თბილისის ნაწილს დღეს ელექტრომომარაგება შეეზღუდება - ქუჩები

1746437427

საქართველოს შრომით ბაზარზე უცხო­ელი მიგრანტების სიჭარბეა.­ რამდენიმე დღის წინ ცნობილი­ გახდა, რომ შს სამინისტრო უცხოელი მიგრანტების დასაქმების­ საკითხის რეგულირებაზე მუშაობს. "იმის გამო, რომ კანონმდებლობა ამ ნაწილში გაუმართავია, იყო შემთხვევები­, როცა სამუშაო ქართველმა დასაქმებულებმა დაკარგეს და მათი ადგილი უცხოელებმა დაიკავეს", - ამბობს შს მინისტრის მოადგილე ალექსანდრე დარახველიძე. როგორც შსს იუწყება, დღეისთვის ქვეყანაში 25 ათასამდე არალეგალი მიგრანტია. რომელი ქვეყნებიდან მოდიან, რას საქმიანობენ ისინი ჩვენთან და რა შეიძლება მოჰყვეს ამას, ამ საკითხებზე ვისაუბრეთ ეკონომიკის ექსპერტ სოსო არჩვაძესთან.- ეს არის ნაწილი იმ ზოგადი პრობლემისა, რაც უკავშირდება გლობალიზაციის პირობებში მოსახლეობის მობილურობის ზრდას. ტექნიკა, ტექნოლოგიები იძლევა საშუალებას, რომ ადამიანები სწრაფად გადაადგილდნენ არა მარტო ერთ ქვეყანაში, არამედ სახელმწიფოთა შორისაც. ამას ხელს უწყობს როგორც სატრანსპორტო-საკომუნიკაციო საშუალებების განვითარება, ისე მოსახლეობის შემოსავლებისა და კეთილდღეობის მატებაც, თანაც ეს არის, ასე ვთქვათ, ქუჩა ორმხრივი მოძრაობით. საქართველოს მოქალაქეები­ მასობრივად არიან გასული ქვეყნიდან და ეს სიცარიელე ივსება სხვა, შედარებით ნაკლებად განვითარებული ქვეყნებიდან, რომლებსაც საქართველოსთან ნაკლები შეხება აქვთ კულტურული, ისტორიული, ეთნოფსიქოლოგიური ნიშნებით და ეს გარკვეული საფრთხის მატარებელია მაშინ, როდესაც ჩვენი­ მოსახლეობის რაოდენობა არ იზრდება.- რას გულისხმობთ?- შემიძლია ერთი რიცხვი დაგისახელოთ: დაბადებულთა და გარდაცვალებათა შორის სხვაობამ ამ საუკუნეში - 2001-დან 2024 წლის ჩათვლით, მხოლოდ 5,8 ათასი შეადგინა. დაიბადა 1 283 400 ბავშვი და იმავე პერიოდში გარდაიცვალა 1 177 600 კაცი. ამასთან, ბოლო 5 წლის განმავლობაში მოსახლეობის ბუნებრივი მოძრაობის­ უარყოფითი სალდო, ანუ გარდაცვალებათა მეტობა დაბადებაზე, არის 31 800. უფრო თვალსაჩინო რომ იყოს, ეს არის იმაზე მეტი, ვიდრე დღეისთვის საჩხერის მუნიციპალიტეტის მოსახლეობაა - ანუ ჩავთვალოთ, რომ 5 წელიწადში ერთი მუნიციპალიტეტისხელა მოსახლეობა დააკლდა საქართველოს მხოლოდ ბუნებრივი მოძრაობის გამო. ამასთან, არის კიდევ მიგრაციული ფაქტორი.2001-2024 წლის ჩათვლით, საქართველოდან გავიდა დაახლოებით 400 ათასით მეტი საქართველოს მოქალაქე, ვიდრე შემოვიდა. შედარებისათვის: ეს არის დაახლოებით 150 ათასით იმაზე მეტი, ვიდრე იყო ტყვეთა გაყიდვის შედეგად საქა­რთველოს დემოგრაფიული ზარალი მთელი­ საუკუნე-ნახევრის განმავლობაში - XVII საუკუნის შუახანებიდან XVIII საუკუნის ბოლომდე.- ეს ფაქტორები ნამდვილად დამაფიქრებელია. რაც შეეხება არალეგალურ მიგრაციას, ამასთან დაკავშირებით რა მონაცემები გაქვთ?