Google-ს შესაძლოა, Chrome-ისა და Android-ის გაყიდვა მოსთხოვონ

1728734648

საქართველოს სისხლის სამართლის კოდექსი მნიშვნელოვან გარემოსდაცვით ბერკეტებს შეიცავს. მეათე კარი აღწერს დანაშაულს გარემოს დაცვისა და ბუნებრივი რესურსებით სარგებლობის წესის წინააღმდეგ.მოცემული პუნქტებით სამართალდარღვევებისთვის გათვალისწინებულია როგორც ჯარიმები, ისე თავისუფლების აღკვეთის ღონისძიებაც.მუხლი 287. სამუშაოს წარმოებისას გარემოს დაცვის წესის დარღვევა სამრეწველო, სასოფლო-სამეურნეო, სამეცნიერო ან სხვა ობიექტის დაპროექტების, განლაგების, რეკონსტრუქციის, მშენებლობის, საექსპლუატაციოდ გადაცემის ან ექსპლუატაციის დროსგარემოს დაცვის წესის დარღვევა, რამაც გამოიწვია რადიაციული ფონის არსებითი გაუარესება, ადამიანის ჯანმრთელობის დაზიანება, ცხოველთა ან მცენარეული სამყაროს მასობრივი განადგურება ან სხვა მძიმე შედეგი, – ისჯება ჯარიმით ან თავისუფლების აღკვეთით ვადით ორიდან ხუთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.მუხლი 295. ატმოსფერული ჰაერის დაბინძურება1. მავნე ნივთიერების ატმოსფერულ ჰაერში გაფრქვევის ანდა გამწმენდი დანადგარის,ნაგებობის ან სხვა ობიექტის ექსპლუატაციის წესის დარღვევა, რამაც გამოიწვია ატმოსფერული ჰაერის ხარისხის მნიშვნელოვანი გაუარესება, –ისჯება ჯარიმით ან გამასწორებელი სამუშაოთი ვადით ერთ წლამდე ანდა თავისუფლების აღკვეთით ვადით ორ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.2. იგივე ქმედება, რამაც გამოიწვია ადამიანის ჯანმრთელობის დაზიანება, –ისჯება ჯარიმით ან გამასწორებელი სამუშაოთი ვადით ერთიდან ორ წლამდე ან და თავისუფლების აღკვეთით ვადით ორ წლამდე.3. ამ მუხლის პირველი ნაწილით გათვალისწინებული ქმედება, რამაც გამოიწვია ადამიანის სიცოცხლის მოსპობა, –ისჯება თავისუფლების აღკვეთით ვადით ორიდან ხუთ წლამდე.მუხლი 303. ხე-ბუჩქნარის უკანონოდ გაჩეხა1. ხე-ბუჩქნარის უკანონოდ გაჩეხა საქართველოს ადმინისტრაციულ სამართალდარღვევათა კოდექსის 641 მუხლის პირველი ნაწილით, 642 მუხლის მე-3 ნაწილით, 66-ე მუხლის მე-2ნაწილით, 151-ე მუხლის მე-2 ნაწილით ან 1511 მუხლის მე-2 ნაწილით გათვალისწინებული ადმინისტრაციული სამართალდარღვევის ჩადენისთვის ადმინისტრაციულ სახდელდადებული პირის მიერ ან ხე-ბუჩქნარის უკანონოდ გაჩეხვა, რამაც მნიშვნელოვანი ზიანი გამოიწვია,–ისჯება ჯარიმით ან/და გამასწორებელი სამუშაოთი ვადით ერთ წლამდე ან თავისუფლების აღკვეთით ვადით სამ წლამდე.2. იგივე ქმედება, ჩადენილი არაერთგზის, –ისჯება ჯარიმით ან/და გამასწორებელი სამუშაოთი ვადით ორ წლამდე ან თავისუფლების აღკვეთით ვადით ოთხ წლამდე.მოქალაქეებს გარემოსდაცვით ბერკეტებს სთავაზობს სისხლის სამართლის კოდექსიც. მეათე კარი აღწერს დანაშაულს გარემოს დაცვისა და ბუნებრივი რესურსებით სარგებლობის წესის წინააღმდეგ.აღსანიშნავია, რომ საჯარო სამსახურებს აქვთ ვალდებულება, მიიღონ ინფორმაცია მოქალაქეებისგან სხვადასხვა პრობლემის შესახებ, მიუხედავად იმისა, შედის თუ არა მათ კომპეტენციაში აღნიშნული პრობლემის გამოსწორება.მოქალაქეების გზამკვლევი გარემოსდაცვით სამართალში ნაწილი II.3. საქართველოს ტყეში ან დაცულ ტერიტორიაზე საქართველოს „წითელ ნუსხაში“ შეტანილი ხე-ბუჩქნარის უკანონო გაჩეხვა საქართველოს ადმინისტრაციულ სამართალდარღვევათა კოდექსის 641 მუხლის მე-2 ნაწილით გათვალისწინებული ადმინისტრაციული სამართალდარღვევის ჩადენისთვის ადმინისტრაციულ სახდელდადებული პირის მიერ –ისჯება ჯარიმით ან/და თავისუფლების აღკვეთით ვადით სამიდან ხუთ წლამდე.4. ამ მუხლის მე-3 ნაწილით გათვალისწინებული ქმედება, ჩადენილი არაერთგზის, - ისჯება ჯარიმით ან/და თავისუფლების აღკვეთით ვადით ოთხიდან შვიდ წლამდე.

