთიერთობას ახალი ადმინისტრაციის პირობებში, ჯო უილსონი ამბობს, რომ დონალდ ტრამპიც „ასევე აპროტესტებს არჩევნებს, რომელიც შესაძლოა, არარეგულირებულად ჩატარდა“.„დონალდ ტრამპი მხარს უჭერს თავისუფლებას. ის მხარს უჭერს დემოკრატიას. დონალდ ტრამპიც გახლავთ ადამიანი, რომელიც ასევე აპროტესტებს არჩევნებს, რომელიც შესაძლოა, არარეგულირებულად ჩატარდა. ამიტომ, მჯერა, დონალდ ტრამპი დადგება ქართველი ხალხის გვერდით და არა რეჟიმთან, რომელმაც არჩევნები გააყალბა“,- აცხადებს უილსონი.ipn.ge

1733211541

უკრაინაში საგრძნობლად გაიზარდა იმ უცხოელი ტურისტების რიცხვი, რომელთაც ომის შედეგების ნახვა სურთ.ინფორმაციას Bild ავრცელებს.მოგზაურები, რომლებსაც, ეგრეთ წოდებულ, შავ ან სამხედრო ტურიზმში სურთ მონაწილეობა, ქვეყანაში, ძირითადად, ევროპიდან და აშშ-დან ჩადიან.უკრაინული ტურისტული კომპანიები მომხმარებლებს სთავაზობენ ტურებს, რომლებშიც უცხოელებს შეუძლიათ, დედაქალაქის რეგიონი მოინახულონ, ასევე, საომარ ზონებში უფრო ძვირი მოგზაურობები დაჯავშნონ.მაგალითად, კომპანია, War Tours ექსკურსიებს კიევსა და კიევის რეგიონში აორგანიზებს. დედაქალაქის ერთდღიანი ტური, დაახლოებით, 150 ევრო, ხოლო ისეთი ქალაქების მონახულება, როგორიც ირპენი და ბუჩაა, 250 ევრო ღირს. წლის დასაწყისიდან კომპანია 30-მდე კლიენტს მოემსახურა.ზოგიერთი ტურისტული სააგენტო მარშრუტებს აფართოებს და მომხმარებლებს მრავალდღიან მოგზაურობებს სამხრეთ უკრაინაში სთავაზობს, სადაც აქტიური საომარი მოქმედებები გრძელდება. ასეთი ტურების ფასი ერთ ადამიანზე, დაახლოებით, 3,300 ევროა.War Tours-ის თანადამფუძნებლის, დიმიტრი ნიკიფოროვის თქმით, მოგების ნაწილი უკრაინის შეიარაღებული ძალების დასახმარებლად იხარჯება. ის ხაზგასმით ამბობს, რომ კომპანიის მთავარი მიზანი ომის ისტორიული მეხსიერების შენარჩუნებაა.ტურისტული კომპანია Capital Tours Kyiv-ის მენეჯერი, სვიტოზარ მოისეევი აცხადებს, რომ სამხედრო ტურებიდან ფინანსური სარგებელი მცირეა, თუმცა ასეთი მოგზაურობის საგანმანათლებლო მნიშვნელობა ფულად ასპექტს აღემატება.„ეს მოგზაურობები, ერთგვარად, ომის განმეორების საწინააღმდეგო აქციაა”, - აცხადებს მოისეევი.უკრაინის ტურიზმის განვითარების სახელმწიფო სააგენტოს ხელმძღვანელმა, მარიანა ოლესკივმა აღიარა, რომ ამ ტიპის ტურიზმი ეთიკის თემაზე დისკუსიებს იწვევს, მაგრამ მასზე მოთხოვნა კვლავ იზრდება. ამასთან, ირპენის მსგავსი დაზარალებული რაიონების ზოგიერთი მცხოვრები ამ ინიციატივებს აკრიტიკებს და სამხედრო ტურებიდან შემოსავალს „სისხლიან ფულს“ უწოდებს.ომის მიუხედავად, უკრაინა ტურისტებისთვის ღიაა. 2023 წელს ქვეყანას, დაახლოებით, 4 მლნ უცხოელი ეწვია. იმავე წელს უკრაინის ტურიზმის განვითარების სახელმწიფო სააგენტომ ამერიკულ პლატფორმა Airbnb-თან ხელი მოაწერა მემორანდუმს, რომელიც ომის შემდგომი ტურიზმის აღდგენის მხარდაჭერას ითვალისწინებს.