- საქართველოში შემოდის სხვა ქვეყნის უფრო მეტი მოქალაქე, ვიდრე გადის. ეს ტენდენცია წლიდან წლამდე შენარჩუნებულია. სამწუხაროდ, საუკუნის დამდეგს სათანადო სტატისტიკის არარსებობის გამო ზუსტი ინფორმაცია ამის თაობაზე არ არის და შესაძლოა ესეც არის იმის განმაპირობებელი, რომ დაუზუსტებელი მონაცემები არსებობს ემიგრაციაზეც. მაგრამ რომ ავიღოთ 2012 წლის შემდგომი პერიოდი, ამის მიხედვით საქართველოში შემოვიდა 272 ათასით მეტი სხვა ქვეყნის მოქალაქე, ვიდრე გავიდა. რამდენი იყო მანამდე და როგორია ფაქტობრივი მდგომარეობა, ძნელი საკითხავია.თბილისი ყოველთვის იყო მულტი­კულტურული და მრავალეთნიკური, მრავა­ლკონფესიური ქალაქი, მაგრამ ახლა იგრძნობა მულტირასობრივ ქალაქად მისი ტრანსფორმირება და ამას თანამდევი შედეგებიც მოჰყვება.განსხვავებული მენტალიტეტის, ფსიქიკის, ფასეულობათა მქონე პირთა მომძლავრებით შესაძლოა დისკომფორტი შეიქმნას მკვიდრი მოსახლეობისთვის. ჩვენი მოსახლეობის ბუნებრივი მატების ტემპი რომ საკმაოდ სწრაფი იყოს და მოსახლეობის რიცხოვნობა კი არ იკლებდეს, არამედ სოლიდურად მატულობდეს, ეს შესაძლოა ნაკლებად დამაზიანებელი ყოფილიყო, მაგრამ როდესაც მკვიდრი მოსახლეობის რაოდენობა არ იზრდება, ცალკეული წლების მიხედვით, პირიქით, მცირდება, ბუნებრივი მატების მაჩვენებელი ნეგატიურია, ასეთ პირობებში უცხო კულტურისა და ფასეულობების წარმომადგენელთა მომატება ქვეყანაში სერიოზული საფრთხის მატარებელია როგორც დემოგრაფიული, ისე სახელმწიფოებრივი უსაფრთხოების თვალსაზრისით.- როგორც ითქვა, შემოსულთა უმრავლესობა არალეგალურად იმყოფება ჩვენს ქვეყანაში. როგორ ხვდებიან აქ?- უვიზო რეჟიმით ჩამოსვლის შემთხვევაში აღრიცხვიანობის სისტემაში არსებული ხარვეზების გამო, ზუსტი რიცხვის დადგენა ვერ ხერხდება. ეს დამახასიათებელია თანამედროვე ეპოქისთვის, არა მარტო დემოკრატიული ქვეყნებისთვის, არამედ ისეთი ავტორიტარული სახელმწიფოებისთვისაც, როგორიც ჩინეთია. ერთ-ერთი ბოლო აღწერის დროს ხელმეორე, საკონტროლო ჩამოვლის შედეგად ჩინეთში აღმოაჩინეს დამატებით 65 მილიონი კაცი პირვანდელ აღწერასთან შედარებით და ახლა იქ, სადაც სახელმწიფო ინსტიტუტები გაცილებით მკაცრად დგანან ავტორიტარული რეჟიმის სადარაჯოზე, იქ რომ ასეთი პრობლემებია, ჩვენთან, სადაც გაცილებით ლიბერალურია შემოსვლა-გასვლის რეჟიმი, ეს ნამდვილად მოსალოდნელი იყო.ახლა აქცენტი უნდა გაკეთდეს არა იმაზე, რა გვეშველება, არამედ იმაზე, რომ არალეგალურად და ლეგალურად შემოსულებმა არ გადადგან ისეთი ნაბიჯები, რაც დააზიანებს სახელმწიფოს ინტერესებს, მშვიდობას, ქვეყნის განვითარების მოდელს.- შინაგან საქმეთა მინისტრის მოადგილე­ ალექსანდრე დარახველიძე აღნიშნავდა, რომ არალეგალურად მცხოვრებთა რიცხვი 20-25 ათასია. სად საქმდებიან ისინი?