1728641462

აშშ-ის იუსტიციის დეპარტამენტი Google-ის მფლობელ კომპანია Alphabet-ს, სავარაუდოდ, ბიზნესის ნაწილის, კერძოდ, ბრაუზერ Chrome-ისა და ოპერაციული სისტემა Android-ის გაყიდვას მოსთხოვს.ინფორმაციას Reuters ავრცელებს.აგვისტოში აშშ-ის სასამართლომ დაადგინა, რომ Google-მა, რომელიც ქვეყნის ინტერნეტ-ძიებების 90%-ს იკავებს, უკანონო მონოპოლიის შესაქმნელად და ნაგულისხმევი საძიებო სისტემის შესაქმნელად მილიარდობით დოლარი დახარჯა, რითაც ანტიმონოპოლიური კანონები დაარღვია.იუსტიციის დეპარტამენტი თვლის Chrome და Android ონლაინ-ძიებაზე მონოპოლიის შესანარჩუნებლად გამოიყენება.პროკურორების განცხადებით, შეთავაზებული ზომები მიზნად ისახავს, რომ Google-ის ყოფილი დომინირება მისი ხელოვნური ინტელექტის სწრაფად მზარდ ბიზნესშიც არ გამეორდეს.იუსტიციის დეპარტამენტს, ასევე, შეუძლია, სთხოვოს სასამართლოს, რომ Google-მა ახალ მოწყობილობებზე მისი საძიებო სისტემის დასაყენებლად ან ნაგულისხმევობისთვის თანხის გადახდა ვეღარ შეძლოს.თავად Google სასამართლო გადაწყვეტილების გასაჩივრებას აპირებს და თავის ბლოგში წერს, რომ იუსტიციის დეპარტამენტის წინადადებები რადიკალურია და საქმის სამართლებრივ ჩარჩოს სცილდება.იუსტიციის დეპარტამენტი უფრო დეტალურ წინადადებას სასამართლოში, სავარაუდოდ, 20 ნოემბრამდე წარადგენს, ხოლო 20 დეკემბრამდე Google-ს სიტუაციის გამოსასწორებლად საკუთარი ზომების შეთავაზების უფლება აქვს.bpn.ge

1728641304

აფხაზეთიდან რუსეთში ციტრუსის პირველი კომერციული ტვირთის შეტანა დაიწყო. ინფორმაციას კრასნოდარის საბაჟოს პრესსამსახური ავრცელებს.კერძოდ, მიმდინარე სეზონზე ადლერის მრავალმხრივი სატრანსპორტო გამშვები პუნქტის თანამშრომლებმა 25 ტონა აფხაზური მანდარინის საბაჟო კონტროლი განახორციელეს. მანდარინის გარდა, რუსეთში 3 ტონაზე მეტი აფხაზური ფეიხოა შევიდა.მთლიანობაში, ამ დროის მონაცემებით, აფხაზეთიდან რუსეთში 28 ტონაზე მეტი სოფლის მეურნეობის პროდუქცია არის იმპორტირებული.რუსეთის ფედერალური საბაჟო სამსახურის სამხრეთ საბაჟო სამმართველოს ვებგვერდზე წერია, რომ „მალფუჭებადი პროდუქციის მიმართ საბაჟო პუნქტზე აუცილებელი საბაჟო ოპერაციები პრიორიტეტულად და უმოკლეს დროში ტარდება“.გასულ წელს აფხაზეთიდან ციტრუსის პირველი პარტიის მიწოდება ოქტომბრის პირველ ნახევარში დაიწყო. მთელი სეზონის განმავლობაში, ანუ 2023 წლის ოქტომბრიდან 2024 წლის მარტამდე პერიოდში რუსეთში, დაახლოებით, 25 ათასი ტონა მანდარინი შევიდა. მიმდინარე სეზონზე მანდარინის მიწოდების მოცულობა შარშანდელ დონეზე არის დაგეგმილი.აფხაზეთის დე ფაქტო საბაჟო სამსახურის მონაცემებით, 8 ოქტომბრის მდგომარეობით რუსეთში უკვე 21 ტონა მანდარინი არის ექსპორტირებული, რაც ადრეული ჯიშების მოსავალია.აფხაზეთში წელს ციტრუსის სეზონი, წინა წელთან შედარებით, ადრე დაიწყო და ექსპორტზე უკვე შარშანდელზე საგრძნობლად მეტი მანდარინი არის გატანილი. მაგალითად, წინა წლის ანალოგიურ პერიოდში აფხაზეთიდან რუსეთში მხოლოდ 133 კგ მანდარინი შევიდა.აფხაზეთის სოფლის მეურნეობის დე ფაქტო სამინისტრო, შარშანდელთან შედარებით, ციტრუსის მოსავლის ზრდას 37 ათას ტონამდე პროგნოზირებს.ცნობისთვის: საბჭოთა პერიოდში აფხაზეთში 11 ათას ჰექტარზე 120 ათას ტონამდე ციტრუსი მოდიოდა, ამჟამად კი მხოლოდ 2,900 ჰექტრამდე ფართობი არის გაშენებული, საიდანაც საუკეთესო მოსავლიანობის წლებში, მაქსიმუმ, 50-52 ათასი ტონა მოსავალი მოდის.bpn.ge