1733136653

რუსეთის პრეზიდენტის პრესმდივანმა დიმიტრი პესკოვმა განაცხადა, რომ კრემლს არ აქვს ინფორმაცია საქართველოში საპროტესტო აქციების დროს რუსების დაკავების შესახებ, იუწყება RBC-ის კორესპონდენტი.„მართალი გითხრათ, ჩვენ არ გვაქვს ინფორმაცია იმის შესახებ, თუ ვინ არიან ეს ადამიანები. მაგრამ, მეორე მხრივ, აშკარაა, რომ უშიშროების ძალებზე თავდასხმაში მონაწილეობით, მათ დაარღვიეს ქვეყნის კანონი“, - თქვა პესკოვმა.კრემლის წარმომადგენელმა ქვეყანაში მიმდინარე საპროტესტო აქციებს საქართველოს „წმინდა შიდა საქმე“ უწოდა, მაგრამ მისი აზრით, ნარინჯისფერი რევოლუციის განხორციელების შესაძლებლობა არსებობს.„მსგავსი მოვლენები გვინახავს ბევრ ქვეყანაში. ალბათ ყველაზე პირდაპირი პარალელის გავლება არის უკრაინის მაიდანის მოვლენა. ნარინჯისფერი რევოლუციის განხორციელების მცდელობის ყველა ნიშანია. ადგილობრივი ხელისუფლება სიტუაციის სტაბილიზაციისა და სიმშვიდის დასაბრუნებლად ზომებს ატარებს. ეს არის ყველაფერი, რაც შეიძლება ითქვას, ”- თქვა მან.პესკოვმა ხაზგასმით აღნიშნა, რომ მოსკოვი არ ჩარეულა და არ აპირებს საქართველოს საქმეებში ჩარევას.

1733130792

რუსეთის მთავრობამ მწარმოებლების მიერ მიწოდებული ბენზინის უმეტესობის ექსპორტზე დროებითი აკრძალვა გააუქმა, ხოლო სხვა ექსპორტიორებზე, როგორიც დამოუკიდებელი ტრეიდერები და გადამყიდველები არიან, შეზღუდვები 2025 წლის 31 იანვრამდე გაახანგრძლივა.ინფორმაციას რუსეთის მთავრობა ავრცელებს.მანამდე ვიცეპრემიერ ალექსანდრ ნოვაკმა განაცხადა, რომ რუსეთი ბენზინის ექსპორტის აკრძალვას ვადაზე ადრე გააუქმებს, თუმცა ვადები და სხვა დეტალები არ დაუკონკრეტებია.აგვისტოში ხელისუფლებამ საექსპორტო ემბარგო წლის ბოლომდე მას შემდეგ აღადგინა, რაც ბენზინის საბითუმო ფასების მკვეთრმა ზრდამ ბენზინგასამართი სადგურების მარჟა გაანადგურა.რუსეთი წელიწადში, დაახლოებით, 42-43 მლნ ტონა საავტომობილო ბენზინს აწარმოებს, საიდანაც 5 მლნ ტონა საექსპორტოა, ხოლო მთელი ექსპორტის 90%-ზე მეტს, როგორც წესი, საავტომობილო ბენზინი, AI-92 შეადგენს. ქვეყნის შიგნით დაბალი მოთხოვნის სეზონზე, კერძოდ, დეკემბერ-თებერვლის პერიოდში რუსეთიდან საავტომობილო ბენზინის ყოველთვიურმა ექსპორტმა შესაძლოა, 0,7 მლნ ტონას მიაღწიოს.ცნობისთვის: მარტში რუსეთის რამდენიმე უმსხვილეს ნავთობგადასამუშავებელ ქარხანაზე უკრაინული დრონების თავდასხმის შედეგად ქვეყანაში ბენზინის წარმოება შემცირდა. ამის გამო ფედერაციის მთავრობამ 1-ელი მარტიდან რუსეთიდან ბენზინის ექსპორტზე აკრძალვა ექვსთვიანი ვადით ანუ აგვისტოს ბოლომდე დააწესა, რომ საწვავის დეფიციტი თავიდან აეცილებინა. შიდა ბაზრის გაჯერების ფონზე და გადასამუშავებელ ქარხნებში მარაგის გადაჭარბების თავიდან ასაცილებლად აკრძალვა ჯერ 20 მაისიდან 30 ივნისის ჩათვლით, შემდეგ კი ივლისის ბოლომდე მოიხსნა, თუმცა 1-ელი აგვისტოდან ისევ ამოქმედდა და 31 დეკემბრის ჩათვლით გახანგრძლივდა. აკრძალვა არ ეხება საერთაშორისო-სამთავრობათაშორისო შეთანხმებების ფარგლებში, მათ შორის, ევრაზიის ეკონომიკური კავშირის წევრ ქვეყნებში მიწოდებებს, ასევე, მოქალაქეების მიერ პირადი სარგებლობისთვის და საერთაშორისო ჰუმანიტარული დახმარებისთვის ექსპორტირებულ საწვავს.