- დასაქმებული არიან შედარებით ნაკლებად პრესტიჟულ ან გაცილებით მობილურ საქმიანობაზე, რომელიც არ საჭიროებს შედარებით მაღალ კვალიფიკაციას, ენის სრულყოფილად ცოდნას. ასეთი სიტუაცია დამახასიათებელია განვითარებული­ ქვეყნებისთვის. თავის დროზე ამ პრობლემის წინაშე დადგნენ გერმანია, საფ­რანგეთი და იმის გათვალისწინებით, რომ საქა­რთ­ველომ­ შეძლო 90-იან წლებში­ თავის­ დაძვრენა, განვითარება, დღეს მოსახლეობის 1 სულზე წარმოებული სამამულო პროდუქტის სიდიდე, მყიდველობითუნარიანობის პარიტეტით, საშუალო მსოფლიო დონეს დაახლოებით 25%-ით აღემატება, მაშინ როდესაც 2012 წელს 30%-ით ჩამორჩებოდა, ეს არის გარკვეული მიმზიდველობის ფაქტორი შედარებით დაბალგანვითარებული ქვეყნებიდან აქ ჩამოსასვლელად. როგორც საქართველოდან მიდიან შედარებით განვითარებულ ქვეყნებში იმისთვის, რომ მეტი შემოსავლის მიღებით გადაჭრან პრობლემები, საბანკო სესხით დაწყებული, ბიზნესის წამოწყებით დამთავრებული და ა.შ., ასევე საქართველო გახდა ამ მიმართუ­ლებით საინტერესო სივრცე, შედარებით დაბალგანვითარებული ქვეყნებიდან ჩამოსუ­ლებისთვის. ამას დავუმატოთ ისიც, რომ საქართველოში ყოველი მე-5 სტუდენტი უცხოური წარმომავლობისაა. დაახლოებით 40 ათასამდე სტუდენტია, მაშინ როდესაც 5 წლის წინ მათი წილი 10%-ზე ნაკლები იყო. მეორე მხრივ, ეს კონტინგენტი საქართველოში შემოდის არა მარტო იმიტომ, რომ ფინანსური ხარჯის პოტენციალი აქვს ბინის დაქირავების, კვების, ტრანსპორტირების და რიგი სხვა მიმართულებით, არამედ იმისთვის, რომ ეს კონტინგენტი ქართველი ახალგაზრდების­, სტუდენტების ნაწილის მსგავსად, ცდილობს დასაქმდეს და ამით ცხოვრების პირობები მეტ-ნაკლებად გაიუმჯობესოს. ამიტომ, ვფიქრობ, დასაქმებულთა რაოდენობაში უცხოელი კონტინგენტი უფრო მასშტაბურად არის წარმოდგენილი, ვიდრე ზემოთ დასახელებული არალეგალების რაოდენობა.ძირითადად, რა სამუშაოებზეა საუბარი?­ პირადი დაკვირვებით თუ ვიტყვი, ხშირად შემხვედრიან კურიერები - ამ სფეროში ყველაზე მეტი დასაქმებულია, თუმცა შესაძლოა იყვნენ სატრანსპორტო მომსახურებითაც დაკავებული, არა მარტო მგზავრების გადაყვანის, არამედ ტვირთების გადატანისა და რიგი სხვა ასპექტების მიხედვით.- რა შეიძლება გააკეთოს ქვეყანამ, რათა ადგილობრივებს დასაქმებაში არალეგალებმა, რომლებიც დაბალ ანაზღაურებაზეც არ ამბობენ უარს, არ შეუქმნან პრობლემა?- ევროკავშირში უცხო­ელს შეუძლია ლეგალურად დასაქმდეს, თუ გამოცხადებული ვაკანსიით ქვეყნის მოქალაქე არ დაინტერესდება... ვერც ერთ ქვეყანაში ვერ ხერხდება არაფორმალური დასაქმების, მათ შორის უცხოელი შრომითი მიგრანტების აბსოლუტური შეზღუდვა. ამგვარი დასაქმება დამქირავებლისა და დაქირავებულის ეკონომიკური ინტერესების თანხვდენაზე გადის. ხშირად ეკონომიკური ინტერე­სები სძალავს სახელმწიფოებრივ და პატრიოტულ ინტერესებს. ეს მოცემულობაა და სიმართლეს თვალი უნდა გავუსწოროთ, მთავარია, არ მიიღოს სახიფათო მასშტაბი. შედეგი უნდა იყოს ერთი - მინიმუმამდე შემცირდეს არაფორმალური