1728640313

Bloomberg-ის ინფორმაციით, ტეილორ სვიფტი მსოფლიოში უმდიდრესი ქალი მომღერალია და მისი ქონება $1.6 მილიარდს აღწევს.ამ შედეგით სვიფტმა ყველაზე მდიდარი ქალი მუსიკოსების სიის სათავეში რიანა ჩაანაცვლა და ინდუსტრიაში მხოლოდ Jay-Z-ს ჩამორჩება, რომლის ქონებაც $2.5 მილიარდადაა შეფასებული.მიუხედავად ამისა, რიანა კვლავ ინარჩუნებს "ყველა დროის ყველაზე მდიდარი ქალი მუსიკოსის" ტიტულს, რადგან მომღერლის ქონებამ, პიკურ პერიოდში, $1.77 მილიარდს მიაღწია.მედიაში გავრცელებული ინფორმაციის თანახმად, ტეილორ სვიფტის ქონება მნიშვნელოვნად გაიზარდა მისი მუსიკალური ტურნე The Eras Tour-ის შედეგად, რამაც შემსრულებელს ამ დრომდე $600 მილიონი მოუტანა. ასევე $600 მილიონადაა შეფასებული ტეილორ სვიფტის მუსიკალური კატალოგი, მომღერლის უძრავი ქონების საინვესტიციო ღირებულება კი $125 მილიონია.როგორც ცნობილია, მხოლოდ გასულ წელს Spotify-ის "სტრიმებიდან" სვიფტის შემოსავალი $100 მილიონი იყო.ტეილორ სვიფტს ინდუსტრიის სხვა წარმომადგენლებისგან ისიც გამოარჩევს, რომ ის ერთადერთი მუსიკოსია ისტორიაში, რომელმაც მილიარდერის სტატუსი მხოლოდ მუსიკალური კარიერით მოიპოვა და არა სამეწარმეო საქმიანობით. მილიარდერის სტატუსი სვიფტმა პირველად 2023 წლის ოქტომბერში მიიღო.