1733130645

აშშ-ის არჩეულმა პრეზიდენტმა, დონალდ ტრამპმა განაცხადა, რომ ვაშინგტონი 100%-იან ტარიფებს დაუწესებს BRICS-ის ქვეყნებს, თუ დოლარის ალტერნატივის მიზნით საკუთარ ვალუტას შექმნიან.„BRICS-ის ქვეყნების მიერ დოლარზე უარის თქმის მცდელობის იდეა დასრულდა. ჩვენ ამ ქვეყნებისგან ვითხოვთ ვალდებულებას, არ შექმნან BRICS-ის ახალი ვალუტა ან მხარი არ დაუჭირონ ნებისმიერ სხვა ვალუტას, რომელმაც, შესაძლოა, ძლიერი ამერიკული დოლარი შეცვალოს“, - წერს ტრამპი თავის სოციალურ ქსელ Truth Social-ზე.ის BRICS-ის ქვეყნებს, ასევე, ამერიკულ ბაზარზე შესვლის დაბლოკვით დაემუქრა.„არ არსებობს მცირედი შანსიც კი, რომ BRICS-მა საერთაშორისო ვაჭრობაში აშშ დოლარი შეცვალოს. ნებისმიერ ქვეყანას, რომელიც ამის გაკეთებას შეეცდება, შეუძლია ხელის დაქნევით დაუყოვნებლივ დაემშვიდობოს ამერიკას,“ - ხაზგასმით აღნიშნავს ტრამპი.აპრილში Bloomberg წერდა, რომ ტრამპის ეკონომიკურმა მრჩევლებმა მას სანქციების დაწესება შესთავაზეს იმ ქვეყნებისთვის, რომლებიც ორმხრივ ვაჭრობას სხვა ვალუტაში ესწრაფვიან. მათ წინადადებებს შორის არის ექსპორტის შეზღუდვების შემოღება, ვალუტის მანიპულირებაზე ბრალდებები და ტარიფების დაწესება.ცნობისთვის: 2022 წლის ივნისში პუტინმა განაცხადა, რომ BRICS-ის ვალუტების კალათის საფუძველზე „საერთაშორისო სარეზერვო ვალუტის“ შექმნას აპირებს. თუმცა ოქტომბრის შუა რიცხვებში პოზიცია შეიცვალა და აღნიშნა, რომ ბლოკის დონეზე ერთიანი ვალუტის შემოღება “არ განიხილება,” რადგან BRICS-ის ქვეყნები ამისთვის „მზად არ არიან”. ერთიანი ვალუტის ნაცვლად პუტინი ამჯერად ვაჭრობის ეროვნულ ვალუტაში განხორციელებისა და SWIFT-ის ანალოგის შექმნის წინადადებით გამოვიდა.BRICS-ი ხუთი ქვეყნის, ბრაზილიის, რუსეთის, ინდოეთის, ჩინეთისა და სამხრეთ აფრიკის რესპუბლიკის სახელმწიფოთაშორისი გაერთიანებაა, რომელიც 2006 წლის ივნისში დაფუძნდა. 2022 წელს გამართულ BRICS-ის XIV სამიტზე ბლოკი გაფართოებული შემადგენლობით იყო წარმოდგენილი, რომელსაც „BRICS+“ ეწოდა. კერძოდ, ბლოკს შეუერთდნენ ირანი, ეგვიპტე, არაბთა გაერთიანებული საემიროები და ეთიოპია, ხოლო თურქეთმა და აზერბაიჯანმა მოგვიანებით BRICS-ში წევრობის განაცხადი წარადგინეს.