დასაქმება, მონიტორინგი უცხოელ შრომით მიგრანტებზე და მათი დასაქმების დროს არ იყოს უგულებელყოფილი ადგილობრივ დასაქმებულთა ინტერესები. არა მარტო ლეგალურ და არალეგალურ შრომით მიგრანტებზეა საუბარი, არამედ მსხვილმასშტაბიანი პროექტების რეალიზაციის დროს გასათვალისწინებელ საკითხებზეც. ახლა, მაგალითად, რიკოთის მონაკვეთზე ავტობანის მშენებლობაზე დასაქმების ანალოგიურად კიდევ სხვა მსხვილმასშტაბიანი პროექტების რეალიზაცია მოგვიხდება და ამიტომ მკაცრად უნდა განისაზღვროს საქართველოს მოქალაქეთა მონაწილეობის დონე, ხელფასის თანაფარდობა და ა.შ. რიგი პარამეტრები, სადაც მაქსიმალურად იქნება ადგილობრივი კონტინგენტის ინტერესები გათვალისწინებული. ეს მოგვცემს საშუალებას, ქვეყნის სახელმწიფოებრივი ინტერესები შრომითი დასაქმების სფეროში იყოს მაქსიმალურად დაცული და გათვალისწინებული.

1746434158

ბრიტანული ნავთობისა და გაზის გიგანტი, Shell კონკურენტი კომპანია BP plc-ის შეძენას განიხილავს - ინფორმაციას Bloomberg წყაროებზე დაყრდნობით ავრცელებს.აქამდე ეს კომპანიები ერთმანეთის კონკურენტები იყვნენ.საბოლოო გადაწყვეტილება ჯერ არ არის მიღებული და დამოკიდებული იქნება იმაზე, გააგრძელებს თუ არა BP-ის აქციები ვარდნას. ბოლო ერთი წლის განმავლობაში BP-ის აქციებმა ღირებულების მესამედი დაკარგეს.მოლაპარაკებები საწყის ეტაპზეა და შესაძლოა, Shell-მა, მასშტაბური შერწყმის ნაცვლად, აქციების უკან გამოსყიდვასა და დამატებით შესყიდვებზე გაამახვილოს ყურადღება. ამასთან, Bloomberg-ის წყაროები აცხადებენ, რომ BP-ის შესყიდვის ტენდერში მონაწილეობას სხვა მსხვილი ენერგეტიკული კომპანიებიც აანალიზებენ.სააგენტოს შეფასებით, ამ კორპორაციების პოტენციური შერწყმა ნავთობისა და გაზის ინდუსტრიის ისტორიაში ერთ-ერთი უმსხვილესი შესყიდვა იქნება, რაც Shell-ს მასშტაბურ შესაძლებლობას მისცემს, კონკურენცია გაუწიოს ისეთ ენერგეტიკულ გიგანტებს, როგორიც Exxon და Chevron-ია.ამასთან, BP-ის წარმატებით შეძენამ შესაძლოა, Shell-ის წარმოება გაზარდოს და კომპანიას საშუალება მისცეს, აშშ-ის ბაზარზე ხელახლა მას შემდეგ შევიდეს, რაც 2021 წელს პერმის აუზში ფიქლის აქტივები ConocoPhillips-ს მიჰყიდა.Shell-ის აღმასრულებელ დირექტორ ვაელ სავანმა Financial Times-ს განუცხადა, რომ BP-ის შესყიდვას Shell-ის აქციების უკან გამოსყიდვა ურჩევნია, რადგან კომპანიამ „საკუთარი საქმეები უნდა მოაგვაროს და მას, ბოლო რამდენიმე წელს მიღწეული პროგრესის მიუხედავად, ჯერ კიდევ ბევრი სამუშაო აქვს.“ცნობისთვის: კომპანია, BP plc ბაქო-თბილისი-ჯეიჰანის ნავთობსადენის ოპერატორი კომპანია BTC Co-ს აქციონერია, რომლის წილიც 30.1%-ს შეადგენს.bpn.ge

1746424749