1728554076

ავტომობილის მინების დამუქებაზე მოთხოვნა შემცირდა. ამის შესახებ bpn.ge-ს ავტომომსახურების სხვადასხვა კომპანიაში განუცხადეს. თუმცა, ამ დროისთვის, სერვისის ფასი კვლავ მაღალია. კერძოდ, როგორც ავტო ცენტრები განმარტავენ, საფასური 300 ლარიდან იწყება, რასაც მასალის თვითღირებულება განაპირობებს.კომპანიებში ამბობენ, რომ მიმდინარე წლის 3 ივლისის შემდეგ, რაც ავტომობილების მესაკუთრეებს მიეცათ უფლება, შინაგან საქმეთა სამინისტროს თანხმობის გარეშე, წინა გვერდითა მინები 40%-ის ნაცვლად, 60%-მდე დაამუქონ, ერთი თვის განმავლობაში სერვისზე მოთხოვნა 200-500%-მდე იყო გაზრდილი. ამ დროისთვის კი მიმართვიანობა შემცირებულია.„კანონმდებლობით თავიდან გათვალისწინებული იყო 40%-მდე დაბურვა. იმ დროს, მეტი პროცენტულობა რომ არ გამოდიოდა, ცდილობდნენ სალონები გაემუქებინათ, სავარძლები, ჭერი... შემდეგ რეგულაცია შეიცვალა და 60%-მდე გაიზარდა დამუქების შესაძლებლობა, რამაც მოთხოვნა ეგრევე გაზარდა. დღეში 200-300 მომხმარებელი გვყავდა, ეს იყო დაახლოებით, 200%-იანი ზრდა მოთხოვნაზე.რაც შეეხება ფასს, იმიტომ გაიზარდა, რომ რეალურად, იმ პროცენტულობის მასალა, რაც ახლა დასაშვებია, აქ არცერთ ავტოსერვისს არ ჰქონდა. უბრალოდ, არაფერში სჭირდებოდათ 60%-იანი ფირი, მაინც ვერავინ გააკრავდა. შესაბამისად, ეს ფირები უნდა გვეყიდა და რადგან მოთხოვნა გაიზარდა, თვითონ მწარმოებლებმაც გააძვირეს პროდუქცია. მიუხედავად იმისა, რომ ხელობის ფასი იგივე დარჩა, გაძვირდა მასალა და ტრანსპორტირება, ამიტომ გაიზარდა ამ სერვისის ღირებულებაც.ახლა უკვე ფასიც მეტ-ნაკლებად დასტაბილურდა. ჩვენ შემთხვევაში, 140 ლარად ვაკეთებთ წინა გვერდითა მინებს, იგივე თანხაა უკანა გვერდითა მინების დამუქებაზე, დამატებითი მინების ფასი 60 ლარია (წყვილზე) და უკანა საქარე მინას ვბურავთ 160 ლარად. ჩვენი კომპანიის შემთხვევაში, ეს ფასი, წინანდელთან შედარებით 20-30 ლარით არის გაზრდილი.სხვადასხვა კომპანია განსხვავებულ ფასად ბურავს, იმიტომ, რომ სხვადასხვა მწარმოებელთან აქვს ურთიერთობა, ზოგს თვითონვე ჩამოაქვს. ამასთან, თუ მწარმოებელი კომპანია არის ამერიკული, რა თქმა უნდა, უფრო ძვირი იქნება, რადგან თვითონ გაძლევს მაგ ფასად, მაგრამ თუ არის, მაგალითად, ჩინური, ის შედარებით იაფია,“ - განუცხადეს bpn.ge-ს best auto-ში.New auto-ში ამბობენ, რომ მოთხოვნის შემცირება სეზონს უკავშირდება, რადგან მინებს ძირითადად, მზისგან დაცვის მიზნით ბურავენ.„როცა კანონმდებლობა შეიცვალა, დაახლოებით, ერთი თვე, მოთხოვნა იყო ძალიან მაღალი. ახლა საგრძნობლად დაიკლო. ფასი დამოკიდებულია ავტომობილის ტიპზე, წლოვანებაზე და ა.შ. ყველა დეტალი გასათვალისწინებელია. ამ დროისთვის, ღირებულება იწყება 300 ლარიდან.მე ვფიქრობ, მოთხოვნის კლება სეზონთანაც არის დაკავშირებული, ზამთარში დიდად არ სჭირდებათ მინების დაბურვა, ამას ხომ ძირითადად მზის სხივების შესაკავებლად აკეთებენ,“- ამბობენ new auto-ში.შეგახსენებთ, რომ საქართველოს შინაგან საქმეთა სამინისტროს წლევანდელი, 2 ივლისის ბრძანებით, 3 ივლისიდან წინა გვერდითა მინების დამუქების პროცენტულობა შეიცვალა. კერძოდ, ავტოსატრანსპორტო საშუალების მესაკუთრეებს მიეცათ უფლება, შინაგან საქმეთა სამინისტროს თანხმობის გარეშე, წინა გვერდითა მინები 40%-ის ნაცვლად, 60%-მდე დაამუქონ. ახალი წესის თანახმად, წინა გვერდითა მინების დამუქება დასაშვებია 60%-ით, უკანა გვერდითა მინების - 75%-ით, ხოლო წინა საქარე მინის - 30%-ით.იმისთვის, რომ ავტომობილის წინა გვერდითა მინებზე შუქგამტარობა 60%-ზე, ხოლო უკანა გვერდითა მინებზე 75%-ზე მეტით იყოს შემცირებული, მესაკუთრეს შს სამინისტროსგან სპეციალური თანხმობა ესაჭიროება. წინააღმდეგ შემთხვევაში ავტომობილის მძღოლი/მფლობელი დაჯარიმდება.რაც შეეხება ჯარიმის მოცულობას, ადმინისტრაციულ სამართალდარღვევათა კოდექსის თანახმად, იმ სატრანსპორტო საშუალების მართვა, რომლის მინების შუქგამტარობის შემცირება არაუმეტეს 10%-ით აღემატება ნორმებს, გამოიწვევს 100 ლარით, ხოლო იმ ავტომობილის მართვა, რომლის მინების შუქგამტარობის შემცირება 10%-ზე მეტით აღემატება ნორმებს - 500 ლარით დაჯარიმებას.