გარემოს ეროვნული სააგენტოს ცნობით, 5 მაისს მოსალოდნელი ამინდი შემდეგია:დასავლეთ საქართველოში - დროგამოშვებით ღრუბლიანობის მომატება. ღამით ზოგიერთ, დღის მეორე ნახევრიდან უმეტეს რაიონში ხანმოკლე წვიმა და ელჭექი. დღისით დასავლეთის ქარი 10 -15 მ/წმ. ჰაერის ტემპერატურა: დაბლობში ღამით +8, +13°, დღისით +16, +21°; მთაში ღამით +7, +12°, დღისით +15, +20°; მაღალმთაში ღამით +3, +8°, დღისით +13, +18°.აღმოსავლეთ საქართველოში - დროგამოშვებით ღრუბლიანობის მომატება. უმეტეს რაიონში ხანმოკლე წვიმა და ელჭექი, ზოგან შესაძლებელია ძლიერი და სეტყვა. დღის მეორე ნახევრიდან დასავლეთის ქარი 10-15 მ/წმ. ჰაერის ტემპერატურა: ბარში ღამით +11, +16°, დღისით +19, +24°; მთაში ღამით +7, +12°, დღისით +15, +20°; მაღალმთაში ღამით +4, +9°, დღისით +10, +15°.თბილისში - დროგამოშვებით ღრუბლიანობის მომატება. ხანმოკლე წვიმა ელჭექით. დღის მეორე ნახევრიდან ჩრდილო-დასავლეთის ქარი 10-15 მ/წმ. ჰაერის ტემპერატურა: ღამით +14°, დღისით +22°.უფრო დეტალურად, 5-6 მაისს მოსალოდნელი ამინდი ასეთია:თბილისში - დროგამოშვებით ღრუბლიანობის მომატება, ხანმოკლე წვიმა ელჭექით. დღის მე-2 ნახ-დან ჩრდ/დასავლეთის ქარი 10-15მ/წმ. ჰაერის ტემპერატურა: დღისით +22°. ღამით+12 ,სოხუმი - დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 9-14მ/წმ. ჰაერის ტემპერატურა: დღისით +17°, ღამით+12 °.გაგრა - დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 8-13მ/წმ. ჰაერის ტემპერატურა: დღისით +16°, ღამით +12 °.ოჩამჩირე - დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 9-14მ/წმ. ჰაერის ტემპერატურა: დღისით +17°, ღამით +12°.ბათუმი- დროგამოშვებით ღრუბლიანობის მომატება. დღის მე-2 ნახ-დან შესაძლებელია ხანმოკლე წვიმა ელჭექით. სამხრეთ-დასავლეთის ქარი 10-15მ/წმ. ჰაერის ტემპერატურა: დღისით +18°, ღამით+12°.ქობულეთი- დროგამოშვებით ღრუბლიანობის დღის მე-2 ნახ-დან შესაძლებელია ხანმოკლე წვიმა ელჭექით. სამხრეთ-დასავლეთის ქარი 10-15მ/წმ. ჰაერის ტემპერატურა: დღისით +17°, ღამით+11 °.ფოთი - დროგამოშვებით ღრუბლიანობის მომატება. დღის მე-2 ნახ-დან ხანმოკლე წვიმა ელჭექით. სამხრეთ-დასავლეთის ქარი 10-15მ/წმ. ჰაერის ტემპერატურა: დღისით +17°, ღამით +12°.ხულო - დროგამოშვებით ღრუბლიანობის მომატება. დღის მე-2 ნახ-დან ხანმოკლე წვიმა ელჭექით. დასავლეთის ქარი 8-13მ/წმ. ჰაერის ტემპერატურა: დღისით +15°, ღამით+6°.ქუთაისი - დროგამოშვებით ღრუბლიანობის მომატება. დღის მე-2 ნახ-დან ხანმოკლე წვიმა ელჭექით. დასავლეთის ქარი 9-14მ/წმ. ჰაერის ტემპერატურა: დღისით +20°, ღამით +12°.ჭიათურა - დროგამოშვებით ღრუბლიანობის მომატება. დღის მე-2 ნახ-დან ხანმოკლე წვიმა ელჭექით. დასავლეთის ქარი 8-13მ/წმ. ჰაერის ტემპერატურა: დღისით +19°, ღამით +10°.ამბროლაური- დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 8-13მ/წმ. ჰაერის ტემპერატურა: დღისით +20°, ღამით +8°.ცაგერი- დროგამოშვებით ღრუბლიანობის მომატება, ხანმოკლე წვიმა ელჭექით. დასავლეთის ქარი 8-13მ/წმ. ჰაერის ტემპერატურა: დღისით +20°, ღამით+8°.ონი- დროგამოშვებით ღრუბლიანობის მომატება. ხანმოკლე წვიმა ელჭექით. დასავლეთის ქარი 7-12მ/წმ. ჰაერის ტემპერატურა: დღისით +17°, ღამით+7°.მესტია- დროგამოშვებით ღრუბლიანობის მომატება. ხანმოკლე წვიმა ელჭექით. დასავლეთის ქარი 6-11მ/წმ. ჰაერის ტემპერატურა: დღისით +17°, ღამით+6°.გორი- დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +21°, ღამით +9°.ახალგორი- დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +19°, ღამით +8°.ჯავა- დროგამოშვებით ღრუბლიანობის მომატება. ხანმოკლე წვიმა ელჭ. დღის მე-2 ნახ-დან დასავლეთის ქარი 9-14მ/წმ. ჰაერის ტემპერატურა: დღისით +18°, ღამით+7°.ცხინვალი - დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +20°, ღამით+8°.სტეფანწმინდა- დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +12, ღამით+6°.გუდაური- დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 8-13მ/წმ. ჰაერის ტემპერატურა: დღისით +10, ღამით+3°.თიანეთი - დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +19, ღამით+7°.ახალციხე- დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 8-13მ/წმ. ჰაერის ტემპერატურა: დღისით +20, ღამით+9.ბორჯომი- დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 8-13მ/წმ. ჰაერის ტემპერატურა: დღისით +19, ღამით+10.ბაკურიანი - დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +14, ღამით+4.თელავი - დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +22°, ღამით+13°.ყვარელი - დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +23°, ღამით+14°.საგარეჯო - დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +22°, ღამით+12°.სიღნაღი - დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +23, ღამით+13°.დედოფლისწყარო - დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +22, ღამით+13°.ლაგოდეხი - დროგამოშვებით ღრუბლიანობის მომატება. ხანმოკლე წვიმა ელჭექით. დღის მე-2 ნახ-დან დასავლეთის ქარი 10-15 მ/წმ. ჰაერის ტემპერატურა: დღისით +24, ღამით+14°.

1746424696

თბილისში, დღეს გადაუდებელი სამუშაოების ჩატარების გამო ელექტრომომარაგება დროებით შეიზღუდება. თელასი ქუჩები ჩამონათვალს აქვეყნებს.ისნის რაიონი გადაუდებელი სამუშაოების გამო 10:00 საათიდან 13:00 საათამდე შეზღუდვა შეეხება: მეტროსადგური „ავლაბარის“ მიმდებარე ტერიტორიის, წმინდა ქეთევან დედოფლის გამზირის (ნაწილობრივ), ფაღავას, ლადო მესხიშვილის, ცისკრის და გონაშვილის ქუჩების მოსახლეობას.საბურთალოს რაიონი გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: დავარის, ასმათის და ვეფხისტყაოსნის ქუჩების მოსახლეობას.ნაძალადევის რაიონი გადაუდებელი სამუშაოების გამო 10:30 საათიდან 18:00 საათამდე შეზღუდვა შეეხება: სანზონის დასახლების, მუხრანის, ჩარგლის, ტიბაანის, თიანეთის, გუდამაყრის, ხორნაბუჯის, ბეინაშვილის, დავით გარეჯელის, თმოგვის, ქართლის, ქსოვრელის, ბეჟანიშვილის და ილურიძის ქუჩების მოსახლეობას.დიდუბის რაიონი გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: დიღმის მასივის III, VI კვარტალების მოსახლეობას.სამგორის რაიონი გადაუდებელი სამუშაოების გამო 11:00 საათიდან 15:00 საათამდე შეზღუდვა შეეხება: მოსკოვის გამზირის (ნაწილობრივ), ილია ბაბუციძის, ქინძმარაულის, თავკვერის, რევაზ მამისაშვილის, ნაკადულის და გრიგოლ ლორთქიფანიძის ქუჩების მოსახლეობას.კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

1746352260

ხელოვნურ ინტელექტს, ალბათ, თქვენც ხშირად ესაუბრებით, იქნება ეს სამსახურებრივი საკითხები თუ პირადი ამბები და ამაში დღეს უცნაური არც არაფერია. თუმცა, რას იტყვით, რომ გითხრათ, ჩეტბოტმა ექიმებს აჯობაო? რომ ქალს აღწერილი სიმპტომების საფუძველზე კიბოს დიაგნოზი დაუსვა, როცა ეს ექიმებს ყურადღების მიღმა დარჩათ?!ამბავი ასეთია — ამერიკაში მცხოვრებმა 40 წლის ქალმა ლორენ ბანონმა გასული წლის თებერვალში აღმოაჩინა, რომ დილით და საღამოს თითების მოხრა უჭირდა… მართალია, რევმატოიდულ ართრიტზე კვლევები შედეგიანი არ იყო, მაგრამ ბოლოს მაინც ეს დიაგნოზი დაუსვეს. მალევე ქალს მუცლის ტკივილი დაეწყო, ერთ თვეში 7 კილო დაიკლო, ეს კი უკვე ექიმებმა მჟავა რეფლუქსს დააბრალეს.რა თქმა უნდა, პაციენტი უკმაყოფილო იყო, ამიტომაც გადაწყვიტა ChatGPT-ის გასაუბრებოდა, რომელსაც მანამდე მხოლოდ სამსახურებრივი მიზნებისთვის იყენებდა. აუხსნა, რომ რევმატოიდული ართრიტის მსგავსი ნიშნები ჰქონდა, ჩეტბოტმა კი უპასუხა, რომ შესაძლო იყო მას ჰაშიმოტოს დაავადება ჰქონოდა — ავტოიმუნური მდგომარეობაა, რა დროსაც სხეულის იმუნური სისტემა ფარისებრ ჯირკვალს ებრძვის, იწვევს ანთებასა და ფუნქციონირების შეფერხებას. ამიტომაც ურჩია, ფარისებრი ჯირკვლის პეროქსიდაზას ანტისხეულების (TPO) დონე შეემოწმებინა. „მჭირდებოდა, გამეგო, რა ხდებოდა ჩემს თავს, სასოწარკვეთილი ვიყავი, უბრალოდ ვერ ვიღებდი პასუხებს, რომლებიც მჭირდებოდა“, — ამბობს ის. უკვე 2024 წლის სექტემბერში ჩეტბოტის რეკომენდაცია გაითვალისწინა და ანალიზი გაიკეთა, შედეგებმა ChatGPT-ის ვარაუდი დაადასტურა მიუხედავად იმისა, რომ ოჯახში მსგავსი დაავადება არავის ჰქონია… ამის შემდეგ ექიმებმა პაციენტს ფარისებრი ჯირკვლის ულტრაბგერითი გამოკვლევა ჩაუტარეს, რითაც კისერში ორი პატარა კვანძი აღმოაჩინეს. უკვე ოქტომბერში კი კიბოს დიაგნოზი დაუსვეს.2025 წლის იანვარში კვანძები ამოკვეთეს და იგი დღეს თავს კარგად გრძნობს. ჩეტბოტის მადლიერიცაა და ფიქრობს, რომ მის გარეშე ვერასდროს აღმოაჩენდა ფარულ დაავადებას — „ექიმებმა დამაღალატეს… ChatGPT-ისთვის რომ არ მიმემართა, რევმატოიდული ართრიტის სამკურნალო წამლებს მივიღებდი და შესაძლო იყო, კიბო კისრიდან მთელ სხეულში გავრცელებულიყო“.წყარო: marketer.ge